image

ఉక్కుపై వెనుకడుగు వెయ్యం

Updated By ManamMon, 06/18/2018 - 01:20
  • నాణ్యత పేరుతో కాలయాపన తగదు

  • కేంద్రం కాదన్నా ఏర్పాటు చేస్తాం.. బయ్యారం స్టీల్‌ప్లాంట్‌పై కేటీఆర్

  • అధికారులతో అధ్యయన కమిటీ.. కంపెనీ ఏర్పాటు సాధ్యాసాధ్యాలపై సమీక్ష

imageహైదరాబాద్: బయ్యారంలో స్టీల్ ప్లాంట్ ఏర్పాటుకు తెలంగాణ ప్రభుత్వం కట్టుబడి ఉన్నదని ఐటీ, పరిశ్రమల, మున్సిపల్ శాఖమంత్రి కల్వకుంట్ల తారక రామారావు తెలిపారు. ముఖ్యమంత్రి కేసీఆర్ గతంలో ఇచ్చిన హమీ మేరకు బయ్యారంలో ఉక్కు కంపెనీ ఏర్పా టుకు అనేక ప్రయత్నాలు జరుగుతున్నట్లు తెలిపారు. ఆదివారం బేగంపేట క్యాంపు కార్యాలయంలో ఇంధన, విద్యుత్‌శాఖమంత్రి జగదీశ్వర్‌రెడ్డితో కలిసి మంత్రి కేటీఆర్ వివిధ శాఖల ఉన్నతస్థాయి అధికారులతో సమీక్ష సమావేశం నిర్వహించారు. తెలంగాణ గనుల శాఖ,టీఎస్‌ఎండీసీ, సింగరేణి ఉన్నతాధికారులు హాజరైన ఈ సమావేశంలో పలు కీలక నిర్ణయాలు తీసుకున్నారు. బయ్యారంలో ప్లాంట్ ఏర్పాటుకు రాష్ట్ర ప్రభుత్వం కట్టుబడి ఉన్న నేపథ్యంలో నిర్మాణానికి అవసరవైున అధ్యయనం చేసేందుకు మైన్స్, టీఎస్‌ఎండీసీ, సింగరేణి అధికారులు, ఇంధన, పరిశ్రమల శాఖల ముఖ్య కార్యదర్శులతో ఒక కమిటీని ఏర్పాటు చేస్తున్నట్లు కేటీఆర్ తెలిపారు. ఈ కమిటీలో స్టీల్ ప్లాంట్ల ఏర్పాటులో అనుభవం ఉన్న కన్సల్టెంట్ కంపెనీతో పాటు, ఇతర శాఖల అధికారులు ఉంటారని మంత్రి తెలిపారు. కంపెనీ ఏర్పాటుకు పాటు కావాల్సిన భూమి,  అవసరమైన నీరు, బొగ్గు, విద్యుత్ వంటి కీలక మైన అంశాలపైన సవివరమైన నివేదికను ఈ కమిటీ నెల రోజుల్లో ఇస్తుందని చెప్పారు. కమిటీ నివేదిక ప్రకారం బయ్యారం స్టీల్ ప్లాంటు ఏర్పాటుపైన ముందుకు వెళ్తుందన్నారు. స్టీల్ ప్లాంటు ఏర్పాటుకు గతంలోనే ముఖ్యమంత్రి శాసన సభలో ఇచ్చిన హామీ మేరకే కమిటీని ఏర్పాటు చేస్తున్నట్లు మంత్రులు కేటీఆర్, జగదీశ్వర్‌రెడ్డి చెప్పారు.

బాధ్యతను విస్మరిస్తున్న కేంద్రం
 రాష్ట్ర పునర్విభజన చట్టంలో  పేర్కొన్న ప్రకారం స్టీల్ ప్లాంట్ ఏర్పాటు చేయాల్సిన  బాధ్యత కేంద్రం పైన ఉన్నదని, కానీ గత నాలుగు సంవత్సరాలుగా కేంద్ర సర్కార్ కాలయాపన చేస్తున్నది తప్ప ఎటువంటి నిర్ణయం తీసుకోలేదన్నారు. ప్రభుత్వం తరపున ఎన్నో సార్లు  కేంద్ర ప్రభుత్వానికి లేఖలు రాయడంతోపాటు నేరుగా పలుమార్లు సంబంధిత మంత్రులను కలిసి విన్నవించినా ఫలితం లేదని కేటీఆర్ తెలిపారు. 

నాణ్యత పేరుతో మెలికలు పెడుతున్నారు
బయ్యారంలో అందుబాటులో ఉన్న ఇనుము నాణ్యత పేరుతో ప్లాంటు ఏర్పాటుపై మెలిక పెడుతున్నారని, దశాబ్ధాల కిందటే ఎలాంటి ఇనుము నిక్షేపాలు, బొగ్గు లేని వైజాగ్ లో ప్లాంటు ఏర్పాటు చేశారని నాటి నుంచి నేటి వరకు అది విజయవంతంగా నడుస్తుందన్నారు. అదే విధంగా బయ్యారం ప్లాంట్ ఏర్పాటు అవసరవైున అన్ని విధాలుగా సహాయం చేసేందుకు తెలంగాణ ప్రభుత్వం సిద్ధంగా ఉన్నదని, ఇప్పటికే ఒడిషాలోని బైలాడిల్లా నుంచి ఇనుప ఖనిజం బయ్యారానికి తరలించేందుకు అవసరమైన రైలు మార్గ నిర్మాణంలో 50 శాతం రాష్ట్రం భరిస్తుందని కేంద్రానికి తెలిపామన్నారు. తెలంగాణ యువతకు పెద్ద ఎత్తున ఉద్యోగాలు వచ్చే ఈ ప్లాంటు ఏర్పాటు పైన రాష్ట్ర ప్రభుత్వం నిబద్దతతో ముందుకు పోతుందన్నారు. ఏవిధంగా చూసిన బయ్యారంలో ప్లాంటు ఏర్పాటుకు అనేక సానూకూలాంశాలున్నాయని, కావాల్సింది కేంద్ర ప్రభుత్వ సానూకూల నిర్ణయమని మంత్రులు అభిప్రాయపడ్డారు. ఇప్పటికీ కేంద్ర నిర్ణయం కోసం ప్రతి నిత్యం ఒత్తిడి తెస్తున్నట్లు వెల్లడించారు. బయ్యారం ప్లాంటు ఏర్పాటుకు కేంద్ర ప్రభుత్వం ముందుకు వచ్చినా, రాకున్నా ప్లాంటు ఏర్పాటుపైన రాష్ట్ర ప్రభుత్వం ముందుకే పోతుందని కేటీఆర్ స్పష్టం చేశారు.
 



అఫ్ఘానిస్థాన్ జట్టుకు మోడీ అభినందనలు

Updated By ManamFri, 06/15/2018 - 00:40

imageబెంగళూరు: భారత్‌తో తొలి టెస్టు మ్యాచ్ ఆడుతున్న అఫ్ఘానిస్థాన్ జట్టును భారత్ ప్రధాన మంత్రి నరేంద్ర మోడీ అభినందించారు. అఫ్ఘానిస్థాన్ మొదటి చారిత్రత్మాక  టెస్టు మ్యాచ్ భారత్‌తో ఆడటం గర్వంగా ఉందని, ఆ జట్టు ఆటగాళ్లు మ్యాచ్ గెలవాలనే ఆత్మవిశ్వాసంతో ఉన్నారని మోడీ చెప్పారు. ‘ అఫ్ఘాన్ జట్టు తొలి టెస్టు మ్యాచ్‌ని భారత్‌తో ఆడటం అఫ్ఘాన్‌కు మంచి అవకాశం  ప్రతిభావంతులైన యువ ఆటగాళ్లతో ఉన్న అఫ్ఘాన్ జట్టు తక్కువ కాల వ్యవధిలోనే జాతీయ జట్టుగా ఎదిగింది’ అని మోడీ పంపిన సందేశాన్ని క్రీడా శాఖ మంత్రి రాజ్యవర్థన్ రాథోడ్ చదివి వినిపించారు.  ఈ మ్యాచ్‌తో భారత్, అఫ్ఘాన్‌ల మధ్య స్నేహసంబంధాలు ఏర్పడతాయని మోడీ తెలిపారు. 

స్కోరుబోర్డు
భారత్ మొదటి ఇన్నింగ్స్:  మురళీ విజయ్ (ఎల్బీ) వఫాదర్ 105, శిఖర్‌ధావన్ (సి)మహ్మద్ నబి (బి)యామిన్ 107, రాహుల్ (బి) యామిన్ 54, పుజారా (సి) నబి (బి) ముజీబుర్ రెహ్మాన్ 35, రహానే(ఎల్బీ) రషీద్‌ఖాన్ 10, దినేశ్‌కార్తీక్ (రనౌట్) 4, హార్దిక్ పాండ్య (నాటౌట్)10, అశ్విన్ 7, ఎక్స్‌ట్రాలు: 15,  మొత్తం: 78 ఓవర్లలో 347/6. వికె ట్ల పతనం:1-168, 2- 280-, 3-284, 4-318, 5-328,6-334, బౌలింగ్: యా మిన్ అజవుదాయ్ 13-6-32-2, వఫాదర్ 15-4-53-1, నబి 8-0-45- 0, రషీద్‌ఖాన్ 26-2-120-1, ముజీబురె హ్మాన్ 14-1-69-1,స్టానిక్‌జాయ్ 2-0-16-0.



జనజీవనం అతలాకుతలం

Updated By ManamThu, 06/14/2018 - 23:23
  • పలు రాష్ట్రాల్లో వర్షాలు.. దుమ్ము తుపానులు.. కేరళలో నలుగురు మృతి.. పది మంది గల్లంతు

  • త్రిపురలో రోడ్డునపడ్డ 3,500 కుటుంబాలు.. అసోం, మిజోరంలో పలు రైళ్లు రద్దు.. భారీ వర్షాలు

  • దుమ్ము, ఇసుక తుపానుతో ఢిల్లీలో చీకట్లు.. యూపీలో 15 మంది మృతి, 28 మందికి గాయాలు

imphalన్యూఢిల్లీ: భారీ వర్షాలు, దుమ్ము తుపానులు కారణంగా దేశంలోని పలు రాష్ట్రాల్లో  జనజీవనం అతలాకుతలం అయ్యింది. దక్షిణాది రాష్ట్రం కేరళను వర్షాలు ముంచెత్తాయి. ఎడతెరపి లేకుండా కురిసిన వర్షాలకు కేరళలోని నదులు పొంగిపొర్లుతున్నాయి. కొండచరియలు విరిగిపడుతున్నాయి. కోజికోడ్ జిల్లాలోని కట్టిపారా గ్రామంలో గురువారం ఉదయం కొండచరియలు విరిగి పడి నలుగురు మరణించారు. పది మంది గల్లంతు అయ్యారు. కోజీ కోడ్, మాలాప్పురం, కానుర్, వాయానద్, కసార్‌గాడ్ జిల్లాలను వరదలు ముంచెత్తాయి. ఈ ప్రాంతాల్లోని రిజర్వాయుర్లలో నీటి నిల్వలు గరిష్ఠ పరిమితికి చేరుకున్నాయి.  భారీ వర్షాలు, వరదలకు పలు చోట్ల రహదారులు ధ్వంసమయ్యాయి. 

త్రిపురలో భారీ వర్షం..
భారీ వర్షాలకు త్రిపురలోని 3500 కుటుంబాలు రోడ్డున పడ్డాయి. గడిచిన 24 గంటలుగా రాష్ట్ర వ్యాప్తంగా ఎడతెరపి లేకుండా కురిసిన వర్షాలు గురువారం ఉదయం ఆగాయి. దక్షిణ త్రిపురలోని సాదర్ సబ్‌డివిజన్‌లో నీటి ముంపునకు గురైన 500 కుటుంబాలను అధికారులు సురక్షిత ప్రాంతాలకు తరలించారు. త్రిపుర రాజధాని అగర్తల గుండా ప్రవహించే హౌరా నది పొంగి పొర్లుతుంది. రాష్ట్రానికి కీలకమైన అసోం- అగర్తల జాతీయ రహదారిని కొన్ని గంటల పాటు మూసివేశారు. పెద్దమొత్తంలో పంట నష్టం వాటిల్లిందని అధికారులు తెలిపారు. పలు రైళ్లు రద్దయ్యాయి.

మణిపూర్, అసోంలో వరదలు
ఈశాన్య రాష్ట్రం మణిపూర్‌ను వరదలు ముంచెత్తాయి. గడిచిన 24 గంటల్లో ఇంపాల్ వ్యాలీలోని లోతట్టు ప్రాంతాలు వరద నీటి ముంపునకు గురయ్యాయి. ప్రభుత్వ కార్యాలయాలు, విద్యా సంస్థలకు అధికారులు గురువారం సెలవు ప్రకటించారు. వరదల కారణంగా అసోంలో పలు రైళ్లు రద్దయ్యాయి. దాదాపు లక్ష మంది ప్రజలు వరదల బారిన పడ్డారు. దిఫోలు నది ప్రమాద స్థాయిలో ప్రవహించడం వల్ల 37జాతీయ ప్రధాన రహదారి కొంత మేర మునిగిపోయింది. కజిరంగ నేషనల్ పార్క్‌లో నీరు నిలిచిపోయింది. గోల్‌ఘాట్, కబ్రి అంగ్‌లాంగ్ ఈస్ట్, కబ్రి అంగ్‌లాంగ్ వెస్ట్, బిస్వనాత్, కరీంగంజ్, హైలకండి ప్రాంతాలు ఎక్కువగా వరద బారిన పడ్డాయి. 

ఢిల్లీలో చీకట్లు...
దుమ్ము, ఇసుక తుపాన్లు వల్ల దేశ రాజధాని న్యూఢిల్లీతో పాటు నేషనల్ క్యాపిటల్ రీజియున్(ఎన్‌సీఆర్) ప్రాంతాల్లో చీకట్లు కమ్ముకున్నాయి. ఢిల్లీలోని గాలి నాణ్యత నాలుగు రోజులుగా ప్రమాదకర స్థాయిలో ఉంది. మరో నాలుగు రోజులు పాటు ఇదే పరిస్థితి కొనసాగే అవకాశం ఉందని అధికారులు ప్రకటించారు. రాజస్థాన్‌లో ఇసుక, దుమ్ము తుపానులు కారణంగా ఢిల్లీలోని గాలిలో దుమ్ము, దూళీ కణాలు అధికమయ్యాయని అధికారులు చెప్పారు. 

ఉత్తరప్రదేశ్‌లో 15 మంది మృతి..
దుమ్ము, ఇసుక తుపానుల కారణంగా ఉత్తరప్రదేశ్‌లోని పలు ప్రాంతాల్లో 15 మంది మరణించారు. 28 మంది గాయపడ్డారు. సితాపూర్ ప్రాంతంలో ఆరుగురు మరణించారు. గొండా, కౌషాంబిలో ముగ్గురు చొప్పున మరణించగా, ఫజియాబాద్, హర్దోయి, చిత్రాకుట్ ప్రాంతాల్లో ఒక్కొక్కరు ప్రాణాలు కోల్పోయారు.  దుమ్ము తుపాను ప్రభావం రాజస్థాన్, పంజాబ్ రాష్ట్రాల్లోని కొన్ని ప్రాంతాలపై కూడా పడింది.చంఢీగడ్ విమానశ్రాయంలో విమాన రాకపోకలు నిలిచిపోయాయి.



నియామకాల్లో ఏడవ స్థానంలో భారత్ 

Updated By ManamTue, 06/12/2018 - 22:50

imageన్యూఢిల్లీ: భారతీయ కంపెనీలు ప్రపంచంలో అత్యంత ఆశావహ యాజమాన్యాలలో ఏడవ స్థానంలో ఉన్నాయి. వచ్చే మూడు నెలల్లో నియామకాల పథకాలపై అవి 17 శాతం ‘బుల్లిష్’గా ఉన్నాయని ఒక సర్వేలో వెల్లడైంది. ఈ ఏడాది జూలై-సెప్టెంబర్ మధ్య నిర్వహించిన మ్యాన్‌పవర్ గ్రూప్ ఎంప్లాయ్‌మెంట్ ఔట్‌లుక్ సర్వేలో భారతదేశం 5,110 కంపెనీలు పాల్గొన్నాయి. కడచిన త్రైమాసికంతో పోలిస్తే కంపెనీల ఉద్యోగుల సంఖ్య, వారికి చెల్లించే జీతభత్యాలు స్థిరంగా ఉంటాయని తేలింది. సిబ్బందిని సమకూర్చి పెట్టడంలో పేరెన్నికగన్న ఈ సంస్థ 44 దేశాలు, ప్రాంతాలలో దాదాపు 60,000 యాజమాన్యాలను ఇంటర్వ్యూ చేసింది. జపాన్, క్రోషియా, హంగరీ, తైవాన్‌ల నుంచి అత్యంత ఆశావాద అంచనాలు, ఇటలీ, పనామా, స్పెయిన్‌ల నుంచి బలహీనమైనవి వచ్చాయని సర్వేలో తేలింది. ఆ సంస్థ సర్వే ఫలితాలను మంగళవారం వెల్లడించింది. భారత్‌లో నియామకాల అవకాశాలు గత త్రైమాసికంతో పోలిస్తే 1 శాతం, ఏడాది క్రితం ఇదే కాలంతో పోలిస్తే 2 శాతం మెరుగుపడ్డాయని వెల్లడైంది.‘‘ప్రభుత్వం చేపడుతున్న  కొత్త కార్యక్రమాలకి, స్టార్టప్‌ల పట్ల ఇన్వెస్టర్లు కనబరుస్తున్న ఆసక్తి కూడా తోడవడంతో కొన్ని రంగాలలో వృద్ధికి బాటలుపడుతున్నాయి. వేగంగా రూపుదిద్దుకుంటున్న వ్యాపార వాతావరణ గతిశీలత దృష్ట్యా, సంప్రదాయసిద్ధమైన సిబ్బందికి బదులుగా, కాంట్రాక్టుపై సిబ్బందిని తీసుకోవడం ప్రాధాన్యత సంతరించుకుంది’’ అని మ్యాన్‌పవర్ గ్రూప్ గ్రూప్ మేనేజింగ్ డైరెక్టర్ ఏ.జి.రావు చెప్పారు. 

రంగాలవారీగా చూస్తే, టోకు, రిటైల్ వర్తకం, సేవల రంగాల్లో ఉద్యోగావకాశాలు బలంగా ఉన్నాయి. ఈ రెండు రంగాలు కూడా నికరంగా 20 శాతం నియామకాల అవకాశాలను కనబరచాయి. ‘‘భారతదేశ ఆర్థిక వృద్ధికి కీలక చోదక శక్తిగా ఉన్న సేవలు, భారతదేశంలో ప్రాబల్యం వహిస్తున్న రంగంగా ఉన్నాయి. అవి విదేశీ పెట్టుబడులను ఆకర్షిస్తున్నాయి. ఎగుమతులకు గణనీయంగా తోడ్పడుతున్నాయి. ఫలితంగా, భారీ సంఖ్యలో ఉద్యోగావకాశాలను కల్పిస్తున్నాయి’’ అని రావు అన్నారు. రానున్న త్రైమాసికంలో మొత్తం నాలుగు ప్రాంతాల్లోనూ సిబ్బంది సంఖ్య పెరగనుంది. ఉత్తర, దక్షిణ ప్రాంతాలు అత్యధికంగా 18 శాతం అవకాశాలు కనబరచాయి. దక్షిణాది సమాచార సాంకేతిక పరిజ్ఞాన కేంద్రంగా ఉండగా, ఉత్తరాది ప్రతిభావంతుల కేంద్రంగా ఉంది. ‘‘భారతదేశంలో 2018లో ఉద్యోగావకాశాలు కల్పించే ప్రధాన ధోరణులలో భిన్నత్వం, ఆటోవేుటెడ్ రిక్రూట్‌మెంట్, వర్చ్యువల్ రియాలిటీ, కార్యాలయాలకు దూరంగా ఉండి కూడా పనిచేసే అవకాశం వంటివి ఉన్నాయి. సరైన ప్రతిభావంతులను ఆకర్షించడం కోసం మానవ వనరుల (హెచ్.ఆర్) పరిశ్రమ కూడా మార్కెటింగ్ వైఖరి వైపు మొగ్గు చూపుతోంది’’ అని రావు చెప్పారు. 



అడిగినంతిస్తే కోరుకున్న సీటు

Updated By ManamSat, 06/02/2018 - 00:46
  • ఒక్కో సీటుకు రూ. 5 నుంచి 12 లక్షల దాకా వసూలు.. ఇంజనీరింగ్ కాలేజీల సీట్ల దందా

  • గతేడాది నోటిఫికేషన్ లేకుండానే..  బి కేటగిరీ సీట్లు

  • ప్రస్తుతం అదే స్థాయిలో దందాకు తేరలేపిన ఓ కళాశాల యాజమాన్యం

  • హైదరాబాద్ హిమాయత్‌నగర్‌లో కార్యాలయం ప్రారంభం

imageహైదరాబాద్: తెలంగాణ రాష్ట్రంలో టాప్ ఇంజనీరింగ్ కాలేజీలు అక్రమ సీట్ల దందాకు తేర లేపాయి. ఎన్‌ఆర్‌ఎఐ మేనేజ్‌మెంట్ ‘బి’ కేటగిరీ సీట్ల భర్తీకి నోటిఫికేషన్ ఇవ్వకుండానే సీట్ల అమ్మకానికి తేర లేపారు. కాలేజీని బట్టి సీటుకు  రూ.5లక్షల నుంచి రూ.12 లక్షల వరకు వసూలు చేస్తున్నారు. ఈ మేనేజ్‌మెంట్ సీట్ల దందాతో మెరిట్ విద్యార్థులు తీవ్రంగా నష్టపోతున్నారు. ఫిబ్రవరి నెలలోనే సీట్లను ముందస్తుగా బుకింగ్ చేసుకునే వెసులు బాటును ప్రైవేటు కాలేజీల యాజమాన్యాలు విద్యార్థుల తల్లిదండ్రులకు కల్పించాయి. చాలా డిమాండ్ ఉన్న కంప్యూటర్ సైన్స్ కోర్సులను బహిరంగంగా తల్లిదండ్రుల నుంచి పెద్ద ఎత్తున బుకింగ్ చేసుకున్నారు. ఎంసెట్, జేఈఈ వంటి ఎంట్రన్స్ ఫలితాలు రాకముందే టాప్ కాలేజీలు ఈ అక్రమ దందాను యథేచ్చగా కొనసాగిస్తున్నాయి. ప్రైవేటుగా నగరం మధ్యలో బ్రాంచ్ కార్యాలయాన్ని ఒపెన్ చేసి.. సీటుకు ఓ రేట్ ఫిక్స్ చేసి ఏలాంటి కౌన్సిలింగ్ లేకుండా అడ్మిషన్‌ను కల్పిస్తున్నారు. విద్యాశాఖ నిబంధనలను మెరిట్‌ను పక్కనబెట్టి ఎక్కువ డబ్బు మూటలతో వచ్చేవారికి కావాల్సిన కోర్సులో సీటు ఇస్తున్నారు. దీనిపై పలు విద్యార్థి సంఘాలు ఉన్నత విద్యామండలికి ఫిర్యాదు చేసినా ఏలాంటి స్పందన లేదు.

ఆర్టీఐ పెట్టినా ఫలితం శూన్యం..
దీంతో కొంతమంది విద్యార్థి సంఘాల నాయకులు గతేడాది 2017-18 విద్యా సంవత్సరానికి సంబంధించి ఇబ్రహీంపట్నం పరిధిలోని ఇంజనీరింగ్ కాలేజీల మేనేజ్‌మెంట్ సీట్ల భర్తీ వివరాలను ఇవ్వాలని ఉస్మానియా యూనివర్సిటీకి విద్యార్థి నాయకుడు పసుపుల విజయ్‌కుమార్ మాదిగ, ప్రవీణ్‌కుమార్ గత డిసెంబర్ నెలలో సమాచార హక్కు చట్టం కింద దరఖాస్తు చేశారు. దీనికి సంబంధించి టాప్ ఇంజనీరింగ్ కళాశాలలు ‘బి’ కేటగిరిలో అడ్మిషన్లు పొందిన విద్యార్థి మార్కులు, ర్యాంకుల వివరాలను ఆర్టీఐ ద్వారా సంపాదించారు. ఆ వివరాలను పరిశీలిస్తే.. నిర్ఘా ంతపోయే నిజాలు బయటకు వచ్చాయి. ఏలాంటి ఎంసెట్, జేఈఈ ప్రవేశ పరీక్షల్లో ఉత్తీర్ణత సాధించని ఎంతో మంది విద్యార్థులకు అడ్మిషన్లను కల్పించారు. ఈ వివరాలు వచ్చిన అనంతరం సదరు విద్యార్థి నాయకుడు మరికొన్ని కాలేజీల్లోని ప్రవేశాల వివరాలను ఇవ్వాల్సిందిగా.. ఉన్నత విద్యామండలిని కోరారు. దీనికి బదులుగా ఉన్నత విద్యామండలి సంబంధిత కళాశాలలో సమాచారం తీసుకోవాల్సిందిగా ఫిర్యాదు దారుడికి లేఖ రూపంలో సమాచారం ఇచ్చారు. ఆ లెటర్‌ను ఆధారంగా చేసుకుని ఇంజనీరింగ్ కాలేజీల్లో ప్రవేశాల ప్రక్రియపై ఆయా కాలేజీలకు దరఖాస్తు చేశారు. కానీ సదరు యాజమాన్యాలు సమాచార హక్కు చట్టం దరఖాస్తులను చెత్తబుట్టలకే పరిమితం చేశాయి.

దరఖాస్తులో ఆర్టీఐ కింద అడిగిన వివరాలు..
ఇంజనీరింగ్ అడ్మిషన్స్ ఆఫ్‌లైన్, ఆన్‌లైన్ ప్రక్రియను ఎప్పుడు ప్రారంభించారు? ఎప్పుడు ముగించారు?.
కాలేజీ యాజమాన్యం నోటిఫికేషన్ ఇచ్చిన తేదీ నుంచి దరఖాస్తు చేసుకున్న విద్యార్థుల వివరాలను బ్యాంక్ చలానాతో సహ ఇవ్వాలి. ఎంతమంది ఆఫ్‌లైన్, ఆన్‌లైన్‌లో దరఖాస్తు చేశారు? వీటి డీడీ కాపీలు, ఎకనాలెడ్జ్‌మెంట్‌తో సహ ఇవ్వాలి. ఇంటర్నల్ స్లైండిగ్ ఎప్పుడు చేశారు? నోటిఫికేషన్ వివరాలు, ఆప్లికేషన్ వివరాలు ఇవ్వాలని కోరారు.  పై సంబంధిత సమాచారాన్ని సమాచార హక్కు చట్టం కింద తెలపాలని కోరుతూ నాలుగు నెలల క్రితం సంబంధిత కాలేజీకి రిజిష్టర్ పోస్టు ద్వారా పంపారు. స్పందన లేకపోవడంతో మరోసారి నేరుగా కాలేజీ యాజమాన్యానికి అందించారు. సహచట్టం ప్రకారం నెలలోపు అడిగిన సమాచారం ఇవ్వాలి కానీ కాలేజీలు నేటి వరకు ఎలాంటి సమాచారం ఇవ్వలేదు. 

ఈ యేడూ అదే తంతు..
గతేడాది ఇష్టారాజ్యంగా ఎన్‌ఆర్‌ఐ బి కేటగిరి సీట్లను నింపుకున్నట్టే.. ఈ యేడు అదే అక్రమ దందాకు తేరలేపారు. ‘బి’ కేటగిరీ సీట్లను నోటిఫికేషన్ ఇవ్వకుండానే సీట్లను అమ్ముకుంటున్నారు. ఒక్కో సీటును కనిష్టంగా రూ.5 లక్షల నుంచి రూ.20 లక్షల వరకు అమ్ముకుంటున్నారంటే.. పరిస్థితి ఏలా ఉందో అర్థం చేసుకోవచ్చు.

హిమాయత్‌నగర్‌లో కాలేజీ కార్యాలయం..
ఇబ్రహీంపట్నం పరిధిలోని ఓ ప్రముఖ ఇంజనీరింగ్ కళాశాల యాజమాన్యాం ఎప్పటిలాగే ఈ సంవత్సరమూ హిమాయత్‌నగర్ పరిధిలో కాలేజీకి సంబంధించి కార్యాలయాన్ని నిర్వహిస్తున్నారు. ఇలా నిర్వహించడం నిబంధనలకు విరుద్ధం. బీ కేటగిరీ సీట్లను భర్తీ చేయాలంటే.. ఆయా కాలేజీలు నోటిఫికేషన్‌ను విడుదల చేయాలి. ఉన్నత విద్యామండలి పేర్కొన్న నిబంధనల ప్రకారం.. మేనేజ్‌మెంట్ కోటాలోనూ మార్కులు, ప్రతిభ ఆధారంగా సీట్లను భర్తీ చేయాల్సి ఉంటుంది. కానీ సదరు కాలేజీ నోటిఫికేషన్ లేకుండా, ర్యాంకులు రానివారికి సైతం ‘బి’ కేటగిరీ సీట్లను లక్షలకు అమ్ముకుంటున్నారు. గతేడాది ఈ కాలేజీలో నోటిఫికేషన్ లేకుండానే ఎన్‌ఆర్‌ఐ ‘బీ’ కేటగిరీ సీట్లను భర్తీ చేశారు. ఇందులో ఏ ఒక్కరూ కూడా ఎంసెట్‌లో గానీ జేఈఈలో గానీ ఉత్తీర్ణత సాధించకపోవడం గమనార్హం. కనీసం ఇంటర్‌లోనూ అతె్తసరు మార్కులు వచ్చినా.. దాదాపు రూ.15 లక్షలు తీసుకుని సీటు ఇచ్చినట్టు ఆధారాలు సైతం ఉన్నాయి.



హైదరాబాదీ విస్మృత యోధుడు తుర్రెబాజ్‌ఖాన్

Updated By ManamFri, 05/04/2018 - 01:57

imageఅచ్చమైన  హైదరాబాదీ  అమరవీరుడు తుర్రె బాజ్ పోరుబాటను తేటతెలుగులో తొలిసారిగా ప్రదర్శించారు. తెలంగాణ రాజధాని నడిబొడ్డున గల కోఠిని కోట్లమంది ఎరికపట్టినా కొద్దిమందికి గీడ కొంచమైనా తెలియని చరిత్రను కళ్లముందు కదలాడించారు. హైదరాబాదీల ఎకసెక్కాలలో తరచుగా వినిపించే మాటా నువ్వేమైనా  తురుంఖాన్ వారా... అని  తెలిసితెలియకనే  1857 నాటి అమరుడిని తలచుకునే  వీరత్వం వేదికపై చూపించారు.. 1853 ప్రాంతంలో సకలసంపదలతో స్వేచ్ఛ స్వాతంత్య్రాలతో విలసిల్లిన రాయచూర్, ఉస్మానాబాద్‌లను  తమ అధీనంలోకి  గుంజుకున్న తెల్లదొరల పాలనపై విరుచుకుపడ్డ వేల మందిలో కొందరిని కూడగట్టిన తుర్రెబాజ్ జీవితాన్ని చూపరుల మనసులకు కలకాలం హత్తుకునేలా ప్రదర్శించారు.

ఇతివృత్తం...
1857లో సిపాయిల తిరుగుబాటుగా భారతీయుల ఆత్మగౌరవ పోరాట దీప్తి ఎల్లెడలా ప్రభావితం చేస్తున్నకాలంలో,  నైజాం రాజ్యంలో తిరుగుబాటును ప్రచారంలోకి  రాకుండా చేసారు. సరిగ్గా 1857 జూన్  17న   ఇప్పటికాలంలో అందరికీ తెలిసిన కోఠి ఉమెన్స్ కాలేజీలో, అప్పట్లోని  బ్రిటీష్ రాచరిక ప్రతినిధి రెసిడెన్సీపై 6000మంది తిరుగుబాటుదారులు, వారిలో 600 మంది తుపాకులు చేతపట్టుకుని,  సాయంత్రం చీకట్లు కమ్ముకున్నవేళ  ఒక్కపెట్టున దాడిచేసి తెల్లవారిని భయభ్రాంతుల్ని చేసి కలవరపెట్టారు. నిజాం నవాబుగా అఫ్జల్ ఉధ్దౌలా పాలనలో బ్రిటన్ రాచరికంలో, రక్షణ ఒప్పందంతో కప్పం కడుతున్న మెతకవైఖరిపై నాటి  పౌరులు కోపంతో రగిలిపోయారు. అలాంటి వారినందరిని కూడగట్టి అచ్చమైన  స్వాతంత్య్ర పోరాటంతో ముందుకురికిన హైదరాబాదీ సమరసింహం తుర్రబాజ్ ఖాన్ ఆ తిరుగుబాటుకు నాయకత్వం వహించాడు. ఆలాంటి వీరుల్లో జమేదార్ చీడాఖాన్‌ను  పట్టుకుని, కోఠి రెసిడెన్సీలో బందీగా చేశారన్న సమాచారం తెలుసుకుని, గెరిల్లా దాడి వ్యూహంతో తుర్రెబాజ్‌తో పాటు, అతడి గురువు మౌల్వీ అల్లాఉద్దీన్‌లు బ్రిటీష్ సైనికులను తమ తుపాకిగుళ్లతో తత్తరబిత్తర చేశారు. కులాసాగా విందువినోదాలతో ఏమరపాటుగా ఉన్నవారిపై విరుచుకుపడటంతో  రెసిడెన్సీ దిమ్మెరపోయింది. చకచక తేరుకున్న రాజప్రతినిధి తమ ఆశ్వికదళంలో ప్రత్యేకశిక్షణ పొందిన మెరికల్లాంటి, మద్రాస్ రెజిమెంట్‌కు ప్రత్యేకాయుధాలిచ్చి హోరాహోరీగా రక్షణ చర్యలు చేపట్టారు. తుర్రెబాజ్‌ఖాన్ కు మద్దతుగా రెసిడెన్సీకి ఎదురుగా గల తమ భవనాలను ఖాళీచేసి తిరుగుబాటుకు రహస్య స్థావరాలుగా అబ్బాస్ సాహెబ్, జై గోపాల్ దాస్‌లు సహకరించారు. ఆరున్నర కు మొదలైన తిరుగుబాటు దాడి తెలతెలవారే దాకా భీకరంగా సాగింది. ఇప్పటి ఉమెన్స్‌కాలేజ్ దగ్గరలోని ఇసామియా బజార్, సుల్తాన్‌బజార్, కోఠి, పుత్లిబౌలి ప్రాంతాలలో తుపాకులమోత, మందుగుండు పేలుళ్లతో నగరం అంతా దద్దరిల్లింది. ప్రజలంతా బిక్కుబిక్కుమంటూ రాత్రంతా గడిపారు. కొందరూ చనిపోగా అసలు సిసలు నాయకుడు తుర్రెబాజ్ ఖాన్ ఉనికి తెలియకుండాపోయింది. ఎవరెవరికి దాడితో సంబంధం ఉందో ఆరా తీయటంలో బ్రిటన్ ప్రభుత్వం హుటాహుటిన దర్యాప్తు చేపట్టింది. నైజాం బలగం సహకరించింది. 5రోజులలోనే మొత్తంగా నగర పరిసరాల్ని జల్లెడపట్టి తుర్రెబాజ్‌తో సహా వందలాది మందిని బందీలుగా పట్టుకున్నారు... హైదరాబాద్ కోర్టులో విచారణ సవుయంలో తుర్రెబాజ్ తప్పించుకుని అజ్ఞాత వాసంలోకి వెళ్ళాడు. బేగంబజార్‌లోని అతని నివాసం నుంచి జరిగిన కుట్ర వివరాలు బ్రిటీష్ సైన్యానికి తెలిసిపోయింది. ప్రభుత్వం 5000 రూపాయలను సమాచారం తెలిపిన వారికి  బహుమతి ప్రకటించింది. తూఫ్రాన్ అడవుల్లో తలదాచుకున్న తుర్రెబాజ్ ఖాన్ ని వెంటాడి వెంటాడి అప్పటి తాలూక్‌దార్ మీర్జాకుర్బాన్ ఆలీబేగ్ పట్టుకున్నాడు.  లోతైన దర్యాప్తు జరుగుతున్న సమయంలోనే  ఈ కాలం ఎన్‌కౌంటర్‌ల తరహాలో  తుర్రెబాజ్ ని మట్టుబెట్టారు. తెల్లారేసరికల్లా  ఆ శవాన్ని గొలుసులతో కట్టి రెసిడెన్సీ ముందు గేటుకు వేలాడదీసారు. జనం అంతా చూసి హడలిపోయేలా భయానక వాతావరణం సృష్టించారు.  ఆ వెంటనే నిజాం రాజు మెప్పు పొందటానికి బ్రిటీష్ ప్రభువు ‘స్టార్ ఆఫ్ ఇండియా’ బిరుదు సత్కారంతో పాటు, గతంలో గుంజుకున్న ఉస్మానాబాద్ పరిసర ప్రాంతాలను తిరిగి నిజాం రాజుకు అప్పగించి, బకాయిపడ్డ  55లక్షల కప్పం మాఫీ చేసారు. 1857లో జరిగిన తిరుగుబాటులలో ముఖ్యమైందిగా చరిత్రలో చోటు చేసుకోవాల్సిన ఆ వీరుల పోరు, ఎక్కడా నమోదు కాకుండా నాటి పాలకులు కుట్రపూరిత చర్యలు చేపట్టారు. దేశం అంతా స్వేచ్ఛా స్వాతంత్య్రాలను గుండెలనిండా ఆస్వాదిస్తున్న వేళ కూడా, తుర్రెబాజ్ పేరు తెలియకుండానే కాలం గడిచిపోయింది. చరిత్ర తెలిసిన కొందరు కోఠీలో అమరవీరుల స్థూపం నెలకొల్పారు... ఆ వీధికి అమరుల నివాళిగా తుర్రెబాజ్ ఖాన్ పేరు పెట్టారు. 70ఏళ్లుగా ఆ చరిత్ర తెలిసివచ్చినా హైదరాబాదీలలో వందలమందికి మాత్రమే ఆ ఎరిక పరిమితమైంది. మరుగున పడిన చరిత్ర వెలికి తెస్తున్న ప్రయత్నాలలో భాగంగా నాటకం కూడా వెలువడింది.

హైదరాబాదీ  రంగస్థలికి ఘనకీర్తి...
   ఏడాదిక్రితం ఉర్దూ, ఇంగ్లీషు బాషలలోని ప్రదర్శించిన తుర్రెబాజ్ ఖాన్ నాటకం, తెలుగులో కూడా ప్రదర్శించారు. పద్మశ్రీ పురస్కారాన్ని పిన్న వయసులోనే పొందిన మహమ్మద్ ఆలీ బేగ్ ఈ నాటకానికి రచనా, దర్శకత్వం వహించారు. అంతర్జాతీయ రంగస్థల రాజధానిగా పేరెన్నికగన్న ఎడింబరో నాటకోత్సవాలలో పలుదేశాల నాటకాల మధ్య తెలంగాణ నాటకం వికసించింది. తెలుగు యూనివర్సిటీ రంగస్థల విభాగం అధిపతి అనువాదంతో మహమ్మద్ ఆలీ బేగ్ మొట్టమెదటిసారిగా  తెలుగులో ప్రదర్శనకు సన్నద్ధం అయ్యారు. తుర్రెబాజ్ ఖాన్ గా మేకా రామకృష్ణ  అభినయించగా, అతడిని వేటాడి వేటాడి బందీగా పట్టుకున్న నైజాం అధికారి ఖుర్భాన్ ఆలీగా విజయ్ ప్రసాద్ నటన శిఖరాయమానంగా జేజేలు అందుకొంది. దర్శకుడు మహమ్మద్ ఆలీ బేగ్ అర్ధాంగి నూర్, హైదరాబాదీ రంగస్థల తారగా పేరెన్నికగన్న పవన్ సింగ్ లు ప్రమాణికమైన నాటక ప్రదర్శనకు నిర్వచనం చెప్పినట్టుగా చూపించారు. ఒక  ఉద్యమవీరుడి దేశభక్తిని ప్రదర్శన ద్వారా కళ్ళకు కట్టినట్టు చూపించారు. 

ప్రశంసల జడివాన...
తెలంగాణ ఉద్యమవాదులతో సహా  ఈ తరం వారికి తెలియని చరిత్ర పై ఈ నాటకం రావటంతో పలువురు  ప్రముఖులు అభినందనలతో ముంచెత్తారు. తెలంగాణ శాసన మండలి అధ్యక్షుడు కె.స్వామి గౌడ్ . ప్రభుత్వసలహాదారు డాక్టర్ కె.వి.రమణ, భాషా సాంస్కృతిక సంచాలకుడు మామిడి హరికృష్ణ, ఆర్.శైలేష్ రెడ్డి, సీనియర్ ప్రయోక్త బీ.ఎన్ యాదగిరి, బీజేపీ శాసనసభ పక్ష నాయకుడు జి.కిషన్‌రెడ్డి లతో పాటు పలువురు నాటక అభిమానులు తిలకించారు. తెలంగాణలో తెలుగునాటకాల వికాసంలో సరికొత్త సృజన వేదికలెక్కుతోంది. పాతపునాదుల నుంచి అధునాతన నిర్మాణాలు ఆకాశపు అంచులు తాకుతున్నట్టుగా,  విద్యావంతులైన కళాకారులు తమ  పూర్వీకుల అడుగుజాడలు అందుకుని చురుకైన నడకలతో వర్తమాన నాటకాలకు  వెలుగులు తెస్తున్నారు. తెలంగాణ  థియేటర్ రీసెర్చి సెంటర్ పేరిట రెండేళ్ల క్రితం ఏర్పాటైన ఔత్సాహిక సంస్థ చేపట్టిన అధ్యయనంతో, తెలంగాణలో మారుమూల పల్లెల నుంచి రాజధాని నగ రందాకా మరుగునపడ్డ నాటకచరిత్ర రంగురంగుల వైభవం కళకళలాడుతూ ప్రేక్షకుల ముందుకు వస్తోంది...తాజాగా నవ్య నాటకోత్సవాలు 2018 ఏప్రిల్ 25, 26, 27 తేదీలలో, సరికొత్త రంగస్థల ప్రక్రియలను రవీంద్రభారతి వేదిక పై చవిచూపించారు.



‘మీకు మీరే దీపంగా జీవించండి’ 

Updated By ManamSun, 04/29/2018 - 00:54

imageబుద్ధుని కాలానికి భారతీయ సమాజం బానిస వ్యవస్థ నుంచి రాచరిక వ్యవస్థలోకి మారుతూ ఉంది. బానిస వ్యవస్థలో ఉండే కట్టు బానిసత్వం-ఇక్కడ రాచరిక వ్యవస్థలో ‘కుల బానిసత్వం’గా రూపుదాల్చింది. రుగ్వేద ఆర్యులది (క్రీ.పూ. 2000-1200) గణతంత్ర వ్యవస్థే. యజు ర్వేదకాలానికి (క్రీ.పూ.1200-క్రీ.పూ.800) అది రాచరిక వ్యవస్థగా మారడానికి ప్రయత్నిస్తోంది. యజుర్వేద కాలం చివరినాటికి రాచరిక రూపు తీసుకుంది. దానితోపాటే రుగ్వేద కాలంలోని వర్గ వ్యవస్థ యజుర్వేదకాలంతానికి కులరూపం సంతరించుకుంది. 

ఆ తర్వాత తొలి ఉపనిషత్తుల కాలం (క్రీ.పూ. 800-600) కాలంలో కుల వ్యవస్థ గట్టిగా వేళ్లూనుకుంది. ఉపనిషత్తులు- అందునా చాందగ్యోపనిషత్ కుల వ్యవస్థ ఒక ఆధ్యాత్మిక రూపాన్ని స్థిరీకరించింది. ఆ తర్వాత క్రీ.పూ. ఆరో శతాబ్దంలో బుద్ధుడు పుట్టాడు. బుద్ధుడు పుట్టే నాటికి కుల వ్యవస్థ పటిష్టపడుతూ ఉంది. 

బుద్ధుని ముందు రెండు వ్యవస్థలున్నాయి. ఒకటి : గణతంత్రం. రెండు : ఏక కేంద్ర రాచరికం. గణతంత్రాల్లో ప్రజాస్వామ్య విధానం ఉండేది. ఏక కేంద్ర రాజ్యాల్లో ‘నియంతృత్వం’ చెలామణి అయ్యేది. బుద్ధుడు జన్మతః క్షత్రియుడే అయినప్పటికీ గణతంత్ర వ్యవస్థ నడిచే క్షత్రియ సమాజంలో పుట్టాడు. కాబట్టి తొలి నుంచి ప్రజాతంత్ర, ప్రజాస్వామ్య భావాల్లోనే పెరిగి పెద్దయ్యాడు. పైగా తన భవిష్యత్తును క్షత్రియ మార్గం నుంచి  తాత్విక మార్గంలోకి మార్చుకున్నాడు,. తాత్విక ప్రబోధకునిగా అవతరించాడు. 
తన తాత్విక సిద్ధాంతాన్ని అమలుపరచడానికి, ఆ భావ జాలాన్ని ప్రచారం చేయడానికి ఒక వ్యవస్థను రూపొందిం చుకున్నాడు. అదే బౌద్ధ భిక్ష సంఘం. సంఘం అనగానే దాని నిర్వహణ దాన్ని నడిపించి ముందుకు తీసుకుపోయే విధానాలు కావాలి. నాయకుడు, ఉపనాయకుడు వివిధ స్థాయిల్లో పాలకులు కావాలి. అంటే ఒక యంత్రాంగం అవసరం. ఈ యంత్రాంగాన్ని ఎలా నడిపించాలి? ఆ యంత్రాంగం సంఘాన్ని ఎలా నడిపించాలి? అందుకోసం ఎలాంటి నియమ నిబంధనలు రూపొందించాలి? అనేది బుద్ధుని ముందున్న పెద్ద సమస్య అయింది. దాని కోసం ఆయన జీవితాంతం కసరత్తు చేశాడు. ఎన్నో నియమాలు రూపొందించాడు. మరలా ఆచరణలో సాధ్యాసాధ్యాల్ని గమ నించి, తదనుగుణంగా మార్పుచేర్పులు చేస్తూనే ఉన్నాడు. ఈ మార్పులు చేర్పులు ఎన్నెన్ని జరిగాయో, ఎలా ఎలా జరిగాయో ‘వినయపిటకం’ నిండా కనిపిస్తాయి. వినయ పిటకం అంటే బౌద్ధత్రిపిటకాల్లో ఒకటి. అది భిక్షు సంఘ నియమావళి. 

బుద్ధుడు తనముందున్న రెండు వ్యవస్థల్లో తన సంఘ నిర్మాణానికి గణ రాజ్యాల ప్రజాస్వామ్య విధానాన్నే తీసుకున్నాడు. ఏక కేంద్ర రాజ్యాల అధికార కేంద్రీకరణకు ఆమడ దూరంలో ఉంచాడు. అధికార కేంద్రీకరణే బానిస రాచరిక దోపిడీ వ్యవస్థల పునాదికి మూలం అని బుద్ధునికి తెలుసు. సమానత్వాన్నీ, స్వేచ్ఛనీ ప్రేమించే బుద్ధుడు ఏక కేంద్ర రాజ్యాల సార్వభౌమత్వాన్నీ, నియంతృత్వాన్నీ అన్ని రకాలుగా నిరసించాడు. బుద్ధుని కాలంలో భారతావనిలో 16 గణ రాజ్యాలు ఉండేవి. కోసల, మగధ అనే రెండు ఏక కేంద్ర రాజ్యాలుండేవి. కోసల, మగధ రాజులిద్దరూ బుద్ధుని అనుయాయులే, అభిమానులే. అయినా బుద్ధుడు వారి సార్వ భౌమత్వాన్ని అంగీకరించేవాడు కాదు. వారు దురాక్రమ ణలకు పాల్పడ్డప్పుడు స్వయంగా సైన్యానికి అడ్డువెళ్లి దురాక్రమణల్ని అడ్డుకున్నాడు. బుద్ధునికి ముందు కోసల, మగధ రాజ్యాలు కొన్ని గణరాజ్యాల్ని ఆక్రమించుకున్నాయి. బుద్ధుని తర్వాత అతి కొద్ది కాలంలోనే దురాక్రమణల ద్వారా తమ రాజ్యాల్లో కలిపేసుకున్నారు. బుద్ధుడు జీవిత కాలంలో ప్రయత్నాలు చేశారు గానీ, విరమించుకున్నారు. ఒకసారి మగధరాజు  వైశాలి మీదికి యుద్ధానికి పోవాలనీ, బుద్ధుడు ఏమంటాడో కనుక్కురమ్మని తన సైన్యాధిపతిని బుద్ధుని దగ్గరకు పంపుతాడు. బుద్ధుడు చాలా తీవ్రంగా వ్యతిరేకించి, తన నిరసన తెలుపుతాడు. దానితో మగధ రాజు అజాత శత్రు దండయాత్ర విరమించుకుంటాడు. 

భారత దేశ చరిత్రలో.. తక్కువలో తక్కువ రక్తపాతాలు చిందని కాలం బుద్ధుడు జీవించిన కాలమే! కాబట్టి, బుద్ధునికి ఏక కేంద్ర నియంతృత్వ విధానం గిట్టదు. అందుకే తన బౌద్ధ సంఘాన్ని ప్రజాస్వామ్య పునాదిపై నిర్మించాడు. నిజానికి గణతంత్ర వ్యవస్థలోని గణ సమాజాల్లో కూడా గ్రామస్థాయి గణ సభ్యుల ఎంపిక వంశపారంపర్యంగానే జరుగుతుంది. ఈ పద్ధతి ఈనాటికీ గ్రామాల్లో అన్ని కులాల్లో కులపెద్దలు, సంఘ పెద్దల రూపంలో కనిపిస్తూ ఉంటుంది. గణ సమాజాల్లో  గ్రామ పెద్దలు ఆపైన గణ పెద్దల్ని, ఆ పెద్దలు అనేక గణాల పెద్దల్ని ఎన్నుకుంటారు. అనేక గణాలు కలసి ఒక సమాఖ్యగా కలసి ఉంటాయి. సైనిక వ్యవస్థ మొత్తం ఈ సమాఖ్య ఆధీనంలో ఉంటుంది. సమాఖ్యకి కొన్ని నియమనిబంధనలు ఉంటాయి. వాటి ప్రకారం నడుచుకుంటాయి.  ఈ ప్రజాస్వామ్య విధానాన్నే బుద్ధుడు తన సంఘానికి అన్వయించాడు. బౌద్ధ సంఘానికి కూడా అనేక నియమాలు ఉంటాయి. ప్రతి భిక్షువు ఆ నియమావళిని పాటించాలి. నియమావళిలో మార్పుల్నీ, చేర్పుల్నీ ఏ ఒక్క వ్యక్తో తీసుకోకూడదు. సంఘం మొత్తం సమావేశమై నిర్ణయించాలి. బౌద్ధ సంఘానికి నాయకులు ఉండరు. బౌద్ధ నియమావళీ సంఘాన్ని నడిపించే నాయకత్వం.సమావేశ అధ్యక్షులు, ఆగ్రామ నిర్వాహకుల ఎంపిక అందరి సమ్మతి మీదే జరుగుతుంది. పోటీ వస్తే రహస్య పద్ధతిలో ఓటింగ్ ద్వారా ఎన్నుకోవాలి. ప్రపంచంలో రహస్య పద్ధతిలో ఓటింగ్‌ను ప్రవేశపెట్టింది బుద్ధుడే!

బుద్ధుడు తన ధర్మ ప్రబోధాలు చేస్తూ, బౌద్ధ సంఘాల్ని విస్తరింపచేస్తూ ఎనభై ఏళ్ళు బతికాడు. తన ఎనభయ్యో ఏట కుసీ నగర్‌లో నిర్యాణం పొందాడు. ఆయన చివరి క్షణాల్లో ఆనందుడు బుద్ధ దగ్గరకు వచ్చి - ‘భగవాన్! మీ తర్వాత బౌద్ధ సంఘాన్ని నడిపించేది ఎవరు? మాకు నాయకుడు ఎవరో మీరే సూచించండి’ అని అడిగాడు. ‘ఆనందా! అత్తదీపా విహరథ అత్తసరణా అనజ్ఞసరణా! ధమ్మదీపా ధమ్మ సరణా అనజ్ఞసరణా!’ అన్నాడు. అంటే - మీకు మీరే దీపంగా జీవించండి. మరెవరినీ శరణు పొందకండి. మీరు ధర్మాన్ని దీపంగా ఎంచుకోండి. మరెవరినీ శరణు పొందకండి’ అని. దీనర్థ ఏమంటే... ఎవరి వెనుకో నడవద్దు. మీకు మీరే మార్గదర్శులుగా నడవండి. మీ అనుభవం మీ కార్యాచరణే మీకు గీటురాయి. అలాగే... బౌద్ధ సంఘ నియమాళి, ధర్మమార్గమే మీకు మార్గదాత. కాబట్టి బౌద్ధ సంఘానికి నాయకులు ఎవరూ ఉండరు. ధర్మమే నాయకత్వం! బుద్ధ ప్రబోధాలే మనల్ని నడిపించే నాయకులు! ఇలాంటి ప్రజాస్వామ్య భావజాలం వల్ల నియంతృత్వాన్ని దూరంగా ఉంచాడు బుద్ధుడు. ఈ విధానమే నేటి మన భారత సమాఖ్యకు రాజ్యాంగ రూపంలో అంబేడ్కర్ అందించాడు. మనకు కూడా ‘రాజ్యాంగమే’ నాయకుడు. రాజ్యాంగం ప్రకారం నడచుకోవడమే అందరి విధి.! అలాంటి వ్యవస్థల్లోనే నియంతృత్వం నీరుగారిపోతుంది. నేల కలసిపోతుంది. బుద్ధుని భావజాలంలోని మహోన్నత మానవీయత ఇదే! నియంతృత్వంలేని ప్రజాస్వామ్యం గణతంత్ర సమాజానికి బీజం వేసింది బుద్ధుడే! కాబట్టి కేవలం ధార్మిక తాత్త్వికుడే కాదు, సామాజిక తత్త్వవేత్త కూడా!
- బొర్రా గోవర్ధన్



ఇమేజ్ కోసమే...

Updated By ManamSat, 12/09/2017 - 00:36

rahul gandhi, imageపులి మేకతోలు కప్పుకున్నట్లు ఎన్నికల వేళ రాజకీయులు ‘మిస్టర్ క్లీన్’ మాస్క్  తొడుక్కునేందుకు ప్రయత్నిస్తారు. తమ పార్టీ శుద్ధమైనది, స్వచ్ఛమైనది అని చెప్పుకోవడానికి పాట్లు పడుతుంటారు. కాంగ్రెస్ అధ్యక్ష బాధ్యతలు చేపట్టనున్న ఉపాధ్యక్షుడు రాహుల్ గాంధీ, సీనియర్ నాయుకుడు మణిశంకర్ అయ్యర్‌ను పార్టీ నుంచి సస్పెండ్ చేయడం కూడా ఇలాంటి ‘సుద్ద పూస’ ఇమేజ్ కోసమే. సాధారణంగా పార్టీలో అంతర్గతంగా చర్చించి, వీలయితే చర్చోపచర్చలు చేసి తీసుకోవలసిన నిర్ణయాన్ని రాత్రికి రాత్రే ఆకస్మికంగా చేయడమంటే అందుకే కాక మరెందుకవుతుంది. ‘సాంకేతికం’గా చూస్తే రాహుల్ ఇంకా పార్టీ అధ్యక్షుడుగా పగ్గాలు చేపట్టక ముందే ఇటువంటి దూకుడు ప్రదర్శించడానికి రేపట్నుంచి ప్రారంభం కానున్న గుజరాత్ పోలింగే అనేది సుస్పష్టం.

ఢిల్లీలో అంబేద్కర్ అంతర్జాతీయ కేంద్రం ప్రారంభం సందర్భంగా ప్రధానమంత్రి నరేంద్ర మోడీ కాంగ్రెస్‌పై చేసిన వివుర్శలకు స్పందించిన అయ్యర్ ‘మోడీ నీచ్ ఆద్మీ(నీచమైన వ్యక్తి). ఆయునకు సభ్యత లేదు’ అని వ్యాఖ్యానించారు. వీటిపై వివాదం రేగడంతో కాంగ్రెస్ దిద్దుబాటు చర్యలకు దిగింది. క్షమాపణ చెప్పాలన్న రాహుల్ ఆదేశంతో అయ్యర్ వెంటనే ‘నీచ్’ అనే పదాన్ని ‘దిగువ’ అనే అర్థంలో వాడానని, హిందీ మాతృభాష కాకపోవడంతో ఇలా మాట్లాడానని, తప్పుగా భావిస్తే క్షమించాలని’ కోరారు. అంతటితో శాంతించని కాంగ్రెస్ క్రవుశిక్షణా చర్యల కింద ఆయునను పార్టీ ప్రాథమిక సభ్యత్వం నుంచి సస్పెండ్ చేసింది. 

ఇలా అయ్యర్‌ను బయుటకు పంపించడానికి కారణం ప్రధాని వ్యాఖ్యలు మాత్రమే కావు. ‘ఒక్క దెబ్బకు రెండు పిట్టలు’ మాత్రమే కాదు... ఎన్నో పిట్టలు పడిపోవాలనే వ్యూహాన్ని పన్నిందా పార్టీ. ‘రాజకీయ ప్రత్యర్థులను గౌరవించాలన్నదే తమ గాంధేయ పార్టీ సిద్ధాంతమనీ, అందుకే ప్రధానిని అవమానించే వ్యాఖ్యలు చేసినందునే అయ్యర్‌ను సాగదోలామని కాంగ్రెస్ నేతలు చెప్పుకున్నారు. కానీ అంతర్గతంగా పార్టీలో రాహుల్‌పై అసంతృప్తి వ్యక్తం చేస్తున్న వారిని హెచ్చరించేందుకే ఈ చర్య తీసుకున్నారని ఆ పార్టీ నాయుకులే గుసగుసలాడుకుంటున్నారు. అడ్డొసే ఎవరినైనా ఖాతరు చేయుబోనని చెప్పేందుకే రాహుల్ తన కుటుంబ ఆప్తుడిపై సైతం చర్యలు తీసుకున్నారు. అంతేకాదు తనను ఔరంగజేబుతో పోల్చిన అయ్యర్‌పై ఈ విధంగా రాహుల్ కక్షదీర్చుకున్నాడని కూడా భావించాలి. పార్టీలో యువతకే ప్రాధాన్యతనిస్తానని చెప్పడానికీ కావచ్చు. అన్నిటికీ మించి ఎన్నికల వేళ గుజరాతీల ఓట్లను కోల్పోయే ప్రమాదం నుంచి తప్పించుకోవడానికీ కావచ్చు. సంస్కారవంతైమెన చర్యతో ‘సుద్దపూస’ ఇవేుజ్‌ను కాపాడుకోవడానికీ కావచ్చు. మోడీపై గౌరవం కన్నా, తనకూ, పార్టీకీ క్లీన్ ఇమేజ్ సంపాదించడం కోసమే రాహుల్ గాంధీ, అయ్యర్‌ను సాగనంపారన్నదే సత్యం.





Related News