ysrcp

బీజేపీ ఒక్క సీటు గెలిస్తే రాజీనామా చేస్తా!

Updated By ManamSat, 07/21/2018 - 20:39

Minister Nakka Anand Babu Open challenge To BJP

గుంటూరు: ఏపీ బీజేపీ నేతలకు మంత్రి నక్కా ఆనంద బాబు బహిరంగ సవాల్ విసిరారు. 2019 ఎన్నికల్లో ఏపీలో బీజేపీ ఒక్క సీటు గెలిచినా తాను రాజకీయాల నుంచి తప్పుకుంటానని చాలెంజ్ చేశారు. శనివారం సాయంత్రం మీడియాతో మాట్లాడిన ఆయన.. వైసీపీ ఎంపీలు, ఎమ్మెల్యేలు చట్టసభలకు వెళ్లకుండా నాటకాలు ఆడుతున్నారని ఆయన విమర్శించారు. ప్రజలు వైసీపీకి ఓట్లు వేసింది రోడ్లు మీద తిరిగడానికా ? అని ఆయన ఎద్దేవా చేశారు.

వైసీపీ సభ్యులకు జీతాలు తీసుకునే అర్హత ఉందా ? అని సూటి ప్రశ్న సంధించారు. ప్రధాని మోదీ ఏపీలో వైసీపీ, జనసేనలతో కలిసి టీడీపీని దెబ్బ చేయాలని కంకణం కట్టుకున్నారని విమర్శలు గుప్పించారు. 2019 ఎన్నికల్లో వీళ్లందరికి ప్రజలే సరైన బుద్ది చెబుతారని నక్కా జోస్యం చెప్పారు. పార్లమెంట్‌‌‌లో ప్రధాని హావాబావాలు ప్రజలను అవమానపర్చేలా ఉన్నాయని మంత్రి నక్కా చెప్పుకొచ్చారు. అయితే మంత్రి నక్కా వ్యాఖ్యలకు వైసీపీ, బీజేపీ నేతలు ఎలా రియాక్టవుతారో వేచి చూడాల్సిందే .



24న ఏపీ బంద్‌కు జగన్ పిలుపు

Updated By ManamSat, 07/21/2018 - 10:09

Jagan అమరావతి: ఏపీకి ప్రత్యేకహోదా ఇవ్వకపోవడం, ప్రజలను చంద్రబాబు సర్కారు చేస్తున్న మోసానికి నిరసనగా ఈ నెల 24న రాష్ట్రబంద్‌కు ఏపీ ప్రతిపక్ష నేత జగన్ పిలుపునిచ్చారు. ప్రజలంతా స్వచ్ఛద్ధంగా ఈ బంద్‌లో పాల్గొని విజయవంతం చేయాలని జగన్ ఈ సందర్భంగా కోరారు. ఎక్కడికక్కడ బస్సులను, రహదారులను దిగ్భంధించాలని, చంద్రబాబుపై ఒత్తిడి తెచ్చి, తన ఎంపీలతో రాజీనామా చేయించేంత వరకు తమ పార్టీ నిరసన కార్యక్రమాలను జరుపుతూనే ఉంటుందని జగన్ అన్నారు. అందరం కలిసి కేంద్రానికి వ్యతిరేకంగా నిరసన చేస్తే.. కేంద్రం కూడా దిగి వస్తుందని జగన్ అన్నారు.



నా ఎంపీలను పంపిస్తా.. మీరు సిద్ధమా..?

Updated By ManamSat, 07/21/2018 - 09:51

Jagan అమరావతి: రాష్ట్రం మీద ఢిల్లీ పెద్దలకు ఉన్న ప్రేమను చూసినప్పుడు చాలా బాధ అనిపించిందని వైసీపీ అధినేత, ఏపీ ప్రతిపక్షనేత జగన్‌మోహన్ రెడ్డి అన్నారు. అవిశ్వాసంపై జరిగిన చర్చలో ప్రధాని మోదీ ప్రత్యేకహోదాపై ఒక్కమాట మాట్లాడలేదని, తిరుపతి సభలో ఆయన చెప్పిన హామీలు గుర్తురాలేదా..? అంటూ జగన్ ప్రశ్నించారు. బాబు ఆమోదంతోనే హోదాకు బదులు ప్యాకేజ్ ఇచ్చామని మోదీ అన్నారని, హోదాకు బదులు ప్యాకేజీకి ఓకే చెప్పే హక్కు చంద్రబాబుకు ఎవరు ఇచ్చారని జగన్ మండిపడ్డారు.

అయినా హోదాపై రాజీపడేందుకు చంద్రబాబుకు ఎవరిచ్చారని, రాష్ట్ర ప్రజల హక్కులను తాకట్టు పెట్టే అధికారం బాబుకు ఎవరు ఇచ్చారు అంటూ జగన్ ఫైర్ అయ్యారు. కనీసం రాహుల్ గాంధీ నోటి వెంట కూడా ఏపీ ప్రత్యేకహోదాపై ఒక్క మాట రాలేదని జగన్ ఆవేదన వ్యక్తం చేశారు. లోక్‌సభలో శుక్రవారం టీడీపీ ఎంపీ గల్లా జయదేవ్ మాట్లాడిన మాటలు గత 4ఏళ్లుగా తాము చెబుతూనే ఉన్నామని, ఇవే మాటలు తాము చెప్పినందుకు మమ్మల్ని వెక్కిరించారని, ప్రతిపక్షాలవి రాజకీయ ఆరాటం మాత్రమే అంటూ తమపై విమర్శలు చేశారని జగన్ అన్నారు.

అర్ధరాత్రి ప్యాకేజీని చంద్రబాబు అంగీకరించారని, ఆ తరువాత ప్రెస్‌మీట్‌లు పెట్టి మరీ చంద్రబాబు జైట్లీని పొగిడారని, మనమే ఎక్కువ సాధించామంటూ చంద్రబాబు ప్రతిపక్షాలకు సవాల్ విసిరారని జగన్ విమర్శించారు. వైసీపీ ఎంపీలు రాజీనామా చేసినప్పుడే, టీడీపీ ఎంపీలు చేసుంటే కేంద్రం దిగివచ్చేది కాదా..? అంటూ జగన్ ప్రశ్నించారు. ఇప్పటికైనా సమయం మించి పోలేదని, చంద్రబాబు తన పార్టీ ఎంపీలతో రాజీనామా చేయించాలని కోరారు. అప్పుడు తన పార్టీ ఎంపీలను, టీడీపీ ఎంపీలు అందరూ కలిసి ఢిల్లీలో నిరాహార దీక్ష చేస్తే కేంద్రం ఎందుకు దిగిరాదని, యుద్ధం అంటే ఇలా చేయాలని సామాన్యుడు కూడా మనవైపు చూస్తాడని జగన్ అన్నారు. 

బీజేపీతో బాబు చేస్తున్నది యుద్ధం కాదు

నాలుగేళ్ల పాటు బీజేపీతో సంసారం చేసిన బాబు, ఎన్నికల ముందు విడాకులు తీసుకొని యుద్ధం చేస్తా అంటున్నారని.. కేంద్రంతో బాబు చేస్తున్నది యుద్ధం కాదని, లోపాయికారి ఒప్పందం అని జగన్ పేర్కొన్నారు. బీజేపీ మంత్రి భార్యకు టీటీడీలో మెంబర్ షిప్‌ ఇచ్చారని, అలాగే ఎన్టీఆర్ బయోపిక్ సమయంలో బీజేపీకి చెందిన వెంకయ్యనాయుడును ముఖ్య అతిథిగా పిలిచారని, వీటికి తోడు టీడీపీ చెందిన పరకాల ప్రభాకర్ భార్యైన నిర్మాలా సీతారామన్ కేంద్రంలో మంత్రిగా కొనసాగుతూ.. ప్రత్యేకహోదాపై ఒక్క మాట కూడా మాట్లాడటం లేదని.. ఇవన్నీ లోపాయికారి ఒప్పందాలు కావా..? అంటూ జగన్ ప్రశ్నించారు.

ఎవ్వరినీ నమ్మొద్దు

రాష్ట్రాన్ని విభజించి కాంగ్రెస్, హోదా ఇస్తామని బీజేపీ, అభివృద్ధి చేస్తామని టీడీపీ.. ఇలా అన్ని పార్టీలు తెలుగు ప్రజలను మోసం చేశాయని.. అందుకే ఆ పార్టీలను ప్రజలు నమ్మొద్దంటూ జగన్ పిలుపునిచ్చారు. ఎవరైతే ప్రత్యేకహోదా ఇస్తామని సంతకం పెడతారో వారికే మద్దతును ఇద్దామని జగన్ అన్నారు.



ఆనం వైసీపీలోకి వస్తారు సరే.. ఆయన సంగతేంటి?

Updated By ManamThu, 07/19/2018 - 17:50

Anam Ramanarayana Mets YSRCP Chief Jagan mohan Reddy

హైదరాబాద్: మాజీ మంత్రి, సీనియర్ నేత ఆనం రామనారాయణరెడ్డి వైసీపీలోకి చేరడానికి దాదాపు ముహూర్తం ఖరారైపోయింది. శుక్రవారం నాడు కోర్టుకు హాజరుకావాల్సి ఉండటంతో తూర్పుగోదావరి జిల్లా కాకినాడలో పాదయాత్ర ముగించుకుని హైదరాబాద్‌కు వచ్చిన వైసీపీ అధినేత, ఏపీ ప్రధాన ప్రతిపక్షనేత వైఎస్ జగన్ మోహన్‌‌రెడ్డిని ఆనం కలిశారు. నెల్లూరు తన ముఖ్య అనుచరులు, కుటుంబీకులతో కలిసి హైదరాబాద్‌లోని లోటస్‌పాండ్‌కు వెళ్లిన ఆనం.. గురువారం మధ్యాహ్నం జగన్‌కు కలిసి పార్టీలో చేరికపైసుమారు గంటకు పైగా చర్చించారు. ఆషాడం తర్వాత శ్రావణమాసంలో ఆనం.. జగన్ సమక్షంలో వైసీపీ కండువా కప్పుకోనున్నారని తెలుస్తోంది.

ఈ కీలక భేటీలో.. జగన్-ఆనం మధ్య కొన్ని ఒప్పందాలు కూడా జరిగినట్లు తెలుస్తోంది. ప్రస్తుతం ఆనం రామనారాయణ టీడీపీ తరఫున ఆత్మకూరు నియోజకవర్గం ఇన్‌చార్జీగా ఉన్నారు. అదే నియోజకవర్గం నుంచి వైసీపీ తరఫున గెలిచిన మేకపాటి గౌతమ్‌రెడ్డి ఎమ్మెల్యేగా ప్రాతినిథ్యం వహిస్తున్నారు. దీంతో ఆనంకు ఆత్మకూరుకు బదులుగా వెంకటగిరి టిక్కెట్ ‌హామీ ఇచ్చారని తెలుస్తోంది. ఇందుకు ఆనం కూడా సుముఖుత వ్యక్తం చేశారని సమాచారం. ఆనంను పార్టీలోకి రప్పించడంలో కీలక నేతలు బాలినేని శ్రీనివాస్ రెడ్డి, సజ్జల రామకృష్ణారెడ్డి ఉన్నారు. అంతేకాదు వారిద్దరే దగ్గరుండి జగన్‌తో భేటీ చేయించారు.

కాగా గతంలో.. వైసీపీ అధినేతను ఆనం ఎయిర్‌పోర్టులో కలిసినట్లుగా వార్తలు వచ్చాయి. అనుకున్నట్లు జరిగుంటే ఇప్పటికే ఆనం కుటుంబం వైసీపీలోకి వచ్చేసేదే. ఆనం రాం నారాయణకు మంత్రి పదవి రాకపోవడం.. తర్వాత అనారోగ్యంతో వివేకా చనిపోవడం ఇలా వరుస ఘటనలతో కాస్త డిస్టబ్ అయిన ఆయన చేరికలో ఆలస్యం అయ్యింది. ఇదిలా ఉంటే ఆయన రాకతో నెల్లూరు వైసీపీలోని కీలక నేతలు అలకబూనుతారని తద్వారా పార్టీకి తీవ్ర నష్టం వాటిల్లే అవకాశాలున్నాయని వీటన్నింటినీ పలువురు జగన్ దృష్టికి తీసుకెళ్లడంతో ఆయనకు ఒకటికి రెండు సార్లు ఆలోచించి వెంకటగిరి నుంచి ఆనంను బరిలోకి దింపాలని నిర్ణయించుకున్నారట. అయితే 2014లో వైసీపీ తరఫున పోటీ చేసిన కొమ్మి లక్ష్మయ్య నాయుడు పరిస్థితేంటి అనేది ప్రశ్నార్థకంగా మారింది. కాగా గత ఎన్నికల్లో వైసీపీ అభ్యర్థిపై టీడీపీ తరఫున పోటీచేసిన కురుగొండ్ల రామకృష్ణ కేవలం 5,635 ఓట్ల తేడాతో గట్టెక్కారు. అయితే రానున్న ఎన్నికల్లో ఎమ్మెల్యేగా గెలిచి తీరాలని వైసీపీ తరఫున పెద్ద ఎత్తున కార్యక్రమాలు చేపడుతూ.. అధికార పార్టీ నేతల కంటే ఎక్కువగా నాయుడు ప్రజల్లో కలియతిరుగుతున్నారు. అయితే ఇలాంటి పరిస్థితుల్లో ఆనంకు వెంకటగిరి టికెట్ ఇవ్వడంతో పరిస్థితులు ఎలా మారతాయో..?

అయితే.. జగన్ చేసిన ఈ ప్రకటనతో మేకపాటి కుటుంబం, అనుచరులు, కార్యకర్తల్లో ఆనందం కలిగించినప్పటికీ లక్ష్మయ్యనాయుడు మాత్రం కాసింతైనా అసంతృప్తి వ్యక్తం చేస్తారన్నది ప్రత్యేకంగా చెప్పాల్సిన అక్కర్లేదు. అయితే లక్ష్మయ్యకి వేరే స్థానం నుంచి ఏమైనా టికెట్ ఇస్తారా..? లేకుంటే ఎమ్మెల్సీ ఏమైనా ఇస్తారా..? పూర్తిగా పక్కనపెట్టేస్తారా..? అనేది తెలియరాలేదు. ఇవన్నీ అటుంచితే ఇలాంటి అసంతృప్తి అనేది వెంకటగిరి నియోజకర్గ నేతల్లో రగులుతుందని ముందే గ్రహించిన జగన్.. అన్నీ మాట్లాడేశాకే ఈ నిర్ణయం తీసుకున్నారని తెలుస్తోంది. అందుకే ఆనం రాకకు పార్టీ అధినేత గ్రీన్ సిగ్నల్ ఇచ్చారని విశ్వసనీయ వర్గాల సమాచారం.

మొత్తానికి చూస్తే.. నెల్లూరులో గత కొన్ని దశాబ్దాలుగా ఆనం ఫ్యామిలీ పేరు మార్మోగింది. మేకపాటి కుటుంబం రాకతో నెల్లూరు టౌన్ మొదలుకుని అన్ని నియోజకవర్గాల్లో తనకంటూ ప్రత్యేక ముద్ర వేసుకున్నారాయన. దీంతో ఆనం పేరు పెద్దగా వినపడ్లేదు. అందుకే ఆనం అప్పట్లో కాంగ్రెస్ పార్టీకి గుడ్‌బై చెప్పేసి టీడీపీ తీర్థం పుచ్చుకుని మంత్రి పదవి దక్కించుకుని తిరిగి జిల్లాను గుప్పిట్లోకి తీసుకోవాలని భగీరథ ప్రయత్నాలు చేశారని చెబుతుంటారు. అయితే ఆనం క్యాడర్ మాత్రం ఇప్పటికీ అలాగే ఉంది గనుక ఆయన రాకతో వైసీపీకి డబుల్ ధమాకే..! ఇక నెల్లూరు జిల్లాలో వైసీపీ తిరుగుండదని చెప్పుకోవడంలో ఎలాంటి అతిశయోక్తి లేదేమో. నెల్లూరులో మొత్తం పది నియోజకవర్గాలుంటే టీడీపీ గెలిచింది కేవలం మూడు స్థానాలు మాత్రమే.. అయితే ఒకరిద్దరు వైసీపీ ఎమ్మెల్యేలు పార్టీ మారారు అదంతా వేరే విషయం. అంటే ఆనం రాకతో మిగిలిన ఆ సీట్లు కూడా వైసీపీకే దక్కుతాయని పార్టీ శ్రేణులు భావిస్తున్నాయి. అయితే ఇదంతా ఎంత వరకు వర్కవుటుతుందో వేచి చూడాల్సిందే మరి.



అమరావతిలో గ్రాఫిక్స్, గేదెలే కనపడుతున్నాయ్..!

Updated By ManamWed, 07/18/2018 - 18:49

Grafix, and Cattles Were Showing In Amaravathi Said Ysrcp Chief Jagan

కాకినాడ: అమరావతిలో గ్రాఫిక్స్, టీడీపీ ఎమ్మెల్యే గేదెలు మాత్రమే కనిపిస్తాయే తప్ప.. అభివృద్ధి మాత్రం ఎక్కడా కనపడట్లేదని టీడీపీ ప్రభుత్వంపై వైసీపీ అధినేత, ఏపీ ప్రధానప్రతిపక్షనేత జగన్ మోహన్‌రెడ్డి తీవ్ర విమర్శలు గుప్పించారు. బుధవారం కాకినాడ బహిరంగ సభలో మాట్లాడిన ఆయన చంద్రబాబు ప్రభుత్వంపై దుమ్మెత్తి పోశారు.

జగన్ ప్రసంగంలోని ముఖ్యాంశాలు..
"
ఎన్నికల సమయంలో బాబు కాకినాడను స్మార్ట్ సిటీని చేస్తామని చెప్పారు. ప్రస్తుతం కాకినాడ రాష్ట్రంలో అభివృద్ధిలో చిట్టచివరి స్థానంలో ఉంది. కాకినాడలో ప్రభుత్వ, ప్రైవేట్ ఆస్తులను కబ్జా చేస్తున్నారు. కాకినాడను స్మార్ట్ సిటీ చేస్తామని చెప్పి.. అవినీతి మాత్రం స్మార్ట్‌గా చేస్తున్నారు. ఏపీలో ఉంది ‘ఈజ్ ఆఫ్ డూయింగ్ కాదు.. ఈజ్ ఆఫ్ కరప్షన్’. ప్రతి కులాన్ని మోసం చేయడంలో చంద్రబాబుకు నంబర్ స్థానం. హామీలు గురించి అడిగితే బెదిరించడంలో బాబుకు నంబర్ వన్ స్థానం. రాజధాని, గుడి భూములను దోచుకోవడంలో సీఎం నంబర్ వన్. లంచాలు తీసుకోవడంలో బాబుకు నంబర్ వన్ స్థానం. బాబు జీవితమంతా అబద్దాలు, వెన్నుపోట్లు, అవినీతి. కాకినాడలో ప్రభుత్వ, ప్రైవేట్ ఆస్తులను విచ్చలవిడిగా కబ్జా చేస్తున్నారు. కాకినాడలో యథేచ్చగా పేకాట క్లబ్బులు నడుస్తున్నాయి. ప్రతి నెల పేకాట క్లబ్బుల నుంచి టీడీపీ నేతలకు మామూళ్లు అందుతున్నాయి. లంచం లేనిదే ఒక్క పని కూడా ముందుకు వెళ్లడం లేదు. ఐదేళ్లలో కాకినాడ స్మార్ట్ సిటీ కింద రూ. వెయ్యి కోట్లు రావాలి. కాకినాడలో డంపింగ్ యార్డ్ మార్చాలని జనం మొత్తుకున్నా నాలుగేళ్లుగా చంద్రబాబు పట్టించుకోవడం లేదు. వైఎస్సార్ కాకినాడకు ప్రకటించిన మంచినీటి పథకం, ప్రాజెక్టుల పనులు ఎక్కడి వేసిన గొంగలిలా అక్కడే ఉన్నాయి. టీడీపీ ప్రభుత్వంలో లంచాలు లేనిదే పనులు జరగడం లేదు. కాకినాడ అర్బన్‌లో వైఎస్సార్ 13వేల ఇళ్లను కట్టించారు. నాలుగేళ్లలో చంద్రబాబు ఒక్క ఇళ్లైనా కట్టించారా..?. పేదల ప్లాట్లలో కూడా చంద్రబాబు అవినీతిచేస్తున్నారు. చంద్రబాబు ప్లాట్లు ఇస్తే తీసుకోండి.. వైసీపీ అధికారంలోకి రాగానే ఆ ప్లాట్లపై ఉన్న అప్పును మాఫీ చేస్తాం" అని ఆయన అన్నారు. 

చంద్రబాబు సింగపూర్‌కు వెళ్లి..
"
వారం రోజుల కిందట చంద్రబాబు సింగపూర్‌కు పోయారు. కట్టని, కనబడని, అమరావతి గురించి చంద్రబాబు సింగపూర్‌లో మాట్లాడారు. సింగపూర్‌లో అమరావతి గురించి చంద్రబాబు అన్ని అబద్ధాలే చెప్పారు. అమరావతిలో ఎలక్ట్రిక్ వాహనాలు ఉన్నాయట. అమరావతిలో ఇప్పటి వరకూ ఒక్క పర్మినెంట్ ఇటుక కూడా పడలేదు. అమరావతిలో ఎమ్మెల్యే గేదెలు గడ్డి మేస్తూ కనిపిస్తున్నాయి. అమరావతిలో చంద్రబాబు బహుబలి గ్రాఫిక్స్ కనిపిస్తాయి. సమ్మిట్‌ల ద్వారా 20 కోట్ల పెట్టుబడులు.. 40 లక్షల ఉద్యోగాలు వచ్చాయని చంద్రబాబు ఉదరగొడుతున్నారు. నాలుగేళ్లలో రూ. 20 వేల కోట్ల పెట్టుబడులు కూడా రాలేదు. వైసీపీ అధికారంలోకి వచ్చిన వెంటనే లక్షా, 42 వేల ఉద్యోగాలు భర్తీ చేస్తాను. ప్రతి గ్రామ సెక్రటేరియట్‌లో ఆ గ్రామానికి చెందిన 10మందికి ఉద్యోగాలు ఇప్పిస్తాను. దీంతో లక్షా 59వేల ఉద్యోగాలు అదనంగా వస్తాయి. గ్రామాల్లో అప్లికేషన్ పెట్టిన 72 గంటల్లోనే పనిచేసి పెడతాం" అని ఈ సందర్భంగా జగన్ హామీ ఇచ్చారు. 

రాజీనామా చేసింది మన ఎంపీలే..
"
ప్రధాని మోదీపై చంద్రబాబు యుద్ధం చేస్తున్నారని డ్రామాలాడుతున్నారు. వైసీపీ ఎన్నిసార్లు అవిశ్వాసం పెట్టినా అనుమతించని స్పీకర్.. రాజీనామాలు చేసి బయటికెళ్లిన తర్వాత టీడీపీ అవిశ్వాసం పెట్టడం.. వెంటనే ఆమోదించడం చాలా ఆశ్చర్యకరమేస్తోంది. పార్టీ ఫిరాయించిన బుట్టా రేణుకను డిస్‌క్వాలిఫై చేయాలని ఫిర్యాదు చేశాం. కానీ అఖిలపక్ష సమావేశానికి వైసీపీ తరఫున బుట్టారేణుకను పిలిచారు. చంద్రబాబు ప్లాన్‌లో భాగంగానే బుట్టారేణుకను అఖిలపక్ష సమావేశానికి పిలిచారు. మనం అవిశ్వాసాలు పెట్టి రాజీనామాలు ఇచ్చాం. లోక్‌సభలో బాబు అవిశ్వాసం పెట్టగానే చర్చకు ఆమోదించారట.! బయట బీజేపీతో యుద్ధం, మోదీ కనిపిస్తే బాబు వంగిపోయి కాళ్ల భేరం. అధికారంకోసం ఎన్టీఆర్‌కు వెన్నుపోటు పొడుస్తారు. ఎన్నికలు రాగానే ఆ ఎన్టీఆర్ ఫొటోకు దండ వేసి దండం పెడతారు" అని చంద్రబాబును జగన్ దుయ్యబట్టారు. 



టీడీపీకి దమ్ము, ధైర్యం ఉంటే..!

Updated By ManamSun, 07/15/2018 - 17:56

YSRCP MLA Roja Challenges To TDP Govt Over Manifesto

హైదరాబాద్: సీఎం చంద్రబాబు, టీడీపీపై వైసీపీ ఎమ్మెల్యే రోజా తీవ్ర వ్యాఖ్యలు చేశారు. వైసీపీ ప్రధాన కార్యాలయంలో మాట్లాడిన రోజా.. టీడీపీ సర్కార్‌కు సూటి ప్రశ్నలు సంధించారు. "రుణమాఫీ చేశామంటూ డబ్బాలు కొట్టుకుంటున్న చంద్రబాబు ఒక్క చేనేత రుణాన్నైనా మాఫీ చేశారా అనేది చెప్పాలి. రైతులు, డ్వాక్రా మహిళల రుణాలన మాఫీ చేసి ఉంటే.. గతంలో కంటే వారి రుణాలు ఎందుకు పెరిగాయో చెప్పాలి. రైతులు అప్పుల ఊబిలోకి కూరుకుపోవడానికి, బ్యాంకుల్లో రుణాలు తీసుకున్న డ్వాక్ర మహిళలు బ్లాక్ లిస్టుల్లో ఉండటానికి కారణం ఎవరో అందరికీ తెలిసిందే?. లోటు బడ్జెట్లో ఉన్నప్పటికీ రాష్ట్రాన్ని అగ్రగామిగా నిలబెట్టానంటూ చంద్రబాబు చెప్పుకోవడం హాస్యాస్పదంగా ఉంది. గత మూడేళ్లలో తెచ్చిన రుణాలు ఏమయ్యాయో అన్న దానిపై సిబిఐ విచారణ జరిపిస్తే చంద్రబాబు, ఆయన కుమారుడుతో సహా అనేక మంది జైళ్లలోనే ఉండాల్సి వస్తుంది.

కొద్ది రోజులుగా.. టిడిపి నేతలు ఇచ్చిన హామీల్లో 99 శాతం అమలు పరిచామంటూ స్టాంపు వేసి మరీ ప్రచారం చేసుకుంటున్నారు. వారికి దమ్ము, ధైర్యం ఉంటే, ముందు తమ ఎన్నికల మేనిఫెస్టోను వెబ్ సైట్‌లో తిరిగి పెట్టాలి. అవినీతి, అక్రమాల్లో రాష్ట్రంలో నెంబర్ వన్‌గా నిలిపామని, గ్రామదర్శిని సభల్లో చెప్పాలి. మంత్రి నారాయణకు చెందిన పాఠశాలలకు గిరాకీ పెరిగేందుకు, రాష్ట్రంలో ఉన్న 3600 ప్రభుత్వ పాఠశాలలను మూసి వేశారు. సంక్షేమ పాలన అంటే వైయస్ ఆర్ గారి హయాంలో ప్రవేశపెట్టిన పీజు రీయింబర్స్ మెంటు, ఆరోగ్యశ్రీ, 108 సేవలు, ఉచిత విద్యుత్ వంటివే గుర్తుకు వస్తాయని, చంద్రబాబుకు తాను ప్రవేశపెట్టానంటూ చెప్పుకునేందుకు ఒక్క సంక్షేమ పథకం కూడా లేదు. కమిషన్ల కోసం కేంద్రం చేపట్టాల్సిన పోలవరం ప్రాజెక్టును తీసుకుని, మూడేళ్లుగా నిర్లక్షం చేశారు. ఇందులో జరుగుతున్న అవినీతికి కేంద్ర మంత్రి గడ్కరీ అడిగిన ప్రశ్నలే తార్కాణం" అని రోజా చెప్పుకొచ్చారు.



వైసీపీలోకి మరో మాజీ ఎమ్మెల్యే

Updated By ManamSat, 07/14/2018 - 16:20

ramareddy అమరావతి: వైఎస్సార్ కాంగ్రెస్ పార్టీలోకి మరో మాజీ ఎమ్మెల్యే చేరారు. తూర్పుగోదావరి జిల్లా అనపర్తి నియోజకవర్గం మాజీ ఎమ్మెల్యే తేతలి రామారెడ్డి శనివారం వైఎస్సార్‌సీపీలో చేరారు. అభిమానులతో కలిసి వచ్చిన ఆయన.. జగన్ సమక్షంలో వైసీపీలో చేరారు. ఈ సందర్భంగా జగన్‌ ఆయనకి పార్టీ కండువా కప్పి తన పార్టీలోకి సాదరంగా ఆహ్వానించారు. ఈ సందర్బంగా రామారెడ్డి మాట్లాడుతూ.. రాజన్న రాజ్యం రావాలంటే జగన్‌తోనే సాధ్యమని, జగన్‌ని ముఖ్యమంత్రిని చేసేందుకు తన వంతు కృషి చేస్తానని తెలిపారు. 



వైఎస్సార్ కాంగ్రెస్ పార్టీలో జోష్

Updated By ManamFri, 07/13/2018 - 13:46
  • మహీధర్ రెడ్డి చేరికతో పార్టీలో ఉత్సాహం

  • వ్యూహ ప్రతివ్యూహాల్లో మానుగుంట దిట్ట 

  • నాలుగు నియోజక వర్గాల్లో ప్రభావం

  • ప్రకాశం, నెల్లూరులో పార్టీకి మరింత బలం

  • కందుకూరులో మారనున్న రాజకీయాలు

  • కాంగ్రెస్‌లోకి నల్లారి చేరకముందే జంప్

  • ఆయన బాటలోనే మరో ఇద్దరు సీనియర్లు 

Manugunta mahidhar reddy

(మనం ప్రతినిధి, ఒంగోలు)

సీనియర్ నాయకుడు, మాజీ మంత్రి మానుగుంట మహీధర్ రెడ్డి చేరిక వైఎస్సార్ కాంగ్రెస్ పార్టీలో కొత్త ఉత్సాహాన్ని నింపింది. ఇటీవల కాలంలో వైఎస్సార్ సీపీలో చేరిన సీనియర్ నాయకుల్లో ఆయనొకరు. ప్రకాశం జిల్లా కందుకూరు నియోజకవర్గంలో మానుగుంట కుటుంబానికి రాజకీయ పలుకుబడి, బలం ఉంది. కొన్ని దశాబ్దాలుగా కందుకూరులో దివి శివరాం, మానుగుంట కుటుంబాలు రాజకీయ దిగ్గజాలుగా వెలుగొందుతున్నాయి. ఈ రెండు కుటుంబాలు మినహా మరొకరు కందుకూరు గడ్డపై రాజకీయాలు చేసిందీ లేదు, గెలిచిందీ లేదు. 

2014లో రాష్ట్ర విభజన కారణంగా కాంగ్రెస్ పార్టీలో ఏర్పడిన సంక్షోభం కందుకూరులో సంప్రదాయ రాజకీయాలను బద్దలు కొట్టింది. వైసీపీ తరపున పోటీ చేసిన పోతుల రామారావు.. టీడీపీ అభ్యర్థి డాక్టర్ దివి శివరాంపై గెలుపొందారు. 2014లో మానుగుంట పోటీకి దూరంగా ఉన్నారు. తెలుగుదేశం, వైసీపీ అభ్యర్ధులిద్దరూ ఆయన మద్దతు కోరినా.. మౌనంగా ఉండిపోయారు. కాగా పోతుల కొంతకాలానికి చంద్రబాబు సమక్షంలో టీడీపీ తీర్థం తీసుకున్నారు. హడావిడి రాజకీయాలకు దూరంగా ఉండే ఆయన కందుకూరు నియోజకవర్గంలో తన పని తాను చూసుకుంటున్నారు. 

దివి, మానుగుంట కుటుంబాలు మాత్రం కందుకూరులో తిరిగి తమ రాజకీయ ఆధిపత్యాన్ని నిలబెట్టుకోవాలన్న వ్యూహ ప్రతివ్యూహాల్లో నిమగ్నమయ్యాయి. ఒక దశలో మానుగుంట భుజంపై పచ్చ కండువా కప్పేందుకు ప్రయత్నాలు జరిగాయి. కొన్ని స్పష్టమైన హామీలిచ్చినట్టు కూడా తెలిసింది. మానుగుంట టీడీపీలోకి చేరడం ఖాయమన్న ప్రచారం ఊపందుకున్నా.. కార్యరూపం దాల్చలేదు. విశ్వసనీయ సమాచారం మేరకు మానుగుంట రెండేళ్ల క్రితమే జగన్‌ను కలిసిన సందర్భంలో తన రాజకీయ భవిష్యత్‌పై విస్పష్టంగా విపులీకరించినట్టు సమాచారం. జగన్ కూడా మానుగుంటకు నిర్దిష్టమైన హామీలిచ్చినట్టు వినికిడి. 

నెల్లూరు జిల్లాలోనూ ప్రభావం
మానుగుంట వ్యూహ ప్రతివ్యూహాల్లో దిట్ట. కందుకూరు అసెంబ్లీ సెగ్మెంట్ ప్రకాశం జిల్లాలోనే ఉన్నా ఆ నియోజకవర్గం నెల్లూరు లోక్ సభ సెగ్మెంట్ పరిధిలోకి వస్తోంది. వైఎస్సార్ సీపీలో ముఖ్య నాయకుడైన నెల్లూరు ఎంపీ మేకపాటి రాజమోహన్ రెడ్డితో మానుగుంటకు సత్సంబంధాలున్నాయి. కేవలం కందుకూరే కాకుండా కావలి నియోజకవర్గంలోనూ మానుగుంట ప్రభావం చూపించగలరన్న అభిప్రాయం ఉంది. అంతేకాక కందుకూరుకు పొరుగునే ఉన్న కొండపి, కనిగిరి నియోజకవర్గాల్లోని కొన్ని ప్రాంతాల్లో మానుగుంట ప్రభావం ఉండే అవకాశం ఉంది. ఈ నేపథ్యంలో మానుగుంట చేరిక ప్రకాశం, నెల్లూరు జిల్లాల్లో వైసీపీకి అనుకూలాంశమని పరిశీలకులు అభిప్రాయపడుతున్నారు. 

అంచనాలు తారు మారు 
మాజీ ముఖ్యమంత్రి నల్లారి కిరణ్ కుమార్ రెడ్డికి మానుగుంట సన్నిహితుడు. ఆయన హయాంలోనే మానుగుంట పురపాలక శాఖ మంత్రిగా పనిచేశారు. కిరణ్ కుమార్ రెడ్డి తిరిగి కాంగ్రెస్‌లో చేరేందుకు రంగం సిద్ధమైన తరుణంలో ఆయన కన్నా ముందే మానుగుంట వైఎస్సార్ సీపీలో చేరటం రాజకీయవర్గాల్లో చర్చనీయాంశమైంది. కిరణ్ ఇప్పటికే రాష్ట్రంలో కాంగ్రెస్ వర్గాల పునరేకీకరణకు ప్రయత్నాలు మొదలు పెట్టారు. కాంగ్రెస్‌లోకి చాలామందిని ఆహ్వానించే పనిలో ఉన్నారు. ఈ నేపథ్యంలో అటువైపు నుంచి ఒత్తిడికి రాకుండా మానుగుంట ఒక అడుగు ముందుకేసి వైసీపీ చేరినట్టు పరిశీలకులు భావిస్తున్నారు. 

ఇద్దరు సీనియర్ నేతలపై చర్చ
వైఎస్సార్ సీపీలోకి మానుగుంట చేరిక నేపథ్యంలో జిల్లా రాజకీయవర్గాల్లో మరో ఇద్దరు ముఖ్య నేతల కదలికలపై ఆసక్తి పెరిగింది. పార్టీలో తమకు ప్రాధాన్యత ఇవ్వటం లేదని ఎంతోకాలంగా అసంతృప్తిగా ఉన్న ఆ ‘ఇద్దరు’ నేతలు కూడా వైఎస్సార్ సీపీలో చేరే అవకాశం ఉన్నట్టు విస్తృతంగా ప్రచారం జరుగుతోంది. సీట్ల విషయంలో స్పష్టత వచ్చాకే వారు నిర్ణయం తీసుకునే అవకాశం ఉందని సమాచారం.



వానలోనూ నడక ఆపని జగన్

Updated By ManamFri, 07/13/2018 - 09:58

jagan  అమరావతి: ప్రజల సమస్యలను తెలుసుకునేందుకు ఏపీ ప్రతిపక్ష నేత వైఎస్ జగన్‌ మోహన్ రెడ్డి చేస్తున్న ప్రజా సంకల్ప యాత్ర విజయవంతంగా కొనసాగుతోంది. ఎండను, వానను లెక్కచేయకుండా తన యాత్రను కొనసాగిస్తున్నారు జగన్. ఈ క్రమంలో గురువారం తూర్పుగోదావరి జిల్లా ఓలపల్లిలో జడివాన కురవగా.. గొడుగు సాయంతో జగన్ తన యాత్రను కొనసాగించారు. మార్గమధ్యంలో రోడ్డుకు ఇరువైపులా బారులు దీరిన జనాలను పలకరించుకుంటూ ముందుకు సాగారు. అయితే కోర్టుకు హాజరుకానున్న నేపథ్యంలో శుక్రవారం జగన్ పాదయాత్రకు బ్రేక్ పడగా.. శనివారం యథావిధిగా తన పాదయాత్రను కొనసాగించనున్నారు.



కేంద్ర-రాష్ట్ర ప్రభుత్వాలకు చిత్తశుద్ధి లేదు!

Updated By ManamThu, 07/12/2018 - 14:55

YSRCP Leader criticized State and Central Govt Over Polavaram Project

హైదరాబాద్: వైసీపీ సీనియర్ నేత బొత్స సత్యనారాయణ మరోసారి కేంద్ర, రాష్ట్ర ప్రభుత్వాల తీరును తీవ్రంగా తప్పుబట్టారు. గురువారం మధ్యాహ్నం వైసీపీ కేంద్ర కార్యాలయంలో మాట్లాడిన ఆయన.. పోలవరాన్ని వదిలేసి పట్టిసీమకు ప్రాధాన్యత ఇచ్చారని విమర్శలు గుప్పించారు. ఈ నాలుగేళ్లలో బడ్జెట్‌ కేటాయింపులు నామమాత్రంగానే ఉన్నాయని చెప్పుకొచ్చారు. కేంద్రంలో బీజేపీకి, టీడీపీ నేతలకు చిత్తశుద్ధి లేదని విమర్శించారు. కేంద్రం నిర్మించాల్సిన పోలవరాన్ని ఏపీ సీఎం చంద్రబాబు తన స్వార్థం కోసం తీసుకున్నారని బొత్సా తీవ్ర ఆగ్రహం వ్యక్తం చేశారు. డీపీఆర్‌లో ఎందుకు వ్యత్యాసాలు వచ్చాయో చెప్పాలని ఈ సందర్భంగా ఏపీ ప్రభుత్వాన్ని ఆయన నిలదీశారు.

భూసేకరణ, నిర్మాణ వ్యయం ఎందుకు పెరిగిందో..? చెప్పాలని కేంద్ర మంత్రి నితిన్ గడ్కరి ఇవాళ కొత్తగా ప్రశ్నించడం ఆశ్చర్యకరంగా ఉందని ఆయన వివమర్శలు గుప్పించారు. పోలవరాన్ని నిర్మించే చిత్తశుద్ధి ఉందా..? కేంద్ర, రాష్ట్ర ప్రభుత్వాలను బొత్స ప్రశ్నించారు. పదే పదే పోలవరం ప్రాజెక్టు అంచనాలు ఎందుకు మారుస్తున్నారో చెప్పాలి. గడ్కరీ పోలవరం పర్యటనతో చంద్రబాబు భయంభయంగా ఉన్నారు. పోలవరం ప్రాజెక్ట్ కాంట్రాక్టర్‌లా చంద్రబాబు వ్యవహరిస్తున్నారు" అని బొత్స చెప్పుకొచ్చారు. 

కాగా.. కేంద్రమంత్రి నితిన్ గడ్కరీ.. బుధవారం సాయంత్రం సీఎం చంద్రబాబుతో కలిసి పోలవరం పనులను పరిశీలించిన సంగతి తెలిసిందే. ఈ పర్యటన, అనంతరం మీడియాతో ఇరువురు మాట్లాడిన వ్యాఖ్యలపై బొత్సా సత్యనారాయణ కౌంటరిచ్చారు. అయితే ఈయన వ్యాఖ్యలకు టీడీపీ, బీజేపీ నేతలు ఎలా స్పందిస్తారో వేచి చూడాల్సిందే.





Related News