cricket

ఉల్లాసంగా.. ఉత్సాహంగా...

Updated By ManamSat, 10/27/2018 - 03:06
  • నేడు ఇండియా, వెస్టిండీస్ మధ్య మూడో వన్డే 

  • మధ్యాహ్నం 1-30 నుంచి స్టార్ స్పోర్ట్స్‌లో ప్రత్యక్ష ప్రసారం

Virat Kohliపుణె: ఒకవైపు రెండో వన్డేను టై చేసుకున్నందుకు వెస్టిండీస్ జట్టు ఉల్లాసంగా ఉంటే.. మరోవైపు భువనేశ్వర్, బుమ్రాలు జట్టులోకి వచ్చినందుకు టీమిండియా ఉత్సాహంగా ఉంది. దీంతో శనివారమిక్కడ జరగనున్న మూడో వన్డే ప్రేక్షకులను అలరింప చేస్తుందనడంలో ఎటువంటి సందేహమూ లేదు. గువహాటిలో జరిగిన తొలి వన్డేలో విండీస్ బౌలర్లను టీమిండియా బ్యాట్స్‌మెన్ చితకబదారు. దీంతో ఆ మ్యాచ్‌లో కోహ్లీ సేన ఎనిమిది వికెట్లతో గెలిచింది. అయితే విశాఖపట్నంలోనూ గెలిచి ఐదు మ్యాచ్‌ల ఈ సిరీస్‌లో 2-0 ఆధిక్యంతో నిలవాలన్న టీమిండియా ఆశలను వెస్టిండీస్ అడ్డుకుంది. ఆ మ్యాచ్‌లో షాయ్ హోప్ కరేబియన్ల ఆశలకు అండగా నిలిచాడు. మొత్తానికి ఆ మ్యాచ్‌లో ఈ పర్యటనలో ఎన్నడూ లేనంతగా టీమిండియాకు ఎదురొడ్డి నిలిచారు. భువనేశ్వర్ కుమార్, జస్‌ప్రీత్ బుమ్రా లేని ఆ రెండు మ్యాచ్‌ల్లో భారత బౌలర్లు 320కిపైగా పరుగులిచ్చారు. కరేబియన్లను కట్టడి చేయలేకపోయిన ఇద్దరు పేస్ బౌలర్లలో (ఉమేష్ యాదవ్, మహ్మద్ షమీ) ఉమేష్‌కు చోటు దక్కింది, షమీకి మొండి చెయ్యి ఎదురైంది. అయితే తొలి పవర్ ప్లే, డెత్ ఓవర్లలో కట్టడి చేయగల భువీ, బుమ్రాలను చివరి మూడు వన్డేలకు సెలెక్టర్లు ఎంపిక చేశారు. 

వచ్చే ఏడాది ఇంగ్లాండ్‌లో జరగనున్న వరల్డ్ కప్‌కు టీమిండియా మరో 16 మ్యాచ్‌లు మాత్రమే ఆడుతుంది. ఈ నేపథ్యంలో మిడిలార్డర్, లోయర్ మిడిలార్డర్‌లో సమస్యలు ఇంకా ఉన్నాయి. ఈ బ్యాట్స్‌మెన్ స్థిరంగా రాణించడం లేదు. ఈ సమస్యలతోనే శనివారం ఎంసీఏ అంతర్జాతీయ స్టేడియంలో బరిలోకి దిగనుంది. వన్డేల్లో అత్యంత వేగంగా, అతి తక్కువ కాలంలో 10 వేల పరుగులు పూర్తి చేసి భారత క్రికెట్ దిగ్గజం సచిన్ టెండూల్కర్ రికార్డును బద్దలు కొట్టిన కెప్టెన్ విరాట్ కోహ్లీ ఎల్లప్పుడు జట్టుకు వెన్నెముకగా నిలుస్తున్నాడు. వెస్టిండీస్‌తో రెండు వన్డేల్లోనూ రెండు సెంచరీలు (140, 157 నాటౌట్) ఇందుకు నిదర్శనం. ఈ సిరీస్‌లో ఇప్పటికే 297 పరుగులు చేసిన కోహ్లీ మరోసారి భారీ స్కోరు చేసేందుకు సిద్ధమయ్యాడు. రెండో వన్డేలో 73 పరుగులు చేసి కెప్టెన్‌తో కలిసి భారీ స్కోరుకు బాటలు వేసిన అంబటి రాయుడు ఈ మ్యాచ్‌లోనూ రాణిస్తే 4వ నంబర్ బ్యాట్స్‌మన్‌గా జట్టులో స్థిరపడే అవకాశముంది. అయితే 5, 6, 7 స్థానాలపై ఇంకా ప్రశ్నలు తలెత్తుతూనే ఉన్నాయి. సీనియర్ మహేంద్ర సింగ్ ధోనీ (20) రెండో వన్డేలోనూ తక్కువ పరుగులకు వెనుదిరిగాడు. ప్రపంచంలోనే ఉత్తమ మ్యాచ్ ఫినిషర్‌గా అతను తెచ్చుకున్న పేరు వృథా అవుతోంది. దీంతో సత్తా చాటే క్రమంలో ధోనీ తీవ్ర ఒత్తిడికి గురవుతున్నాడు. ఇక రిషబ్ పంత్ శక్తి సామర్థ్యాలను ఉపయోగించి భారీ స్కోరు చేసే అవకాశముంది. మ్యాచ్ ఫలితాన్ని మార్చగల సామర్థ్యమున్న అతనివైపే టీమ్ మేనేజ్‌మెంట్ మొగ్గు చూపుతోంది. భారత్‌లో ప్రస్తుతం చలికాలం ఉండటంతో ఈ డే/నైట్ మ్యాచ్‌లో తేమ ఎక్కువ ప్రభావం చూపుతోంది. దీంతో మణికట్టు స్పిన్నర్లు కుల్‌దీప్ యాదవ్, యజ్వేంద్ర చాహల్ బంతి గ్రిప్‌ను సరిగా పట్టుకోలేకపోవడం కోహ్లీని కలవరపెడుతోంది. సీనియర్ బౌలర్ ఇప్పటికైన మేల్కోవాలి. సత్తా చాటకపోతే వరల్డ్ కప్ జట్టులో చోటు కోల్పోయే ప్రమదముంది. 

పర్యాటక జట్టు వెస్టిండీస్‌కు అతి పెద్ద భరోసా షిమ్రన్ హెట్మేయర్. తొలి వన్డేలో 106 పరుగులు చేసిన హెట్మేయర్ రెండో మ్యాచ్‌లో 94 పరుగులతో ఆకట్టుకున్నాడు. 21 ఏళ్ల ఈ యువకుడు మరోసారి భారత బౌలర్లపై విరుచుకుపడేందుకు సిద్ధమయ్యాడు. విశాఖపట్నంలో సెంచరీ చేసిన వికెట్ కీపర్/బ్యాట్స్‌మన్ షాయ్ హోప్ తాను కూడా జట్టుకు అండగా ఉన్నానని తెలిపాడు. వీరిద్దరు మాత్రమే కాకుండా కీరాన్ పోవెల్, చందర్‌పాల్ హేమ్‌రాజ్, రోమన్ పోవెల్ వంటి వారు కూడా బాగా ఆడాలని వెస్టిండీస్ ఆశిస్తోంది. మరోవైపు మార్లన్ సామ్యూల్ (13 పరుగులు), కెప్టెన్ జాసన్ హోల్డర్ (50 పరుగులు) వంటి సీనియర్ ఆటగాళ్లు తమ సామర్థ్యానికి తగ్గట్టు రాణించడం లేదు. వీరిద్దరు కూడా మూడో వన్డేలో చెలరేగే అవకాశముంది. ఫాస్ట్ బౌలింగ్‌కు కీమర్ రోచ్ నేతృత్వం వహిస్తున్నాడు. కానీ స్పిన్నర్లు దేవేంద్ర బిషూ,  ఆష్లే నర్స్‌తో పాటు ఎక్కువ పరుగులు ఇస్తున్నాడు. ఈ ముగ్గురితో పాటు హోల్డర్, ఒషానే థామస్ కూడా టీమిండియా కెప్టెన్‌ను, ఇతర బ్యాట్స్‌మెన్‌ను కట్టడి చేసేందుకు ప్రత్యేక ప్రణాళికతో బరిలోకి దిగాలి. 

భువీ, బుమ్రాలను తెచ్చేలా చేశాం
lawటీమిండియా బౌలింగ్ లైనప్‌లో మార్పులు చేసేలా మా బ్యాట్స్‌మెన్ ఆడినందుకు చాలా ఆనందంగా ఉందని.. ఆ కారణంగానే చివరి మూడు వన్డే లకు టీమిండియా ప్రధాన బౌలర్లు భువనేశ్వర్ కుమార్, జస్‌ప్రీత్ బుమ్రా లను ఎంపిక చేశారని వెస్టిండీస్ కోచ్ స్టువర్ట్ లా అన్నారు. బ్యాటింగ్ స్నేహపూర్వక పిచ్‌లపై జరిగిన రెండు వన్డేల్లోనూ భారత బౌలర్లు 320కిపైగా పరుగులు సమర్పించు కున్నారు. పేస్ బౌలర్లు ఉమేష్ యాదవ్, మహ్మద్ షమీ పూర్తిగా విఫలమయ్యారు. ‘అవును! నేనైతే అదే అనుకుంటున్నాను. లేకపోతే అత్యంత అనుభ వజ్ఞులైన ఆ ఇద్దరు బౌలర్లను మళ్లీ ఎందుకు పిలుస్తారు. ఇది ఖచ్చితంగా మా బ్యాటింగ్ ఘనతే’ అని మూడో వన్డే సందర్భంగా లా అన్నారు. భారత క్రికెటర్లు తమను తాము ప్రశ్నిం చుకోవడంతో ఆయన సంతోషం వ్యక్తం చేశారు. ‘భారత క్రికెటర్లు తమను తాము ప్రశ్నిం చుకోవడం చూస్తున్నాం. మాకు మేము ఎన్నో ప్రశ్నలు వేసుకునేలా చేశారు. కానీ ఇప్పుడు వాటన్నిటికీ మాకు జవాబులు దొరికాయి’ అని లా చెప్పారు. విరాట్ కోహ్లీ ప్రతిభతో మిగ తావన్నీ మసకబారాయి. కానీ టీమిండియా కెప్టెన్‌ను కట్టడి చేస్తామని లా భావిస్తు న్నాడు. ‘విరాట్‌ను ఎలా అవుట్ చేయాలి? 40 వద్ద అతను మాకో అవకాశం ఇచ్చాడు. అతను అద్భుతమైన ప్లేయర్. అతను ఇన్నింగ్స్‌ను నిర్మించే విధానం నాకు చాలా బాగా నచ్చింది. తెరవెనక అతను చాలా శ్రమిస్తున్నట్టు కనిపిస్తోంది. కనుక కోహ్లీ గురించి ప్రత్యేక ప్రణాళిక సిద్ధం చేశాం’ అని లా అన్నారు.



మళ్లీ తెరపైకి ఫిక్సింగ్ భూతం

Updated By ManamTue, 10/23/2018 - 04:45
  • ఇంగ్లాండ్, ఆస్ట్రేలియా, పాక్ క్రికెటర్లపై అల్ జజీరా ఆరోపణలు   

ఫిక్సింగ్ భూతం క్రికెట్‌ను వదిలిపెట్టడం లేదు. 2000 సంవత్సరం నుంచి ఇది అప్పుడప్పుడూ కనపడుతూనే ఉంది. తాజాగా 2011, 2012లలో ఇంగ్లాండ్, ఆస్ట్రేలియా, పాకిస్థాన్ జట్లకు చెందిన కొంత మంది క్రికెటర్లు స్పాట్ ఫిక్సింగ్‌కు పాల్పడినట్టు అల్ జజీరా చానెల్ వెబ్‌సైట్ ఆరోపించింది. అయితే ఈ ఆరోపణలను ఐసీసీ తిరస్కరిస్తూనే తగిన ఆధారాలు (ఫూటేజ్) ఇవ్వాలని ఆ చానెల్‌ను కోరింది

న్యూఢిల్లీ: ఫిక్సింగ్ భూతం క్రికెట్‌ను వదిలిపెట్టడం లేదు. 2000 సంవత్సరం నుంచి ఇది అప్పుడప్పుడూ కనపడుతూనే ఉంది. తాజాగా 2011, 2012లలో ఇంగ్లాండ్, ఆస్ట్రేలియా, పాకిస్థాన్ జట్లకు చెందిన కొంత మంది క్రికెటర్లు స్పాట్ ఫిక్సింగ్‌కు పాల్పడినట్టు అల్ జజీరా చానెల్ వెబ్‌సైట్ ఆరోపించింది. అయితే ఈ ఆరోపణలను ఐసీసీ తిరస్కరిస్తూనే తగిన ఆధారాలు (ఫూటేజ్) ఇవ్వాలని ఆ చానెల్‌ను కోరింది. అల్ జజీరా వెబ్‌సైట్ అరోపణల ఆధారం గా ఇంగ్లాండ్‌కు చెందిన క్రికెటర్లు ఏడు మ్యాచ్‌ల్లో, ఆస్ట్రేలియా క్రికెటర్లు, ఐదు మ్యాచ్‌ల్లో, పాకిస్థాన్ ప్లేయర్స్ మూడు మ్యాచ్ ల్లో మిగతా జట్ల క్రికెటర్లు ఒక్కో మ్యాచ్‌లో స్పాట్ ఫిక్సింగ్‌కు పాల్పడ్డారు. ‘స్పాట్ ఫిక్సింగ్ కేసులో మాకు సహకరించాలని బ్రాడ్‌కాస్టర్‌ను అడుగుతున్నాం. ఈ కేసు దర్యాప్తులో ప్రసారకర్తల ను కీలకపాత్ర ఉంటుంది’ అని ఐసీసీ యాంటీ కరప్షన్ జీఎం అలెక్స్ మార్షల్ అన్నారు.

image


అయితే స్పాట్ ఫిక్సింగ్‌కు సంబంధించిన ఫూటేజ్ కోసం ఐసీసీ ఎదురుచూస్తోంది. ‘ఆ సాక్ష్యాలను ఇంటర్‌పోల్‌కు ఇస్తా మన్న బ్రాడ్‌కాస్టర్ నిర్ణయాన్ని స్వాగతిస్తున్నాం. ఇలాంటి క్రిమినల్స్ ను కూకటి వేళ్లతో పెకలించి స్వచ్ఛమైన క్రీడలను నిర్వహించేందుకు చట్టాన్ని అమలు చేసే ఇతర సంస్థలు మాకు సహకరిస్తాయని భావి స్తున్నాం’ అని మార్షల్ చెప్పారు. ఇండియా-ఇంగ్లాండ్ మధ్య లార్డ్స్ క్రికెట్ గ్రౌండ్‌లో జరిగిన మ్యాచ్, సౌతాఫ్రికా-ఆస్ట్రేలియా మధ్య కేప్ టౌన్‌లో జరిగిన మ్యాచ్‌తో పాటు యునైటెడ్ అరబ్ ఎమిరేట్స్‌లో ఇంగ్లాండ్-పాకిస్థాన్‌ల మధ్య జరిగిన సిరీస్‌లోని మరికొన్ని మ్యాచ్‌లు స్పాట్ ఫిక్సింగ్‌కు గురైనట్టు చానెల్ ఆరోపించింది. ‘సాధారణంగా పేలవంగా ఆడటం ద్వారా బ్యాట్స్‌మన్ ఫిక్సింగ్‌కు పాల్పడతాడు. ప్రపంచ ప్రఖ్యాతిగాంచిన కొంత మంది ప్లేయర్స్ బ్యాటింగ్ సమయంలో ఫిక్సింగ్ ఆరోపణలు వస్తాయి. కానీ చాలా మ్యాచ్‌ల్లో అనేక రకాలుగా ఫిక్సింగ్ జరిగింది. మొత్తం 15 మ్యాచ్‌ల్లో 26 ఫిక్సింగ్‌లు జరిగాయి’ అని అల్ జజీరా వెబ్‌సైట్ పేర్కొంది. 2012లో శ్రీలంకలో జరిగిన టీ20 వరల్డ్ కప్ సందర్భంగా అంతర్జాతీయ క్రికెటర్లు విరాట్ కోహ్లీ, రోహిత్ శర్మ, ఉమర్ అక్మల్‌లకు సమీపంలో మ్యాచ్ ఫిక్సర్ అనీల్ మునవర్, అతని సంబంధీకులు తచ్చట్లాడుతు డటం, ఉద్దేశపూర్వకంగా మాట్లాడుతున్నట్టు దుబాయ్‌లో నివసిస్తున్న ముంబై ఫొటోగ్రఫర్ తీసిన చిత్రాలు అనేక అనుమానాలకు తావిస్తు న్నాయి. అయితే వాళ్లేవ్వరూ తప్పుడు పనులకు పాల్పడలేదని చానెల్ పేర్కొంది. ‘వెబ్‌సైట్ సమాచారాన్ని మరోసారి క్షుణ్ణంగా పరిశీలించి దర్యాప్తు చేపడతాం. అయితే అవినీతిని క్రికెట్ సీరియస్‌గా తీసుకోవడం లేదన్న వాదనను పూర్తిగా ఖండిస్తున్నా. అవినీతి రహిత క్రికెట్‌ను కొనసాగించేందుకు గతంలో ఎన్నడూ లేనంత సీరియస్‌గా పనిచేస్తున్నాం. తాజా ఆరోపణలపై దర్యాప్తు ప్రారంభమైంది. దీనితో పాటు మిగతా ఆరోపణలపై కూడా దర్యాప్తు కొనసాగుతుంది. ఈ ఆరోపణలపై స్వతంత్ర ప్రొఫెషనల్ బెట్టింగ్ అనలిస్ట్‌ల సహాయం కూడా కోరతాం’ అని మార్షల్ వివరించారు.

ఆరోపణలు ఖండించిన ఇంగ్లాండ్, ఆసీస్ బోర్డులు
లండన్
: అల్ జజీరా చేసిన ఆరోపణలను ఇంగ్లాండ్, ఆస్ట్రేలియా క్రికెట్ బోర్డులు ఖండించాయి. ‘అల్ జజీరా మాకు కొద్దిపాటి సమాచారమే ఇచ్చింది. దీన్ని బట్టి చూస్తే ఆ చానెల్ చేసే ఆరోపణల్లో స్పష్టత లేదు, బలం అంతకన్నా లేదు. ఈ ఆరోపణల్లో నిజం లేదని ఇంగ్లాండ్ క్రికెబ్ బోర్డు (ఈసీబీ) ఇంటెగ్రిటీ టీమ్ భావిస్తోంది. ప్రస్తుత లేదా మాజీ క్రికెటర్ల చిత్తశుద్ధిపై ఎటువంటి అనుమానాలూ లేవని పేర్కొంది. అయినప్పటికీ వచ్చిన ఆరోపణలను ఈసీబీ సీరియస్‌గా తీసుకుంటోంది. మాకు చానెల్ ఇచ్చిన మెటీరియల్‌ను ఐసీసీ యాంటీ కరప్షన్ యూనిట్‌కు పంపుతున్నాం. క్రికెట్‌ను కాపాడుకునేందుకు వారితో కలిసి పనిచేస్తాం’ అని ఈసీబీ ఒక ప్రకటనలో తెలిపింది. ఫిక్సింగ్‌కు అంగీకరించిన క్రికెటర్లు మ్యాచ్ మొత్తాన్ని అవినీతి మయం చేయలేరు. కానీ అందులోని కొంత భాగాన్ని మాత్రమే ఫిక్సింగ్ చేయగలరు. ఉదాహరణకు ఓ బౌలర్ ఫలానా బంతిని వైడ్ వేయడం ద్వారా లేదా ఫలానా రన్‌రేట్‌తో పరుగులివ్వడం ద్వారా మాత్రమే ఫిక్సింగ్ చేయగలరు. అయితే త్వరలో రిటైర్ కాబోతున్న క్రికెట్ అస్ట్రేలియా (సీఏ) చీఫ్ ఎగ్జిక్యూటివ్ జేమ్స్ 

సూదర్లాండ్ స్పందిస్తూ.. క్రికెట్ స్వచ్ఛతను కలుషితం చేయాలనుకునే వారెవరైనా సహించేది లేదని అన్నారు. ‘మా జట్టులో ఇప్పుడున్న వారిలో గానీ, మాజీల్లో గానీ ఇటువంటి పనికి పాల్పడరు. అల్ జజీరా చానెల్ మాకిచ్చిన 
మెటీరియల్‌ను ఐసీసీ యాంటీ కరప్షన్ యూనిట్‌కు అందజేశాం. అయితే ఎటువంటి కటింగ్‌లు లేని వీడియోను, ఇతర సాక్ష్యాలను ఐసీసీ యూనిట్‌కు అందజేయాలని అల్ జజీరాను కోరుతున్నాను’ అని సూదర్లాండ్ అన్నారు.

శ్రీలంక ఫిక్సింగ్ కేసులో భారత్ సహాయం
కొలంబో
: శ్రీలంక క్రికెట్ ఫిక్సింగ్ కేసు దర్యాప్తులో సహాయం చేసేందుకు భారత్ అంగీకరించిందని ఆ దేశ క్యాబి నెట్ మంత్రి, మాజీ కెప్టెన్ అర్జున రణతుంగ చెప్పారు. క్రికెట్ వర్గాలను ఆశ్చర్యానికి గురి చేసిన ఈ కేసు పూర్వాపరాలు తేల్చేందుకు సెంట్రల్ బ్యూరో ఆఫ్ ఇన్విస్టిగేషన్‌కు (సీబీఐ) చెందిన సాంకేతిక నిఫుణులను పంపనున్నట్టు శ్రీలంక పెట్రోలియం శాఖ మంత్రి రణతుంగ తెలిపారు. ‘నేను భారత ప్రధాని నరేంద్ర మోడీకి విజ్ఞప్తి చేశాను. ఆయన వెంటనే స్పందించిన సీబీఐ సిబ్బందిని నాకు పరిచయం చేశారు. ఈ కేసును సమగ్రంగా దర్యాప్తు చేసేందుకు మాకు నిపుణులు గానీ, సరైన చట్టాలు గానీ లేవు. ఈ ముసాయిదా చట్టాన్ని రూపొందిచడంలోనూ మాకు సహాయం చేస్తామని భారత్ హామీ ఇచ్చింది’ అని న్యూఢిల్లీ నుంచి ఇక్కడికి వచ్చిన మంత్రి చెప్పారు. 2000 సంవత్సరంలో తొలిసారి మ్యాచ్ ఫిక్సింగ్ వెలుగులోకి వచ్చినప్పుడు అప్పటి కెప్టెన్ రణతుంగ, వైస్ కెప్టెన్ అరవింద డిసిల్వ పేర్లను సీబీఐ పేర్కొంది. కానీ ఆ తర్వాత వాళ్లిద్దరికీ క్లీన్ చిట్ లభించింది. గాల్లే స్టేడియం గ్రౌండ్స్‌మన్ తరంగ ఇండికా, ప్రొఫెషనల్ క్రికెటర్ తరిందు మెండిస్ ఫిక్సింగ్‌కు పాల్పడి ఇంగ్లాండ్‌తో జరిగిన టెస్టు మ్యాచ్ నాలుగు రోజుల్లో ఫలితం వచ్చేలా పిచ్‌ను తయారు చేశారనే ఆరోఫణలు ఉన్నాయి. 



నేటి నుంచి ఇండియా, వెస్టిండీస్ సిరీస్    

Updated By ManamSun, 10/21/2018 - 00:47
  • మధ్యాహ్నం 1.30 నుంచి స్టార్ స్పోర్ట్స్‌లో ప్రత్యక్షప్రసారం

టెస్టు సిరీస్‌లో ఘోర పరాజయంపాలైన కరేబియన్లు వన్డేల్లో సత్తా చాటాలనుకుంటున్నారు. ఈ సిరీస్‌తోనే వచ్చే ఏడాది వరల్డ్ కప్‌కు తమ బలమేంటో తెలుసుకోవాలని వెస్టిండీస్ టీమ్ మేనేజ్‌మెంట్ భావిస్తోంది. మరోవైపు వరల్డ్ కప్‌కు ముందు మిడిలార్డర్ సమస్యకు పరిష్కారం కనుగొనాలని టీమిండియా పట్టుదలగా ఉంది. తొలి వన్డే ఆదివారం జరగనుండటం, దసరా సెలవులకు చివరి రోజు కావడంతో ఈ మ్యాచ్‌ను ఎంజాయ్ చేసేందుకు అభిమానులు ఎప్పుడెప్పుడా అని ఎదురుచూస్తున్నారు
 

image

న్యూఢిల్లీ: నేటి నుంచి ప్రారంభంకాబోయే టీమిండియా- వెస్టిండీస్ జట్ల మధ్య మొదటి వన్డే మ్యాచ్‌కు అభిమానులు ఎంతగానో ఎదురుచూస్తున్నారు. దసరా సెలవుల్లో చివరి రోజైనా ఆదివారం అభిమానుల్లో ఎనలేని ఉత్సాహాన్ని నింపేందుకు ఇరుజట్లు రసవత్తరైమెన పోరుకు సిద్ధమయ్యాయి. రెండు టెస్టు మ్యాచ్‌లను మూడురోజుల్లోనే ముగించిన టీమిండియా జట్టుకు వన్డేల్లో విండీస్ జట్టును ఎదుర్కోవడం పెద్ద కష్టం కాకపోవచ్చు. కానీ వెస్టిండీస్ జట్టు టెస్టు కంటే వన్డేల్లో చాలా మెరుగే. గత రెండు దశాబ్దాల నుంచి భారత్ గడ్డపై వన్డేల్లో ఒక మ్యాచ్ కూడా నెగ్గని విండీస్ జట్టు ఆదివారం గువహటి లో జరగబోయే తొలి వన్డేలో నెగ్గి చరిత్ర సృష్టించాలని చూస్తోంది. ఇప్పటీకే టెస్టు సిరీస్‌లో 2-0తో కరేబియన్ జట్టుని మట్టికరిపించి మంచి ఫామ్‌లో ఉన్న భారత్ జట్టు వన్డే సిరీస్‌ను కూడా కైవసం చేసుకోవాలని చూస్తోంది. ఇప్పటీకే గువహటి చేరుకున్న భారత ఆటగాళ్లు ముమ్మర సాధన చేస్తున్నారు. అంతేకాకుండా ఆసియా కప్ నుంచి విరామం తీసుకున్న విరాట్ కోహ్లీ మళ్లీ వన్డే జట్టులో పునరాగమనం చేశాడు. విండీస్ టె స్టులో అదరగొట్టినా యువ ఆటగాడు రిషబ్‌పంత్ ఈ సారి వన్డే సిరీస్‌లో ప్రత్యక్ష ఆకర్షణగా నిలవనున్నాడు. ఇప్పటీవరకూ భారత్- వెస్టిండీస్ జట్లు 121 వన్డే మ్యాచ్‌ల్లో తలపడాయి. వీటిలో టీమిండియా 56 గెలవగా, విండీస్ 61 నెగ్గింది. 

రోహిత్ శర్మ: ఇంగ్లాండ్ చేతిలో ఘోరపరాజయం పొందిన తర్వాత గతనెల్లో జరిగిన ఆసియాకప్ గెలవడంలో టీమిండియా వన్డే వైస్ కెప్టెన్ రోహిత్ శర్మ పాత్ర ఎంతో కీలకం. దుబాయ్ వేదికగా జరిగిన ఈ టోర్నీలో శర్మ వన్డే ఫార్మాట్‌లో అతను ఎంత విలుైవెనా ఆటగాడో నిరూపించాడు. ఆసియా కప్ విజయంలో కీలకపాత్ర పోషించి, అందరిచేత ప్రశంసలు అందుకున్నాడు. రోహిత్ విండీస్‌తో జరగబోయే మొదటి వన్డేలో స్పెషల్ అట్రాక్షన్‌గా నిలవనున్నాడు.

శిఖర్ ధావన్: విండీస్‌తో జరిగిన రెండు మ్యాచ్‌ల టెస్టు సిరీస్‌లో చోటు కోల్పోయిన ధావన్ తిరిగి వన్డే జట్టులో చోటు దక్కించుకున్నాడు. వన్డే మ్యాచ్‌లో తనైదెన శైలిలో ఆడే ధావన్ టీమిండియా జట్టుకు మంచి శుభారంభాన్ని అందించగలడు. ఈ ఎడమచేతి వాటం బ్యాట్స్‌మన్ ఖచ్చితైమెన షాట్లతో టీమిండియాకు భారీస్కోర్ అందించగలడు.

విరాట్ కోహ్లీ: భారత పరుగుల యంత్రం, కెప్టెన్ విరాట్ కోహ్లీ ఈ మ్యాచ్‌లో రికార్డులు క్రియేట్ చేసేందుకు సిద్ధంగా ఉన్నాడు. ఆసియాకప్‌కు విరామం తీసుకున్న విరాట్ కోహ్లీ విండీస్‌తో ఆదివారం జరగబోయే మొదటి వన్డేతో పునరాగమనం చేస్తున్నాడు. ఎల్లప్పుడూ తనైదెన ఆటతీరుతో జట్టుకి  విజయనందించగలిగే సత్తా ఉన్న కోహ్లీ టెస్టు సిరీస్‌లో ఆడిన విధంగానే ఈ మ్యాచ్‌లో కూడా ఆడాలని చూస్తున్నాడు. 

అంబటి రాయుడు:  ఆసియా కప్‌లో నెంబర్ 3 స్థానంలో బ్యాటింగ్‌కు దిగి రాణించిన అంబటి రాయుడు, కోహ్లీ రాకతో నాల్గో స్థానంలో బ్యాటింగ్‌కు దిగే అవకాశం ఉంది. ఏడాదిపాటు జాతీయ జట్టుకు దూరంగా ఉన్న రాయుడు ఈ వన్డే సిరీస్‌లో రాణించి జట్టులో స్థానం పదిలం చేసుకోవడానికి ఇదే మంచి అవకాశం. 

మహేంద్ర సింగ్ ధోనీ: మాజీ టీమిండియా కెప్టెన్ మహేంద్ర సింగ్ ధోనీ ఈ మ్యాచ్‌లో ఏ మేరకు రాణిస్తాడో చూడాలి. ఈ మధ్యకాలంలో ధోనీ ఆటతీరులో మునపటి ఫామ్ లేదని విమర్శలు వస్తున్నాయి. ఆసియా కప్‌లో కూడా ఆశించిన మేరకు రాణించలేకపోయాడు. వికెట్ కీపర్‌గా ఎన్నో రికార్డులు తిరగరాసిన ధోనీ బ్యాటింగ్‌లో మునపటి ఫామ్ అందుకోవాలని అభిమానులు ఆశిస్తున్నారు. విండీస్‌తో జరగబోయే ఈ వన్డే సిరీస్‌లో ధోనీ మెరుగ్గా రాణిస్తాడని జట్టు యజమాన్యం భావిస్తోంది.

రిషబ్ పంత్: విండీస్‌తో వన్డే సిరీస్‌లో చూడదగ్గ ఆటగాడు రిషబ్ పంత ఒకడు. ఇప్పటీకే టెస్టుల్లో సత్తా చాటిన ఈ యువ వికెట్‌కీపర్ వన్డేలో చోటు దక్కించుకున్నాడు. మొదటి రెండు వన్డేలకు ఎంపికయ్యాడు. ధోనీ ఉండగా పంత్‌ని ఎంపిక చేయడం అంద ర్నీ ఆశ్యర్యానికి గురి చేసింది. ఈ విషయమై చీఫ్ సెలక్టర్ ప్రసాద్ మాట్లాడుతూ... ‘ పంత్‌ని బ్యాట్స్‌మన్‌గా, బ్యాక్ అప్ వికెట్ కీపర్‌గా ఎంపిక చేశాం. టెస్టుల్లో రాణించిన విధంగానే వన్డేలో కూడా ఆడతాడు అని ఆశిస్తున్నా’ అని ఆయన తెలిపారు.

రవీంద్ర జడేజా: సంవత్సరం పాటు జాతీయ జట్టుకు దూరంగా ఉన్న జడేజా ఆసియాకప్‌తో తిరిగి జట్టులో చోటు సంపాదించుకున్నాడు. ఆసియా కప్‌లో 4 వికెట్లు తీయడమే కాకుండా, బ్యాటింగ్‌లో కూడా రాణించి ఆల్ రౌండర్ ప్రదర్శనను కనబరిచాడు. అంతేకాకుండా విండీస్‌తో జరిగిన రెండు మ్యాచ్‌ల టెస్టు సిరీస్‌లో బౌలింగ్‌తో పాటు, బ్యాటింగ్‌లో ఆకట్టుకున్నాడు.

ఉమేష్ యాదవ్: శార్దుల్ ఠాకూర్ స్థానంలో  వన్డే జట్టుకి ఎంపికైనా పేసర్ ఉమేష్ యాదవ్. హైదరాబాద్‌లో జరిగిన రెండో టెస్టులో 10 వికెట్లు తీసి జట్టు విజయంలో కీలకపాత్ర పోషించాడు. ఈ వన్డే సిరీస్‌లో కూడా మెరుగైన ప్రదర్శన కనబరిచి వన్డే జట్టులో స్థానం సుస్థిరం చేసుకోవాలనే పట్టుదలతోఉన్నాడు. 

కుల్‌దీప్ యాదవ్: ఈ మణికట్టు స్పిన్నర్ విండీస్ బ్యాట్స్‌వెున్‌ను ఇబ్బంది పెడతాడు అని కెప్టెన్ కోహ్లీ కుల్‌దీప్‌పై పూర్తి నమ్మకం ఉంచాడు. టెస్టు సిరీస్‌లో విండీస్ బ్యాట్స్‌మన్‌ను ముప్పుతిప్పలు పెట్టిన కుల్‌దీప్ వైట్‌బాల్‌తో కూడా రాణించాలని చూస్తున్నాడు. 

చాహల్: మిడిల్ ఓవర్లలో కుల్‌దీప్‌తోపాటు, చాహల్ కూడా తన వంతు న్యాయం చేయగలడని జట్టు యాజమాన్యం భావిస్తోంది. చాహల్ టైట్ బౌలింగ్‌తో పాటు బ్యాట్స్‌మన్‌ను బోల్తా కొట్టించి వికెట్ తీయగలడు. విండీస్‌తో జరగబోయే వన్డే సిరీస్‌లో చాహల్ తనపై జట్టు ఉంచుకున్న నమ్మకాన్ని నిలబెట్టుకోవాలని చూస్తున్నాడు.
పిచ్: గువహటిలో ఆదివారం వేడి, తేమతో కూడిన వాతవరణం ఉంటుంది. వర్షం కురిసే అవకాశం లేదు. ఈ స్టేడియంలో జరిగిన అంతర్జాతీయ మ్యాచ్లో టీమిండియా ఇప్పటీవరకు ఒక్క మ్యాచ్ మాత్రమే ఓడిపోయింది. అది కూడా గతేడాది ఆస్ట్రేలియాతో జరిగిన టీ20 మ్యాచ్.

వన్డేల్లో గట్టి పోటీ ఇస్తాం: హోల్డర్
imageరెండు మ్యాచ్‌ల టెస్టు సిరీస్‌ను 0-2తో కోల్పోయి వైట్‌వాష్‌కు గురైన వెస్టిండీస్ జట్టు బలమైన టీమిండియాకు వన్డేల్లోనైనా గట్టి పోటీ ఇవ్వాలని కెప్టెన్ జాసన్ హోల్డర్ భావిస్తున్నాడు. ‘ప్రస్తుతం అద్భుతంగా రాణిస్తున్న టీమిండియాపై గెలవడం అంత సులువేమీ కాదు. ప్రపంచంలో వన్డేల్లో టీమిండియా ఉత్తమ జట్టుగా కొనసాగుతోంది. కానీ మేము కూడా గట్టి పోటీ ఇస్తాం. మా జట్టులో అంతా యువకులే, కొత్త ముఖాలే. కానీ తమ సత్తా నిరూపించుకునేందుకు ఇదే మంచి సమయం. ఈ మధ్య కాలంలో వన్డేల్లో బెంచ్ మార్క్ స్కోర్‌గా నిలుస్తున్న 300 పరుగులను స్థిరంగా సాధించలేకపోతున్నాం. ఈ విషయంపై డ్రెస్సింగ్ రూమ్‌లో చర్చించాం. ఏదిఏమైనా ఆ 300 మార్క్ స్కోరును సాధించాలని కృత నిశ్చయంతో ఉన్నాం’ అని హోల్డర్ చెప్పాడు.

రాహుల్, పాండే బెంచ్‌కు... 
ఆదివారం విండీస్‌తో జరగబోయే మొదటి వన్డేలో రాహుల్, మనీష్ పాండే బెంచ్‌కు పరిమితమయ్యారు. మిడిలార్డర్‌లో అంబటిరాయుడు జట్టుకు న్యాయం చేయగలడని టీమ్ నమ్ముతుంది. 12 మంది సభ్యులతో కూడిన జట్టులో రవీంద్ర జడేజా, కుల్‌దీప్‌యాదవ్, చాహల్ ఉన్నారు. అంటే టీమిండియా విండీస్‌తో జరగబోయే మొదటి వన్డేలో ముగ్గురూ స్పిన్నర్లతో బరిలోకి దిగే అవకాశం ఉంది. పేస్ విభాగంలో ఉమేష్ యాదవ్, షమీ మంచి ఫామ్‌లో ఉన్నారు. వీరితో పాటు యువ పేసర్ మహ్మాద్ ఖలీల్ మొదటి వన్డేలో ఆడబోతున్నాడు. ఇక వెస్టిండీస్ విషయానికోస్తే కీరన్ పొలార్డ్, డారెన్ బ్రావోలు జట్టుతో కలిశారు. జాసన్ హోల్డర్ నాయకత్వం వహిస్తున్న విండీస్ జట్టులో ఆదివారం జరగబోయే మొదటి వన్డేలో ముగ్గురు కొత్త కుర్రాళ్లు అరంగే ట్రం చేయనున్నారు.
 
తుది జట్టు
విరాట్ కోహ్లీ, శిఖర్ ధావన్, రోహిత్ శర్మ, అంబటి రాయుడు, రిషబ్ పంత్, ఎవ్‌ుఎస్ ధోనీ, రవీంద్ర జడేజా, కుల్‌దీప్ యాదవ్, యుజ్వేంద్ర చాహల్, ఉమేష్ యాదవ్, మహ్మాద్ షమీ, ఖలీల్ అహ్మద్.



క్రికెట్‌కు ప్రవీణ్ గుడ్‌బై...

Updated By ManamSat, 10/20/2018 - 12:11
Praveen Kumar retires from all forms of cricket

న్యూఢిల్లీ : మరో క్రికెటర్ రిటైర్‌మెంట్ ప్రకటించాడు. టీమిండియా మాజీ స్వింగ్ బౌలర్ ప్రవీణ్ కుమార్ అంతర్జాతీయ క్రికెట్‌తో పాటు అన్ని ఫార్మాట్‌లకు గుడ్‌బై చెప్పాడు. ఉత్తర్‌ప్రదేశ్‌కు చెందిన ప్రవీణ్ 2007లో వన్డేల్లోకి అరంగేట్రం చేశాడు.  సుమారు 11 ఏళ్ల పాటు అంతర్జాతీయ క్రికెట్‌లో కొనసాగిన అతడు తన కెరీర్‌లో కేవలం ఆరు టెస్టు మ్యాచ్‌లే ఆడి 27 వికెట్లు తీశాడు.

 క్రికెట్ నుంచి తప్పుకున్న సందర్భంగా ప్రవీణ్ కుమార్ మాట్లాడుతూ... సరైన సమయంలోనే ఆటకు గుడ్‌బై చెప్పాలనుకున్నట్లు చెప్పాడు. ఈ సందర్భంగా అతడు తన కుటుంబసభ్యులకు, బీసీసీఐ, యూపీసీఏ, రాజీవ్ శుక్లాకు కృతజ్ఞతలు తెలిపాడు. ఇక 2011లో వరల్డ్ కప్‌కు ఎంపిక అయినా గాయం కారణంగా ఆ అవకాశాన్ని మిస్ అయ్యాడు.

అలాగే ఐపీఎల్ మ్యాచ్‌ల్లో ప్రవీణ్ కింగ్స్ ఎలెవన్ పంజాబ్, సన్‌రైజర్స్ హైదరాబాద్, గుజరాత్ లైన్స్, రాయల్ చాలెంజర్స్ బెంగళూరు తరపున ప్రాతినిధ్యం వహించాడు. అతడు  2012 మార్చి 30న చివరిసారిగా సౌతాఫ్రికాపై చివరి మ్యాచ్ ఆడాడు. 



మూడ్రోజుల్లో ముగిసింది

Updated By ManamSat, 10/06/2018 - 23:12
  • వెస్టిండీస్ తొలి ఇన్నింగ్స్‌లో 181, రెండో ఇన్నింగ్స్‌లో 196 పరుగులకు ఆలౌట్

  • మూడ్రోజుల్లో ముగిసిన మ్యాచ్

  • ఒకే రోజు 14 వికెట్లు కోల్పోయిన కరేబియన్లు

  • టీమిండియాకు 1-0 ఆధిక్యం

Indian-playersరాజ్‌కోట్: వెస్టిండీస్‌తో ఇక్కడ జరిగిన తొలి టెస్టు మ్యాచ్ లో టీమిండియా భారీ తేడాతో గెలిచింది. శనివారం మూడో రోజు ఫాలోఆన్ ఆడిన వెస్టిండీస్ ఇన్నింగ్స్, 272 పరుగుల తేడాతో ఓటమిపాలైంది. తొలి ఇన్నింగ్స్‌లో 9 వికెట్ల నష్టానికి 649 పరుగుల వద్ద డిక్లేర్ చేసిన టీమిండియా ఒకే రోజు వెస్టిండీస్‌కు చెందిన 14 వికెట్లు పడగొట్టింది. దీంతో రెండు మ్యాచ్‌ల ఈ సిరీస్‌లో టీమిండియా 1-0 ఆధిక్యంతో నిలిచింది. 6 వికెట్ల నష్టానికి 94 పరుగుల ఓవర్‌నైట్ స్కోరు మూడో రోజు ఉదయం తొలి ఇన్నింగ్స్‌ను కొనసాగించిన వెస్టిండీస్ భోజన విరామం లోపే 181 పరుగులకు కుప్పకూలిది. దీంతో అందరూ అనుకున్నట్టుగానే టీమిండియా కెప్టెన్ విరాట్ కోహ్లీ వెస్టిండీస్‌కు ఫాలో ఆన్ ఇచ్చాడు. రెండో ఇన్నింగ్స్‌లోనూ కరేబియన్లు ఉత్తమ ప్రతిభ కనబరచలేకపోయారు. దీంతో శనివారం మూడో రోజు చివరి సెషన్‌లో 50.5 ఓవర్లలో 196 పరుగులకు వెస్టిండీస్ ఆలౌటైంది. ఉదయం సెషన్‌లో రవిచంద్రన్ అశ్విన్ 4 వికెట్లు తీసుకున్నాడు. ఇక వెస్టిండీస్ రెండో ఇన్నింగ్స్‌లో కుల్‌దీప్ 57 పరుగులిచ్చి 5 వికెట్లు తీసుకుని కరేబియన్లను దెబ్బతీశాడు. కుల్‌దీప్‌కు తొలిసారి ఇన్నింగ్స్‌కు ఐదు వికెట్లు దక్కాయి. రెండవ, చివరి టెస్టు మ్యాచ్ ఈ నెల 12 నుంచి 16వ తేదీ వరకు హైదరాబాద్‌లో జరగనుంది. రెండో టెస్టుకు రెగ్యులర్ కెప్టెన్ జాసన్ హోల్డర్, కీమర్ రోచ్ జట్టులోకి అందుబాటులో ఉండే అవకాశమున్నందున వెస్టిండీస్ జట్టు రాజ్‌కోట్ మ్యాచ్‌లో కంటే మెరుగైన ప్రతిభ కనబరిచే అవకాశముంది. 

ముంబై యువ బ్యాట్స్‌మన్ పృథ్వీ షా ఎదుగుదలకు పునాది వేసిన ఈ మ్యాచ్ భారత క్రికెట్ చరిత్రలో కలకాలం గుర్తుండిపోనుంది. పృథ్వీ షా అరంగేట్ర మ్యాచ్‌లోనే సెంచరీ చేసి అంతర్జాతీయ క్రికెట్‌లో తన రాకను చాటి చెప్పాడు. అరంగేట్ర టెస్టులో సెంచరీ చేసిన అతి పిన్న వయస్కుడిగా షా రికార్డుల్లోకెక్కాడు. తర్వాత విరాట్ కోహ్లీ, రవీంద్ర జడేజా కూడా సెంచరీలతో చెలరేగారు. ఈ మ్యాచ్ మూడు రోజుల్లోనే ముగియనుందని శనివారం టీ విరామ సమయానికే స్పష్టత వచ్చింది. ఎందుకంటే అప్పటికే వెస్టిండీస్ 185 పరుగులకు 8 వికెట్లు కోల్పోయింది. వెస్టిండీస్ రెండో ఇన్నింగ్స్‌లో కీరాన్ పోవెల్ ఒక్కడే జట్టుకు చెప్పుకోదగ్గ సహకారాన్ని అందించాడు. 93 బంతుల్లో 8 ఫోర్లు, 4 సిక్సర్లతో 83 పరుగులు చేశాడు. ఉదయం సెషన్‌లో అశ్విన్ వెస్టిండీస్‌ను ఇబ్బంది పెట్టగా.. మధ్యాహ్నం సెషన్‌లో కుల్‌దీప్ దెబ్బతీశాడు. సమయానుకూలంగా ఆడాల్సిన సమయంలో ఇప్పటికిప్పుడే మ్యాచ్‌ను ముగించాలన్న తొందరపాటు కరేబియన్లలో కనిపించింది. లూజ్ బంతులకు షాట్లు కొట్టడం వరకు బాగానే ఉంది. కానీ దూరంగా వెళుతున్న బంతులను కూడా ఆడటంతో తగిన మూల్యం చెల్లించుకోవాల్సి వచ్చింది. కుల్‌దీప్ తొలుత మూడు వికెట్లు తీసుకున్నాడు. మొదట షాయ్ హోప్‌ను ఎల్‌బిడ బ్ల్యూ అవుట్ చేశాడు. తర్వాత షిమ్రన్ హెట్మేయర్‌ను పెవిలియ న్ పంపాడు. అదే ఓవర్లో సునీల్ ఆంబ్రిస్ స్టంపవుట్ అయ్యాడు. ఉదయం సెషన్‌లో అశ్విన్ అద్భుతమైన బౌలింగ్ చేయడం తో ప్రత్యర్థికి టీమిండియా ఫాలో ఆన్ ఇచ్చింది. భోజన విరామ సమయానికి వెస్టిండీస్ రెండో ఇన్నింగ్స్‌లో 9 ఓవర్లలో 1 వికెట్ నష్టానికి 33 పరుగులు చేసింది. అశ్విన్ నాలుగో వికెట్‌గా కెప్టెన్ క్రెగ్ బ్రాత్‌వైట్‌ను అవుట్ చేశాడు. 6 వికెట్ల నష్టానికి 94 పరుగుల ఓవర్‌నైట్ స్కోరుతో మూడో రోజు తొలి ఇన్నింగ్స్‌ను కొన సాగించిన వెస్టిండీస్ ఒక గంట 10 నిమిషాల్లో ఆలౌటైంది. ముఖ్యంగా రోస్టన్ చేజ్ (53), కీమో పాల్ పోరాటం వల్ల అంత సేపు విండీస్ ఇన్నింగ్స్ కొనసాగింది. వీరిద్దరు 73 పరుగుల భాగస్వామ్యాన్ని అందించారు. మూడో రోజు పిచ్ స్పిన్ బౌలిం గ్‌కు సహకరించడంతో టెయిలెండర్ల వికెట్లను అశ్విన్ తీసుకున్నా డు. 11 ఓవర్లలో 37 పరుగులిచ్చి 4 వికెట్లు తీసుకున్నాడు. వెస్టిండీస్ జట్టు తొలి ఇన్నింగ్స్‌లో 48 ఓవర్లలో ఆలౌటైంది. 

తర్వాత టీమిండియా స్పిన్-పేస్ కాంబినేషన్‌తో ప్రారంభించింది. ఒకవైపు మహ్మద్ షమీ, మరోవైపు కుల్‌దీప్ బౌలింగ్ చేశారు. కుల్‌దీప్ బౌలింగ్‌లో చేజ్, పాల్ ఇబ్బంది పడటం అందరినీ ఆశ్చర్యపరిచింది. కానీ సహజసిద్ధంగా దూకుడు మనస్థత్వమున్న పాల్ తర్వాత కుల్‌దీప్ బౌలింగ్‌లో రెండు ఫోర్లు కొట్టాడు. తర్వాత చేజ్ కూడా కొన్ని ఆకర్షణీయమైన షాట్లు ఆడాడు. కుల్‌దీప్ బౌలింగ్‌లో పాల్ ముఖ్యంగా షార్ట్ బాల్స్‌కు చాలా ఇబ్బంది పడ్డాడు. ఈ మ్యాచ్ అంతటిలో కుల్‌దీప్, అశ్విన్‌లు చెరి ఆరు వికెట్లు తీసుకోగా.. జడేజా 4, షమీ 2, ఉమేష్ 1 వికెట్ల తీసుకున్నారు.

భాగస్వామ్యాలు లేనందువల్లే ఓడాం: బ్రాత్‌వైట్
ప్రత్యర్థి టీమిండియా చేసిన స్కోరుకు తగ్గట్టు భాగస్వామ్యాలు చేయలేకపోవడం వల్లే ఓడామని వెస్టిండీస్ తాత్కాలిక కెప్టెన్ క్రెగ్ బ్రాత్‌వైట్ అన్నాడు. ‘ఇండియా చాలా బాగా ఆడింది. ఎలా ఆడాలో ఆడి చూపించింది. బ్యాటింగ్ వైఫల్యం వల్లే ఓడాం. భారీ భాగస్వామ్యాలు చేయలేకపోవడంతో మూల్యం చెల్లించుకోవాల్సి వచ్చింది. మా బ్యాటింగ్ లైనప్‌కు పూర్తి సామర్థ్యం ఉంది. రెండు లేదా మూడు భారీ భాగస్వామ్యాలు చేయాల్సింది’ అని బ్రాత్‌వైట్ చెప్పాడు.

ఇంగ్లాండ్‌లో టెస్టు సిరీస్ కోల్పోయిన టీమిండియాకు ఊరట కలిగింది. సొంత గడ్డపై కరేబియన్లతో జరిగిన తొలి టెస్టు మ్యాచ్‌లో కోహ్లీ సేన ఇన్నింగ్స్, 272 పరుగులతో గెలిచింది. ఈ మ్యాచ్‌లో కరేబియన్ కుర్రాళ్లపై టీమిండియా ఆద్యంతం ఆధిపత్యం ప్రదర్శించడంతో మూడ్రోజుల్లోనే ముగిసింది. బ్యాటింగ్, బౌలింగ్, ఫీల్డింగ్‌లలో కోహ్లీ సేన రాణించింది. తొలి ఇన్నింగ్స్‌లో తక్కువ పరుగులకు ఆలౌటైన వెస్టిండీస్ జట్టు ఫాలోఆన్‌లోనూ కోలుకోలేకపోయింది. కుల్‌దీప్ తొలిసారి ఇన్నింగ్స్‌కు ఐదు వికెట్ల ఘనత సాధించగా.. టెస్టుల్లో అత్యధిక వికెట్లు తీసిన బౌలర్ల జాబితాలో సౌతాఫ్రికా మాజీ పేసర్ అలన్ డొనాల్డ్‌ను అశ్విన్ అధిగమించాడు

స్కోరుబోర్డు
ఇండియా తొలి ఇన్నింగ్స్: 649/9 డిక్లేర్డ్ 
వెస్టిండీస్‌మొదటి ఇన్నింగ్స్:
(ఓవర్ నైట్ స్కోరు: 94/6) చేజ్ (బి) అశ్విన్ 53, పాల్ (సి) పుజారా (బి) ఉమేష్ 47, బిషూ నాటౌట్ 17, లూయిస్ (బి) అశ్విన్ 0, గాబ్రియేల్ (స్టంప్డ్) పంత్ (బి) అశ్విన్ 1; ఎక్స్‌ట్రాలు: 18; మొత్తం 48 ఓవర్లలో 181 ఆలౌట్; వికెట్ల పతనం: 7-147, 8-159, 9-159, 10-181; బౌలింగ్: షమీ: 9-2-22-2, ఉమేష్: 11-3-20-1, అశ్విన్: 11-2-37-4, జడేజా: 7-1-22-1, కుల్‌దీప్: 10-1-62-1.

వెస్టిండీస్ రెండో ఇన్నింగ్స్: (ఫాలోఆన్): బ్రాత్‌వైట్ (సి) షా (బి) అశ్విన్ 10, పోవెల్ (సి) షా (బి) కుల్‌దీప్ 83, హోప్ ఎల్‌బిడబ్ల్యూ (బి) కుల్‌దీప్ 17, హెట్మేయర్ (సి) రాహల్ (బి) కుల్‌దీప్ 11, ఆంబ్రిస్ (స్టంప్డ్) పంత్ (బి) కుల్‌దీప్ 0, చేజ్ (సి) అశ్విన్ (బి) కుల్‌దీప్ 20, డౌరిచ్ నాటౌట్ 16, పాల్ (సి) ఉమేష్ (బి) జడేజా 15, బిషూ (సి) పంత్ (బి) అశ్విన్ 9, లూయిస్ ఎల్‌బిడబ్ల్యూ (బి) జడేజా 4, గాబ్రియేల్ (సి) కుల్‌దీప్ (బి) జడేజా 4; ఎక్స్‌ట్రాలు: 7; మొత్తం 50.5 ఓవర్లలో 196 ఆలౌట్; వికెట్ల పతనం: 1-32, 2-79, 3-97, 4-97, 5-138, 6-151, 7-172, 8-185, 9-192, 10-196; బౌలింగ్: షమీ: 3-0-11-0, అశ్విన్: 18-2-71-2, ఉమే్‌ష: 3-0-16-0, కుల్‌దీప్: 14-2-57-5, జడేజా: 12.5-1-35-3.



నీ వలనే నిజమైన ప్రేమను తెలుసుకున్నా: కోహ్లీ

Updated By ManamThu, 09/27/2018 - 09:28

Virat Kohli, Anushka Sharmaనీ వలనే నిజమైన ప్రేమను తెలుసుకున్నానంటూ బాలీవుడ్ నటి, తన భార్య అనుష్క శర్మపై టీమిండియా కెప్టెన్ విరాట్ కోహ్లీ మరోసారి తన ప్రేమను వ్యక్తపరిచారు. దేశ అత్యున్నత క్రీడా పురస్కారం రాజీవ్ ఖేల్‌రత్నను అందుకున్న కోహ్లీ.. ఈ సందర్భంగా సోషల్ మీడియాలో అనుష్క ఫొటోను షేర్ చేసి ఆమెకు థ్యాంక్స్ చెప్పాడు.

‘‘అడ్డంకులు ఎదురైనప్పుడు నన్ను ప్రోత్సహించే వ్యక్తి. ఒడిదుడుగుల సమయంలో నన్ను గైడ్ చేసే వ్యక్తి. నన్ను లోపల నుంచి పూర్తిగా మార్చిన వ్యక్తి. నిజమైన ప్రేమను నాకు తెలిపిన వ్యక్తి. నా బలం. నా అర్ధాంగి’’ అంటూ అనుష్కపై ప్రేమను కురిపించాడు విరాట్. కాగా బుధవారం రాష్ట్రపతి రామ్‌నాథ్ కోవింద్ చేతుల మీదుగా కోహ్లీ ఖేల్ రత్నను అందుకున్నారు. దీంతో ఈ పురస్కారం అందుకున్న మూడో భారత క్రికెటర్‌గా కోహ్లీ నిలిచాడు. గతంలో సచిన్, ధోనిలో ఈ పురస్కారాన్ని అందుకున్న విషయం తెలిసిందే.

 
 
 
 
 
 
 
 
 
 
 
 
 
 
 

A post shared by Virat Kohli (@virat.kohli) on

 



బౌలింగ్ చేస్తావా? బౌలర్‌ను మార్చాలా?

Updated By ManamThu, 09/27/2018 - 03:14

imageదుబాయ్: బయట మహేంద్ర సింగ్ ధోనీ ఎంత సరదాగా ఉం టాడో ఫీల్డింగ్‌లో అంత కఠినంగా ఉంటాడు. అఫ్ఘానిస్థాన్‌తో మ్యాచ్‌కు రోహిత్ శర్మ విశ్రాంతి తీసుకోవంతో ధోనీ కెప్టెన్‌గా వ్యవహరించాడు. ధోనీకి మిస్టర్ కూల్ అని పేరుంది. అయితే ఈ మ్యాచ్‌లో కుల్‌దీప్‌పై ధోనీ ఆగ్రహం వ్యక్తం చేశాడు. మ్యాచ్ మధ్యలో ఈ చినమన్ బౌలర్ తన బౌలింగ్‌కు ఫీల్డింగ్ మార్చాలని ధోనీని కోరాడు. పదే పదే ఫీల్డింగ్ మార్చాలని కోరడంతో ధోనీ తిరస్కరించాడు. బౌలింగ్ చేయమని కోరాడు. అయినప్పటికీ యాదవ్ వాదనకు దిగడంతో బౌలింగ్ చేస్తావా? బౌలర్‌ను మార్చాలా? (బౌలింగ్ కరేగా యా బౌలర్ చేంజ్ కరే) అని ధోనీ కోపపడ్డాడు. ధోనీ మాటలు విన్న కుల్‌దీప్ మారుమాట్లాకుండా బౌలింగ్‌ను కొనసాగించాడు. కుల్‌దీప్ తన కోటా 10 ఓవర్లలో 38 పరుగులిచ్చి 2 వికెట్లు తీసుకున్నాడు. 



రోహిత్ సేనకు రిహార్సల్

Updated By ManamTue, 09/18/2018 - 01:11
  • స్టార్ స్పోర్ట్స్‌లో సాయంత్రం 5 గంటల నుంచి ప్రత్యక్ష ప్రసారం

cricketrదుబాయ్: పాకిస్థాన్‌తో అసలు సిసలైన పోరుకు ముందు టీమిండియా డ్రెస్ రిహార్సల్ (ప్రాక్టీస్ లాంటి) మ్యాచ్‌కు సిద్ధమైంది. ఆసియా కప్‌లో భాగంగా టీమిండియా తొలి మ్యాచ్‌లో హాంకాంగ్‌తో మంగళవారం ఆడనుంది. బుధవారం చిరకాల ప్రత్యర్థులు టీమిండియా, పాకిస్థాన్ తలపడనున్నాయి. యావత్ క్రికెట్ ప్రపంచం ఎంతో ఆసక్తిగా ఎదురుచూస్తున్న హాంకాంగ్‌తో మ్యాచ్ పాకిస్థాన్‌తో మ్యాచ్‌కు ముందు ఆకలి పుట్టించేలాంటింది. రెగ్యులర్ కెప్టెన్ విరాట్ కోహ్లీ లేకపోయినప్పటికీ రోహిత్ శర్మ నేతృత్వంలోని టీమిండియా నిర్ణీత ఓవర్ల ఫార్మాట్‌లో బలమైంది. హాంకాంగ్‌తో మ్యాచ్‌ను రోహిత్ సేన తేలిగ్గా తీసుకోకపోయినప్పటికీ ఇది పాకిస్థాన్‌తో మ్యాచ్‌కు ముందు మంచి ప్రాక్టీస్‌గా ఉపయోగపడనుంది. దుబాయ్‌లో 43 డిగ్రీల సెల్సీయస్‌తో ఎండలు మండిపోతున్నాయి. అయితే పాకిస్థాన్‌తో మ్యాచ్‌కు సరైన కాంబినేషన్‌ను ఎంపిక చేసుకోవడమే లక్ష్యంగా ఈ మ్యాచ్‌లో రోహిత్ సేన బరిలోకి దిగనుంది. పాకిస్థాన్‌తో ఆడిన తొలి మ్యాచ్‌లో హాంకాంగ్ జట్టు ఎనిమిది వికెట్లతో ఓటమిపాలైంది. ఏకపక్షంగా సాగిన ఆ మ్యాచ్‌లో హాంకాంగ్ 116 పరుగులు మాత్రమే చేయగలిగింది. ఏదైన అద్భుతం జరిగితే తప్ప టీమిండియాపై హాంకాంగ్ జట్టు మెరుగైన ప్రతిభ కనబరచలేదు. బ్యాటింగ్‌లో కెప్టెన్ రోహిత్ శర్మ, కేఎల్ రాహుల్, కేదార్ జాదవ్‌తో.. బౌలింగ్‌లో భువనేశ్వర్ కుమార్, జస్‌ప్రీత్ బుమ్రా, కుల్‌దీప్ యాదవ్, యజ్వేంద్ర చాహల్ వంటి ప్లేయర్స్‌తో టీమిండియా ఉత్సాహంగా ఉంది. గత కొన్నేళ్లుగా మాజీ కెప్టెన్ మహేంద్ర సింగ్ ధోనీ బ్యాటింగ్‌పై అనేక సందేహాలు వస్తున్నాయి. అయితే ఈ టోర్నీలో ధోనీని ఏ స్థానంలో బ్యాటింగ్‌కు దింపాలి అనే ప్రశ్నకు సరైన సమాధానం దొరికే అవకాశముంది. పాకిస్థాన్‌తో మ్యాచ్‌కు ధోనీని 5 లేదా 6 లేదా 7 స్థానాల్లో ఎందులో బరిలోకి దించాలన్న దానిపై స్పష్టత రానుంది. ఒకవేళ ధోనీ 7వ నంబర్ స్థానంలో బ్యాటింగ్‌కు దిగితే అతను డెత్ ఓవర్లలో మహ్మద్ ఆమిర్, ఉస్మాన్ ఖాన్, హసన్ అలీ బౌలింగ్‌లను ఎదుర్కోవాల్సి వుంటుంది. 5వ నంబర్ బ్యాట్స్‌మన్‌గా కేదార్ జాదవ్ లేదా మనీష్ పాండే బరిలోకి దిగే అవకాశముంది. ఒకవేళ తాను 6వ నంబర్ స్థానంలో బ్యాటింగ్‌కు దిగాలని ధోనీ భావిస్తే భారీ షాట్లు కొట్టే సామర్థ్యం ఉన్న హార్దిక్ పాండ్య 7వ నంబర్ స్థానంలో బరిలోకి దిగొచ్చు. గత కొద్ది కాలంగా టీమిండియాలో మిడిలార్డర్ సమస్య కొనసాగుతోంది. వచ్చే ఏడాది వరల్డ్ కప్‌కు ముందే ఈ సమస్యను పరిష్కరించు కోవాలని టీమిండియా భావిస్తోంది. కేఎల్ రాహుల్ 3వ నంబర్ బ్యాట్స్‌మెన్‌గా బరిలోకి దిగే అవకాశముంది. అయితే ఇంగ్లాండ్‌లో మాదిరిగా ఇక్కడ ఆమిర్, హసన్‌ల నుంచి ఇన్‌స్వీంగ్ బంతులను ఎదుర్కోవాల్సి వస్తుంది. పాకిస్థాన్ ఎడమ చేతి బౌలర్ల నుంచి మన బ్యాట్స్‌మెన్ ఎటువంటి ఇబ్బందులనూ ఎదుర్కోకుండా ఉండేందుకు శ్రీలంకకు చెందిన ఎడమ చేతి స్పెషలిస్ట్‌ను బీసీసీఐ ఇప్పటికే నియమించింది. ఫ్లాట్ పిచ్‌లపై నెమ్మదిగా కదిలే వైట్ కూకబుర్రా బంతులను టీమిండియా బ్యాట్స్‌మెన్ కనీస ఫుట్‌వర్క్ ద్వారా ధీటుగా ఎదుర్కొనే అవకాశముంది. దుబాయ్ పిచ్‌లపై వివిధ రకాల లెంగ్త్, పేస్‌లను అంచనా వేసేందుకు ధావన్, రాహుల్, పాండ్యాలకు హాంకాంగ్‌తో మ్యాచ్ ఉపయోగపడ నుంది. మరోసారి భువనేశ్వర్- బుమ్రాలతో పాటు కుల్‌దీప్-చాహల్‌ల కాంబినేషన్లు బరిలోకి దిగనున్నాయి. 

పాకిస్థాన్ విషయానికొస్తే.. భారత ఇద్దరు మణికట్టు స్పిన్నర్ల మాయా జాలం గురించి సర్ఫరాజ్ ఖాన్ బృందానికి తెలీదు. ఎందుకంటే ఇంగ్లాండ్‌లో జరిగిన చాంపియన్స్ ట్రోఫీ ఫైనల్లో వీరిద్దరు లేరు. ఫఖర్ జమాన్, బాబర్ ఆజామ్ పాక్ బ్యాటింగ్ లైనప్‌లో కీలక ఆటగాళ్లు, ఇంజమామ్ ఉల్ హక్ మేనల్లుడు ఇమామ్ ఉల్ మక్ స్థిరంగా రాణిస్తున్నాడు. బ్యాటింగ్ లైనప్‌లో ఉన్న ఏకైన సీనియర్ ఆటగాడు ఆల్ రౌండర్ షోయబ్ మాలిక్. స్లో పిచ్‌లపై మిడిల్ ఓవర్లలో అద్భుతమైన బ్యాటింగ్ చేయగల సత్తా ఇతనికుంది. వెన్నెముక గాయం కారణంగా ఇంగ్లాండ్‌తో సిరీస్‌కు దూరమైన భువనేశ్వర్‌కు హాంకాంగ్‌తో మ్యాచ్ మంచి ప్రాక్టీస్‌ను ఇవ్వనుంది. ఇండియా-ఎ, సౌతా ఫ్రికా-ఎ మ్యాచ్‌తో భువనేశ్వర్ మళ్లీ మైదానంలోకి అడుగుపెట్టాడు. ఇండియా, పాకిస్థాన్ మ్యాచ్‌కు స్టేడి యం క్రిక్కిరిసే అవకాశముంది. మంగళవారం హాం కాంగ్‌తో మ్యాచ్‌కు కూడా అక్కడి భారత్ అభిమా నులు పెద్ద సంఖ్యలో స్టేడియానికి రానున్నారు. టీమిండియా: రోహిత్ శర్మ (కెప్టెన్), శిఖర్ ధావన్, కేఎల్ రాహుల్, అంబటి రాయుడు, మనీష్ పాండే,  కేదార్ జాదవ్, ధోనీ (వికెట్ కీపర్), హార్దిక్ పాండ్య, భువనేశ్వర్ కుమార్, జస్‌ప్రీత్ బుమ్రా, కుల్‌దీప్ యాదవ్, యజ్వేంద్ర చాహల్, శార్దూల్ ఠాకూర్, దినేష్ కార్తీక్, ఖలీల్ అహ్మద్. హాంకాంగ్: అన్షుమన్ రథ్ (కెప్టెన్), ఐజాజ్ ఖాన్, బాబర్ హయత్, కామెరూన్ మెక్‌ఆల్సన్, క్రిస్టఫర్ కార్టర్, ఎహ్‌సాన్ ఖాన్, ఎహ్‌సాన్ నవా జ్, అర్షద్ మహ్మద్, కించిత్ షా, నదీమ్ అహ్మ ద్, రాగ్ కపూర్, స్కాట్ మెక్‌కెన్నీ, తన్వీర్ అహ్మద్, తన్వీర్ అఫ్జల్, వకాస్ ఖాన్, అఫ్తాబ్ హుస్సేన్. 



ఇంగ్లాండ్ పర్యటనపై... రవిశాస్త్రితో సీఓఏ చర్చ? 

Updated By ManamSun, 09/09/2018 - 23:01

imageన్యూఢిల్లీ: ఇంగ్లాండ్‌లో టీమిండియా పేలవ ప్రదర్శనపై కోచ్ రవిశాస్త్రితో కమిటీ ఆఫ్ అడ్మినిస్ట్రేటర్స్ (సీఓఏ) చర్చించే అవకాశముంది. ఆతిథ్య జట్టు చేతిలో టీమిం డియా వన్డే, టెస్టు సిరీస్‌లను కోల్పోయింది. అయితే చివరి, ఐదో టెస్టు తర్వాత టీమిండియా ప్రతిభపై సీఓఏ ఓ అంచనాకు రానుంది. ‘ఈ నెల 11న ముంబైలో సీఓఏ సమావేశం ఉంది. కొత్త రాజ్యాంగాన్ని అమలు చేయడంపైనే ప్రధానంగా చర్చ జరగనుంది. అయితే ఇంగ్లాండ్‌లో టీమిండి యా ప్రతిభ కూడా చర్చకు వచ్చే అవకాశముంది. టీమిం డియా ప్రతిభపై రవిశాస్త్రిని పిలిచి ముఖాముఖీగా మాట్లాడొచ్చు లేదా రాతపూర్వక నివేదిక కోర వచ్చు. ఈ సమయంలో క్రికెట్ సలహా సంఘం (సీఏసీ) పనిచేయదు. మళ్లీ ఎన్నికలు జరిగేంత వరకు సీఓఏనే ఇంచార్జ్‌గా పనిచేస్తుంది. టీమిండియా ప్రతిభపై సీఓఏ ఓ అంచనాకు వచ్చే అవకాశముంది’ అని బోర్డు సీనియర్ అధికారి ఒకరు చెప్పారు.

 సమావేశం జరిగితే సెలెక్షన్ కమిటీ చైర్మన్ ఎమ్మెస్కే ప్రసాద్ అభిప్రాయాన్ని కూడా సీఓఏ కోరే అవకాశముంది. గత మూడు దశాబ్దాలుగా ఇంట గానీ, బయట గానీ జరిగిన సిరీస్‌ల తర్వాత టీమ్ మేనేజర్ నివేదిక ఇవ్వడం సంప్రదాయంగా వస్తోంది. కానీ కోచ్ ఎన్నడూ నివేదిక ఇవ్వలేదు. అయితే మేనేజర్‌కు జట్టు ప్రతిభకు సంబం ధం లేదని.. మేనేజర్ నివేదిక తప్పనిసరి కాద నే వాదనలు కూడా వినిపిస్తు న్నాయి. ‘జట్టు ప్రతిభకు సంబం దించి మేనేజర్ ఆలోచనలు సరైనవి కావు. మేనేజర్ సునీల్ సుబ్రమణ్యం విధులు పూర్తిగా అడ్మినిస్ట్రేటిక్‌కు సంబంధించినవి. జట్టు ప్రతిభకు ఆయనకు ఎటువంటి సంబంధం లేదు. వసతి, కోరిన తిండి, ప్రయాణ సౌకర్యాలు, ప్రాక్టీస్ కండిషన్స్ వంటి వాటికి సంబంధించినవి. కనుక క్రికెట్‌కు సంబంధించిన ఫీడ్ బ్యాక్ శాస్త్రి లేదా కోహ్లీ లేదా ఎమ్మెస్కే ఇవ్వాల్సివుంటుంది’ అని ఆ అధికారి వివరించారు.

 గ్రెగ్ చాపెల్ వెళ్లిపోయిన తర్వాత విదేశీ సిరీస్‌ల గురించి బీసీసీఐకి ఏ ఒక్క భారత కోచ్ కూడా రాతపూర్వక సమీక్ష నివేదిక ఇవ్వలేదు. కోచ్ లేదా కెప్టెన్‌తో బోర్డు కార్యదర్శి లేదా అధ్యక్షుడు చర్చించేవారు. అటువంటి బాధ్యత తీసుకునేందుకు తాత్కాలిక అధ్య క్షుడు సీకే ఖన్నా సిద్ధంగా లేరు. మరోవైపు తాత్కాలిక కార్యదర్శి అమి తాబ్ చైదరి అధికారాలను సీఓఏ తగ్గించింది. అయితే గాయాలకు గురైన క్రికెటర్ల పరిస్థితి గురించి ఫిజియో పాట్రిక్ ఫర్హార్ట్‌ను సీఓఏ అడగనుండటం ఆసక్తికరంగా మారింది. వెన్నునొప్పి ఉన్నప్పటికీ మూడో వన్డేలో భువనేశ్వర్ కుమార్‌ను ఎందుకు ఆడించారు? సౌతాప్టంన్ టెస్టుకు రవిచంద్రన్ అశ్విన్ పూర్తి ఫిట్‌గా ఉన్నాడా? అని సీఓఏ ప్రశ్నించ నుంది. అయితే వారికి గాయం తిర గదోడిందని అధికారులు చెప్పారు.



క్రికెట్‌కు ఆర్పీ సింగ్ గుడ్‌బై

Updated By ManamWed, 09/05/2018 - 13:58
Ex-Indian pacer RP Singh bids adieu to cricket

న్యూఢిల్లీ : టీమిండియా మాజీ ఫాస్ట్ బౌలర్ రుద్ర ప్రతాప్ సింగ్ (ఆర్పీ సింగ్) రిటైర్‌మెంట్ ప్రకటించాడు. అంతర్జాతీ క్రికెట్‌కు వీడ్కోలు పలుకుతున్నట్లు అతడు తన ట్విట్టర్‌ అకౌంట్‌లో అధికారికంగా (మంగళవారం) వెల్లడించాడు. ఉత్తరప్రదేశ్‌కి చెందిన ఆర్పీ సింగ్ 2005లో జింబాబ్వేపై అంతర్జాతీయ అరంగేట్రం చేశాడు. ఇక 2016లో ఐపీఎల్ మ్యాచ్‌ తర్వాత నుంచి అతడు క్రికెట్‌కి దూరంగా ఉంటున్నాడు.

క్రికెట్‌కు గుడ్‌బై చెప్పడం బాధాకరమే అని అయినా తప్పదని ఆర్పీ సింగ్ పేర్కొన్నాడు. సరిగ్గా ఇదే రోజు సెప్టెంబర్ 4, 2005లో తొలిసారి భారత జట్టు జెర్సీ ధరించా. క్రికెట్ నాకెన్నో మధుర జ్ఞాపకాలు ఇచ్చింది. మళ్లీ ఇదే రోజు క్రికెట్‌కు గుడ్‌బై చెబుతున్నా అని తెలిపాడు. ఈ మేరకు తన క్రికెట్ ప్రయాణంలోని అనుభూతులను గుర్తు చేసుకున్నాడు. టీమిండియాకు 14 టెస్టుల్లో ప్రాతినిధ్యం వహించిన ఆర్పీ సింగ్ 3.98 సగటుతో 40 వికెట్లు తీశాడు. 





Related News