karan johar

మా మ్యాజిక్‌ను వాళ్లు రీక్రియేట్ చేయలేరు: కాజోల్

Updated By ManamTue, 10/16/2018 - 15:09

Kuch Kuch Hota haiషారూక్ ఖాన్, కాజోల్, రాణి ముఖర్జీ, సల్మాన్ ఖాన్ ప్రధానపాత్రలలో 1998లో వచ్చిన ‘కుచ్ కుచ్ హోతా హై’ బాలీవుడ్‌లో ఎంతటి విజయాన్ని సాధించిందో అందరికీ తెలిసిందే. రీసెంట్‌గా ఈ చిత్రం 20సంవత్సరాలను పూర్తి చేసుకోగా.. ఈ మూవీ సీక్వెల్‌పై ఇటీవల ఓ హింట్ ఇచ్చాడు దర్శకనిర్మాత కరణ్ జోహార్.

ఒకవేళ కుచ్ కుచ్ హోతా హై సీక్వెల్ చేయాల్సి వస్తే అందులో రణ్‌బీర్, అలియా, జాన్వీలను తీసుకుంటానని కరణ్ జోహార్ ప్రకటించాడు. ఇక ఇదే విషయంపై ఇటీవల ఓ ఇంటర్వ్యూలో కాజల్‌ను ప్రశ్నించగా.. ‘‘వాళ్లు బాగా చేస్తారని నమ్ముతా. కానీ మా మ్యాజిక్‌ను మాత్రం వాళ్లు రీక్రియేట్ చేయలేరు. అది అంత ఈజీ కాదు’’ అంటూ చెప్పుకొచ్చింది.

Kuch Kuch Hota Hai Sequel


 



శత్రువులు, మాజీలు అందరూ ఒకే ఫొటోలో

Updated By ManamThu, 09/27/2018 - 10:45
Bollywood Stars

మామూలుగా శత్రువులు, మాజీ లవర్లు ఒకరికొకరు ఎదురుపడితే పలకరించుకోవడమే కష్టమే. కానీ ఇక్కడ మాత్రం అందరూ కలిసిపోయారు. అంతేకాదు హుషారుగా ఎంజాయ్ చేస్తూ ఫొటోలకు పోజ్‌లు ఇచ్చారు. బాలీవుడ్ హీరోలు షారూక్ ఖాన్, ఆమిర్ ఖాన్, రణ్‌బీర్ కపూర్, రణ్‌వీర్ సింగ్, హీరోయిన్లు అలియా భట్, దీపికా దర్శకనిర్మాత కరణ్ జోహార్ వీరందరూ ఒకే చోట కలిశారు. ఇంకేముంది అల్లరి అల్లరి చేస్తూ ఫొటోలు తీసుకున్నారు. ఇలా వీరందరూ కలిసి ఉన్న ఫొటో ఇప్పుడు సోషల్ మీడియాలో హల్‌చల్ చేస్తుండగా.. అందరినీ ఆకట్టుకుంటోంది.

కాగా షారూక్ ఖాన్, ఆమిర్ ఖాన్‌ల మధ్య ఒకప్పుడు విబేధాలు ఉండేవి. ఈ ఇద్దరు ఒకరి గురించి మరొకరు మాట్లడటానికి కూడా ఇష్టపడేవారు కాదు. అలాంటిది రెండు సంవత్సరాల క్రితం దుబాయ్‌లో జరిగిన ఓ కార్యక్రమంలో కలిసిపోయి, తమ ఫ్రెండ్‌షిప్‌ను చాటుకున్నారు. అంతేకాదు ఆ తరువాత కూడా ఒకరికి మరొకరు మద్దతును తెలుపుకుంటూ కలిసిపోయారు. ఇక రణ్‌వీర్ సింగ్‌తో ప్రేమలో పడకముందు దీపికా పదుకునే రణ్‌బీర్ కపూర్‌తో ప్రేమాయణం కొనసాగించిన విషయం తెలిసిందే. అయితే విబేధాల కారణంగా రణ్‌బీర్‌తో విడిపోయినప్పటికీ.. ఇటీవల ఈ ఇద్దరు ఓ చారిటీ కోసం కలిసి ర్యాంప్ వాక్ చేశారు. అంతేకాదు ఫొటోగ్రఫీ డే రోజు రణ్‌బీర్‌తో ఉన్న ఫొటోను షేర్ చేసిన దీపికా.. తాము మంచి స్నేహితులమని చెప్పకనే చెప్పింది.



‘బ్రహ్మాస్త్ర’ సెట్‌లో రాష్ట్రపతి

Updated By ManamThu, 09/06/2018 - 12:56

Brahmashtraఅమితాబ్ బచ్చన్, రణ్‌బీర్ కపూర్, అలియా భట్‌ ప్రధానపాత్రలో అయన్ ముఖర్జీ తెరకెక్కిస్తున్న చిత్రం ‘బ్రహ్మాస్త్ర’. సోషియో ఫాంటసీ చిత్రంగా తెరకెక్కుతున్న ఈ మూవీ షూటింగ్ ప్రస్తుతం బల్గేరియాలో జరుగుతుంది. మరోవైపు బల్గేరియా పర్యటనలో ఉన్న రాష్ట్రపతి రామ్‌నాథ్ కోవింద్ తాజాగా బ్రహ్మాస్త్ర సెట్‌లో సందడి చేశాడు. ఈ విషయాన్ని నిర్మాత కరణ్ జోహార్ సోషల్ మీడియాలో పోస్ట్ చేసి ఫొటోలను పెట్టారు. కాగా ఈ చిత్రంలో అక్కినేని నాగార్జున కెమెరా అప్పియరెన్స్ ఇస్తుండగా.. వచ్చే ఏడాది ప్రేక్షకుల ముందుకు రానుంది.

 



భారీ తారాగణంతో కరణ్ ‘తక్త్’.. నటీనటులు వీరే

Updated By ManamThu, 08/09/2018 - 13:53

takhtబాలీవుడ్ దర్శకనిర్మాత కరణ్ జోహార్ తన దర్శకత్వంలో తదుపరి చిత్రాన్ని ప్రకటించాడు. ‘తక్త్’ అనే పేరుతో తెరకెక్కబోతున్న ఈ చిత్రంలో భారీ తారాగణం నటించనుంది. అందులో రణ్‌వీర్ సింగ్, కరీనా కపూర్, అనిల్ కపూర్, అలియా భట్, విక్కీ కౌశల్, భూమి పడ్నేకర్, జాన్వీ కపూర్‌లు నటించనున్నారు. దీనికి సంబంధించిన ఆయన అధికారిక ప్రకటనను ఇచ్చారు. ఈ చిత్రం ప్రేమ, యుద్ధానికి సంబంధించినది అని కరణ్ పేర్కొన్నారు. ప్రస్తుతం ప్రీ ప్రొడక్షన్ పనులు జరపుకుంటున్న ఈ చిత్రం త్వరలో సెట్స్ మీదకు వెళ్లనుండగా.. 2020లో ప్రేక్షకుల ముందుకు రానుంది. కరణ్ స్వీయ నిర్మాణ సంస్థ ధర్మ ప్రొడక్షన్స్ ఈ చిత్రాన్ని నిర్మించనుంది. కాగా కరణ్ జోహార్ దర్శకత్వంలో చివరగా ‘యే దిల్ హై ముష్కిల్’ తెరకెక్కిన విషయం తెలిసిందే.



బాలీవుడ్ ‘బ్రహ్మాస్త్ర’ షూటింగ్‌లో నాగ్

Updated By ManamWed, 07/11/2018 - 12:06

Nagarjunaబాలీవుడ్‌లో తెరకెక్కుతున్న భారీ బడ్జెట్ చిత్రం ‘బ్రహ్మాస్త్ర’లో కింగ్ నాగార్జున భాగం కాబోతున్నట్లు ఇటీవల వార్తలు చక్కర్లు కొట్టగా.. తాజాగా ఆ మూవీ షూటింగ్‌లో పాల్గొన్నాడు నాగ్. ప్రస్తుతం ఈ మూవీ చిత్రీకరణ బల్గేరియాలో జరుగుతుండగా.. అందులో నాగార్జున పాల్గొన్నాడు. జూలై 19వరకు నాగార్జున ఈ షెడ్యూల్‌లో పాల్గొననున్నాడు.

ఇక ఫాంటసీ చిత్రంగా తెరకెక్కుతున్న ఈ చిత్రంలో అమితాబ్ బచ్చన్, రణ్‌బీర్ కపూర్, అలియా భట్, మౌని రాయ్ తదితరులు కీలక పాత్రలలో కనిపించనున్నారు. కరణ్ జోహార్ నిర్మిస్తున్న ఈ చిత్రానికి అయాన్ ముఖర్జీ దర్శకత్వం వహిస్తున్నాడు. ప్రీతమ్ సంగీతం అందిస్తున్న ఈ చిత్రం వచ్చే ఏడాది ఆగష్టు 15న ప్రేక్షకుల ముందుకు రానుంది.
 



జాన్వీ ‘అర్జున్ రెడ్డి’ని వద్దనడానికి కారణం..

Updated By ManamMon, 07/02/2018 - 15:00

Jhanvi Kapoor అతిలోక సుందరి శ్రీదేవి కుమార్తె జాన్వీ కపూర్ ‘ధడక్’ చిత్రంతో బాలీవుడ్‌కు పరిచయమవుతుంది. అయితే ఈ మూవీ రిలీజ్ అవ్వకముందే ఈమెకు ఆఫర్లు వరుస కడుతున్నాయి. వాటిలో ‘అర్జున్ రెడ్డి’ రీమేక్ కూడా ఒకటి. తెలుగులో అర్జున్ రెడ్డిని తెరకెక్కించిన సందీప్ రెడ్డి ఇప్పుడు బాలీవుడ్‌లో షాహిద్ కపూర్‌తో ఈ మూవీని రీమేక్ చేస్తున్నారు. ఇందులో భాగంగా హీరోయిన్‌గా మొదట జాన్వీని సంప్రదించారట.

అయితే అందుకు ప్రముఖ దర్శకనిర్మాత కరణ్ జోహార్ వద్దని చెప్పాడట. శ్రీదేవి మరణం తరువాత జాన్వీకి మెంటర్‌గా వ్యవహరిస్తున్న కరణ్ జోహార్.. కెరీర్ ప్రారంభంలోనే బోల్డ్ సినిమాలు చేయడం మంచిది కాదని ఆమెకు సూచించాడట. దీంతో ఈ ప్రాజెక్ట్‌కు ఆమె నో చెప్పినట్లు తెలుస్తోంది. అంతేకాదు ఇక ఈ రీమేక్‌కు హీరోయిన్‌గా తార పేరును సూచించింది కూడా కరణ్ కావడం విశేషం. కాగా ధడక్ ఈ నెల 20న ప్రేక్షకుల ముందుకు రానుంది. ఈ మూవీపై చాలా అంచనాలే పెట్టుకుంది కరణ్ జోహార్.



ఉత్తమ నటి శ్రీదేవి, నటుడు ఇర్ఫాన్ ఖాన్

Updated By ManamMon, 06/25/2018 - 11:31
iifa

బాలీవుడ్‌కు సంబంధించిన 19వ ఐఫా అవార్డు వేడుకలు బ్యాంకాక్‌లో ఆదివారం ఘనంగా జరిగాయి. ఈ కార్యక్రమానికి కరణ్ జోహార్, రితేష్ దేశ్‌ముఖ్ వ్యాఖ్యతలుగా వ్యవహరించగా.. ఎవర్‌గ్రీన్ బ్యూటీ రేఖ అద్భుతమైన ప్రదర్శన అందరినీ ఆకట్టుకుంది. అలాగే సల్మాన్ ఖాన్, ప్రభుదేవా, షారూక్ ఖాన్, అనిల్ కపూర్, బోని కపూర్, రణ్‌బీర్ కపూర్, వరుణ్ ధావన్, అనిల్ కపూర్, అర్జున్ కపూర్, శ్రద్ధా కపూర్, కృతి సనన్, కార్తీక్ ఆర్యన్ తదితరులు హాజరై స్టేజ్‌ను ఉత్సాహపరిచారు.

ఐఫా విజేతలు వీరే
ఉత్తమ నటి: శ్రీదేవి (మామ్)
ఉత్తమ నటుడు: ఇర్ఫాన్ ఖాన్ (హిందీ మీడియం)
ఉత్తమ చిత్రం: తుమ్హారీ సులు
ఉత్తమ సహాయ నటి: మెహర్ విజ్ (సీక్రెట్ సూపర్‌స్టార్)
ఉత్తమ సహాయనటుడు: నవాజుద్దీన్ సిద్ధిఖ్వీ(మామ్)
ఉత్తమ దర్శకుడు: సాకేత్ చౌదరి(హిందీ మీడియం)
ఉత్తమ కొత్త దర్శకుడు: కొంకొన సేన్‌శర్మ(ఎ డెత్ ఇన్ ద గంజ్)
ఔట్‌స్టాండింగ్ అచీవ్‌మెంట్: అనుపమ్ ఖేర్
ఉత్తమ కథ: అమిత్ వి మసూర్కర్(న్యూటన్)
ఉత్తమ సంగీత దర్శకుడు: అమాల్ మాలిక్, తనిష్క్ బగ్చీ, అఖిల్ సచ్‌దేవ(బద్రీనాథ్ కీ దుల్హానీయ)
ఉత్తమ నేపథ్య సంగీతం: ప్రీతమ్(జగ్గా జాసూస్)
ఉత్తమ స్క్రీన్‌ప్లే: నితేశ్ తివారీ, శ్రేయాస్ జైన్(బరైలీ కి బర్ఫీ)
ఉత్తమ గాయకుడు: అర్జిత్ సింగ్(హావేయిన్- జబ్ హ్యారీ మెట్ సెజల్)
ఉత్తమ గాయని: మేఘనా మిశ్రా(మై కౌన్ హూన్- సీక్రెట్ సూపర్‌స్టార్)
ఉత్తమ సాహిత్యం: నుస్రాత్ ఫతేహ్ అలీ(ఏ1 మెలోడి ఫనా), మనోజ్ మౌంటాషిర్(మేరే రక్షే కమర్- బాద్షాహో)
ఉత్తమ నృత్యం: విజయ్ గంగూలీ, రూల్ దౌసన్ వరిందాని(గల్తే సే మిస్టేక్- జగ్గా జాసూస్)
స్టైలిష్ట్ ఆఫ్ ద ఇయర్: కృతి సనన్.



‘ధడక్’ ట్రైలర్.. అదరగొట్టిన జాన్వీ కపూర్

Updated By ManamMon, 06/11/2018 - 12:29

Dhadak శ్రీదేవి తనయ జాన్వీ కపూర్, షాహిద్ కపూర్ సోదరుడు ఇషాన్ కత్తర్ హీరో హీరోయిన్లుగా నటించిన చిత్రం ‘ధడక్’. మరాఠీలో విజయవంతమైన ‘సైరాట్ రీమేక్‌గా ఈ చిత్రం తెరకెక్కగా, ఈ మూవీ ట్రైలర్ తాజాగా విడుదలైంది. అందులో ఇషాన్, జాన్వీ కపూర్ జోడీ తమ అభినయంతో ఆకట్టుకున్నారు. ఇక ఈ చిత్రానికి శశాంక్ కైతాన్ దర్శకత్వం వహించగా.. అజయ్ అతుల్ సంగీతం అందించారు. కరణ్ జోహార్, హైరో జోహార్, అపూర్వ మెహతా సంయుక్తంగా నిర్మిస్తున్న ఈ చిత్రం జూలై 20న ప్రేక్షకుల ముందుకు రానుంది.
 

 



జాన్వీ మూవీ ట్రైలర్ వచ్చేస్తోంది

Updated By ManamSun, 06/10/2018 - 13:56

dhadak అతిలోక సుందరి శ్రీదేవి జాన్వీ కపూర్ ‘ధడక్’ అనే చిత్రంలో నటిస్తోంది. షాహిద్ కపూర్ సోదరుడు ఇషాన్ కత్తర్ హీరోగా నటిస్తున్న ఈ చిత్రానికి శశాంక్ దర్శకత్వం వహిస్తున్నాడు. మరాఠీ సూపర్ హిట్ చిత్రం ‘సైరాట్’ రీమేక్‌గా తెరకెక్కుతున్న ఈ చిత్రాన్ని కరణ్ జోహార్ నిర్మిస్తున్నాడు. కాగా ప్రస్తుతం షూటింగ్ జరుపుకుంటున్న ఈ చిత్ర ట్రైలర్‌ ఈ నెల 11న మధ్యాహ్నం విడుదల కానుంది. దీనిపై చిత్ర యూనిట్ అధికారిక ప్రకటన ఇచ్చింది. ఇక జూలై 20న ఈ చిత్రం ప్రేక్షకుల ముందుకు రానుంది.

 



కొత్త స్టూడెంట్‌లు దొరికేశారు

Updated By ManamWed, 04/11/2018 - 12:27
students

వరుణ్ ధావన్, సిద్ధార్థ్ మల్హోత్రా, అలియా భట్‌లుగా కథా కథానాయకులుగా కరణ్ జోహార్ తెరకెక్కించిన ‘స్టూడెంట్ ఆఫ్ ది ఇయర్’ ఎంతటి ఘన విజయాన్ని సాధించిందో అందరికీ తెలిసిందే. ఇప్పుడు ఆ సినిమాకు సీక్వెల్‌ను రూపొందించనున్నారు. పునీత్ మల్హోత్రా తెరకెక్కించనున్న ఈ సినిమాలో హీరోగా టైగర్ ష్రాఫ్ నటించనున్నాడు.

ఇక ప్రముఖ నటుడు చుకీ పాండే తనయ అనన్య పాండే ఈ చిత్రం ద్వారా హీరోయిన్‌గా పరిచయం కానుంది. అలాగే  మరో హీరోయిన్‌గా తారా సుటారియా ఈ ప్రాజెక్ట్‌లోకి న్యూ ఎంట్రీ ఇచ్చింది. ఈ మేరకు అధికారికంగా ప్రకటించిన చిత్ర యూనిట్.. వారి ఫస్ట్‌లుక్‌లను కూడా విడుదల చేసింది. త్వరలోనే సెట్స్ మీదకు వెళ్లనున్న ఈ చిత్రాన్ని కరణ్ జోహార్ నిర్మిస్తుండగా నవంబర్ 23న ప్రేక్షకుల ముందుకు రానుంది.





Related News