tdp

మహాకూటమికి టీజేఎస్ షాక్..!

Updated By ManamMon, 10/22/2018 - 13:49
  • గుడ్‌బై చెప్పే యోచనలో తెలంగాణ జనసమితి.. అదే బాటలో సీపీఐ..

  • ఒంటరిగా పోటీ చేసే అవకాశం 24న టీజేఎస్ రాష్ట్ర కమిటీ సమావేశం..

  • మహాకూటమిలో ఉండాలా వద్దా? నిర్ణయించే అవకాశం

  • 16 సీట్లు కావాలని టీజేఎస్.. 8 నుంచి 10 సీట్లు కోసం సీపీఐ

  • కొలిక్కి రాని సీట్ల సర్దుబాటు.. మహాకూటమిలో సీట్ల రచ్చ..

  • టీడీపీతో పొత్తుకు కాంగ్రెస్ పార్టీ నేతల ఆసక్తి

TJS, Massive alliance, Telangana elections, CPI, TDP, Congress, TRS హైదరాబాద్: తెలంగాణలో ముందస్తు ఎన్నికల నేపథ్యంలో ఎన్నికల వాతావారణం వేడెక్కింది. ఇప్పటికే అధికార పార్టీ టీఆర్ఎస్ మళ్లీ అధికారం తమదేనంటూ ప్రచారంలో దూసుకెళ్తున్న తరుణంలో మహాకూటమిగా అన్నిపార్టీలు ఏకమై ఎన్నికల బరిలో దిగనున్నాయి. టీఆర్ఎస్‌ను గద్దె దించడమే లక్ష్యంగా పావులు కదుపుతున్న మహాకూటమిలో పొత్తులు, సీట్ల సర్దుబాటు కొలిక్కి వచ్చే పరిస్థితి కనిపించడం లేదు. టీఆర్ఎస్‌ను దెబ్బతీసేందుకు టీడీపీ, కాంగ్రెస్, టీజేఎస్, సీపీఐ పార్టీలన్నీ మహాకూటమిగా ఏర్పడినప్పటికీ సీట్ల సర్దుబాటు విషయంలో పార్టీల నేతల్లో తీవ్ర అసంతృప్తి వ్యక్తమవుతోంది. ఈ నేపథ్యంలో మహాకూటమికి తెలంగాణ జన సమితి (టీజేఎస్) షాక్ ఇచ్చింది. మహాకూటమికి టీజేఎస్ గుడ్‌బై చెప్పే యోచనలో ఉన్నట్టు తెలుస్తోంది. టీజేఎస్ దారిలోనే సీపీఐ కూడా ఉన్నట్టు విశ్వనీయ సమాచారం.

సీట్ల సంఖ్య కాదు ముఖ్యం..
సీట్ల సంఖ్య కాదు ముఖ్యమని, కాంగ్రెస్ నేతల అవమానాన్ని భరించలేక పోతున్నామని అభిప్రాయపడుతున్నట్టు తెలిసింది. ఆదివారం జరిగిన సీపీఐ రాష్ట్ర కమిటి సమావేశంలో నాయకత్వంపై నేతలు తీవ్ర అసంతృప్తిని వ్యక్త పరిచినట్టు తెలిసింది. 16 సీట్లు ఇవ్వాలని టీజేఎస్ పట్టుబడుతుంటే.. 8 నుంచి 10 సీట్లు కావాలని సీపీఐ పట్టుబడుతున్నట్టు తెలుస్తోంది.

ఒంటరిగానే పోటీ.. ఆ తర్వాతే నిర్ణయం..
లేదంటే ఒంటరిగానైనా బరిలోకి దిగుతామని రెండు పార్టీల నేతలు తెగేసి చెప్పినట్టు సమాచారం. ఈ నెల 24న తెలంగాణ జన సమితి రాష్ట్ర కమిటి సమావేశం నిర్వహించనుంది. ఈ నేపథ్యంలో మహాకూటమిలో ఉండాలా వద్దా అన్న అంశంపై తీవ్ర నిర్ణయం తీసుకునే అవకాశం ఉంది. టీజేఎస్, సీపీఐల కన్నా టీడీపీతో పొత్తుకు కాంగ్రెస్ పార్టీ నేతలు ఇష్టపడుతున్నట్టు సమాచారం. ఇదిలా ఉండగా.. మహాకూటమిలో సీట్ల సర్దుబాటు, పొత్తులపై కొనసాగుతున్న రచ్చ టీఆర్ఎస్‌ పార్టీకి కలిసొచ్చేలా కనిపిస్తోంది. 



జానారెడ్డితో ఆర్.కృష్ణయ్య భేటీ

Updated By ManamFri, 10/19/2018 - 16:15
  • కాంగ్రెస్‌లోకి కృష్ణయ్య...!

R.krishnaiah meets Janareddy

హైదరాబాద్ : కాంగ్రెస్ పార్టీ సీనియర్ నేత జానారెడ్డితో ఎమ్మెల్యే ఆర్. కృష్ణయ్య భేటీ అయ్యారు. ఈ సందర్భంగా ఇరువురి మధ్య తాజా రాజకీయాలపై చర్చ జరుగుతున్నట్లు సమాచారం. కాగా గత ఎన్నికల్లో తెలుగుదేశం పార్టీ తెలంగాణ ముఖ్యమంత్రి అభ్యర్థిగా, ఎల్బీనగర్ నియోజకవర్గంలో విజయ ఢంకా మోగించిన కృష్ణయ్య, ఆ తర్వాత పరిణామాల నేపథ్యంలో టీడీపీకి అంటి ముట్టనట్టు వ్యవహరిస్తున్నారు. ఇప్పుడు ముందస్తు ఎన్నికలు తరుముకొస్తున్న వేళ ఆయన ఏ పార్టీకి మద్దతిస్తారన్న అంశం ఆసక్తికరంగా మారింది.

బీసీల పెద్దన్నగా పేరుగాంచిన ర్యాగ కృష్ణయ్యకు రాజకీయ పార్టీలు ఎర్ర తివాచీ పరుస్తున్నాయి. రా.. రా.. క్రిష్ణయ్య అంటూ స్వాగతం పలుకుతున్నాయి. మరోవైపు సొంత పార్టీ పెట్టాలని కార్యకర్తల ఒత్తిడి నడుమ ఎటూ తేల్చుకోలేక ఆయన సతమతమవు తున్నారు. పార్టీ పెడతానని ప్రకటించి నెలలు కావస్తున్నా.. ఆ దిశగా మరో అడుగు ముందుకు పడింది లేదు. తాజా పరిణామాల నేపథ్యంలో ఆయన కాంగ్రెస్ పార్టీ నేత జానారెడ్డితో భేటీ కావడం ప్రాధాన్యత సంతరించుకుంది.

గతంలో టీపీసీసీ చీఫ్ ఉత్తమ్‌కుమార్‌రెడ్డి సహా మహాకూటమి నేతలతో ఇటీవల ఆర్ కృష్ణయ్య ఒకట్రెండు వేదికలను పంచుకున్నారు. మహాకూటమి సీట్ల పంపకాల్లో భాగంగా టీటీడీపీ ఇచ్చిన లిస్టులో కృష్ణయ్య పేరు లేదని సమాచారం. ఈ నేపథ్యంలో కృష్ణయ్యను కాంగ్రెస్‌లో చేర్చుకునేందుకు ఆ పార్టీ పెద్దలు రంగంలోకి దిగారు. దీంతో.. ఉత్తమ్, కాంగ్రెస్ రాష్ట్ర వ్యవహారాల బాధ్యుడు రామచంద్ర కుంతియాతో కృష్ణయ్య రహస్య చర్చలు జరిపారని రాజకీయ వర్గాల్లో కొత్త ప్రచారమొకటి ఊపందుకుంది. 

తొలుత పార్టీలో పెద్ద పదవి ఆఫర్ చేసినా, కృష్ణయ్య అంగీకరించలేదని.. ఈ పదవి సహా మహాకూటమి ప్రభుత్వం ఏర్పడితే ఉప ముఖ్యమంత్రి పదవితోపాటు ఓ శాఖకు మంత్రిని చేస్తామని కుంతియా హామీ ఇచ్చారని ఆ ప్రచార సారాంశం. ఈ నెల 20న ఎన్నికల ప్రచారానికి వస్తున్న పార్టీ అధ్యక్షుడు రాహుల్ సమక్షంలో కృష్ణయ్య కాంగ్రెస్ కండువా కప్పుకుంటారని ఊహాగానాలు వెలువడుతున్నాయి. మరోవైపు రాహుల్ పర్యటన నేపథ్యంలో కాంగ్రెస్ పార్టీలోకి కృష్ణయ్య చేరడం ఖరారు అయినట్లేనని తెలుస్తోంది. ఆ వార్తలకు ఈ భేటీ ఊతం ఇస్తోంది.



జగన్‌కు పరిటాల సునీత సవాల్

Updated By ManamThu, 10/18/2018 - 14:44

Jagan, Paritala Sunithaఅమరావతి: డ్వాక్రా రుణమాఫీపై ప్రతిపక్ష నేత వైఎస్ జగన్‌కు మంత్రి పరిటాల సునీత చాలెంజ్ విసిరారు. డ్వాక్రా మహిళలకు చేయూతపై డిబేట్‌కు జగన్ సిద్ధమా అంటూ పరిటాల ప్రశ్నించారు. ఏ వేదికపైనైనా జగన్‌తో చర్చను తాను సిద్ధమని.. జగన్ రెడీనా అంటూ సునీత ప్రశ్నించారు. ఏపీ పాలిట జగన్ మహిషాసురుడని, కోటి మంది డ్వాక్రా మహిళలను జగన్ అవమానించారని ఆమె విమర్శించారు. పసుపు-కుంకుమ పథకాన్ని హేళన చేయడం జగన్ రాక్షసత్వానికి పరాకాష్ట అని మండిపడ్డారు. 10రోజుల్లో డ్వాక్రా మహిళల బ్యాంక్ ఖాతాలల్లోకి పసుపు-కుంకుమ తుది విడత నిధులను మంజూరు చేస్తున్నామని సునీత తెలిపారు. 2019 ఎన్నికల్లో జగనాసురుడిని మర్దించేందుకు మహిళలు సిద్ధంగా ఉన్నారని అన్నారు.



బోండా ఉమకు హైకోర్టు షాక్

Updated By ManamWed, 10/17/2018 - 13:08

Bonda Umaఅమరావతి: అధికార తెలుగుదేశం ఎమ్మెల్యే బోండా ఉమకు హైకోర్టు షాక్ ఇచ్చింది. ఒక భూమికి సంబంధించి నకిలీ డాక్యుమెంట్లు, ఫోర్జరీ ఆరోపణల కేసులో ఆయనపై చర్యలు తీసుకోవాలంటూ బెజవాడ పోలీసులకు హైకోర్టు ఆదేశించింది. ఇదే కేసులో ఆయనతో పాటు ఆయన భార్య మరో 9మందిపై చర్యలు తీసుకోవాలని కోర్టు వెల్లడించింది.

బోండా ఉమ మోసానికి పాల్పడ్డాడంటూ గతంలో రామినేని కోటేశ్వరరావు అనే వ్యక్తి పోలీసులకు ఫిర్యాదు చేశాడు. అయితే దీనిపై పోలీసులు ఫిర్యాదు తీసుకోకపోవడంతో ఆయన హైకోర్టును ఆశ్రయించాడు. కేసును విచారించిన హైకోర్టు ఈ నోటీసులు జారీ చేసింది.



మాగంటికి అసమ్మతి

Updated By ManamTue, 10/16/2018 - 17:14
  • గులాబీ నేతల్లో వ్యతిరేకత 

  • సీమాంధ్ర ఓటర్ల వ్యతిరేకత? 

  • పార్టీ మారడమే కారణమా? 

  • జూబ్లీహిల్స్‌లో మహాకూటమి పోటీ

  • ఎంఐఎం తరపున నవీన్‌యాదవ్ 

  • ఓట్లు చీల్చనున్న బీజేపీ

  • ఒంటరి పోరులో విజయం సాధ్యమేనా? 

Maganti Gopinath

హైదరాబాద్:  సంపన్నులతో పాటు శ్రమైకజీవులు అధికంగా నివాసముండే జూబ్లీహిల్స్ నియోజవర్గంలో రాజకీయాలు రోజురోజుకు వేడెక్కుతున్నాయి. జూబ్లీహిల్స్ నుంచి టీఆర్‌ఎస్ తరపున తాజామాజీ ఎమ్మెల్యే మాగంటి గోపీనాథ్ బరిలోకి దిగుతుండటంతో గులాబీ నేతల్లో ఆయన పట్ల తీవ్ర అసంతృప్తి వ్యక్తమవుతున్నది. 

ఈ క్రమంలోనే టీఆర్‌ఎస్ అధినేత కేసీఆర్ అభ్యర్ధుల జాబితా ప్రకటించగానే కార్పొరేటర్ షఫీ రోడ్డుపై బైఠాయించి మాగంటి గోపీనాథ్‌కు వ్యతిరేకంగా ధర్నా నిర్వహించిన విషయం విదితమే. అంతేకాకుండా ఫంక్షన్‌హాల్‌లో సైతం కార్పొరేటర్లతో పాటు నాయకులు, కార్యకర్తలను మాగంటిని వ్యతిరేకిస్తూ సమావేశాలు నిర్వహించిన సంగతి తెలిసింది. ఈ క్రమంలోనే అధిష్టానం బుజ్జగించినా లోలోపల మాత్రం అసమ్మతి రగులుతూనే ఉన్నది. అదికాస్త ఎన్నికల ఫలితాల్లో బహిర్గత మవుతుందని పార్టీ శ్రేణుల్లో చర్చజరుగుతున్నది. 

టీఆర్‌ఎస్ ఓటమి లక్ష్యంగా ఏర్పాటైన మహాకూటమి తరపున బలమైన అభ్యర్ధి బరిలోకి దిగనున్నట్లు సమాచారం. ఈ క్రమంలోనే ఎంఐఎం తరపున నవీన్‌యాదవ్ కూడా పోటీ చేయనున్నట్లు తెలిసింది. సహజంగానే మాంగటికి వ్యతిరేకత ఉండటం.. సొంతపార్టీలోనే ఆయన పట్ల తీవ్ర అసంతృప్తి బహిర్గతం కావడంతో మాగంటి ఓటమి ఖాయమని విపక్షాలు ప్రచారం చేస్తున్నాయి. ఇదిలాఉండగా సీమాంధ్ర ఓటర్లు సైతం ఆయన పట్ల వ్యతిరేకతను పెంచుకున్నట్లు తెలిసింది. 

తెలంగాణ టీడీపీ నుంచి పోటీ చేసి విజయం సాధించిన ఆయన టీఆర్‌ఎస్‌లో చేరడాన్ని వారు జీర్ణించుకోలేకపోతున్నట్లు సమాచారం. గత ఎన్నికల్లో బీజేపీ-టీటీడీపీ పొత్తులో భాగంగా పోటీ చేసి విజయం సాధించిన ఆయనకు ఈ సారి బీజేపీ అభ్యర్థి సైతం పోటీ చేస్తుండటంతో ఆయన ఒంటరి అయ్యే అవకాశాలున్నాయి. నియోజకవర్గంలో టీఆర్‌ఎస్‌కు వ్యతిరేకత ఏర్పడటం, మాగంటిపై పెరిగిన వ్యతిరేకత, కూటమి బలమైన అభ్యర్ధి, ముస్లిం మైనార్టీ ఓట్లను చీల్చనున్న నవీన్‌యాదవ్‌ను బరిలో నిలపడం తదితర అంశాలను పరిశీలిస్తే మాగంటి గోపీనాథ్ ఓటమి ఖాయమని విపక్ష నేతలు పేర్కొంటున్నారు. ఏదేమైనా ఎన్నికల్లోనే ఫలితం తేలనుంది. 
 
అయితే టికెట్ కేటాయించినప్పటి నుంచి మాగంటిపై స్థానిక కార్పొరేటర్ల నుంచి అసమ్మతి సెగలు వ్యాపించసాగాయి. దీంతో ఓ వైపు అసమ్మతి వాదులను బుజ్జగిస్తూనే ఎన్నికల ప్రచారం నిర్వహిస్తున్న మాగంటికి క్షేత్ర స్థాయిలో పార్టీ కార్యకర్తలు, శ్రేణులు సహకరించకపోవడంతో ఇక్కడ టీఆర్‌ఎస్ గెలుపు ప్రశ్నార్ధకంగా మారింది. ఈ ఎన్నికల్లో టీఆర్‌ఎస్ ఓటమే లక్ష్యంగా జతకట్టిన శత్రు పార్టీలైన కాంగ్రెస్, టీటీడీపీలు టీజేఎస్, సీపీఐలను కలుపుకుని మహాకూటమిని ఏర్పాటు చేసిన సంగతి విదితమే. 

అయితే టీడీపీకి బలమైన క్యాడర్ ఉన్న ఈ నియోజకర్గాన్ని తమకు కేటాయిస్తే సులభంగా విజయం సాధిస్తామని టీడీపీ నేతలు చెబుతుండగా కాంగ్రెస్ పార్టీ మాత్రం ఇక్కడి నుంచి బలమైన అభ్యర్థిని బరిలో దించేందుకు సమాయత్తం అవుతోంది. బలమైన టీటీడీపి క్యాడర్‌కు తోడు కాంగ్రెస్ ఓట్లు తోడయితే ఇక్కడ టీఆర్‌ఎస్ ఓటమి తప్పదని పార్టీ కూటమి నేతలు ధీమా వ్యక్తం చేస్తోంది. అయితే ఈ జూబ్లీహిల్స్‌పై ఎంఐఎం సైతం కన్నేసింది. గత ఎన్నికల్లో రెండవ స్థానంలో నిలిచిన ఎంఐఎం ఈసారి ఇక్కడి నుంచి బలమైన అభ్యర్థిని బరిలోనికి దించేందుకు  సమాయత్తమవుతోంది. 

ఎంఐఎం నుంచి నవీన్‌ యాదవ్‌ను బరిలోనికి దింపితే ఇక్కడి నుంచి ఖచ్చితంగా విజయం సాధిస్తామని ఎంఐఎం ధీమా వ్యక్తం చేస్తోంది. టీఆర్‌ఎస్ అభ్యర్థి మాగంటి గోపినాథ్‌పై ఎక్కువగా స్వంత పార్టీ కార్పొరేటర్ల నుంచే వ్యతిరేకత ఉండడంతో పార్టీ అధిష్టానం రంగంలోనికి దిగి అసమ్మతి వాదులను బుజ్జగించే ప్రయత్నం చేస్తున్నప్పటికి  అసమ్మతి వాదులు మాత్రం మేకపోతు గాంభీర్యం ప్రదర్శిస్తూ పైకి మాత్రం పైకి మాగంటికి సపోర్ట్ చేస్తున్నట్లుగానే కనిపిస్తున్నప్పటికి క్షేత్ర స్థాయిలో ఓటర్లకు మాత్రం మాగంటికి ఓటు వేయ్యందంటూ ప్రచారం నిర్వహించడం విశేషం. 

దీనికి తోడు టీడీపీ నుంచి గెలిచి టీఆర్‌ఎస్‌లోనికి వెళ్లడంతో నియోజకవర్గంలోని టీడీపీ క్యాడర్‌తో పాటు స్థానికంగా అభివృద్ధి కార్యక్రమాలను చేయకపోవడంతో ప్రజల నుంచి మాగంటికి తీవ్ర వ్యతిరేకత ఎదురవుతోందని పార్టీ శ్రేణులు గుసగులాడు తున్నాయి. మరోవైపు మాగంటికి మినహాయించి ఇక్కడ టీఆర్‌ఎస్ నుంచి ఎవరికి టికెట్ కే టాయించిన వారిని గెలిపించేందుకు కలిసికట్టుగా పనిచే స్తామని స్థానిక టీఆర్‌ఎస్ నేతలు బహిరంగగానే చెబుతుండడంతో ఇక్కడి రాజకీయాలపై సర్వత్రా ఉత్కంఠ నెలకొంది. ఏదీ ఏమైనా కీలకమైన జూబ్లీహిల్స్ నియోజకవర్గం నుంచి ఈ దఫా మాగంటి మళ్లీ విజయం సాధిస్తాడా లేదా అన్నది తేలాలంటే ఎన్నికలు ముగిసే వరకు వేచి చూడాల్సిందే. 



ఎవరి గెలుపు కోసం పవన్ పోటీ చేస్తున్నారో..?

Updated By ManamTue, 10/16/2018 - 10:47

Pawan Kalyan, Yanamala Ramakrishnuduఅమరావతి: జనసేన అధినేత పవన్ కల్యాణ్‌వి లాలూచీ రాజకీయాలని.. ఎవరి గెలుపు కోసం పవన్ పోటీ చేస్తున్నారో చెప్పాలని ఏపీ ఆర్థిక మంత్రి యనమల రామకృష్ణుడు మండిపడ్డారు. జగన్‌పై కోపం లేదంటూనే, అతడి అవినీతి దేవుడికి తెలుసని పవన్ మాట్లాడటం హాస్యాస్పదమని యనమల ఎద్దేవా చేశారు. సీబీఐ, ఈడీ ఛార్జిషీట్లలో జగన్ అవినీతి తెలీదా అంటూ ప్రశ్నించారు.

జగన్, మోదీని వదిలేసి పవన్ చంద్రబాబుపై ఆరోపణలు చేస్తున్నారని, రాఫెల్ స్కాంపై పవన్ ఎందుకు మాట్లాడలేదని అడిగారు. ముఖ్యమంత్రి కావాలంటే అందరివాడై ఉండాలని, చంద్రబాబు అందరివాడు కాబట్టే 14ఏళ్లు సీఎం కాగలిగారు అని చెప్పారు. చిరంజీవి అందరివాడు అనే సినిమాను తీసినా.. నిజ జీవితంలో కొందరి వాడిలాగే మిగిలిపోయారని.. పవన్ ప్రచారం చేసిన పాలకొల్లులోనూ చిరంజీవి ఓడిపోయారని గుర్తు చేశారు. ఎన్నికల తరువాత జనసేన ఎవరితో కలిసిపోతుందో పవన్ చెప్పాలని యనమల రామకృష్ణుడు అన్నారు. కాగా సోమవారం రాజమహేంద్రవరంలో జనసేన కవాతు సందర్భంగా ప్రసగించిన పవన్.. టీడీపీపై విమర్శలు చేసిన విషయం తెలిసిందే. 



రాజకీయంగా అణగదొక్కేందుకే...

Updated By ManamSun, 10/14/2018 - 14:03
  • సీఎం రమేష్ నివాసంలో ముగిసిన ఐటీ దాడులు

TDP MP CM Ramesh comments on IT Raids

హైదరాబాద్ : రాజకీయ కక్షతోనే తన వ్యాపార సంస్థలపై ఐటీ దాడులు చేశారని టీడీపీ రాజ్యసభ సభ్యుడు సీఎం రమేష్ ఆరోపించారు. ఆయన ఆదివారం మీడియా సమావేశంలో మాట్లాడుతూ...‘నన్ను రాజకీయంగా అణగదొక్కేందుకే ఐటీ దాడులు చేశారు. నా భార్య పేరుతో వారెంట్ తీసుకు వచ్చి సోదాలు నిర్వహించారు. మా ఇంట్లో రూ.3.25 లక్షలు దొరికాయి. అందులో రెండు లక్షలు దేవుడి ముడుపు కోసం పెట్టిన డబ్బులు. 

దాదాపు 25 చోట్ల సోదాలు జరిగాయి. సోదాలు సందర్భంగా మా ఫోన్లు అన్నీ లాక్కున్నారు. మా ఇళ్లు, కార్యాలయాలతో పాటు నా చిన్ననాటి స్నేహితులు, బంధువుల ఇళ్లలో కూడా తనిఖీలు చేశారు. ఢిల్లీ, బెంగళూరులోనూ సోదాలు చేపట్టారు. పై నుండి ఒత్తిడి ఉందని అధికారులు చెప్పారు. పార్టీ మారండి, సమస్యలు ఉండవని ఐటీ అధికారి మదన్ చెప్పారు.  

కొందరు అధికారులు మా ఉద్యోగులను బెదరించారు. మా దగ్గర ఏమైనా పాకిస్తాన్‌కు సంబంధించిన పత్రాలు ఉన్నాయా?. అలహాబాద్ బ్యాంక్‌లో మాకు అకౌంటే లేదు.  రిత్విక్ అగ్రిలో నా భార్య డైరెక్టర్ కాదు. తప్పుడు కంపెనీ పేరుతో వారెంట్ తెచ్చారు. ఈ సోదాలపై సీవీసీకి ఫిర్యాదు చేస్తా. దాడులకు నేను భయపడేది లేదు. అన్నింటినీ ఎదుర్కొంటాం.’ అని అన్నారు.



రమేశ్ ఆస్తులపై రెండోరోజూ కొనసాగుతున్న సోదాలు

Updated By ManamSat, 10/13/2018 - 11:16

Ramesh Reddyహైదరాబాద్: టీడీపీ నేత, రాజ్యసభ అధ్యక్షుడు సీఎం రమేశ్ రెడ్డి కార్యాలయంలో రెండో రోజూ ఐటీ సోదాలు కొనసాగుతున్నాయి. సాగర్ సొసైటీలోని సీఎం రమేశ్ కార్యాలయంలో అధికారులు పలు పత్రాలను పరిశీలిస్తున్నారు. ఈ సోదాలు రేపటి వరకు కొనసాగవచ్చని సమాచారం.

కాగా సీఎం రమేశ్ ఇళ్లు, కార్యాలయాలపై శుక్రవారం ఉదయం ఐటీ అధికారులు పెద్ద సంఖ్యలో మోహరించి తనఖీలు చేపట్టారు. హైదరబాద్‌తో పాటు ఆయన సొంత సొంత ఊరులోనూ ఏకకాలంలో సోదాలు చేశారు. దాదాపు 100మందికి పైగా అధికారులు ఈ సోదాల్లో పాల్గొన్నారు. అయితే సీఎం రమేశ్‌ ఆస్తులపై ఐటీ దాడులను టీడీపీ అధినేత చంద్రబాబు సహా పలువురు పార్టీ నేతలు ఖండించిన విషయం తెలిసిందే.



ఆపరేషన్ గరుడలో భాగంగానే ఐటీ దాడులు

Updated By ManamFri, 10/12/2018 - 11:49

Nara Lokeshహైదరాబాద్: టీడీపీ నేతలపై ఐటీ దాడులను ఐటీ మంత్రి నారా లోకేశ్ ఖండించారు. ఆపరేషన్ గరుడలో భాగంగా ఆంధ్రులపై మోదీ ఈ దాడులు చేస్తున్నారని నారా లోకేశ్ మండపడ్డారు. హోదాతో పాటు ఇచ్చిన 18హామీలు నెరవేర్చాలని అని నిలదీసినందుకు మోదీ ఏపీపై కక్ష కట్టారని ఆయన అన్నారు. అందులో భాగంగా మొన్న బీద మస్తాన్ రావు, నిన్న సుజనా చౌదరి, ఈ రోజు సీఎం రమేశ్‌లపై దాడులు చేస్తున్నారని లోకేశ్ విమర్శించారు.

ఉక్కు పరిశ్రమ కోసం సీఎం రమేశ్ దీక్ష చేసి ఈ రోజుకు వంద రోజులు పూర్తయ్యిందని అయినా కేంద్రంలో చలనం లేదని లోకేశ్ అన్నారు. ఏపీకి పెట్టుబడులు రాకుండా చేయాలని అనుకుంటున్న మోదీ.. రాష్ట్రంలోని పారిశ్రామికవేత్తలు, పరిశ్రమలపై ఐటీ దాడులు చేయిస్తున్నారని పేర్కొన్నారు. ఎన్ని ఇబ్బందులు పెట్టినా హోదా సాధనలో వెనక్కి తగ్గేది లేదని.. కేంద్రం మెడలు వంచైనా హోదా సాధిస్తామని చెప్పారు. ఈ మేరకు సోషల్ మీడియాలో ట్వీట్ చేశారు నారా లోకేశ్. 



కక్షపూరితంగానే మాపై ఐటీ దాడులు

Updated By ManamFri, 10/12/2018 - 11:08

CM Rameshన్యూఢిల్లీ: తమపై జరుగుతున్న ఐటీ దాడులకు భయపడేది లేదని టీడీపీ ఎంపీ సీఎం రమేశ్ అన్నారు. కక్షసాధింపు చర్యల్లో భాగంగానే ఈ ఐటీ దాడులు చేస్తున్నారని రమేశ్ చెప్పారు. తాను ఢిల్లీలో ఉన్నప్పుడు తన ఇంటిపై దాడులు చేయడం ఏంటని ఈ సందర్భంగా రమేశ్ ప్రశ్నించారు. అయినా తప్పు చేయనప్పుడు భయపడాల్సిన అవసరం తనకు లేదని, అయితే మీడియా సమక్షంలో దాడులు చేయాలని తాను కోరుతున్నట్లు రమేశ్ తెలిపారు. కాగా ఏపీలో జరుగుతున్న ఐటీ దాడుల వివరాలు ఇవ్వాలంటూ పీఏసీ సభ్యుడిగా మూడు రోజుల క్రితం ఐటీ శాఖకు రమేశ్ రెడ్డి నోటీసులు పంపగా.. తాజాగా ఆయన ఇంట్లోనే సోదాలు జరగడం విశేషం. ఇదిలా ఉంటే రమేశ్ ఆస్తులపై శుక్రవారం ఉదయం నుంచి ఐటీ దాడులు జరుగుతున్నాయి. దాదాపు 25 నుంచి 30చోట్ల ఏకకాలంలో 100మంది ఐటీ అధికారులు ఈ సోదాల్లో పాల్గొన్నారు.





Related News