mahanati

బాలీవుడ్‌లోకి కీర్తి సురేశ్..!

Updated By ManamThu, 10/18/2018 - 13:15

Keerthy Suresh‘మహానటి’ చిత్రం తరువాత కీర్తి సురేశ్ క్రేజ్ చాలా పెరిగింది. ఆమెతో పనిచేసేందుకు టాప్ దర్శకనిర్మాతలు ప్రయత్నాలు చేస్తున్నారు. అయితే మహానటితో వచ్చిన స్టార్‌డమ్‌ను కొనసాగించడం కోసం ఆచితూచి అడుగులు వేస్తున్న కీర్తి సురేశ్.. పేరు తీసుకొచ్చే కథలనే ఎంచుకుంటోంది. కాగా ప్రస్తుతం మలయాళ, తమిళ చిత్రాలతో బిజీగా ఉన్న కీర్తి త్వరలో బాలీవుడ్‌లోకి ఎంట్రీ ఇవ్వనుందా అంటే అవుననే సమాధానం వినిపిస్తుంది.

బుధవారం కీర్తి సురేశ్ పుట్టినరోజు కాగా.. ప్రముఖ బాలీవుడ్ దర్శకుడు సిద్ధార్థ్ మల్హోత్రా ఆమెకు శుభాకాంక్షలు చెబుతూ.. ‘‘నీతో పనిచేసేందుకు ఎదురుచూస్తున్నా’’ అంటూ కామెంట్ పెట్టాడు. దానికి స్పందించిన కీర్తి ‘‘థ్యాంక్యు సర్, నేను కూడా వెయిట్ చేస్తున్నా’’ అంటూ కామెంట్ పెట్టింది. కాగా ఇటీవల రాణి ముఖర్జీ నటించిన ‘హిచ్‌కీ’ చిత్రానికి సిద్ధార్థ్ మల్హోత్రా దర్శకత్వం వహించాడు. ఈ చిత్రం విమర్శకుల ప్రశంసలు అందుకొని బాక్సాఫీస్ వద్ద పెద్ద విజయాన్ని సాధించిన విషయం తెలిసిందే. అలాంటి సిద్ధార్థ్, కీర్తి కోసం ఎలాంటి కథను తయారు చేశాడు..? ఏఏ భాషలలో ఈ చిత్రం తెరకెక్కనుంది అని తెలుసుకోవాలనుకుంటే కొద్ది రోజులు ఆగాల్సిందే.

 



మెల్‌బోర్న్ అవార్డును సొంతం చేసుకున్న ‘మహానటి’

Updated By ManamMon, 08/13/2018 - 11:49
Mahanati

అలనాటి తార సావిత్రి జీవిత కథ ఆధారంగా తెరకెక్కిన ‘మహానటి’కి ప్రతిష్టాత్మక అవార్డు దక్కింది. ఆస్ట్రేలియాలో జరిగిన ‘ద ఇంటర్నేషనల్ ఫిలిం ఫెస్టివల్ ఆఫ్ మెల్‌బోర్న్‌’లో ‘మహానటి’ చిత్రానికి ఈక్వాలిటీ ఇన్ సినిమా అవార్డు వచ్చింది. 

అవార్డు గ్రహీతలు వీరే

బెస్ట్ ఇండియన్ ఫిల్మ్: లవ్ సోనియా
బెస్ట్ ఇండియన్ ఫిల్మ్(స్పెషల్ మెన్షన్): గాలి గులియాన్
ఈక్వాలిటీ ఇన్ సినిమా: మహానటి
డైవర్సిటీ అవార్డు: ఫ్రిదా పింటో
ఉత్తమ నటుడు: మనోజ్ బాజ్‌పేయి (గాలి గులియాన్)
ఉత్తమ నటి: రాణి ముఖర్జీ(హిచ్కీ)
ఉత్తమ చిత్రం: సంజు
ఉత్తమ దర్శకుడు: రాజ్ కుమార్ హిరానీ(సంజు)
ఉత్తమ సహాయ నటుడు: విక్కీ కౌశల్(సంజు), రిచా చద్దా(లవ్ సోనియా)
వాంగ్వార్డ్ అవార్డ్: రణ్‌బీర్ కపూర్(సంజు)
ఎక్సలెన్స్ ఇన్ సినిమా: రాణి ముఖర్జీ.



పాట పాడిన కీర్తి సురేశ్  

Updated By ManamThu, 07/26/2018 - 01:41

image‘మహానటి’ తర్వాత కీర్తి సురేశ్ హీరోయిన్‌గా బాగా బిజీ అయిపోయింది. తెలుగు, తమిళ భాషల్లో ఆమె ఆరడజనుకు పైగా సినిమాల్లో నటిస్తోంది. ఇప్పటివరకు నటిగానే అందరికీ పరిచయమైన కీర్తి ఇప్పుడు గాయనిగా కూడా తన టాలెంట్‌ని చూపించేందుకు సిద్ధమైంది. విక్రమ్ హీరోగా హరి దర్శకత్వంలో ‘స్వామి స్క్వేర్’ చిత్రం రూపొందుతున్న విషయం తెలిసిందే. 15 ఏళ్ళ క్రితం వీరిద్దరి కాంబినేషన్‌లోనే వచ్చిన ‘సామి’ చిత్రానికి ఇది సీక్వెల్.

 ఈ చిత్రంలో విక్రమ్ సరసన కీర్తి సురేశ్ నటిస్తోంది. గతంలో చాలా సినిమాల్లో పాటలు పాడిన విక్రమ్ ఈ సినిమాలో కూడా ఒక పాడారు. ఆ పాటలో విక్రమ్‌తో కీర్తి శ్రుతి కలపడం విశేషం. ఈ పాట రికార్డింగ్ దృశ్యాలను సోషల్ మీడియాలో విడుదల చేసింది చిత్ర యూనిట్. ఈ సందర్భంగా అభిమానులనుద్దేశించి కీర్తి ‘‘గాయనిగా ఇది నా తొలి పాట. దీన్ని మీతో షేర్ చేసుకోవడం చాలా ఆనందంగా ఉంది. నా పాట మీకు నచ్చుతుందని ఆశిస్తున్నాను. మీ స్పందన కోసం ఎదురు చూస్తున్నాను’’ అంటూ పాట లింక్‌ను షేర్ చేసింది.
 



అంతకు మించి ఆశించను

Updated By ManamTue, 07/17/2018 - 23:45

imageమహానటి సావిత్రి పాత్రను అత్యద్భుతంగా పోషించి అందరి ప్రశంసలు పొందింది హీరోయిన్ కీర్తి సురేష్. ‘మహానటి’ చిత్రంతో తెలుగు, తమిళ ప్రేక్షకులకు బాగా దగ్గరైన కీర్తికి ఇప్పుడు అవకాశాలు వెల్లువలా వస్తున్నాయి. ఇక తమిళ చిత్ర పరిశ్రమ కీర్తిని ఆకాశానికి ఎత్తేస్తోంది. ఈ సినిమా తర్వాత ఆమె తన పారితోషికాన్ని కూడా బాగా పెంచేసిందని తెలుస్తోంది.

 ఈ విషయంపై కీర్తి సురేష్ స్పందిస్తూ ‘‘కేవలం డబ్బు సంపాదించడానికి నేను సినిమాల్లోకి రాలేదు. నటిగా మంచి పేరు తెచ్చుకోవాలి, అందరికీ గుర్తుండిపోయే పాత్రలు చేయాలి. ఇదీ నా ఆలోచన. హీరోయిన్‌గా డిమాండ్ ఉన్నప్పుడే సంపాదించుకోవాలి అని అంటూంటారు. కానీ, నేను దాన్ని నమ్మను. మనం చేసిన పనికి తగిన ప్రతిఫలం వస్తే చాలు. అంతకుమించి నేను ఆశించను. నటనకే ప్రాధాన్యమిస్తాను తప్ప పారితోషికానికి కాదు’’ అని స్పష్టం చేసింది. ప్రస్తుతం కీర్తి సురేష్ తమిళ సినిమాల్లోనే ఎక్కువ నటిస్తోంది. విక్రమ్‌తో ‘స్వామి స్క్వేర్’, విజయ్‌తో ‘సర్కార్’, విశాల్‌తో ‘సండైకోళి 2’ చిత్రాలు చేస్తోంది.



‘రంగస్థలం’, ‘మహానటి’లకు అరుదైన గౌరవం

Updated By ManamThu, 07/12/2018 - 11:38

Rangasthalam, Mahanatiఈ ఏడాది వేసవిలో విడుదలై బ్లాక్ బస్టర్‌లుగా నిలిచిన ‘రంగస్థలం’, ‘మహానటి’ చిత్రాలకు అరుదైన గౌరవం లభించింది. ఈ యేడాది ఆస్ట్రేలియాలో జరగబోయే మెల్‌బోర్న్ ఫిలిం ఫెస్టివల్‌లో ఈ చిత్రాలు ప్రదర్శింపబడనున్నాయి. ఈ మేరకు ద ఇండియన్ ఫిలిం ఫెస్టివల్ ఆఫ్ మెల్‌బోర్న్-2018 కమిటీ అధికారిక ప్రకటనను విడుదల చేసింది. ప్రాంతీయ చిత్రాలలో తెలుగు నుంచి ఈ రెండు చిత్రాలు ఎంపికవ్వడం విశేషం. ఇక ఈ ఉత్సవాలు ఆగష్టు 10 నుంచి 22వరకు జరగనున్నాయి.

కాగా 80లలో జరిగిన పల్లెటూరి రివేంజ్ డ్రామాగా తెరకెక్కిన రంగస్థలం విమర్శకుల ప్రశంసలు అందుకుంది. అంతేకాదు కొన్ని చోట్ల నాన్ బాహుబలి రికార్డులను కూడా బ్రేక్ చేసింది. మరోవైపు సావిత్రి జీవిత కథ ఆధారంగా తెరకెక్కిన మహానటి అన్ని వర్గాల వారికి ఆకట్టుకుంది. ఈ రెండు చిత్రాలు విదేశీ బాక్సాఫీస్ వద్ద కూడా తెలుగు వారి సత్తాను చాటి చెప్పిన విషయం తెలిసిందే.



ఇంతవరకు నన్ను ఎవరూ అలా అడగలేదు

Updated By ManamSat, 06/30/2018 - 14:59

keerthy ప్రస్తుతమున్న హీరోయిన్లలో కీర్తి సురేశ్‌ది ప్రత్యేక స్థానం. అందాలు ఆరబోతకు దూరంగా ఉండి కమర్షియల్ సక్సెస్‌లను సొంతం చేసుకుంది ఈ బ్యూటీ. అయితే తాజాగా ముద్దు సన్నివేశాలపై తన అభిప్రాయాన్ని చెప్పుకొచ్చింది ఈ బ్యూటీ.

తన వరకు ముద్దు సన్నివేశాల్లో నటించలేనని, అలాంటి సన్నివేశాల్లో నటించేటప్పుడు తనకు బెరుకు ఎక్కువని, అందుకే నటించలేనని చెప్పింది. అంతేకాదు ఇంతవరకు తనను ఎవరూ ముద్దు సన్నివేశాల్లో నటించమని అడగలేదని, తాను ఎంచుకునే కథలు కూడా అలాంటివే ఉంటాయని ఆమె తెలిపింది. ఇకపై కూడా అలాంటి సీన్లలో నటించనని స్పష్టం చేసింది ఈ బ్యూటీ. కాగా ప్రస్తుతం కీర్తి సర్కార్, పందెం కోడి 2 చిత్రాల్లో నటిస్తున్న విషయం తెలిసిందే.



‘మహానటి’కి పన్ను మినహాయింపు పరిశీలిస్తాం: చంద్రబాబు

Updated By ManamSat, 05/26/2018 - 14:33

keerthy suresh ‘మహానటి’ టీంకు ప్రశంసల వెల్లువలు ఆగడం లేదు. ఇప్పటికే సినీ పరిశ్రమకు చెందిన పలువురు మహానటి టీంను సత్కరించగా.. తాజాగా ఏపీ ముఖ్యమంత్రి చంద్రబాబు నాయుడు ‘మహానటి’ టీంకు సన్మానం చేశారు. దర్శకుడు నాగ్ అశ్విన్, నిర్మాతలు ప్రియాంక, స్వప్నాదత్, హీరోయిన్ కీర్తి సురేశ్, సావిత్రి కుమార్తె విజయ చాముండేశ్వరిలను చంద్రబాబు సత్కరించారు.

ఈ సందర్భంగా చంద్రబాబు మాట్లాడుతూ.. సావిత్రి ఆత్మవిశ్వాసం అందరికీ స్పూర్తి అని, ఆమె జీవితకథను బాగా పరిశోధించి నాగ్ అశ్విన్ చిత్రాన్ని తెరకెక్కించారని ప్రశంసలు కురిపించారు. ఈ సినిమాకు పన్ను మినహాయింపును పరిశీలిస్తామని వెల్లడించారు. కాగా విడుదలై మూడు వారాలు దాటినా ఈ చిత్రం థియేటర్లలో ఇంకా సత్తా చాటుతోంది. అటు తమిళనాడు, కేరళలోనూ మంచి కలెక్షన్లను రాబడుతోంది మహానటి.

 

ఫొటోల కోసం కింద లింక్‌ను క్లిక్ చేయండి.

 

‘మహానటి’ సినిమా యూనిట్‌ను సన్మానించిన సీఎం చంద్రబాబు



'మ‌హాన‌టి'.. 12 రోజుల‌ క‌లెక్ష‌న్స్‌

Updated By ManamMon, 05/21/2018 - 20:02

mahanatiఅభినేత్రి సావిత్రి జీవితం ఆధారంగా తెర‌కెక్కిన సినిమా 'మ‌హాన‌టి'. కీర్తి సురేశ్, స‌మంత‌, దుల్క‌ర్ స‌ల్మాన్‌, విజ‌య్ దేవ‌ర‌కొండ‌ ప్ర‌ధాన పాత్ర‌ల్లో నటించిన ఈ చిత్రానికి నాగ్ అశ్విన్ ద‌ర్శ‌క‌త్వం వ‌హించారు. ప్రియాంక ద‌త్ నిర్మించిన ఈ చిత్రం ఈ నెల 9న ప్రేక్ష‌కుల ముందుకు వ‌చ్చింది. తొలి రోజు నుంచే బ్లాక్‌బ‌స్ట‌ర్ హిట్ టాక్ తెచ్చుకున్న ఈ సినిమా.. విడుద‌లైన ప్ర‌తి చోటా మంచి వ‌సూళ్ళు రాబ‌డుతోంది. ట్రేడ్ వ‌ర్గాల స‌మాచారం ప్రకారం.. 12 రోజుల‌కిగానూ (ఆదివారం నాటికి) తెలుగు రాష్ట్రాల్లో రూ.17.32 కోట్ల షేర్ రాబ‌ట్టుకున్న ఈ సినిమా.. ప్ర‌పంచ‌వ్యాప్తంగా రూ.29.12 కోట్ల షేర్ ఆర్జించింద‌ని తెలుస్తోంది. ఇప్ప‌టికే లాభాల బాట ప‌ట్టిన ఈ సినిమా.. బ్లాక్‌బ‌స్ట‌ర్ దిశ‌గా దూసుకుపోతోంది.



‘మహానటి’ సావిత్రి డబ్బింగ్‌ను చూశారా..?

Updated By ManamSun, 05/20/2018 - 13:12

Savitri సావిత్రి జీవితకథ ఆధారంగా నాగ్ అశ్విన్ తెరకెక్కించిన చిత్రం ‘మహానటి’. ఈ చిత్రంలో సావిత్రి పాత్రకు తన నటనతో ప్రాణం పోసింది కీర్తి సురేశ్. సినిమాలోని కొన్ని సన్నివేశాల్లో అయితే కీర్తి, సావిత్రిని గుర్తుచేసింది పలువురు విమర్శకులు ప్రశంసలు కురిపించారు. కాగా ఈ చిత్రం కోసం కీర్తి సురేశ్ చెప్పిన డబ్బింగ్‌కు సంబంధించిన వీడియోను తాజాగా చిత్ర యూనిట్ విడుదల చేసింది. ఆ వీడియోలో కూడా తన క్యూట్ ఎక్స్‌ప్రెషన్స్‌తో మరోసారి అందరినీ ఆకట్టుకుంటోంది కీర్తి సురేశ్. ఇదిలా ఉంటే ఈ చిత్రం బాక్సాఫీస్ వద్ద ఫుల్ కలెక్షన్లతో దూసుకుపోతున్న విషయం తెలిసిందే.

 



2 మిలియన్ క్లబ్‌లో ‘మహానటి’

Updated By ManamSat, 05/19/2018 - 08:24

Mahanati సావిత్రి జీవితకథ ఆధారంగా తెరకెక్కిన ‘మహానటి’ బాక్సాఫీస్ వద్ద కలెక్షన్లతో దూసుకుపోతోంది. ఈ నేపథ్యంలో తాజాగా అమెరికాలో 2 మిలియన్ల క్లబ్‌లో చేరింది మహానటి. కథ, కథనంతో పాటు ప్రధానపాత్రాధారుల నటన, దర్శకత్వం, సంగీతం ఇలా ప్రతి విభాగంలోనూ సినిమా అందరినీ ఆకట్టుకోవడంతో ఈ రేంజ్ కలెక్షన్లు వచ్చినట్లు ట్రేడ్ పండితులు భావిస్తున్నారు.

ఇక ఈ చిత్రంలో కీర్తి సురేశ్ సావిత్రి పాత్రలో కనిపించగా.. దుల్కర్ సల్మాన్, సమంత, విజయ్ దేవరకొండ, రాజేంద్రప్రసాద్, క్రిష్, తరుణ్ భాస్కర్ తదితరులు ముఖ్యపాత్రలో నటించారు. వైజయంతీ మూవీస్ బ్యానర్‌ నిర్మాణంలో స్వప్నా దత్, ప్రియాంక దత్ నిర్మించిన ఈ చిత్రానికి నాగ్ అశ్విన్ దర్శకత్వం వహించారు. మిక్కీ జే మేయర్ సంగీతాన్ని అందించారు.

 





Related News