పవర్ స్టార్ పవన్ కళ్యాణ్, రానా హీరోలుగా తెరకెక్కుతున్న సినిమా భీమ్లా నాయక్. మలయాళంలో సూపర్ హిట్ గా నిలిచిన అయ్యప్పనుమ్ కోషియం సినిమాకు రీమేక్ గా ఈ చిత్రం తెరకెక్కుతోంది. ఈ సినిమాకు సాగర్ కే చంద్ర దర్శకత్వం వహిస్తున్నారు. మాటల మాంత్రికుడు త్రివిక్రమ్ శ్రీనివాస్ ఈ చిత్రానికి స్క్రీన్ ప్లే అందిస్తున్నారు. ఇక సినిమాలో పవన్ కళ్యాణ్ కు భార్యగా నిత్యామీనన్ నటిస్తున్న సంగతి తెలిసిందే.
Advertisement
అదేవిధంగా రానాకు జోడీగా ఈ సినిమాలో సంయుక్త మీనన్ నటిస్తోంది. ఈ చిత్రానికి తమన్ మ్యూజిక్ అందిస్తున్నారు. సితార ఎంటర్టైన్మెంట్స్ బ్యానర్ పై ఈ చిత్రాన్ని నిర్మిస్తున్నారు. నిజానికి ఈ సినిమా సంక్రాంతి బరిలో నిలవాల్సి ఉంది. కానీ ఆర్ఆర్ఆర్ , రాధే శ్యామ్ సినిమాల విడుదల నేపథ్యంలో ఈ చిత్రాన్ని వాయిదా వేసుకున్నారు. ఇక సినిమాను చిత్ర యూనిట్ సంక్రాంతికి విడుదల చేయలేక పోయింది.
Advertisement
కానీ అభిమానుల కోసం సినిమా నుండి ఓ పోస్టర్ ను విడుదల చేశారు. ఈ పోస్టర్ లో పవన్ కళ్యాణ్ పోలీస్ డ్రెస్ లో పవర్ ఫుల్ లుక్ లో కనిపిస్తున్నారు. అంతేకాకుండా రానా మాస్ లుక్ లో కనిపిస్తున్నారు. ప్రస్తుతం ఈ పోస్టర్ నెట్టింట వైరల్ అవుతోంది. అంతే కాకుండా ఈ సినిమా విడుదల తేదీని చిత్రం మరోసారి ప్రకటించింది. ఈ సినిమాను ఫిబ్రవరి 25న విడుదల చేస్తున్నట్టు ప్రకటించింది. ఇద్దరి మధ్య నెలకొన్న ఈగోల నేపథ్యంలో ఈ సినిమా కథ ఉండబోతుందని టాక్ వినిపిస్తోంది.
