teja

ఉదయ్ కిరణ్ బయోపిక్‌పై తేజ స్పందన

Updated By ManamFri, 05/18/2018 - 10:30

teja, uday సావిత్రి జీవిత కథ ఆధారంగా తెరకెక్కిన ‘మహానటి’ బాక్సాఫీస్ దూసుకుపోతోంది. ఈ నేపథ్యంలో టాలీవుడ్ హీరో ఉదయకిరణ్ బయోపిక్‌ను తెరకెక్కించేందుకు ప్రయత్నాలు జరుగుతున్నట్లు ఇటీవల వార్తలు వచ్చాయి. ఇక ఈ చిత్రానికి ఉదయ్‌ కిరణ్ సినిమాలకు పరిచయం చేసిన తేజ దర్శకత్వం వహించనున్నట్లు, అందుకోసం ‘కాబోయే అల్లుడు’ అనే టైటిల్‌ను కూడా అనుకుంటున్నట్లు గాసిప్‌లు వినిపించాయి. ఇవన్నీ తేజ వరకు వెళ్లడంతో వాటిపై తాజాగా స్పందించారు ఆయన.

తాను ఎలాంటి బయోపిక్‌లు తెరకెక్కించడం లేదని స్పష్టం చేశారు. ఇలాంటి వదంతులను ఎవరు సృష్టిస్తున్నారో తెలీదని పేర్కొన్నారు. ప్రస్తుతం తాను ఓ కమర్షియల్ ఎంటర్‌టైనర్‌ను తెరకెక్కించాలనుకుంటున్నట్లు పేర్కొన్నారు. కాగా బాలకృష్ణ ప్రధానపాత్రలో ఎన్టీఆర్ బయోపిక్‌కు మొదట తేజ దర్శకుడిగా పనిచేశారు. కానీ కొన్ని కారణాల వల్ల ఈ ప్రాజెక్ట్‌ నుంచి ఆయన తప్పుకున్నారు. దీంతో ఆ బయోపిక్ వాయిదా పడ్డ విషయం తెలిసిందే.


 



ఉద‌య్ కిర‌ణ్ బ‌యోపిక్ రానుందా?

Updated By ManamWed, 05/16/2018 - 20:43

udayతెలుగునాట బ‌యోపిక్‌ల ట్రెండ్‌కు శ్రీ‌కారం చుట్టిన చిత్రం ‘మహానటి’. ఈ సినిమా సంచ‌ల‌న విజ‌యం సాధించ‌డంతో..  అదే బాట‌లో మ‌రిన్ని బ‌యోపిక్ చిత్రాలు తెర‌పైకి రావ‌డానికి ముస్తాబవుతున్నాయి. వాటిలో.. ఒక‌ప్పటి యువ సంచలనం ఉదయ్ కిరణ్ బయోపిక్ కూడా ఉంద‌ని తెలుస్తోంది. కాస్త‌ వివరాల్లోకి వెళితే..  ‘చిత్రం’, నువ్వు నేను’, ‘మనసంతా నువ్వే’.. ఇలా కెరీర్ ఆరంభంలోనే హ్యాట్రిక్ విజయాలను చవి చూసి.. తెలుగు సినీ పరిశ్రమలో క‌థానాయ‌కుడిగా సంచలనాన్ని సృష్టించారు యంగ్ హీరో ఉదయ్ కిరణ్. అంతేగాకుండా..  ఫిల్మ్‌ఫేర్‌ను (‘నువ్వు నేను’ చిత్రానికి గాను) అందుకున్న అతి పిన్న వయస్కుడిగా (21 సంవత్సరాలు) కమల్ హాసన్ తర్వాత ఆ జాబితాలో చేరారు ఉదయ్ కిరణ్.  అలా వరుస విజయాలతో దూకుడు మీద ఉన్న ఈ హీరో కెరీర్, లైఫ్‌..  ఒక్కసారిగా ఒడిదుడుకులకు లోనయింది. అవి ఎంతవరకు తీసుకుని వెళ్ళాయంటే.. ఆఖరికి ఈ యువ కథానాయకుడు బతుకు భారం మోయలేక తనువు చాలించే స్థాయికి దిగజార్చేసాయి.

మహానటి సావిత్రి జీవితానికి కాస్త అటు ఇటుగా ఉదయ్ కిరణ్ జీవితం కూడా ఉండడంతో.. ఇప్పుడు ఈ యంగ్ హీరో జీవితాన్ని కూడా బయోపిక్‌గా తీయడానికి దర్శకుడు తేజ ప్లాన్ చేస్తున్నారు. ఉదయ్ కిరణ్‌తో మంచి అనుబంధం ఉండడం.. అంతేగాక వీరిద్దరి కెరీర్ కూడా ‘చిత్రం’ సినిమాతోనే ప్రారంభం కావడంతో.. ఉదయ్ కిరణ్ బయోపిక్‌ను తేజ తెరకెక్కించడానికి నిశ్చయించుకున్నారని తెలుస్తోంది. మరి ఈ సినిమాని తేజ ఎప్పుడు సెట్స్ పైకి తీసుకుని వెళ్తారో చూడాలి. అన్న‌ట్టు.. ఇటీవ‌లే 'య‌న్‌.టి.ఆర్‌' బ‌యోపిక్ నుంచి తేజ బ‌య‌ట‌కు వ‌చ్చిన సంగ‌తి తెలిసిందే.



రానా, తేజ కాంబోలో మ‌రో చిత్రం?

Updated By ManamSun, 05/06/2018 - 16:31

rana'నేనే రాజు నేనే మంత్రి' చిత్రంతో మ‌ళ్ళీ స‌క్సెస్ ట్రాక్‌లోకి వ‌చ్చారు ద‌ర్శ‌కుడు తేజ‌. 'య‌న్‌.టి.ఆర్' బ‌యోపిక్‌, వెంక‌టేశ్‌తో ఓ సినిమా చేయాల్సి ఉన్నా.. కొన్ని కార‌ణాల వ‌ల్ల ఆ రెండు ప్రాజెక్టుల నుండి తేజ బ‌య‌ట‌కు వ‌చ్చారు. ఈ నేప‌థ్యంలో.. తేజ త‌దుప‌రి చిత్రంపై ఓ ఆస‌క్తిక‌ర‌మైన విష‌యం తెలిసింది. అదేమిటంటే.. త‌న గ‌త చిత్రంలో క‌థానాయ‌కుడిగా న‌టించిన రానాతోనే ఓ భారీ బ‌డ్జెట్ మూవీ చేసేందుకు తేజ ప్లాన్ చేసుకుంటున్నార‌ని తెలిసింది. 1971 ఇండో పాక్ వార్ నేప‌థ్యంలో సాగే ఈ సినిమా దాదాపు రూ.50 కోట్ల బ‌డ్జెట్‌తో తెర‌కెక్కునుంద‌ని స‌మాచారం. ప్ర‌స్తుతం స్క్రిప్ట్ వ‌ర్క్ జ‌రుపుకుంటున్న ఈ మూవీ త్వ‌ర‌లోనే ప‌ట్టాలెక్క‌నుంది. ఇంత‌కుముందు  రానా.. 1971 ఇండో పాక్ వార్ నేప‌థ్యంలో 'ఘాజీ' సినిమా చేసిన సంగ‌తి తెలిసిందే. జ‌లాంత‌ర్గామి యుద్ధం నేప‌థ్యంలో 'ఘాజీ' ఉంటే.. తేజ చేయ‌బోతున్న సినిమా మ‌రో కోణంలో సాగ‌నుంది. 



‘యన్.టి.ఆర్’ చిత్రానికి దర్శకుడెవరు?

Updated By ManamSat, 04/28/2018 - 19:38

ntrనందమూరి తారక రామారావు జీవితం ఆధారంగా ఆయన తనయుడు బాలకృష్ణ తెరకెక్కిస్తున్న చిత్రం ‘యన్.టి.ఆర్’. ఇటీవల ప్రారంభమైన ఈ సినిమా నుంచి దర్శకుడు తేజ తప్పుకున్న విషయం తెలిసిందే. ఈ నేప‌థ్యంలో.. ఈ సినిమాకి దర్శకుడు ఎవరన్నది ఇప్పుడు సస్పెన్స్‌గా మారింది.  కె.రాఘవేంద్రరావు, పూరి జగన్నాథ్, క్రిష్, కృష్ణవంశీ.. ఇలా కొంత‌మంది దర్శకుల పేర్లు కూడా తెరపైకి వచ్చాయి. అయితే ఇప్పటివరకు ఈ సినిమాకి దర్శకుడు ఖరారు కాలేదు.

ఇదిలా ఉంటే.. ఈ సినిమాకి సంబంధించి మరో వార్త ప్రచారంలో ఉంది. అదేమిటంటే.. ఈ చిత్రంలో నటిస్తూ నిర్మిస్తున్న నందమూరి బాలకృష్ణే దర్శకత్వ బాధ్యతలు కూడా చేపడతారని.. తన తండ్రి జీవిత కథను తానే రూపొందిస్తే బాగుంటుందన్నది ఆయ‌న‌ ఆలోచన అని తెలుస్తోంది. అయితే దీనికి సంబంధించి ఎలాంటి అధికారిక ప్రకటన రాలేదు. త్వ‌ర‌లోనే ఈ విష‌యంపై క్లారిటీ వ‌స్తుంది.



ప్రారంభమైన ఎన్టీఆర్ బయోపిక్

Updated By ManamThu, 03/29/2018 - 09:34

NTRమాజీ ముఖ్యమంత్రి, మహా నటుడు సీనియర్ ఎన్టీఆర్ బయోపిక్ ప్రారంభమైంది. నాచారంలోని రామక‌ృష్ణ స్టూడియోలో ఈ చిత్ర షూటింగ్ ప్రారంభమైంది. ఈ కార్యక్రమానికి ఉప రాష్ట్రపతి వెంకయ్యనాయుడు ముఖ్య అతిథిగా హాజరుకాగా.. పలువురు సినీ, రాజకీయ ప్రముఖులు వచ్చారు. ఇక ఈ చిత్రంలో ఎన్టీఆర్ పాత్రలో బాలకృష్ణ కనిపిస్తుండగా.. ప్రారంభం సందర్భంగా అతడిపై కొన్ని సన్నివేశాలను చిత్రీకరించారు. తేజ దర్శకత్వంలో తెరకెక్కనున్న ఈ చిత్రానికి సాయి మాధవ్ బుర్రా మాటలు అందిస్తున్నారు. సాయి కొర్రపాటితో కలిసి బాలకృష్ణ నిర్మిస్తున్న ఈ చిత్రానికి కీరవాణి సంగీతాన్ని అందిస్తున్నారు.



'యన్.టి.ఆర్’.. ప్రారంభోత్స‌వానికి స‌ర్వం సిధ్ధం

Updated By ManamTue, 03/27/2018 - 15:54

ntrఎన్టీఆర్.. ఈ పేరే సంచలనం. సినీ పరిశ్రమైనా, రాజకీయరంగమైనా ఈ పేరు సృష్టించిన ప్రకంపనలు అన్నీ ఇన్నీ కావు. మరి అటువంటి మహామనిషి జీవిత కథని వెండితెరపై ఆవిష్కరిస్తే.. అన్న ఆలోచనలోంచి పుట్టిందే ‘యన్.టి.ఆర్’ చిత్రం. ఎన్టీఆర్ పాత్రలో నందమూరి బాలకృష్ణ నటిస్తుండగా.. సంచలన దర్శకుడు తేజ దర్శకత్వం వహిస్తున్నారు. బాల‌కృష్ణ‌, సాయి కొర్రపాటి, విష్ణు ఇందూరి సంయుక్తంగా నిర్మిస్తున్న ఈ చిత్రానికి కీరవాణి సంగీతసారథ్యం వహిస్తున్నారు. ఈ బ‌యోపిక్‌కు సంబంధించి ఎన్టీఆర్ వర్ధంతి రోజున‌ ఫస్ట్‌లుక్‌ను విడుదల చేశారు. ఆపై నటీనటుల ఎంపిక ప్రక్రియ కొన‌సాగింది. త్వరలోనే దీనిపై అధికారికంగా ఓ ప్రకటనను కూడా విడుద‌ల చేయ‌నున్నారు.

ఇదిలా ఉంటే.. ఈ నెల 29న హైదరాబాద్ – రామకృష్ణ స్టూడియోస్‌లో ఈ చిత్రాన్ని లాంఛ‌నంగా ప్రారంభించనున్నారు. ఒక్క రోజు షెడ్యూల్ అనంతరం కొంత విరామం ఇచ్చి.. ఆగష్టు నుంచి నిరవధికంగా చిత్రీకరణను చేపట్టనున్నారు. ఎన్టీఆర్ సినీ పరిశ్రమలో నటుడిగా ప్రవేశించి.. అగ్రస్థానానికి చేరుకున్న వైనంతో పాటు.. రాజకీయరంగ ప్రవేశం మొదలుకొని.. ఆంధ్రప్రదేశ్ ముఖ్యమంత్రిగా పదవి చేపట్టినంతవరకు ఈ చిత్రంలో చూపించనున్నారు. తెలుగుతో పాటు హిందీలోనూ ఈ సినిమా తెర‌కెక్క‌నుంది. కాగా, ఈ రోజు (మంగ‌ళ‌వారం) ఈ సినిమాకి సంబంధించిన ఓ పోస్ట‌ర్‌ను చిత్ర బృందం విడుద‌ల చేసింది.



‘య‌న్.టి.ఆర్’ బ‌యోపిక్‌లో విద్యా బాల‌న్‌?

Updated By ManamTue, 03/13/2018 - 19:28

vidyaస్వర్గీయ నందమూరి తారక రామారావు జీవితకథ ఆధారంగా తేజ దర్శకత్వంలో ‘య‌న్.టి.ఆర్’ పేరుతో సినిమా ప్రారంభించబోతున్న విషయం తెలిసిందే. ఎన్టీఆర్ పాత్రలో నందమూరి బాలకృష్ణ నటిస్తూ ఈ చిత్రాన్ని నిర్మిస్తున్నారు. ప్రీ ప్రొడక్షన్ వర్క్ పూర్తి చేసుకున్న ఈ సినిమా షూటింగ్ మార్చి నెలాఖరులో ప్రారంభం కానుంది.  

ఇదిలా ఉంటే.. ఈ సినిమాకు సంబంధించి ఓ ఆస‌క్తిక‌ర‌మైన విష‌యం చిత్ర పరిశ్రమలో చక్కర్లు కొడుతోంది. ఎన్.టి.రామారావు సతీమణి బసవతారకం పాత్ర కోసం ఎంతో మంది పేర్లను పరిశీలించిన చిత్ర యూనిట్.. చివరికి బాలీవుడ్ హీరోయిన్ విద్యాబాలన్‌ను ఎంపిక చేసే ఆలోచనలో ఉన్నారని తెలుస్తోంది. అయితే ఈ విషయం అధికారికంగా ప్రకటించాల్సి ఉంది. 



వెంకీతో పాటు నారా రోహిత్ లుక్ కూడా..

Updated By ManamFri, 03/09/2018 - 22:35

nara rohithవిక్ట‌రీ వెంక‌టేశ్ క‌థానాయ‌కుడిగా తేజ ద‌ర్శ‌క‌త్వంలో ఓ సినిమా రూపొందుతున్న సంగ‌తి తెలిసిందే. ఫిజిక్స్ ప్రొఫెస‌ర్‌గా వెంకీ న‌టిస్తున్న ఈ చిత్రంలో అత‌నికి జోడీగా శ్రియ క‌నిపించ‌నుంది. కాగా, ఈ రోజు (శుక్ర‌వారం) వెంకీ లుక్‌కు సంబంధించిన స్టిల్ ఒక‌టి సోష‌ల్ మీడియాలో వైర‌ల్ అయ్యింది. అది అఫీషియ‌ల్‌గా వ‌చ్చిందా లేక లీక్ అయ్యిందా అన్న విష‌యంపై క్లారిటీ రాక‌ముందే.. ఇందులో కీల‌క పాత్ర పోషిస్తున్న నారా రోహిత్ లుక్ కూడా బ‌య‌ట‌కు వ‌చ్చింది. ఇందులో రోహిత్ లుక్ ఇంప్రెసివ్‌గా ఉంద‌నే చెప్పాలి. మొత్త‌మ్మీద‌.. వీరి లుక్స్ మీద శ్ర‌ద్ధ తీసుకున్న తేజ క‌థ‌పైన కూడా శ్ర‌ద్ధ తీసుకుని ఉంటే గ‌నుక‌.. మ‌రో హిట్ త‌న ఖాతాలో ప‌డిన‌ట్టే. 'ఆటా నాదే వేటా నాదే' అనే పేరు ప్ర‌చారంలో ఉన్న ఈ మూవీ ఈ ఏడాది ద్వితీయార్థంలో తెర‌పైకి రానుంది.



వెంకీ కొత్త లుక్ చూశారా...!

Updated By ManamFri, 03/09/2018 - 10:47

venkatesh తేజ దర్శకత్వంలో వెంకటేశ్ ఓ చిత్రంలో నటిస్తున్నాడు. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం మార్చి 12నుంచి సెట్స్ మీదకు వెళ్లనుంది. ఇదిలా ఉంటే ఈ మూవీలో వెంకటేశ్ కాలేజీ లెక్చరర్ పాత్రలో కనిపిస్తుండగా.. అందుకోసం బాగా మేకోవర్ అయ్యాడు. దీనికి సంబంధించిన ఫొటోలు ప్రస్తుతం సోషల్ మీడియాలో హల్‌చల్ చేస్తున్నాయి.

ఇక ఈ చిత్రంలో వెంకటేశ్ సరసన శ్రియ నటిస్తుండగా 'ఆట నాదే వేట నాదే' అనే టైటిల్‌ను ఫిక్స్ చేశారు. సురేశ్ బాబు, అనిల్ సుంకర సంయుక్తంగా నిర్మిస్తున్న ఈ చిత్రానికి అనూప్ రూబెన్స్ సంగీతాన్ని అందించనున్నాడు.



అవి ఒట్టి పుకార్లే.. దర్శ‌కుడు తేజ‌

Updated By ManamWed, 03/07/2018 - 19:22

ntr - teja ఆంధ్రప్రదేశ్ దివంగత ముఖ్యమంత్రి, విశ్వవిఖ్యాత నట సార్వభౌమ నందమూరి తారకరామారావు బయోపిక్‌ను 'య‌న్‌.టి.ఆర్' పేరుతో దర్శకుడు తేజ తెరకెక్కిస్తున్న విషయం తెలిసిందే. ఎన్.బి.కె.స్టూడియోస్ పతాకంపై ఎన్టీఆర్ తనయుడు నంద‌మూరి బాలకృష్ణ స్వ‌యంగా నిర్మిస్తూ.. ప్రధాన పాత్ర పోషిస్తున్నారు. ప్రస్తుతం ఈ చిత్రానికి సంబంధించిన పూర్వ నిర్మాణ కార్యక్రమాలు జరుగుతున్నాయి. ఈ నేపథ్యంలో ఎన్టీఆర్ యువ‌కుడిగా ఉన్న‌ప్ప‌టి పాత్రలో యంగ్ హీరో శర్వానంద్ నటిస్తున్నట్లు తాజాగా క‌థ‌నాలు వినిపించాయి. ఈ వార్తలు దర్శకుడు తేజ వరకు చేరాయి. 

ఈ విష‌యంపై ఆయన స్పందిస్తూ.. ఇంకా ఈ పాత్ర కోసం ఎవరినీ ఫైనల్ చేయలేదని.. ఇవి ఒట్టి పుకార్లు మాత్రమేనని కొట్టి పారేశారు. ప్రస్తుతం ఆ పాత్ర కోసం ఎవరినీ సంప్రదించలేదనీ.. అటువంటిదేమైనా ఉంటే తప్పకుండా మీడియాతో పంచుకుంటామని ఆయ‌న‌ తెలిపారు. ఇదిలా వుంటే.. ఈ నెల 29న హైదరాబాద్‌లోని స్టూడియోస్‌లో లాంఛనంగా చిత్రీకరణ ప్రారంభించుకోనున్న ఈ సినిమా.. మే నుంచి రెగ్యులర్ షూటింగ్ జరుపుకోనుంద‌ని స‌మాచారం. కీరవాణి సంగీతమందిస్తున్న ఈ సినిమాకి సాయి కొర్రపాటి, విష్ణు ఇందూరి సహ నిర్మాతలుగా వ్య‌వ‌హ‌రిస్తున్నారు. 2019 సంక్రాంతికి ఈ చిత్రం విడుదల కానుంది.

కాగా, ఈ చిత్రంలో 72 వేషధారణలలో బాలకృష్ణ కనిపిస్తున్నారనే వార్త బయటకు రావడంతో సర్వత్రా ఆసక్తి నెలకొంది.




Related News