cm ramesh

సీఎం రమేష్ ఎందుకు మీసం మెలేస్తున్నారు?

Updated By ManamFri, 10/19/2018 - 12:31
  • సీఎం రమేష్‌పై జీవీఎల్ ధ్వజం

GVL Narasimharao slams CM ramesh

విజయవాడ : టీడీపీ రాజ్యసభ సభ్యుడు సీఎం రమేష్‌పై బీజేపీ సీనియస్ నేత జీవీఎల్ నర్సింహారావు తీవ్రస్థాయిలో ధ్వజమెత్తారు. ఆయన శుక్రవారమిక్కడ మీడియా సమావేశంలో మాట్లాడుతూ... ‘ఐటీ సోదాలప్పుడు సీఎం రమేష్ వందకోట్లు తప్పించారు. సొంత కంపెనీల్లో ఖాతాలకు సంబంధించి పన్నులు ఎగొట్టారు.

తాను చేసింది తప్పులు కాకుండా మళ్లీ ఎందుకు మీసం మెలేస్తున్నారు. ఇప్పుడు ఆ మీసాన్నే తీసేసుకోవాల్సిన పరిస్థితి ఏర్పడింది. పార్లమెంట్ సభ్యుడు అంటే అసహ్యం కలిగేలా సీఎం రమేష్ ప్రవర్తిస్తున్నారు. ఎతిక్స్ కమిటీ ద్వారా సీఎం రమేష్‌ను తప్పిస్తాం. 24 గంటల్లో మొత్తం సమాచారం బయటపెట్టాలి. రాష్ట్ర ప్రజలకు సీఎం రమేష్ క్షమాపణలు చెప్పాలి. లేదంటే ముఖ్యమంత్రి చంద్రబాబు నాయుడుకు బినామీ అని అనుకోవాల్సి వస్తుంది. 

రాష్ట్రంలో ఉద్యోగాలపై పవన్ కల్యాణ్ అడిగిన ప్రశ్నలకు సమాధానం చెప్పాలి. కాగితాల్లో ఉద్యోగాలు ఇచ్చామని చెబుతున్నారు. ఆ వివరాలు బయటపెట్టండి. ఇక సీఎంగా చంద్రబాబు శ్రీకాకుళం జిల్లాలో పర్యటిస్తున్నారు సంతోషం. ప్రజల కోసం నేను వెళ్లాను అనే సంతృప్తి కనిపించడం లేదు. రాబోయే ఎన్నికలు కోసమే ఆయన అక్కడ ఉన్నారు. 

ఇప్పటికైనా రాజకీయాలు మానుకోని, పని చేయడం అవసరం. వందకోట్లు ఆదాయపు పన్ను ఎగ్గొట్టి, బినామీ పేర్లతో కంపెనీలు ఏర్పాటు చేసి, పైపెచ్చు రాజకీయ కక్షతోనే ఐటీ దాడులు చేశారని చెప్పడం సరికాదు. రాజకీయాల్లో ఉండే ప్రతి ఒక్కరికీ నిబద్ధత అనేది ఉండాలి. రాజకీయాలు స్వచ్ఛంగా ఉండాలని అనుకుంటారు. ‘సైకిల్’ తొక్కేవారు వేలకోట్లు ఎలా సంపాదించారు. 

సీఎం చంద్రబాబుకు ధైర్యం ఉంటే, తమ ఆస్తుల వివరాలు బయటపెట్టి రాష్ట్ర అసెంబ్లీలో తీర్మానం చేయాలి. రాజకీయాల్లోకి వచ్చింది అక్రమంగా సంపాదించుకోవడానికి, దాన్ని కాపాడుకోవడానికే అని ప్రజలు అనుకుంటున్నారు. దమ్ముంటే చంద్రబాబు ముందుకు రావాలి. మనిషి నైజం అనేది అతడు ఉన్న మానసిక ఒత్తిడిలో ఉన్నప్పుడే బయటకు వస్తుంది. సీఎం రమేష్ ఓ రాజ్యసభ సభ్యుడిగాకాకుండా, సారా కాంట్రాక్టర్‌గా, రోడ్డు సైడ్ రౌడీలా ప్రవర్తిస్తున్నారు. దీనికి టీడీపీనే బాధ్యత వహించాలి’ అని అన్నారు.



రేవంతు.. నేనే టార్గెట్

Updated By ManamMon, 10/15/2018 - 03:42
  • కుట్రపూరితంగానే  ఐటీ దాడులు: సీఎం రమేశ్ 

rameshహైదరాబాద్: కాంగ్రెస్ నాయకుడు రేవంత్ రెడ్డిని, తనను టార్గెట్ చేసి, తమపై కుట్ర పూరితంగా ఐటీ దాడులు చేయిస్తున్నారని ఏపీ పార్లమెంట్ సభ్యుడు సీఎం రమేశ్ ఆరోపిం చారు. గృహిణిగా ఉన్న తన భార్య పేరిట సెర్చ్ వారెంట్ తెచ్చి, తెలంగాణ అధికారులను విట్‌నెస్‌గా చూపి అక్రమంగా సోదాలు చేశారని ఆయన ఆక్షేపించారు. అమిత్‌షా కోరినా పీఏసీ ఎన్నికల బరి నుంచి తాను తప్పుకోనందునే ఆయన ఈ దాడులు చేయించారన్నారు. ఆదివారం, హైదరాబాద్‌లోని ఎన్టీఆర్ భవన్‌లో రమేశ్ విలేకరుల సమావేశంలో మాట్లాడారు. తనపై ఇంతకుముందు కూడా ఐటీ సోదాలు జరిగాయని, అయితే, తానెప్పుడూ మీడి యా ముందు ఈ ప్రస్తావన తేలేదన్నారు. ఇప్పుడు రాజకీయ దురుద్దేశంతో తనను, తన వాళ్లను భయ బ్రాంతులకు గురిచేసేందుకే దాడులు చేయిస్తున్నందున మీడియా ఎదుట మాట్లా డాల్సి వస్తోం దన్నారు. హైదరాబాద్, బెంగళూ రు, చెన్నై, కడప, ఢిల్లీ వంటి 25 చోట్ల తనకు సంబంధించిన కంపెనీల్లో 3 రోజుల పాటు ఈ దాడులు జరిగాయని చెప్పారు. ఐటీ అధికారులు పేర్కొంటున్నట్లు తన భార్య అగ్రీఫాంలో డైరెక్టర్‌గా లేరన్నారు. తప్పుడు, ఇల్లీగల్ సెర్చ్ వారెం ట్‌తో దాడులు చేశారని విమర్శించారు. పైనుంచి ఒత్తిడి ఉన్నందునే సోదాలు జరుపుతు న్నట్లు అధికారులు వెల్లడించారని రమేశ్ వివరించా రు. కేంద్ర ప్రభుత్వానికి వ్యతిరేకంగా మాట్లాడితే దాడులు ఇలాగే కొనసాగుతాయని మదన్ అనే ఐటీ అధికారి హెచ్చరించాడన్నారు. రిత్విక్ కంపెనీలో ఎలాంటి అవకతవకలు జరగలేదని చెప్పారు. 20 ఏండ్ల క్రితం ప్రారంభించిన ఆ కంపెనీ ప్రస్తుతం రూ.1500 కోట్ల టర్నోవర్‌తో రన్ అవుతోందని, అందుకు సంబంధించి ట్యాక్స్ కూడా చెల్లించానని వివరించారు.



రాజకీయంగా అణగదొక్కేందుకే...

Updated By ManamSun, 10/14/2018 - 14:03
  • సీఎం రమేష్ నివాసంలో ముగిసిన ఐటీ దాడులు

TDP MP CM Ramesh comments on IT Raids

హైదరాబాద్ : రాజకీయ కక్షతోనే తన వ్యాపార సంస్థలపై ఐటీ దాడులు చేశారని టీడీపీ రాజ్యసభ సభ్యుడు సీఎం రమేష్ ఆరోపించారు. ఆయన ఆదివారం మీడియా సమావేశంలో మాట్లాడుతూ...‘నన్ను రాజకీయంగా అణగదొక్కేందుకే ఐటీ దాడులు చేశారు. నా భార్య పేరుతో వారెంట్ తీసుకు వచ్చి సోదాలు నిర్వహించారు. మా ఇంట్లో రూ.3.25 లక్షలు దొరికాయి. అందులో రెండు లక్షలు దేవుడి ముడుపు కోసం పెట్టిన డబ్బులు. 

దాదాపు 25 చోట్ల సోదాలు జరిగాయి. సోదాలు సందర్భంగా మా ఫోన్లు అన్నీ లాక్కున్నారు. మా ఇళ్లు, కార్యాలయాలతో పాటు నా చిన్ననాటి స్నేహితులు, బంధువుల ఇళ్లలో కూడా తనిఖీలు చేశారు. ఢిల్లీ, బెంగళూరులోనూ సోదాలు చేపట్టారు. పై నుండి ఒత్తిడి ఉందని అధికారులు చెప్పారు. పార్టీ మారండి, సమస్యలు ఉండవని ఐటీ అధికారి మదన్ చెప్పారు.  

కొందరు అధికారులు మా ఉద్యోగులను బెదరించారు. మా దగ్గర ఏమైనా పాకిస్తాన్‌కు సంబంధించిన పత్రాలు ఉన్నాయా?. అలహాబాద్ బ్యాంక్‌లో మాకు అకౌంటే లేదు.  రిత్విక్ అగ్రిలో నా భార్య డైరెక్టర్ కాదు. తప్పుడు కంపెనీ పేరుతో వారెంట్ తెచ్చారు. ఈ సోదాలపై సీవీసీకి ఫిర్యాదు చేస్తా. దాడులకు నేను భయపడేది లేదు. అన్నింటినీ ఎదుర్కొంటాం.’ అని అన్నారు.



హైదరాబాద్‌ చేరుకున్న సీఎం రమేష్

Updated By ManamSat, 10/13/2018 - 17:39
CM Ramesh Reached Hyderabad

న్యూఢిల్లీ : ఐటీ అధికారుల  సూచనలతో టీడీపీ రాజ్యసభ సభ్యుడు సీఎం రమేష్ శనివారం సాయంత్రం ఢిల్లీ నుంచి హైదరాబాద్ చేరుకున్నారు. రెండు రోజుల నుంచి సీఎం రమేష్ కంపెనీలపై ఐటీ దాడుల నేపథ్యంలో సోదాల నిమిత్తం ఆయన వేలిముద్రల ఆధారంగానే లాకర్స్ తెరవాల్సి ఉండటంతో తక్షణమే హైదరాబాద్ రావాలని అధికారులు సూచించారు. దీంతో ఆయన హుటాహుటీన ఢిల్లీ నుంచి హైదరాబాద్ వచ్చారు. కాగా సీఎం రమేష్ నివాసాలు, కార్యాలయాల్లో రెండోరోజు కూడా సోదాలు కొనసాగుతున్నాయి.



'అది అడిగినందుకే ఐటీ దాడులు'

Updated By ManamFri, 10/12/2018 - 19:57

IT Raids, CM Ramesh, Ramesh brother Suresh, IT officials కడప: టీడీపీ ఎంపీ సీఎం రమేశ్‌ ఇంట్లో శుక్రవారం ఐటీ సోదాలు ముగిశాయి. ఎర్రగుంట్ల మండలం పోట్లదుర్తి కేంద్రంగా 12 మంది ఐటీ అధికారులు సోదాలు నిర్వహించారు. రమేశ్‌ నివాసంలో దాదాపు 10 గంటలపాటు ఐటీ శాఖ తనిఖీలు నిర్వహించింది. సీఎం రమేశ్‌ సోదరుడు సురేశ్‌ సమక్షంలో ఐటీ సోదాలు కొనసాగాయి. రమేశ్ ఆస్తులకు సంబంధించి ఐటీ రిటర్న్‌ దాఖలుపై అధికారులు విచారించారు.

అధికారులు తమ వద్ద నుంచి ఎలాంటి పత్రాలను స్వాధీనం చేసుకోలేదని సీఎం రమేశ్‌ సోదరుడు సురేశ్‌ స్పష్టం చేశారు. ఐటీ అధికారులక భయపడేది లేదని అన్నారు. ఉక్కు ఫ్యాక్టరీ అడిగినందుకే ఐటీ దాడులు జరిపారని ఆయన ఆరోపించారు. నిజాయతీగా ఉన్నందుకే సోదాల్లో ఎలాంటి ఆధారాలు దొరకలేదని సురేశ్ స్పష్టం చేశారు. 



సీఎం రమేష్ ఇంటి వద్ద ఉద్రికత్త

Updated By ManamFri, 10/12/2018 - 13:45
Womens protest in front of CM Ramesh House in Potladurthi against IT raids

కడప : టీడీపీ ఎంపీ సీఎం రమేష్ నివాసం వద్ద ఉద్రిక్త వాతావరణం నెలకొంది. పోట్లదుర్తిలోని ఆయన నివాసంలో ఐటీ అధికారులు సోదాలు కొనసాగుతున్నాయి. ఈ విషయం తెలుసుకున్న మహిళలు పెద్ద ఎత్తున సీఎం రమేష్ ఇంటివద్దకు చేరుకున్నారు. ఇంటి ముందు బైఠాయించి, బీజేపీ ప్రభుత్వానికి, ఐటీ సోదాలను వ్యతిరేకిస్తూ నినాదాలు చేపట్టారు. ఐటీ దాడులు కేంద్రం కుట్ర అంటూ మహిళలు ఆగ్రహం వ్యక్తం చేశారు.

మరోవైపు హైదరాబాద్‌లోని సీఎం రమేష్ నివాసంలో పదిమంది ఐటీ అధికారులు తనిఖీలు జరుపుతున్నారు. సుమారు 20 నుంచి 30 ప్రాంతాల్లో వందమంది అధికారులు ఈ సోదాలు జరుపుతున్నారు. 



కడప స్టీల్‌ప్లాంట్‌కు సహకరించండి

Updated By ManamFri, 08/03/2018 - 00:11
  • ఉపరాష్ట్రపతికి టీడీపీ ఎంపీల విజ్ఞప్తి

  • పోరాటం కొనసాగిస్తాం: సీఎం రమేశ్

  • చట్టపరంగా ముందుకెళ్తాం: గల్లా జయదేవ్

imageన్యూఢిల్లీ: కడప స్టీల్ ప్లాంట్ ఏర్పాటుకు సహకరించాలని తెలుగుదేశం పార్టీ ఎంపీలు ఉపరాష్ట్రపతి వెంకయ్యనాయుడును కోరారు. ఈ మేరకు టీడీపీ ఎంపీలు సీఎం రమేశ్, గల్లా జయదేవ్, కొనకళ్ల నారాయణ, రామ్మోహన్ నాయుడు, కడప జిల్లా జేఏసీ నేతలు ఉపరాష్ట్రపతి వెంకయ్యను గురువారం ఢిల్లీలో కలిసి ఓ వినతి పత్రాన్ని అందజేశారు. అనంతరం టీడీపీ రాజ్యసభ సభ్యుడు సీఎం రమేష్ మీడియాతో మాట్లాడుతూ.. ఉపరాష్ట్రపతికి అన్ని విషయాలు తెలుసు కాబట్టి చొరవ తీసుకోవాలని కోరామన్నారు. పార్లమెంట్ ఉభయ సభల్లో జరిగిన చర్చల్లో ప్రభుత్వం నుంచి సంతృప్తికరమైన సమాధానం రాలేదని ఆవేదన వ్యక్తం చేశారు. ఉక్కు కర్మాగారంపై జిల్లాలో ఆందోళనకు గురవుతున్నారని చెప్పామన్నారు. కడపలో ఉక్కు పరిశ్రమకు కావలసిన అన్ని వసతులు నీరు, ఖనిజం, భూమి, విద్యుత్, రోడ్డు, రైల్వే కనెక్టివిటీ వంటి వనరులన్నీ ఉన్నాయని, ఇంతకుమించి అనువైన పరిస్థితులు ఇంకేమి ఉంటాయని ఆయన ప్రశ్నించారు. వీటన్నింటికి మించి అంతర్జాతీయంగా స్టీల్‌కు ధర, డిమాండ్ పెరిగాయని ఉపరాష్ట్రపతికి వివరించామన్నారు.

దీనికి ఆయన స్పందిస్తూ తన పరిధిలో ఉన్నంతవరకు మంత్రితో మాట్లాడి న్యాయం చేస్తామని హామీ ఇచ్చారని, ఉక్కు పరిశ్రమ ఏర్పాటు కోసం మేం చేయగలిగినదంతా చేస్తామన్నారని వెల్లడించారు. కాగా, ఉక్కు ఫ్యాక్టరీ ఏర్పాటుకు సీఎం చంద్రబాబు కేంద్ర ప్రభుత్వానికి రెండు ఆప్షన్లు ఇచ్చారని, దీనిపై కేంద్రం ఏదొకటి నిర్ణయం తీసుకోవాలని, ఆలోపు తాము వివిధ రూపాల్లో పోరాటాలు చేస్తామని స్పష్టం చేశారు. తమతో అన్ని పార్టీల నేతలు వచ్చారని, వైసీపీ వాళ్లను కూడా ఆహ్వానిస్తే వారు స్పందించలేదని, కడప జిల్లాలో ఉక్కు పరిశ్రమ రావడం జగన్‌కు ఇష్టం లేదని, ఈ విషయాన్ని ప్రజలంతా గమనిస్తున్నారన్నారు. అనంతరం ఎంపీ గల్లా జయదేవ్ మాట్లాడుతూ... ఉపరాష్ట్రపతి వెంకయ్యనాయుడు తమ న్యాయపరమైన హక్కులపై సానుకూలంగా స్పందించారని చెప్పారు. ఏపీకి న్యాయం జరిగేంత వరకు తమ పోరాటం ఆగదని, తాము దశల వారీగా పోరాటం చేస్తున్నామని, ఇకముందు చట్టపరంగా కూడా ముందుకు వెళ్లనున్నట్లు స్పష్టం చేశారు. తదుపరి కమ్యూనిస్ట్ పార్టీ నేత రవిశంకర్‌రెడ్డి మాట్లాడుతూ తాజా పరిణామాలు చూస్తుంటే స్టీల్ ప్లాంట్ ఇవ్వడం బీజేపీకి ఇష్టం లేదని అందుకే కాలయాపన చేస్తోందన్నారు. కడప ఉక్కు కర్మాగారం రాయలసీమ ప్రజల ఆకాంక్ష అని, ఫ్యాక్టరీ ఇవ్వకపోతే బీజేపీని జనం పాతిపెడతారని మండిపడ్డారు. రాయలసీమ ప్రజలకు ఉక్కు పరిశ్రమ పెట్టి ఉపాధి చూపించడానికి ఇంతగా ఎందుకు ఆలోచిస్తున్నారో అర్థం కావడం లేదన్నారు. లాభ, నష్టాలు చూసి నిర్ణయం తీసుకోడానికి కేంద్ర ప్రభుత్వం ఏమైనా కార్పొరేట్ కంపెనీయా అని ప్రశ్నించారు.



మరోసారి రచ్చకెక్కిన కడప తెలుగు తమ్ముళ్లు

Updated By ManamSat, 07/28/2018 - 20:41

Conflicts Between TDP Leaders in Proddatur Kadapa Dist

కడప: జిల్లాలోని ప్రొద్దుటూరు టీడీపీలో మరోమారు విబేధాలు బహిర్గతమయ్యాయి. మున్సిపల్ కార్యాలయంలో చైర్మన్ ఆనం రఘురామిరెడ్డి లేకుండానే ఎంపీ సీఎం రమేశ్ రెడ్డి, మాజీ ఎమ్మెల్యే లింగారెడ్డి, ఎమ్మెల్సీ బీటెక్ రవి సమీక్ష నిర్వహించారు. విషయం తెలుసుకున్న మాజీ ఎమ్మెల్యే వరదరాజులు రెడ్డి మున్సిపల్ ఆఫీస్ ముట్టడికి యత్నించారు. స్థానిక సమాచారం రంగంలోకి దిగిన పోలీసులు వరదరాజుల రెడ్డిని అడ్డుకున్నారు. దీంతో తీవ్ర ఆగ్రహానికి లోనైన వరద వర్గీయులు.. సీఎం రమేశ్ డౌన్ .. డౌన్.. వరద నాయకత్వం వర్ధిల్లాలి అంటూ నినాదాలతో హోరెత్తించారు.

కాగా.. గత కొద్దిరోజులుగా సీఎం రమేశ్, లింగారెడ్డి- నియోజకవర్గ ఇన్‌చార్జ్ వరదరాజులు రెడ్డి మధ్య పొరపొచ్చులున్నాయి. ఆనం రఘురామిరెడ్డి అనే వ్యక్తి వరద వర్గీయుడు. చైర్మన్ లేకుండా సమావేశం నిర్వహిస్తున్నాడని తెలుసుకున్న వరద.. భారీగా జనాన్ని పోగేసుకుని మున్సిపల్ ఆఫీసు ముట్టడించాలని వస్తున్న నేపథ్యంలో భారీ సంఖ్యలో పోలీసు బలగాలు ఎక్కడివారిని అక్కడే అరెస్ట్ చేసి స్థానికంగా త్రీ టౌన్ పోలీస్ స్టేషన్‌కు తరలించడం జరిగింది. దీంతో మరోసారి వరద వర్గీయులు పీఎస్ ఎదుట ఆందోళన చేపట్టారు. ఈ మొత్తం వ్యవహారంతో స్థానికంగా ఉద్రిక్త పరిస్థితులు నెలకొన్నాయి. అయితే భారీగా పోలీసులు ఘటనాస్థలికి చేరుకుని సర్దిచెప్పి మాజీ ఎమ్మెల్యే వరదను ఇంటికి పంపించినట్లు సమాచారం. కాగా ఈ ఘటనకు సంబంధించి మరింత సమాచారం తెలియాల్సి ఉంది.

ఇప్పటికే సీఎం రమేశ్‌పై వరద రాజుల రెడ్డి సంచలన వ్యాఖ్యలు చేసిన సంగతి తెలిసిందే. ఈ గొడవలో సీఎం చంద్రబాబు జోక్యం చేసుకుని ఇద్దరి మధ్య పంచాయితీ కుదిర్చారని సమాచారం. అయినప్పటికీ తాజాగా మళ్లీ గొడవలు రావడం గమనార్హం. ఇదిలా ఉంటే జమ్మలమడుగులో పరిస్థితి గురించి ఇక ప్రత్యేకంగా చెప్పనక్కర్లేదు. మంత్రి ఆది నారాయణరెడ్డి- ఎమ్మెల్సీ రామసుబ్బారెడ్డి మధ్య పచ్చగడ్డేస్తే భగ్గుమనే రీతిలో పరిస్థితులున్నాయి. కడప జిల్లా టీడీపీ నేతల వ్యవహారం సీఎం చంద్రబాబుకు పెద్ద తలనొప్పిగానే మారింది. ఎన్నిసార్లు అమరావతికి పిలిపించి క్లాస్ తీసుకున్నప్పటికీ వారిలో ఏమాత్రం మార్పు రాకపోవడం గమనార్హం.



నిరూపిస్తే రాజీనామానే: సీఎం రమేష్

Updated By ManamTue, 07/24/2018 - 18:11

CM rameshన్యూఢిల్లీ : ఓట్లు, సీట్లు రావనే ఆంధ్రప్రదేశ్‌కు కేంద్రం ప్రత్యేక హోదా ఇవ్వడం లేదని టీడీపీ రాజ్యసభ సభ్యుడు సీఎం రమేష్ అన్నారు. హోదాపై బీజేపీ నేతలు అవాస్తవాలు మాట్లాడుతున్నారని ఆయన మండిపడ్డారు. ఏపీకి ప్రత్యేక హోదాపై రాజ్యసభలో మంగళవారం స్వల్పకాలిక చర్చలో భాగంగా సీఎం రమేష్ మాట్లాడుతూ..‘హోదాపై బీజేపీ నేతలు ఏవేవో లెక్కలు చెబుతున్నారు. అప్పట్లో ఏపీకి ఐదేళ్లు కాదు, పదేళ్లు హోదా కల్పిస్తామని వాళ్లే చెప్పారు. ఇప్పుడు మాత్రం 14వ ఆర్థిక సంఘం సిఫార్సుతో హోదా ఇవ్వలేకపోతున్నామని చెబుతోంది. 

ఇదే విషయాన్ని ఆర్థిక సంఘం చెప్పిందని నిరూపిస్తే.. తక్షణమే నా పదవికి రాజీనామా చేస్తా. హోదా విషయంలో టీడీపీ యూటర్న్ తీసుకుందని ఆరోపిస్తున్నారు. అయితే ప్రత్యేక ప్యాకేజీలో అన్నీ ఇస్తామంటేనే దాను వదులుకున్నాం. రెండేళ్లు అయినా పట్టించుకోవడం లేదు. నాలుగేళ్లుగా ఎంతో ఓపిగ్గా ఎదురు చూశాం. ఏపీ ప్రజలంటే ఎందుకింత నిర్లిప్తత. ప్రధాని నరేంద్ర మోదీ ఏపీలో మాత్రం పర్యటించరు. అదే అమెరికాతో అనేక దేశాలకు వెళతారు. అంతెందుకు బీజేపీ రాష్ట్ర పాలిత రాష్ట్రాల్లో ఆయన ఎన్నిసార్లో పర్యటించారు. అలాంటిది ఏపీలో పర్యటనకు మాత్రం ప్రధానికి సమయం సరిపోదా?.

ఏపీ ముఖ్యమంత్రి చంద్రబాబుకు పరిణితి లేదని ప్రధాని మోదీ మాట్లాడుతున్నారు. మోదీకన్నా ఏడేళ్ల ముందే చంద్రబాబు సీఎం అయ్యారు. ఆయనకన్నా నలభై యేళ్ల రాజకీయ అనుభవం ఉంది. అలాంటిది ఆయనకు పరిణితి లేదని ఎలా అంటారు. చంద్రబాబు ఇమేజ్‌ చూసి మోదీ భయపడుతున్నారు. తనకన్నా మంచి పేరు ఉందనే చంద్రబాబు అంటే మోదీకి భయం. అందుకే ఏపీకి అన్యాయం చేశారు. తిరుపతి వెంకన్న సాక్షిగా హోదాపై మోదీ ఎందుకు వాగ్దానం చేశారు. అప్పుడు తెలియలేదా?.రాష్ట్ర విభజన చట్టంలో అనేక లోపాలు ఉన్నాయి. అయినా బీజేపీ నేతలు మాత్రం రాష్ట్రానికి న్యాయం చేశామని చెప్పడం సరికాదు.’అని అన్నారు.



దీక్ష విరమించిన సీఎం రమేష్

Updated By ManamSat, 06/30/2018 - 14:08
cm ramesh1

కడప : టీడీపీ రాజ్యసభ సభ్యుడు సీఎం రమేష్ దీక్ష విరమించారు. ముఖ్యమంత్రి చంద్రబాబు నాయుడు శనివారం సీఎం రమేష్‌కు నిమ్మరసం ఇచ్చి దీక్ష విరమింపచేశారు. కాగా కడపలో ఉక్కు  ఫ్యాక్టరీ ఏర్పాటు కోసం ఆయన గత 11 రోజులుగా చేస్తున్న దీక్ష చేస్తున్న విషయం తెలిసిందే. 

ఈ సందర్భంగా చంద్రబాబు మాట్లాడుతూ.. ఉక్కు ఫ్యాక్టరీ కోసం సీఎం రమేష్ చిత్తశుద్ధితో దీక్ష చేశారన్నారు. దీక్షపై అనవసరమైన విమర్శలు మానుకోవాలని హితవు పలికారు. కడపలో ఉక్కు ఫ్యాక్టరీ ఏర్పాటుకు అనువైన పరిస్థితులు ఉన్నాయన్నారు. రెండు నెలల్లో ఉక్కు పరిశ్రమపై కేంద్ర ప్రభుత్వం నిర్ణయం తీసుకోవాలని చంద్రబాబు కోరారు. 

TDP MP cm ramesh

విభజన చట్టం ప్రకారం ఆరు నెలల్లో పరిశ్రమ ఏర్పాటు చేయాలన్నారు. ఉక్కు పరిశ్రమ ఏర్పాటుకు కేంద్రం ముందుకు వస్తే సగం ఖర్చు భరించడానికి ప్రభుత్వం సిద్ధంగా ఉందన్నారు. ఉక్కు ఫ్యాక్టరీని ఏర్పాటు చేసే బాధ్యత తనదని చంద్రబాబు నాయుడు హామీ ఇచ్చారు. ఒకవేళ కేంద్రం ఏర్పాటు చేయకపోతే రాష్ట్ర ప్రభుత్వమే ఏర్సాటు చేస్తుందన్నారు. అలాగే  రాయలసీమను రతనాల సీమగా మారుస్తామని, ఇచ్చిన మాట ప్రకారం పులివెందులకు నీళ్లందించామన్నారు.

అంతకు ముందు సీఎం చంద్రబాబు నాయుడు, మంత్రి నారా లోకేశ్ దీక్షాస్థలికి చేరుకుని సీఎం రమేష్‌ను పరామర్శించారు. ఆయన ఆరోగ్య పరిస్థితి గురించి వైద్యులను అడిగి తెలుసుకున్నారు. అయితే సీఎం రమేష్ ఆరోగ్యం క్షీణిస్తున్న దృష్ట్యా దీక్షను విరమించుకోవాలని కోరారు. 

CM ramesh




Related News