congress

మహాకూటమికి టీజేఎస్ షాక్..!

Updated By ManamMon, 10/22/2018 - 13:49
  • గుడ్‌బై చెప్పే యోచనలో తెలంగాణ జనసమితి.. అదే బాటలో సీపీఐ..

  • ఒంటరిగా పోటీ చేసే అవకాశం 24న టీజేఎస్ రాష్ట్ర కమిటీ సమావేశం..

  • మహాకూటమిలో ఉండాలా వద్దా? నిర్ణయించే అవకాశం

  • 16 సీట్లు కావాలని టీజేఎస్.. 8 నుంచి 10 సీట్లు కోసం సీపీఐ

  • కొలిక్కి రాని సీట్ల సర్దుబాటు.. మహాకూటమిలో సీట్ల రచ్చ..

  • టీడీపీతో పొత్తుకు కాంగ్రెస్ పార్టీ నేతల ఆసక్తి

TJS, Massive alliance, Telangana elections, CPI, TDP, Congress, TRS హైదరాబాద్: తెలంగాణలో ముందస్తు ఎన్నికల నేపథ్యంలో ఎన్నికల వాతావారణం వేడెక్కింది. ఇప్పటికే అధికార పార్టీ టీఆర్ఎస్ మళ్లీ అధికారం తమదేనంటూ ప్రచారంలో దూసుకెళ్తున్న తరుణంలో మహాకూటమిగా అన్నిపార్టీలు ఏకమై ఎన్నికల బరిలో దిగనున్నాయి. టీఆర్ఎస్‌ను గద్దె దించడమే లక్ష్యంగా పావులు కదుపుతున్న మహాకూటమిలో పొత్తులు, సీట్ల సర్దుబాటు కొలిక్కి వచ్చే పరిస్థితి కనిపించడం లేదు. టీఆర్ఎస్‌ను దెబ్బతీసేందుకు టీడీపీ, కాంగ్రెస్, టీజేఎస్, సీపీఐ పార్టీలన్నీ మహాకూటమిగా ఏర్పడినప్పటికీ సీట్ల సర్దుబాటు విషయంలో పార్టీల నేతల్లో తీవ్ర అసంతృప్తి వ్యక్తమవుతోంది. ఈ నేపథ్యంలో మహాకూటమికి తెలంగాణ జన సమితి (టీజేఎస్) షాక్ ఇచ్చింది. మహాకూటమికి టీజేఎస్ గుడ్‌బై చెప్పే యోచనలో ఉన్నట్టు తెలుస్తోంది. టీజేఎస్ దారిలోనే సీపీఐ కూడా ఉన్నట్టు విశ్వనీయ సమాచారం.

సీట్ల సంఖ్య కాదు ముఖ్యం..
సీట్ల సంఖ్య కాదు ముఖ్యమని, కాంగ్రెస్ నేతల అవమానాన్ని భరించలేక పోతున్నామని అభిప్రాయపడుతున్నట్టు తెలిసింది. ఆదివారం జరిగిన సీపీఐ రాష్ట్ర కమిటి సమావేశంలో నాయకత్వంపై నేతలు తీవ్ర అసంతృప్తిని వ్యక్త పరిచినట్టు తెలిసింది. 16 సీట్లు ఇవ్వాలని టీజేఎస్ పట్టుబడుతుంటే.. 8 నుంచి 10 సీట్లు కావాలని సీపీఐ పట్టుబడుతున్నట్టు తెలుస్తోంది.

ఒంటరిగానే పోటీ.. ఆ తర్వాతే నిర్ణయం..
లేదంటే ఒంటరిగానైనా బరిలోకి దిగుతామని రెండు పార్టీల నేతలు తెగేసి చెప్పినట్టు సమాచారం. ఈ నెల 24న తెలంగాణ జన సమితి రాష్ట్ర కమిటి సమావేశం నిర్వహించనుంది. ఈ నేపథ్యంలో మహాకూటమిలో ఉండాలా వద్దా అన్న అంశంపై తీవ్ర నిర్ణయం తీసుకునే అవకాశం ఉంది. టీజేఎస్, సీపీఐల కన్నా టీడీపీతో పొత్తుకు కాంగ్రెస్ పార్టీ నేతలు ఇష్టపడుతున్నట్టు సమాచారం. ఇదిలా ఉండగా.. మహాకూటమిలో సీట్ల సర్దుబాటు, పొత్తులపై కొనసాగుతున్న రచ్చ టీఆర్ఎస్‌ పార్టీకి కలిసొచ్చేలా కనిపిస్తోంది. 



మళ్లీ కారెక్కిన ఎంసీ రాజయ్య

Updated By ManamMon, 10/22/2018 - 11:26

MC Rajaiah, TRS, Congress, Harish Rao గజ్వేల్: కారు దిగి కాంగ్రెస్ హస్తాన్ని అందుకున్న గజ్వేల్ మాజీ ఎంపీపీ ఎంసీ రాజయ్య మళ్లీ సొంత గూటికే చేరుకున్నారు. ఎంసీ రాజయ్యను ఆయన నివాసంలో మంత్రి హరీశ్ రావు కలిసి సంప్రదింపులు జరిపారు. అనంతరం రాజయ్య మళ్లీ టీఆర్ఎస్‌లో చేరేందుకు సై అన్నారు.

దాంతో గులాబీ కండువా కప్పి రాజయ్యను హరీశ్ రావు టీఆర్ఎస్‌లోకి సాధారంగా ఆహ్వానించారు. ఈ సందర్భంగా హరీశ్‌రావు‌కు శాలువా కప్పి రాజయ్య సత్కరించారు. ఆదివారం ఎంసీ రాజయ్య కాంగ్రెస్ పార్టీలో చేరిన సంగతి తెలిసిందే. ఈ నేపథ్యంలో హరీశ్ రావు రాజయ్యను కలిసి సంప్రదింపులు జరపడంతో మళ్లీ ఆయన టీఆర్ఎస్‌లో చేరారు. మంత్రి హరీశ్తో పాటు గజ్వేల్ ప్రచారంలో ఎంసీ రాజయ్య పాల్గొన్నారు.
MC Rajaiah, TRS, Congress, Harish Rao



కూటమిలో సీట్ల లొల్లి

Updated By ManamMon, 10/22/2018 - 07:16
  • టీజేఎస్‌కు గరిష్ఠంగా తొమ్మిది సీట్లు?

  • నేడో రేపో తేలనున్న సీట్ల సంఖ్య

  • పార్టీ శ్రేణుల్లో ఒకింత నిరాశ

  • నేడు టీజేఎస్ కీలక భేటీ

congressహైదరాబాద్: మహాకూటమిలో సీట్ల సర్దుబాటు కొలిక్కిరాలేదు. కేసీఆర్‌ను గద్దె దించాలనే ఉద్ధేశంతో ఏర్పాటైన మహాకూటమి భాగస్వామ్య పార్టీ నేతల్లో గందరగోళం నెలకొంది. ఓవైపు అధికార పార్టీ టీఆర్‌ఎస్ అభ్యర్థులు ప్రచారంలో దూసుకుపోతుంటే.. మహాకూటమిలో మాత్రం ఇంకా సీట్లపైనే స్పష్టత రాలేదు. ప్రధానంగా కాంగ్రెస్, టీజేఎస్ మధ్యలో సీట్ల వ్యవహారం తీవ్ర చర్చనీయాంశంగా మారింది. రాష్ట్రవ్యాప్తంగా టీజేఎస్ 36 సీట్లను మొదట ఆశించి నప్పటికీ.. కేసీఆర్‌ను గద్దె దించాలనే లక్ష్యంతో సీట్ల సంఖ్యను తగ్గించుకునేందుకు సైతం కోదండరాం సిద్ధపడ్డారని తెలుస్తోంది. కానీ కాంగ్రెస్ మాత్రం చర్చల పేరుతో నాన్చుడుదోరణి వ్యవహరి స్తోంది. కొద్ది రోజుల క్రితం నగరంలోని ఓ హోటల్‌లో కాంగ్రెస్, టీజేఎస్ నేతలు జరిపిన భేటీ అసంపూర్తిగా ముగిసింది. ఈ సమావే శానికి టీపీసీసీ చీఫ్ ఉత్తమ్‌కుమార్‌రెడ్డి, కాంగ్రెస్ రాష్ట్ర వ్యవహారాల ఇంఛార్జి రామచంద్ర కుంతియా, ఏఐసీసీ ఇన్‌చార్జి కార్యదర్శి బోసు రాజు, ఇటు టీజేఎస్ అధ్యక్షుడు కోదండరాం, దిలీప్‌కుమార్ తదితరులు హాజరైన సంగతి తెలిసిందే. దాదాపు మూడు గంటల పాటు జరిగిన భేటీలో ప్రధానంగా సీట్ల సర్దుబాటుపైనే చర్చ జరిగింది. తమ పార్టీకి కనీసం 15-17 స్థానాలను ఖచ్చితంగా సరు ్దబాటు చేయాలని టీజేఎస్ నేతలు కోరినట్టు తెలుస్తోంది. అయితే గరిష్ఠంగా తొమ్మిది స్థానాలు కేటాయించేందుకు కాంగ్రెస్ సుముఖత తెలిపినట్టు సమాచారం. దాంతో పార్టీ కోర్ కమిటీలో చర్చించి సీట్ల సర్దుబాటుపై తుది నిర్ణయాన్ని వెల్లడిస్తామని టీజేఎస్ నేతలు చర్చ లు ముగించినట్టు తెలుస్తోంది. ఇరు పార్టీల మధ్య సీట్ల సంఖ్య కొలిక్కి రావడానికి కేవలం మూడు నాలుగు సీట్లే అడ్డంకిగా ఉన్నా యి. ఒకట్రెండు రోజుల్లోనే మరోసారి సమావేశమై.. సీట్ల సంఖ్యపై తుది నిర్ణయం తీసుకోవాలని ఇరు పార్టీలు భావిస్తున్నాయి.

త్వరగా తేల్చండి..
పొత్తుల లెక్కలు సాధ్యమైనంత త్వరగా తేల్చాలనీ, ఉమ్మడి ఎన్నికల ప్రణాళిక ఇప్పటికే కొలిక్కి వచ్చిన నేపథ్యంలో సీట్ల సంఖ్య, స్థానాల సర్దుబాటే ప్రధాన అజెండాగా ముందుకెళ్లాలని నిర ్ణయించాయి. అధికార టీఆర్‌ఎస్ ఇప్ప టికే ప్రచారం ప్రారంభించిన తరుణంలో ఇంకా సాగదీయడం సరికాదనే భావన మహా కూటమి భాగస్వామ్య పార్టీల్లో వ్యక్తమవుతోంది. ఇదిలావుంటే.. టీజేఎస్ అధ్యక్షుడు కోదండరాం.. ఎన్నికల్లో పోటీ చేయకుండా ప్రచారానికే పరిమితం అవుతారనే ప్రచారం జోరుగా సాగుతోంది. ఈ ప్రచారం మహాకూటమిలో పెద్దన్న పాత్ర పోషిస్తోన్న కాంగ్రెస్ పార్టీ చేస్తోందన్న ఊహగానాలు లేకపోలేదు. దీనిపై కోదండరాం కూడా తీవ్ర ఆగ్రహం వ్యక్తం చేసినట్లు తెలుస్తోంది. ఈ నేపథ్యంలో కోదండరాం ఎట్టిపరిస్థితుల్లోనూ ఎన్నికల్లో పోటీ చేస్తామని చెప్పడంతో టీజేఎస్ పార్టీ శ్రేణుల్లో ఏర్పడిన గందరగోళం వీడిపోయిందనే చెప్పాలి.

16 సీట్లివ్వకుంటే.. టీజేఎస్ బయటికే..
మూడుసీట్లపై సీపీఐ సైతం అసంతృప్తి

మహాకూటమిలో సీట్ల పంచాయితీ ముదిరి పాకానపడింది. మహాకూటమి కొనసాగడంపై నీలినీడలు కమ్ముకుంటున్నాయి.   సీట్ల పంపకాలపై తెలంగాణ జనసమితి ఆదియవారం వరకు గడువు విధించింది. కాంగ్రెస్ స్పష్టమైన నిర్ణయం ప్రకటించ కుంటే.. సోమవారం జరిగే కోర్ కమిటీ భేటీలో కీలక నిర్ణయం తీసుకుంటామని టీజేఎస్ స్పష్టం చేసింది. మరోవైపు సీపీఐ సైతం మూడు సీట్లు ఇస్తే.. కూటమిలో కొనసాగడం ఎందుకని పార్టీ శ్రేణుల నుంచి ప్రశ్నలు వెల్లువెత్తుతున్నాయి. తెలంగాణలో అధికార పక్షాన్ని ఢీకొట్టేందుకు ఏకమైన విపక్షాల మహాకూటమి చీలిక దిశగా వెళుతోంది. సీట్ల పంపకాలపై కాంగ్రెస్ నాన్చుడు ధోరణిపై భాగస్వామ్య పార్టీలు ఆగ్రహంతో ఉన్నాయి.  అటు పొత్తులపైనా తెలంగాణ జనసమితి కోర్ కమిటీ సమావేశంలో చర్చ జరిగింది. మాజీ ఎమ్మెల్సీ దిలీప్, రచనారెడ్డి మధ్య తీవ్ర వాగ్వాదం జరిగింది. 9 సీట్లకు ఒకే అనమని ఎవరు అన్నారని రచనా రెడ్డి నిలదీశారు. 16 సీట్లకు తక్కువ ఇస్తే కూటమిలో చేరాల్సిన అవసరం లేదని కోర్ కమిటీ సభ్యులు అన్నారు.ఈనెల 24న పార్టీ అత్యవసర సమావేశం ఏర్పాటు చేయాలని నిర్ణయించారు.

సీపీఐది అదే పరిస్థితి..
మరోవైపు సీపీఐ కూడా కాంగ్రెస్ నేతల తీరుపై అసంతృప్తిగా ఉన్నట్టు తెలుస్తోంది. కాంగ్రెస్ నేతలు సీట్లపై ఎటూ తేల్చడం లేదని ఆగ్రహంగా ఉన్నారనే చర్చ సాగుతోంది. కూటమి కోసం మొదటి నుంచి ప్రయత్నాలు చేసిన సీపీఐ పార్టీలో మహాకూటమి పరిణామాలు చిచ్చురేపాయి. మగ్దూం భవన్‌లో సీపీఐ రాష్ట్ర కార్యవర్గ సమావేశం ఆదివారం వాడివేడిగా కొనసాగింది. ఈ సమావేశంలో మూడు సీట్లు తీసుకుని కూటమిలో కొనసాగడం ఎందుకని కొంతమంది సీనియర్లు ప్రశ్నించారు. ఇండిపెండెంట్‌గా పోటీ చేసినా ఆ మాత్రం సీట్లు గెలవలేమా అని ప్రశ్నిస్తున్నారు. సీపీఐకి బలం ఉన్న 25 స్థానాల్లో పోటీ చేద్దామని కొందరు నేతలు అభిప్రాయాన్ని వ్యక్తం చేస్తున్నారు. మూడు సీట్లు ఇస్తే కూటమి నుంచి బయటకు రావడమే ఉత్తమం అని మెజార్టీ నేతలు అన్నట్టు సమాచారం. 



కేసీఆర్ అంబేద్కర్‌ను అవమానిస్తున్నారు..

Updated By ManamSat, 10/20/2018 - 14:37
  • కేసీఆర్‌కు అంబేద్కర్ పేరెత్తడమే ఇష్టం లేదు

  • నరేంద్ర మోదీ దేశంలో 15మందికే కాపలాదారు

Rahul gandhi speech in bhainsa

భైంసా : దేశం మొత్తం అంబేద్కర్ బాటలో నడుస్తుంటే టీఆర్ఎస్ అధ్యక్షుడు కేసీఆర్‌కు మాత్రం ఆయన పేరు ఎత్తడమే ఇస్టం ఉండదని ఏఐసీసీ అధ్యక్షుడు రాహుల్ గాంధీ అన్నారు. తెలంగాణలో పర్యటనలో భాగంగా రాహుల్ శనివారం ఆదిలాబాద్ జిల్లా భైంసా బహిరంగ సభలో ప్రసంగించారు.

ఈ సందర్భంగా ఆయన మాట్లాడుతూ..‘ఏ పథకానికి అంబేద్కర్ పేరు పెట్టలేదు. కేసీఆర్ అంబేద్కర్‌ను అవమానిస్తున్నారు. గత ఎన్నికల్లో ప్రతి కుటుంబానికి ఉద్యోగం ఇస్తానని చెప్పారు? ఇచ్చారా?. ఎస్సీ, ఎస్టీలకు మూడు ఎకరాల భూమి ఇస్తామన్నారు ఇచ్చారా?. ఎక్కడ చూసినా ముఖ్యమంత్రి కేసీఆర్ అవినీతి కనిపిస్తోంది. 

తెలంగాణ ప్రజల సొమ్ము దోచుకుంటున్నారు. ప్రాజెక్టుల పేర్లు మార్చి వేలకోట్లు దుర్వినియోగం చేస్తున్నారు. ఆదివాసీల నుంచి బలవంతంగా భూములు లాక్కున్నారు. కాంగ్రెస్ అధికారంలోకి రాగానే మీ హక్కులు మీకు తిరిగి ఇచ్చేస్తాం. ప్రతి కుటుంబంలోని ప్రతి ఒక్కరికీ ఉపాధి కల్పిస్తాం.

దేశంలో ఎక్కడ చూసినా రైతు ఆత్మహత్యలు, రైతులకు గిట్టుబాటు ధర దక్కడం లేదు. కాంగ్రెస్ పార్టీ అధికారంలోకి వస్తే పండించిన పంటకు సరైన మద్దతు ధర ఇస్తాం. మేం చెప్పినట్లు 70వేల కోట్ల రుణాలు మాఫీ చేశాం.  నిరుపేదలకు కాంగ్రెస్ పార్టీ చేసిందేమీ లేదని ప్రధాని మోదీ అన్నారు. మరి ఆయన ఏం చేస్తున్నారు. 

కాపలాదారుగా ఉంటానన్న ఆయన ఎవరికి కాపలా ఉంటున్నారు. అంబానీ సోదరులకు ప్రధాని కాపలాదారు. రాఫెల్ డీల్‌లో మోదీ తన స్నేహితుడు అనీల్ అంబానీకి రూ.30వేల కోట్లు లాభం చేకూర్చారు. ‘హాల్’ను పక్కనపెట్టి అంబానీ కంపెనీకి పట్టం కట్టారు. నరేంద్ర మోదీ దేశంలో 15మందికి మాత్రమే కాపలా కాస్తున్నారు.’ అని మండిపడ్డారు.



భైంసా చేరుకున్న రాహుల్ గాంధీ

Updated By ManamSat, 10/20/2018 - 13:52
  • భైంసాలో కాంగ్రెస్ బహిరంగ సభ

rahul gandhi reached Bhainsa

ఆదిలాబాద్ : తెలంగాణలో అసెంబ్లీ ఎన్నికల నేపథ్యంలో కాంగ్రెస్ పార్టీ ప్రచార హోరు పెంచింది. ఇందులో భాగంగా ఏఐసీసీ అధ్యక్షుడు రాహుల్ గాంధీ శనివారం ఆదిలాబాద్ జిల్లా భైంసా చేరుకున్నారు. ఈ సందర్భంగా ఆయన భైంసాలో బహిరంగ సభలో పాల్గొని, ప్రసంగించనున్నారు. రాహుల్‌కు పీసీసీ చీఫ్ ఉత్తమ్ కుమార్ రెడ్డి, జానారెడ్డి, భట్టి విక్రమార్క, పలువురు పార్టీ నేతలు ఘన స్వాగతం పలికారు. రాహుల్ పర్యటన సందర్భంగా పలు ప్రాంతాల్లో ట్రాఫిక్ ఆంక్షలు కొనసాగుతున్నాయి.

మరోవైపు ఈనెల 23 తర్వాత తెలంగాణలో కాంగ్రెస్ స్క్రీనింగ్ కమిటీ రానుంది. ఇక తెలంగాణలో మొత్తం 10 బహిరంగ సభల్లో రాహుల్ పాల్గొంటారు. అలాగే ఉత్తర తెలంగాణలో సోనియా గాంధీ పర్యటించనున్నారు. 



జానారెడ్డితో ఆర్.కృష్ణయ్య భేటీ

Updated By ManamFri, 10/19/2018 - 16:15
  • కాంగ్రెస్‌లోకి కృష్ణయ్య...!

R.krishnaiah meets Janareddy

హైదరాబాద్ : కాంగ్రెస్ పార్టీ సీనియర్ నేత జానారెడ్డితో ఎమ్మెల్యే ఆర్. కృష్ణయ్య భేటీ అయ్యారు. ఈ సందర్భంగా ఇరువురి మధ్య తాజా రాజకీయాలపై చర్చ జరుగుతున్నట్లు సమాచారం. కాగా గత ఎన్నికల్లో తెలుగుదేశం పార్టీ తెలంగాణ ముఖ్యమంత్రి అభ్యర్థిగా, ఎల్బీనగర్ నియోజకవర్గంలో విజయ ఢంకా మోగించిన కృష్ణయ్య, ఆ తర్వాత పరిణామాల నేపథ్యంలో టీడీపీకి అంటి ముట్టనట్టు వ్యవహరిస్తున్నారు. ఇప్పుడు ముందస్తు ఎన్నికలు తరుముకొస్తున్న వేళ ఆయన ఏ పార్టీకి మద్దతిస్తారన్న అంశం ఆసక్తికరంగా మారింది.

బీసీల పెద్దన్నగా పేరుగాంచిన ర్యాగ కృష్ణయ్యకు రాజకీయ పార్టీలు ఎర్ర తివాచీ పరుస్తున్నాయి. రా.. రా.. క్రిష్ణయ్య అంటూ స్వాగతం పలుకుతున్నాయి. మరోవైపు సొంత పార్టీ పెట్టాలని కార్యకర్తల ఒత్తిడి నడుమ ఎటూ తేల్చుకోలేక ఆయన సతమతమవు తున్నారు. పార్టీ పెడతానని ప్రకటించి నెలలు కావస్తున్నా.. ఆ దిశగా మరో అడుగు ముందుకు పడింది లేదు. తాజా పరిణామాల నేపథ్యంలో ఆయన కాంగ్రెస్ పార్టీ నేత జానారెడ్డితో భేటీ కావడం ప్రాధాన్యత సంతరించుకుంది.

గతంలో టీపీసీసీ చీఫ్ ఉత్తమ్‌కుమార్‌రెడ్డి సహా మహాకూటమి నేతలతో ఇటీవల ఆర్ కృష్ణయ్య ఒకట్రెండు వేదికలను పంచుకున్నారు. మహాకూటమి సీట్ల పంపకాల్లో భాగంగా టీటీడీపీ ఇచ్చిన లిస్టులో కృష్ణయ్య పేరు లేదని సమాచారం. ఈ నేపథ్యంలో కృష్ణయ్యను కాంగ్రెస్‌లో చేర్చుకునేందుకు ఆ పార్టీ పెద్దలు రంగంలోకి దిగారు. దీంతో.. ఉత్తమ్, కాంగ్రెస్ రాష్ట్ర వ్యవహారాల బాధ్యుడు రామచంద్ర కుంతియాతో కృష్ణయ్య రహస్య చర్చలు జరిపారని రాజకీయ వర్గాల్లో కొత్త ప్రచారమొకటి ఊపందుకుంది. 

తొలుత పార్టీలో పెద్ద పదవి ఆఫర్ చేసినా, కృష్ణయ్య అంగీకరించలేదని.. ఈ పదవి సహా మహాకూటమి ప్రభుత్వం ఏర్పడితే ఉప ముఖ్యమంత్రి పదవితోపాటు ఓ శాఖకు మంత్రిని చేస్తామని కుంతియా హామీ ఇచ్చారని ఆ ప్రచార సారాంశం. ఈ నెల 20న ఎన్నికల ప్రచారానికి వస్తున్న పార్టీ అధ్యక్షుడు రాహుల్ సమక్షంలో కృష్ణయ్య కాంగ్రెస్ కండువా కప్పుకుంటారని ఊహాగానాలు వెలువడుతున్నాయి. మరోవైపు రాహుల్ పర్యటన నేపథ్యంలో కాంగ్రెస్ పార్టీలోకి కృష్ణయ్య చేరడం ఖరారు అయినట్లేనని తెలుస్తోంది. ఆ వార్తలకు ఈ భేటీ ఊతం ఇస్తోంది.



పార్టీ మారడం పచ్చి అబద్ధం

Updated By ManamFri, 10/19/2018 - 15:55
kadiyam srihari reacts on rumours of joining in Congress party

వరంగల్ : తాను పార్టీ మారుతున్నట్లు వస్తున్న వార్తలను తెలంగాణ ఉప ముఖ్యమంత్రి కడియం శ్రీహరి ఖండించారు. తానుగానీ, తన కుమార్తె కావ్యగానీ కాంగ్రెస్ పార్టీలో చేరబోవటం లేదని ఆయన స్పష్టం చేశారు. తాను నిబద్ధతతో టీఆర్ఎస్‌లో పని చేస్తున్నానని కడియం పేర్కొన్నారు. 
తాము పార్టీని వీడటం లేదని, టీఆర్ఎస్‌లోనే కొనసాగుతున్నామని తెలిపారు.

తనపై కావాలనే కొందరు పార్టీ మారుతున్నట్లు అసత్య ప్రచారం చేస్తున్నారని ఆయన ఆరోపించారు. అలాంటివారిపై పరువునష్టం దావా వేస్తానని కడియం శ్రీహరి హెచ్చరించారు. కాగా అసెంబ్లీ ఎన్నికల నేపథ్యంలో తన కుమార్తెకు టికెట్ ఇవ్వకపోవడంతో అసంతృప్తిగా ఉన్న కడియం పార్టీ మారతారంటూ పెద్ద ఎత్తున ప్రచారం జరుగుతున్న విషయం తెలిసిందే.



రాహుల్ పర్యటనలో మార్పులు

Updated By ManamThu, 10/18/2018 - 19:27
Small Changes in Rahul Gandhi Telangana Tour

హైదరాబాద్ : ఏఐసీసీ అధ్యక్షుడు రాహుల్ గాంధీ తెలంగాణ రాష్ట్ర పర్యటనలో స్వల్ప మార్పులు చోటుచేసుకున్నాయి. ఈ నెల 20న ఆయన నాందేడ్ నుంచి నేరుగా బైంసాకు రానున్నారు. అక్కడ మధ్యాహ్నం 12.30 గంటల నుంచి 1.30 వరకూ తెలంగాణ కాంగ్రెస్ పార్టీ ఏర్పాటు చేసిన బహిరంగసభలో పాల్గొంటారు. అనంతరం మధ్యాహ్నం 2.30 గంటల నుంచి 3.30 గంటల వరకూ కామారెడ్డి బహిరంగ సభలో ప్రసంగిస్తారు. 

ఇక సాయంత్రం అయిదు గంటల నుంచి ఆరు గంటల వరకూ చార్మినార్ వద్ద రాజీవ్ సద్భావన దినోత్సవ కార్యక్రమంలో రాహుల్ పాల్గొంటారు. రాత్రి ఏడు గంటలకు శంషాబాద్ విమానాశ్రయం నుంచి ఢిల్లీ బయల్దేరి వెళతారు.



ఎన్డీ తివారీ కన్నుమూత

Updated By ManamThu, 10/18/2018 - 16:49
ND Tiwari passes away at Max Hospital in Saket in Delhi

న్యూఢిల్లీ : ఉత్తరప్రదేశ్, ఉత్తరాఖండ్ మాజీ ముఖ్యమంత్రి, కాంగ్రెస్ పార్టీ సీనియర్ నేత ఎన్డీ తివారీ (93) కన్నుమూశారు. కొన్నాళ్లుగా తీవ్ర అనారోగ్యంతో బాధపడుతున్న ఆయన ఆస్పత్రిలో చికిత్స పొందుతూ గురువారం తుదిశ్వాస విడిచారు. ఢిల్లీ సాకేత్‌లోని మ్యాక్స్ ఆస్పత్రిలో చికిత్స పొందుతూ కన్నుమూశారు. ఆయన బ్రెయిన్‌లో రక్తస్రావం, మూత్ర పిండాల సమస్యతో బాధపడుతున్నారు. దీంతో ఆయనను కుటుంబసభ్యులు ఈ ఏడాది జూలై 8న మ్యాక్స్ ఆస్పత్రిలో చేర్చారు. అప్పటి నుంచి తివారీ ఆస్పత్రిలోనే చికిత్స పొందుతున్నారు.

1925 అక్టోబర్ 18న బ్రిటిష్ ఇండియాలోని బలూటీలో ఎన్డీ తివారీ జన్మించారు. ఎన్డీ తివారీ పూర్తి పేరు పండిట్ నారాయణ దత్ తివారీ. రెండు రాష్ట్రాలకు ముఖ్యమంత్రిగా పనిచేసిన ఘనత ఉంది. ఉత్తర ప్రదేశ్, ఉత్తరాఖండ్ రాష్ట్రాలకు సీఎంగా పనిచేశారు. కాంగ్రెస్ పార్టీలో అత్యంత కీలక నేతగా పనిచేసిన ఆయన  యూపీకి మూడుసార్లు ముఖ్యమంత్రిగా పనిచేశారు. 1976లో తొలిసారి ముఖ్యమంత్రి పదవి చేపట్టారు. 1984లో రెండోసారి, 1988లో మూడోసారి యూపీ ముఖ్యమంత్రిగా సేవలు అందించారు. 

దీంతో పాటు కేంద్రమంత్రిగా కూడా పనిచేసిన అనుభవం ఎన్డీ తివారీకి ఉంది. 1986లో విదేశీ వ్యవహారాల శాఖ మంత్రిగా పనిచేశారు. 1987 నుంచి 1988 వరకు కేంద్ర ఆర్థిక శాఖ మంత్రిగానూ పనిచేసిన అనుభవం ఉంది. యూపీ నుంచి ఉత్తరాఖండ్ విడిపోయిన తర్వాత ఆ రాష్ట్రానికి మూడో ముఖ్యమంత్రిగా ఎన్డీ తివారీ సేవలు అందించారు. 

2002 నుంచి 2007 మధ్య ఆయన ఉత్తరాఖండ్ సీఎంగా పనిచేశారు. అలాగే ఉమ్మది ఆంధ్రప్రదేశ్‌కు గవర్నర్‌గా 2007  2009 వరకూ పని చేశారు. ఎన్డీ తివారీ మృతి పట్ల కాంగ్రెస్ పార్టీ అధ్యక్షుడు రాహుల్ గాంధీ, యూపీఏ అధినేత్రి సోనియాగాంధీ, పలువురు పార్టీనేతలు సంతాపం తెలిపారు. అలాగే బీజేపీ జాతీయ అధ్యక్షుడు అమిత్ షా, బీజేపీ నేతలు సంతాపం వెలిబుచ్చారు.



కాంగ్రెస్‌ తీర్థం పుచ్చుకున్న షమీ భార్య

Updated By ManamWed, 10/17/2018 - 12:30

Hasin Jahanముంబయి: క్రికెటర్ మహ్మద్ షమీ భార్య హసీన్ జహాన్ రాజకీయాల్లోకి ఎంట్రీ ఇచ్చింది. ముంబయిలో కాంగ్రెస్ అధ్యక్షుడు సంజయ్ నిరుపమ్ సమక్షంలో ఆమె ఆ పార్టీ తీర్థం పుచ్చకుంది. అయితే కొన్ని నెలల క్రితం షమీపై హసీన్ మ్యాచ్‌ ఫిక్సింగ్ ఆరోపణలతో పాటు వేధింపు ఆరోపణలు చేసింది. అయితే ఫిక్సింగ్ విషయంలో బీసీసీఐ షమీకి క్లీన్ చిట్ ఇవ్వడంతో సైడ్ అయిపోయింది. ఆ తరువాత నుంచి షమీకి దూరంగా ఉంటున్న ఆమె మోడల్‌గా రీ ఎంట్రీ ఇచ్చింది. ప్రస్తుతం ఓ బాలీవుడ్ చిత్రంలోనూ నటిస్తున్న ఈ భామ, ఇప్పుడు రాజకీయాల్లో కూడా ఎంట్రీ ఇచ్చింది.  





Related News