ఐపీఎల్ లో ముంబైకి ఐదు టైటిల్స్ అందించిన ఘనత రోహిత్ శర్మకు ఉంది. తన కెప్టెన్సీతో ఓడిపోయే మ్యాచ్లను కూడా గెలిపించాడు. గత సంవత్సరం సీజన్లో కూడా ముంబైని ప్లేఆఫ్స్ కు తీసుకెళ్లాడు. అలాంటి రోహిత్ కు షాక్ ఇచ్చింది ముంబై ఇండియన్స్. 2024 ఐపీఎల్ లో ముంబై ఇండియన్స్ కెప్టెన్ గా హార్దిక్ పాండ్యాను నియమిస్తూ అధికారిక ప్రకటన చేసింది. దాంతో రోహిత్ ఫ్యాన్స్ మండిపడుతున్నారు. రోహిత్ మంచి ఫామ్ లో ఉన్నాడు.
Fans urge sacked MI captain Rohit Sharma to join SRH
వన్డే వరల్డ్ కప్ లో తన సూపర్ కెప్టెన్సీతో టీమ్ ఇండియాను ఫైనల్ కు చేర్చాడు. జట్టు కోసం ఎన్నో సేవలు చేసిన రోహిత్ ను సడన్ గా కెప్టెన్సీ నుంచి తప్పించడం పెద్ద చర్చగా మారింది. ఇక ముంబైకి కెప్టెన్ గా చేయడం కోసమే గుజరాత్ టైటాన్స్ నుంచి హార్దిక్ పాండ్యాను తెచ్చుకున్నట్లు తెలుస్తోంది. ఇప్పటికే వరల్డ్ కప్ పోయిన బాధలో ఉన్న రోహిత్ కు ఇది మరింత పెద్ద షాక్ అని చెప్పాలి. కెప్టెన్సీ నుంచి రోహిత్ తప్పుకున్నాడా… లేదా…. ఫ్రాంచైజీ తప్పించిందా అన్నది తెలియాలి. మరి 2024 సీజన్లో రోహిత్ ఆడతాడా లేదా అన్నది కూడా అనుమానంగా మారింది. ఇక పాండ్యా కూడా కెప్టెన్ గా ఐపీఎల్లో రాణించాడు.
Advertisement
గుజరాత్ టీం కెప్టెన్ గా ఒకసారి టైటిల్ ఇవ్వడంతో పాటు మరోసారి ఫైనల్ కు తీసుకెళ్లాడు. పటిష్టమైన ముంబై జట్టును ఎలా నడిపిస్తాడో చూడాలి. ఇన్నాళ్లు ముంబై కెప్టెన్ గా ఉన్న రోహిత్ ఇకమీద ఆటగాడిగా కొనసాగుతాడా, లేదా ఫ్రాంచైజీ చేంజ్ అవుతాడా అన్నది చూడాలి. అయితే… రోహిత్ శర్మను హైదరాబాద్ జట్టు కొనుగోలు చేయాలని ఎస్ ఆర్ ఎచ్ ఫ్యాన్స్ డిమాండ్ చేస్తున్నారు. 2025 టోర్నమెంట్ కు ముందు హైదరాబాద్ జట్టు కొనుగోలు చేయాలని చెబుతున్నారు. మరి దీనిపై హైదరాబాద్ జట్టు ఓనర్ కావ్య… ఎలాంటి నిర్ణయం తీసుకుంటుందో చూడాలి.
Advertisement
మరిన్ని క్రీడల వార్తల కోసం ఇక్కడ చూడండి ! తెలుగు న్యూస్ కోసం ఇక్కడ చూడండి.
