england

టీమిండియా విజయలక్ష్యం 245..

Updated By ManamSun, 09/02/2018 - 16:26

4th Test, India tour, Ireland, England, Southamptonసౌతాంప్టన్‌: ఐదు టెస్టుల సిరీస్‌లో భాగంగా భారత్‌తో జరుగుతున్న నాల్గో టెస్టు రెండో ఇన్నింగ్స్‌లో ఇంగ్లండ్‌ 271 పరుగుల వద్ద ఆలౌటైంది. 260/8 ఓవర్‌నైట్‌ స్కోరుతో ఆదివారం నాల్గో రోజు బరిలోకి దిగిన ఇంగ్లండ్.. రెండో ఇ‍న్నింగ్స్‌లో 11 పరుగులు మాత్రమే చేసింది. వెంటనే రెండు వికెట్లు కోల్పోయింది. బ్రాడ్‌ డకౌట్‌ కాగా, కరాన్‌(46) రనౌట్‌గా పెవిలియన్ బాట పట్టారు.

తద్వారా భారత్‌కు 245 పరుగుల విజయలక్ష్యాన్ని ఇంగ్లండ్ నిర్దేశించింది. తొలి ఇన్నింగ్స్‌లో భారత్‌ 273 పరుగులు చేయగా, ఇంగ్లండ్‌ మొదటి ఇన్నింగ్స్‌లో 246 పరుగులకు ఆలౌటైంది. నాల్గో టెస్టు రెండో ఇన్నింగ్స్‌లో భారత బౌలర్ మహ్మద్‌ షమీ నాలుగు వికెట్లు సాధించాడు. షమీ వేసిన 92 ఓవర్‌ ఆఖరి బంతికి స్టువర్ట్‌ బ్రాడ్‌ చేతులేత్తేశాడు. 



మూడో టెస్ట్‌లో టీమిండియా ఘన విజయం

Updated By ManamWed, 08/22/2018 - 16:13

Indiaనాంటింగ్‌హోమ్: ఇంగ్లండ్‌తో జరిగిన మూడో టెస్ట్‌లో టీమిండియా ఘన విజయం సాధించింది. గత రెండు మ్యాచ్‌లో విఫలమై విమర్శల పాలైన టీమిండియా.. మూడో టెస్ట్‌లో 203 పరుగుల తేడాతో అద్భుత విజయాన్ని సాధించింది. ఐదో రోజు ఆట ప్రారంభమైన పది నిమిషాల్లోనే టెస్ట్‌ను ముగించారు భారత ఆటగాళ్లు. ఈ గెలుపులో ఐదు వికెట్లు తీసి బుమ్రా కీలక పాత్ర పోషించగా.. ఇషాంత్ 2, అశ్విన్, షమీ, పాండ్యా తలో వికెట్‌ను తీశారు. దీంతో ఐదు టెస్ట్‌ల సిరీస్‌లో 2-1 ఆధిక్యంలో ఇంగ్లండ్ ముందంజలో ఉంది. కాగా 2007 తరువాత ఇంగ్లండ్ గడ్డపై టెస్ట్ మ్యాచ్‌లో భారత్‌ గెలవడం ఇదే తొలిసారి.



చిత్తుగా ఓడిన టీమిండియా

Updated By ManamSun, 08/12/2018 - 23:01
  • 159 పరుగులతో ఇన్నింగ్స్ ఓటమి.. ఇంగ్లాండ్‌తో రెండో టెస్టు 

imageలండన్: ఇంగ్లాండ్-భారత్‌ల మధ్య జరుగుతున్న రెండో టెస్టులో టీమిండియా 159 పరుగులతో ఇన్నింగ్స్ ఓటమిపాలైంది. ఇంగ్లాండ్ బౌలర్ల ధాటికి  107 పరుగులకే కుప్పకూలిన భారత్ జట్టు రెండో ఇన్నింగ్ ్సలో 130 పరుగులకే కుప్పకూలింది. అంతకుముందు ఓవర్ నైట్ స్కోర్ 357/6తో నాల్గొ రోజు ఆటని ప్రారంభించిన ఇంగ్లాండ్ జట్టు  మొదటి ఇన్నింగ్స్‌లో 88.1 ఓవర్లలో 7 వికెట్ల నష్టానికి 396 పరుగుల వద్ద ఇన్నింగ్స్‌ని డిక్లేర్ చేసింది. అప్పటీకే ఇంగ్లాండ్ జట్టు 289 పరుగుల అధిక్యంలో ఉంది.  ఇంగ్లాండ్ బ్యాటింగ్‌లో ఆల్ రౌండర్ క్రిస్ వోక్స్ అజేయంగా 137 పరుగులు చేసి కీలక ఇన్నింగ్స్ ఆడాడు. మరో ప్లేయర్ బెయిర్‌స్టో 93 పరుగులు చేసి త్రుటిలో సెంచరీ చేజార్చుకున్నాడు. టీమిండియా బౌలింగ్‌లో షమీ 3 కీలక వికెట్లు ద క్కించుకున్నాడు.

షమీతో పాటు మరో బౌలర్ పాండ్య మూడు వికెట్లు తీశాడు. మొదటి టెస్టులో రాణించిన ఇషాంత్ శర్మ కేవలం ఒక వికెట్ మాత్రమే తీసి నిరాశపరిచాడు. వన్డేల్లో ఇంగ్లాండ్ బ్యాట్‌వెున్‌కు చుక్కలు చూపెట్టిన కుల్‌దీప్ యాదవ్ టెస్టులో ఏ మాత్రం ప్రభావం చూపలేకపోయాడు. అ నంతరం బ్యాటింగ్ దిగిన భారత్ ఓపెనర్లు మురళీ విజయ్, కెఎల్ రాహుల్‌తో టీమిండియా పతనం మొదైలెంది. మొదటి ఇన్నింగ్స్‌లో డకౌట్ అయినా విజయ్ రెండో ఇన్నింగ్స్‌లో కూడా పరుగులు నమోదు చేయుకుండానే అండర్సన్ బౌలింగ్‌లో కీపర్ బెయిర్‌స్టోకి క్యాచ్ ఇచ్చి ఔటయ్యాడు. దీంతో భారత్ 0 పరుగుల కే ఒక వికెట్ కోల్పోయింది. త ర్వాత బ్యాటింగ్‌కు వచ్చి న పుజారాతో కలిసి మరో ఓ పెనర్ రాహుల్ ధీటుగా ఆడే ప్ర యత్నం చేశాడు. 6.1 ఓవర్‌లో అండర్సన్ అద్భుతైమెన బంతి వేసి రాహుల్ (10)ని కూడా పెవిలియున్‌కి పంపాడు. క్రీజులోకి వచ్చిన రహానేతో కలిసి పుజారా ఇన్నింగ్స్‌ని చక్కదిద్దే ప్రయత్నం చేశాడు

. మధ్యలో వర్షం అంతరాయం కలిగించడంతో  అంపైర్లు లంచ్ బ్రేక్ ప్రకటించారు. అప్పటీకి భారత్ 17/ 2తో ఉంది. లంచ్ తర్వాత బ్యా టిం గ్‌కి వచ్చిన భారత్ జట్టు  18.5 ఓవర్‌లో రహానే (13) బ్రాడ్ బౌ లింగ్‌లో జెన్నింగ్స్‌కి క్యాచ్ ఔటయ్యాడు. దీంతో భారత్ 35 పరుగులకే 3 కీలక వికెట్లు నష్టపోయింది. అనంతరం బ్యాటిం గ్‌కి దిగిన కెప్టెన్ కోహ్లీ, పుజారాతో కలిసి మరో వికెట్ పడకుండా ఆడే ప్రయత్నం చేశాడు. ఒకనొక దశలో నిలకడగా ఆడుతున్న పుజారా (17) బ్రాడ్ బౌలింగ్‌లో 50 పరుగుల వద్ద క్లీన్‌బౌల్డ్ అయ్యాడు. అనంతరం కోహ్లీ (17), దినేష్ కార్తీక్ (0) బ్రాడ్ బౌలింగ్ పెవిలియన్ చేరారు. మిగిలిన బ్యాట్స్‌మెన్ అంతా చేతులెత్తేయడంతో టీమిండియా 130 పరుగులకే ఆలౌటైంది. దీంతో ఇంగ్లాండ్ 2-0తో ముందంజలో ఉంది.



తొలిటెస్టులో భారత్ పరాజయం

Updated By ManamSat, 08/04/2018 - 17:36
  • లక్ష్య ఛేదనలో 162 పరుగులకే కోహ్లీసేన ఆలౌట్

  • బెన్ స్టోక్స్ ఐదు వికెట్లు.. 1-0తో ఆధిక్యంలో ఇంగ్లండ్ 

1st Test, India tour of Ireland, England, Birminghamబర్మింగ్‌హోమ్: ఐదు టెస్టుల సిరీస్‌లో భాగంగా ఇంగ్లాండ్‌తో జరిగిన తొలి టెస్టులో భారత్ 31 పరుగుల తేడాతో ఓటమిపాలైంది. ఆతిథ్య జట్టు నిర్దేశించిన 194 పరుగుల విజయలక్ష్యాన్ని ఛేదించడంలో విఫలమైన కోహ్లీసేన.. రెండో ఇన్నింగ్స్‌లో 54.2 ఓవర్లలో 162 పరుగులకే ఆలౌట్ అయి పరాజయం పాలైంది. కెప్టెన్ విరాట్ కోహ్లీ మినహా ఏ ఒక్కరూ ఆశించిన స్థాయిలో రాణించకపోవడంతో టీమిండియా తొలి టెస్టులో పరాజయాన్ని మూటగట్టుకుంది. దాంతో ఇంగ్లండ్ ఐదు టెస్టుల సిరీస్‌ను 1-0తో ఆధిక్యంలో నిలిచింది. ఇంగ్లండ్ నిర్దేశించిన 194 పరుగుల లక్ష్యాన్ని ఛేదించేందుకు బరిలోకి దిగిన టీమిండియా ఓపెనర్లు మురళీ విజయ్ (6) ఎల్బీడబ్ల్యూగా చేతులేత్తేయగా, శిఖర్ ధావన్ (13) పరుగులకే వెనుదిరిగాడు. ఆ తరువాత వచ్చిన కేఎల్ రాహుల్ కూడా (13) బెన్ స్టోక్స్ బౌలింగ్‌లో బెయిర్‌స్టోకు క్యాచ్ ఇచ్చి మూడో వికెట్‌గా పెవిలియన్ చేరాడు. బరిలోకి దిగిన కెప్టెన్ విరాట్ కోహ్లీ (93 బంతుల్లో 4 ఫోర్లు; 51) హాఫ్ సెంచరీతో ఆకట్టుకున్నాడు. 

విరాట్ ఒంటరి పోరాటం.. 
తొలి ఇన్నింగ్స్‌లో సెంచరీతో చెలరేగిన విరాట్ రెండో ఇన్నింగ్స్‌లో ఒంటరి పోరాటం కొనసాగింది. ఇంగ్లండ్ బౌలర్ల బంతులను చిత్తు చేసి బౌండరీలు దాటించిన కోహ్లీ.. ఒకదశలో ఇంగ్లండ్ బౌలర్లు కట్టడి చేయడంతో బెన్ స్టోక్స్ బౌలింగ్‌లో ఎల్బీడబ్ల్యూగా వెనుదిరిగాడు. మిగతా బ్యాట్స్‌మన్లలో హార్దీక్ పాండ్యా (33) మినహా అందరూ పేలవ ప్రదర్శనతో స్వల్ప స్కోరుకే ఒకరితరువాత మరొకరు పెవిలియన్ బాటపట్టారు. ఇంగ్లండ్ బౌలర్లు సొంతగడ్డపై విజృంభించి తొలిటెస్టులో భారత్‌ పతనాన్ని శాసించారు. ఇంగ్లండ్ బౌలర్లలో బెన్ స్టోక్స్ ఒక్కడే ఏకంగా నాలుగు వికెట్లు తీసుకోగా, ఆండర్సన్, జే బోర్డు చెరో రెండు వికెట్లు, కరన్, రషీద్ తలో వికెట్ తీసుకున్నారు.

తొలుత బ్యాటింగ్ చేపట్టిన ఇంగ్లండ్ తొలి ఇన్నింగ్స్‌లో 287 పరుగులకు ఆలౌట్ కాగా, టీమిండియా తొలి ఇన్నింగ్స్‌లో 274 పరుగులకే ఆలౌటైంది. ఆ తరువాత రెండో ఇన్నింగ్స్ ఆడిన ఇంగ్లండ్ 180 పరుగులకు ఆలౌటై పర్యాటక జట్టు భారత్‌కు సవాల్ విసిరింది. 



287 పరుగుల వద్ద ఇంగ్లండ్ ఆలౌట్

Updated By ManamThu, 08/02/2018 - 16:24

India vs englandబర్గింగ్ హామ్: టీమిండియాతో జరుగుతున్న తొలి టెస్టులో భాగంగా ఇంగ్లండ్‌ మొదటి ఇన‍్నింగ్స్‌లో 287 పరుగుల వద్ద ఆలౌటైంది. 285/9 ఓవర్‌నైట్‌ స్కోరుతో గురువారం రెండో రోజు ఆటను ఆరంభించిన ఇంగ్లండ్‌.. రెండు పరుగులు మాత్రమే చేసి చివరి వికెట్‌ను కోల్పోయింది. దీంతో ఇంగ్లండ్ తొలి ఇన్నింగ్స్ ముగిసింది. ఆఖరి వికెట్‌ను మహ్మద్‌ షమీ సాధించాడు. ఇక భారత బౌలర్లలో అశ్విన్‌ నాలుగు వికెట్లు సాధించగా, షమీ మూడు వికెట్లతో మెరిశాడు. ఉమేశ్‌ యాదవ్‌, ఇషాంత్‌ శర్మలకు తలో వికెట్‌ దక్కింది. ప్రస్తుతం భారత ఆటగాళ్లు బ్యాటింగ్ చేస్తున్నారు.



టాస్ గెలిచి బ్యాటింగ్ ఎంచుకున్న ఇంగ్లండ్

Updated By ManamWed, 08/01/2018 - 15:24
team india

లండన్ : టీమిండియాతో జరుగుతున్న తొలి టెస్ట్ మ్యాచ్‌లో ఇంగ్లండ్ జట్టు టాస్ గెలిచింది. దీంతో కెప్టెన్ జో రూట్ బ్యాటింగ్ ఎంచుకున్నాడు. టీమిండియా జట్టులో ఓ మార్పు జరిగింది. చటేశ్వర పుజారాకు రెస్ట్ లభించింది. కాగా టెస్టుల్లో టీమిండియా నంబర్ వన్‌గా కొనసాగుతున్న విషయం తెలిసిందే.

అయితే టీమిండియా ఇంట్లోనే పులి, బయట పిల్లి అనే వాదనలు కూడా వినిపిస్తున్నాయి. దీని చెరిపేసుకోవాలని కోహ్లీ సేన ఇంగ్లాండ్‌తో టెస్టు సిరీస్‌ను ప్రతిష్టాత్మకంగా తీసుకుంది. మరోవైపు ఇంగ్లాండ్‌కు ఇది 1000వ టెస్టు కావడంతో ఈ చారిత్రాత్మక మ్యాచ్‌లో ఎలాగైనా గెలవాలని పట్టుదలగా ఉంది. 

టీమిండియా: విరాట్ కోహ్లీ (కెప్టెన్), శిఖర్ ధావన్, మురళీ విజయ్, కేఎల్ రాహుల్,  అజింక్య రహానే, దినేష్ కార్తీక్ (వికెట్ కీపర్), రిషబ్ పంత్, కరుణ్ నాయర్, హార్దిక్ పాండ్య, ఆర్. అశ్విన్, రవీంద్ర జడేజా, ఇషాంత్ శర్మ, ఉమేష్ యాదవ్, శార్దూల్ ఠాకూర్, మహ్మద్ షమీ, జస్‌ప్రీత్ బుమ్రా. 

ఇంగ్లాండ్: జో రూట్ (కెప్టెన్), అలస్టైర్ కుక్, కీటన్ జెన్నింగ్స్, జాన్నీ బెయిర్‌స్టో, జోస్ బట్లర్, బెన్ స్టోక్స్, డేవిడ్ మలన్, మొయీన్ అలీ, ఆదిల్ రషీద్, జమీ పోర్టర్, సామ్ కుర్రన్, జేమ్స్ ఆండర్సన్, స్టువర్ట్ బ్రాడ్. 



భార‌త్ గెల‌వ‌కపోతేనే ఆశ్చ‌ర్యం!

Updated By ManamWed, 08/01/2018 - 15:01

kohliఇంగ్లండ్‌తో బుధ‌వారం నుంచి మొద‌లైన టెస్టు సిరీస్‌లో భార‌త్ గెల‌వ‌క‌పోతేనే ఆశ్చ‌ర్య‌పోవాల్సి వ‌స్తుంద‌ని.. ఆస్ట్రేలియా మాజీ ఆల్‌రౌండ‌ర్ షేన్ వాట్స‌న్ అభిప్రాయ‌ప‌డ్డాడు. ఓపెనింగ్ నుంచి తుది వ‌ర‌కు భార‌త జ‌ట్టులో స్థానం కోసం తీవ్ర‌మైన పోటీనెల‌కొంద‌ని. అద్భుత‌మైన సామ‌ర్థ్య‌మున్న ఆట‌గాళ్లు కూడా రిజ‌ర్వ్ బెంచ్‌లో వేచి చూడాల్సి వ‌స్తోంద‌న్నాడు. ఈ ప‌రిస్థితి ప్ర‌స్తుతం ఆస్ట్రేలియా, ఇంగ్లండ్ జ‌ట్ల‌లో క‌నిపించ‌డం లేద‌న్నాడు. ఇలాంటి సామ‌ర్థ్య‌మున్న జ‌ట్టుదే ఎప్ప‌టికీ విజ‌య‌మని వ్య‌క్తిగ‌త ప‌నుల‌పై భార‌త్ ప‌ర్య‌ట‌నకు వ‌చ్చిన సంద‌ర్భంగా వాట్స‌న్ పేర్కొన్నాడు. 

‘ఇంగ్లండ్ కొంత‌కాలంగా వ‌న్డేల్లో దూసుకుపోతున్న‌ప్ప‌టికీ.. టెస్టు సిరీస్‌ల‌లో స‌రైన స‌త్తా చూలేదు. ఇది విరాట్ కోహ్లీ, భార‌త జ‌ట్టుకు గొప్ప సిరీస్ కాబోతోంద‌ని నేను భావిస్తున్నాను. ఈ సిరీస్‌లో భార‌త్ గెలిస్తే.. నేను ఆశ్చ‌ర్య‌పోలేను. ఇంగ్లండ్‌లో రాణించేందుకు అవ‌స‌ర‌మైన నైపుణ్యం భార‌త జ‌ట్టులో పుష్క‌లంగా ఉన్నాయి.

భారత జట్టుకు శిఖర్ ధావన్, చటేశ్వర్ పుజారా, మురళీ విజయ్, కేెఎల్ రాహుల్ వంటి వారు ఓపెనింగ్, వన్‌డౌన్ స్థానాల కోసం తీవ్రంగా పోటీప‌డుతున్నారు. వీరంతా అద్భుత‌మైన సామ‌ర్థ్య‌మున్న ఆట‌గాళ్లే.అందుకే భార‌త్ ఓడిపోతేనే ఆశ్చ‌ర్య‌పోవాల్సి వ‌స్తుంది’ అని వాట్సన్ పేర్కొన్నాడు. భార‌త ప‌ర్య‌ట‌నుకు వ‌చ్చిన వాట్స‌న్ ఈ ఏడాది చెన్నైసూప‌ర్ కింగ్స్ విజ‌యంలో కీల‌క‌పాత్ర పోషించాడు. 

కాగా తొలి వన్డేలో టాస్ గెలిచిన  ఇంగ్లండ్ బ్యాటింగ్ ఎంచుకుంది.



మిషన్ ఇంగ్లాండ్

Updated By ManamWed, 08/01/2018 - 01:09
  • నేటి నుంచి ఇండియాతో తొలి టెస్టు జూ ఐదు మ్యాచ్‌ల సిరీస్ 

  • మధ్యాహ్నం 3.30 నుంచి సోనీ సిక్స్, సోనీ టెన్-3లలో ప్రతక్ష్య ప్రసారం

Virat-Kohliలండన్: టీమిండియా చివరిసారిగా 2007లో రాహుల్ ద్రవిడ్ నేతృత్వంలో ఇంగ్లాండ్ టెస్టులో గెలిచింది. ఇప్పుడు దాన్ని పునరావృతం చేయడం కోహ్లీ సేనకు అంత సులువేమీ కాదు. 2011, 2014లలో ఇంగ్లాండ్ పర్యటనకు మహేంద్ర సింగ్ ధోనీ నేతృత్వంలోని టీమిండియా 4-0, 3-1 వంటి భారీ తేడాలతో ఓటమిని చవిచూసింది. నిజం చెప్పాలంటే ఇంగ్లాండ్ గడ్డపై ఆడిన 57 మ్యాచ్‌లకు గాను టీమిండియా 6 మ్యాచ్‌లు మాత్రమే గెలిచింది. టెస్టుల్లో ఇంగ్లాండ్ ఫామ్‌ను పరిశీలిస్తే.. గత సెప్టెంబర్ నుంచి ఆస్ట్రేలియా, న్యూజిలాండ్, పాకిస్థాన్ జట్లతో 9 టెస్టులు ఆడగా ఒక్క మ్యాచ్‌లోనే గెలిచింది. వెస్టిండీస్, పాకిస్థాన్‌లతో సొంత గడ్డపై జరిగిన చివరి ఐదు టెస్టులకు గాను రెండింటిలో ఇంగ్లాండ్ ఓటమిపాలైంది. ఈ మ్యాచ్‌ల్లో జో రూట్, జాన్నీ బెయిర్‌స్టో, సీజనల్ ఓపెనర్ అలస్టైర్ కుక్‌లపైనే ఆధారపడటంతో ఇంగ్లాండ్ జట్టులోని బలహీనతలు బయట పడ్డాయి. 

ఎడ్గ్‌బాస్టన్‌లో పేలవ రికార్డు
నిజం చెప్పాలంటే ఉత్సాహంతో ఉరకలేస్తున్న ఈ  టీమిండియా 2002 నుంచి ఇప్పటి వరకు ఆడిన ఆరు టెస్టులకు గాను మూడింటిలో మాత్రమే గెలిచింది. లీడ్స్‌లో టెస్టు మ్యాచ్ గెలిచిన సౌరవ్ గంగూలీ నేతృత్వంలోని టీమిండియాలో ప్రస్తుత అసిస్టెంట్ కోచ్ సంజయ్ బాంగర్ కూడా సభ్యుడు. 2007లో సిరీస్ గెలిచిన జట్టులో వికెట్ కీపర్ దినేష్ కార్తీక్ కూడా ఉన్నాడు. 2011, 2014 ఇంగ్లాండ్ పర్యటనల్లో కెప్టెన్ విరాట్ కోహ్లీ, ఇషాంత్ శర్మ కూడా ఉన్నారు. గత పర్యటనకు ప్రస్తుత టీమిండియాలోని ఏడుగురు సభ్యులు కూడా వెళ్లారు. కానీ ఎడ్గ్‌బాస్టన్‌లో టీమిండియాకు పేలవ రికార్డు ఉంది. 1967 నుంచి ఇక్కడ ఆడిన ఆరు టెస్టులకు గాను టీమిండియా ఐదింటిలో ఓటమిపాలైంది. ఇప్పడు అదే మైదానంలో టీమిండియా గెలవాలంటే.. గత సౌతాఫ్రికా పర్యటనలో చేసిన తప్పులు మళ్లీ చేయకుండా సరైన తుది జట్టును ఎంపిక చేసుకోవాలి. సౌతాఫ్రికా పర్యటనలో రహానేకు బదులుగా రోహిత్‌ను ఆడించిన సంగతి తెలిసిందే. 

ఫామ్‌లో రాహుల్.. పుజారా ఫామ్‌పై ఆందోళన
మంచి ఫామ్‌లో ఉన్న కేఎల్ రాహుల్ తుది జట్టులో చోటు కోసం పోటీ పడుతున్నాడు. కానీ కోహ్లీ, కోచ్ రవిశాస్త్రి అతడిని మూడో ప్రాధాన్యత ఓపెనర్‌గా చూస్తున్నారు. దీంతో అవకాశం కోసం రాహుల్ వేచి చూడక తప్పదు. అయితే ఫిట్‌గా ఉండి ఫామ్‌లో ఉన్న వ్యక్తి కోసం వాళ్లు వెదికినప్పుడు రాహుల్‌కు చోటు దక్కే అవకాశముంది. ఎస్సెక్స్‌తో జరిగిన ప్రాక్టీస్ మ్యాచ్‌లో రాహుల్ తొలి ఇన్నింగ్స్‌లో 58, రెండో ఇన్నింగ్స్‌లో అజేయ 36 పరుగులు చేశాడు. ఆ మ్యాచ్‌లో ఓపెనర్ శిఖర్ ధావన్ రెండు ఇన్నింగ్స్‌లలో విఫలమయ్యాడు. చెటేశ్వర్ పుజారా ఫామ్‌లో లేకపోవడం కూడా టీమిండియాను కలవరపెడుతోంది. కౌంటీల్లో యార్క్‌షైర్‌కు ఆడిన పుజారా ఒక్క అర్ధ సెంచరీ కూడా చేయలేదు. ఆరు మ్యాచ్‌లకు గాను 172 పరుగులు సాధించాడు. ఈ సిరీస్ గెలవాలంటే ధావన్, పుజారా ఓపెనింగ్ భాగస్వామ్యం భారీగా అందించాలి. ఇక బౌలింగ్ విషయానికొస్తే.. అశ్విన్‌కు, ఇషాంత్ శర్మకు కూడా కౌంటీ క్రికెట్ అనుభవముంది. దీంతో ఈసారి ఇంగ్లాండ్ టీమ్‌ను సమర్థవంతంగా ఎదుర్కొనేందుకు టీమిండియా బాగా సిద్ధపడిందనే అభిప్రాయాలు వ్యక్తమవుతున్నాయి. ముగ్గురు స్పిన్నర్లు ఉన్న టీమిండియా మంచి ఎత్తుగడలను రూపొందించుకుంది. మరోవైపు ఇంగ్లాండ్‌లో వేడి గాలులు తగ్గి బర్మింగ్‌హామ్‌లో చల్ల గాలులు వీస్తున్నాయి. శనివారం నుంచి మూడ్రోజులు ఇక్కడ వర్షాలు కురిశాయి. కానీ బుధవారం టాస్ పడే సమయానికి పిచ్ తగినంత డ్రైగా ఉండాలి. తొలి టెస్టులో కుల్‌దీప్ యాదవ్ ఆడబోతున్నాడని తెలిసి ఇంగ్లాండ్ ఆటగాళ్లుకు అందుకు తగ్గట్టు సిద్ధమయ్యారు. ఈ మధ్య తీవ్ర చర్చానీయాంశంగా మారిన ఆదిల్ రషీద్.. మొయీన్ అలీ స్థానంలో బరిలోకి దిగే అవకాశముంది. అంతేకాదు ఇంగ్లాండ్ మేనేజ్‌మెంట్ పేస్ అటాక్‌కు ప్రాధాన్యమిస్తే.. అరంగేట్రం చేసేందుకు ఎస్సెక్స్ బౌలర్ జమీ పోర్టర్ సిద్ధంగా ఉన్నాడు.

టీమిండియా: విరాట్ కోహ్లీ (కెప్టెన్), శిఖర్ ధావన్, మురళీ విజయ్, కేఎల్ రాహుల్, చెటేశ్వర్ పుజారా, అజింక్య రహానే, దినేష్ కార్తీక్ (వికెట్ కీపర్), రిషబ్ పంత్, కరుణ్ నాయర్, హార్దిక్ పాండ్య, ఆర్. అశ్విన్, రవీంద్ర జడేజా, కుల్‌దీప్ యాదవ్, ఇషాంత్ శర్మ, ఉమేష్ యాదవ్, శార్దూల్ ఠాకూర్, మహ్మద్ షమీ, జస్‌ప్రీత్ బుమ్రా. 


ఇంగ్లాండ్: జో రూట్ (కెప్టెన్), అలస్టైర్ కుక్, కీటన్ జెన్నింగ్స్, జాన్నీ బెయిర్‌స్టో, జోస్ బట్లర్, బెన్ స్టోక్స్, డేవిడ్ మలన్, మొయీన్ అలీ, ఆదిల్ రషీద్, జమీ పోర్టర్, సామ్ కుర్రన్, జేమ్స్ ఆండర్సన్, స్టువర్ట్ బ్రాడ్. టెస్టుల్లో టీమిండియా నంబర్ వన్‌గా కొనసాగుతోంది. అయితే టీమిండియా ఇంట్లోనే పులి, బయట పిల్లి అనే వాదనలు కూడా వినిపిస్తున్నాయి. దీని చెరిపేసుకోవాలని కోహ్లీ సేన ఇంగ్లాండ్‌తో టెస్టు సిరీస్‌ను ప్రతిష్టాత్మకంగా తీసుకుంది. మరోవైపు ఇంగ్లాండ్‌కు ఇది 1000వ టెస్టు కావడంతో ఈ చారిత్రాత్మక మ్యాచ్‌లో ఎలాగైనా గెలవాలని పట్టుదలగా ఉంది. ఈ నేపథ్యంలో ఇండియా, ఇంగ్లాండ్ మధ్య బుధవారమిక్కడ ప్రారంభం కానున్న తొలి టెస్టు మ్యాచ్‌లో ఇరు జట్లూ హోరా హోరీగా పోరాడనున్నాయి.  

కోహ్లీకి తొలి 20 పరుగులు కీలకం
Lalchand-Rajputఇంగ్లాండ్‌లో టెస్టు సిరీస్‌లో టీమిండియా కెప్టెన్ విరాట్ కోహ్లీ తనదైన ముద్ర వేయాలంటే తొలి 20 పరుగులు కీలకమని మాజీ కోచ్ లాల్‌చంద్ రాజ్‌పుత్ అన్నారు. ఇంగ్లాండ్‌తో ఐదు మ్యాచ్‌ల సిరీస్‌లో భాగంగా తొలి మ్యాచ్ బుధవారం బర్మింగ్‌హామ్‌లో ప్రారంభం కానుంది. విరాట్ దూకుడు మనస్తత్వం గల ఆటగాడు. అతను ముందుండి జట్టును నడిపించాలని కోరుకుంటాడు. అతను ఎలా అడతాడా? అని ప్రతి ఒక్కరు ఎదురు చూస్తున్నారు. ఎందుకంటే గత పర్యటనలో అతను పేలవంగా ఆడాడు. కానీ ఇప్పుడతను ఎంతో పరిణితి చెందిన వ్యక్తి. గతంలో కంటే ఇప్పుడు అతనికి తన ఆట గురించి బాగా తెలుసు. అయితే జేమ్స్ ఆండర్సన్, స్టువర్ట్ బ్రాడ్ పాత బౌలర్లు. బంతిని ఎలా స్వింగ్ చేయాలో వారికి బాగా తెలుసు. తన గేమ్ మీద విరాట్ బాగా హోం వర్క్ చేశాడు. అతను భారీ ఇన్నింగ్స్ ఆడతాడని భావిస్తున్నాను. అతను తొలి టెస్టులో ఎలా ఆడతాడన్నది చాలా ముఖ్యం. తొలి 20 పరుగులు చేయడం విరాట్‌కు కీలకం. ఆ 20 పరుగులు గనుక చేస్తే.. ఇక వెనక్కి తిరిగి చూడాల్సిన పని వుండదు’ అని రాజ్‌పుత్ చెప్పారు.



క్రికెటర్లకు బీసీసీఐ షాక్

Updated By ManamWed, 07/25/2018 - 09:51

bcci ఇంగ్లండ్‌తో టెస్ట్ సిరీస్ ప్రారంభమయ్యే ముందు టీమిండియా క్రికెటర్లకు బీసీసీఐ షాక్ ఇచ్చింది. క్రికెటర్లు తమ భార్యలు, ప్రియురాళ్లకు కనీసం నెలరోజుల పాటు దూరంగా ఉండాలని షరతు విధించింది. మైదానంలో ఆటగాళ్ల ఓటమికి వారి కుటుంబీకులే కారణమని విమర్శలు వస్తుండటం, టూర్లలో ఎంజాయ్ చేస్తూ సరైన ప్రాక్టీస్ చేయడం లేదని పలువురు ఆగ్రహం వ్యక్తం చేస్తున్న నేపథ్యంలో బీసీసీఐ ఈ నిర్ణయం తీసుకున్నట్లు సమాచారం. కాగా ఇటీవల జరిగిన వన్డే సిరీస్ ఓటమి తరువాత క్రికెటర్లు తమ భార్య పిల్లలతో కలిసి టూర్లకు వెళ్లారు. అక్కడ ఎంజాయ్ చేస్తూ ఆ ఫొటోలను సోషల్ మీడియాలో పెట్టగా.. నెటిజన్లు విమర్శలు చేశారు. ఈ నేపథ్యంలో రాబోయే టెస్ట్ సిరీస్‌లోనూ భారత్ ఓటమి పాలైతే విమర్శల తీవ్రత మరింత పెరుగుతుందని భావించిన బీసీసీఐ, ముందస్తు జాగ్రత్తగా ఈ నిర్ణయం తీసుకున్నట్లు తెలుస్తోంది.



ఇంగ్లాండ్ గడ్డపై... ఇండియా జయకేతనం

Updated By ManamTue, 07/24/2018 - 01:08
  • 1971 నుంచి 2014 వరకు

Englandఇంగ్లాండ్‌తో తీవ్రమైన ఐదు మ్యాచ్‌ల టెస్టు సిరీస్ కోసం టీమిండియా సిద్ధమవుతోంది. ఆగస్టు 1వ తేదీన ప్రారంభమయ్యే తొలి మ్యాచ్‌తో ఈ సిరీస్ మొదలవుతోంది. 1932 నుంచి ఇంగ్లాండ్ పర్యటనకు వెళ్లిన భారత క్రికెట్ జట్లు ఓ మోస్తరు విజయాలను నమోదు చేస్తూ వస్తున్నాయి. ఇంగ్లాండ్ గడ్డపై టీమిండియా ఇప్పటి వరకు 57 టెస్టు మ్యాచ్‌లు ఆడి 6 మాత్రమే గెలిచింది. గెలిచినవి కొన్నే అయినా భారత క్రికెట్‌లో మరపురానివి. భారత అభిమానులను ఆనందింపజేసిన ఆ మ్యాచ్‌లేంటో ఓసారి చూద్దాం...          

ది ఒవల్-1971
England15 ఓటములు, 6 డ్రాల తర్వాత 1971 ఆగస్టు 19 నుంచి 24వ తేదీ వరకు జరిగిన ఈ మ్యాచ్‌లో టీమిండియా తొలిసారి ఇంగ్లండ్ గడ్డపై టెస్టు మ్యాచ్‌తో పాటు సిరీస్‌ను గెలిచి చరిత్ర సృష్టించింది. తొలి రెండు మ్యాచ్‌లు డ్రా అయ్యాయి. అయితే ఈ మూడో టెస్టులో తొలుత బ్యాటింగ్‌కు దిగిన ఇంగ్లాండ్ జట్టు 355 పరుగులు చేసింది. తర్వాత దిలీప్ సర్దేశాయ్, ఫరూఖ్ ఇంజినీర్‌లు అర్ధ సెంచరీలు చేసినప్పటికీ టీమిండియా తొలి ఇన్నింగ్స్‌లో 284 పరుగులకు ఆలౌటైంది. ఆ తర్వాత కథ మారింది. నాల్గవరోజు ఆటలో టీమిండియా బౌలర్ భగవత్ చంద్రశేఖర్ 38 పరుగులచ్చి 6 వికెట్లు తీసుకోవడంతో ఇంగ్లాండ్ జట్టు రెండో ఇన్నింగ్స్‌లో 101 పరుగులకు ఆలౌటైంది. ఈ మ్యాచ్ గెలిచేందుకు టీమిండియా 174 పరుగులు చేయాల్సి వచ్చింది. అయితే ఆరంభంలోనే ఓపెనర్లు గవాస్కర్, మన్కడ్ వెనుదిరిగినప్పటికీ దిలీప్ సర్దేశాయ్, కెప్టెన్ అజిత్ వాడేకర్‌తో పాటు గుండప్ప విశ్వనాథ్, ఇంజినీర్ జట్టుకు విజయాన్ని కట్టబెట్టి చరిత్ర సృష్టించారు.

లార్డ్స్-1986 
Englandలార్డ్స్ మైదానంలో ఇంగ్లాండ్‌పై టెస్టు మ్యాచ్‌లో గెలవడానికి టీమిండియాకు 54 ఏళ్లు పట్టింది. 1983 వరల్డ్ కప్ గెలిచిన మూడుళ్ల తర్వాత అదే కెప్టెన్ కపిల్ దేవ్ నేతృత్వంలో టీమిండియా ఈ విజయం సాధించింది. ఈ మ్యాచ్‌లో టీమిండియా ఐదు రోజుల పాటు అసాధారణ ప్రతిభ కనబరిచింది. గ్రాహం గూచ్ సెంచరీ చేసినప్పటికీ చేతన్ శర్మ ఐదు వికెట్లు తీయడంతో ఇంగ్లాండ్ 294 పరుగులకు ఆలౌటైంది. తర్వాత దిలీప్ వెంగ్‌సర్కార్ అద్భుతమైన సెంచరీ (126) చేసి లార్స్ ఆనర్స్ బోర్డ్‌లో మూడోసారి లిఖించుకున్నాడు. దీంతో టీమిండియా తొలి ఇన్నింగ్స్‌లో 47 పరుగుల ఆధిక్యం లభించింది. అయితే కపిల్ దేవ్, మణిందర్ సింగ్ నిప్పులు చేరిగే బౌలింగ్ చేయడంతో ఇంగ్లాండ్ రెండో ఇన్నింగ్స్‌లో 180 పరుగులకు ఆలౌటైంది. దీంతో గెలిచేందుకు చివరి రోజు టీమిండియా 134 పరుగులు చేయాల్సి వచ్చింది. ఐదు వికెట్లు కోల్పోయినప్పటికీ 42 ఓవర్లలోనే టీమిండియా లక్ష్యాన్ని చేరుకుంది. కపిల్ దేవ్ సిక్సర్‌తో జట్టును గెలిపించారు. 

హెడింగ్లే-2002 
Englandహెడింగ్లేలో సాధించిన గెలుపు టీమిండియా ఇప్పటి వరకు విదేశాల్లో సాధించిన విజయాలన్నింటిలోకి గొప్పదని చెప్పాలి. ఎందుకంటే పిచ్‌పై దట్టమైన గ్రీన్ టాప్, ఆకాశం మేఘావృతమయ్యే అవకాశం, నాలుగు మ్యాచ్‌ల సిరీస్‌లో టీమిండియా 0-1తో వెనకబడివుండటం.. అయినప్పటికీ అప్పటి కెప్టెన్ సౌరవ్ గంగూలీ టాస్ గెలిచి బ్యాటింగ్ ఎంచుకోవడం చాలా మందిని ఆశ్చర్యపరిచింది. మరింత ఆశ్చర్యకరమైన సంగతేంటంటే గంగూలీ ఎంచుకున్న బౌలింగ్ కాంబినేషన్. ఈ మ్యాచ్‌కు గంగూలీ ఇద్దరు ఫాస్ట్ బౌలర్లు, ఇద్దరు స్పిన్నర్లు, ఒక మీడియం పేస్ బౌలర్లతో బరిలోకి దిగాడు. తొలి రోజు సంజయ్ బాంగర్, రాహుల్ ద్రవిడ్, రెండో రోజు సచిన్ టెండూల్కర్, సౌరవ్ గంగూలీ అద్భుతంగా ఆడటంతో టీమిండియా  8 వికెట్ల నష్టానికి 628 పరుగుల వద్ద డిక్లేర్ చేసింది. టీమిండియా గూగ్లీ బౌలర్ అనిల్ కుంబ్లే అసాధారణ ప్రతిభ కారణంగా తర్వాత బ్యాటింగ్‌కు దిగిన ఇంగ్లాండ్ జట్టును రెండున్నర రోజుల్లో రెండుసార్లు 273, 309 పరుగులకు ఆలౌట్ చేయడంతో 1977 తర్వాత తొలిసారి టీమిండియా ఇన్నింగ్స్, 46 పరుగుల తేడాతో గెలిచింది. కుంబ్లే 7 వికెట్లు తీశాడు. 

నాటింగ్‌హామ్-2007
Englandలార్డ్స్‌లో జరిగిన టెస్టు మ్యాచ్‌ను తృటిలో కోల్పోయిన టీమిండియా తర్వాతి మ్యాచ్‌లో అద్భుతంగా పుంజుకుంది. ఈ గెలుపులో జహీర్ ఖాన్ కీలకపాత్ర పోషించాడు. టాస్ గెలిచిన టీమిండియా ఫీల్డింగ్ ఎంచుకోవడంతో బ్యాటింగ్‌కు దిగిన ఇంగ్లాండ్ 198 పరుగులకే ఆలౌటైంది. ఎడమ చేతి పేసర్ 4 వికెట్లు తీసుకున్నాడు. తర్వాత బ్యాటింగ్‌కు దిగిన టీమిండియా ఆరుగురు అర్ధ సెంచరీలు చేశారు. దీంతో ఇంగ్లాండ్ స్కోరు కంటే టీమిండియా 280 పరుగులు అధికంగా చేసింది. తర్వాత ఇంగ్లాండ్ రెండు ఇన్నింగ్స్‌ను కూడా జహీర్ దెబ్బతీశాడు. దీంతో ఆ జట్టు 355 పరుగులకే ఆలౌటైంది. కానీ జహీర్ జెల్లీ బీన్స్ ఉపయోగించాడంటూ ఇంగ్లాండ్ ఆటగాళ్లు గోల గోల చేసిన భారత బౌలర్‌ను అవమానించారు. ఇంగ్లాండ్ ఇన్నింగ్స్‌లో మైఖెల్ వాన్ మాత్రమే భారత బౌలర్లను ఎదుర్కొన్నాడు. తర్వాత 72 పరుగుల లక్ష్యంతో ఐదవ రోజు బరిలోకి దిగిన టీమిండియాను క్రిస్ ట్రెమ్లెట్ మూడు వికెట్లు తీసి దెబ్బకొట్టాడు. అయినప్పటికీ టీమిండియా 7 వికెట్లతో విజయం సాధించింది.

లార్డ్స్-2014
England2011 ఇంగ్లాండ్ పర్యటనలో టీమిండియా ఘోర పరాజయాన్ని చవిచూసినప్పటికీ 2014లో ఐదు మ్యాచ్‌ల సిరీస్‌ను మహేంద్ర సింగ్ ధోనీ సేన ఆశావహంగా ప్రారంభించింది. నాటింగ్‌హామ్ టెస్టును డ్రా చేసుకున్న టీమిండియా లార్డ్స్‌లో టెస్టులో విజయం సాధించింది. మూడేళ్ల తర్వాత తొలిసారి టీమిండియా విదేశీ గడ్డపై టెస్టు మ్యాచ్ గెలిచింది. ఇండియా, ఇంగ్లాండ్ తొలి ఇన్నింగ్స్‌లో రహానే, గ్యారీ బాలెన్స్ సెంచరీలతో అదరగొట్టారు. అయినప్పటికీ ఆతిథ్య జట్టుకు 24 పరుగుల తొలి ఇన్సింగ్స్ ఆధిక్యం లభించింది. తర్వాత రెండో ఇన్నింగ్స్‌లో టీమిండియాను 250లోపే ఆలౌట్ చేయాలని ఇంగ్లాండ్ లక్ష్యంగా పెట్టుకుంది. కానీ జడేజా, భువనేశ్వర్ అర్ధ సెంచరీలు చేయడంతో 342 పరుగులు చేసింది. దీంతో ఇంగ్లాండ్ మ్యాచ్ గెలిచేందుకు 319 పరుగులు చేయాల్సి వచ్చింది. కానీ ఇషాంత్ శర్మ 74 పరుగులిచ్చి 7 వికెట్లు తీయడంతో టీమిండియా 95 పరుగుల తేడాతో గెలిచింది. 28 ఏళ్ల తర్వాత లార్డ్స్‌లో టీమిండియా తొలిసారి టెస్టు విజయాన్ని నమోదు చేసింది.





Related News