cricket

పంత్, షమీలకు చోటు

Updated By ManamThu, 07/19/2018 - 01:13
  • ఇంగ్లాండ్‌తో తొలి మూడు టెస్టులకు టీమిండియా ఎంపిక  

imageలీడ్స్ (ఇంగ్లాండ్): ఇంగ్లాండ్‌తో త్వరలో ప్రారంభం కానున్న ఐదు మ్యాచ్‌ల టెస్టు సిరీస్‌లో తొలి మూడు మ్యాచ్‌లకు టీమిండియాను సెలెక్టర్లు ఎంపిక చేశారు. ఈ జట్టులో రిషభ్ పంత్‌తో పాటు గత కొంత కాలంగా వ్యక్తిగత వివాదాలతో టీమిండియాకు దూరమైన ఫాస్ట్ బౌలర్ మహ్మద్ షమీకి కూడా చోటు దక్కింది. గాయపడిన వృద్ధిమాన్ సాహా స్థానంలో పంత్ జట్టులోకి వచ్చాడు. అయితే తొలి ప్రాధాన్యాత వికెట్ కీపర్‌గా దినేష్ కార్తీక్‌ను ఎంపిక చేశారు. బొటన వేలి గాయం నుంచి కోలుకుంటున్న జస్‌ప్రీత్ బుమ్రాకు కూడా జట్టులో చోటు దక్కింది.

అయితే అతను రెండో టెస్టు నుంచి అందుబాటులోకి వచ్చే అవకాశముంది. కానీ బుమ్రాను తుది జట్టుకు ఎంపిక imageచేసేముందు అతను వంద శాతం ఫిట్‌నెస్‌తో ఉన్నాడో లేదో టీమ్ మేనేజ్‌మెంట్ పరీక్షిస్తుంది. ఐర్లాండ్‌తో జరిగిన తొలి టీ20లో బుమ్రా బొటన వేలికి గాయమైన సంగతి తెలిసిందే. మరోవైపు బెంగళూరు నేషనల్ క్రికెట్ అకాడమీలో యో-యో పరీక్ష పాసైన ఫాస్ట్ బౌలర్‌కు కూడా జట్టులో చోటు దొరకడం ఆసక్తికరంగా మారింది. ఇక భువనేశ్వర్ కుమార్ విషయానికొస్తే.. వెన్ను నొప్పి గాయంతో తొలి రెండు వన్డేలకు దూరమైన భువీ మూడో వన్డేలో ఆడటంతో ఆ గాయం తిరగదోడింది. దీంతో టెస్టు సిరీస్‌లో భువీ ఆడటం అనుమానంగా మారింది. అతని ఫిట్‌నెస్ పురోగతిని టీమ్ మేనేజ్‌మెంట్ పరిశీలిస్తోంది. ‘ఇంగ్లాండ్‌తో మూడో వన్డేలో భువనేశ్వర్ వెన్ను నొప్పి గాయం తీవ్రమైంది. బీసీసీఐ వైద్య బృందం అతని పరిస్థితిని అంచనా వేస్తోంది. భువీని టెస్టు జట్టులోకి తీసుకోవాలా వద్దా అనే దానిపై త్వరలో ఓ నిర్ణయం తీసుకుంటాం’ అని సెలెక్షన్ కమిటీ ఒక ప్రకటన విడుదల చేసింది. ఇండియా, ఇంగ్లాండ్ మధ్య తొలి టెస్టు ఆగస్టు 1వ తేదీన ఎడ్గ్‌బాస్టన్‌లో ప్రారంభమవుతుంది. 

సపోర్ట్ స్టాఫ్ పనితీరుపై బీసీసీఐ అనుమానం
ఇంగ్లాండ్‌తో జరిగిన చివరి, మూడో వన్డేలో భువనేశ్వర్ వెన్ను నొప్పి గాయం తీవ్రం కావడంతో టీమిండియా ఫిజియో పాట్రిక్ ఫర్హాత్, ట్రెయినర్ శంకర్ బసు పనితీరుపై బీసీసీఐ అనుమానంగా ఉంది. ఐపీఎల్ ప్రారంభం నుంచి ఈ యూపీ పేస్ బౌలర్ వెన్ను నొప్పి గాయంతో బాధపడుతున్నాడు. అంతేకాకుండా ఇంగ్లాండ్ పర్యటనలోని అన్ని మ్యాచ్‌లను అతను ఆడలేకపోయాడు. దీంతో ఇంగ్లాండ్‌తో జరగనున్న ఐదు మ్యాచ్‌ల టెస్టు సిరీస్‌కు గాను మూడు మ్యాచ్‌లకు ఎంపిక చేసిన జట్టులో భువీకి చోటు దక్కలేదు. అయితే పూర్తి ఫిట్‌గా లేకపోయినప్పటికీ మూడో వన్డేలో అతడిని ఎందుకు ఆడించారని బీసీసీఐ అధికారి ఒకరు ఆశ్చర్యం వ్యక్తం చేశారు. భువీ గాయం గురించి అడిగితే ‘దయచేసి వెళ్లి రవిశాస్త్రిని అడగండి’ అని ఆ అధికారి అన్నారు. ‘భువనేశ్వర్ గాయం తీవ్రతరమైంది. మూడో వన్డేలో అతను ఆడటంతో పూర్తిగా కోలుకున్నాడని భావించాం. అతను టెస్టు సిరీస్‌కు చాలా ముఖ్చం. పూర్తిగా కోలుకోనప్పుడు వన్డేలో ఆడించాలన్నా రిస్క్ ఎందుకు తీసుకున్నారు?’ అని అధికారి ప్రశ్నించారు.

టీమ్ సెలెక్షన్‌ను సమర్థించుకున్న కోహ్లీ
ఇదిలావుంటే మూడో వన్డేకు తుది జట్టు ఎంపికను టీమిండియా కెప్టెన్ కోహ్లీ సమర్థించుకున్నాడు. వచ్చే ఏడాది జరగనున్న వరల్డ్ కప్‌కు ముందే సమతుల్యమైన జట్టును సమకూర్చుకునేందుకు చివరి వన్డేలో మార్పులు చేయాల్సి వచ్చిందన్నాడు. ‘ఇటువంటి మ్యాచ్‌లు వరల్డ్ కప్‌కు ఎలాంటి జట్టు కావాలో తెలియజేస్తాయి. ఎక్కడ బలహీనంగా ఉన్నామో, ఏ విభాగాన్ని బలోపేతం చేసుకోవాలో కూడా ఇలాంటి మ్యాచ్‌ల వల్ల తెలుస్తుంది. సమతుల్యమైన జట్టు మాకు అవసరం. వరల్డ్ కప్‌కు ముందే దాన్ని మేము సమకూ ర్చుకోవాలి. ఒక్క విభాగం మీదనే ఆధా రపడలేం. అన్ని విభాగాల్లో రాణించాలి’ అని కోహ్లీ వివరణ ఇచ్చాడు.



క్రికెట్‌కు మిస్టర్ కూల్ గుడ్‌బై?

Updated By ManamWed, 07/18/2018 - 15:22
  • ఇంగ్లాండ్ వన్డేలో సూచన

MS dhoni

న్యూఢిల్లీ: పరిమిత ఓవర్ల క్రికెట్‌కు మహేంద్ర సింగ్ ధోనీ గుడ్‌బై చెప్పనున్నారంటూ తాజాగా మరోసారి ఊహాగానాలు వెలువడుతున్నాయి. ఇంగ్లాండ్‌తో జరిగిన మూడో వన్డేనే మిస్టర్ కూల్ చివరి మ్యాచంటూ సోషల్ మీడియాలో పుకార్లు షికార్లు చేస్తున్నాయి. ధోనీ రిటైర్మెంట్‌పై ఊహాగానాలకు, పుకార్లకు కొదవేంలేదు.

ఇప్పటికి చాలాసార్లు ఇలాగే ప్రచారం జరిగినా, ఇప్పుడు మాత్రం నిజమయ్యే సూచనలు కనిపిస్తున్నాయని క్రీడా పండితులు విశ్లేషిస్తున్నారు. ఇంగ్లాండ్ టూర్‌లో వన్డే సిరీస్‌ను భారత్ కోల్పోయిన సంగతి తెలిసిందే. ఇందులో భారత ఆటగాళ్ల ప్రదర్శన అభిమానులను నిరశపరిచింది. 

ముఖ్యంగా మూడో వన్డేలో ధోనీ ఆటపై సర్వత్రా విమర్శలు వ్యక్తమయ్యాయి. అభిమానులతో పాటు గవాస్కర్ వంటి మాజీ ఆటగాళ్లు ధోనీ ప్రదర్శనపై అసంతృప్తి వ్యక్తం చేశారు. ఈ క్రమంలో ధోనీని జట్టులో కొనసాగించడాన్నీ అభిమానులు ప్రశ్నిస్తున్నారు. మూడో వన్డేలో పరుగులు చేయడంలో మిడిలార్డర్ మరోసారి విఫలం కాగా.. వికెట్లు తీయలేక బౌలర్లు చేతులెత్తేశారు. ధోనీ క్రీజులో నిలబడినా దూకుడుగా ఆడలేకపోయాడు.

పరుగులు తీయడానికి ఇబ్బంది పడ్డాడు. వేగంగా పరుగులు రాబట్టాల్సిన పరిస్థితుల్లో మందకొండిగా ఆడాడు. మ్యాచ్ ముగిసిన తర్వాత డ్రెస్సింగ్ రూంకు వెళ్తున్న సమయంలో ధోనీ అంపైర్ల దగ్గర్నుంచి బంతిని అడిగి తీసుకున్నాడు. దీంతో ధోనీ క్రికెట్‌కు గుడ్‌బై చెప్పనున్నారంటూ రూమర్లు ప్రారంభమయ్యాయి.

సోషల్‌మీడియాలో వైరల్‌గా మారాయి. క్రికెట్‌లో చివరి మ్యాచ్ ఆడుతున్న ఆటగాళ్లు బంతినో వికెట్‌నో గుర్తుగా దాచుకోవడం సాధారణమే. గతంలో ధోనీ కూడా ఇలాగే ప్రవర్తించాడు. టెస్టుల నుంచి రిటైరయ్యే సమయంలో.. 2014లో ఆస్ట్రేలియాపై చివరి టెస్ట్ మ్యాచ్ ముగిశాక ధోనీ స్టంప్లను తనతో తీసుకెళ్లాడు. ఆ తర్వాత టెస్ట్ కెరీర్‌కు రిటైర్మెంట్ ప్రకటించాడు.

తాజాగా ఇంగ్లాండ్ వన్డేలో బంతిని తీసుకెళ్లడంతో త్వరలో ధోనీ క్రికెట్‌కు గుడ్‌బై చెప్పనున్నారంటూ ఊహాగానాలు వెలువడుతున్నాయి. ఈ క్రమంలో ఇంగ్లాండ్ మూడో వన్డే మ్యాచ్ ముగిశాక ధోనీ అంపైర్ దగ్గర్నుంచి బంతిని అడిగి తీసుకుంటున్న వీడియో ఇప్పుడు సోషల్ మీడియాలో వైరల్‌గా మారింది.



ఆదుకున్న కోహ్లీ

Updated By ManamWed, 07/18/2018 - 00:32
  • 71 పరుగులతో కెప్టెన్ ఇన్నింగ్స్  

imageలీడ్స్: ఇంగ్లాండ్‌తో జరిగే చివరి వన్డేలో టీమిండియా విజయవకాశాలు ఫిఫ్టీ-ఫిఫ్టీగా ఉన్నాయి. కెప్టెన్ కోహ్లీ ఒక్కడే 71 పరుగులు చేసి ఆకట్టుకోగా, ధావన్ (44), ధోనీ (43) పరుగులు చేసి ఫర్వాలేదనిపించారు. టాస్ ఓడి బ్యాటింగ్ దిగిన భారత్‌కు మొదట్లోనే ఎదురుదెబ్బ తగిలింది. ఓపెనర్ రోహిత్ శర్మ ఏకంగా 18 బంతులు ఆడి 2 పరుగులు చేసి విల్లే బౌలింగ్‌లో ఔటయ్యాడు. దీంతో భారత్ జట్టు 13పరుగులకే ఒక వికెట్‌ను చేజార్చుకుంది.

తర్వాత బ్యాటింగ్ దిగిన కెప్టెన్ విరాట్ కోహ్లీ మరో ఓపెనర్ శిఖర్ ధావన్‌తో కలిసి ఆచితూచి ఆడుతూ సమయం దొరికినప్పుడల్లా తనైదెన షాట్లతో ఆకట్టుకుంటూ స్కోర్ బోర్డును పరుగెత్తించాడు. వీరిద్దరూ కలిసి రెండో వికెట్‌కు  భారత్ జట్టుకు 17.4ఓవర్లో మరో షాక్ తగిలింది. అనవసరైమెన పరుగు కోసం ప్రయత్నించినా ధావన్(44)ను ఇంగ్లాండ్ ఆల్‌రౌండర్ బెన్‌స్టోక్స్ రనౌట్ చేసాడు. అప్పటికి భారత్ 84 పరుగులు చేసి పటిష్టైమెన స్థితిలోనే ఉంది. రెండో వన్డేలో విఫలైవెున కె.ఎల్ రాహుల్‌కు విశ్రాంతినిచ్చి అతని స్థానంలోన జట్టులోకి వచ్చిన దినేష్ కార్తీక్ (21) పరుగులు చేసి రషీద్ బౌలింగ్‌లో బౌల్డ్ అయ్యాడు.  కీలక సమయంలో వికెట్లు చేజారిపోతున్నా భారత్ కెప్టెన్ కోహ్లీ ఒత్తిడికి లోనవ్వకుండా తనైదెన ఆటతో 55 బంతుల్లో హాఫ్ సెంచరీ పూర్తిచేసుకున్నాడు.

శతకం దిశగా సాగుతున్న కోహ్లీ (71) ప్రయాణం 30.1 ఓవర్లో రసీద్ బౌలింగ్‌లో ముగిసి 4 వికెట్‌గా వెనుదిరిగాడు. ఈ మ్యాచ్‌లో విరాట్‌కోహ్లీ మరో రికార్డు తన ఖాతాలో వేసుకున్నాడు. తక్కువ ఇన్నింగ్స్(49)లు ఆడి 3,000 పరుగులు సాధించిన కెప్టెన్‌గా కోహ్లీ రికార్డు సృష్టించాడు. వెంటనే బ్యాటింగ్ దిగిన సురేష్ రైనా (1) రషీద్ ఓవర్లోనే చివరి బంతికి రూట్‌కి క్యాచ్ ఇచ్చి 5వికెట్‌గా పెవిలియన్ చేరాడు. వరుసగా రెండు కీలక వికెట్లు కొల్పొయిన ఒత్తిడిలో ఉన్న భారత్ జట్టును ధోనీ, హర్ధిక్ పాండ్య ఆదుకోవాలని చూసారు. కాస్త నిలకడగా ఆడిన పాండ్య 21 బంతుల్లో 21 పరుగులు చేసి 38.2ఓవర్లో హుడ్ బౌలింగ్‌లో బట్లర్‌కి క్యాచ్ ఇచ్చి ఔటయ్యాడు. అప్పటికి భారత్ స్కోర్ 194/6.  దీంతో ఒకానొక దశలో 300 స్కోర్ చేసేల్లా కనిపించిన భారత్ జట్టు 250 పరుగులు చేసిన ఘనమే అనిపించింది.

 ఒక్కైవెపు రెండో వన్డేలో స్లోగా ఆడి భారత్ ఓటమికి కారణం అయ్యాడు అనే విమర్శలు వచ్చిన ధోనీ (43)పరుగులతో ఆకట్టుకున్నాడు. విల్లే బౌలింగ్‌లో కీపర్ బట్లర్‌కు క్యాచ్ ఇచ్చి ఏడో వికెట్‌గా ధోనీ వెనుదిరిగాడు. తర్వాత క్రీజులోకి వచ్చిన శార్ధుల్ ఠాకూర్  (22 నాటౌట్, 2 సిక్స్‌లు) చివరిలో బ్యాట్  ఝుళిపించడంతో భారత్ జట్టు 50 ఓవర్లలో 8 వికెట్లు నష్టపోయి 256 పరుగులు చేసింది. 8 వికె ట్‌గా ఇన్నింగ్స్ చివరి బంతికి భువనేశ్వర్ (21) బెయిర్‌స్టోకి క్యాచ్ ఇచ్చి పెవిలియన్ చేరాడు.



ఇది కొత్తేమీ కాదగా..

Updated By ManamWed, 07/18/2018 - 00:04
  • వివాదాస్పద రీతిలో కోచ్‌ల నిష్క్రమణపై రాయ్ స్పందన  

imageన్యూఢిల్లీ: కోచ్‌ల భవిష్యత్తును సీనియర్ క్రికెటర్లు శాసించడం పట్ల సుప్రీం కోర్టు నియమిత కమిటీ ఆఫ్ అడ్మినిస్ట్రేటర్స్ (సీఓఏ) చీఫ్ వినోద్ రాయ్ సానుకూలంగా స్పందించారు. ఈ ఆచారం కొత్తేమీ కాదన్నారు. గతేడాది టీమిండియా కెప్టెన్ విరాట్ కోహ్లీతో విభేదాల కారణంగా పురుషుల జట్టు కోచ్, మాజీ స్పిన్ బౌలర్ అనిల్ కుంబ్లే రాజీనామా చేశారు. ఇప్పుడు తాజాగా మహిళల జట్టు టీ20 కెప్టెన్ హర్మన్‌ప్రీత్ కౌర్‌తో విభేదాల వల్ల కోచ్ తుషార్ అరోథె ఇంటికి వెళ్లిపోయారు. ఆయన ట్రైనింగ్ పద్ధతులు కౌర్‌కు నచ్చలేదట. సీఓఏ హయాంలోనే జాతీయ కోచ్ రాజీనామా చేయడం ఇది రెండోసారి. ఈ ఘటనలపై రాయ్ స్పందిస్తూ ‘గ్రేగ్ చాపెల్, సౌరవ్ గంగూలీలతో ఈ సంప్రదాయం మొదలైంది.

ఇది కొత్తేమీ కాదు’ అని అన్నారు. కుంబ్లే, అరోథె ఇద్దరూ బాగా పనిచేశారు. కానీ కొంత మంది ప్రభావిత ఆటగాళ్లు బయటికి పంపాలనుకోవడంతో వాళ్లు వెళ్లిపోయారు. కుంబ్లే, అరోథె సంఘటనల్లో కెప్టెన్లకు వాళ్ల వాళ్ల వాదనలున్నాయి. కానీ గంగూలీని గ్రెగ్ చాపెల్ కెప్టెన్సీని నుంచి తొలగించాడు. తర్వాత ఆటగాళ్ల విశ్వాసం కోల్పోయారంటూ చాపెల్ బలవంతంగా రాజీనామా చేయాల్పి వచ్చింది. 

గతేడాది వేసవిలో జరిగిన ఐసీసీ చాంపియన్స్ ట్రోఫీ ఫైనల్లో పాకిస్థాన్ చేతిలో టీమిండియా దారుణంగా ఓటమిలైంది. రెండ్రోజుల తర్వాత కోహ్లీ, కుంబ్లేల మధ్య విభేదాలు బయటపడ్డాయి. వాటి కారణంగానే కుంబ్లే రాజీనామా చేశాడు. టీమిండియాతో విభేదాలు ముఖ్యంగా కెప్టెన్ కోహ్లీతో చెడిన సంబధాల విషయంపై కుంబ్లే నోరు మెదపలేదు. కానీ అరోథె మాత్రం సీనియర్ ప్లేయర్స్ ప్రవర్తనపై ఆగ్రహం వ్యక్తం చేశారు. డయానా ఎడుల్జీ సభ్యురాలిగా ఉన్న సీఓఏతో అరొథె బహిరంగ వాదులాట అరోథె పదవికి చేటు తెచ్చింది. దీంతో టీమిండియా మాజీ ఆఫ్ స్పిన్నర్ రమేష్ పవార్‌ను మహిళల జట్టు తాత్కాలిక కోచ్‌గా నియమిస్తున్నట్టు రాయ్, ఎడుల్జీ సంయుక్తంగా ప్రకటించారు.

అంతేకాదు శాశ్వత కోచ్‌ను ఈ నెల 20లోగా నియమిస్తామని వారిద్దరు చెప్పారు. ఇదిలావుంటే క్రికెటర్ల డోప్ టెస్ట్‌పై బోర్డు నిర్ణయం తెలుసుకునేందుకు ఈ నెల 22న కోల్‌కతాలో బీసీసీఐ అధికారులతో టెక్నికల్ కమిటీ ఛైర్మన్ సౌరవ్ గంగూలీ సమావేశం కానున్నారు. క్రికెటర్లను నేషనల్ యాంటీ డోపింగ్ ఏజెన్సీ పరిధి కిందికి తేవాలని, ఓ ప్రైవేట్ ఏజెన్సీ ద్వారా వారికి డోప్ టెస్ట్ నిర్వహించాలన్న నాడా అభిప్రాయాన్ని బీసీసీఐ తోసిపుచ్చింది. బీసీసీఐ నాడా ఫిర్యాదు మేరకు ఐసీసీపై మరింత ఒత్తిడి తెచ్చేందుకు వరల్డ్ యాంటీ డోపింగ్ ఏజెన్సీ నేతృత్వంలో ఈ సమావేశం జరగనుంది. మరో అంశం కూడా ఈ సమావేశంలో చర్చకు రానుంది.

అదేంటంటే.. తమిళనాడు ప్రీమియర్ లీగ్ (టీఎన్‌పీఎల్)లో ఇతర రాష్ట్రాలకు చెందిన దేశవాళీ క్రికెటర్లు పాల్గొనడంపై కూడా చర్చించనున్నారు. సుప్రీం కోర్టు ఇటీవల ఇచ్చిన ఆదేశాలానుసారం 16 మంది ఇతన రాష్ట్రాలకు చెందిన ఆటగాళ్లను టీఎన్‌పీఎల్‌లో ఆడించొచ్చు. గత బీసీసీఐ ఎస్‌జీఎం చెల్లదని చెప్పిన సీఓఏ.. ఈ కోల్‌కతా సమావేశాన్ని ఆమోదిస్తుందో లేదో చూడాలి.



నేటి నుంచి ఇంగ్లాండ్‌తో వన్డే సమరం

Updated By ManamThu, 07/12/2018 - 00:30
  • నాటింగ్‌హామ్‌లో ఇవాళ తొలి మ్యాచ్

  • నాలుగోస్థానంలో బ్యాటింగ్‌కు కోహ్లీ!

  • సాయంత్రం 5 నుంచి సోనీ సిక్స్, సోనీ టెన్-3లలో ప్రత్యక్ష ప్రసారం

imageనాటింగ్‌హామ్: టీ20 సిరీస్ గెలుచుకున్న ఉత్సాహంతో ఉన్న టీమిండియా గురువారం నుంచి ఇంగ్లాండ్‌తో  ప్రారంభమయ్యే మూడు వన్డేల సిరీస్‌లోనూ విజయమే లక్ష్యంగా బరిలోకి దిగుతోంది. ఇంగ్లాండ్‌పై మరో సారి ఆధిపత్యం ప్రదర్శించి వచ్చే ఏడాది ఇదే సమయంలో జరిగే వన్డే ప్రపంచ కప్‌కు రిహార్సల్‌లా ఈ సిరీస్‌ను ఉపయోగించుకోవాలని ఉత్సాహంతో ఉంది.   టీ-20ల్లో ఇంగ్లాండ్‌ను 2-1 తేడాతో ఓడించి భారత్ ఈ సిరీస్‌కు సిద్ధమైతే.. ఆస్ట్రేలియాను  6-0 తేడాతో వన్డేల్లో చిత్తు చేసిన ఇయార్ మోర్గాన్ సేన కోహ్లీ సేనతో వన్డే పోరుకు సై అంటోంది.  అద్భుతమైన ఆటతో వన్డేల్లో టాప్ ర్యాంక్‌లో కొనసాగుతున్న ఇంగ్లాండ్ సేన దూకుడుకు బ్రేకులేయటం ఇండియాకు అంత సులువు కాకపోవచ్చు. బట్లర్, జాసన్ రాయ్, అలెక్స్ హేల్స్, జానీ బెయిర్‌స్టో, ఇయాన్ మోర్గాన్‌లకు తోడు బెన్‌స్టోక్‌లతో ఇంగ్లాండ్ బ్యాటింగ్ ఆర్డర్ పటిష్టంగా కనిపిస్తోంది. 2015 నుంచి ఇప్పటి వరకూ ఆడిన 69 వన్డేల్లో 46 మ్యాచ్‌లు గెలిచిన ఇంగ్లాండ్ భారత్‌కు సవాల్ విసురుతోంది.

వచ్చే ఏడాది జరిగే వన్డే ప్రపంచ కప్‌ను దృష్టిలో ఉంచుకుని ఈ సిరీస్‌లో పలు ప్రయోగాలు చేసేందుకు భారత్ సిద్ధమవుతోంది. ఓపెనర్ కె.ఎల్.రాహుల్ భీకరమైన ఫామ్‌లో ఉండటంతో కెప్టెన్ కోహ్లీని నాలుగో స్థానంలో బ్యాటింగ్‌కు పంపాలని టీమ్ మేనేజ్‌మెంట్ యోచిస్తోంది.  టాపార్డర్‌లో రాహుల్, ధావన్, రోహిత్‌శర్మలు బ్యాటింగ్ భారం మోస్తుండగా... సురేశ్‌రైనా, ధోనీతో పాటు ఆల్‌రౌండర్ హార్దిక్ పాండ్య మిడిలార్డర్‌లో ఇంగ్లాండ్ బౌలర్లను ఎదుర్కొనేందుకు రెడీ అయ్యారు. చాహల్, కుల్దీప్ యాదవ్‌లు ఇంగ్లాండ్ బ్యాట్స్‌మెన్‌కు భారత్ స్పిన్ పవరేమిటో చూపెట్టబోతున్నారు.వెన్నెముక గాయం తో ఉన్న భువనేశ్వర్ కుమార్ కోలుకుంటే ఉమేశ్‌యాదవ్‌తో కలసి కొత్త బంతిని పంచుకునే అవకాశముంది.



జూలై 9న పుట్టే టీమిండియా కెప్టెన్ ఎవరో..!

Updated By ManamMon, 07/09/2018 - 14:51

sehwag సోషల్ మీడియాలో ఎప్పుడూ యాక్టివ్‌గా ఉండే టీమిండియా మాజీ క్రికెటర్ వీరేంద్ర సెహ్వాగ్ తాజాగా ఆసక్తికర ట్వీట్‌ను చేశారు. జూలై 7న ఎంఎస్ ధోని, జూలై 8న సౌరవ్ గంగూలీ, జూలై 10న సునీల్ గవాస్కర్ జన్మించారని తెలిపిన సెహ్వాగ్.. వీరందరూ టీమిండియా కెప్టెన్‌లుగా పనిచేసినట్లు తెలిపారు.

కాగా ఈ వరుస నవంబర్‌లలో జూలై 9 మాత్రమే మిస్ అయ్యిందని, ఆ రోజున పుట్టిన ఎవరైనా భవిష్యత్‌లో భారత కెప్టెన్ అయ్యే అవకాశాలు ఉన్నాయేమో అంటూ ఆశాభావం వ్యక్తం చేశారు. చూడాలి మరి ఆ రోజున పుట్టిన ఎవరైనా భవిష్యత్‌లో టీమిండియా కెప్టెన్ అవుతారేమో..!



వేట మొదైలెంది..

Updated By ManamWed, 07/04/2018 - 22:13
  • ఇంగ్లండ్ టూర్‌లో కుల్దీప్ మా ఆయుధం: కోహ్లీ  

ఇంగ్లీష్ గడ్డపై ఇంగ్లండ్  జట్టును ఓడించటమే లక్ష్యంగా పెట్టుకున్న టీమిండియా విజయాల వేట మొదలుపెట్టింది. మూడు మ్యాచ్‌ల టీ20 సిరీస్ తొలి మ్యాచ్‌లోనే  యంగ్ ఇండియా ఇంగ్లండ్‌కు షాకిచ్చింది. బహ్మాండైవెున  ఫామ్‌లో ఉన్న ఇంగ్లండ్‌ను స్వదేశంలో  ఓడించటం అంత ఈజీ కాదన్న విశ్లేషకులు అంచనాలు తల్లకిందులు చేసింది. మణికట్టు మహివేుమిటో కుల్దీప్ ఇంగ్లీష్ బ్యాట్స్‌మన్‌కు రుచిచూపెడితే... భారత్ బ్యాటింగ్ పవరేమిటో సెంచరీతో చెలరేగిన రాహుల్ తడాఖా చూపెట్టాడు. బ్యాటింగ్, బౌలింగ్‌లో కలసికట్టుగా ఆడుతూ ఇదే ఉత్సాహంతో ఈ సిరీస్‌లో మిగతా మ్యాచ్‌ల్లోనూ చెలరేగిపోతే భారత్ లక్ష్యం చేరటం అంత కష్టమేమీ కాదు. 

image


మాంచెస్టర్:  ఇంగ్లండ్ పర్యటనలో భారత్ భలే ఆరంభం చేసింది.  కుర్రాళ్లు కుల్దీప్ యాదవ్24 పరుగులకు ఐదు వికెట్లు పడగొట్టి మాయ చేస్తే.. ఛేజింగ్‌లో రాహుల్ చెలరేగి సెంచరీ బాదేశాడు.  మ్యాచ్‌లో అద్భుత బౌలింగ్ ప్రదర్శన కనబర్చిన కుల్దీప్ యాదవ్ ‘మ్యాన్ ఆఫ్ ద మ్యాచ్’గా ఎంపికయ్యాడు. ఇంగ్లండ్‌లో తొలిసారి ఆడుతున్న కుల్దీప్ యాదవ్ బౌలింగ్ ధాటికి ఇంగ్లండ్ సీనియర్ బ్యాట్స్‌మెన్ సైతం విలవిలలాడారు. అందరి బౌలింగ్‌లోనూ స్వీప్, రివర్స్ స్వీప్‌లతో బౌండరీల మోత మోగించిన జోస్ బట్లర్.. కుల్దీప్ బౌలింగ్‌లో మాత్రం స్వీప్ షాట్ కొట్టేందుకు సాహసించలేకపోయాడు. ఆఖర్లో సిక్స్ కొట్టేందుకు ప్రయత్నించినా.. బంతి నేరుగా వెళ్లి కోహ్లి చేతుల్లో పడింది. ఈ ప్రదర్శనతో ఇంగ్లాండ్ పర్యటనలో భారత్ ప్రధాన ఆయుధం కుల్దీప్ యాదవ్ అని కెప్టెన్ కోహ్లి కితాబిచ్చాడు. 

‘ఏ పిచ్‌పై ఆడినా కుల్దీప్ యాదవ్ సమర్థవంతంగా బౌలింగ్ చేస్తాడు. ఇక పిచ్ నుంచి కొంచెం టర్న్ లభిస్తే అతడి బౌలింగ్ మరింత పదునెక్కుతుంది. ఆ సమయంలో కుల్దీప్ బంతుల్ని బ్యాట్స్‌మెన్ ఎదుర్కోవడం చాలా కష్టం. ప్రత్యర్థి బ్యాట్స్‌మెన్ ఆలోచనల్ని అతను సులువుగా చదవగలడు. ఈ పర్యటనలో అతనే భారత్ ప్రధాన ఆయుధం. తొలి టీ20లోనే బౌలింగ్, ఫీల్డింగ్, బ్యాటింగ్ విభాగాల్లో జట్టు రాణించడం సంతోషంగా ఉంది. ముఖ్యం గా.. యువ ఆటగాళ్లు జట్టు బాధ్యతలు పంచుకోవడంతో ఆ ఆనందాన్ని రెట్టిం పైంది’ అని విరాట్ కోహ్లి వెల్లడించాడు. 

టీ20ల్లో సరికొత్త రికార్డు 
ఈ మ్యాచ్‌లో ఐదు వికెట్లు దక్కించుకున్న కుల్దీప్ యాదవ్ టీ20ల్లో సరికొత్త రికార్డు నెలకొల్పాడు. ఓ ఎడమచేతి వాటం స్పిన్నర్ అంతర్జాతీయ టీ20ల్లో ఐదు వికెట్లు తీయడం ఇదే మొదటిసారి .

టీ20ల్లో నంబర్ వన్ వికెట్ కీపర్
ఇంగ్లండ్‌తో జరిగిన  తొలి టీ20లో  టీమిండియా  అయితే ఈ మ్యాచ్‌లో అద్భుతంగా కీపింగ్ చేసి భారత విజయంలో తనవంతు పాత్ర పోషించిన వికెట్ కీపర్  ధోని అరుదైన రికార్డు నెలకొల్పాడు. జో రూట్‌ను స్టంపౌట్ చేయడం ద్వారా టీ20ల్లో అత్యధిక స్టంపింగ్స్ చేసిన కీపర్‌గా ధోనీప్రపంచ రికార్డ్ సాధించాడు. పాకిస్థాన్ వికెట్ కీపర్ అక్మల్ పేరిట ఉన్న రికార్డును అధిగమించాడు. 14వ ఓవర్లో మూడో బంతికి ధోని అద్భుతంగా స్టంపింగ్ చేయడంతో జానీ బెయిర్‌స్టో (0) ఔటయ్యాడు. ఈ వికెట్‌తో కమ్రాన్ అక్మల్ (32 వికెట్లు) పేరిట ఉన్న స్టంపౌట్ల రికార్డును ధోని సమం చేశాడు. ఆ మరుసటి బంతికే జో రూట్‌ను ధోని స్టంపౌట్ చేసి పెవిలియన్ బాట పట్టించాడు. దీంతో టీ20ల్లో అత్యధిక స్టంపింగ్స్ (33) చేసిన వికెట్ కీపరగా ధోని నిలిచాడు. 

కోహ్లీ 2 వేలపరుగుల రికార్డు
టీమిండియా కెప్టెన్ విరాట్ కోహ్లి టీ20ల్లో అరుదైన ఘనతను సాధించాడు. మూడు టీ20ల సిరీస్‌లో భాగంగా మంగళవారం జరిగిన తొలి టీ20లో ఆతిథ్య ఇంగ్లండ్‌తో ఛేజింగ్‌లో భాగంగా 8 పరుగుల వ్యక్తిగత స్కోరు వద్ద భారత కెప్టెన్ 2000 పరుగుల మైలురాయిని చేరుకున్నాడు. అతి తక్కువ ఇన్నింగ్స్‌ల్లో(56) కోహ్లి ఈ రికార్డ్ నెలకొల్పాడు. ఈ మ్యాచ్‌లో కోహ్లి 22 బంతుల్లో 20 పరుగులు చేసి నౌటౌట్‌గా నిలిచాడు. కాగా, టీమిండియా తరఫున టీ20ల్లో 2000 పరుగుల మైలురాయిని చేరుకున్న తొలి క్రికెటర్ కోహ్లినే కావడం విశేషం. ఓవరాల్‌గా నలుగురు క్రికెటర్లు ఈ ఘనత సాధించారు.



అఫ్ఘానిస్థాన్‌కు తొలి ‘పరీక్ష’

Updated By ManamWed, 06/13/2018 - 22:34
  • బెంగళూరులో నేటి నుంచి టీమిండియాతో ఏకైక మ్యాచ్

imageబెంగళూరు: నిత్యం తుపాకీ గుళ్ల శబ్దాలతో, బాంబుల మోతలతో దద్దరిల్లే ఆఫ్ఘనిస్థాన్ క్రికెట్ చరిత్రలో శక్తివంతమైన అడుతు వేయబోతోంది. కెప్టెన్ అస్గర్ స్టానిక్‌జాయ్ నేతృత్వంలోని అఫ్ఘనిస్థాన్ జట్టు గురువారం టీమిండియాతో ఇక్కడ అరంగేట్ర టెస్టు ఆడబోతోంది. ఈ జట్టులోని ప్రతి సభ్యుడికి ఏదో ఒక లోటు ఉంది. ప్రత్యర్థి టీమిండియా సభ్యులతో పోలిస్తే ఆఫ్ఘనిస్థాన్ క్రికెటర్లు దారిద్య్రంతో కొట్టుమిట్టాడుతున్నారు. అయితే టెస్టు హోదా వచ్చిన రెండు దశాబ్దాలలోపే తమ జట్టు అత్యున్నత స్థాయికి చేరుకుంటుందని స్టానిక్‌జాయ్ ఆశాభావం వ్యక్తం చేశాడు. ‘ఎట్టకేలకు మా టెస్టు ప్రయాణం మొదలైంది. టెస్టు ర్యాంకింగ్స్‌లో అగ్రస్థానంలో నిలిచిన జట్టుతో తొలి మ్యాచ్ ఆడుతున్నందుకు గర్వంగా ఉంది. లభించిన ప్రతి అవకాశాన్ని సద్వినియోగం చేసుకునేందుకు ప్రయత్నిస్తాం. వ్యక్తగతంగా, సమష్టిగా మా ప్రతిభను ప్రదర్శిస్తాం’ అని స్టానిక్‌జాయ్ అన్నాడు. స్టానిక్‌జాయ్ 2009 నుంచి అఫ్ఘనిస్థాన్ జట్టుకు అంతర్జాతీయ వన్డేల్లో ఆడుతున్నాడు. పాకిస్థాన్‌లో తలదాచుకున్న శరణార్థుల నుంచి ఆఫ్ఘనిస్థాన్ జట్టు అభివృద్ధి చెందింది. ఆఫ్ఘనిస్థాన్‌లో 1980, 90 దశకాల్లో జరిగిన అల్లర్ల వల్ల అనేక కుటుంబాలు పాకిస్థాన్‌లో తలదాచుకున్నాయి. అయితే ఇప్పుడు అదే దేశంలో 19 ఏళ్ల రషీద్ ఖాన్ వంటి ప్రపంచ ప్రఖ్యాత బౌలర్‌ను తయారు చేసింది. ఈ టీనేజర్ మార్చిలో అత్యంత వేగంగా 100 అంతర్జాతీయ వికెట్లు తీసిన బౌలర్‌గా ఘనత సాధించాడు. ఈ ఏడాది ఐపీఎల్‌లో ఆఫ్ఘనిస్థాన్‌కు చెందిన అద్భుతమైన బౌలర్‌గా రషీద్ ఖాన్ పేరు తెచ్చుకున్నాడు. అంతేకాదు ప్రమాదకరమైన బౌలర్‌గా నిలిచాడు. ఈ ఏడాది ఐపీఎల్‌లో రన్నరప్‌గా నిలిచిన సన్‌రైజర్స్ హైదరాబాద్ జట్టులో రషీద్ 21 వికెట్లు తీశాడు. అతడిని సన్‌రైజర్స్ యాజమాన్యం 1.4 మిలియన్ల డాలర్లకు కొనుగోలు చేసింది.  ‘నా ఉద్దేశం ప్రకారం టీమిండియా కంటే మా జట్టులో ఉత్తమ స్పిన్నర్లు ఉన్నారు’ అని రషీద్, ముజీబ్ ఉర్ రహమాన్, మహ్మద్ నబీ, రహమత్ షా, జహీర్ ఖాన్‌లను దృష్టిలో పెట్టుకుని స్టానిక్‌జాయ్ అన్నాడు. 



ఆ లిస్ట్‌లో ఒకే ఒక్కడు కోహ్లీ

Updated By ManamWed, 06/06/2018 - 13:26

Kohli టీమిండియా కెప్టెన్ విరాట్ కోహ్లీ మరో అరుదైన ఘనతను దక్కించుకున్నారు. ప్రపంచంలో అత్యధిక పారితోషికం అందుకునే ఆటగాళ్ల జాబితాలో విరాట్ కోహ్లీ స్థానం సంపాదించుకున్నాడు. ఈ లిస్ట్‌లో భారత్ నుంచి ఉన్న ఒకే ఒక్క ఆటగాడు కోహ్లీ కావడం విశేషం. అమెరికాకు చెందిన బాక్సింగ్ ఛాంపియన్ ఫ్లాయిడ్ మేవెదర్ 28.5కోట్ల డాలర్లతో మొదటి స్థానంలో నిలవగా, 2.4కోట్ల డాలర్లతో కోహ్లీ 83వ స్థానాన్ని దక్కించుకున్నాడు. ఇక ఫుల్ బాల్ ప్లేయర్ లియోనెల్ మెస్సి రెండో స్థానంలో, మరో ఫుట్‌‌బాల్ ప్లేయర్ క్రిస్టియన్ రొనాల్డో  రెండు, మూడు స్థానాలను దక్కించుకున్నారు. 2017 జూన్ 1 నుంచి 2018 జూన్ 1 మధ్య క్రీడాకారులు పొందిన వేతనాలు, బోనస్‌లు తదితర ఆదాయ వివరాలను పరిగణలోకి తీసుకొని వీరి సంపాదనను లెక్కించారు.


 



డివిలియర్స్ రిటైర్మెంట్‌పై అనుష్క స్పందన

Updated By ManamThu, 05/24/2018 - 12:14

Anushka  దక్షిణాఫ్రికా ఆటగాడు ఏబీ డివిలియర్స్‌ అంతర్జాతీయ క్రికెట్‌కు బుధవారం రిటైర్మెంట్‌ ప్రకటించారు. దీంతో ప్రపంచవ్యాప్తంగా క్రికెటర్లతో పాటు ఆయన అభిమానులు షాక్‌కు గురయ్యారు. ఈ నేపథ్యంలో డివిలియర్స్ రిటైర్మెంట్‌పై టీమిండియా కెప్టెన్ కోహ్లీ భార్య, సినీ నటి అనుష్క శర్మ స్పందించారు.

‘‘జీవితంలో మన కోసం చేసే మంచి పనుల కంటే ఇతరులను ప్రభావితం చేసేలా పని చేయడం గొప్ప విషయం. నువ్వు రెండింటిని అద్భుతంగా నిర్వర్తించావు. నువ్వు, డేనియల్ ఎప్పుడూ సంతోషంగా జీవించాలని కోరుకుంటున్నా’’ అంటూ అనుష్క ట్వీట్ చేసింది. అయితే ఐపీఎల్‌లో‌ 2008-10 మధ్య దిల్లీ డేర్‌డెవిల్స్‌కు ప్రాతినిధ్యం వహించిన డివిలియన్స్ 2011 నుంచి రాయల్‌ ఛాలెంజర్స్ బెంగళూరు తరఫున ఆడుతున్న విషయం తెలిసిందే.
 

 


 





Related News