వచ్చే సంవత్సరం ముంబయిలో అంతర్జాతీయ ఒలంపిక్స్ కమిటీ 2023 సెషన్ నిర్వహించేందుకు భారత్ హక్కులు దక్కించుకుంది. దీంతో 40 ఏండ్ల తరువాత భారతదేశానికి ఆ గౌరవం లభించింది. 1983లో చివరిసారిగా ఢిల్లీలో ఈఐఓసీ సెషన్ నిర్వహించారు. ఆ తరువాత మరల 2023లో అంటే దాదాపు 40 సంవత్సరాలకు భారత్ ఆ విశిష్ట సమావేశానికి ఆతిథ్యం ఇవ్వనున్నది.
Advertisement
ప్రస్తుతం బీజింగ్లో జరుగుతున్న 139వ ఐఓసీ సెషన్లో భారత బృందం ఈ మేరకు అంతర్జాతీయ ఒలింపిక్స్ కమిటీ సభ్యులకు ఓ ప్రెజెంటేషన్ ఇచ్చి ఒప్పించింది. ఇందులో 2008 ఒలింపిక్స్ బంగారు పతక విజేత అభినవ్ బింద్రాతో పాటు ఐఓసీ సభ్యురాలు నీతా అంబానీ, భారత ఒలింపిక్స్ అసోసియేషన్ అధ్యక్షుడు నరిందర్ బాట్రా, కేంద్ర క్రీడా శాఖ మంత్రి అనురాగ్ ఠాకూర్ పాల్గొన్నారు.
Advertisement
ఈ విషయం పట్ల ఐఓసీ సభ్యురాలు, రిలయన్స్ ఫౌండేషన్ చైర్ పర్సన్ నీతా అంబానీ హర్షం వ్యక్తం చేసారు. 40 ఏండ్ల తరువాత భారత్కు అంతర్జాతీయ ఒలింపిక్స్ కమిటీ సమావేశం నిర్వహించే అదృష్టం దక్కిందని.. దీంతో భారత్లోని యువత ఈ ఒలంపిక్స్ విశేషాలను తెలుసుకునేందుకు చక్కటి అవకాశం లభించిందని ఆమె పేర్కొన్నారు. అదేవిధంగా రాబోయే రోజుల్లో భారతదేశంలో ఒలంపిక్స్ క్రీడలు నిర్వహించడం మన కల అని ఆమె తెలిపారు.
Also Read : వేణు మాదవ్ సినిమాలతో ఎంత సంపాదించారు..?ఇప్పుడు ఎంత ఆస్తి ఉంది..!
