రాత్రి సమయంలో ప్రయాణించే ప్రయాణికుల కోసం కొత్త నిబంధనలను తీసుకువచ్చిన భారతీయ రైల్వే..!

new rules for night traveling train passengers : భారతీయ రైల్వే ప్రపంచంలోనే నాల్గవ-అతిపెద్దదిగా నెట్‌వర్క్ గా గుర్తింపు సంపాదించింది. బ్రిటిష్ వారి కాలం నుంచి ప్రజలను వారి గమ్యస్థానం చేర్చడంలో భారత రైల్వే ప్రముఖ పాత్ర పోషిస్తుంది. రవాణా వ్యవస్థను కూడా అత్యంత సులభతరం చేయడంలో రైల్వే సమస్త ఎప్పుడూ కూడా ముందు ఉంటుంది. రైల్వే అధికారులు ప్రయాణికులను ఎదుర్కొనే సమస్యలను మెరుగు చేయటం  కోసం ఎప్పటికప్పుడు కొత్త పద్ధతులను అవలంబిస్తూనే ఉంటారు. అయితే రైల్వే అధికారులు ప్రవేశపెట్టిన కొన్ని నిబంధనలు ప్రయాణికులలో ఆందోళనలకు గురి చేస్తూ ఉంటాయి.

 కొత్త నిబంధనలలో రైల్వే అధికారులు రాత్రి 10:00 నుండి ఉదయం 6:00 గంటల వరకు ప్రయాణికుల నిర్ణీత నిద్ర వేళలుగా నిర్దేశించటం జరిగింది. ఈ నిబంధనలను అధికారులు అధికారికంగా ప్రయాణీకులకు తెలియజేయడం జరిగింది. నిబంధనలు పాటించడంలో పొరపాటు చేస్తే జరిమానాలు విధించవచ్చని రైల్వే నివేదికలు సూచిస్తున్నాయి. అంతేకాకుండా ఒక ప్రయాణికుడు వారికి నిర్దేశించిన సీట్లను రాబోయే రెండు స్టేషన్లోపు ఆక్రమించలేకపోతే.. ఆ సీటును మరొక వ్యక్తికి కేటాయించవచ్చని ఇటీవల విడుదల చేసిన నియమాలలో పేర్కొనడం జరిగింది.

 రైల్వే అధికారులు ప్రయాణికుల సౌకర్యాన్ని దృష్టిలో ఉంచుకుని అర్థరాత్రి ఈ నిబంధనలను రూపొందించారు. IRCTC ఆన్-బోర్డ్ TTE (ట్రావెలింగ్ టికెట్ ఎగ్జామినర్), క్యాటరింగ్ సిబ్బంది మరియు ఇతర రైల్వే సిబ్బంది రైళ్లలో ప్రజా మర్యాదలను నిర్వహించాలని మరియు ప్రజలకు మార్గనిర్దేశం చేయాలని కోరారు. ఇంకా ఏసీ కోచ్‌లో ప్రయాణించే ప్రయాణికులు గరిష్టంగా 70 కిలోల లగేజీని తీసుకెళ్లవచ్చు అని నిబంధనలో పేర్కొన్నారు . స్లీపర్ క్లాస్‌లో 40 కిలోలు, సెకండ్ క్లాస్‌లో 35 కిలోల లగేజీ ఉచితం. AC క్లాస్‌లో అదనపు లగేజీ ఛార్జీలతో, ప్రయాణీకులు 150 కిలోలు, స్లీపర్‌లో 80 కిలోలు మరియు రెండవ సిట్టింగ్‌లో 70 కిలోల బ్యాగ్ మరియు బ్యాగేజీని తీసుకెళ్లడానికి అనుమతించబడుతుందని అధికారులు నిబంధనల ద్వారా తెలియజేశారు.

అంతేకాకుండా రాత్రి 10 గంటల తర్వాత, ప్రయాణీకుల టిక్కెట్‌ను తనిఖీ చేయడానికి TTE రాలేరు. రాత్రి లైట్లు తప్ప, అన్ని లైట్లు స్విచ్ ఆఫ్ చేయాలి.రైలు సర్వీస్‌లలో ఆన్‌లైన్ ఫుడ్ రాత్రి 10 గంటల తర్వాత ఆహారాన్ని అందించదు. అయితే, మీరు ఇ-కేటరింగ్ సేవలతో రాత్రిపూట కూడా రైలులో మీ భోజనం లేదా అల్పాహారాన్ని ముందస్తుగా ఆర్డర్ చేయవచ్చు. రాత్రి సమయంలో ప్రయాణించేటప్పుడు ప్రయాణికులు ప్రశాంతంగా ఉండేలా భారతీయ రైల్వే ఈ కొత్త మార్గదర్శకాలను రూపొందించింది.

మరికొన్ని ముఖ్యమైన వార్తలు :

రైల్వే స్టేషన్ మాస్టర్ జీతం, లభించే సదుపాయాల గురించి తెలుసా?

Indian Railways: రైల్వే కోచ్‌లపై ఆకుపచ్చ-నీలం-పసుపు గీతలు ఎందుకు ఉంటాయో తెలుసా..?

Tatkal Train Booking : తత్కాల్ లోనూ టికెట్ దొరకడం లేదా? అయితే ఇలా చేయండి