test cricket

పృథ్వీ షాందార్

Updated By ManamFri, 10/05/2018 - 00:28

imageరాజ్‌కోట్: యువ సంచలనం పృథ్వీ షా తన రాకను చాటుకున్నాడు. అరంగేట్ర టెస్టులో సెంచరీ చేసిన యువ క్రికెటర్‌గా రికార్డుల్లోకెక్కాడు. దీంతో వెస్టిండీస్‌తో గురువారమిక్కడ ప్రారంభమైన తొలి టెస్టులో టీమిండియా తొలి రోజు 4 వికెట్ల నష్టానికి 364 పరుగులు చేసింది. మ్యాచ్ ఆరంభంలోనే కేఎల్ రాహుల్ (0) డకౌట్ అయ్యాడు. తర్వాత వచ్చిన చెటేశ్వర్ పుజారాతో (130 బంతుల్లో 86 పరుగులు) కలిసి పృథ్వీ షా (165 బంతుల్లో 134) రెండో వికెట్‌కు 206 పరుగులు భారీ భాగస్వామ్యాన్ని అందించాడు. తర్వాత కెప్టెన్ విరాట్ కోహ్లీ, వైస్ కెప్టెన్ అజింక్య రహానే స్కోరు బోర్డు ముందుకు కదిలించారు. చివరి సెషన్‌లో వీరిద్దరూ 105 పరుగుల భాగస్వామ్యాన్ని నెలకొల్పి జట్టుకు పైచేయి సాధించారు. కానీ తర్వాత స్పిన్నర్ రోస్టన్ చేజ్ బౌలింగ్‌లో రహానే అవుటయ్యాడు. మరోవైపు రిషబ్ పంత్‌తో కలిసి కోహ్లీ మరో సెంచరీ దిశగా దూసుకెళ్తున్నాడు. తొలి రోజు 89 ఓవర్లు పడ్డాయి. 

వెస్టిండీస్ జట్టుకు తొలి రోజు మరో దెబ్బ తగిలింది. టాస్ పడకముందు చివరి నిమిషంలో కెప్టెన్ జాసన్ హోల్డర్ తొలి టెస్టు నుంచి తప్పుకున్నాడు. వెస్టిండీస్ బౌలింగ్ అటాక్ భారత బ్యాట్స్‌మెన్‌ను ఇబ్బంది పెట్టలేకపోయింది. అయినప్పటికీ ఈ ఘనత పృథ్వీ షాదే. తొలి టెస్టులోనే వన్డేను తలపించేలా ఆడాడు. అతని బ్యాక్ ఫూట్ ఆట కన్నులకింపుగా ఉండింది. స్పిన్నర్లను బరిలోకి దించినా అతను ఏమాత్రం బెదరలేదు. 18 ఏళ్ల 329 రోజుల షా 99 బంతుల్లోనే సెంచరీ సాధించి కెరీర్‌లో తొలి మైలురాయిని చేరుకున్నాడు. ఇంతకుముందు రంజీ, దులీప్ ట్రోఫీల్లోనూ అరంగేట్రంలో సెంచరీలు చేశాడు. అంతేకాదు సచిన్ టెండూల్కర్ తర్వాత తొలి టెస్టులోనే సెంచరీ సాధించిన భారత రెండో యువ క్రికెటర్‌గా కూడా షా నిలిచాడు. భోజన విరామ సమయానికి అజేయ 75 పరుగులతో ఉన్న షా తిరిగొచ్చిన తర్వాత అరగంటలోనే మిగిలిన పరుగులు సాధించాడు. అతడు చేసిన స్కోరులో సగం బౌండరీల నుంచి వచ్చినవే. అయితే దురదృష్టవశాత్తు టీ బ్రేక్‌కు ముందే షా అవుటయ్యాడు. ఇతను ఉత్తమ బౌలర్లను ఎదుర్కొనకపోయి వుండొచ్చు. కానీ అద్భుతమైన బ్యాటింగ్‌తో చిరస్మరణీయ సెంచరీ సాధించాడు. మరో ఎండ్‌లో పుజారా కూడా రాణించాడు. కానీ సెంచరీ చేయకుండానే వెనుదిరిగాడు. 

మార్నింగ్ సెషన్‌లో టెస్టుల్లో టీమిండియాకు 293వ క్రికెటర్‌గా ప్రాతినిధ్యం వహించిన షా తొలి బంతి నుంచి మహోన్నత విశ్వాసంతో ఆడాడు. దీంతో అందరూ అతని ఆటను చూస్తుండిపోయారు. ఎదుర్కొన్న రెండో బంతికే మూడు పరుగులు తీశాడు. అంతర్జాతీయ క్రికెట్‌లో అతనికివి తొలి పరుగులు. దీంతో అంతో ఇంతో అతనిలో ఉన్న ఒత్తిడి కాస్తా బయటికి వెళ్లిపోయింది. పేస్ బౌలర్ గాబ్రియేల్ గంటకు 140 కిలోమీటర్ల వేగంతో బౌలింగ్ చేశాడు. కానీ షాను భయపెట్టలేకపోయాడు. అయితే షార్ప్ ఇన్‌కమింగ్ డెలివరీతో రాహుల్‌ను ఎల్‌బిడబ్ల్యూ అవుట్ చేశాడు. బంతి వికెట్ల వైపు దూసుకొచ్చిందని స్పష్టంగా అర్థం చేసుకున్న రాహుల్ డీఆర్‌ఎస్ కోరకుండానే వెళ్లిపోయాడు. 
తర్వాత షా పూర్తి విశ్వాసంతో బ్యాటింగ్ కొనసాగించాడు. రెండో ఓవర్లో కీమో పాల్ బౌలింగ్‌లో షా తొలి బౌండరీ సాధించాడు. తర్వాత బ్యాక్ ఫూట్ పంచ్‌తో పాయింట్ దిశగా మరో బౌండరీ కొట్టాడు. పాల్ వేసిన తర్వాతి ఓవర్లలో షా మరింత దూకుడు ప్రదర్శించాడు. వరుసగా మూడు ఫోర్లు కొట్టాడు. రాహుల్ అవుటైన తర్వాత షా, పుజారా కలిసి ఎటువంటి ఇబ్బంది లేకుండా స్కోరు బోర్డును ముందుకు కదిలించారు. పేస్ బౌలింగ్‌లోనూ షా బౌండరీలు కొట్టడంతో పాటు బిషూ, చేజ్ స్పిన్ బౌలింగ్‌లోనూ సౌకర్యవంతంగా ఆడాడు. 11వ ఓవర్లో బిషూ బౌలింగ్‌లో రెండు ఫోర్లు బాదాడు. 20 ఓవర్లో చేజ్‌కు కూడా ఇదే పరిస్థితి ఎదురైంది. 56 బంతుల్లోనే షా అర్ధ సెంచరీ పూర్తి చేశాడు. టీమిండియా బ్యాట్స్‌మెన్ వరుసబెట్టి బౌండరీలు కొడుతుండడంతో కరేబియన్లకు ఏం చేయాలో పాలుపోలేదు. 

ఇంతింతై.. వటుడింతై...
సంప్రదాయానికి విరుద్ధంగా వెస్టిండీస్‌తో తొలి టెస్టుకు ఒక రోజు ముందే టీమిండియా తుది జట్టును ప్రకటించి సంచలనం రేపింది. 18 ఏళ్ల పృథ్వీ షా అరంగేట్ర టెస్టు మ్యాచ్‌లో సెంచరీ చేసి మరో సంచలనం సృష్టించాడు. పృథ్వీ షా గురించిన మరికొన్ని విశేషాలు. 
2012 
అ ముంబైలో జరిగిన మైనర్స్ క్రికెట్ టోర్నీలో రిజ్వి స్ప్రింగ్‌ఫీల్డ్ హైస్కూల్‌కు షా కెప్టెన్సీ చేశాడు. హారిస్ షీల్డ్ టైటిల్ గెలిచాడు. 
2013
అ హారిస్ షీల్డ్ ఎ-డివిజన్ మ్యాచ్‌లో రిజ్వీ జట్టుకు ఆడిన 14 ఏళ్ల షా సెయింట్ ఫ్రాన్సిస్ డిఅస్సిసి జట్టుపై 330 బంతుల్లో 546 పరుగలు చేశాడు. స్కూల్ స్థాయి క్రికెట్‌లో ఇదే అత్యధిక స్కోరు.
అ షా నేతృత్వంలోని రిజ్వీ జట్టు రెండోసారి హారిస్ షీల్డ్ టైటిల్ గెలిచింది. 
2016
అ శ్రీలంకలో జరిగిన యూత్ ఆసియా కప్ టైటిల్ గెలిచిన భారత అండర్-19 జట్టులో షా సభ్యుడు. 
అ ఫస్ట్ క్లాస్ క్రికెట్‌లో భాగంగా రంజీ ట్రోఫీ సెమీఫైనల్లో తమిళనాడుపై మ్యాచ్ విన్నింగ్ స్కోర్లు చేశాడు. రెండో ఇన్నింగ్స్‌లో సెంచరీ సాధించాడు. 
2017
అ లిస్ట్-ఎలో భాగంగా షా 17 ఏళ్ల వయసులో విజయ్ హజారే ట్రోఫీలో ముంబైతో అరంగేట్రం చేశాడు. 
అ అరంగేట్రంలో దులీప్ ట్రోఫీలో సెంచరీ చేసిన యువ క్రికెటర్‌గా షా రికార్డు సృష్టించాడు. గతంలో సచిన్ ఈ రికార్డు సాధించాడు. 
అ ఈ ఏడాది న్యూజిలాండ్‌లో జరిగిన అండర్-19 వరల్డ్ కప్‌లో భారత జట్టుకు కెప్టెన్‌గా ఎంపికయ్యాడు. 
2018
అ ఈ ఏడాది ఐపీఎల్‌లో ఢిల్లీ డేర్‌డెవిల్స్ జట్టు షాను రూ. 1.2 కోట్లకు కొనుగోలు చేసింది. 
అ ఐపీఎల్‌లో అర్ధ సెంచరీ చేసిన సంయుక్త యువ క్రికెటర్‌గా షా ఘనత. అంతకుముందు సంజు శాంసన్ (18 ఏళ్ల 169 రోజులు) ఈ రికార్డు సాధించాడు. 
అ లిస్ట్-ఎ మ్యాచ్‌లో భాగంగా ఇండియా-ఎకు ఆడిన షా లీసెస్టర్‌షైర్‌పై తొలి సెంచరీ (132) చేశాడు. 
అ ఈ ఏడాది ఇంగ్లాండ్‌తో టెస్టు సిరీస్‌లో చివరి రెండు మ్యాచ్‌లకు టీమిండియాలో చోటు. కానీ ఒక్క మ్యాచ్ కూడా ఆడలేదు. 
అ రాజ్‌కోట్‌లో వెస్టిండీస్‌తో గురువారం ఆరంభమైన తొలి టెస్టుతో అంతర్జాతీయ టెస్టుల్లో అరంగేట్రం. 



ఇండియాకు మరో సూపర్ స్టార్ దొరికాడు

Updated By ManamFri, 10/05/2018 - 00:28

imageఓపెనింగ్ కాంబినేషన్‌పై మల్లగుల్లాలు పడుతున్న టీమిండియా మేనేజ్‌మెంట్‌కు మరో సూపర్ స్టార్ దొరికాడు. వెస్టిండీస్‌తో గురువారమిక్కడ ప్రారంభమైన తొలి టెస్టులో యువ క్రికెటర్ పృథ్వీ షా అరంగేట్రంలోనే సెంచరీ సాధించి అందరి అంచనాలను అందుకున్నాడు. దీంతో ఈ యువ క్రికెటర్‌పై ప్రశంసల వర్షం కురిసింది. ఐసీసీ నుంచి తాజా, మాజీ క్రికెటర్లెందరో షాకు ట్విట్టర్‌లో అభినందనలు తెలిపారు. 

పృథ్వీ షా తొలి టెస్టులోనే 100 సాధించాడు. 18 సంవత్సరాల 329వ రోజున అరంగేట్రంలోనే సెంచరీ సాధించిన భారత యువ క్రికెటర్‌గా రికార్డుల్లోకెక్కాడు  - ఐసీసీ 
ఆహా! యువ క్రికెటర్ పృథ్వీ షా ఏమి ఆడాడు. తొలి టెస్టులోనే 99 బంతుల్లో సెంచరీ సాధించాడు - బీసీసీఐ
తొలి ఇన్నింగ్స్‌లోనే ఇలాంటి అటాకింగ్ గేమ్ ఆడటం చూడముచ్చటగా ఉంది. పృథ్వీ షా భయపడకుండా ఇలాగే కొనసాగించు      - సచిన్ టెండూల్కర్ 
అరంగేట్రంలోనే 100 పరుగులు సాధించిన పృథ్వీ షాకు అభినందనలు. ఎలాంటి తొందరపాటు లేకుండా, రిస్క్ తీసుకోకుండా 100 స్ట్రైక్ రేట్‌తో ఆడటం చాలా బాగుంది -  సంజయ్ మంజ్రేకర్
వావ్..! 18 ఏళ్ల పృథ్వీ షా.. అరంగేట్రంలోనే సెంచరీ.. ఇండియాకు మరో సూపర్ స్టార్ దొరికాడనిపిస్తోంది- మైకెల్ వాన్
అరంగేట్రంలోనే సెంచరీ చేసిన పృథ్వీ షా అద్భుతమైన ఘనత సాధించాడు. దూకుడుగా, పాజిటివ్‌గా దూసుకెళుతున్నాడు   జహీర్ ఖాన్
వావ్..! పృథ్వీ షా అరంగేట్రంలోనే సెంచరీ చేసి అందరినీ ఆకట్టుకున్నాడు - లిసా స్థలేకర్
18 ఏళ్ల వయసులో ఏమి ప్రతిభ. భారత టెస్టు జట్టుకు ఆడిన తొలి మ్యాచ్‌లోనే సెంచరీ. వెల్ డన్ పృథ్వీ షా!                        - హర్భజన్ సింగ్
ఈ కుర్రాడు అద్భుత ప్రతిభా వంతుడు. పృథ్వీ షా రేసు గుర్రం. అతని ఇన్నింగ్స్‌ను కన్నార్పకుండా చూడాలనిపించింది        - మహ్మద్ కైఫ్
షా వాట్ ఎ షో.                            - రోహిత్ శర్మ
ఇది షా షో. పృథ్వీ షాకు అభినందనలు. ఇది ఆరంభం మాత్ర మే. యువకులు శక్తిమంతులు    - వీరేందర్ సెహ్వాగ్
పృథ్వీ షా అరంగేట్రంలోనే అద్భుత సెంచరీ సాధించాడు. 18 ఏళ్ల వయస్కుడు మైదానంలోకి దిగి తనదైన శైలిలో ఆడటం చూడముచ్చటగా ఉంది. అతనికి బంగారు భవిష్యత్తు ఉంది  - వీవీఎస్ లక్ష్మణ్
‘అరంగేట్రంలోనే సెంచరీ చేయడం కంటే అత్యుత్తమం ఏం ఉంటుంది? కంగ్రాచ్యులేషన్స్ పృథ్వీ షా! చాలా బాగా ఆడావు!! - షట్లర్ కిదాంబి శ్రీకాంత్


పృథ్వీ సంచలనం
రాజ్‌కోట్: భారత తాజా బ్యాటింగ్ సంచలనం పృథ్వీ షా అరంగేట్రంలోనే రికార్డుల్లోకెక్కాడు. వెస్టిండీస్‌తో గురువారమిక్కడ ప్రారంభమైన తొలి టెస్టు తొలి రోజు సెంచరీ చేశాడు. దీంతో 18 ఏళ్లలోనే అంతర్జాతీయ టెస్టులో సెంచరీ సాధించిన భారత రెండో క్రికెటర్‌గా సంచలనం సృష్టించాడు. అంతకుముందు సచిన్ టెండూల్కర్ 17 ఏళ్ల 107 రోజుల వయసులో 1990లో ఇంగ్లాండ్‌పై తొలి టెస్టు సెంచరీ చేశాడు. 119 పరుగులతో అజేయంగా నిలిచాడు. షా 99 బంతుల్లో 100 పూర్తి చేశాడు. ఓపెనింగ్ భాగస్వామి కేఎల్ రాహుల్ ఆరంభంలోనే అవుటైనప్పటికీ షా విండీస్ బౌలర్లపై విరుచుకుపడ్డాడు. ఆరంభం నుంచి దూకుడుగా ఆడిన షా 15 ఫోర్లు బాదాడు. ఓవరాల్‌గా టెస్టు అరంగేట్రంలో సెంచరీ చేసిన నాల్గో క్రికెటర్‌గా ఘనత సాధించాడు. 18 సంవత్సరాల 329వ రోజున ఈ రికార్డు నమోదు చేశాడు. బంగ్లాదేశ్‌కు చెందిన మహ్మద్ అష్రఫుల్ 17 సంవత్సరాల 61వ రోజు తొలి టెస్టులో సెంచరీ చేసిన అతి పిన్న వయస్కుడిగా రికార్డులో అగ్రస్థానంలో నిలిచాడు. ఈ జాబితా అంతటితో ఆగలేదు. అరంగేట్రంలో 100 బంతులలోపే సెంచరీలు సాధించిన జాబితాలో ముగ్గురు మాత్రమే ఉన్నారు. షా 99 బంతుల్లో సెంచరీ పూర్తి చేశాడు. మరో ఇద్దరు డ్వైన్ స్మిత్ (93 బంతులు), శిఖర్ ధావన్ (85 బంతులు). షా అరం గేట్ర రంజీ ట్రోఫీ మ్యాచ్‌లో 2017 జన వరిలో తమిళానాడుపై సెంచరీ సాధిం చాడు. దులీప్ ట్రోఫీ అరంగేట్రంలోనూ సెంచరీతో సత్తా చాటాడు. 

దిగ్గజాల సరసన షా
ఈ సెంచరీలో షా లెజెండరీ బ్యాట్స్ మన్ లాలా అమర్‌నాథ్, మహ్మద్ అజారు ద్దీన్, సౌరవ్ గంగూలీలతో సమానంగా నిలిచాడు. అమర్‌నాథ్, అజారుద్దీన్, గంగూలీ మాత్రమే కాకుండా దీపక్ శోధన్, ఏజీ కిర్పాల్ సింగ్, అబ్బాస్ అలీబేగ్, హనుకాంత్ సింగ్, గుండప్ప విశ్వనాథ్, సురీందర్ అమర్‌నాథ్, ప్రవీణ్ ఆమ్రే, వీరేందర్ సెహ్వాగ్, సురేష్ రైనా, శిఖర్ ధావన్, రోహిత్ శర్మ కూడా తమ అరంగేట్ర టెస్టుల్లో సెంచరీలు చేశాడు. 



నేటి నుంచి ఇండియా, వెస్టిండీస్ మధ్య టెస్టు

Updated By ManamWed, 10/03/2018 - 23:53
  • టాపార్డర్‌ను సరిచేయాలన్న కోహ్లీ.. అరంగేట్రం చేయనున్న పృథ్వీ షా 

  • ఒకరోజు ముందే తుది జట్టు ప్రకటన..  

  • ఉదయం 9 గంటల నుంచి స్టార్ స్పోర్ట్స్‌లో ప్రత్యక్ష ప్రసారం

ఇటీవల కాలంలో టీమిండియా టెస్టుల్లో తడబడుతోంది. సొంత గడ్డపై తప్ప విదేశీ పర్యటనల్లో సత్తా చాటలేకపోతోంది. ముఖ్యంగా విరాట్ కోహ్లీ మినహా మిగతావారెవ్వరూ రాణించలేకపోతున్నారు. మరోవైపు నవంబర్‌లో కీలకమైన ఆస్ట్రేలియా టూర్‌కు వెళ్లాల్సివుంది. ఈ నేపథ్యంలో ఇంగ్లాండ్‌లో టెస్టు సిరీస్ ఓటమికి కారణమైన తప్పులను ఇంట్లోనే సరిచేసుకోవాలని టీమిండియా మేనేజ్‌మెంట్ భావిస్తోంది. ఈ క్రమంలోనే ఇంగ్లాండ్‌లో విఫలమైన సినీయర్లను పక్కన పెట్టి అధిక సంఖ్యలో యువకులను జట్టులోకి తీసుకున్నారు. అయితే కరుణ్ నాయర్‌ను తీసుకోకపోవడం కొంత వివాదాస్పదమైనప్పటికీ ఎంపక చేసిన ఆటగాళ్లతో వెస్టిండీస్‌తో జరిగే రెండు టెస్టుల్లో ప్రయోగాలు చేయనున్నారు. అయితే మ్యాచ్‌కు ముందే తుది జట్టును ప్రకటించడం ఇదే తొలిసారి.

imageరాజ్‌కోట్: ఇంగ్లాండ్‌తో సిరీస్‌లో ఘోర పరాజయం పాలైన కోహ్లీ సేన మరో సిరీస్‌కు సిద్ధమైంది. గురువారం ఇండియా, వెస్టిండీస్ మధ్య తొలి టెస్టు ప్రారంభం కానుంది. కీలకమైన ఆస్ట్రేలియా టూర్‌కు ముందు బ్యాటింగ్ ఆర్డర్ సమస్యలకు పరిష్కారం కనుగొనాలని టీమిండియా భావిస్తోంది. గత తొమ్మిది నెలల్లో సౌతాఫ్రికా, ఇంగ్లాండ్ సిరీస్‌ల్లో టీమిండియా ఘోరంగా దెబ్బతింది. అయినప్పటికీ టెస్టుల్లో నంబర్ వన్‌గానే కొనసాగుతోంది. వచ్చే నెలలో కీలకమైన ఆస్ట్రేలియా పర్యటనకు వెళ్లాల్సివున్న నేపథ్యంలో వెస్టిండీస్‌పై ఘన విజయాల సాధిస్తే తప్ప టీమిండియా ఆటగాళ్లలో మానసిక ధైర్యాన్ని నింపలేం. ర్యాంక్‌ల పరంగా చూస్తే.. టీమిండియా నంబర్ వన్ స్థానంలో ఉంది. వెస్టిండీస్ 8వ ర్యాంక్‌లో కొనసాగుతోంది. విదేశీ జట్టు ఏదైనా భారత్‌కు వచ్చి టీమిండియాను ఓడించడమనేది చాలా కష్టం. మరోవైపు 2002 నుంచి వెస్టిండీస్ జట్టు భారత్‌ను సొంత గడ్డపై ఓడించలేదు. ఇంగ్లాండ్‌లో కోహ్లీ మాటా మాటికి జట్టులో మార్పు చేయడాన్ని చాలా మంది విమర్శించారు. ఆ ప్రయత్నాలు కూడా ఫలించలేదు. ఫలితంగా మురళీ విజయ్, శిఖర్ ధావన్ టెస్టు జట్టులో చోటు కోల్పోయారు. ఇంగ్లాండ్‌లో బెంచ్‌కే పరిమితమైన కరుణ్ నాయర్‌ను కూడా వెస్టిండీస్ సిరీస్‌కు ఎంపిక చేయలేదు. దీంతో సెలెక్షన్ ప్రక్రియపై చర్చ జరిగింది. 

కొత్త ఓపెనింగ్ కాంబినేషన్ కేఎల్ రాహుల్, పృథ్వీ షా వెస్టిండీస్‌తో రెండు టెస్టుల్లో ఎలా ఆడబోతున్నారనే దానిపైimage సర్వత్రా ఆసక్తి నెలకొంది. ఒకవేళ ఈ జోడీ సక్సెసయినా.. విభిన్నమైన బ్యాటింగ్ వాతావరణముండే ఆస్ట్రేలియాలో వీరి భాగస్వామ్యం పనిచేస్తుందా? అన్నది మరో ప్రశ్న. ఏదిఏమైనా షాకు ఇది మంచి అవకాశం. మరో యువ క్రికెటర్ మయాంక్ అగర్వాల్. ఇతను కొన్ని రోజులుగా సెలెక్టర్ల దృష్టిని ఆకర్షిస్తున్నాడు. బౌలింగ్ విషయానికొస్తే ముగ్గురు స్పిన్నర్లు ఆర్. అశ్విన్, రవీంద్ర జడేజా, కుల్‌దీప్ యాదవ్‌లతో బరిలోకి దిగే అవకాశముంది. మహ్మద్ షమీ, ఉమేష్ యాదవ్ ఇన్నింగ్స్‌ను ప్రారంభించనున్నారు. భువనేశ్వర్ కుమార్, జస్‌ప్రీత్ బుమ్రాలకు ఈ సిరీస్‌కు విశ్రాంతినివ్వడంతో షమీ, ఉమేష్ పేస్ బౌలింగ్‌కు నేతృత్వం వహించనున్నారు. గాయం పాలైన హార్దిక్ పాండ్యా స్థానంలో జట్టులోకి వచ్చిన రవీంద్ర జడేజా ఇటు బంతితో, అటు బ్యాట్‌తో సత్తా చాటే అవకాశముంది. ఆసియా కప్ వన్డే జట్టులో రెచ్చిపోయిన జడ్డు హోం సిరీస్ కోసం ఎప్పుడెప్పుడా అని ఎదురుచూస్తున్నాడు. మరో యువ క్రికెటర్ రిషబ్ పంత్ కూడా చాలా ఆసక్తిగా ఈ సిరీస్ కోసం ఎదురుచూస్తున్నాడు. హైదరాబాద్ క్రికెటర్ హనుమ విహారి ది ఒవల్ టెస్టులో అర్ధ సెంచరీతో ఆకట్టుకున్నప్పటికీ తొలి టెస్టులో అతను ఆడే సూచనలు కనిపించడం లేదు. ఎందుకంటే ఐదుగురు బౌలర్లతో (ముగ్గురు స్పిన్నర్లు, ఇద్దరు పేసర్లు) బరిలోకి దిగాలని టీమిండియా నిర్ణయించింది. గతంలో ఎన్నడూ లేని విధంగా మ్యాచ్‌కు ఒక రోజు ముందే టీమిండియా తుది జట్టును ప్రకటించింది.
 
టీమిండియా తుది జట్టు: విరాట్ కోహ్లీ (కెప్టెన్), కేఎల్ రాహుల్, పృథ్వీ షా, చెటేశ్వర్ పుజారా, అజింక్య రహానే, రిషబ్ పంత్ ఆర్. అశ్విన్, రవీంద్ర జడేజా, కుల్‌దీప్ యాదవ్, మహ్మద్ షమీ, ఉమేష్ యాదవ్, శార్దూల్ ఠాకూర్. 

వెస్టిండీస్ జట్టు: జాసన్ హోల్డర్ (కెప్టెన్), సునీల్ ఆంబ్రిస్, దేవేంద్ర బిషూ, క్రెగ్ బ్రాగ్‌వైట్, రోస్టన్ చేజ్, షేన్ డౌరిచ్, షన్నన్ గాబ్రియేల్, జహ్‌మర్ హామిల్టన్, షిమ్రాన్ హెట్మేయర్, షాయ్ హోప్, షెర్మన్ లూయిస్, కీమో పాల్, కీరాన్ పోవెల్, కీమర్ రోచ్, జొమెల్ వార్రికన్. 

రహానేకు ఇది కీలక సిరీస్
వెస్టిండీస్‌తో రెండు మ్యాచ్‌ల టెస్టు సిరీస్‌కు ఎంపికైన టీమిండియా యువ రక్తంతో నిండివుంది. భవిష్యత్తు అంతా యువకులదే అన్న సూచనలు కనిపిస్తున్నాయి. సత్తా చాటిన వారినే సెలెక్టర్లు ఎంపిక చేస్తున్నారు. ఈ నేపథ్యంలోనే దేశవాళీ క్రికెట్‌లో రాణించిన పృథ్వీ షా, మయాంక్ అగర్వాల్, మహ్మద్ సిరాజ్ వంటి యువకులకు సెలెక్టర్లు వెస్టిండీస్‌తో టెస్టు సిరీస్‌కు అవకాశమిచ్చారు. ఎవరు ఎలా ఉన్నా వైస్ కెప్టెన్ అజింక్య రహానే మాత్రం తీవ్ర ఒత్తిడిలో ఉన్నాడు. రాజ్‌కోట్‌లో గురువారం ప్రారంభం కానున్న తొలి టెస్టు రహానేకు కీలకం కానుంది. ఎందుకంటే ఈ మ్యాచ్‌లో రహానేకు యువ కులు పోటీ కానున్నారు. ఒకవేళ యువకులు తొలిసారి టెస్టులో విఫలమైతే జట్టును ఆదుకోవాల్సిన బాధ్యత కూడా రహానేదే. గత రెండేళ్లుగా రహానే కెరీర్ గ్రాఫ్ దిగజారుతోంది. ఇంగ్లాండ్‌తో సిరీస్‌లో అది మరింత దారుణంగా పడిపోయింది. ఇంగ్లాండ్‌తో ఆడిన ఐదు మ్యాచ్‌ల టెస్టు సిరీస్‌లో రహానే 257 పరుగులు మాత్రమే చేయగలిగాడు. టీమిండియా గెలిచిన ఏకైక టెస్టులో (నాట్టింగ్‌హామ్‌లో) 81 పరుగులు మినహా అతను చెప్పుకోదగ్గ స్కోరు చేయలేదు. అయితే ఆస్ట్రేలియాతో కీలక సిరీస్‌కు ముందు జరుగుతున్న ఈ వెస్టిండీస్ సిరీస్‌లో రహానే ఫామ్‌ను అందుకుంటాడని చాలా మంది భావిస్తున్నారు. 

యువకులకు అవకాశం: కోహ్లీ
imageఇంగ్లాండ్‌లో ఘోరంగా విఫలమైన టాపార్డర్‌ను సరిచేయాల్సి ఉందని.. పృథ్వీ షా వంటి యువకులకు తగినంత సమయం ఇస్తామని కెప్టెన్ విరాట్ కోహ్లీ అన్నాడు. టాపార్డర్‌లోనే ప్రయోగాలు జరుగుతాయని, 18 ఏళ్ల షాపై పూర్తి నమ్మకముందని చెప్పాడు. గురువారం వెస్టిండీస్‌తో ప్రారంభం కానున్న తొలి మ్యాచ్‌లో షా టెస్టుల్లో అరంగేట్రం చేయనున్నట్టు తెలిపాడు. దీంతో కేఎల్ రాహుల్‌తో కలిసి షా ఇన్నింగ్స్‌ను ప్రారంభించే అవకాశముంది. ‘టాపార్డర్‌లో కొన్ని మార్పులు చేశాం. ఈ కుర్రాళ్లకు కావల్సినంత సమయం ఇస్తాం. వాళ్లు ఆడే స్థానాల్లో సౌకర్యవంతంగా ఉండేందుకు కావల్సినన్ని అవకాశాలు కూడా ఇస్తాం. వాళ్లల్లో విశ్వాసం నింపాలని భావిస్తున్నాం. లోయర్ ఆర్డర్‌లో మార్పులు అవసరం లేదు. రిషబ్ పంత్ కొత్త వాడు. కానీ అశ్విన్, జడేజా భారత్‌లో చాలా మ్యాచ్‌లు ఆడారు. విదేశాల్లోనూ వాళ్లు అలాంటి ప్రతిభే కనబరచాలని కోరుతున్నాను’ అని మ్యాచ్ సందర్భంగా ఏర్పాటు చేసిన విలేకరుల సమావేశంలో కోహ్లీ చెప్పాడు. ఇక కరుణ్ నాయర్ విషయానికొస్తే జట్టు ఎంపిక తన పని కాదని అన్నాడు.

 

గణాంకాలు
ఇండియాలో మ్యాచ్‌లు
టెస్టులు: 45
ఇండియా గెలిచినవి: 11
వెస్టిండీస్ గెలిచినవి: 14
డ్రా అయినవి: 20
ఓవరాల్
టెస్టులు: 94
భారత్ గెలిచినవి: 18
వెస్టిండీస్ గెలిచినవి: 30
డ్రా అయినవి: 46
ఓవరాల్‌గా అత్యధిక పరుగులు చేసింది
సునీల్ గవాస్కర్ - 2749
ఓవరాల్‌గా అత్యధిక సెంచరీలు
సునీల్ గవాస్కర్ - 13
ఓవరాల్‌గా అత్యధిక వికెట్లు 
కపిల్ దేవ్ - 89
ఓవరాల్‌గా అత్యధికంగా ఇన్నింగ్స్‌కు 5 వికెట్ల ఘనత
మాల్కం మార్షల్ - ఆరుసార్లు



టాప్ ర్యాంక్‌లో టీమిండియా

Updated By ManamTue, 10/02/2018 - 23:18

దుబాయ్: టెస్టు ర్యాంకింగ్స్‌లో టీమిండియా అగ్రస్థానంలో కోనసాగుతోంది. తాజాగా ఐసీసీ ప్రకటించిన టెస్టు ర్యాంకింగ్స్‌లో భారత్ జట్టు 115 పాయింట్లతో మొదటి స్థానంలో నిలిచింది. ఇటీవల ఇంగ్లాండ్‌తో జరిగిన టెస్టు సిరీస్‌లో భారత్ జట్టు 4-1తో ఓడిన సంగతి తెలిసిందే. టెస్టు ర్యాంకింగ్స్‌లో 115 పాయింట్లతో టాప్ ర్యాంక్‌లో ఉన్న టీమిండియా గురువారం నుంచి విండీస్ జట్టు రెండు టెస్టు మ్యాచ్‌ల సిరీస్ ఆడనుంది. వెస్టిండీస్‌తో ఆడే టెస్టు సిరీస్‌లో భారత్ జట్టు 2-0తో గెలిస్తే అగ్రస్థానంలో ఉంటుంది. ఒకవేళ విండీస్ చేతిలో 2-0తో భారత్ జట్టు ఓడిపోతే 108 పాయింట్లకు పడిపోయి మొదటి ర్యాంక్‌ని చేజార్చుకునే అవకాశం ఉంది.

image


ఆదివారం నుంచి ఆస్ట్రేలియా- పాకిస్థాన్ జట్ల మధ్య రెండు టెస్టు మ్యాచ్‌ల సిరీస్ జరగనుంది. ఇరు జట్లు ఈ సిరీస్‌లో గెలుపొంది టెస్టు ర్యాంకింగ్స్‌లో తమ స్థానాన్ని మెరుగుపరుచుకోవాలని చూస్తున్నాయి. ఇక బ్యాట్స్‌మన్ విభాగంలో భారత పరుగుల యంత్రం విరాట్ కోహ్లీ 930 పాయింట్లతో అగ్రస్థానంలో ఉండగా, పూజరా (6) లోకేష్ రాహుల్ (19వ) ర్యాంక్‌లో కోనసాగుతున్నారు. ఇక వెస్టిండీస్ జట్టులో బ్రాత్‌వైట్ 13వ స్థానంలో ఉన్నాడు.



ఇంకెన్నాళ్లు ఈ తడబాటు

Updated By ManamTue, 08/07/2018 - 22:35
  • రెండో టెస్టులో పుంజుకుంటారా? పుజారాకు చోటు కల్పిస్తారా?

  • రేపటి నుంచి భారత్-ఇంగ్లాండ్ రెండో టెస్టు

లండన్: విదేశీ గడ్డపై భారత బ్యాట్స్‌మెన్ మరో సారి ఘోరవిఫలమై తొలి టెస్టును ఇంగ్లాండ్‌కు సమర్పించుకున్నారు. గెలవాల్సిన ఈజీ మ్యాచ్‌లో బ్యాట్స్‌మన్ తడబాటుతో అందివచ్చిన బంగారు అవకాశాన్ని చేజేతుల దూరం చేసుకుంది టీమిండియా. ప్రతిసారి ఇలాంటి ఆటనే పునరావృతం చేస్తే ఎలా? ఈ సారి బౌలర్లు అ ద్భుతమైన ఆటతో ఆకట్టుకు న్నారు. కానీ, బ్యాట్స్‌మెన్ వారికి సహకరించకుండా చెతులెత్తేశారు. కెప్టెన్ విరాట్ కోహ్లీ తప్ప మిగ తా బ్యాట్స్‌మన్లకు ఏమ యింది. టెస్టు, పొట్టి ఫార్మాట్‌కు తేడాలు వారికి కనిపియట్లేదా?

image


టెస్టులో ఎంత ఎక్కువ సమయం క్రీజులో నిల్చుంటారో వారే హీరోలవుతారు. దీనిని కూడా బ్యాట్స్‌మెన్ అర్థం చేసుకోకపోవడం చాలా బాధకరమైన విషయం. బ్యా టింగ్ లైనప్‌లో భారత్‌కు ఎదురులేదని చెప్పుకోవడం ఇప్పుడు ప్రశ్నార్థకంగా మారింది. బలమైన బ్యాటింగ్ దళం ఉట్టి దేశీయ పిచ్‌లపైనే అని భారత బ్యాట్స్‌మెన్ మరో సారి రుజువు చేసుకున్నారు. విదేశి గడ్డపై మరోసారి అదే తడబాటును చూడాల్సి వచ్చింది. ఒకే ఒక్కడు క్రీజులో నిల్చుండి తొలి ఇన్నింగ్స్‌లో సెంచరీ, రెండో ఇన్నింగ్స్‌లో హాఫ్ సెంచరీ సాధిస్తే.. మిగతా జట్టంతా కలిసి ఆ సింగిల్ బ్యాట్స్‌మన్ స్కోరును కూడా అందుకోలేక పోయారు. 

ఇక్కడ హీరోలు.. అక్కడ జీరోలు.. 
స్వదేశీ పిచ్‌లపై హీరోలు.. విదేశీ పిచ్‌లపై జీరోలు.. భారత క్రికెటర్ల గురించి ఎప్పట్నుంచో ఉన్న విమర్శ ఇది. ఐతే మధ్యలో ఈ విమర్శను తిప్పికొట్టేలా విదేశాల్లో సత్తా చాటారు కొందరు భారత బ్యాట్స్‌మెన్. సెహ్వాగ్, గంభీర్, ద్రవిడ్, సచిన్, లక్ష్మణ్, ధోనీలతో కూడిన బ్యాటింగ్ లైనప్ విదేశాల్లో నిలకడగా రాణించి.. బయట కూడా తాము హీరోలమే అని చాటింది. కానీ ఈ బ్యాటింగ్ లైనప్‌లోని ఒక్కొక్కరే భారత జట్టుకు దూరం కాగా.. తర్వాతి తరం బ్యాట్స్‌మెన్ మళ్లీ పాత బాటలోకి పయనిస్తున్నారు. స్వదేశీ పులులుగా మారుతున్నారు. గత కొన్నేళ్ల నుంచి భారత్ సొంతగడ్డపై తిరుగులేని ప్రదర్శన చేస్తోంది. కానీ కఠినమైన విదేశీ పర్యటనలకు వెళ్తే మాత్రం తేలిపోతోంది. కోహ్లీ మినహా ఎవ్వరిలోనూ నిలకడ లేదు. మిగతా బ్యాట్స్‌మెన్‌లో కొందరు అప్పుడప్పుడూ అయినా ఆడుతున్నారు. కానీ ప్రస్తుత జట్టులో విదేశీ ఫాస్ట్ పిచ్‌లపై నిలకడగా విఫలమవుతున్న ఆటగాడు మాత్రం శిఖర్ ధావనే అని చెప్పాలి. 

టెస్టుల్లో ధావన్ విఫలం..
ఒక్క ఇంగ్లాండ్‌లో మాత్రమే కాదు.. ఫాస్ట్ పిచ్‌లున్న దక్షిణాఫ్రికా, ఆస్ట్రేలియా, వెస్టిండీస్‌ల్లో అతడి రికార్డు పేలవం. ఇంగ్లాండ్‌తో కలిపి ఈ నాలుగు దేశాల్లో ధావన్ ఒక్క సెంచరీ కూడా చేయలేదు. ఫ్లాట్ పిచ్‌లకు నెలవైన ఉపఖండంలో మాత్రం పరుగుల వరద పారించేస్తాడు. సెహ్వాగ్ లాగా దూకుడుగా ఆడి మ్యాచ్ ఫలితాలు మార్చేస్తాడని, ఎడమ చేతి వాటం బ్యాట్స్‌మన్ అని అతడికి విదేశాల్లోనూ మళ్లీ మళ్లీ అవకాశాలిస్తున్నట్లుంది. వన్డేల వరకు ఫాస్ట్ పిచ్‌లపై అయినా ధనాధన్ ఇన్నింగ్స్‌లు ఆడేస్తాడు కానీ.. టెస్టుల్లో నిలిచి ఆడమంటేనే కష్టం. ఇక జట్టులో మరో ఎడమ చేతి వాటం బ్యాట్స్‌మన్ లేకపోవడం కూడా ధావన్‌కు కలిసొస్తోంది. ఆరంభంలో కుడి, ఎడమ చేతి వాటం బ్యాట్స్‌మెన్ ఉంటే బాగుంటుందన్న ఆలోచనను కూడా దృష్టిలో ఉంచుకుని ధావన్‌కు టీమ్ మేనేజ్‌మెంట్ అవకాశాలు కల్పిస్తోంది. 

కానీ వరుసగా విఫలమవుతున్నపుడు ఏ వాటం అయితే ఏంటి అని మాజీలు విమర్శిస్తున్నారు. ఇంగ్లాండ్ గడ్డపై ఇప్పటి వరకు 3 టెస్టులు, 6 ఇన్నింగ్స్‌లు ఆడిన శిఖర్ ధావన్ 20.33 సగటుతో 122 పరుగులు మాత్రమే చేశాడు. అత్యధిక స్కోరు (37) ఒక హాఫ్ సెంచరీ కూడా చేయలేదు. ఇవీ గత ఇంగ్లాండ్ పర్యటనలో ధావన్ గణాంకాలు. ఈసారి సిరీస్ ఆరంభానికి ముందు ప్రాక్టీస్ మ్యాచ్‌లో ఆడిస్తే.. రెండు ఇన్నింగ్స్‌ల్లోనూ అతను డకౌటయ్యాడు. 

అయినా సరే.. ధావన్‌కే భారత సెలక్టర్లు ముగ్గు చూపారు. ఇంగ్లాండ్ పరిస్థితుల్లో ధావన్ ఆడలేడని సౌరభ్ గంగూలీ సహా కొందరు మాజీలు అతడిపై వ్యతిరేకత ప్రదర్శించినా సరే.. అతడికే అవకాశమి చ్చారు. ధావన్ అదే పాత కథను పునరావృతం చేస్తూ మరోసారి విఫలమయ్యాడు. మ్యాచ్‌లో తన పాత బలహీనతనే మరోసారి బయట పెట్టుకున్నాడు. ఎడ్జ్‌బాస్టన్‌లో మిగతా బ్యాట్స్‌మెన్ కూడా విఫలమైనా సరే.. పేలవ రికార్డున్న ధావన్‌ను ఆడించి మూల్యం చెల్లించుకోవడం చర్చనీయాంశమవుతోంది. మరోవైపు మురళీ విజయ్, కేఎల్ రాహుల్, అంజిక్య రహానే, దినేశ్ కార్తిక్ కూడా మొదటి టెస్టులో ఘోరంగా విఫలమ య్యారు. రెండు ఇన్నింగ్స్‌లలో ధావన్ (26;13), మురళీ విజయ్ (20;6), రాహుల్ (4;13), రహానె (15;2), కార్తిక్ (0;20) పరుగులు మాత్రమే చేశారు.



ప్రాక్టీస్ మ్యాచ్ డ్రా

Updated By ManamSat, 07/28/2018 - 00:42
  • ఆకట్టుకున్న ఉమేష్ , ఇషాంత్

rahulక్లెమ్‌ఫోర్డ్: ఎస్సెక్స్ జట్టుతో జరుగుతున్న మూడు రోజుల ప్రాక్టీస్ మ్యాచ్‌లో టీమిండియా పూర్తిగా విఫలమైంది. బ్యాటింగ్‌లో కాస్తోకూస్తో ఫర్వాలేదనిపించినా భారత్ జట్టు బౌలింగ్‌లో ఎస్సెక్స్ జట్టు వికెట్లు తీయడానికి కాస్త ఇబ్బంది పడింది. ఓవర్‌నైట్ స్కోర్ 237/5తో మూడో రోజు ఆటను ప్రారంభించిన ఎస్సెక్స్ జట్టు భారత బౌలర్లను సమర్థవంతంగా ఎదుర్కొన్నారు. క్రీజులో ఉన్నా వాల్టర్ స్వేచ్ఛగా షాట్లు ఆడుతూ హాఫ్ సెంచరీ నమోదు చేసాడు. మరో బ్యాట్స్‌మన్ ఫోస్టర్ తన వంతు పాత్రను పోషించాడు. 42 పరుగలు చేసిన ఫోస్టర్ ఉమేష్ యాదవ్ బౌలింగ్‌లో క్లీన్ బౌల్డ్ అయ్యి పెవిలియన్ చేరాడు. అనంతరం బ్యాటింగ్ వచ్చిన కోల్స్ యాదవ్ బౌలింగ్‌లో ధావన్‌కి క్యాచ్  ఇచ్చి ఖాతా తెరవకుండానే ఔటయ్యాడు. తర్వాత బ్యాటింగ్ వచ్చిన నిజార్‌తో కలిసి వాల్టర్ నెమ్మదిగా ఆడుతూ 
వికెట్ పడకుండా జాగ్రత్త పడ్డాడు. 84.2 ఓవర్లలో 336 పరుగల వద్ద వాల్టర్ ఇషాంత్ శర్మ బౌలింగ్‌లో రహానే కి క్యాచ్ ఇచ్చి ఎనిమిదో వికెట్‌గా వెనుదిరిగాడు. అనంతరం నిజార్ (29 నాటౌట్), ఖుషీ (14 నాటౌట్) 26 పరుగులు భాగస్వామ్యం చేసి ఇన్నింగ్స్‌ను డిక్లేర్ చేసారు. భారత్ బౌలింగ్‌లో ఉమేష్ యాదవ్ 4 వికెట్లు పడగొట్టగా, ఇషాంత్ శర్మ 3, ఠాకూర్ ఒక వికెట్ దక్కించుకున్నారు. తర్వాత రెండో ఇన్నింగ్స్ ప్రారంభించిన భారత జట్టు 4 పరుగుల వద్దే మొదటి వికెట్‌ను కోల్పోయింది. మొదటి ఇన్నింగ్స్‌లో డకౌట్ అయినా ధావన్ ఈ ఇన్నింగ్స్‌లోనైనా ఆడతాడు అనుకుంటే 0 పరుగులకే పెవిలియన్ చేరాడు. బాగానే సిద్ధపడ్డా అన్నా పుజారా 23 పరుగులకే చోప్రాకి క్యాచ్ ఇచ్చి ఔటయ్యాడు. మొదటి ఇన్నింగ్స్‌లో హాఫ్  సెంచరీతో ఆకట్టుకున్న కెఎల్ రాహుల్ (25 బ్యాటింగ్) రహానే (19 బ్యాటింగ్)తో కలిసి మరో వికెట్ పడకుండా ఆడారు. రెండో ఇన్నింగ్స్‌లో భారత్ స్కోరు 89/2 ఉన్నప్పుడు ఇరు జట్ల కెప్టెన్లు అంగీకరించడంతో మ్యాచ్ డ్రాగా ముగిసింది.



10వేల పరుగుల క్లబ్‌కు చేరువలో ధోనీ

Updated By ManamWed, 07/11/2018 - 23:30

imageటీమిండియా మాజీ కెప్టెన్ మహేంద్రసింగ్ ధోనీ మరో అదురైన రికార్డుకు అడుగు దూరంలో ఉన్నాడు. అంతర్జాతీయ వన్డేల్లో 10వేల పరుగుల మైలురాయిని చేరుకొనేందుకు ధోనీ ఇంకా 33 పరుగులు చేయాల్సి ఉంది. ఇంగ్ల్లాండ్‌తో జరిగే మూడు వన్డేల సిరీస్‌లో ధోనీ ఈ రికార్డును సాధించే అవకాశం ఉంది. శుక్రవారం నాట్టింగ్‌హామ్ వేదికగా భారత్, ఇంగ్లాండ్ మధ్య తొలి వన్డే జరగనుంది.

ఈ మ్యాచ్‌లో ధోనీ 33 పరుగులు చేస్తే.. సచిన్ టెండూల్కర్, రాహుల్ ద్రవిడ్, సౌరవ్ గంగూలీ తర్వాత 10వేల పరుగుల క్లబ్‌లో చేరిన నాలుగో భారత క్రికెటర్‌గా నిలుస్తాడు. అంతేకాక ప్రపంచవ్యాప్తంగా ఈ క్లబ్‌లో చేరిన 12వ క్రికెటర్‌గా ధోనీ ఘనత సాధించే అవకాశం ఉంది. ఈ క్లబ్‌లో సచిన్ టెండూల్కర్ మొదటి స్థానంలో ఉన్నారు. సచిన్ ఆడిన అన్ని వన్డేల్లో 18,426 పరుగులు చేశారు. ఆ తర్వాత 14,234 పరుగులతో శ్రీలంక మాజీ కెప్టెన్ కుమార సంగక్కార, 13,704 పరుగులతో ఆసీస్ మాజీ కెప్టెన్ రికీ పాంటింగ్ ఉన్నారు.



కోహ్లీని అధిగమించిన పుజారా!

Updated By ManamTue, 11/28/2017 - 20:04

pujaraదుబాయ్: శ్రీలంకతో టెస్ట్ సిరీస్‌లో రాణిస్తున్న టీమిండియా బ్యాట్స్‌మన్ పుజారా కెప్టెన్‌ విరాట్ కోహ్లీపై పై చేయి సాధించాడు. ఐసీసీ టెస్టు బ్యాట్స్‌మన్ ర్యాకింగ్స్‌లో పుజారా తన కెరీర్‌లోనే అత్యుత్తమమైన రెండో స్థానంలో నిలవగా...విరాట్ కోహ్లీ ఐదో ర్యాంకులో ఉన్నాడు. ప్రస్తుతం పుజారా ఖాతాలో 888 రేటింగ్ పాయింట్లు ఉన్నాయి. పుజారా-కోహ్లీ మధ్య ఉన్న నాలుగు ర్యాంకుల మధ్య 11 పాయింట్లు అంతరమే ఉంది. శ్రీలంకతో జరిగిన రెండో టెస్టులో పుజారా 143 పరుగులు చేసిన సంగతి తెలిసిందే. అదే మ్యాచ్లో డబుల్ సెంచరీ బాదిన కెప్టెన్ కోహ్లీ 60 పాయింట్లు అదనంగా పొంది 877 పాయింట్లతో ఐదో స్థానంలో ఉన్నాడు. లోకేష్ రాహుల్ 9వ ర్యాంకులో నిలుస్తున్నాడు. 

Test Ranks

యాషెస్ సిరీస్ తొలి టెస్టులో 141 పరుగులతో అజేయంగా నిలిచిన ఆసీస్ కెప్టెన్ స్టీవ్ స్మిత్ 941 పాయింట్లతో ఎవరికీ అందనంత ఎత్తులో ఉన్నాడు. టెస్టు చరిత్రలో అత్యధిక రేటింగ్ పాయింట్లు సాధించిన వారిలో ఐదో స్థానంలో ఉన్న పీటర్ మే (941)తో సమంగా నిలిచాడు. సర్ డాన్ బ్రాడ్మన్ (961) అందరి కన్నా ముందున్నాడు. 

అటు ఐసీసీ టెస్ట్ బౌలింగ్ విభాగంలో 880 పాయింట్లతో రవీంద్ర జడేజా రెండు, 849 పాయింట్లతో రవిచంద్రన్ అశ్విన్ నాలుగో స్థానంలో ఉన్నారు.

icc test bowler rankings



టెస్ట్ క్రికెట్‌కు గుడ్‌బై చెప్పిన సౌతాఫ్రికా క్రికెటర్ డుమ్నీ

Updated By ManamSat, 09/16/2017 - 17:35

దక్షిణాఫ్రికా క్రికెటర్ జెపి డుమ్నీ సంచలన ప్రకటన చేశాడు. టెస్ట్ క్రికెట్‌కు రిటైర్‌మెంట్ ప్రకటించి అందరినీ విస్మయానికి గురిచేశాడు. ఇక నుంచి తాను పూర్తిగా వన్డే, టీ20 ఫార్మాట్లపై దృష్టి సారించనున్నట్లు డుమ్నీ తెలిపాడు. తన దేశం తరపున 46 టెస్ట్ మ్యాచ్‌లలో ఆడటం సంతృప్తినిచ్చిందని డుమ్నీ చెప్పాడు. గత 16సంవత్సరాలుగా తన దేశం తరపున ఆడటం గర్వంగా ఉందన్నాడు. టెస్ట్ క్రికెట్ ఫార్మాట్‌లో ఆడటం వల్ల తానెంతో నేర్చుకున్నానని చెప్పాడు. 





Related News