Home » ఆర్ఆర్ఆర్ సీత పాత్రకు మొదట ఆ హీరోయిన్ ను అనుకున్నారా..? కానీ చివరికి ఏం జరిగిందంటే..?

ఆర్ఆర్ఆర్ సీత పాత్రకు మొదట ఆ హీరోయిన్ ను అనుకున్నారా..? కానీ చివరికి ఏం జరిగిందంటే..?

by AJAY
Ad

మెగా పవర్ స్టార్ రామ్ చరణ్… యంగ్ టైగర్ జూనియర్ ఎన్టీఆర్ హీరోలుగా దర్శక ధీరుడు రాజమౌళి దర్శకత్వంలో ఆర్ఆర్ఆర్ అనే భారీ బడ్జెట్ పాన్ ఇండియా మూవీ రూపొందిన విషయం మన అందరికీ తెలిసిందే. ఈ మూవీలో రామ్ చరణ్ సరసన ఆలియా భట్ హీరోయిన్గా నటించగా… ఎన్టీఆర్ సరసన ఓలీవియా మోరిస్ హీరోయిన్లుగా నటించారు. అజయ్ దేవగన్, శ్రేయ, సముద్ర ఖని ఈ మూవీలో కీలకపాత్రల్లో నటించగా… ఎం ఎం కీరవాణి ఈ సినిమాకు సంగీతం అందించాడు. డివివి ఎంటర్టైన్మెంట్ బ్యానర్ పై ప్రముఖ నిర్మాత డివివి దానయ్య ఈ సినిమాను అత్యంత భారీ బడ్జెట్ తో అత్యంత ప్రతిష్టాత్మకంగా నిర్మించాడు.

Advertisement

ఈ మూవీ పోయిన సంవత్సరం మార్చి 25వ తేదీన తెలుగు, తమిళ, కన్నడ, మలయాళ, హిందీ భాషల్లో విడుదల అయ్యి అద్భుతమైన బ్లాక్ బాస్టర్ టాక్ ను తెచ్చుకొని ప్రపంచవ్యాప్తంగా భారీ కలక్షన్లను వసూలు చేసింది. ఈ సినిమాలోని “నాటు నాటు” పాటకు గాను ఇప్పటికే ఆస్కార్ అవార్డు కూడా దక్కింది. అలాగే ఈ మూవీకి ఎన్నో అంతర్జాతీయ పురస్కారాలు కూడా లభించాయి. ఈ మూవీ ద్వారా ఈ సినిమాలో నటించిన నటీనటులకు ఈ మూవీకి పనిచేసిన సాంకేతిక నిపుణులకు ప్రపంచవ్యాప్తంగా గుర్తింపు లభించింది. ఇది ఇలా ఉంటే ఈ మూవీలో తన పాత్ర నిడివి తక్కువ అయినప్పటికీ అలియా భట్ ఈ సినిమా ద్వారా అద్భుతమైన గుర్తింపును సంపాదించుకుంది.

Advertisement

alia bhatt

alia bhatt

ఆలియాభట్ ఈ మూవీలో సీత పాత్రలో నటించింది. ఈ పాత్రకు మొదటగా వేరే హీరోయిన్ ని అనుకున్నారట. కానీ కొన్ని కారణాలవల్ల ఆ ముద్దుగుమ్మ ఈ సినిమాలో నటించకపోవడంతో అలియా భట్ ను తీసుకున్నారట. ఆ విషయాలు ఏమిటో తెలుసుకుందాం… ఈ మూవీలో అలియా భట్ పాత్రకు గాను మొదటగా టాలీవుడ్ టాప్ హీరోయిన్లలో ఒకరు అయినటువంటి రష్మిక మందనను మూవీ యూనిట్ అనుకుందట. అలాగే ఆ పాత్రకు సంబంధించిన స్కెచ్ లను కూడా వేయించారట. రష్మిక అందులో సీత పాత్రకు అద్భుతంగా సెట్ కావడంతో ఈ చిత్ర బృందం ఈ నటిని సంప్రదించిందట.

కాకపోతే అదే సమయంలో రష్మిక ఇతర మూవీలతో బిజీగా ఉండడం వల్ల ఈ సినిమాకు డేట్ లను అడ్జస్ట్ చేయని కారణంగా ఈ సినిమాను చేయలేను అని చెప్పిందట. ఆ తర్వాత మూవీ యూనిట్ ఆలియా భట్ ను సంప్రదించగా ఈనటి కూడా అదే సమయంలో ఇతర మూవీలతో బిజీగా ఉన్నప్పటికీ రాజమౌళి దర్శకత్వంలో పని చేయాలి అనే కారణంతో ఈ సినిమా కోసం తేదీలను అడ్జస్ట్ చేసుకుందట. అలా రస్మిక మిస్ చేసుకున్న పాత్రలో ఆలియా నటించి అద్భుతమైన గుర్తింపును తెచ్చుకుంది.

Visitors Are Also Reading