అఖండ సినిమా భారీ విజయం సాధించడంతో బాలయ్యకు వరుస ఆఫర్లు వస్తున్నాయి. పలువురు దర్శకులు బాలయ్యతో సినిమాలు చేసేందుకు పోటీ పడుతున్నారు. ఇప్పటికే బాలకృష్ణ గోపిచంద్ మలినేని దర్శకత్వంలో ఓ సినిమా చేయడానికి గ్రీన్ సిగ్నల్ ఇచ్చిన సంగతి తెలిసిందే. త్వరలోనే ఈ సినిమా ప్రారంభం కానుంది. ఈ సినిమా యాక్షన్ ఎంటర్ టైనర్ గా తెరకెక్కబోతుంది.
ఈ సినిమా తర్వాత బాలయ్య అనిల్ రావిపూడి దర్శకత్వంలో ఓ సినిమా చేసేందుకు ఒప్పుకొన్నారు. అనిల్ రావిపూడి ఇప్పటికే ఎఫ్ 3 సినిమా షూటింగ్ ను పూర్తి చేసుకున్నారు. దాంతో బాలయ్య సినిమా పైనే ఆయన పూర్తి ఫోకస్ పెట్టనున్నారు. మరో వైపు బాలకృష్ణ కొరటాల శివ దర్శకత్వంలో కూడా ఓ సినిమా చేయబోతున్నారు అంటూ వార్తలు వస్తున్నాయి.
Balayya
ఇదిలా ఉండగానే ఇప్పుడు మరో దర్శకుడి పేరు తెరపైకి వచ్చింది. సీతమ్మ వాకిట్లో సిరిమల్లె చెట్టు లాంటి ఫ్యామిలీ ఎంటర్ టైనర్ ను తీసిన శ్రీకాంత్ అడ్డాల బాలయ్యకు ఒక కథ వినిపించారని ఆ కథ నచ్చడంతో బాలకృష్ణ కూడా సినిమా చేసేందుకు గ్రీన్ సిగ్నల్ ఇచ్చాడని టాలీవుడ్ లో వార్తలు వినిపిస్తున్నాయి. అంతేకాకుండా ఈ చిత్రానికి దిల్ రాజు నిర్మాతగా వ్యవహరిస్తారని టాక్ వినిపిస్తోంది. శ్రీకాంత్ అడ్డాల మొదటి సినిమా కొత్త బంగారు లోకం కూడా దిల్ రాజు నిర్మించిన సంగతి తెలిసిందే. ఆ తర్వాత సీతమ్మ వాకిట్లో సిరిమల్లె చెట్టు కూడా దిల్ రాజు నిర్మించారు. అయితే ఇప్పుడు బాలయ్య సినిమాకు నిర్మాతగా వ్యవహరించే అవకాశాన్ని దిల్ రాజు దక్కించుకున్నారు. ఈ సినిమాపై త్వరలోనే అఫీషియల్ అనౌన్స్మెంట్ కూడా రాబోతున్నట్టు సమాచారం.
