Telugu News » ప‌రిగ‌డుపున‌ గోరు వెచ్చ‌ని నీటిని తాగితే ఏం జ‌రుగుతుందో తెలుసా…?

ప‌రిగ‌డుపున‌ గోరు వెచ్చ‌ని నీటిని తాగితే ఏం జ‌రుగుతుందో తెలుసా…?

by AJAY MADDIBOINA

ప్రతిరోజు శరీరానికి సరిపడా నీటిని తాగాలని వైద్య నిపుణులు చెబుతుంటారు. నీరు తాగడం వల్ల ఎంతో ఆరోగ్యంగా హుషారుగా ఉంటారు. అయితే చల్లటి నీరు కంటే గోరువెచ్చని నీరు ఆరోగ్యానికి మంచిదని వైద్య నిపుణులు చెబుతున్నారు. పరిగడుపున గోరువెచ్చని నీటిని తాగితే ఆరోగ్యానికి చాలా మంచిదని చెబుతున్నారు. గోరువెచ్చని నీటిని తాగడం వల్ల శరీరంలోని టాక్సిన్స్ ను బయటకు పంపేందుకు అది సాయపడుతుంది. కాబట్టి ఖాళీకడుపుతో గోరువెచ్చని నీటిని తాగడం అలవాటు చేసుకోవాలి.

Ads

ప్రతి రోజూ గోరువెచ్చని నీటిని తాగడం వల్ల జీర్ణ వ్యవస్థ సరిగా పనిచేస్తుంది. గ్యాస్ట్రిక్ సమస్యలు ఉంటే తొలగిపోతాయి. కడుపు ఉబ్బరం సమస్య ఉన్నవారికి గోరువెచ్చని నీటిని తాగడం వల్ల ఉపశమనం లభిస్తుంది. అంతేకాకుండా గోరువెచ్చని నీటిని ఉదయాన్నే తాగడం వల్ల ఆకలిని పెంచుతుంది. దాంతో అల్పాహారం తీసుకున్నా కూడా సక్రమంగా జీర్ణం అవుతుంది.

తలనొప్పితో బాధపడేవారు ప్రతిరోజూ ఉదయం ఖాళీ కడుపుతో గోరువెచ్చని నీటిని తాగడం వల్ల తలనొప్పి మాయం అవుతుంది. శరీరంలో తగినంత నీటి శాతం లేకపోతే తలనొప్పి వస్తుంది. కాబట్టి నీటిని పుష్కలంగా తాగడం అలవాటు చేసుకోవాలి శరీరానికి సరిపోయేలా నీటిని తాగడం వల్ల చర్మం మెరుస్తుంది.

 

శరీరంలో టాక్సిన్స్ శాతం ఎక్కువ అయితే చ‌ర్మం పై మచ్చలు ఏర్పడతాయి. అంతే కాకుండా చర్మం మెరుపు తగ్గి పోవడం తో పాటు ముడ‌త‌లు వ‌స్తాయి. నీరు చర్మాన్ని పునరుజ్జీవింప చేస్తుంది. కాబట్టి ఉదయాన్నే నీటిని తాగడం వల్ల చర్మం కూడా సౌందర్యవంతంగా మెరుస్తుంది.

also read :గ్యాస్ సిలిండ‌ర్ పేలితే 50ల‌క్ష‌లు…! ప్ర‌తి భార‌తీయుడు తెలుసుకోవాల్సిన 10 హ‌క్కులు ఇవే..!


You may also like