TTD

ఆ తవ్వకాలకు మొత్తం బాధ్యత చంద్రబాబుదే

Updated By ManamWed, 05/23/2018 - 10:06

babu, ramana  తిరుమల: గత కొన్ని రోజులుగా టీటీడీ అధికారులపై సంచలన వ్యాఖ్యలు చేస్తూ వస్తున్న శ్రీవారి మాజీ ప్రధానార్చకులు రమణ దీక్షితులు తాజాగా మరోసారి సీఎం చంద్రబాబు నాయుడుపై ఫైర్ అయ్యారు. గుప్త నిధుల కోసమే శ్రీవారి ఆలయంలో తవ్వకాలు జరిపించారని, దానికి చంద్రబాబే మొత్తం బాధ్యత వహించారని ఆయన అన్నారు.

ఓ జాతీయ చానెల్‌కు ఇచ్చిన ఇంటర్వ్యూలో.. శ్రీవెంకటేశ్వర స్వామివారికి పల్లవ, చోళ రాజులు ఇచ్చిన విలువైన ఆభరణాలను, ముస్లింలు, విదేశీయుల దండయాత్రల నుంచి కాపాడేందుకు వంటగదిలో రహస్యంగా దాచి పెట్టినట్టు తమ పూర్వీకులు చెబుతుండేవారని, వాటిని దక్కించుకోవడం కోసమే ఆగమ శాస్త్రానికి విరుద్ధంగా ఆలయంలో తవ్వకాలు జరిపారని  అన్నారు. బయటి నుంచి వచ్చే వారికి ఈ తవ్వకాలు సాధ్యం కాదని, అందుకే టీటీడీలో తమవారిని నియమించుకుని ఈ పని చేశారని రమణ దీక్షితులు ఆరోపించారు. ఈ మొత్తం వ్యవహారానికి సీఎం చంద్రబాబుదే బాధ్యతని ఆయన సంచలన వ్యాఖ్యలు చేశారు.

నిధి నిక్షేపాల కోసం తవ్వకాలు జరిగాయనడానికి తన వద్ద ఉన్న ఆధారం, వంటగదిలో జరిగిన మార్పులేనని, గదిలో కొత్త ఫ్లోరింగ్ గోడలు, ఇటుకలు మారాయని ఆయన పేర్కొన్నారు. ఇక తిరుమల ఆలయంతో పాటు రాష్ట్రంలోని పురాతన కోటల్లోనూ చంద్రబాబునే తవ్వకాలు జరిపించారని అన్నారు. చంద్రబాబు సామాజిక వర్గానికి చెందిన వారే టీటీడీలో అత్యధికంగా ఉన్నారని, వారి ద్వారానే ఇదంతా జరుగుతోందని వ్యాఖ్యానించారు. ఇక పదవీ విరమణ చేసిన డాలర్ శేషాద్రి వద్ద రూ. 50 కోట్ల విలువైన శ్రీవారి నగలను దాచి పెట్టారని ఆరోపించారు. టీటీడీ సొమ్మును తిరుపతి కోసం, ఒంటిమిట్ట కోసం, రహదారుల నిర్మాణం కోసం వాడుతున్నారని, ఇలా నిధులను మళ్లించడం కూడా నిబంధనలకు విరుద్ధమని ఆయన పేర్కొన్నారు.


 



శ్రీవారి నగలు ప్రదర్శించడానికి మేము సిద్ధమే

Updated By ManamTue, 05/22/2018 - 15:08

Singhal తిరుమల: టీటీడీ నిధులు ఎక్కడా దుర్వినియోగం కాలేదని, అన్ని అంశాలపై చట్టపరంగా ముందుకెళ్తామని ఈవో అనిల్ కుమార్ సింఘాల్ అన్నారు. సీఎం చంద్రబాబుతో భేటీ అనంతరం మాట్లాడిన సింఘాల్.. శ్రీవారి నగలన్నీ సురక్షితంగా ఉన్నాయని అన్నారు. 1952 నుంచి శ్రీవారి నగలకు సంబంధించిన రికార్డులన్నీ తమ వద్ద ఉన్నాయని, 2011 జనవరిలో వేసిన రిటైర్డ్ జడ్జీల కమిటీ నివేదిక ప్రకారం శ్రీవారి ఆభరణాలన్నీ అలానే ఉన్నాయని తెలిపారని ఆయన అన్నారు.

అయితే అందులో శ్రీకృష్ణదేవరాయలు ఇచ్చిన నగలు ఏవో కమిటీ తేల్చలేకపోయిందని తెలిపారు. శ్రీవారి ఆభరణాల జాబితాను ఇప్పటికే సీఎంకు ఇచ్చామని, శ్రీవారి నగలు ప్రదర్శించడానికి తాము సిద్ధంగా ఉన్నామని పేర్కొన్నారు. ఆగమ శాస్త్రం ఒప్పుకుంటే శ్రీవారి నగలను ప్రదర్శిస్తామని తెలిపారు. బూందీపోటు దగ్గర ఎలాంటి తవ్వకాలు జరగలేదని ఆయన వెల్లడించారు. 

కాగా టీటీడీ ఛైర్మన్ పుట్టా సుధాకర్‌ యాదవ్‌ మాట్లడుతూ.., ఇటీవల జెనీవాలో వేలం వేసిన గులాజీ రంగు వజ్రం శ్రీవారిదేనంటూ రమణ దీక్షితులు అనుమానం వ్యక్తం చేశారని, అయితే అసలు అలాంటి వజ్రమే స్వామివారికి ఉన్నట్లు లెక్కల్లో లేదని లేని వజ్రాన్ని ఎక్కడి నుంచి తీసుకురావాలని ప్రశ్నించారు.



వైఎస్ హయాంలో ఈ రమణ దీక్షితులు ఏమయ్యారు..?

Updated By ManamSun, 05/20/2018 - 14:13

putta తిరుమల: రమణ దీక్షితులపై కక్ష సాధింపు లేదని టీటీడీ చైర్మన్ పుట్టా సుధాకర్ యాదవ్ అన్నారు. వైఎస్, కరుణాకర్‌ రెడ్డి హయాంలో రమణదీక్షితులు ఎందుకు మాట్లాడలేదని ప్రశ్నించిన పుట్టా.. ఇప్పుడెందుకు తమపై ఆరోపణలు చేస్తున్నారో అర్థం కావడం లేదని వ్యాఖ్యానించారు. టీటీడీపై రమణ దీక్షితుల వ్యాఖ్యలను ఆయన విఙ్ఞతకే వదిలేస్తున్నామని, టీటీడీ బోర్డు భక్తుల సేవకే గానీ, పెత్తనానికి కాదని పేర్కొన్నారు. రమణ దీక్షితుల ఆరోపణలపై త్వరలో విచారణ జరిపిస్తామని చెప్పారు. రమణ దీక్షితులే కాకుండా, సామాన్య భక్తులు తీసుకొచ్చిన అంశాలను పరిశీలిస్తామని పేర్కొన్నారు. రమణ దీక్షితులకు రాజకీయ దురుద్దేశం ఉందో లేదో తెలీదని పుట్టా తెలిపారు.

 



జెనీవాలో వేలానికి వచ్చిన వజ్రం శ్రీవారిదేమో: రమణ దీక్షితులు

Updated By ManamSun, 05/20/2018 - 13:56

ramana  తిరుమల: శ్రీవారి మాజీ ప్రధానార్చకులు రమణ దీక్షితులు, టీటీడీ అధికారుల మధ్య వివాదం ఇప్పట్లో సద్దుమణిగేలా లేదు. తిరుమల కొండపై ఎప్పటి నుంచో వస్తున్న ఆచారాలను పక్కనపెట్టి టీటీడీ ఇష్టం వచ్చినట్లు వ్యవహరిస్తోందని ఇటీవల రమణ దీక్షితులు వ్యాఖ్యలు చేయగా.. దానిపై తాజాగా టీటీడీ ఈవో అనిల్ కుమార్ సింఘాల్ స్పందించారు. టీటీడీలో అన్ని కార్యక్రమాలు ఆగమశాస్త్రం ప్రకారమే జరుగుతున్నాయని, స్వామి వారి ఆభరణాలన్నీ భద్రంగా ఆయన అన్నారు. అయితే ఆయన వ్యాఖ్యలు చేసి కాసేపు అవ్వకముందే టీటీడీ గురించి మరోసారి సంచలన విషయాలను బయటపెట్టారు రమణ దీక్షితులు.

తిరుమల తిరుపతి ఆలయంలో 1996 నుంచి ఆభరణాలకు భద్రత కరువు అయ్యిందని రమణ దీక్షితులు ఆరోపించారు. 1996లో మీరాశి రద్దు కావడంతో ఆభరణాలను టీటీడీ స్వాధీనం చేసుకుందని ఆయన అన్నారు. స్వామివారి ఆభరణాలలో ఐదు పేటల వజ్రాలు పొదిగిన ప్లాటినం హారంలో గులాబీ రంగు వజ్రం ఉండేదని ఆయన అన్నారు. గరుడసేవలో భక్తులు విసిరిన నాణేలకు వజ్రం పగిలిందని రికార్డుల్లో రాశారని, నాణేలకు ఎక్కడైనా వజ్రం పగులుతుందా? అంటూ ప్రశ్నించారు. ఇటీవల జెనీవాలో ఓ గులాబీ రంగు వజ్రం వేలానికి వచ్చిందని, ఆ వజ్రం అదేనని తన అనుమానమని ఆయన పేర్కొన్నారు. 22 ఏళ్లలో ఎన్నో మణులు, మాణిక్యాలు శ్రీవారిని దాటి వెళ్లిపోయానని, వీటిపై రిటైర్డ్ జడ్జితో విచారణ జరిపించాలని రమణ దీక్షితులు తెలిపారు. 

అపచారాల నుంచి స్వామివారే భక్తులను కాపాడాలి
అయినా మరమ్మత్తుల కోసం 25రోజులు పోటును ఎందుకు మూసేశారని, ఎవరి సలహాలు తీసుకోకుండానే మరమ్మత్తులు ఎలా చేస్తారని రమణ దీక్షితులు అన్నారు. ప్రసాదం బయట చేసి తీసుకురావడం ఆగమశాస్త్ర విరుద్ధమని, ప్రసాదం తయారు చేశాక నైవేద్యం పెట్టేవరకు వంటమనిషి, అర్చకులు తప్ప దానిని ఎవరూ చూడకూడదంటూ తెలిపారు. అర్చకులంటే టీటీడీకి ఎప్పటికీ చులకన భావం ఉంటుందని, అపచారాల నుంచి స్వామివారిని భక్తులే కాపాడాలని రమణ దీక్షితులు పేర్కొన్నారు. ఇనుప నిచ్చెన మీద స్వామివారిని మండంపైకి తరలిస్తున్నారని, స్వామి వారికి ఇనుము తాకితే అపరాధమని, తేజస్సు పోయి అనగ్రహం లభించదని చెప్పారు.

 



శ్రీవారి ఆలయంలో రహస్యంగా ఏమీ జరగలేదు: ఈవో

Updated By ManamSun, 05/20/2018 - 12:05

anil kumar  తిరుమల: శ్రీవారి ఆలయంలో స్వామివారి పూజా కైంకర్యాలు, పూజలు శాస్త్రోక్తంగా, ఆగమోక్తమంగా జరుగుతున్నాయని టీటీడీ ఈవో అనిల్ కుమార్ సింఘాల్ అన్నారు. అర్చకుల వివాదంపై మాట్లాడిన అనిల్ కుమార్.. 1971 నుంచి సుప్రభాత సేవ ఉదయం 3గంటలకే ప్రారంభం అవుతుందని పేర్కొన్నారు.

శ్రీకృష్ణదేవరాయల కాలం నుంచి నేటి వరకు భక్తులు సమర్పిస్తున్న నగలన్నీ ఇప్పటికీ భద్రంగా ఉన్నాయని అనిల్ కుమార్ చెప్పారు. అభరణాల భద్రతపై చాలా రోజులుగా ఆరోపణలు వస్తున్నాయని, ఇప్పటికే రెండు సార్లు రిటైర్డ్ సుప్రీం జడ్జిలతో టీటీడీ విచారణ జరిపించిందని పేర్కొన్నారు. అలాగే 1952లో తిరు ఆభరణం రిజిస్టర్‌లో నమోదైన ఆభరణాన్నీ భద్రంగా ఉన్నాయని వాద్వా కమిటీ కూడా పేర్కొందని అన్నారు. ఆగమశాస్త్రాలు అంగీకరిస్తే ఆ ఆభరణాలన్నీ భక్తుల సందర్శనార్థం ఉంచుతామని చెప్పారు. జస్టిస్ జగన్నాథరావు కమిటీ నివేదిక ప్రకారం 2001లో పగిలిపోయింది డైమండ్ కాదని, రూబీ అని పేర్కొన్నారు. పగిలిపోయిన రూబీ ముక్కలు ఇప్పటికీ టీటీడీ ఆధీనంలో ఉన్నాయని సింఘాల్ చెప్పారు. ఆలయంలో రహస్యంగా ఏమీ జరగడం లేదని ఆయన స్పష్టం చేశారు. మరమ్మత్తుల విషయంలో భక్తులకు అనుమానాలున్నాయని.. కానీ పన్నెండేళ్లకోసారి వచ్చే మహాసంప్రోక్షణ సమయంలో మాత్రమే గర్భగుడిలో మరమ్మత్తులు జరుగుతాయని వెల్లడించారు. ఆగమశాస్త్రంలో అధికారుల ప్రమేయం అసలు ఉండదని పేర్కొన్నారు. 

ఇక 2012లోనే అర్చకులకు 65ఏళ్ల వయోపరిమితి విధానం అమల్లోకి వచ్చిందని, నిబంధనల ప్రకారం అర్చకులను తొలగించిన స్థానంలో వారి కుటుంబీకులనే అర్చకులుగా నియమించామని అనిల్ కుమార్ వెల్లడించారు. ప్రధాన అర్చకులుగా తమకు అవకాశం కల్పించాలని గొల్లపల్లి కుటుంబానికి చెందిన వేణుగోపాల దీక్షితులు కోర్టును ఆశ్రయించారని.. అయితే అర్హత, ఖాళీలు చూసుకొని అవకాశాలు కల్పించాలని కోర్టు తెలిపిందని, దాని ప్రకారమే ఎన్నిక ఉంటుందని పేర్కొన్నారు. మీరాశి వంశీకులకు, బ్రాహ్మణులకు ఎలాంటి అన్యాయం జరగలేదని, భక్తులకు, సులభంగా దర్శనభాగ్యం కల్పించడమే తమ బాధ్యత అని సింఘాలు స్పష్టం చేశారు.

 



శ్రీవారికి నలుగురు కొత్త ప్రధాన అర్చకులు

Updated By ManamFri, 05/18/2018 - 07:57

Tirumala తిరుమల: తిరుమల శ్రీవారి ఆలయ ప్రధాన అర్చకుడిగా పని చేస్తూ రాష్ట్ర ప్రభుత్వం, టీటీడీలపై ఆరోపణలు చేసిన ఎ.వి.రమణదీక్షితులపై వేటు పడింది. ప్రధాన అర్చక స్థానం నుంచి ఆయనన తొలగిస్తూ గురువారం టీటీడీ నిర్ణయం తీసుకుంది. మరోపక్క ఒకేసారి నలుగురు ప్రధాన అర్చకులను నియమించింది. దేవస్థానం చరిత్రలో ఒకేసారి నలుగురు ప్రధాన అర్చకులను నియమించడం ఇదే తొలిసారి. 

పూర్వపు మిరాశీ వ్యవస్థ కింద గొల్లపల్లి కుటుంబం నుంచి వేణుగోపాల దీక్షితులు, పైడిపల్లి వంశీయుల నుంచి కృష్ణ శేషాచల దీక్షితులు, పెద్దింటి కుటుంబం నుంచి శ్రీనివాస దీక్షితులును బుధవారమే నియమించగా తిరుపతమ్మ కుటుంబం నుంచి గోవిందరాజ దీక్షితులను నియమిస్తూ గురువారం టీటీడీ ఉత్తర్వులు జారీ చేసింది. వారందరూ వెంటనే విధుల్లో చేరాలని ఆదేశించింది. అలాగే ఆలయంలో పని చేస్తున్న మిరాశీయేతర అర్చకులు 32 మంది సర్వీసును క్రమబద్ధీకరించడానికి రాష్ట్ర మంత్రిమండలి ఆమోదం తెలిపింది.

 



టీటీడీలోకి కొత్త అర్చకులు..!

Updated By ManamWed, 05/16/2018 - 17:38

TTDramana deekshituluboard meetingPutta sudhakar yadavtirumala

తిరుమల: టీటీడీలో అర్చకులుగా పనిచేస్తున్న 65 ఏళ్లు నిండిన వారంతా రిటైర్మెంట్ ఇవ్వాలని టీటీడీ కొత్త పాలకమండలి సంచలన నిర్ణయం తీసుకున్న సంగతి తెలిసిందే. వెంటనే ఈ నిర్ణయాన్ని అమల్లోకి తేవాలని టీటీడీ నిర్ణయించింది. దీంతో రమణ దీక్షితులు, నరసింహ దీక్షితులు, శ్రీనివాస దీక్షితులు, నారాయణ దీక్షితులు పదవులు కోల్పోయారు. తిరుమల తిరుపతి దేవస్థానం వివాదాస్పద నిర్ణయం తీసుకుందని పలువురు అర్చకులు, ప్రముఖులు విమర్శకులు గుప్పిస్తున్నారు.

రమణ దీక్షితులు అవుట్.. 65 ఏళ్లు దాటితే రిటైర్మెంట్
 

కాగా.. వారి స్థానంలో ప్రధాన అర్చకులుగా గొల్లపల్లి వంశం నుంచి వేణుగోపాల దీక్షితులు, పైడిపల్లి వంశం నుంచి కృష్ణ శేషాద్రి దీక్షితులు, పెద్దింటి వంశం నుంచి శ్రీనివాస దీక్షితులను టీటీడీ నియమించింది. 

TTDramana deekshituluboard meetingPutta sudhakar yadavtirumala



అధికార బలంతో శ్రీవారి ప్రతిష్ఠను మంటగలుపుతున్నారు

Updated By ManamWed, 05/16/2018 - 09:02

tirumala  చెన్నై: రాజకీయ నాయకులు తిరుమల ఆలయాన్ని భ్రష్టు పట్టిస్తున్నారని, వారి నుంచి శ్రీవారిని రక్షించుకోవాలని టీటీడీ ఆలయ ప్రధాన అర్చకులు రమణ దీక్షితులు పేర్కొన్నారు. అధికార బలంతో శ్రీవారి ఆలయ ఆగమ శాస్త్ర నియమాలను గాలిని వదిలేస్తున్నారని ఆయన ఆవేదన వ్యక్తం చేస్తున్నారు. ప్రధాన అర్చకుడిగా ఉన్న తనకే ఆభరణాల వివరాలు తెలియడం లేదని, శ్రీకృష్ణదేవరాయలు స్వామివారికి ఇచ్చిన ఆభరణాల పరిస్థితి ఏంటని అని ప్రశ్నించారు.

లడ్డు ప్రసాదాన్ని వ్యాపారంగా మార్చుతున్నారని, ఏ చరిత్రా తెలియని పాలకమండలి, అధికారుల వల్ల ఆలయ ప్రతిష్ట మంటగలుస్తోందని, అన్యమతస్తుల విషయం నాయకుల విచక్షణకే వదిలేస్తున్నానని ఆయన పేర్కొన్నారు. హుండీ ఆదాయం స్వామివారి సేవకేనని పేర్కొంటూ, ఓ అధికార పార్టీ ఎమ్మెల్సీ తమ ఊరిలో కల్యాణమండపానికి పది కోట్లు కోరుతున్నారంటే ప్రభుత్వ తీరు అర్థమౌతుందని విమర్శించారు. ప్రభుత్వం, అధికారుల కనుసన్నల్లో జరుగుతున్న అవినీతి నుంచి స్వామివారిని కాపాడుకునేందుకు తాము నిత్యం పోరాడుతూనే ఉంటామని, ఇందుకోసం భక్తులు కలిసి రావాలని రమణ దీక్షితులు కోరారు. 

 



ఎమ్మెల్యే అనితను తొలగిస్తూ ఉత్తర్వులు!

Updated By ManamThu, 04/26/2018 - 19:26

AP Govt Removes TDP MLA Anitha's Name From TTD Board Members

అమరావతి: టీటీడీ బోర్డు సభ్యురాలిగా ఎమ్మెల్యే అనిత పేరును తొలగిస్తూ ప్రభుత్వం ఉత్తర్వులు జారీ చేసింది. ఇటీవల టీటీడీ పాలకమండలి సభ్యురాలిగా ఎమ్మెల్యే అనితను సీఎం చంద్రబాబు నియమించిన సంగతి తెలిసిందే. అయితే ఈ నియమాకంపై పలు వర్గాల నుంచి తీవ్ర అభ్యంతరాలు రావడంతో ఎట్టకేలకూ అనిత వివరణ ఇచ్చుకున్నారు. అయితే తాను క్రిస్టియన్ అంటూ అనిత చెప్పిన వీడియో ఉండటంతో దాన్ని నిశితంగా పరిశీలించిన అనంతరం సీఎం ఈ కీలక నిర్ణయం తీసుకున్నారు. ఈ వ్యవహారంపై గత వారంలో తనను బోర్డు మెంబర్ నుంచి తొలగించాలని అనిత.. సీఎంకు లేఖ కూడా రాశారు. అయితే అనిత స్థానంలో ఎవర్ని నియమిస్తారనేదానిపై ఉత్కంఠ నెలకొంది.



శ్రీవారి అత్తింటివారికి అవకాశం! 

Updated By ManamWed, 04/25/2018 - 01:13

imageతిరుమల తిరుపతి దేవ స్థానాల (టీటీడీ) పాలక వర్గం నియామకంలో పొర పాటు జరిగిపోయింది. మనదేశంలో వేల ఏళ్లుగా ఆధ్యాత్మికంగా, సామాజి కంగా పాతుకుపోయిన వ్యవస్థలో ఇటువంటి పాలకవర్గాల నియామకంలో ప్రభుత్వాలు ఎన్నో జాగ్రత్తలు పాటించ వలసిన అవసరం ఉంది. అందులోనూ ప్రపంచంలోని ప్రతి హిందువు కులాలతో సంబంధం లేకుండా ఒక్కసారైనా దర్శించుకోవాలను కునేంతటి ప్రాచుర్యం పొందిన దైవం తిరుమల శ్రీ వెంకటేశ్వరుడు. అంత ర్జాతీయ స్థాయిలో అంతటి విశిష్టత కలిగిన దేవాలయ కమిటీ పాలకవర్గ సభ్యులు మతపరంగా, ఆధ్యా త్మికంగా, నడవడిక పరంగా అంతటి ప్రాధాన్యత కలిగిన వ్యక్తులై ఉండాలని హిందువులు ఆశిస్తారు. అటువంటి కమిటీ నియా మకంలో తప్పుగానీ, పొరపాటు గాని జరిగితే  అది సమాజపరంగానే కాకుండా ప్రభుత్వ పరంగా తీవ్ర ప్రభావం చూపుతుంది.

ఆ కమిటీ చైర్మన్ పదవి ఓ యాదవుడికి ఇవ్వడం పట్ల ఎవరూ అభ్యంతరం చెప్పరు. శ్రీకృష్ణుడు యాదవ వంశానికి చెందినవాడు. అందువల్ల యాదవులకు ఆ రకమైన గుర్తింపు ఉంది. అయితే ఇక్కడ పుట్టా సుధా కర్ యాదవ్‌ను ఆ పదవికి ఎంపిక చేయడం పట్లే అభ్యంతరం వ్యక్తమవుతోంది. ఆ పదవికి ఆయన పేరు ఎంపిక చేస్తున్నట్లు ప్రచారం జరిగిన సమయంలోనే, ఆయన క్రిస్టియన్ మత ప్రచార సభలలో పాల్గొంటా రని విమర్శలు వ్యక్తమయ్యాయి. వాస్తవానికి ఆయన ఆ సభలలో పాల్గొనడం తప్పేమీకాదు. అది మత సామరస్యానికి ప్రతీక కూడా. సామాజికపరంగా అది మంచిపనే. కానీ ఇక్కడ విశ్వాసాలు వేరు. ఏ మత మైనా మతపరమైన వ్యక్తుల మనోభావాలు వేరుగా ఉంటాయి. ప్రస్తుత వ్యవస్థలో వాటిని ప్రభుత్వాలు గుర్తించి, గౌరవించక తప్పదు. ఇది సున్నితమైన అంశమైనప్పటికీ ప్రభావం తీవ్రంగా ఉంటుంది. పుట్టా సుధాకర్ యాదవ్‌కు ప్రాధాన్యత ఇవ్వదలచుకుంటే ప్రభుత్వంలో మరో ఉన్నతమైన పదవి ఇచ్చి, టీటీడీ చైర్మన్‌గా ఇటువంటి వివాదాలకు అవకాశంలేని వారిని నియమిస్తే బాగుండేదని పలువురు అభిప్రాయ పడు తున్నారు. గతంలో భూమన కరుణాకరరెడ్డిని కమిటీ చైర్మన్‌గా నియమించినప్పుడు కూడా అయన నాస్తికు డని, ఆయనను దైవ సంబంధమైన కమిటీలో ఎలా నియమిస్తారని విమర్శలు వచ్చాయి. కమిటీ సభ్యు లుగా ఓ దళిత వ్యక్తిని నియమించాలన్న ప్రభుత్వ నిర్ణయం స్వాగతించదగినది. వారిని ఆధ్యాత్మికంగా, సామాజికంగా అందరితో సమానంగా గుర్తించి తగిన స్థానం ఇవ్వవలసిన బాధ్యత అందరిపై ఉంది. వారిని ఆ విధంగా గౌరవించిన నాడు తమను తక్కువగా చూస్తున్నారన్న భావన వారిలో తొలగిపోయే అవకాశం ఉంది. ఇటువంటి నియామకాల విషయంలో మత పరంగా వారు ఆచరించే విధానాలు, ఆలోచనలు, సమాజంలో వారికి ఉన్న గుర్తింపు వంటివాటిని పరిగణనలోకి తీసుకోవలసిన అవసరం ఉంది. కమిటీ సభ్యురాలిగా పాయకరావుపేట శాసనసభ్యురాలు వంగలపూడి అనిత నియామకం కూడా విమర్శలకు దారితీసింది. గతంలో స్వయంగా ఆమే తనకారులో, తన బ్యాగ్‌లో  తప్పనిసరిగా బైబిల్ ఉంటుందని చెప్పారు. ఆమె అటు క్రీస్తుని, ఇటు వెంకటేశ్వరుడిని నమ్మవచ్చు, పూజించవచ్చు, ప్రార్ధించవచ్చు. ఒక రకంగా అది మంచిదే. కానీ మత విశ్వాసాలు ఇటు వంటి వాటిని అనుమతించవు. ఏ మత పెద్దలైనా ఇటు వంటివాటిని అంగీకరించరు. తిరుమలలో క్రైస్తవ మత ప్రచారం జరుగుతోందని, దానిని అరికట్టాలని,  ఉద్యో గులలో కొందరు క్రైస్తవులున్నారని, వారిని బదిలీ చేయాలని హిందువులు గగ్గోలు పెడుతున్నారు. ఈ నేపధ్యంలో అనిత నియామకం వివాదాలకు దారి తీసింది. పరిస్థితిని అర్ధం చేసుకొని తన నియామకా న్ని రద్దు చేయమని ఆమె కోరడం అభినందనీయం.  ఇలాంటి నియామకాలు ప్రభుత్వాలకు కత్తి మీద సాములాంటివి. మతపరమైన అంశాలతోపాటు అనేక సామాజిక వర్గాలను సంతృప్తిపరచవలసి ఉంటుంది. అంతేకాకుండా ఈ పదవిని అత్యంత గౌరవంగా భావించే అన్ని రంగాలలో ఉన్నతవర్గాల వారు  పోటీపడుతుంటారు. ఇటువంటి సందర్భాలలో ఏదైనా పొరపాటు జరిగితే ప్రజల మనోభావాలను రెచ్చగొట్టి ప్రతిపక్షాలు లబ్ధిపొందాలని చూస్తుంటాయి. ప్రభుత్వం అంటే గిట్టని వారు కూడా ఇటువంటి సంద ర్భాలను తమకు అనుకూలంగా వాడు కుంటుంటారు. అందువల్ల మత, సామాజిక పరంగానే కాకుండా రాజకీయంగా నష్టం జరుగకుండా కూడా ప్రభుత్వాలు జాగ్రత్తలు తీసుకోవలసిన అవసరం ఉంది. 

ఇదిలా ఉంటే శ్రీవారికి అత్తింటివారమైన తమ కులస్తులకు కమిటీలో స్థానం కల్పించలేదని పద్మశా లీయులు ఆందోళన వ్యక్తం చేస్తున్నారు. స్వామివారి జీవిత భాగస్వామి పద్మావతిదేవి పద్మశాలీయుల ఆడపడుచు. తిరుమల బ్రహ్మోత్సవాలలో వారికి ఆ గౌరవం దక్కుతోంది. అయితే కమిటీలో సభ్యత్వం లేదని వారు బాధపడుతున్నారు. పద్మావతీ దేవి తమ ఆడపడుచు అయినందున ప్రతిసారి కమిటీలో తమ వారికి స్థానం కల్పించాలని వారు డిమాండ్ చేస్తున్నా రు. ప్రస్తుత పరిణామాల నేపధ్యంలో కమిటీలో మా ర్పులు చేయవలసి రావడంతో పద్మశాలి కుల స్తులకు ప్రాధాన్యత ఇవ్వాలన్న ఆలోచనతో ప్రభుత్వం ఉన్నట్లు తెలుస్తోంది. ఆ విధంగా చేస్తే రాష్ట్రంలో వ్యవసాయ రం గం తరువాత అత్యధిక మంది ఆధార పడే చేనేత రం గానికి సంబంధించిన కులాలను సంతృప్తిపరచినట్లు అవుతుందన్న భావన కూడా ఉంది. అనిత తప్పు కోవ డంతో హరి అత్తింటి వారికి కమిటీలో స్థానం దక్కే అవకాశం ఉంది. 

శిరందాసు నాగార్జున,
సీనియర్ జర్నలిస్ట్




Related News