రోహిత్ శర్మ, విరాట్ కోహ్లీ మధ్య మళ్ళీ గొడవలు ?

దక్షిణాఫ్రికాతో టెస్ట్ సిరీస్ కోసం టీం ఇండియా స్టార్ బ్యాటర్లు రోహిత్ శర్మ, విరాట్ కోహ్లీ ఒక్క మాట కూడా మాట్లాడకుండా మైదానంలో చెమటోడ్చారు. ఇద్దరు వేరు వేరు పిచ్ లపై ప్రాక్టీస్ చేశారు. గంటకుపైగా ఇద్దరు మాట్లాడకుండా ప్రాక్టీస్ చేశారంటే ఈ టెస్ట్ సిరీస్ కు ఎంత ప్రాధాన్యత ఇస్తున్నారో అర్థం చేసుకోవచ్చు. సూపర్ స్పోర్ట్స్ పార్కులో ఆటగాళ్లందరూ మూడు గంటలకుపైగా ప్రాక్టీస్ చేశారు. రోహిత్ ఆడుతుండగా…. రోహిత్ బ్యాటింగ్ గమనిస్తున్న కోచ్ ద్రవిడ్ దగ్గరకు కోహ్లీ వచ్చి కాసేపు మాట్లాడాడు.

ఆ తర్వాత కోహ్లీ కూడా బ్యాట్ పట్టాడు. సఫారీ గడ్డపై టీమ్ ఇండియా గత 31 సంవత్సరాలుగా ఒక్కటంటే ఒక్క టెస్ట్ సిరీస్ కూడా గెలవలేకపోయింది. 1992 నుంచి దక్షిణాఫ్రికాతో భారత్ 8 టెస్టు సిరీస్ లు ఆడింది. కానీ ఏడింటిలో ఒక్క టెస్ట్ సిరీస్ కూడా గెలవలేదు. అయితే ఇందులో ఓ సిరీస్ డ్రాగా ముగిసింది. కెరీర్ చివరిదశలో ఉన్న కోహ్లీ, రోహిత్ హయాంలో దక్షిణాఫ్రికాపై గెలిచి చరిత్ర సృష్టించాలని టీమిండియా పట్టుదలతో ఉంది.

ప్రపంచకప్ ఓటమి తర్వాత రీఎంట్రీ ఇస్తున్న రోహిత్, విరాట్ కోహ్లీలను గాయపడ్డ సింహాలుగా అభివర్ణించాడు. హెడ్ కోచ్ రాహుల్ ద్రవిడ్ ఫైనల్ మ్యాచ్ లో ఓడిపోవడం ద్వారా కోహ్లీ, రోహిత్ ఎంత బాధపడ్డారో నాకు తెలుసు. నేను వారిని చాలా దగ్గర నుంచి చూసాను. అయితే కెరీర్లో గెలుపు ఓటమిలు చాలా సహజం. ఓడిపోయిన, గెలిచిన ముందుకు సాగిపోవాల్సిందేనని ద్రవిడ్ చెప్పారు. కాగా, డిసెంబర్ 26 నుంచి దక్షిణాఫ్రికాతో భారత్ రెండు టెస్టుల సిరీస్ ప్రారంభమవుతుంది. సెంచూరియన్ వేదికగా తొలి టెస్ట్ కాగా, కేప్ టౌన్ లో జనవరి 3 నుంచి రెండవ టెస్ట్ మొదలవుతుంది. అయితే తొలిటెస్ట్ కు వర్షం ముప్పు పొంచి ఉన్నట్టు తెలుస్తోంది.