కింగ్ నాగార్జున హీరోగా నటించిన తాజా చిత్రం ఘోస్ట్. ఈ సినిమా దసరా కానుకగా ప్రేక్షకుల ముందుకు వచ్చింది. సినిమాలో నాగ్ కు జోడిగా బాలీవుడ్ బ్యూటీ సోనాల్ చౌహాన్ హీరోయిన్ గా నటించగా ఈ సినిమాకు పాజిటివ్ టాక్ వస్తోంది. యాక్షన్ థ్రిల్లర్ కథాంశంతో తెరకెక్కిన ఈ చిత్రానికి ప్రేక్షకులు ఫిదా అవుతున్నారు. సినిమాలోని ట్విస్టులు… యాక్షన్ సీన్లు అదిరిపోయాయి అంటూ రివ్యూ ఇస్తున్నారు.
Advertisement
గతంలో నాగార్జున వైల్డ్ డాగ్ సినిమా కూడా యాక్షన్ థ్రిల్లర్ గానే తెరకెక్కింది. కానీ ఈ సినిమా అంచనాలను రీచ్ అవ్వలేకపోయింది. ఇక గోస్ట్ సినిమా మాత్రం సూపర్ హిట్ టాక్ ను సొంతం చేసుకుంది. అయితే ఈ సినిమాను కొంతమంది రిజెక్ట్ చేసినట్టు తెలుస్తోంది. ప్రవీణ్ సత్తార్ దర్శకత్వంలో వచ్చిన ఈ సినిమాను మొదటగా నాగార్జున తనయుడు నాగచైతన్యతో తెరకెక్కించాలని అనుకున్నాడట ప్రవీణ్ సత్తార్. నాగచైతన్యకు స్టోరీ వినిపించగా తనకు ఈ పాత్ర సెట్ అవ్వదేమో అని చైతు రిజెక్ట్ చేసినట్టు తెలుస్తోంది.
Advertisement
అయితే అదే కథ విన్న నాగార్జున ఇంప్రెస్ అయ్యి తాను ఈ సినిమా చేస్తానని ప్రవీణ్ సత్తార్ తో చెప్పాడట. అలా చైతూ రిజెక్ట్ చేసిన కథలో నాగార్జున హీరోగా నటించాడు. అంతే కాకుండా ఈ సినిమాలో హీరోయిన్ గా మొదట ఎఫ్-2 సినిమా హీరోయిన్ మెహ్రీన్ ని అనుకున్నారు. అయితే సినిమాలో హీరోయిన్ బికినీ వేసుకోవాల్సి ఉంటుంది. చాలా సన్నివేశాల్లో బోల్డ్ గా నటించాల్సి ఉంటుంది. ఈ కారణంతో మెహ్రీన్ ఈ సినిమాను రిజెక్ట్ చేసినట్టు తెలుస్తోంది.
అంతేకాకుండా సినిమాలో హీరోయిన్ గా శ్రీలంక బ్యూటీ జాక్వెలిన్ ను కూడా అనుకున్నారట. ప్రస్తుతం పలు ప్రాజెక్టులతో బిజీగా ఉన్న బాలీవుడ్ బ్యూటీ జాక్వెలిన్ ఈ సినిమా చేసేందుకు భారీ రెమ్యూనరేషన్ డిమాండ్ చేసింది. దాంతో చిత్ర యూనిట్ సోనాల్ చౌహాన్ ను హీరోయిన్ గా తీసుకున్నారు. ఇక సోనాల్ చౌహాన్… నాగార్జున పెయిర్ సినిమాలో బాగుందని కామెంట్లు వస్తున్నాయి.
