image

సమ వాటాతో సామాజిక న్యాయం

Updated By ManamThu, 10/11/2018 - 07:23

imageబిసిలకు, రాజకీయ అవకాశాల్ని కల్పించాలన్న డిమాండ్ ను ప్రతి ఎన్నికల సందర్భంలో పకడ్బందీగా అణచివేసే కుట్రలు జరుగుతూనే ఉన్నాయి. రానున్న అసెంబ్లీ ఎన్నికల్లో కూడా బిసిల ప్రాతినిధ్యం తగ్గించే విధంగా రాజకీయ పార్టీలు ఆలోచిస్తున్నాయనిపిస్తోంది. రాజ్యాధికారం కావాలన్న బిసిల కల ఈనాటిది కా దు. మనదేశంలో బిసి జనాభా గణన లేకపోవడం చట్టసభల్లో స్థానిక సంస్థలలో రాజకీయ రిజర్వేషన్లు లేక పోవ డం వల్ల బిసిలకు రాజ్యాధికారంలో వాటా దక్క లేదు. షెడ్యూల్ కులాలు, జాతులు ఎస్.సి, ఎసీటి రిజర్వేషన్ మి నహాయించి మిగతా స్థానాలలో అగ్రకులస్థులదే ఆధిప త్యం. గ్రామాల్లో విద్యా సౌకర్యాలు లేక కొన్ని దశాబ్దాల పాటు కొన్ని తరాలు తరాలే కులవృత్తులలో జీవనం సా గించారు. రాజకీయాల్లో సాధారణ ఓటర్లుగానే మిగిలిపో యారు. ఏ ప్రధాన రాజకీయ పార్టీ కూడా బిసిలకు సరైన అవకాశాలు ఇవ్వలేక సాంఘిక, రాజకీయ ఆర్థిక రంగాల్లో క్రమక్రమంగా మార్పురావడం, బహుజన కులాల వారు విద్యారంగం వైపు రావడం. ఆయా రంగాల్లో రాణించడం ఇప్పుడిప్పుడే మొదలవుతోంది. దేశ రాజకీయాల్లో జాతీ య పార్టీల తగ్గి వివిధ రాష్ట్రాల్లో ప్రాంతీయ పార్టీల హవా మొదలు కావడంతో కొత్తవారికి రాజకీయ అవకాశాలు దక్కి పరిస్థితులు నెలకొంటున్నాయి.

1983 తెలుగుదేశం పార్టీ ఆంధ్రప్రదేశ్‌లో యువకులకు, బిసిలకు, కొత్తవారికి అవకాశాలు ఇవ్వడం, 1987 స్థానిక సంస్థల ఎన్నికల్లో జిల్లా ప్రజాపరిషత్, మండల ప్రజాపరిషత్ ఎన్నికల్లో 33 శాతం బిసిలకు రాజకీయ రిజ ర్వేషన్ ప్రకటించి ఆనాడు ఎన్నికల్లో అప్పటివరకు అవకా శాలు దక్కని బిసి కులాలకు రాజకీయంగా ఎదిగే చారి త్రక సందర్భం ఆనాడు వచ్చింది. 1995లో 73,74 రా జ్యాంగ సవరణ ద్వారా స్థానిక సంస్థలలో బిసి రిజర్వే షన్‌లు రావడానికి కారణం కూడా బిసిలలో పెరుగుతున్న రాజకీయ చైతన్యమే కారణం. అనేక సందర్భాలలో బిసి లున్న చోట్ల బ్రహ్మండమైన ఫలితాలు సాధించి చూపారు. 1983 నుంచి 2009 వరకు ఆంధ్రప్రదేశ్‌లో ప్రభుత్వాల ఏర్పాటులో మార్పులలో బిసిల పాత్ర ఉందనే గమనిస్తే అర్ధమవుతుంది. దీనిని గమనించకుండా బహుజనులలో పెరుగుతున్న చైతన్యాన్ని కప్పిపుచ్చే ప్రయత్నాలు ఎప్పటి కప్పుడు జరుగుతున్నాయి. ఈ రోజు బహుజన కులాలన్నీ అంత ఎడ్డిగుడ్డివి కావు. చక్కగా చదువుకుంటున్నారు. సమాజంలో తమ పరిస్థితి ఏమిటో బేరిజు వేస్తున్నారు. అవకాశాల కోసం ఎదురు చూస్తున్నారు. అవకాశం ఇచ్చిన పార్టీల వైపు సంస్థల వైపు వారు ఉంటారు. లేదంటే అవకాశాలు సృష్టించుకునే ప్రయత్నా లు ఖచ్చితంగా మొదలు పెడుతారు. ఈ విషయాన్ని ప్రధాన పార్టీలు గుర్తిస్తే మంచిది. తెలంగాణ రాష్ట్ర రాజ కీయాలు అంటే రెండు బలమైన అగ్రకులాల మధ్య పోరు గా చిత్రీకరించే పరిస్థితులు, వాస్తవాలు కనబడు తున్నా యి. తమది పాలకుల కులమని, బహుజన వర్గాలన్నీ పాలితులుగా భావించి వచ్చే ఎన్నికల్లో మాదే అధికారం అనే విధంగా వ్యవహరిస్తున్నారు.

ప్రత్యేక తెలంగాణ ఆ సమయంలోనే ‘భౌగోళిక తెలంగాణా బహుజన తెలంగాణా’ అన్న నినాదం విని పించింది. కాని తెలంగాణా రాష్ట్రంలో అగ్రవర్గాల ఆధి పత్యం అన్ని రంగాలలో పెరిగిపోతున్నది. బిసిలకు టికెట్ ఇస్తే ఆ సీట్లు ఓడిపోతారనే ప్రచారంతో బిసిలకు చట్టసభ ల సీట్లు దూరం పెట్టే పార్టీలు అది తప్పు అని అనేక సంఘటనలు రుజువు చేసిన విషయాన్ని విస్మరిస్తున్నారు. బిసిల ఐక్యత గురించి, బిసిల రాజకీయ పార్టీ గురించి మాట్లాడగానే బిసిల పేరిట గతంలో వచ్చిన చిరంజీవి ప్రజారాజ్యం పార్టీ, కాసాని జ్ఞానేశ్వర్ మనపార్టీ దేవేందర్ గౌడ్ నవ తెలంగాణలో ఇంకా చిన్నాచితకా పార్టీలు విఫలం అయ్యాయని ఎద్దేవా వేసేవాళ్ళు, మూతి విరిచే వాళ్ళు చాలామంది ఉంటారు.
1994లో కాన్షీరామ్ బహుజన సమాజ్ పార్టీ ఆంధ్ర ప్రదేశ్‌లో సృష్టించిన సంచలనం, ప్రజారాజ్యం, మన పార్టీ వర్తమానం వర్తమాన రాజకీయాలపై చూపించిన ప్రభా వం, ప్రస్తుతం, బహుజన లెఫ్ట్ ప్రంట్- (బిఎల్‌ఎస్) పలు బిసి సంఘాలు చూపిస్తున్న ప్రకంపనలు నిశితంగా పరి శీలిస్తే పరిస్థితి అర్ధమవుతుంది. తెలుగుదేశం పార్టీ దాదా పు 37 సంవత్సరాల నుంచి విజయవంతంగా రాజకీయా ల్లో ఉండటానికి బిసిల మద్దతు ప్రధాన కారణం. జనాభాలో అత్యధికులకే బిసిలకు చట్టసభల్లోనే కాదు నామినేటెడ్ పదవుల్లో కూడా సరైన వాటా దక్కలేదన్నది వాస్తవం. పదవుల కొరకు రాజకీయావకాశాల కోసం పార్టీలు, నాయకుల దయాదాక్షిణ్యాలపై ఆధారపడాల్సిన దుస్థితి నుంచి బయటపడాలి. బిసిలకు కావలసింది చీరెలు, సారె లు, గొర్రెలు, బర్రెలు, చేపలు సబ్సిడీలు కాదు. రాజ్యాధి కారంలో వాటా. నాణ్యమైన వాటా. ‘ఎవడు ఇచ్చేది ఏందిరా తెలంగాణా మాదిరా’ అన్న ఉద్యమ నినాదాన్ని మనసులో ఓసారి మాది చేసుకోవాలె.. ఆ దిశగా అడుగు లో అడుగు వేస్తూ సాగిపోవాలె.. రానున్న ప్రతి నియోజక వర్గంలో బహుజనుల ఐక్యత చాటే విధంగా పోలింగ్ పార్టీ ల జెండా ముఖ్యం కాదు బహుజనుల ఎజెండా ప్రధానంగా ఫలితాలు సాధించాలి.
స్నేహితగుణ



రేణువులే రంగులు

Updated By ManamFri, 10/05/2018 - 04:42

imageమనిషికి పట్టుదల ఉంటే ఏదైనా సాధిస్తాడు. సాధించాలనే తపన ఉంటే అనుకున్నది చేసి చూపుతాడు. ధృడ సంకల్పంతో ప్రయత్నిస్తే ఎలాంటి విజయమైన సాధ్యమౌతుందని నిరూపించాడు నగరానికి చెందిన ఒక మధ్యతరగతి యువకుడు. ఒక వైపు బుల్లితెరపై నటుడిగా, మిమిక్రీ ఆర్టిస్ట్‌గా  విలక్షణ పాత్రలను పోషిస్తూనే, మరొకవైపు అనంత విశ్వంలో  దాగున్న అందాలని తన చేతి వేళ్ళతో ఇసుకతోఅలవోకగా చిత్రిస్తాడు. సన్నని ఇసుక సాయంతో చిన్న కాంతి వెలుగులో క్షణాల్లో అద్భుతమైన కళారూపాలను సృష్టిస్తూ, జనులను ఔరా అనిపిస్తున్న వేణుగోపాల్ యాదవ్  మనం మిసిమితో పంచుకున్న విశేషాలు ఆయన మాటల్లోనే...

నేను వెుహదీపట్నంలోని ఆసీఫ్ నగర్‌లో ఒక మధ్యతరగతి కుటుంబంలో జన్మించాను. మా నాన్న యాదయ్య గార్డనింగ్ చేస్తుంటారు. అమ్మ లలిత కుట్టు పనులు చేస్తుంటారు. మా తల్లిదండ్రులకి మేము నలుగురు సంతానం అందులో నేనే ఆఖరి సంతానం. మా నాన్నగారికి తన చిన్నతనంలో సరిగా చదువుకోకపోవడం వలన కేంద్ర ప్రభుత్వ ఉద్యోగం తృటిలో చేజారిపోయింది.తాను సాధించలేనిది మేము సాధించాలని చదువులో ఎప్పుడూ ప్రోత్సహించేవారు. మేము సొంతంగా పైకి ఎదగాలని అది కేవలం ఉన్నత చదువుల వలనే అవుతుందని ఆయన నమ్మకం. నాకు చదువుపై అంతగా ఆసక్తి లేకపోవడంతో 10వ తరగతి ఫెయిల్ అయ్యాను. ఏం చేయాలో తెలియక వెుహదీపట్నంలోని ఒక షాప్‌లో ఉద్యోగానికి చేరాను. ఒక రోజు షాపు యజమాని నన్ను చీపురుతో ఊడవమని చెప్పాడు ఆ క్షణం నాకు అనిపించింది. అసలు నేను ఏమి చేస్తున్నాను నా జీవితం ఎటునుంచి ఎటు వెళ్తుందని అప్పటి నుంచి నేను వెనుతిరిగి చూసుకోలేదు. చదువుపై శ్రద్ధ పెట్టి ముందడుగు వేశాను. 

   డిగ్రీ బి.కాం సెకండ్ ఇయర్‌లో ఉన్నప్పుడు అనుకోకుండా మా అన్నయ్య స్నేహితుని ద్వారా జె.ఎన్.టి.యులో ఆర్ట్ప్ స్టూడెంట్స్‌కి మోడల్‌గా పనిచేసే అవకాశం వచ్చింది. ఆ అవకాశమే నా దృష్టిని ఆర్ట్స్ వైపు మళ్ళించింది. నేను చిన్నతనం నుంచి ఆటవిడుపుగా బొమ్మలు వేసేవాడిని కానీ చిత్రరంగం గురించి నాకు పెద్దగా ఏం తెలియదు. నిజం చెప్పాలంటే ఆరోజే బొమ్మలకు ప్రత్యేకంగా కళాశాలలు వుంటాయని నాకు తెలిసింది. ఆరోజు నుండీ తరచూ కాలేజ్‌కి వెళ్ళి అందులోని విభాగాల గురించి తెలుసుకునే వాడిని. ఒక రోజు నేను వేసిన బొమ్మలను తీసుకెళ్ళి మా అన్నయ్య స్నేహితునికి చూపించాను. అతను చాలా ఆశ్చర్యపోయి సరస్వతి దేవి ఇటు వుంటే నువ్వు ఏటో  వెళ్తున్నావు ఎందుకు బి.కాం, బి.యస్.సిలు అందరూ చదువుతారు టాలెంట్ అనేది కొంత మందికే వుంటుంది నీలో వున్న కళ ఇది నువ్వు ఏం ఆలోచించకుండా కళారంగం వైపు అడుగులు వేసి ఫైన్ ఆర్ట్స్‌లో చేరమని చెప్పారు. నా అభిప్రాయాన్ని ఇంట్లో చెప్పినప్పుడు మా ఇంట్లో వారంతా కోప్పడ్డారు. మా నాన్నగారు నా చిన్నతనం నుండీ నన్ను ఒక మంచి ఉద్యోగంలో చూడాలని చాలా ఆశపడ్డారు, ఆయన నా నిర్ణయంతో చాలా బాధ పడ్డారు. అయినా నేను వెనకడుగు వేయలేదు. చదువుతున్న డిగ్రీని మధ్యలో వదిలేసి ఫైన్ ఆర్ట్స్‌లో జాయిన్ అయ్యాను. ఆ కాలేజ్ లో అప్పటి వరకు అందరికీ నేను ఒక మోడల్‌గానే పరిచయం తొలిసారి స్టూడెంట్‌గా వెళ్ళినప్పుడు అందరూ నన్ను చూసి  పేషంట్‌గా హాస్పిటల్‌కి  వచ్చి డాక్టర్ అయ్యావనేవాళ్ళు. అదే నా విజయానికి తొలి మెట్టుగా నేను భావిస్తాను.

image

కళాశాలలో ఉన్నన్ని రోజులూ చాలా శ్రద్ధగా అన్నీ నేర్చుకునేవాడిని ఆ నాలుగు సంవత్సరాలు ఎప్పుడూ ఏదో ఒక కొత్త విషయాన్ని నేర్చుకోవడానికి ప్రయత్నించాను. మిమిక్రీలో డిప్లామా కూడా పూర్తి చేశాను.టీ.వీ సీరియల్స్ కూడా నటించాను. చిన్న పిల్లలకు కథల పుస్తకాలకు బొమ్మలు కూడా వేశాను కానీ ఇవి ఏమి నాకు సంతృప్తిని ఇవ్వలేదు. ఇలా బొమ్మలే వేస్తూ ఉండాలా ఇంతేనా అనే నిరాశ నన్ను ఆవరించేసింది. నేను స్టేజ్ కార్యక్రమాలు చేసి అందరితో చప్పట్లు కొట్టించుకోవడానికి ఎక్కువ  ఇష్టపడేవాడిని. ఏదో సాధించాలనే తపన మనస్సులో వుంది కానీ ఏం చేయాలో తెలియక వివిధ రకాల ఆర్ట్ప్ గురించి తెలుసుకోవడానికి ప్రయత్నించాను. అందరిలో ఒకడిగా నేను వుండిపోకూడదు నాకంటూ ఒక ప్రత్యేక గుర్తింపు కావాలని చేస్తున్న పనులన్నీ పక్కన పెట్టి కొన్ని రోజులు ఖాళీగా వుండి ఆలోచించాను. ఒక రోజు యూట్యూబ్‌లో గంప నాగేశ్వరరావు గారి వీడియో చూశాను. ఈ సంవత్సరం నువ్వు ఒక లక్ష్యాన్ని పెట్టుకుంటే వచ్చే సంవత్సరంలోగా ఆ లక్ష్యాన్ని చేధిస్తావని ఆ వీడియో  సారాంశం.ఆ వీడియో నా జీవితాన్నే మార్చేసింది మూడు గంటల పాటు నిశబ్దంగా ఆయన మాటలను గుర్తు చేసుకుంటూ వుండిపోయాను. ఇసుకతో సైకత శిల్పాలు చేయడం తెలుసు, కానీ నేను ఇసుకతో చిత్రాలు వేయాలని ఆలోచించాను. నా చుట్టు వున్న వంద మందిలో తొంభైతొమ్మిది మంది నన్ను నిరాశపరిచారు. అయినా నేను వాళ్ళ మాటలను పట్టించుకోలేదు. దీపపు కాంతి వెలుతురు గాజు అద్దాలపై పడుతుంటే దానిమీద ఇసుకతో బొమ్మలు వేయడం ప్రారంభించాను. వెలుతురు మీద ఇసుకతో నేను అనుకున్న ఆకారం వచ్చినపుడు నా ఆర్ట్ మీద నాకున్న నమ్మకాన్ని ఎదుటివారి నుండీ వచ్చే ప్రసంశలతో రూఢీ చేసుకుంటాను. అవే నా ఆర్ట్‌కు కొలమానాలు. నా తొలి ప్రయత్నంలో మహా శివరాత్రి రోజు శివుని బొమ్మని గీశాను దానికి మంచి స్పందన రావడంతో మరిన్ని అడుగులు ముందుకేశాను. ప్రతి ఒక్కరిలో ఏదో ఒక అభిరుచి వుంటుంది వారి అభిరుచికి అనుగుణంగా అడుగులు వేస్తే విజయం తప్పక వరిస్తుంది. అదే నా విషయంలోనూ 

జరిగిందని నేను భావిస్తున్నాను. నేను ఒక ఆర్టిస్ట్‌గా స్థిరపడతానని కలలో కూడా అనుకోలేదు. నాలో వున్న కళను గుర్తించి చిత్రకళా రంగానికి నన్ను పరిచయం చేసిన నా గురువు లక్ష్మీనారాయణగారికి ఎల్లప్పుడూ కృతజ్ఞుడినై వుంటాను. అవెురికా గాట్ టాలెంట్ షోలో పాల్గొని నా దేశానికి బహుమతి తేవాలనేది నా జీవిత ఆశయం.

2016లో జాతీయ స్థాయిలో ఓ టీ.వీ షో నిర్వహించిన పోటీల్లో హిందుస్థాన్ కా బిగ్ స్టార్‌గా నిలిచాను. ఢిల్లీలో కేంద్ర ప్రభుత్వ ఆధ్వర్యంలో నిర్వహించిన కాల్ టూ యాక్షన్ కార్యక్రమంలో ప్రధాని మోదీ సమక్షంలో ప్రదర్శన ఇచ్చాను. దేశ, విదేశాల్లో ఇప్పటి వరకు 500  ప్రదర్శనలిచ్చాను. సోనీ, బీపీఎల్, నికాన్, అవెుజాన్, ఇండియన్ ఆయిల్ వంటి ప్రముఖ కంపెనీల లోగో ఆవిష్కరణ కార్యక్రమాలలో ప్రదర్శనలిచ్చాను. వండర్ బుక్ ఆఫ్ రికార్డ్స్, తెలుగు బుక్ ఆఫ్ రికార్డ్స్, భారత బుక్ ఆఫ్ రికార్డ్స్‌లో చోటు సంపాదించుకున్నాను.



మాతృభాషే మనుగడకు జీవగర్ర

Updated By ManamMon, 10/01/2018 - 03:32

imageమొదటగా క్రితం సంవత్సరం జరిగిన ప్రపంచ తెలుగు మహాసభల గురించి గుర్తు చేసుకుందాం. ఈ సభల సందర్భంగా మహాకవుల చిత్రాలను కళాతోరణాలుగా ఏర్పాటు చేయడం గర్వించదగ్గ  విషయం. తెలంగాణ ఏర్పాటైన తరవాత ప్రపంచ తెలుగు మహాసభలు జరగ డం మొదటిసారి కావడంతో పండగ వాతావ రణం కనిపించింది. తెలుగు ప్రజలకి, తెలంగా ణ ప్రజలకి అదో పెద్ద పండగనే చెప్పాలి. ఉమ్మడి రాష్ట్రంలో మన కవులని విస్మరించ డంతో, మన చరిత్ర మరుగున పడింది. తద్వారా మన కవుల జీవితం, వారి రచనలని చూడలేకపోయాం. ఆంధ్ర రాష్ట్ర కవుల రచనలే చదవాల్సి వచ్చింది. దీంతో ఉమ్మడి రాష్ట్ర పుణ్యమా అని మన కవులకి గుర్తింపు రాలేదు. ఉద్యమ ఫలితంగా తెలంగాణ సిద్ధించిన అనంతరం మన ప్రాంత కవులకు మంచి గుర్తింపు వస్తోంది. ఇంకా వెలుగులోకి రాని చరిత్రలు చాలా ఉన్నాయి. ఎంతైనా మన మాతృభాష. చరిత కలిగిన భాష. పరాయి భాషని మరిచి మన ప్రాంతభాషలో మాట్లాడు దాం. తెలుగులో మాట్లాడితే వచ్చే ఆ మాధు ర్యమే వేరు. అమ్మ, నాన్న, అక్క, అన్న అనే మాటలు ఎంత హాయిగా ఉంటయో. అదే ఆంగ్లభాషలో ఉచ్చరిస్తే ఎలా ఉంటుందంటే పల్లెటూరికి-పట్నానికి ఉన్న తేడా ఉంటుంది. మన కవులకి మన తెలంగాణా ప్రభుత్వం మంచి గుర్తింపుని ఇస్తుంది. తెలుగు భాషని మరుగున పడకుండా ఉండేందుకు కృషి చేస్తోంది. తెలంగాణాలో సాహిత్యానికి మంచి గుర్తింపు కలదు. తెలంగాణ అంటేనే సాహిత్యానికి పెట్టింది పేరు. ఒకానొక సందర్భంలో సాహిత్య కారులంటే పెద్దవారే గుర్తొచ్చేవారు. నేటి కాలంలో యువ కవులు- యువ కవయిత్రులు సైతం తమ సాహిత్య సేవలో ముందుడం గమనార్హం. పాఠశాల స్థాయిలో కూడా పిల్లలు గేయాలు రాయడం, ఉపాధ్యాయులు వారిని ప్రోత్సహించడం చూస్తున్నాం. ఇలాంటి బాల కవులని సాహిత్యకారులు కూడ ప్రోత్సహించాలి. అలాగే ప్రాచీన కవుల గ్రంథాలు, శతకాలు చాలా వరకు మరుగున పడ్డాయి. వాటిని సమకూర్చి పునర్ ముద్రించాలి. తద్వార మహాకవుల రచనలను భావితరాలకు అందించడం సులభ తరం అవుతుంది. తెలుగు భాషా వికాసానికి ప్రతి ఒక్కరూ కృషి చేయాలి. తెలుగుకి సంబంధించి మరింత లోతుగా విశ్లేషణలు జరగాలి. నిత్యం తెలుగు భాష మన నాలుకల పై నాట్యమాడేలా చేయాలి. సాహిత్యాభి మానులు ఉన్నంత కాలం తెలుగుకి కొదువుం డదు. అందువల్ల నూతనంగా నవయువ సాహితీవేత్తలు పుట్టుకు రావల్సిన అవసరం ఎంతైనా ఉంది. తెలంగాణాలో వివిధ ప్రాంతాలలో భాషని గమనిస్తే చాలా గమ్మత్తుగా ఉంటుంది.  అదోరకమైన మధురానిభూతిని అందిస్తుంది. మనకి తెలియని యాస- భాష ఇలా కూడా ఉంటుందా అనిపిస్తుంది. మన భాషని, మన యాసని కాపాడుకుందాం.

ప్రాంతాల వారీగా ఎవరి భాష వారు మాట్లాడుకోవడం పరిపాటే. వారివారి మాత భాషని మరువకుండా తల్లి భాషకి మొదటగా ప్రాధాన్యత ఇవ్వాలి. ఆ తరవాతనే ఏ భాషలో నైనా మాట్లాడవచ్చు. మాతృభాషలో మాట్లాడితే వచ్చే ఆ మాధుర్యమే వేరు. ముందు ముందు తెలుగుభాషకి ఉనికి లేకుండా పోతుం దేమోనని భయమేస్తుంది. ఇప్పటికే పరాయి భాష పాఠశాలలు అనేకం పుట్టుకు వస్తున్నవి. అలానే కాకుండా ప్రభుత్వపరంగా కొత్తగా గురుకులాలు, ఆదర్శ పాఠశాలల రూపంలో ఇంగ్లీష్ మీడియాలు ఏర్పడటం చూస్తూనే ఉన్నాము. వీటిని మనం కాదనలేము. ఎందు కంటే చాలా వరకు తల్లిదండ్రులు ఇంగ్లీష్ మీడియాలనే కోరుకుంటున్నారు. తమ పిల్లలు ఇంగ్లీష్ నేర్చుకోవాలనే తపనలో ఉన్నారు. ఇంతవరకు బాగానే ఉంది. కాకపోతే పూర్తిగా మాత్రం మాతృభాష మాట్లాడకుండా, నేర్చుకో కుండా దూరం పెడతామంటే కుదరదు. ఖచ్చితంగా రాయడం, చదవడం నేర్వాల్సిందే. గత సంవత్సరం జరిగిన ప్రపంచ తెలుగు మహాసభలు కూడా ఇదే నినాదంతో ముందుకు వచ్చాయి. తెలుగులో మహాకవులు ఉన్నారని, వారిని మరువద్దని ఆ మహాసభలు పిలుపు నిచ్చాయి. ఒకప్పుడు చాలా వరకు తెలుగు మీడియం పాఠశాలలే ఉండేవి. ప్రస్తుత మారు తున్న పరిస్థితుల దృష్ట్యా మారక తప్పదు. రాబోయే తరాలవారికి తెలుగు మూలాలు అందించాలంటే మాత్రం ఇప్పటి నుంచే తెలుగుని మరింత వెలుగులోకి తేవాలి. అది జరగాలంటే తప్పనిసరి భాషని నేర్చుకోవాలి. ఇతరులకు తెలియపరచాలి.
 అనంతవరం సిద్దిరామప్ప
9676179196



వీసీఐసీకి పూర్తి సహకారం కావాలి

Updated By ManamFri, 07/20/2018 - 00:31
  • ఏడీబీ ఉపాధ్యక్షునికి సీఎస్ విజ్ఞప్తి 

imageఅమరావతి: విశాఖపట్నం- చెన్నై పారిశ్రామిక నడవా(ఇండస్ట్రీయల్ కారిడార్)ను త్వరగా ఏర్పాటు చేయడానికి ఆసియా అభివృద్ధి బ్యాంకు(ఏడీబీ)పూర్తి సహకారం కావాలని ప్రభుత్వ ప్రధాన కార్యదర్శి దినేష్ కుమార్ విజ్ఞప్తి చేశారు. వీసీఐసీ ప్రాజెక్టు ప్రగతి అంశంపై ఏడీబీ ఉపాధ్యక్షుడు వెన్నాయ్ ఝాంగ్ గురువారం ప్రభుత్వ ప్రధాన కార్యదర్శితో భేటీ అయ్యారు. ఇందులో భాగంగా ప్రాజెక్టు పురోగతిపై చర్చించారు. విశాఖ-చెన్నై పారిశ్రామిక నడవా ఏర్పాటుకు ఏడీబీ రూ.5,544 కోట్లు రుణ సాయం అందిస్తోంది. ప్రాజెక్టులో భాగంగా విశాఖపట్నం, మచిలీపట్నం, దొనకొండ, శ్రీకాళహస్తి-ఏర్పేడుల్లో నాలుగు పారిశ్రామిక క్లస్టర్‌లు ఏర్పాటు చేయాలని ప్రతిపాదనలు చేశారు. ఇప్పటికే ఏడీబీ రూ.537 కోట్లు విడుదల చేసింది. కాగా, వీసీఐసీలో గుర్తించిన నాలుగు ఇండస్ట్రీయల్ క్లస్టర్లలో అవసరమైన మౌలిక సదుపాయాలను కల్పనకు చర్యలు తీసుకుంటామన్నారు. ఏడీబీ ఉపాధ్యక్షుడు వెన్కాయ్ ఝాంగ్ మాట్లాడుతూ విశాఖ- చెన్నై పారిశ్రామిక కారిడార్లో పనుల పురోగతిని స్వయంగా తెలుసుకునేందుకు తమ బృందం ఆంధ్రప్రదేశ్ రాష్ర్టంతో పాటు చెన్నైలో కూడా పర్యటించనుందన్నారు. ఈ భేటీలో రాష్ట్ర పరిశ్రమల శాఖ కార్యదర్శి సాల్మన్ ఆరోఖ్య రాజ్, పరిశ్రమల శాఖ కమిషనర్ సిద్ధార్ధ జైన్, ఏడీబీ  కంట్రీ డైరెక్టర్ కెనిచి యొకయామా, ఏడీబీ ప్రతినిధులు చెన్ చెన్, అఖిర మాట్స్ కునాగ, పుష్కర్ శ్రీవాస్తవ, కవితా అయ్యంగార్, రాజేశ్ కుమార్ డెల్ తదితరులు పాల్గొన్నారు.



ఆ ఎంపీలు ఎటువైపు?

Updated By ManamFri, 07/20/2018 - 00:31
  • పార్టీ మారిన వారి వైఖరిపై ఉత్కంఠ
  • నేడు లోక్‌సభలో అవిశ్వాసంపై ఓటింగ్

imageవిజయవాడ: టీడీపీ ప్రవేశ పెట్టిన అవిశ్వాస తీర్మానంపై లోక్‌సభలో శుక్రవారం చర్చ, ఓటింగ్ జరగనుంది. అవిశ్వాస తీర్మానానికి మద్దతు ఇవ్వాలని పలు పార్టీలను టీడీపీ కోరింది. కొన్ని పార్టీలు మద్దతు ప్రకటించగా, మరికొన్ని పార్టీలు వ్యతిరేకించనున్నట్టు ప్రకటించాయి. ఈ నేపథ్యంలో పార్టీ మారిన ఎంపీలు ఏ నిర్ణయం తీసుకుంటారన్న దానిపై ఉత్కంఠ ఏర్పడింది. వైసీపీ లోక్‌సభ సభ్యుల రాజీనామాలను స్పీకర్ సుమిత్రా మహాజన్ ఆమోదించారు. కాగా ఆ పార్టీ నుంచి గెలిచిన ఎంపీలు బుట్టా రేణుక, ఎస్పీవై రెడ్డి టీడీపీ గూటికి చేరారు. వైసీపీని వీడిన అరకు ఎంపీ కొత్తపల్లి గీత తటస్థంగా ఉండగా, ఖమ్మం నుంచి వైసీపీ తరఫున గెలిచిన పొంగులేటి శ్రీనివాస్ రెడ్డి టీఆర్‌ఎస్‌లో చేరారు. లోక్‌సభలో ఓటింగ్ సందర్భంగా వీరు ఎటువైపు మొగ్గు చూపుతారన్నదానిపై ఆసక్తి నెలకొంది. కాగా అవిశ్వాసానికి వ్యతిరేకంగానే గీత, పొంగులేటి శ్రీనివాస్ రెడ్డి ఓటేస్తారంటూ చర్చ జరుగుతోంది. ఇక టీడీపీ నుంచి గెలిచిన ఎంపీ మల్లారెడ్డి టీఆర్‌ఎస్‌లో చేరారు. పార్టీలు మారిన ఎంపీల వైఖరేంటన్నది శుక్రవారం తేలనుంది. 
 



కాగ్నిజెంట్‌కు టాటా ఎలక్ట్రిక్ వాహనాలు

Updated By ManamThu, 07/19/2018 - 23:35

imageహైదరాబాద్: ప్రముఖ ఐటీ దిగ్గజం కాగ్నిజెంట్‌కు టిగోర్ ఎలక్ట్రిక్ వాహనాలను సరఫరా చేసే ఆర్డరు దక్కినట్లు టాటా మోటార్స్ ఇటీవల తెలిపింది. హైదరాబాద్‌లోని కాగ్నిజెంట్ క్యాంపస్‌లో పర్యావరణహితమైన వాహనాలను వాడే దిశగా ఈ నిర్ణయం తీసుకున్నట్లు కాగ్నిజెంట్ ఒక ప్రకటనలో తెలిపింది. ఎలక్ట్రిక్ వాహనాలను సరఫరా చేసేందుకు అ గ్రగామి మొబిలిటి సొల్యూషన్స్ కంపెనీ అయిన వోలేర్ కార్‌తో పొత్తుకుదిరినట్లు టాటా మోటార్స్ తెలిపింది. కేత్ర స్థాయిలో కార్ల శ్రేణి నిర్యహణ విలువలు జోడించిన ఇంటి గ్రేటెడ్ సొల్యూషన్‌ను  కాగ్నిజెంట్‌కు అందించనున్నట్లు టాటా మోటా ర్స్ తెలిపింది.  ఇందులో భాగంగా ఇటీవల కాగ్నిజెంట్ కార్యాలయంలో జరిగిన ఒక కార్యక్రమంలో 10 ఎలక్ట్రిక్ వాహనాలను టాటా బృందం కాగ్నిజెంట్‌కు అందించింది. టిగోర్ వాహనాల నిర్వహణ, చార్జింగ్ స్టేషన్‌లను నెలకొల్పడం, మౌలిక వసతులు, ఆర్థిక వనరుల అవసరాలకు టాటా గ్రూపులోని ఇతర కంపెనీలతో కలిసి పని చేయనున్నట్లు టాటా మోటార్స్ అధ్యక్షులు శైలేశ్ చంద్ర తెలిపారు. ఎలక్ట్రిక్ మొబిలిటీకి సంబంధించి భారత ప్రభుత్వ ఆశయ సాధనకు అనుకూలంగా టాటా మోటార్స్ పని చేస్తుందని ఆయన అన్నారు. ఈ ఆశయ సాధనలో భాగంగా కాగ్నిజెంట్‌తో భాగస్వామ్యం మాకెంతో ఆనందంగా ఉందని ఆయన అన్నారు. శక్తి వనరులను సమర్థంగా వినియోగించుకోవడం, తిరిగి పొందలేని వనరులను కాపాడుకోవడం వంటి అంశాలు పర్వావరణ పరిరక్షణలో ముఖ్యమైనవని కాగ్నిజెంట్ ఇండియా ఎగ్జిక్యూటివ్ డైరెక్టర్ రామకుమార్ రామమూర్తి అన్నారు.  ఈ దిశగా టాటా మోటార్స్‌తో కలిసి పర్యావరణ హిత వాహనాలను వాడనున్న సంస్థ కాగ్నిజెంట్ మొదటిది కావడం తమకెంతో గర్వకారణమని ఆయన పేర్కొన్నారు.
 



క్షణికోద్రేకంలో.. స్మార్ట్‌ఫోన్ కోసం హత్య 

Updated By ManamTue, 07/17/2018 - 01:07
  • ఇంటర్ విద్యార్థిపై స్నేహితుడి ఘాతుకం

  • లాంగ్‌డ్రైవ్‌కు పిలిచి చంపేశాడు.. పెట్రోల్ పోసి కాల్చేశాడు

imageహైదరాబాద్: స్మార్ట్‌ఫోన్‌పై ఆశ తొటి స్నేహితుడి ప్రాణాన్ని తీసేలా చేసింది. హైదరాబాద్‌లో ఈ దారుణ ఘటన వెలుగులోకి వచ్చింది. ఉప్పల్ పోలీస్టేషన్ పరిధిలో అదృశ్యమైన విద్యార్థి మృతదేహంగా ఆదిభట్లలో లభ్యమైంది. తన మిత్రుడు ప్రేమ్ కుమార్ వద్ద ఖరీదైన, తనకు నచ్చిన సెల్‌ఫోన్‌పై కన్నేసిన సాగర్ అనే యువకుడు ఈ దారు ణానికి పాల్పడినట్టు పోలీసులు వెల్లడించారు. రామంతాపూర్‌లోని ఓ ప్రైవేటు కళాశాల లో ప్రేమ్ కుమార్ ఇంటర్ రెండో సంవత్సరం చదువు తున్నాడు. అతడి తల్లిదండ్రులు నాటకాలు వేస్తూ.. మిగతా సమయాల్లో దర్జీ పని చేస్తారు. ప్రేమ్ కుమార్ వద్ద ఖరీదైన సెల్‌ఫోన్ ఉండటంతో.. అతని స్నేహితు డు సాగర్ దానిపై కన్నేశాడు. ఎలాగైనా దాన్ని దక్కిం చుకోవాలని ప్రేమ్ కుమార్ హత్యకు కుట్రపన్నాడు. ఈ నెల 13న లాంగ్ డ్రైవ్‌కు వెళ్దాం రమ్మంటూ ప్రేమ్‌ను తీసుకుని వెళ్లాడు. రాత్రయినా ప్రేమ్ ఇంటికి రాకపోవడంతో అనుమానం వచ్చిన అతడి తండ్రి శంకర్ ఉప్పల్ పోలీస్టేషన్‌లో ఫిర్యాదు చేశారు. రంగంలోకి దిగిన పోలీసులు విచారణ ప్రారంభించగా.. బస్తీలో సాగర్ అనే యువకుడితో ప్రేమ్ వెళ్లినట్టు నిర్థారణకు వచ్చారు. దీంతో నిందితుడిని అదుపులోకి తీసుకొని విచారించగా తానే హత్యచేసినట్లు అంగీకరించాడు. ఆదిభట్ల ప్రాంతంలో హత్య చేసి ఘట్‌కేసర్ వద్ద ఓ పెట్రోల్ బంకులో పెట్రోల్ తీసుకొని మృతదేహన్ని కాల్చివేసినట్లుగా సాగర్ ఒప్పుకొన్నాడు. నిందితుడిని తీసుకోని ఘటనా స్థలానికి వెళ్లిన పోలీసులు మృతదేహన్ని స్వాధీనం చేసుకొని సికింద్రాబాద్ గాంధీ ఆస్పత్రికి తరలించారు.



అవిశ్వాసానికి మద్దతివ్వండి

Updated By ManamMon, 07/16/2018 - 01:49
  • ఎన్డీయే సర్కారుపై పోరుకు సపోర్టు చేయండి.. టీఆర్‌ఎస్ ఎంపీలకు ఆంధ్రప్రదేశ్ ఎంపీల వినతి 

  • పార్టీలో చర్చించి నిర్ణయిస్తామన్న కే. కేశవరావు.. విభజన హామీలను అమలు చేయాల్సిందే 

  • ఇరు రాష్ట్రాలకూ సంబంధించిన అంశమిది.. టీఆర్‌ఎస్ సానుకూలంగా స్పందించిందన్న సుజనా 

imageహైదరాబాద్: విభజన చట్టం హమీలపై ఉమ్మడిగా పోరాడుదామని ఏపీకి చెందిన పలువురు ఎంపీలు టీఆర్ ఎస్ రాజ్యసభ సభ్యుడు కేకేను కోరారు. కేంద్ర మాజీ మంత్రి, ఎంపీ సుజనా చౌదరి ఆధ్వర్యంలో టీడీపీ ఎంపీలు కొనకళ్ల నారాయణ, నిమ్మల కిష్టప్ప, శ్రీరామ్ మాల్యాద్రిలు హైదరాబాద్‌లో ఆదివారం టీఆర్‌ఎస్ ఎంపీలను కలిశారు. ఈ సందర్భంగా వారు ఎపీకి జరిగిన అన్యాయం గురించి వివరించారు. ఈ నెల 18 నుంచి జరిగే పార్లమెంట్ సమావేశాల్లో ఎన్డీయే సర్కారుపై అవిశ్వాసం పెడతామన్నారు. దీనికి మద్దతివ్వాలంటూ టీఆర్‌ఎస్ ఎంపీలు కె.కేశవరావు (కేకే), జితేందర్ రెడ్డిలకు విన్నవించారు. అప్పటి ప్రధాని మన్మోహన్ ఇచ్చిన వాగ్దానాలు పక్కగా అమలు చేసేలా కేంద్రంపై ఒత్తిడి తెచ్చేందుకు సహకరించాలని కోరారు. విభజన హమీలను రెండు తెలుగు రాష్ట్రాలు పోరాడి సాధించుకుందామని సూచించారు. అనంతరం కేశవరావు మీడియాతో మాట్లాడుతూ... ఏపీకి అన్యాయం జరిగిన నేపథ్యంలో కేంద్రంపై అవిశ్వాస తీర్మానం పెట్టేందుకు తమ మద్దతు కావాలని టీడీపీ ఎంపీలు కోరారని ఆయన చెప్పారు. ఈ విషయంపై పార్టీలో చర్చించి...తాము కూడా ఆలోచించాక తమ నిర్ణయం చెబుతామని, విభజన హామీలను కేంద్ర ప్రభుత్వం అమలు చేయాల్సిందేనని, ఇది రెండు రాష్ట్రాలకూ సంబంధించిన అంశమని అన్నారు. తెలంగాణకు కూడా సమస్యలు ఉన్నాయని...విభజన హామీలు అమలు చేయకపోవటం వల్ల మా పాలనకు ఎన్నో అడ్డంకులు ఉన్నాయని. మీరు పెడితే మేము ఆలోచించి మా నిర్ణయం చెప్తామన్నారు. తాము పెట్టే అవిశ్వాసానికి మద్దతునివ్వాలంటూ పలు పార్టీల ఎంపీలను కలుస్తున్నట్లు ఏపీ టీడీపీ ఎంపీలు పేర్కొన్నారు. 



డబుల్స్ విజేతలు మైక్ బ్రయన్, జాక్‌సోక్

Updated By ManamSun, 07/15/2018 - 22:48
  • వింబుల్డన్ గ్రాండ్‌శ్లామ్-2018

imageవింబుల్డన్: వింబుల్డన్ టోర్నీలో పురుషులడబుల్స్ విభాగంలో  బ్రయన్ ద్వయం 17వ గ్రాండ్‌శ్లామ్ టైటిల్‌ని కైవసం చేసుకుంది. ఆదివారం ఇక్కడ జరిగిన డబుల్స్ ఫైనల్ మ్యాచ్‌లో బ్రయన్-సోక్ (అవెురికా) జంట 6-3, 6-7 (7), 6-3, 5-7, 7-5తో క్లాసెన్ (ద క్షిణాఫ్రికా)- వైుకేల్ వేన్స్ (న్యూజిలాండ్) ద్వయాన్ని చిత్తుచేసి డబుల్స్ టైటిల్‌ను సాధించారు. డబుల్స్ ఎప్పుడు తన తమ్ముడుతో ఆడే బ్రయన్ మొదటి సారి బాబ్ లేకుండా టైటిల్ సాధించాడు. గాయం కారణంగా బాబ్ ఈ టోర్నీలో పాల్గొనలేదు. ‘ ఈ టైటిల్‌ను నేను బాబ్‌కు అంకితమిస్తున్నాను. బాబ్ ఖచ్చితంగా ఈ మ్యాచ్ చూసే ఉంటాడు’ అని బ్రయన్ అన్నాడు. సోక్‌కు ఇది రెండో వింబుల్డన్ టైటిల్. మొదటి సారి 2014లో బ్రయన్ జంటను ఓడించి వింబుల్డన్ టైటిల్ గెలుపొందాడు. 



రూట్ అజేయ సెంచరీ

Updated By ManamSun, 07/15/2018 - 00:52
  • మణికట్టు స్పిన్నర్ కుల్‌దీప్‌కు 3 వికెట్లు

imageలండన్: టీమిండియాతో జరిగిన రెండో వన్డేలో ఇంగ్లాండ్ టాపార్డర్ బ్యాట్స్‌మన్ జో రూట్ అజేయ సెంచరీ చేశాడు. ఈ సిరీస్‌లో మణికట్టు స్పిన్నర్లను ధీటుగా ఎదుర్కొన్న ఆటగాడు రూట్ ఒక్కడే. రూట్ సెంచరీ, మోర్గాన్, విల్లే అర్ధ సెంచరీలు చేయడంతో ఇంగ్లాండ్ జట్టు 7 వికెట్ల నష్టానికి 322 పరుగులు చేసింది. ఇంగ్లాండ్ టాపార్డర్ బ్యాట్స్‌మన్ జో రూట్ తన అజేయ సెంచరీతో మొత్తం మ్యాచ్ పరిస్థితినే మార్చేశాడు. ఆరంభంలో ఇంగ్లాండ్ జట్టు దూకుడుగా ఆడింది. ఆ తర్వాత టీమిండియా పట్టు సాధించినట్టు కనిపించినప్పటికీ మోర్గాన్, విల్లే అర్ధ సెంచరీలు చేయడంతో ఇంగ్లాండ్ భారీ స్కోరు చేయగలిగింది. ఓపెనర్లు జాసన్ రాయ్, బెయిర్‌స్టో కలిసి తొలి వికెట్‌కు 69 పరుగులతో శుభారంభాన్నిచ్చారు. మణికట్టు స్పిన్నర్ కుల్‌దీప్ బౌలింగ్‌లో బెయిర్‌స్టో అవుట్ కావడంతో ఇంగ్లాండ్ తొలి వికెట్ పడింది. మరికాసేపటికే కుల్‌దీప్ బౌలింగ్‌లోనే జాసన్ రాయ్ కూడా వెనుదిరిగాడు. అయితే తర్వాత జో రూట్, మోర్గాన్ కలిసి ఇన్నింగ్స్‌ను చక్కదిద్దారు. వీరిద్దరూ కలిసి మూడో వికెట్‌కు 103 పరుగుల కీలక, భారీ భాగస్వామ్యాన్ని అందించారు. అర్ధ సెంచరీ పూర్తి చేసుకున్న మోర్గాన్.. కుల్‌దీప్‌కే వికెట్ ఇచ్చాడు. తర్వాత వచ్చిన స్టోక్స్, బట్లర్, మొయిన్ అలీ తక్కువ పరుగులకే వెనుదిరిగారు. కానీ చివరిగా వచ్చిన విల్లీ.. రూట్‌తో కలిసి ఇంగ్లాండ్ స్కోరును 300 దాటించి.. అర్ధ సెంచరీతో అజేయంగా నిలిచాడు. 





Related News