imran khan

భారత్ తీరు దురహంకారం

Updated By ManamSat, 09/22/2018 - 22:54
  • విదేశాంగశాఖ మంత్రుల భేటీ రద్దుపై ఇమ్రాన్‌ఖాన్

imrankhanఇస్లామాబాద్: ఇరు దేశాల విదేశాంగశాఖ మంత్రుల భేటీని రద్దు చేయ డంతో భారత్ దురహంకార పూరితంగా వ్యవహరించినం దని పాకిస్థాన్ ప్రధాని ఇమ్రాన్‌ఖాన్ ఆరోపించారు. తాను భారత ప్రధాని నరేంద్ర మోదీకి లేఖ రాశానిని, ఆ నేపథ్యంలో ఐక్యరాజ్యసమితి సమావేశాల సందర్భంగా ఇరు దేశాలు మంత్రులు భేటీ కావాలని నిర్ణయించామ న్నారు. కానీ, భారత్ సానుకూలంగా దృక్పథంతోకాకుండా వ్యతిరేక దృక్పథంతో వ్యవహరించిందని, ఇది తనకు తీవ్ర మనస్థాపాన్ని మిగిల్చిందని పేర్కొన్నారు. కశ్మీర్‌లో పాక్  ప్రోత్సాహిత ఉగ్రవాదులు ముగ్గురు పోలీసులను కిడ్నాప్ చేసి హత్య చేయడం, ఉగ్రవాది బుర్హాన్ వనీపై పోస్టల్ స్టాంప్ విడుదల చేయడం పట్ల తీవ్ర ఆగ్రహం వ్యక్తం చేసిన భారత్ విదేశాంగశాఖ మంత్రుల సమావేశాన్ని రద్దు చేసుకుంటున్నట్లుగా భారత్ ప్రకటించింది. ఈ రెండు అంశాలతో ఇమ్రాన్ ఖాన్ నిజస్వరూపం ఏమిటో తెలిసిపోయిందని, చర్చల ఉద్దేశం కూడా అర్థమైందని, అందువల్లే చర్చలను రద్దు చేసుకున్నామని విదేశాంగశాఖ ఒక ప్రకటనలో పేర్కొంది. 



పాకిస్తాన్‌తో భారత్ భేటీ రద్దు

Updated By ManamFri, 09/21/2018 - 17:53
India Calls Off Talks With Pak

న్యూఢిల్లీ : ఓ వైపు శాంతి చర్చలు జరుపుదామంటూ...మరోవైపు రెచ్చగొట్టే చర్యలకు పాల్పడుతున్న పాకిస్థాన్‌ వైఖరిని భారత్ సీరియస్‌గా తీసుకుంది. దీంతో వచ్చేవారం న్యూయార్క్‌లో పాకిస్థాన్ విదేశాంగ మంత్రితో జరగాల్సిన భారత విదేశాంగ మంత్రి భేటీని భారత్ రద్దు చేసింది. కాగా భారత్, పాక్ మధ్య మళ్లీ శాంతి చర్చల ప్రక్రియ  కొనసాగించాలన్న పాకిస్థాన్ ప్రధానమంత్రి ఇమ్రాన్ ఖాన్ ...ప్రధాని మోదీకి లేఖ రాసిన విషయం తెలిసిందే. 

దీంతో పాక్ అభ్యర్థనకు భారత్ అంగీకారం తెలిపింది. అయితే జమ్ముకశ్మీర్‌‌లో పాక్ రేంజర్లు భారత జవాన్లను ఊచకోత కోస్తుండటం, మరోవైపు పాక్ ప్రేరేపిత ఉగ్రవాదులు జమ్ముకశ్మీర్‌లో పోలీసులను హతమార్చడంపై ఆగ్రహం వ్యక్తంచేసిన భారత్.. ఆ భేటీని అర్ధంతరంగా రద్దు చేసింది. 



మోదీకి పాక్ ప్రధాని ఇమ్రాన్ లేఖ

Updated By ManamThu, 09/20/2018 - 14:03
  • ఇరు దేశాల మధ్య శాంతి చర్చలు పునప్రారంభిద్దామని పిలుపు

Imran Khan letter to Narendra Modi

ఇస్లామాబాద్ : పాకిస్తాన్ ప్రధానమంత్రి ఇమ్రాన్ ఖాన్... భారత ప్రధాని నరేంద్ర మోదీకి లేఖ రాశారు.  భారత్-పాక్ మధ్య ద్వైపాక్షిక చర్చలు తిరిగి పునరుద్దరించాలని ఇమ్రాన్ తన లేఖలో కోరారు. అయితే పాక్ ప్రధానిగా బాధ్యతలు చేపట్టిన ఇమ్రాన్ ఖాన్ శాంతి చర్చలు తిరిగి ప్రారంభిద్దామంటూ తొలిసారి లేఖ రాయడం విశేషం. 

ఈ నెలలో న్యూయార్క్‌లో జరగబోయే ఐక్యరాజ్యసమితి జనరల్ అసెంబ్లీ సమావేశాల్లో రెండు దేశాల విదేశాంగ మంత్రుల భేటీ కోసం ప్రయత్నాలు చేయాలంటూ ఇమ్రాన్ తన లేఖలో ప్రధాని మోదీకి విజ్ఞప్తి చేశారు. 2016లో పఠాన్‌కోట్ ఎయిర్‌బేస్‌పై పాక్ ప్రేరేపిత ఉగ్రవాదుల దాడి ఘటన ఇరుదేశాల మధ్య  శాంతి చర్చలు నిలిచిపోయాయి. ఆ తర్వాత నుంచి భారత్-పాక్ మధ్య ఎలాంటి సత్సంబంధాలు లేవు. అయితే ఇప్పటికే ప్రధాని మోదీ పాక్‌తో స్నేహపూరిత బంధాన్ని ఆశిస్తున్నామంటూ ఇమ్రాన్‌కు లేఖ రాసిన విషయం తెలిసిందే.



వేలానికి బీఎండబ్ల్యులు.. బెంజిలు!

Updated By ManamSun, 09/02/2018 - 15:35
  • అన్నీ  ప్రధానిమంత్రి కాన్వాయ్‌లోవే

  • పాకిస్థాన్‌లో ఖరీదైన వాహనాల అమ్మకం

  • పొదుపు చర్యలు ప్రారంభించిన ఇమ్రాన్

Prime Minister, luxury cars, auction, Imran Khan, Pak PMఇస్లామాబాద్: పాకిస్థాన్ కొత్త ప్రధానమంత్రి ఇమ్రాన్ ఖాన్ పొదుపు చర్యలు ప్రారంభించారు. ఇన్నాళ్లూ ప్రధానమంత్రి ఆధీనంలో ఉన్న పలు విలాసవంతమైన కార్లను వేలానికి పెట్టాలని నిర్ణయించారు. ఈనెల 17వ తే దీన ప్రధాని నివాసం వద్ద వేలం నిర్వహించనున్నారు. ఇందుకోసం ఖరీదైన వాహనాల జాబితాను సిద్ధం చేస్తున్నారు. వీటిలో 2014 మోడల్‌కు చెందిన 8 బీఎండబ్ల్యు వాహనాలు, 2016 మోడల్‌కు చెందిన మూడు 5000 సీసీ ఎస్‌యూవీలు, రెండు 3000 సీసీ ఎస్‌యూవీలు ఉన్నాయి. 2016 మోడల్‌కు చెందిన మెర్సిడిస్ బెంజ్ కార్లు కూడా వాటిలో ఉన్నాయి. వేలానికి వచ్చే కార్లలో రెండు 4000 సీసీ బుల్లెట్ ప్రూఫ్ కార్లు. ఇవి కాక 16 టొయోటా కార్లు కూడా ఉన్నాయి. వాటిలో ఒకటి 2004 మోడల్ లెక్సస్, ఒకటి 2006 మోడల్ లెక్సస్ ఎస్‌యూవీ కాగా రెండు 2004 మోడల్ లాండ్ క్రూయిజర్లున్నాయి. 

మరో 8 కార్లు 2003 నుంచి 2013 మోడల్ వరకు ఉన్నాయి. ఇవన్నీ కాక.. 2015 మోడల్‌కు చెందిన నాలుగు బుల్లెట్ ప్రూఫ్ లాండ్ క్రూయిజర్లు కూడా వేలానికి వచ్చాయి. ఇంకా ఒక 1800 సీసీ హోండా సివిక్ కారు, మూడు సుజుకి వాహనాలు, రెండు కల్టస్, ఒక ఏపీవీ.. అన్నీ 2013 మోడల్‌వి వేలానికి సిద్ధంగా ఉన్నాయి. 1994 మోడల్‌కు చెందిన ఒక హైనో బస్సును కూడా అమ్మకానికి పెట్టారు. ఆగస్టు 18వ తేదీన ప్రమాణస్వీకారం చేసిన ప్రధానమంత్రి ఇమ్రాన్‌ఖాన్.. ఒక సాధారణ త్రీ బెడ్‌రూం ఇంటికి మారారు. అక్కడ కేవలం ఇద్దరు పనివాళ్లు మాత్రమే ఉన్నారు. 524 మంది సిబ్బంది, 80 వాహనాలు ఉన్న ఖరీదైన ప్రధాని బంగ్లాలో తాను ఉండబోనని ఆయన ముందే ప్రకటించారు. 



‘కౌగిలింతపై కావాలనే రాద్ధాంతం’

Updated By ManamTue, 08/21/2018 - 15:44
Navjot Sidhu

న్యూఢిల్లీ : పాకిస్థాన్ ఆర్మీ చీఫ్‌ను హత్తుకోవడంపై వస్తున్న విమర్శలపై మాజీ క్రికెటర్, పంజాబ్ మంత్రి నవ్‌జోత్ సింగ్ సిద్ధూ స్పందించారు. ఈ విషయాన్ని కొంతమంది అనవసరంగా రాద్ధాంతం చేస్తున్నారని, తనను దేశద్రోహిగా చిత్రీకరించేందుకు ప్రయత్నిస్తున్నారని ఆయన విమర్శించారు. గతంలో పాకిస్థాన్ వెళ్లినప్పుడు అటల్ బిహారీ వాజ్‌పేయ్, నరేంద్ర మోదీ అక్కడి నాయకులను కౌగలించుకోలేదా అని  సిద్దూ ప్రశ్నించారు. 

కేంద్ర విదేశాంగ మంత్రి సుష్మాస్వరాజ్ స్వయంగా ఫోన్ చేసి పాక్ వెళ్లడానికి ప్రభుత్వం అనుమతిచ్చిన విషయాన్ని సిద్ధూ ఈ సందర్భంగా గుర్తు చేశారు. భారత్-పాక్  మధ్య శాంతి  కోసం ఎప్పటి నుంచో ప్రయత్నాలు జరుగుతున్నాయన్నారు. ఇమ్రాన్‌ఖాన్ ప్రమాణ స్వీకారం కోసం పాక్ వెళ్లడాన్ని సమర్థించుకున్న ఆయన... తనను మాత్రమే ఎందుకు టార్గెట్ చేస్తున్నారన్నారు. 

ఇరు దేశాల మధ్య బస్సులు ఎందుకు నడుపుతున్నారని, రోజూ వేలమంది పాక్ వెళ్లి తిరిగి వస్తున్నారన్నారు.  అలాగే ప్రమాణ స్వీకారోత్సవంలో  పాక్ ఆక్రమిత కశ్మీర్ చీఫ్ పక్కనే కూర్చోవడంపైనా సిద్ధూ మాట్లాడుతూ.. చివరి నిమిషంలో తాను కూర్చునే సీటు మారిందన్నారు. ప్రమాణ స్వీకారం ప్రారంభం అయ్యే అయిదు నిమిషాల ముందు తనకు ముందు వరుసలో సీటు కేటాయించారన్నారు.



28 లక్షల కోట్ల అప్పులో పాకిస్తాన్

Updated By ManamMon, 08/20/2018 - 14:00
Imran khan

ఇస్లామాబాద్ : మాజీ ప్రధానమంత్రి నవాజ్‌ షరీఫ్‌ కారణంగా గత పదేళ్లలో పాకిస్తాన్‌ ఏకంగా రూ.28 లక్షల కోట్ల రుణఊబిలో కూరుకుపోయిందని పాక్ కొత్త ప్రధాని ఇమ్రాన్‌ మండిపడ్డారు. ‘ఇలాంటి ఆర్థిక విపత్కర స్థితిని పాకిస్తాన్‌ గతంలో ఎన్నడూ ఎదుర్కొనలేదు. మన రుణభారం రూ.28 లక్షల కోట్లకు పెరిగిపోయింది. ఇప్పుడు ఈ అప్పుపై వడ్డీ చెల్లించడానికి మళ్లీ అప్పు చేయాల్సిన దుస్థితి నెలకొంది. మరోవైపు మానవ అభివృద్ధి సూచీలో పాకిస్తాన్‌ దిగజారుతోంది. 

శిశు మరణాలు అత్యధికంగా సంభవించే ఐదు దేశాల్లో పాక్‌ ఒకటిగా ఉంది. ఇదంతా కేవలం అపరిశుభ్రమైన నీటి కారణంగానే సంభవిస్తోంది’ అని ఇమ్రాన్‌ ఆవేదన వ్యక్తం చేశారు. దేశంలోని పేదరికం, చిన్నారుల్లో పోషకాహార లోపాన్ని అరికట్టడంతో పాటు ఆరోగ్య రంగాన్ని మెరుగుపర్చేందుకు తనతో కలిసి రావాలని ఇమ్రాన్‌ పాక్‌ పౌరులకు పిలుపునిచ్చారు.



పాక్ 22వ ప్రధానిగా ఇమ్రాన్ ప్రమాణం.. 

Updated By ManamSat, 08/18/2018 - 16:02

Imran Khan, 22nd Prime Minister of Pakistan, takes oath ఇస్లామాబాద్: పాకిస్థాన్ ప్రధానిమంత్రిగా పీటీఐ (పాకిస్థాన్‌ తెహ్రీక్‌ ఈ ఇన్సాఫ్‌ పార్టీ) అధ్యక్షుడు, మాజీ క్రికెటర్ ఇమ్రాన్ ఖాన్ శనివారం ప్రమాణ స్వీకారం చేశారు. రాజధాని ఇస్లామాబాద్‌లో జరిగిన ప్రమాణ స్వీకార మహోత్సవంలో దేశ 22 ప్రధానిగా బాధ్యతలు స్వీకరించారు. పాకిస్థాన్ అధ్యక్షుడు మమ్నూన్ హుస్సేన్ ఇమ్రాన్ చేత ప్రమాణ స్వీకారం చేయించారు. పాక్‌ జాతీయ గీతంతో ప్రమాణ స్వీకార కార్యక్రమం ప్రారంభమైంది. ఈ సందర్భంగా ఇమ్రాన్.. ఉర్దూలో ప్రమాణం చేశారు. అయితే ప్రమాణస్వీకారం సమయంలో ఆయన కొన్ని ఉర్దూ పదాలు పలకలేక ఇబ్బందిపడినట్టు కనిపించింది. ఈ కార్యక్రమంలో ఇమ్రాన్‌ సతీమణి బుష్రామనేకా కూడా హాజరయ్యారు. 

తన స్నేహితులైన క్రికెటర్లను కూడా ఆహ్వానించారు. భారత్‌ నుంచి మాజీ క్రికెటర్‌, పంజాబ్‌ మంత్రి నవజ్యోత్‌ సింగ్‌ సిద్ధూ హాజరయ్యారు. జాతీయ అసెంబ్లీలో శుక్రవారం ఏకపక్షంగా సాగిన ఎన్నికల్లో షాబాజ్‌ షరీఫ్‌ను ఇమ్రాన్‌ ఓడించారు. పాక్‌లో ప్రభుత్వాన్ని ఏర్పాటు చేసేందుకు 172 ఎంపీల ఓట్లు అవసరం ఉండగా.. పీటీఐకి 176 ఓట్లు వచ్చాయి. మాజీ ప్రధాని నవాజ్ షరీఫ్‌కు చెందిన ప్రతిపక్ష పీఎంఎల్-ఎన్‌కు 96 ఓట్లు మాత్రమే వచ్చాయి. దాంతో మెజారిటీ సంఖ్య తగ్గి పీటీఐ విజయం సునాయాసమైంది.  కాగా, ఇమ్రాన్‌కు చిన్నపార్టీలైన ముత్తాహిదా కామీ, బలూచిస్థాన్ అవా మీ పార్టీ, బలూచిస్థాన్ నేషనల్ పార్టీ, పాకిస్థాన్ ముస్లిం లీగ్, గ్రాండ్ డెమొక్రటిక్ ముస్లిం లీగ్, జమోరి వతన్ పార్టీలు మద్దతుపలికాయి.

ఇస్లామాబాద్‌లోని అధ్యక్షుడి నివాసం ‘ఐవాన్ ఇ సదర్’లో అత్యంత నిరాడంబరంగా సాగిన కార్యక్రమంలో ఇమ్రాన్ ఖాన్‌తో దేశాధ్యక్షుడు మమ్నూన్ హుస్సేన్ ప్రమాణం చేయించారు. ఉదయం 9.30 గంటలకు ప్రారంభమైన ప్రమాణ స్వీకారోత్సవ కార్యక్రమం 40 నిమిషాల్లో ముగిసింది.  కార్యక్రమం పాక్ జాతీయ గీతంతో ప్రారంభమైంది. తర్వాత ఖురాన్‌లోని వాక్యాలను చదివారు. నలుపు రంగు షేర్వాణిలో వచ్చిన ఇమ్రాన్ ఉర్దూలో ప్రమాణం చేశారు. అయితే ఆయన ప్రమాణస్వీకారం సమయంలో కాస్త ఆందోళనగా కనిపించారు. కొన్ని ఉర్దూ పదాలు పలకలేక ఇబ్బందిపడ్డారు. ప్రమాణ స్వీకారోత్సవానికి ఇమ్రాన్ సతీమణి బుష్రామనేకా కూడా హాజరయ్యారు. ఖాన్ ఈ కార్యక్రమానికి క్రికెటర్లైన తన స్నేహితులను ఆహ్వానించారు.  ఆర్మీ చీఫ్ జనరల్ ఖమర్ జావెద్ బజ్వా, ఇతర సైన్యాధికారులు, కమంటేటర్‌గా మారిన మాజీ క్రికెటర్ రమీజ్ రజా, మాజీ క్రికెటర్ వసీం అక్రం, భారత్ నుంచి మాజీ క్రికెటర్, పంజాబ్ మంత్రి నవజ్యోత్ సింగ్ సిద్ధూ, షట్లర్ పీవీ సింధూ హాజరయ్యారు. భారత మాజీ క్రికెటర్లు సునీల్ గవాస్కర్, కపిల్ దేవ్‌ను కూడా ఆహ్వానించినా వారు వెళ్లలేదు. జాతీయ అసెంబ్లీలో శుక్రవారం ఏకపక్షంగా సాగిన ఎన్నికల్లో షాబాజ్ షరీఫ్‌ను ఇమ్రాన్ ఓడించిన విషయం తెలిసిందే. ఇమ్రాన్‌ఖాన్‌కు 176 ఓట్లు .. పాకిస్థాన్ ముస్లిం లీగ్-నవాజ్ (పీఎంఎల్-ఎన్) అధిపతి షాబాజ్ (జైలులో ఉన్న మాజీ ప్రధాని నవాజ్ షరీఫ్ సోదరుడు) 96 ఓట్లు సాధించినట్లు స్పీకర్ ప్రకటించారు. 342 మంది సభ్యులున్న పాక్ పార్లమెంటు దిగువసభలో ప్రభుత్వం ఏర్పాటుకు 172 స్థానాలు అవసరం. కాగా ఇమ్రాన్‌కు 176 మంది మద్దతు లభించింది. జులై 25న జరిగిన పాక్ సాధారణ ఎన్నికల్లో 116 స్థానాల గెలుపుతో పీటీఐ ఏకైక అతిపెద్ద పార్టీగా అవతరించిన సంగతి తెలిసిందే. కొందరు స్వతంత్రులు, చిన్న పార్టీల మద్దతుతో ఇమ్రాన్ మెజార్టీ సాధించారు.

22 ఏళ్ల రాజకీయ పోరాటం..
ఇమ్రాన్ ఖాన్‌ను ప్రధాని పదవి ఊరికే లభించలేదు. దాని వెనుక 22 ఏళ్ల పోరాటం ఉంది. నిరంతర పోరాటంతోనే తన కలను నెరవేర్చుకున్నారు. క్రికెటర్‌గా జీవితాన్ని ప్రారంభించిన ఇమ్రాన్‌ఖాన్.. 1992లో ప్రపంచ క్రికెట్ కప్‌ను గెలుపొందడంలో కీలక పాత్ర పోషించారు. అప్పుడే ఆయనకు పేరుప్రఖ్యాతలు వచ్చాయి. ప్రజాదరణ లభించింది. అదే స్ఫూర్తితో రాజకీయాల్లోకి అడుగుపెట్టారు. ఆక్స్‌ఫర్డ్ వర్సిటీ నుంచి పట్టా పొందిన ఇమ్రాన్‌ఖాన్ రాజకీయాల్లో ప్రవేశం అంత సులువుగా జరగలేదు. అప్పటికే దేశంలో గట్టి పార్టీలుగా పేరొందిన పీఎంఎల్(ఎన్), పీపీపీలను ఎదుర్కోవాల్సి వచ్చింది. వాటికి ఎదురొడ్డి నిలవడం అంటే చిన్న విషయమేని కాదు. ఆ పార్టీలకు ప్రజల్లో బలమైన పట్టు ఉంది. కేడర్ ఉంది. అయినా మార్పు నినాదంతో ప్రజల్లోకి వెళ్లారు. సభలు, సమావేశాలు నిర్వహించారు. ఆ క్రమంలో 2002లో తొలిసారి పార్లమెంట్‌కు ఎన్నికయ్యారు. ఆ తర్వాతి ఎన్నికల్లో ఓటమి చవిచూశారు. 2013లో మరోసారి ఎంపీగా గెలిచారు. ఈ ఎన్నికల్లో పీఎంఎల్(ఎన్)కు అనుకూలంగా భారీగా రిగ్గింగ్ జరిగిందని ఆరోపిస్తూ ప్రధాని షరీఫ్ రాజీనామా చేయాలంటూ 2014లో లాహోర్ నుంచి ఇస్లామాబాద్ వరకు భారీ ర్యాలీ చేపట్టి దేశ ప్రజలతోపాటు.. ప్రపంచం దృష్టినీ ఆకర్షించారు. ఈ ఏడాది జరిగిన ఎన్నికల్లో పాకిస్థాన్ మతపెద్దల్లో ఒకరైన తాహిర్-ఉల్-ఖాద్రితో పొత్తు పెట్టుకుని బరిలో దిగారు. తాజా ఎన్నికల్లో అవినీతిని నిర్మూలిస్తానని, పేదరిక నిర్మూలన చర్యలు చేపడుతానని, విద్య, ఆరోగ్య రంగాలకు అత్యధిక ప్రాధాన్యం ఇస్తానని హామీలు ఇచ్చారు. ‘సంక్షేమ ఇస్లామిక్ దేశం’గా రూపొందించడమే తన లక్ష్యమని ప్రకటించారు. ‘నయా పాకిస్థాన్’ను రూపొందిస్తానని చెప్పారు. ఎన్నికల్లో గెలవగానే దేశ ఆర్థిక పరిస్థితిని, పాలనను గాడిలో పెట్టేందుకు చేపట్టనున్న 100 రోజుల ప్రణాళికను కూడా ప్రకటించారు. 
 
తొలి విజ్ఞప్తి బ్రిటన్‌కే..
ప్రధానిగా ప్రమాణం చేసిన అనంతరం ఇమ్రాన్ ఖాన్ తన తొలి విజ్ఞప్తి బ్రిటన్‌కు చేయడం గమనార్హం. తమ దేశం నుంచి తరలించిన నల్లధనాన్ని వెనక్కి రప్పించేందుకు సహకరించాలని, మనీలాండరింగ్ సమస్యను ఎదుర్కొనేందుకు తోడ్పడాలని బ్రిటన్ ప్రధాని థెరిస్సామేకు విజ్ఞప్తి చేశారు. పాక్ మాజీ ప్రధాని నవాజ్ షరీఫ్, అతని అనుచరులపై మనీలాండరింగ్ కేసులు విచారణలో ఉన్న నేపథ్యంలో ఇమ్రాన్ చేసిన విజ్ఞప్తి ప్రాధాన్యం సంతరించుకుంది. కాగా, ఇమ్రాన్‌ఖాన్ ప్రమాణ స్వీకారం చేసిన నేపథ్యంలో తాత్కాలిక ప్రధాని నాసిరుల్ ముల్క్ ప్రభుత్వం రద్దయినట్లగా కేబినెట్ కార్యదర్శి ప్రకటించారు.  పాక్ పార్లమెంట్‌లో ప్రతిపక్ష నేతగా పీఎంఎల్(ఎన్) చీఫ్ షాబాజ్ షరీఫ్ ఎన్నికయ్యారు. వచ్చే నెలలో జరగనున్న పాక్ అధ్యక్ష ఎన్నికల్లో తమ పార్టీ అభ్యర్థిగా డాక్టర్ ఆరిఫ్ అల్వీ బరిలో నిలుస్తారని ఇమ్రాన్ ప్రకటించారు.

ఉర్దూ పదాలు పలకలేక తడబడిన ఇమ్రాన్..
ప్రమాణ స్వీకారం సంద ర్భంగా ఇమ్రాన్ ఖాన్.. పలు ఉర్దూ పదా లను పలకలేక తడబడ్డారు. కొన్ని పదాలను పలకలేకపోయారు. దాంతో ఇమ్రాన్‌ఖాన్ తీవ్ర అసౌకర్యానికి గురయ్యారు.అధ్యక్షుడు మమ్నూన్ ‘‘రోజ్- ఏ-ఖియామత్’’ (తీర్పు దినము) అని చెప్పినపుడు ఇమ్రాన్ ఖాన్ ‘‘రోజ్-ఏ-ఖియాదత్’’ (నాయకత్వ దినము) అని పలికారు. దీంతో ప్రమాణ స్వీకారం అర్థం పూర్తిగా మారిపోయింది. ఇమ్రాన్ చేసిన తప్పును మమ్నూన్ సరిదిద్దారు. దాంతో ఇమ్రాన్ క్షమాపణ చెప్సాల్సిన పరస్థితి ఏర్పడింది. అనం తరం ప్రమాణ స్వీకార కార్యక్రమాన్ని కొనసాగించారు.



నేడు ప్రధానిగా ఇమ్రాన్ ప్రమాణం

Updated By ManamSat, 08/18/2018 - 00:05
  • పార్లమెంట్ బలపరీక్షలో నెగ్గిన పీటీఐ అధినేత

  • ఓటింగ్‌లో ప్రధాని అభ్యర్థిగా ఇమ్రాన్‌వైపే మొగ్గు

  • పీటీఐకి 176.. పీఎంఎల్‌ఎన్‌కు 96 ఓట్లు పోల్

  • ఓటింగ్‌కు దూరంగా ఉన్న భుట్టో నేతృత్వంలోని పీపీపీ

imageఇస్లామాబాద్: పాకిస్థాన్ ప్రధానిగా పీటీఐ అధ్యక్షుడు, మాజీ క్రికెటర్ ఇమ్రాన్ ఖాన్ శనివారం ప్రమాణ స్వీకారం చేయనున్నారు. రాజధాని ఇస్లామా బాద్‌లో జరిగే కార్యక్రమంలో దేశ 22 ప్రధానిగా బాధ్యతలు స్వీకరిం చను న్నారు. శుక్రవారం ప్రధాని అభ్యర్థిని ఎన్నుకునే విషయంపై పార్లమెంట్ (నేషనల్ అసెంబ్లీ) సమావేశం జరిగింది. ప్రభుత్వాన్ని ఏర్పాటు చేసేందుకు 172 ఎంపీల ఓట్లు అవస రం ఉండగా.. పీటీఐకి 176 ఓట్లు వచ్చాయి. మాజీ ప్రధాని నవాజ్ షరీఫ్‌కు చెందిన ప్రతిపక్ష పీఎంఎల్-ఎన్‌కు 96 ఓట్లు పోలయ్యాయి.  కాగా, 54 స్థానాలున్న బిలావల్ భుట్టో నేతృత్వంలోని పీపీపీ పార్టీ ఓటింగ్‌కు దూరంగా ఉంది.

దాంతో మెజారిటీ సంఖ్య తగ్గి పీటీఐ విజ యం సునాయాసమైంది. ఓటింగ్‌కు దూరంగా ఉండొద్దని పీఎంఎల్- ఎన్ చేసిన విజ్ఞప్తిని పీపీపీ పట్టించుకోలేదు. సభకు గైర్హాజరుకు కావొ ద్దని, తమకు మద్దతు పలకాలని చివరి నిమిషంలోనూ పీఎంఎల్-ఎన్ చేసిన విజ్ఞప్తిని పీపీపీ తిరస్కరించింది. అంతకముందు జైలు నుంచే నవాజ్ షరీఫ్.. బిలావల్ భుట్టోకు ఫోన్ చేసి ఓటింగ్‌లో పాల్గొనకుండా ఉండొద్దని కూడా విజ్ఞప్తి చేశారు. అయినా పీపీపీ పట్టించుకోలే దు.అలాగే.. జమాతే ఇస్లామి పార్టీ కూడా ఓటింగ్‌కు దూరంగా ఉంది. కాగా, ఇమ్రాన్‌కు చిన్నపార్టీలైన ముత్తాహిదా కామీ, బలూచిస్థాన్ అవా మీ పార్టీ, బలూచిస్థాన్ నేషనల్ పార్టీ, పాకిస్థాన్ ముస్లిం లీగ్, గ్రాండ్ డెమొక్రటిక్ ముస్లిం లీగ్, జమోరి వతన్ పార్టీలు మద్దతుపలికాయి.



ఇమ్రాన్ ప్రమాణం మళ్లీ వాయిదా

Updated By ManamSat, 08/11/2018 - 09:58

Imran Khanలాహోర్: పాకిస్తాన్‌ కొత్త ప్రధాన మంత్రిగా  బాధ్యతలు చేపట్టాలనుకున్న మాజీ క్రికెటర్, పీటీఐ అధ్యక్షుడు ఇమ్రాన్‌ ఖాన్‌‌ ప్రమాణ స్వీకారం మరోమారు వాయిదా పడింది. ఆగస్టు18న ఇమ్రాన్‌ ఖాన్‌ ప్రధానిగా బాధ్యతలు చేపడతారని పీటీఐ అధికార ప్రతినిధి ఫైజల్‌ జావేద్‌ శుక్రవారం వెల్లడించారు. అయితే పాకిస్థాన్ జాతీయ అసెంబ్లీకి ఎన్నికైన నూతన సభ్యులు ఆగష్టు 13నే ప్రమాణం చేస్తారని పీటీఐ ఇన్ఫర్మేషన్‌ సెక్రటరీ ఫవాద్‌ ఛౌధురి తెలిపారు. అదేరోజు  స్పీకర్‌, డిప్యూటీ స్పీకర్‌ ఎన్నిక ఉంటుందని ఆయన పేర్కొన్నారు. 

ఇదిలా ఉంటే ఇమ్రాన్ ప్రమాణ స్వీకారానికి భారత్‌ నుంచి సునీల్‌ గావస్కర్‌, కపిల్‌దేవ్‌, నవజోత్‌ సింగ్‌ సిద్ధూలకు ఆహ్వానం అందింది. ఇమ్రాన్ ప్రమాణస్వీకారానికి తాము వెళుతున్నట్లు వీరు ప్రకటించారు. కాగా మరోవైపు ఇమ్రాన్‌ఖాన్‌కు వ్యతిరేకంగా ప్రతిపక్షాలు పావులు కదుపుతున్నాయి. పీటీఐని అధికారంలోకి రాకుండా అడ్డుకుంటామని వారు అంటున్నారు.



ఈసీకి ఇమ్రాన్‌ఖాన్ క్షమాపణ

Updated By ManamFri, 08/10/2018 - 23:34
  • ఈ నెల 18న  ప్రధానిగా ప్రమాణం  

imageఇస్లామాబాద్:  పాకిస్థాన్‌కు కాబోయే ప్రధాని ఇమ్రాన్ ఖాన్ ఎట్టకేలకు క్షమాపణలు చెప్పారు. గత నెల 25న జరిగిన జాతీయ ఎన్నికల్లో ఎన్నికల ప్రవర్తనా నియమావళి ఉల్లంఘించారంటూ ఆరోపణలు ఎదుర్కొంటున్న ఇమ్రాన్, ఈమేరకు ఎన్నికల కమిషన్‌కు రాతపూర్వకంగా క్షమాపణలు తెలిపారు. రహస్యంగా ఓటు వేయాలన్న నిబంధనలు ఉల్లంఘిస్తూ ఇమ్రాన్ బహిరంగంగానే ఓటు వేయడంతో ఈ దుమారం చెలరేగింది. కాగా, ఈ నెల 18న ఇమ్రాన్‌ఖాన్ ప్రధానిగా పదవీ స్వీకారం చేస్తారని పార్టీ వర్గాలు తెలిపాయి.





Related News