chandrababu

బాబు-మోదీ మహా నటులు!

Updated By ManamSat, 07/21/2018 - 17:30

YSRCP Leader Ambati Rambabu Sensational Comments On PM Modi and Chandrababu

విజయవాడ: ప్రత్యేక హోదా ఇచ్చేది లేదన్న ప్రధాని మోదీ మాటలు చాలా బాధ కలిగించాయని వైసీపీ నేత అంబంటి రాంబాబు ఆవేదన వ్యక్తం చేశారు. శుక్రవారం పార్లమెంట్‌లో జరిగిన అవిశ్వాస తీర్మానంపై మాట్లాడిన ఆయన.. ప్రధాని మోదీ, సీఎం చంద్రబాబు ఇద్దరూ మహా నటులని వ్యాఖ్యానించారు. ప్రధాని నటన మాత్రమే చేయగలరని.. చంద్రబాబు మాత్రం జీవించలగరని ఆయన విమర్శించారు. 

నాలుగేళ్లుగా ప్రత్యేక హోదాను వైసీపీ సజీవంగా ఉంచిందన్నారు. హోదా కోసం పోరాటంచేస్తుంటే వైసీపీ నేతలు, కార్యకర్తలపై కేసు పెట్టిన విషయాన్ని ఈ సందర్భంగా అంబటి ప్రస్తావనకు తీసుకొచ్చారు. అవిశ్వాసంలో పార్టీలను ఏకం చేసినట్లు చంద్రబాబు హడావుడి చేశారంతేనన్నారు. చంద్రబాబు ఏ లోపాయికారి ఒప్పందం కోసం ఢిల్లీకి వెళ్లారో చెప్పాలన్నారు.  ప్రత్యేక హోదా ఉచ్చులోకి మళ్లీ మళ్లీ టీడీపీని లాగుతామన్నారు.

హోదా అంశాన్ని సమాధి చేయడానికి ప్రధానితో కలిసి చంద్రబాబు అనేక ప్రయత్నాలు చేశారని ఆయన విమర్శలు గుప్పించారు. కేంద్రం కుంభకోణాలు అంటూ ఊదరగొడుతున్న టీడీపీ పార్లమెంట్‌లో ఎందుకు ప్రస్తావించలేదని ఈ సందర్భంగా ఆయన సూటి ప్రశ్న సంధించారు. రాష్ట్రంలో టీడీపీ అవినీతి గురించి మాట్లాడే బీజేపీ నేతలు పార్లమెంట్‌లో ఎందుకు మాట్లాడలేదని ప్రశ్నించాయరాయన. చంద్రబాబు-కేసీఆర్ మధ్య ఏం పంచాయితీ చేశారో టీడీపీ చెప్పాలని అంబటి డిమాండ్ చేశారు. కాగా.. శుక్రవారం పార్లమెంట్‌లో మాట్లాడిన ప్రధాని ప్రత్యేక ప్యాకేజీ మొదలుకుని పలు విషయాలపై మాట్లాడుతూ టీడీపీ, వైసీపీ, టీఆర్ఎస్ ప్రస్తావన తీసుకొచ్చారన్న విషయం తెలిసిందే.



పార్లమెంట్ సాక్షిగా టీడీపీ సీక్రెట్ చెప్పేసిన మోదీ!

Updated By ManamFri, 07/20/2018 - 22:46

PM Modi Reveals Secrets Of TDP Over Special Status

న్యూ ఢిల్లీ: పార్లమెంట్ వేదికగా టీడీపీ బాగోతాన్ని ప్రధాని నరేంద్ర మోదీ బట్టబయలు చేశారు.! టీడీపీ ప్రవేశపెట్టిన అవిశ్వాసంపై లోక్‌సభలో మాట్లాడిన ఆయన.. కేంద్రం ఇచ్చిన ప్యాకేజీ చాలా బాగుందని టీడీపీ కీలక నేత ఒకరు తనతో చెప్పారన్నారు. హోదా వద్దు ప్యాకేజే కావాలని టీడీపీ వాళ్లు కోరిన విషయం ఈ సందర్భంగా ఆయన గుర్తు చేశారు. ప్యాకేజీకి ఏపీ సీఎం చంద్రబాబు ఒప్పుకున్న తర్వాతే ప్రకటించామని.. ఇప్పుడు అంతా అయిపోయిన తర్వాత యూటర్న్ తీసుకుని నిందిస్తే ఎలా..? అని మోదీ టీడీపీకి సూటి ప్రశ్న సంధించారు. ఎంపీలుగా మీకు తెలియని విషయాలన్నీ బయటపెడుతున్నా వినండి అంటూ పార్లమెంట్‌లో టీడీపీ డ్రామాలన్నీ మోదీ బహిర్గతం చేశారు.

2016 సెప్టెంబర్‌ 4న జైట్లీ ప్రకటనను అద్భుతమని టీడీపీనే స్వాగతించిన విషయాన్నీ పార్లమెంట్‌లో ఆయన ప్రస్తావించారు. వైసీపీ విసిరిన అస్త్రంలో మీరు చిక్కుకున్నారని టీడీపీని ఉద్దేశించి ఆయన వ్యాఖ్యానించారు. అనవసరంగా మీ గొడవలో తనను వాడుకోవద్దని చంద్రబాబుకు సూచించాను.  మీ మధ్య పోటీలో నెగ్గుకురాలేరని చంద్రబాబుకు చెప్పానన్నారు. టీడీపీ తన వైఫల్యాన్ని కప్పిపుచ్చుకునేందుకే యూటర్న్ తీసుకుందని ప్రధాని తీవ్ర వ్యాఖ్యలు చేశారు.

"ఎన్డీయే నుంచి బయటికొచ్చిన సమయంలో చంద్రబాబుకు నేను ఫోన్ చేశాను. వైసీపీ అస్త్రంలో చిక్కుకుంటున్నావని చంద్రబాబుతో చెప్పాను. ఇప్పుడు అదే జరుగుతోంది.. ఏపీ ప్రజలకు నేను విశ్వాసం కల్పిస్తున్నాను. ఏపీ అభివృద్ధికి ఎన్డీఏ ప్రభుత్వం వెనకడుగు వేయదు. అనవసరంగా సమస్యను సృష్టించి సభను వాడుకుంటారా..?. ఎన్నికలు దగ్గరపడేకొద్ది టీడీపీ యూటర్న్ తీసుకుంది" అంటూ ప్రధాని మోదీ తీవ్ర ఆగ్రహం వ్యక్తం చేశారు. ప్రధాని మోదీ మాటలతో కంగుతినడం టీడీపీ ఎంపీల వంతైంది.!



బ్రేకింగ్..: ఎంపీ జేసీ రేపు రాజీనామా..!

Updated By ManamThu, 07/19/2018 - 19:14

JC Diwakar Reddy to Resign as TDP MP After No Confidence Motion Discussion

అనంతపురం: టీడీపీ ఎంపీ జేసీ దివాకర్ రెడ్డి సంచలన నిర్ణయం తీసుకున్నారు. గత కొద్దిరోజులుగా పార్టీపై తీవ్ర అసంతృప్తితో ఉన్న ఆయన పార్లమెంట్ సమావేశాలకు కూడా దూరంగా ఉన్నారు. పార్టీ ఎంపీలకు టీడీపీ విప్ జారీ చేసినప్పటికీ సమావేశాలకు పోనంటే పోనని ఖరాకండిగా తేల్చిచెప్పేశారాయన. అయితే ఆయన అసంతృప్తికి అధిష్ఠానం ‘జీవో మందు’ వేయడంతో పార్లమెంట్‌కు వెళతానని అధిష్ఠానానికి స్పష్టం చేశారు.

                         కేశినేనికి షాక్.. గల్లాకు చాన్స్..!

అయితే.. శుక్రవారం నాడు పార్టీ పెట్టిన అవిశ్వాస తీర్మానం ఓటింగ్ అయిపోయిన తర్వాత ఎంపీ పదవికి రాజీనామా చేస్తానని తేల్చిచెప్పారు. టీడీపీ ఎమ్మెల్యే ప్రభాకర్ చౌదరికి ఇచ్చినంత ప్రాధాన్యత పార్టీ తనకు ఇవ్వలేదని జేసీ ఆవేదన వ్యక్తం చేస్తున్నారు. అనంతపురం అభివృద్ధిపై తనకు అభ్యంతరాలున్నాయని జేసీ చెబుతున్నారు. అందుకే జేసీ ఈ సంచలన నిర్ణయం తీసుకున్నట్లు సమాచారం. కాగా పార్లమెంట్ సమావేశాలకు వెళ్లకపోవడానికి కారణాలు తెలుసుకున్న పార్టీ అధిష్ఠానం జీవో పాస్ చేసింది సరే.. ఈ రాజీనామా విషయంలో ఎలాంటి సన్నాహాలు చేస్తుందో వేచి చూడాల్సిందే మరి. గత మూడ్రోజులుగా జేసీ దివాకర్ రెడ్డి షాక్‌ల మీద షాకులిస్తున్నారు.. దీంతో ఏం చేయాలో దిక్కుతోచక టీడీపీ పెద్దలు డైలామాలో పడిపోయారు.

                          జేసీ కోసం జీవో.. ఇక చలో పార్లమెంట్..!

 

కాగా.. జేసీ రాజీనామా చేస్తారని తెలియడంతో అనంతపురంకు చెందిన కొందరు కీలక నేతలు ఆనందం వ్యక్తం చేస్తున్నారట. పైగా సీఎం  చంద్రబాబును మొదలుకుని ఎంపీలందరిపై ఈయన సంచలన వ్యాఖ్యలు చేస్తూ వస్తున్నారు. అంతేకాదు బహిరంగ సభల్లో కూడా పార్టీ పరువుతీస్తున్నారని పలువురు జేసీపై సీఎం చంద్రబాబుకు పలుమార్లు ఫిర్యాదులు కూడా చేశారని తెలుస్తోంది. వీటన్నింటినీ దృష్టిలో పెట్టుకున్న పార్టీ పెద్దలు జేసీ గురించి పెద్దగా పట్టించుకోవట్లేదని సమాచారం.

అందుకే.. పార్టీకి దూరం కావాలని జేసీ కీలక నిర్ణయం తీసుకున్నారట. అయితే ఆయన ఎంపీ పదవికి రాజీనామా చేసిన తర్వాత ఏం చేయబోతున్నారు..? ఏదైనా పార్టీలో చేరతారా..? లేకుంటే టీడీపీలోనే ఉంటారా..? అన్నది తెలియాల్సి ఉంది. కాగా జేసీ బ్రదర్స్ ఇద్దరూ తన కుమారులను రాజకీయాల్లోకి రంగప్రవేశం చేయించాలని పెద్ద ప్లాన్‌తోనే ఉన్నారు. అయితే ఇలాంటి సమయంలో జేసీ ఎందుకీ నిర్ణయం తీసుకున్నారో ఎవరికీ అంతుచిక్కని పరిస్థితి..?. మొత్తానికి చూస్తే.. అవిశ్వాస తీర్మానం విషయంలో టీడీపీలో టెన్షన్ టెన్షన్ నెలకొంది. అయితే తాజాగా ఎంపీ జేసీ ఇచ్చిన షాక్‌తో టీడీపీ అధిష్ఠానానికి అసలేం చేయాలో దిక్కుతోచట్లేదు.

                          టీడీపీకి సడన్ షాకిచ్చిన ఎంపీ జేసీ



చంద్రబాబు చివరి ప్రయత్నం ఫలించేనా?

Updated By ManamSun, 07/15/2018 - 19:39

Will Chandrababu Success Final Attempt On Centre

అమరావతి: ఏపీకి కేంద్రం ఇచ్చిన విభజన హామీలు, నిధులు రాబట్టుకునే విషయంలో సీఎం చంద్రబాబు నాయుడు మరో అడుగుముందుకేశారు. త్వరలో చివరి పార్లమెంట్ సమావేశాలు జరగనుండటంతో కేంద్రంపై ఆఖరి అస్త్రం వదిలేందుకు సీఎం సిద్ధమయ్యారు. మొదట జాతీయ స్థాయి పార్టీ నేతల మద్దతు కూడగట్టుకునే పనిలో టీడీపీ ఎంపీలు నిమగ్నమయ్యారు. ఇందుకు ఎంపీలతో కూడిన ఆరు బృందాలను చంద్రబాబు తయారుచేశారు. ఈ క్రమంలో టీడీపీకి చెందిన ఎంపీలందరూ 18పార్టీల నేతలను కలవనున్నారు. ప్రత్యేక హోదా, విభజన హామీలపై టీడీపీ పోరాటానికి మద్దతు కోరనున్నారు. చంద్రబాబు లేఖలను ఆయా పార్టీల నేతలకు ఎంపీలు అందజేయనున్నారు. 

టీఎంసీ, బీజేడీ, ఆప్, ఎస్ఏడీ నేతలను సుజనా చౌదరి, అవంతి శ్రీనివాస్, జేసీ, మాల్యాద్రి కలవనున్నారు. సీపీఎం, సీపీఐ, శివసేన, ఎన్సీపీ నేతలను తోట నర్సింహం, మాగంటిబాబు, రవీంద్రబాబు కలుస్తారు. డీఎంకే, ఏఐడీంకే, జేడీఎస్, ఎస్పీ, బీఎస్పీ నేతలను సీఎం రమేశ్, టీజీ వెంకటేశ్, మురళీ మోహన్ కలవనున్నారు. జేడీయూ, ఆర్జేడీ, ఎల్జేపీ నేతలను గల్లా జయదేవ్, గరికపాటి మోహన్‌రావు, రవీంద్ర, టీఆర్ఎస్, ఎంఐఎం, కేరళ కాంగ్రెస్ నేతలను అశోక్ గజపతిరాజు, నారాయణ, నిమ్మలకిష్టప్ప, ఎన్.శివప్రసాద్ కలవనున్నారు. ఎన్ఎల్డీ, రాష్ట్రీయ లోక్‌దళ్, ఎస్డీఎఫ్, ఆర్పీఐ, మిగతా లెఫ్ట్ పార్టీలను రామ్మోహన్ నాయుడు, బుట్టా రేణుక, సీతారామలక్ష్మి కలిసి ఏపీకి జరిగిన అన్యాయాన్ని వివరించనున్నారు. అంతేకాదు అవసరమైతే పార్లమెంట్‌లో అవిశ్వాస తీర్మానం పెట్టాలని కూడా ఇదివరకే ఎంపీలకు చంద్రబాబు సూచించారు. అయితే చంద్రబాబు చేస్తున్న ఈ ఆఖరి ప్రయత్నం ఎంతమేరకు సక్సెస్ అవుతుందో వేచి చూడాల్సిందే మరి.



చంద్రబాబును ఓడించడమే కాపుల లక్ష్యం..!

Updated By ManamWed, 07/11/2018 - 22:05

Kapu Leader Mudragada Sensationsal Comments On CM Chandrababu

అమరావతి: రానున్న ఎన్నికల్లో ఏపీ సీఎం చంద్రబాబు నాయుడిని ఓడించడమే మా లక్ష్యమని మాజీ మంత్రి, కాపు నేత ముద్రగడ పద్మనాభం చెప్పుకొచ్చారు. బుధవారం సాయంత్రం మీడియాతో మాట్లాడిన ముద్రగడ.. చంద్రబాబు ఇచ్చిన హామీలు అమలు చేయకపోవడం వల్లే కాపు జాతి రోడ్డెక్కాల్సి వచ్చిందన్నారు. కాపులను మోసం చేసిన చంద్రబాబును సముద్రం కలుపుతామన్నారు. 

కాపు రిజర్వేషన్లపై.. కచ్చితమైన హామీ ఏ పార్టీ ఇస్తుందో వారికే కాపుజాతి మద్దతిస్తుందని ముద్రగడ తేల్చిచెప్పారు. బీజేపీ, టీడీపీలు సఖ్యతగా ఉన్నప్పుడు కాపు రిజర్వేషన్ బిల్లును పంపలేదని.. బీజేపీ నుంచి టీడీపీ విడిపోయాక బిల్లును పంపారని ముద్రగడ తీవ్ర ఆగ్రహం వ్యక్తం చేశారు. కేంద్రం నిధుల కోసం టీడీపీ దీక్షలు చేస్తున్నారని.. మా హక్కుల కోసం దీక్షలు చేస్తే అడ్డుకుంటున్నారెందుకు? అని సర్కార్‌కు సూటి ప్రశ్న సంధించారాయన.



పోలవరంపై ఇంకా అభ్యంతరాలు, అనుమానాలు!

Updated By ManamWed, 07/11/2018 - 19:20

Central govt Still Arguments and Doubts On Polavaram project

పోలవరం: కేంద్ర మంత్రి నితిన్ గడ్కరి పోలవరం పనుల పరిశీలనకు ఏపీకి వచ్చారు. ఈ సందర్భంగా ఏపీ  సీఎం చంద్రబాబుతో కలిసి సుమారు అరగంటపాటు పనులను పరిశీలించారు. పనుల పురోగతిని కేంద్రమంత్రికి బాబు వివరించడం జరిగింది. కేంద్ర మంత్రి రాకతో ఓ వైపు టీడీపీ.. మరోవైపు బీజేపీ వేర్వేరుగా వేదికలను ఏర్పాటు చేసి ఒకరిపై మరొకరు దుమ్మెత్తిపోసుకున్నారు.

ఈ సందర్భంగా సీఎం చంద్రబాబు మాట్లాడుతూ.. 2019 డిసెంబర్ నాటికి డెడ్‌లైన్ పెట్టుకున్నామని  టార్గెట్‌గా పెట్టుకొని పనులు చేస్తున్నామన్నారు. ఫిబ్రవరి నాటికి కాంక్రీట్ పనుల్ని పూర్తిచేస్తామన్నారు. మెజార్టీ పనులన్నీ ఏప్రిల్ కల్లా పూర్తి చేసేలా ప్రణాళికలు చేస్తున్నామన్నారు. డీపీఆర్-2ను కూడా వీలైనంత త్వరగా క్లియర్ చేయాలని కేంద్రాన్ని ఈ సందర్భంగా బాబు కోరారు. 2013 చట్టం ప్రకారం ఖర్చు అంచనాలు పెరిగాయన్నారు. సవరించిన అంచనాల ప్రకారం పోలవరానికి రూ. 57,940 కోట్లు అవసరమని కేంద్రమంత్రికి బాబు వివరించారు. భూ సేకరణకు రూ. 33వేల కోట్లు అవసరమన్నారు. పెండింగ్‌లో ఉన్న నిధులన్ని విడుదల చేయాలని ఈ సందర్భంగా బాబు కేంద్ర మంత్రికి వివరించారు. కాగా బాబు మాట్లాడుతున్నంత సేపు గడ్కరీ తథేకంగా ఆయనవైపే చూడసాగారు.

నితిన్ గడ్కరీ మాట్లాడుతూ..
"
పోలవరం ఏపీకే కాదు దేశానికి కీలకమైన ప్రాజెక్ట్. పోలవరం ప్రాజెక్టు రైతులకు కొత్త జీవితాన్నిస్తుంది. పోలవరం పూర్తి చేసేందుకు కేంద్రం కట్టుబడి ఉంది. ప్రాజెక్టు పనులు చాలా వేగంగా జరుగుతున్నాయి. పోలవరం ఏపీకే కాదు.. దేశానికి కీలకమైన ప్రాజెక్ట్. పనులు పూర్తి చేసేందుకు నిధుల్ని అడ్వాన్స్‌గా చెల్లించాలని సీఎం కోరారు. పోలవరం పూర్తి చేయడానికి ప్రధాని మోదీ కట్టుబడి ఉన్నారు. ప్రాజెక్ట్ ఏపీకి కొత్త జీవితాన్నిస్తుంది.

త్వరగా పూర్తి చేయాలని కాంట్రాక్టర్‌ను కోరాము. భూసేకరణ, పరిహారం కోసం నిధులు చెల్లించాలంటే ఫైనాన్స్ కమిషన్ అనుమతి కావలి. పోలవరం భూసేకరణ ఖర్చు దాదాపు రెట్టింపు అయింది. పోలవరం ప్రాజెక్ట్‌ను కేంద్రం చాలా ప్రతిష్టాత్మకంగా తీసుకుంది. ప్రాజెక్ట్ వేరు.. రాజకీయాలు వేరు. ప్రాజెక్టును పూర్తి చేసే విషయంలో ఎలాంటి రాజకీయాలకు తావు లేదు. ముందుగా గిరిజనులకు పరిహారం విషయాన్ని సెటిల్ చేయాల్సి ఉంది. కేంద్ర, రాష్ట్ర అధికారులు మూడు రోజుల పాటు ఇక్కడే మకాం వేసి సమస్యలను పరిష్కరించాలని సూచించాను. పెరిగిన ప్రాజెక్టు అంచనాను ఆర్థిక శాఖకు పంపిస్తాము. నీటి సదుపాయం ఉంటే ఎంతమేలు జరుగుతుందో నాకు తెలుసు" అని కేంద్ర మంత్రి నితిన్ గడ్కరీ స్పష్టం చేశారు.

మొత్తానికి చూస్తే.. పోలవరం విషయంలో కేంద్రం ఎలాంటి హామీలివ్వకపోగా కొర్రీలు పెట్టడం గమనార్హం. తాజా డీపీఆర్‌పై అభ్యంతరాలు, అనుమానాలు కేంద్రం వ్యక్తం చేయడమేంటో అర్థం కాని పరిస్థితి. కనీసం అడ్వాన్స్ ఇచ్చేందుకు కూడా కేంద్రం ముందుకురాకపోవడం విచిత్రం. ఇవన్నీ అటుంచితే పునరావసంపై కూడా గడ్కరీ అనుమానాలు వ్యక్తం చేశారు. 2013 భూసేకరణ చట్టం ప్రకారం ప్యాకేజీ భారం పెరిగిందని సీఎం చంద్రబాబు కేంద్రానికి విన్నవించుకున్నా ఎలాంటి ఫలితం లేకపోయిందన్నది స్పష్టంగా అర్థమవుతోంది. పెరిగిన ప్యాకేజీతో పాటు సేకరించిన భూమి కూడా పెరుగుతోందని గడ్కరీ.. సీఎం బాబునే నిలదీయడాన్ని పలువురు విశ్లేషకులు తీవ్రంగా వ్యతిరేకిస్తున్నారు.



డప్పన్నకు పింఛన్

Updated By ManamSun, 07/01/2018 - 06:11
  • ఆ కళాకారులకు నెలకు రూ.1500.. దళిత కాలనీలకు కొత్తరూపు

  • పక్కా గృహాలకు ఇక రూ.2 లక్షలు.. 100 యూనిట్ల వరకు ఉచిత విద్యుత్

  • ఇళ్ల స్థలాలకు రూ. 250 కోట్ల నిధులు.. దళితులపై చంద్రబాబు వరాల వర్షం

  • మెడపట్టి మనల్ని బయుటకు గెంటేశారు.. విభజన హామీలు ఏవీ నెరవేర్చడం లేదు

  • కేంద్రంపై మంత్రి లోకేశ్ మండిపాటు

babuనెల్లూరు: దళితులు అన్నిరకాలుగా అభివృద్ధి చెందేవరకు వారికి తెలుగుదేశం ప్రభుత్వం పూర్తి అండదండలు అందిస్తుందని సీఎం చంద్రబాబు అన్నారు. డప్పు కళాకారులకు ఇక నెలకు రూ. 1500 చొప్పున పింఛన్ అందిస్తావున్నారు. దళితుల పక్కా గృహ నిర్మాణానికి ఇక రూ. 2 లక్షలు అందిస్తామని, అలాగే ఇంతకాలం 75 యూనిట్ల వరకు ఇస్తున్న ఉచిత విద్యుత్‌ను 100 యూనిట్లకు పెంచుతామని ప్రకటించారు. ఇళ్ల స్థలాలు ఇచ్చేందుకు రూ. 250 కోట్ల నిధులు కేటాయిస్తామంటూ దళితులపై పలు రకాల వరాలు కురిపించారు. నెల్లూరులోని శ్రీ వేణుగోపాలస్వామి కళాశాల మైదానంలో శనివారం జరిగిన దళిత తేజం- తెలుగు దేశం ముగింపు సభకు ఆయన ముఖ్య అతిథిగా హాజరయ్యారు. ఈ సందర్భంగా చంద్రబాబు మాట్లాడుతూ రాబోయే ఎన్నికల్లో మొత్తం 25 పార్లమెంటు స్థానాలను టీడీపీకి కట్టబెట్టాలని కోరారు. తనకు ఎంపీ సీట్లిస్తే.. తాను రాష్ట్రానికి ప్రత్యేక హోదా సాధిస్తానని అన్నారు. దళితుల్లో చైతన్యం తీసుకొచ్చి వారిని ఆర్థికంగా బలోపేతం చేయాలనే లక్ష్యంతో దళిత తేజం- తెలుగుదేశం కార్యక్రమాన్ని నిర్వహిస్తున్నామన్నారు. దళితుల్లో ఆత్మస్థైరం పెరగాలని, కొత్త నాయకత్వం రావాలని.. అప్పటివరకు తాను అండగా ఉంటానని చెప్పారు. ప్రతి ఇంటికి పెద్ద దిక్కుగా ఉంటానని తాను గతంలో మాట ఇచ్చానని, దానిని నిలబెట్టుకున్నానన్నారు. చంద్రన్న బీమాతో దళితుల కుటుంబాలకు భద్రత ఏర్పడిందన్నారు. ఎస్సీ కాలనీలకు గతంలో రావాలంటే చాలా ఇబ్బందులు పడేవారని, ఇప్పుడు ఆ కాలనీలకు కొత్తరూపు తీసుకు వస్తున్నామని ఆయన చెప్పారు. చదువు ద్వారానే అభివృద్ధి సాధ్యమని.. ప్రతి దళిత బిడ్డ ఉన్నత చదువులు చదవాలని సూచించారు. ప్రపంచాన్ని జయించే శక్తి దళిత బిడ్డలకు ఉందన్నారు. విదేశాల్లో ఉన్నత చదువుల కోసం దళితులకు అంబేడ్కర్ ఓవెర్సీస్ నిధిని ఏర్పాటు చేశామన్నారు. అమరావతిలో అంబేద్కర్ స్మృతివనం ఏర్పాటు చేయడంతో పాటు 125 అడుగుల భారీ అంబేద్కర్ విగ్రహాన్ని నెలకొల్పేందుకు అన్ని ఏర్పాట్లు సాగుతున్నాయన్నారు. ఎస్సీ ఉప ప్రణాళిక నిధులను నాటి సీఎం వైఎస్‌ఆర్ దారి మళ్లించారని ఆరోపించారు. ఈ కార్యక్రమంలో మంత్రులు సోమిరెడ్డి చంద్రమోహనరెడ్డి, కిమిడి కళావెంకట్రావు, నక్కా ఆనందబాబు, కొల్లురవీంద్ర, అచ్చెన్నాయుడు, కేఎస్ జవహర్, ఆర్టీసీ చైర్మన్ వర్ల రామయ్య, ఎస్సీ కార్పొరేషన్ చైర్మన్ జూపూడి ప్రభాకర్ రావు తదితరులు పాల్గొన్నారు.

మనకు అప్పు.. వారికి మిగులు: లోకేశ్
కేంద్రంలో అధికారంలో ఉన్న బీజేపీకి ఐటీ, పంచాయతీ రాజ్ శాఖ మంత్రి నారా లోకేశ్ కొత్త అర్థం చెప్పారు. బీజేపీలో బీ అంటే భారతీయ జనతా పార్టీ, జే అంటే జగన్ పార్టీ, పీ అంటే పవన్ పార్టీ అని ఆయన ఎద్దేవా చేశారు. నెల్లూరులో జరిగిన దళిత తేజం ముగింపు సభలో ఆయన మాట్లాడారు. 2014లో రాష్ట్రవిభజన సందర్భంగా కట్టుబట్టలతో మనల్ని మెడపట్టి బయటకి గెంటేశారని, ఒక రాష్ట్రానికి మిగులు బడ్జెట్ ఉండేలా చూసి, మన నెత్తిన మాత్రం అప్పు మిగిల్చారని లోకేశ్ అన్నారు. రూ. 16 వేల కోట్లు లోటు బడ్జెట్ ఉన్నా దళితుల సంక్షేమానికి తెలుగుదేశం ప్రభుత్వం పెద్ద పీట వేసిందని గుర్తుచేశారు. ఈ ప్రభుత్వం జోడెద్దుల బండి అని.. ఇందులో ఒక పక్క సంక్షేమం, మరోపక్క అభివృద్ధి ఉంటాయని చెప్పారు. ఎన్టీఆర్ దగ్గర నుంచి చంద్రబాబు గారి వరకూ దళితుల సంక్షేమం గురించి ఆలోచించింది ఒక్క టీడీపీయేునని అన్నారు. పుట్టపాక మహేంద్రనాధ్, జీఎంసీ బాలయోగి, ప్రతిభా భారతి లాంటి చాలామందికి ఉన్నత పదవులు ఇచ్చింది టీడీపీయేునని చెప్పారు. దళిత క్రిస్టియన్లను ఎస్సీల్లో చేర్చేందుకు చర్యలు తీసుకుంటున్నామని ఆయన ఈ సందర్భంగా చెప్పారు.  తాను అతి చిన్న వయుసులోనే పంచాయతీ రాజ్ శాఖ మంత్రిని అయ్యానని, మంత్రి కాగానే.. గ్రామాల్లో ఏ అభివృద్ధి కార్యక్రమం చేపట్టినా ముందు ఎస్సీ కాలనీల నుంచే ప్రారంభించాలని ముఖ్యమంత్రి తనకు మార్గనిర్దేశం చేశారని చెప్పారు. అందుకే అప్పటినుంచి సీసీ రోడ్లు, ఎల్‌ఈడీ లైట్లు, డ్రైనేజి, తాగునీరు.. ఇలా అన్ని కార్యక్రమాలు ఎస్సీ కాలనీలోనే మొదలుపెట్టి పూర్తి చేస్తున్నామన్నారు. కేంద్రం మనల్ని నమ్మించి మోసం చేసిందని, హోదా సహా హామీలు నెరవేర్చాల్సింది పోయి.. కుట్ర రాజకీయం చేస్తోందని లోకేశ్ మండిపడ్డారు. రాష్ట్ర అభివృద్ధి కోసం కష్టపడుతున్న చంద్రన్నపై ఒకపక్క దొంగ అబ్బాయి, మరోపక్క పవన్ కల్యాణ్ విమర్శలు చేస్తున్నారన్నారు. పవర్‌స్టార్ అంటే పవర్‌ఫుల్‌గా ఉంటారు అనుకున్నా, కానీ ఆఖరికి ఆయన కూడా బీజేపీ డిక్లరేషన్ రాజకీయాలకు జై కొడుతున్నారని ఎద్దేవా చేశారు. ఎన్నికలు దగ్గరకు వస్తున్నాయి కాబట్టి.. ఇప్పుడు బీజేపీ నాయకులు మీ ముందుకు వస్తారని హెచ్చరించారు. మన కులం ఆంధ్రా... మన మతం ఆంధ్రా... మన ప్రాంతం ఆంధ్రా అని వాళ్లకు సమాధానం చెప్పాలని సూచించారు. 2019లో రాష్ట్రంలో ఉన్న మొత్తం 25 పార్లమెంట్ సీట్లు గెలిచి ఢిల్లీలో ప్రధాని ఎవరో నిర్ణయించేది చంద్రబాబేనని, రాష్ట్రానికి ప్రత్యేక హోదా తెచ్చేది కూడా ఆయునేనని లోకేశ్ స్పష్టం చేశారు. 



కావాలనే కేంద్రం తాత్సారం

Updated By ManamThu, 06/28/2018 - 00:13
  • ఉక్కు పరిశ్రమ ఏర్పాటు ఆలస్యం.. అడిగిన ప్రశ్నలే మళ్లీ మళ్లీనా?

  • సీఎం చంద్రబాబు మండిపాటు.. కడప ఉక్కుపై సీఎం టెలికాన్ఫరెన్స్

babuఅమరావతి: అడిగిన ప్రశ్నలే రెండు, మూడు సార్లు అడుగుతూ కడప ఉక్కు పరిశ్రమ ఏర్పాటును కావాలనే కేంద్ర ప్రభుత్వం తాత్సారం చేస్తోందని సీఎం చంద్రబాబు నాయుడు మండిపడ్డారు. ఉక్కు పరిశ్రమ ఏర్పాటును కావాలనే జాప్యం చేస్తున్నారని కేంద్రంపై ధ్వజమెత్తారు.

బుధవారం ఆయన టీడీపీ ఎంపీలు, మంత్రులు, కడపలో ఉక్కు దీక్ష చేస్తున్న నేతలతో టెలికాన్ఫరెన్స్ నిర్వహించారు. స్టీల్ ఫ్యాక్టరీ ఏర్పాటు చేయాలని కోరుతూ కడపలో ఆమరణ నిరాహార దీక్ష చేపట్టిన రాజ్యసభ సభ్యుడు సీఎం రమేశ్, ఎమ్మెల్సీ బీటెక్ రవిల ఆరోగ్యం గురించి ముఖ్యమంత్రి అడిగి తెలుసుకున్నారు. ఆరోగ్య పరిస్థితి ఆందోళనకరంగా మారడంతో దీక్షను భగ్నం చేసి బీటెక్ రవిని ఆసుపత్రిలో చేర్పించి చికిత్స అందిస్తున్నట్లు మంత్రులు సోమిరెడ్డి చంద్రమోహన్ రెడ్డి, ఆదినారాయణ రెడ్డి వివరించారు.

కేంద్ర ఉక్కు శాఖ మంత్రి బీరేంద్ర సింగ్‌తో ఢిల్లీలో జరిపిన చర్చల వివరాలను సీఎంకు అనంతపురం ఎంపీ జేసీ దివాకర్ రెడ్డి తెలియజేశారు. ఉక్కు పరిశ్రమపై ఢిల్లీలో ఆందోళనలు చేపడతామని ఆయన అన్నారు. గురువారం మరోమారు కేంద్రమంత్రి బీరేంద్రసింగ్‌ను కలవనున్నట్టు చెప్పారు. ఈ సందర్భంగా చంద్రబాబు మాట్లాడుతూ.. కేంద్రమంత్రికి తాను మరో లేఖ రాస్తానని, గురువారం భేటీలో ఆ లేఖను ఆయనకు అందజేయాలని సూచించారు. 2020లోగా మూడు గనులు రాష్ట్ర ప్రభుత్వం నియంత్రణలోకి వస్తాయని, ప్రస్తుతం ఇచ్చిన భూముల్లో 87 మిలియన్ టన్నుల ఖనిజం ఉందని ఆయన చెప్పారు. మూడు గనులు అందుబాటులోకి వస్తే 266 మిలియన్ టన్నుల నిక్షేపాలు ఉంటాయని చంద్రబాబు వెల్లడించారు.

ఉక్కు పరిశ్రమ పెట్టేందుకు 150 మిలియన్ టన్నులు ఉంటే సరిపోతుందని, 266 మిలియన్ టన్నుల నిక్షేపాలు ఉంటే ఇంకా కేంద్రానికి అభ్యంతరమేంటని ఆయన ప్రశ్నించారు. కర్మాగారం పూర్తిచేసేందుకు రెండేళ్లు పడుతుందని, ఆ లోపు మిగిలిన మూడు గనులు రాష్ట్ర ప్రభుత్వ ఆధీనంలోకి వస్తాయని ముఖ్యమంత్రి వివరించారు. ఉక్కు దీక్ష ప్రారంభమయ్యాక కేంద్రం మరో రెండు కొత్త కొర్రీలు వేసిందని, మొన్నటి దాకా తెలంగాణ ప్లాంట్‌పై స్పష్టత లేదన్నారని ఈ సందర్భంగా ఆయన గుర్తు చేసుకున్నారు.

బయ్యారం భూములు, నీళ్ల వివరాలు రాలేదన్నారని తెలిపారు. కడపలో రాష్ట్రం ఇచ్చే భూములపై ఏ వివాదమూ లేదని స్పష్టంచేశారు. కానీ, కావాలనే కేంద్ర ప్రభుత్వం నాలుగేళ్లుగా తాత్సారం చేస్తోందని మండిపడ్డారు. విభజన చట్టంలో హామీ నెరవేర్చేందుకు ఎందుకీ జాప్యమని నిలదీశారు. రాష్ట్రం పట్ల కేంద్రం తన మొండి వైఖరిని వీడి హామీలు నెరవేర్చాలని చంద్రబాబు కోరారు.



హోంగార్డుల వేతనం పెంపు

Updated By ManamFri, 06/15/2018 - 23:49
  • రూ.400 నుంచి రూ. 600కు పెంపు

  • రూ. 2.5 లక్షల మేర వైద్య సాయం.. మరణిస్తే రూ. 5 లక్షల పరిహారం

  • మహిళలకు మెటర్నిటీ లీవులు.. దహన సంస్కారాలకు రూ.10వేలు

  • ఎన్ని కష్టాలున్నా అండగా ఉంటా.. సీఎం చంద్రబాబు వరాల జల్లు

babuఅమరావతి: రాష్ట్రంలోని హోంగార్డుల దినసరి వేతనం రూ.600 చేస్తున్నట్లు ముఖ్యమంత్రి చంద్రబాబు ప్రకటించారు. గతంలో హోంగార్డుల దినసరి వేతనం రూ.300 నుంచి 400కు పెంచగా, ఇప్పుడు మరో రూ. 200 అధికం చేయడంతో ఇకరోజువారీ వేతనం రూ.600కు చేరింది. ఫలితంగా రాష్ట్రంలోని 13 జిల్లాలలో కలిపి 15,616 మంది హోంగార్డులు లబ్ధిపొందనున్నారు. రాష్ట్రంలో పోలీసు విభాగంలో 12,368 మంది, డిప్యుటేషన్‌పై కేంద్ర, రాష్ట్ర సంస్థల్లో మరో 3248 మంది విధులు నిర్వహిస్తున్నారు.  చంద్రబాబు అధికారంలోకి వచ్చిన ఈ నాలుగేళ్లలో తీసుకున్న నిర్ణయం వలన హోంగార్డుల దినసరి వేతనం రెండు విడతల్లో వంద శాతం పెరిగినట్లయింది. ఉండవల్లిలోని ప్రజాదర్బార్‌లో సీఎం చంద్రబాబును హోంగార్డులు కలిసి తమ సమస్యలు విన్నవించుకున్నారు. శుక్రవారం ఉదయం పోలీస్ అధికారుల సంఘం అధ్యక్షుడు శ్రీనివాస్, హోంగార్డుల అసోసియేషన్ అధ్యక్షుడు ఎస్.గోవిందుల ఆధ్వర్యంలో భారీగా హోంగార్డులు తరలివచ్చి సీఎంను కలిశారు. ఈ సందర్భంగా హోంగార్డుల సమస్యలను సావధానంగా విన్న సీఎం చంద్రబాబు వరాల జల్లు కురిపించారు. మహిళా గార్డులకు ప్రస్తుతం ఉన్న పదిహేను రోజుల మెటర్నిటీ సెలవులను, మూడు నెలలకు పెంచారు. ఇకనుంచి విధుల్లో ఉంటున్న  హోంగార్డులు సాధారణ, ప్రమాదాల్లో చనిపోతే రూ.5 లక్షల ఎక్స్‌గ్రేషియా చెల్లిస్తారు. హోంగార్డులకు కూడా ఇక నుంచి ఎన్టీఆర్ వైద్య సేవలో రూ.2.5 లక్షల మేర వైద్యసాయం అందిస్తారు. గృహనిర్మాణ పథకంలో లబ్ధి చేకూర్చే అంశాన్ని అధికారులు చర్చించి నిర్ణయిస్తారని సీఎం వెల్లడించారు. చనిపోయిన హోంగార్డుల దహన సంస్కారాలకు పది వేల రూపాయలు మంజూరు చేస్తూ చంద్రబాబు నిర్ణయం తీసుకున్నారు. ‘‘హోంగార్డుల దినసరి వేతనం ఒక్కో రాష్ట్రంలో ఒక్కో రకంగా ఉంది. తమిళనాడు, పుదుచ్చేరిలలో రూ. 500, ఒడిశా, మహారాష్ట్ర, గుజరాత్‌లలో నెలకు రూ. 9000 వేలు, కర్ణాటక రూరల్‌లో రూ. 9000, అర్బన్‌లో రూ. 12000, పశ్చిమబెంగాల్, ఉత్తరప్రదేశ్‌లలో నెలకు రూ. 14000 ఉంది. ‘‘హోంగార్డుల సాధకబాధకాలు విన్న తర్వాత రాష్ట్ర ప్రభుత్వం ఆర్థికంగా ఎన్నికష్టాలు, ఇబ్బందులున్నా..  మీ దినసరి వేతనం పెంచాలని నిర్ణయం తీసుకున్నాం. ఉమ్మడి రాష్ట్రంలో అరవై సంవత్సరాలు కలిసి ఆస్తులు సృష్టించాం. అన్నీ వదిలివేసి విభజన ఆంధ్రప్రదేశ్‌కు రావాల్సి వచ్చింది. ఈ నాలుగేళ్లలో కష్టపడి ఓ కొలిక్కి తీసుకువచ్చాం. ఇంకా మరో 10 సంవత్సరాలు కష్టపడితేగానీ మిగిలిన రాష్ట్రాలకన్నా ముందుకు వెళ్లలేం. విభజన అనంతరం మనకు రాజధాని లేదు. విభజన కష్టాలు అంతాఇంతా కాదు. అయినా హోంగార్డుల కష్టాలు చూసిన తర్వాత ఆదుకోవాలని నిర్ణయించాను. రాష్ట్రంలో శాంతిభద్రతలు ముఖ్యం. మీ విధులను సక్రమంగా నిర్వహించండి. శాంతిభద్రతలకు విఘాతం రాకుండా విధులు నిర్వహించండి.  రాష్ట్రంలో శాంతిభద్రతలు ఉంటేనే పెట్టుబడులు వస్తాయి. హోంగార్డుల వేతనాలు క్రమంగా పెంచుకుంటూ వెళతాం. ఎన్ని కష్టనష్టాలున్నా హోంగార్డులకు అండగా ఉంటా. మీ సహ కారం ప్రభుత్వానికి ఉండాలి. రాత్రింబవళ్లూ  కష్టపడి మీరు సక్రమంగా పనిచేయాలి’’ అని చంద్రబాబు పేర్కొన్నారు. హోంగార్డుల రోజువారీ వేతనం పెంచడం పట్ల పోలీస్ అధికారుల సంఘం అధ్యక్షుడు శ్రీనివాస్, హోంగార్డుల అసోసియేషన్ అధ్యక్షుడు ఎస్.గోవిందు.. చంద్రబాబుకు కృతజ్ఞతలు తెలిపారు. గతంలోనూ హోంగార్డులకు అండగా ఉంటూ తమ జీవితాలకు వెలుగునిచ్చారని అభినందనలు తెలిపారు. హోంగార్డు వ్యవస్థ వ్యస్థీకృతం కావడానికి ముఖ్యమంత్రి చంద్రబాబు కృషిమరవలేనిదన్నారు. ఈ సమావేశంలో రాష్ట్ర డీజీపీ మాలకొండయ్య, హోం శాక కార్యదర్శి అనురాధ, డీజీ (నిఘా) వెంకటేశ్వరరావు, ముఖ్యమంత్రి కార్యాలయ ప్రత్యేక ప్రధాన కార్యదర్శి సతీష్ చంద్ర పాలొన్నారు.



బీజేపీది నమ్మక ద్రోహం

Updated By ManamFri, 06/08/2018 - 23:37
  • ఈసారి ఎన్నికల్లో బుద్ధి చెబుదాం.. 25 ఎంపీ స్థానాల్లో గెలుపొందాలి

  • కేంద్రంలో మనమే చక్రం తిప్పాలి.. రాష్ట్ర ప్రయోజనాలు కాపాడుకుందాం

  • నవ నిర్మాణ దీక్ష ముగింపు సభలో సీఎం చంద్రబాబు ఉద్ఘాటన

babuనాయుడుపేట: అన్యాయంగా రాష్ట్రాన్ని విభజించి.. కాంగ్రెస్ పార్టీ మోసగిస్తే.. ఆదుకుంటామంటూ వచ్చిన బీజేపీ నమ్మక ద్రోహం చేసిందని సీఎం చంద్రబాబు ధ్వజమెత్తారు. 2014లో కాంగ్రెస్‌ను చిత్తుగా ఓడించినట్లే ఈసారి వచ్చే సార్వత్రిక ఎన్నికల్లో బీజేపీకి తగిన బుద్ధి చెబుదామని ఆయన పిలుపునిచ్చారు. శుక్రవారం నెల్లూరు జిల్లా నాయుడుపేటలో జరిగిన నవనిర్మాణ దీక్ష మహాసంకల్ప ముగింపు సభలో ఆయన పాల్గొని మాట్లాడారు.  వచ్చే ఏడాది జరుగబోయే సార్వత్రిక ఎన్నికల్లో రాష్ట్రంలో 25 ఎంపీ స్థానాలను గెలిపించుకొని కేంద్రంలో మనమే చక్రం తిప్పాలని అన్నారు. బీజేపీకి తగిన బుద్ధి చెప్పి రాష్ట్ర ప్రయోజనాలను కాపాడుకుందామని ఉద్ఘాటించారు. 2013లో కాంగ్రెస్ పార్టీ రాష్ట్రాన్ని విడదీసి అన్యాయం చేసిందన్నారు. 2014 నుంచి ఇప్పటి వరకు విభజన చట్టంలోని అంశాలను అమలు చేయకుండా బీజేపీ నమ్మక ద్రోహం చేసి ప్రజల విశ్వాసాన్ని కోల్పోయిందని చెప్పారు. ఈ నమ్మక ద్రోహానికి ఆంధ్ర రాష్ట్ర ప్రజలు రాబోయే ఎన్నికల్లో బీజేపీని చిత్తుగా ఓడించాలని పిలుపునిచ్చారు. విభజన హామీల విషయంలో ప్రస్తుత ప్రధానమంత్రి నరేంద్రమోదీ తిరుపతి వెంకన్న సాక్షిగా ఆంధ్ర రాష్ట్ర ప్రజలకు మాట ఇచ్చారని, ఆ మాట తప్పి రాష్ట్ర ప్రజలకు ద్రోహం చేశారని మండిపడ్డారు. గతంలో విభజన హామీలను అమలు చేస్తారన్న నమ్మకంతో బీజేపీతో పొత్తుపెట్టుకున్నామని, కానీ వారి వల్ల కొన్ని ఎంపీ స్థానాలను కోల్పోయామని చంద్రబాబు పేర్కొన్నారు. ప్రస్తుతం బీజేపీ అన్ని విషయాల్లో రాష్ట్ర ప్రజలకు అన్యాయం చేస్తూ నయవంచనకు గురిచేసిందన్నారు. బీజేపీ కుట్రపూరిత రాజకీయాలు చేసినందువల్ల కర్ణాటక ప్రజలు తగిన బుద్ధి చెప్పారని, ఇదే స్ఫూర్తితో ఆంధ్ర రాష్ట్ర ప్రజలు కూడా ఆ పార్టీని తిప్పికొట్టాలని చెప్పారు. రాష్ట్రం లోటు బడ్జెట్‌లో ఉన్నప్పటికీ, అభివృద్ధి, సంక్షేమ కార్యక్రమాల అమలులో ముందుందని అన్నారు. రాష్ట్రంలో నదులన్నీ దశలవారీగా అనుసంధానం చేసి వ్యవసాయంలో రైతన్నను అగ్రగామిగా నిలుపుతామని ఆయన పేర్కొన్నారు. సాంకేతికతను మారుమూల గ్రామాలకు అందించాలనే లక్ష్యంతో దశలవారీగా ఫైబర్‌నెట్ కనెక్షన్లు మంజూరు చేస్తున్నామని పేర్కొన్నారు. పరిపాలనతో ప్రజలను భాగస్వాములను చేస్తామని సీఎం చెప్పారు. 17,147 కిలోమీటర్ల మేర గ్రామీణ ప్రాంతాలలో సీసీ రోడ్ల నిర్మాణ ప్రక్రియ చేపట్టామని తెలిపారు. 20 వేల చెక్‌డ్యామ్‌ల నిర్మాణం చేపట్టి రైతన్నలకు నీటి సామర్థ్యపు నిల్వలను పెంచుతామని ఆయన అన్నారు.  నెల్లూరు జిల్లాలో వైసీపీలో గెలిచిన ఎమ్మెల్యేలు కాని, ఎంపీలు కాని ఏ ఒక్కనాడూ తనను కలసి అభివృద్ధి పనులపై నిధులు అడగలేదని, అభివృద్ధిపై అసలు చర్చించనేలేదని, అలాంటివారికి రాబోవు ఎన్నికల్లో బుద్ధి చెప్పాలని చంద్రబాబు పిలుపునిచ్చారు. అనంతరం మంత్రి లోకేశ్ మాట్లాడుతూ రాష్ట్రం 16 వేల కోట్ల రూపాయలు లోటు బడ్జెట్‌లో ఉన్నప్పటికీ సంక్షేమ పథకాల అమలులో ముఖ్యమంత్రి చంద్రబాబు చిత్తశుద్ధితో పనిచేస్తున్నారని అన్నారు. కాగా, అంతకు ముందు ముఖ్యమంత్రి చంద్రబాబు ప్రజలతో మహాసంకల్పం ప్రతిజ్ఞ చేయించారు. ఈ కార్యక్రమంలో ఇన్‌చార్జ్ మంత్రి అమర్‌నాధ్‌రెడ్డి, రాష్ట్ర వ్యవసాయ శాఖ మంత్రి సోమిరెడ్డి చంద్రమోహన్‌రెడ్డి, పురపాలక శాఖ మంత్రి పొంగూరు నారాయణ, ఎమ్మెల్సీ బీదా రవిచంద్ర, జిల్లా కలెక్టర్ ముత్యాలరాజు తదితరులు పాల్గొన్నారు.





Related News