tpcc

కాంగ్రెస్ లోకి చేరిన మాజీ ఎమ్యెల్యే

Updated By ManamSun, 10/07/2018 - 13:52
congress

హైదరాబాద్ : మాజీ ఎమ్మెల్యే ఊకే అబ్బయ్య కాంగ్రెస్‌లో చేరారు. టీపీసీసీ అధ్యక్షులు ఉత్తమ్ కుమార్ రెడ్డి నివాసంలో ఆయన కాంగ్రెస్‌ తీర్థం పుచ్చుకున్నారు. ఈ సందర్భంగా తన పార్టీ కండువా కప్పి అబ్బయ్యను సాదరంగా ఆహ్వానించారు ఉత్తమ్ కుమార్ రెడ్డి. కాగా గతంలో అబ్బయ్య మూడు సార్లు ఎమ్మెల్యేగా పనిచేశారు.



అధికారంలోకొస్తే సీపీఎస్ రద్దు

Updated By ManamFri, 09/28/2018 - 00:53
  • టీపీసీసీ మేనిఫెస్టో కమిటీ చైర్మన్ దామోదర 

  • డ్రైవర్ల సంక్షేమ మండలి ఏర్పాటు.. త్వరలో ప్రజా మేనిఫెస్టో విడుదల

  • ఏపీలో ఉన్న తెలంగాణ ఉద్యోగులను తీసుకొస్తం

damodhra-raja-narshma-adressingహైదరాబాద్: కాంగ్రెస్ పార్టీ అధికారంలోకి వచ్చిన వెంటనే కాంట్రిబ్యూటరీ పెన్షన్ విధానం (సీపీఎస్) రద్దు చేసి పాత పింఛన్ విధానాన్ని కొనసాగిస్తామని,ఈ విషయాన్ని ఎన్నికల తమ పార్టీ ప్రణాళికలో చేర్చనున్నట్లు టీపీసీసీ మేనిఫెస్టో కమిటీ చైర్మన్ దామోదర రాజనరసింహ వెల్లడించారు. త్వరలో కాంగ్రెస్ పార్టీ ప్రజా మేనిఫెస్టోను ప్రకటించనున్నట్లు వెల్లడించారు. గురువారం గాంధీభవన్ లో కమిటీ కో చైర్‌పర్సన్ కోమటిరెడ్డి వెంకటరెడ్డి, సభ్యులు కూనశ్రీశైలం గౌడ్, మహేష్‌కుమార్ గౌడ్, సౌధాగర్ గంగారాం, గాంధీ భవన్ కోఆర్డినేటర్ ఇందిరాశోభన్, ఐటీ విభాగం కన్వీనర్ మదన్ మోహన్ రావుతో కలిసి విలేకరుల  సమావేశంలో మాట్లాడారు. ప్రస్తుతం సంఘాలు, యూనియన్లు,వ్యక్తుల పరంగా డిమాండ్లపై వినతిపత్రాలు తీసుకుంటున్నామని, తర్వాత క్షేత్ర స్థాయి పర్యటనలకు వెళతామని, వ్యవసాయం,అనుబంధ విభాగాల సబ్ కమిటీ చైర్మన్ ఎం కోదండరెడ్డి మహబూబ్‌నగర్ జిల్లా పర్యటనలకు వెళ్లారని చెప్పారు. ఈ రోజు తాము బీసీ,ఈబీసీ, ఎస్టీ, మైనారిటీ సంక్షేమం, పారిశ్రామిక విధానంపై చర్చించామన్నారు. ఉద్యోగులకు సంబంధించిన పీఆర్‌సీ, ఐఆర్‌కు సంబంధించి  ఉద్యోగ సంఘాల నాయకులతో చర్చించి నిర్ణయం తీసుకుంటామన్నారు.

రైతుల కొరకు 4 వేల కోట్లతో మార్కెట్ నిధి
వ్యవసాయరంగాన్ని లాభసాటిగా మార్చాల్సి ఉందని, వారిని కాపాడుకోవాల్సిన బాధ్యత అందరిపై ఉందని రాజ నరసింహ అన్నారు. అందుకే రైతులకు నష్టం జరగకుండా గిట్టుబాటు ధరలు ప్రకటించాలని నిర్ణయించామని, రూ.4 వేల కోట్లతో మార్కెట్ ఇంటర్వెన్షన్ నిధిని ఏర్పాటు చేయనున్నట్లు చెప్పారు. వారికి భరోసా ఇవ్వాల్సి ఉందన్నారు. ఆ దిశలో ఎన్నికల ప్రణాళికలో చేర్చనున్నట్లు తెలియజేశారు.

డ్రైవర్లకోసం ప్రత్యేక బోర్డు..
డ్రైవర్ల కోసం ప్రత్యేక సంక్షేమమండలిని ఏర్పాటు చేయనున్నట్లు రాజనరసింహ వెల్లడించారు. ఆటో, లారీ, క్యాబ్, ఇతర డ్రైవర్లను ఆదుకునేందుకు బోర్డును ఏర్పాటు చేయాలని వినతిపత్రాలు వచ్చాయని, ఈ విష యంలో సానుకూలంగా వ్యవహరించనున్నట్లు తెలియజేశారు. ఈబీసీలకు ప్రత్యేక కార్పోరేషన్, పేద రెడ్డి సామాజిక వర్గాన్ని ఆదుకునేందుకు రెడ్డి కార్పోరేషన్ ఏర్పాటుచేయాలని రెడ్డి సంఘాల ఐక్యవేదిక  వినతిపత్రాలు ఇచ్చిందని, విదేశీ విద్యకు ఆర్థిక సహాయం అందజేయాలని కూడా కోరారని చెప్పారు. 

గెస్ట్ లెక్చరర్ల పర్మినెంట్ చేయాలని వినతి
జూనియర్, డిగ్రీ కళాశాలల్లో పని చేస్తున్న గెస్ట్ లెక్చరర్లకు ఉద్యోగ భద్రత కల్పించాలని, సమాన పనికి సమాన వేతనం చెల్లించాలని గెస్ట్ లెక్టరర్ల సంఘం నుంచి వినతిపత్రాలు వచ్చాయని, ప్రస్తుతమున్న గురుకుల పాఠశాలల్లో వార్డెన్ విధానాన్ని ప్రవేశపెట్టాలని, రాష్ట్ర విభజన తర్వాత ఆంధ్రప్రదేశ్ లోకి బదలీ అయిన 600 మంది నాల్గవ తరగతి ఉద్యోగులు, 350 మంది ఎన్జీఓలు కూడా వినతిపత్రాలు ఇచ్చారని, వారిని స్వరాష్ట్రానికి తీసుకువస్తామని మేనిఫెస్టో కమిటీ చైర్మన్ భరోసా ఇచ్చారు. మైనారిటీల సమస్యల పరిష్కారంపై కూడా చర్చిస్తున్నామని అన్నారు.

మండల స్థాయిలో నైపుణ్య శిక్షణా కేంద్రాలు: కోమటిరెడ్డి 
మండల స్థాయిలో నైపుణ్య శిక్షణా కేంద్రాల ఏర్పాటు అవసరముందని, ఆ దిశలో పరిశీలిస్తున్నామని కో చైర్మన్ కోమటిరెడ్డి వెంకటరెడ్డి చెప్పారు. ఖాళీలు ఏర్పడిన సందర్భంగా ఎప్పటికప్పుడు డీఎస్సీ నిర్వహించేందుకు చర్యలు తీసుకుంటామన్నారు.



రాజగోపాల్ రెడ్డికి మరోసారి షోకాజ్ నోటీసులు

Updated By ManamMon, 09/24/2018 - 20:32

MLC Rajagopal reddy, Show cause note, TPCC, Congress High commandహైదరాబాద్: తెలంగాణ పీసీసీ క్రమశిక్షణ కమిటీ సమావేశం ముగిసింది. గాంధీభవన్‌లో సోమవారం ఏర్పాటు చేసిన సమావేశంలో కాంగ్రెస్ నేత కోమటిరెడ్డి రాజగోపాల్ రెడ్డికి మరోసారి షోకాజ్ నోటీసులు జారీ చేయాలని కమిటీ నిర్ణయించింది. చైర్మన్ కోదండ రెడ్డి అధ్యక్షతన రెండు గంటల పాటు జరిగిన సమావేశంలో ఈ మేరకు సోమవారం రాజగోపాల్ రెడ్డికి షోకాజ్ నోటీసులు జారీ చేసింది. 24 గంటల్లో సమాధానం ఇవ్వాలని కమిటీ నోటీసులు ఇచ్చింది. ఎమ్మెల్సీ రాజగోపాల్ రెడ్డి క్రమశిక్షణ ఉల్లంఘన అంశాలపై సుదీర్ఘంగా సమావేశంలో కమిటీ చర్చించింది. రాజగోపాల్ రెడ్డి మూడు పేజీలు వివరణ ఇచ్చినప్పటికీ క్రమశిక్షణ అంశాలపై  సమాధానం ఇవ్వలేదని కమిటీ భావించింది. 

గతంలో ఇచ్చిన నోటీస్ కు 48 గంటలలో రాజగోపాల్ ఇచ్చిన నోటీస్‌కు కమిటీ సంతృప్తి చెందలేదు. మునుగోడు‌లో రాజగోపాల్ రెడ్డి వ్యాఖ్యలకు, నోటీస్ ఇచ్చిన తరువాత ప్రెస్‌మీట్ పెట్టి చేసిన వ్యాఖ్యలను కమిటీ తీవ్రంగా తప్పు పట్టింది. ఈ వ్యాఖ్యలను ఉటంకిస్తూ జవాబు ఇవ్వాలని కమిటీ రాజగోపాల్ రెడ్డికి షోకాజ్ నోటీసులు జారీ చేసింది. కాగా, కమిటీ సమావేశంలో కమిటీ  కన్వీనర్ అనంతుల శ్యామ్ మోహన్, సభ్యులు నంది ఎల్లయ్య,  కమలాకర్, సంభాని చంద్రశేఖర్, సీజే శ్రీనివాస్ తదితరులు పాల్గొన్నారు. 

అంతకుముందు తెలంగాణ కాంగ్రెస్ వ్యవహారాల ఇంచార్జీ కుంతియాపై ఎమ్మెల్సీ రాజగోపాల్ రెడ్డి తీవ్ర వ్యాఖ్యలు చేసిన సంగతి తెలిసిందే. ఈ వ్యాఖ్యలకు రెండురోజుల్లో వివరణ ఇవ్వాలని రాజగోపాల్ రెడ్డికి కాంగ్రెస్ అధిష్ఠానం ఆదేశించింది. ఎన్నికల్లో గెలుపే లక్ష్యంగా పార్టీకి చెందిన ముఖ్య నేతలకు బాధ్యతలు అప్పగిస్తూ  కాంగ్రెస్ అధిష్టానం కమిటీలను ఏర్పాటు చేసింది. 9 అనుబంధ కమిటీలను ఏర్పాటు చేసింది. వర్కింగ్ ప్రెసిడెంట్లుగా రేవంత్‌రెడ్డి, పొన్నం ప్రభాకర్‌లను నియమించింది. 



'ఆయన తన గొయ్యి తానే తీసుకున్నారు'

Updated By ManamMon, 09/24/2018 - 18:21

Uttam Kumar reddy, KCR, TPCC, Election commissionహైదరాబాద్: తెలంగాణ ఆపద్ధర్మ ముఖ్యమంత్రి కేసీఆర్ తన గొయ్యి తానే తీసుకున్నాడని తెలంగాణ పీసీసీ అధ్యక్షులు ఉత్తమ్ విమర్శించారు. కేసీఆర్ లాంటి సీఎంను తానెప్పుడూ చూడలేదన్నారు. సోమవారం ఉత్తమ్ మీడియాతో మాట్లాడతూ బీజేపీ, ఎన్నికల కమిషన్‌తో కలిసి మోసం చేసే ప్రయత్నం చేస్తున్నారని మండిపడ్డారు. కేసీఆర్ వచ్చాక దళితులకు మేలు జరుగుతుందనుకున్నామని ఉత్తమ్ అన్నారు. నాలుగున్నరేళ్లు అవుతున్నా ఒక్కరికీ న్యాయం చేయలేదని విమర్శించారు.

ఎస్సీలకు తెలంగాణ కేబినెట్‌లో సరైన ప్రాతినిథ్యం లేదని తెలిపారు. తనకు పిల్లలు లేరని, ప్రజలే తమ పిల్లలని ఉత్తమ్ స్పష్టం చేశారు. కేసీఆర్‌ను గద్దె దించేందుకు మాల, మాదిగలు కృషి చేయాలని కోరారు. తెలంగాణ రాష్ట్రంలో కేసీఆర్ కుటుంబం చేతిలోనే ఇసుక మాఫియా ఉందని ఆరోపించారు. ఇసుక కాంట్రాక్టర్లంతా కేసీఆర్ కుటుంబం వారేనని ఉత్తమ్ ఆరోపించారు.       



రాహూల్ పరిశీలనలో ఎన్నికల కమిటీ

Updated By ManamTue, 09/18/2018 - 00:58
  • ఆర్టీసీని ప్రభుత్వంలో విలీనం చేస్తాం.. చిట్ ఛాట్ లో ఉత్తమ్  

imageహైదరాబాద్ః రాష్ట్ర పార్టీ ఎన్నికల కమిటీల నియామకం రాహుల్ గాంధీ పరిశీలనలో ఉందని, త్వరగా కమిటీలు వేయాలని అధిష్టానాన్ని కోరుతున్నట్టు టీపీసీసీ అధ్యక్షుడు ఎన్ ఉత్తమ్ కుమార్ రెడ్డి చెప్పారు. సోమవారం గాంధీభవన్‌లో విలేఖరులతో ఆయన చిట్ ఛాట్ నిర్వహించారు. టీఆర్‌ఎస్ పార్టీని ఓడించడమే లక్ష్యంగా మహాకూటమిని ఏర్పాటుచేస్తున్నామని, ఈ కూటమికి సంబంధించి టీడీపీ, సీపీఐతో ప్రాధమిక చర్చలు మాత్రమే జరిగాయన్నారు. పొత్తులపై చర్చ సందర్భంగా సీట్ల అంశం ప్రస్తావనకు రాలేదన్నారు.

 కూటమికి ఉమ్మడికి ఉమ్మడి ఎజెండా రూపకల్పనపై కసరత్తు చేస్తున్నామని ఉత్తమ్ చెప్పారు. పొత్తుల్లో భాగంగా కాంగ్రెస్ పార్టీ గెలిచే సీట్లను వదిలే ప్రసక్తిలేదన్నారు. కూటమికి ఎవరు నాయకత్వం వహిస్తారనేది  కలిసొచ్చే పార్టీలతో చర్చించి నిర్ణయిస్తామని చెప్పారు. పొత్తుల అంశం తేలకుండా కాంగ్రెస్ అభ్యర్థుల ప్రకటన జరగదన్నారు. అభ్యర్థుల ప్రకటన అంశం పార్టీ ఏర్పాటు చేసిన స్క్రీనింగ్ కమిటీ పరిశీలనలో ఉందన్నారు.

ఆర్టీసీని ప్రభుత్వంలో విలీనం చేస్తాం ఉత్తమ్ హామీ
వచ్చే ఎన్నికల్లో కాంగ్రెస్ అధికారంలోకి వచ్చిన వెంటనే ఆర్టీసీని ప్రభుత్వంలో విలీనం చేస్తామని టీపీసీసీ అధ్యక్షుడు ఎన్ ఉత్తమ్ కుమార్ రెడ్డి హామీ ఇచ్చారు. సోమవారం గాంధీభవన్ లో ఆర్టీసీ ఉద్యోగ సంఘాల నేతలు ఉత్తమ్‌ను కలిశారు. ఈ సందర్భంగా ఆర్టీసీ కార్మికులకు ఉత్తమ్‌కు వరాలు కురిపించారు. సంస్థను పటిష్టం చేసేందుకు చర్యలు తీసుకుంటామని, కొత్త బస్సులు కొనుగోలు చేస్తామన్నారు. ఉత్తమ్‌ను కలిసిన వారిలో తెలంగాణ జాతీయ మజ్దూర్ యూనియన్ అధ్యక్షఉలు టి సుధాకర్, ప్రధాన కార్యదర్శి కె హన్మంతు ముదిరాజ్ ఇతర నాయకులు సవీపీ డీవీకే రావు, జీవీకె రెడ్డి, మొగులప్ప, రాకేష్ తదితరులు ఉన్నారు.



'నలుగురి చేతుల్లో రాష్ట్రం బందీ అయింది'

Updated By ManamFri, 08/31/2018 - 20:05
  • కాంగ్రెస్‌తోనే సంక్షేమ రాజ్యం 

  • అన్ని పంటలకు గిట్టుబాటు కల్పిస్తాం

  • భట్టి సమక్షంలో కాంగ్రెస్ లో చేరిన 25 టీఆర్ఎస్ కుటుంబాలు

  • టీపీసీసీ వర్కింగ్ ప్రెసిడెంట్ భట్టి విక్రమార్క మల్లు

Mallu Batti Vikramarka, Congress party, TPCC, TRS familiesముదిగొండ : తెలంగాణ రాష్ట్రం నలుగురి చేతుల్లో బందీ అయిందని టీపీసీసీ వర్కింగ్ ప్రెసిడెంట్ భట్టి విక్రమార్క మల్లు చెప్పారు. ఖమ్మం జిల్లా మధిర నియజకవర్గం ముదిగొండ మండలం కట్టకూరు గ్రామంలో సీసీ రోడ్ల శంకుస్థాపన కార్యక్రమంలో విక్రమార్కు పాల్గొన్నారు. అనంతరం ఎరపాటు చేసిన బహిరంగ సభలో ఆయన మాట్లాడారు. కాంగ్రెస్ హయాంలో తీసుకువచ్చిన పలు సంక్షేమ కార్యక్రమాలకు టీఆర్ఎస్ ప్రభుత్వం తిలోదకాలు ఇచ్చిందని అన్నారు. తెలంగాణ రాష్ట్రాన్ని మిగులు బడ్జెట్ తో కాంగ్రెస్ పార్టీ ఇస్తే.. కేవలం నాలుగేళ్లలో లక్షల కోట్ల అప్పుల్లోకి కేసీఆర్ ప్రభుత్వం నెట్టిందని అన్నారు. కాంగ్రెస్ ప్రభుత్వం మంజూరు చేసిన ఇందిరమ్మ ఇండ్లకు ఇప్పటికీ బిల్లులు ఇవ్వకపోవడంపై విక్రమార్క ఆగ్రహం వ్యక్తం చేశారు. నాలుగేళ్ళ బడ్జెట్ తో పాటు.. మరో 20 ఏళ్ల బడ్జెట్ కు సమానమైన అప్పులను.. తెలంగాణ ప్రజలను తాకట్టు పెట్టి తెచ్చారని అన్నారు.

▶ వచ్చేది కాంగ్రెస్ ప్రభుత్వమే
రాబోయే ఎన్నికల్లో గెలిచి ప్రభుత్వం ఏర్పాటు చేసేది కాంగ్రెస్ పార్టీఅని విక్రమార్క చెప్పారు. కాంగ్రెస్ గెలుపుతో.. సంక్షేమ రాజ్యం.. రైతన్న రాజ్యం.. పూర్తిగా పేదల కోసం పనిచేసే ప్రభుత్వం వస్తుందని విక్రమార్క చెప్పారు. రైతులకు గిట్టుబాటు ధర, విద్యార్థులకు ఫీజ్ రీ ఎంబెర్స్ మెంట్, నిరుద్యోగులకు ఉద్యోగాల కల్పన వంటి అన్ని కార్యక్రమాలను రాబోయే కాంగ్రెస్ ప్రభుత్వం నిర్వహిస్తుందని ఆయన చెప్పారు. 

▶ అభివృద్ధి పనులకు శ్రీకారం
ఖమ్మం జిల్లా మధిర నియోజకవర్గంలోని ముదిగొండ మండలం కట్టకూరు గ్రామంలో.. సీసీ రోడ్ల పనులకు టీపీసీసీ వర్కింగ్ ప్రెసిడెంట్ భట్టి విక్రమార్కు మల్లు శంకుస్థాపన చేశారు. మూడు లక్షల వ్యయంతో సీపీడీపీ నిధులతో.. ఈ రహదారులను నిర్మిస్తున్నారు.

▶ టీఆర్ఎస్ నుంచే భారీ చేరికలు
వర్కింగ్ ప్రెసిడెంట్ భట్టి విక్రమార్క కట్టకూరు పర్యటనలో.. అధికార పార్టీ టీఆర్ఎస్ కు భారీ షాక్ ఇచ్చింది. గ్రామంలో టీఆర్ఎస్ పార్టీకి చెందింది 25 కుటుంబాలు.. విక్రమార్క సమక్షంలో కాంగ్రెస్ కండువా కప్పుకుని పార్టీలో చేరారు. భట్టి విక్రమార్క చేస్తున్న అభివృద్ధి పనులు చూసే పార్టీలో చేరినట్లు.. వారు చెప్పారు.

▶ భట్టికి బ్రహ్మ రథం
అభివృద్ధి పనుల శంకుస్థాపనలకు వచ్చిన టీపీసీసీ వర్కింగ్ ప్రెసిడెంట్ భట్టి విక్రమార్క మల్లుపై.. కట్టకూరు ప్రజలు తమ అభిమానాన్ని చాటుకున్నారు. విక్రమార్కకు అడుగడుగునా.. ప్రజలు పెద్ద ఎత్తున నీరాజనం పలికారు. విక్రమార్కపై.. పూల వర్షం కురిపించారు.



పొత్తుల కసరత్తు

Updated By ManamWed, 08/29/2018 - 05:39
  • కూటమిపై కాంగ్రెస్‌లో చర్చోపచర్చలు.. మహాకూటమి తరహాలో మరో ప్రయత్నం

  • కలిసి పోటీ చేస్తే అధికార పార్టీకి చెక్!.. టీఆర్‌ఎస్ ద్వంద్వ వెఖరిని ఎండగట్టాలి

  • టీడీపీతో పొత్తుకు ఓకే చెప్పిన నేతలు.. ఇబ్బందిలేని సీట్లు ఇతరులకు ఇవ్వొచ్చు


హైదరాబాద్: రాష్ట్రంలో ముందస్తు ఎన్నికలు జరుగుతాయన్న ప్రచారంతో కాంగ్రెస్ అప్రమత్తమైంది. దీనిపై వివిధ స్థాయిల్లో, పార్టీ నాయకులతో పీసీసీ నాయకత్వం చర్చి స్తోంది. మంగళవారం నాడు పీసీసీ కార్యవర్గ సభ్యులు, కేంద్ర మాజీ మంత్రులు, ఏఐసీసీ సభ్యులు, శాసనసభ, శాసన మండలి నాయకులు, జిల్లా కాంగ్రెస్ అధ్యక్షులతో ఎన్నికల గురించి విస్తృతంగా చర్చించింది. బుధవారం అనుబంధ సంఘాల అధ్యక్షులు, ఎమ్మెల్యేలు, ఎమ్మెల్సీలతో చర్చించనున్నారు. గాంధీభవన్‌లో మంగళవారం నాడు జరిగిన సమావేశంలో జిల్లాల అధ్యక్షులు, పీసీసీ నాయకులు చాలా మంది రాష్ట్రంలో పొత్తులు పెట్టుకోవాలని నాయకత్వానికి సూచించారు. పార్టీకి ఇబ్బందిలేని సీట్లను కలిసి వచ్చే పార్టీలకు కేటాయిస్తే బాగుంటుందని వీరు స్పష్టం చేశారు. తెలంగాణలో తెలుగుదేశంతో పొత్తు పెట్టుకుంటే మంచిదన్న అభిప్రాయాన్ని ఎక్కువ మంది నాయకులు వ్యక్తం చేశారని తెలిసింది. టీడీపీకి అన్ని జిల్లాల్లో బలమైన కార్యకర్తలు ఉన్నారని, వీరి మద్దతు ఉంటే టీఆర్‌ఎస్‌ను ఎదుర్కోవడం మరింత సులువు అవుతుందని ఈ నాయకులు సమావేశంలో అభిప్రాయపడ్డారని తెల్సింది. పొత్తు కుదిరితే కనీసం 15 సీట్ల వరకు టీడీపీకి ఇచ్చే అవకాశం ఉందని కాంగ్రెస్ సీనియర్ నాయకుడు ఒకరు తెలిపారు. టీడీపీతో పొత్తు విషయాన్ని పీసీసీ స్థాయిలో కాకుండా ఏఐసీసీ స్థాయిలో సంప్రదిస్తే మంచిదన్న అభిప్రాయం వ్యక్తమైంది. చంద్రబాబు నాయుడితో సోనియా లేకుంటే రాహుల్ గాంధీ మాట్లాడితే పొత్తు కుదరడం ఖాయమని అంటున్నారు. టీడీపీతో పొత్తు కుదిరితే చాలా స్థానాల్లో బలాబలాలు తారుమారు కావడం ఖాయమని మహబూబ్ నగర్ జిల్లాకు చెందిన ఓ సీనియర్ నాయకుడు స్పష్టం చేశారు.

image


తెలంగాణ ఉద్యమంలో అత్యంత కీలక పాత్ర పోషించిన తెలంగాణ జన సమితి అధ్యక్షుడు కోదండరాంతోనూ పొత్తుల గురించి సంప్రదించాలని పీసీసీ నిర్ణయించింది. కోదండరాం ఎన్ని సీట్లు, ఏ సీట్లు కోరుతారన్న దానిపై పొత్తు ఆధారపడి ఉంటుందని పీసీసీ వర్గాలు వెల్లడించాయి. మహాకూటమి తరహాలో రాష్ట్రంలో కాంగ్రెస్ నాయకత్వంలో టీఆర్‌ఎస్‌కు వ్యతిరేకంగా కూటమి కట్టాల్సిన బాధ్యత తమపై ఉందని మరో సీనియర్ నాయకుడు వ్యాఖ్యానించారు. పొత్తులు ఫలప్రదం కావాలంటే పట్టువిడుపులు అవసరం అవుతాయని, సీట్లు ఇతర పార్టీలకు ఇవ్వాల్సిన చోట కాంగ్రెస్ పోటీదారులకు మరో ప్రత్యామ్నాయం చూపించాలని, అప్పుడే విజయం సాధించగలమని చెప్పారు. ఎమ్మెల్యేగా పోటీ చేసే అవకాశం లేని నాయకులకు ఎమ్మెల్సీలుగా అవకాశం కల్పించాల్సి ఉంటుందన్నారు. 

ముందస్తు ఎన్నికలు ముంచుకు వస్తున్నందున పొత్తుల విషయాన్ని సాధ్యమైంత త్వరగా తేల్చి, క్షేత్ర స్థాయికి వెళ్లేలా ప్రణాళిక సిద్ధం చేయాలని సమావేశంలో చాలా మంది నాయకులు పీసీసీ నాయకత్వానికి సూచించారు. సీపీఐ గతంలోనే తాము కాంగ్రెస్‌తోనే కలిసి ఉంటామని ప్రకటించినందున సీట్ల సంఖ్య విషయంలోనే చర్చలు జరపాల్సి ఉంటుందని పీసీసీ నాయకులు చెబుతున్నారు. సీపీఎం కలిసి వచ్చే అవకాశాలు మాత్రం చాలా తక్కవేనని పీసీసీ వర్గాలు అంగీకరిస్తున్నాయి. సీపీఎం ఇప్పటికే  బహుజన లెఫ్ట్ ఫ్రంట్ పేరుతో ఓ కూటమిని ఏర్పాటు చేసింది. జనసేనతో జతకట్టేందుకూ ప్రయత్నాలు చేస్తోంది. టీఆర్‌ఎస్ ఒక వైపు ఎంఐఎంతోనూ, మరో వైపు బీజేపీతోనూ ఉండేందుకు చేస్తున్న ప్రయత్నాలను ప్రజల్లోకి విస్తృతంగా తీసుకుపోవాలని, రాజకీయ ప్రయోజనాల కోసం టీఆర్‌ఎస్‌కు మద్దతు ఇచ్చినా, బీజేపీతో స్నేహం చేస్తున్న టీఆర్‌ఎస్‌తో పోతు పెట్టుకుంటే దాన్ని ముస్లింల్లోకి తీసుకుపోవాలని కాంగ్రెస్ భావిస్తోంది. జిల్లాల్లో ముస్లిం మైనార్టీల ఓట్లు సాధించగలిగితే టీఆర్‌ఎస్‌ను దెబ్బకొట్టవచ్చని అంచనా వేస్తోంది. ఇందుకు ఎంఐఎంను టార్గెట్ చేయనున్నారు. ఈసారి ఎలాగైనా విజయం సాధించాలని భావిస్తున్న కాంగ్రెస్ మరోసారి మహాకూటమి తరహాలో పొత్తులు పెట్టుకునే అవకాశం స్పష్టంగా ఉంది.

అభ్యర్ధుల ఎంపికకు కమిటీ
ఎన్నికలెప్పుడొచ్చినా మేం రెడీ : ఉత్తమ్ 
బేషరతుగా వచ్చేవారిని చేర్చుకుంటాం

హైదరాబాద్: ముందస్తు ఎన్నికలొస్తే తాము సిద్ధంగా ఉన్నామని తెలంగాణ కాంగ్రెస్ అధ్యక్షుడు ఉత్తమ్ కుమార్‌రెడ్డి ప్రకటిం చారు. ఎన్నికల్లో పోటీ చేసే అభ్యర్ధుల ఎంపికకు సెప్టెంబర్‌లో కమిటీ వేస్తామని  చెప్పారు. మంగళవారం గాంధీభవన్‌లో జరిగిన పీసీసీ విస్తృత సమావేశంలో  పీసీసీ కార్యవర్గం , ఏఐసీసీ సభ్యులు, జిల్లా అధ్యక్షులు పాల్గొన్నారు. పార్టీ ఇన్‌ఛార్జ్ రామచంద్ర కుంతియాతో పాటు, ఏఐసీసీ కార్యదర్శులు సలీం అహ్మద్, ప్రతిపక్ష నాయకుడు జానా రెడ్డి, మాజీ పీసీసీ అధ్యక్షుడు పొన్నా ల లక్ష్మయ్య, మాజీ ఉప ముఖ్యమంత్రి దామోదర్ రాజనర్సింహ తదిత రులు పాల్గొన్నారు. ముందస్తు ఎన్నికల కసరత్తులో భాగంగా బుధవారం నాడు ఎమ్మెల్యేలు, ఎమ్మెల్సీలు, మాజీ మంత్రులు, కాంగ్రెస్ అనుబంధ సంఘాల అధ్యక్షులతో విమర్శించారు. రిజర్వేషన్లు సాధించేందుకు ఢిల్లీలోధర్నా చేస్తానన్న కేసీఆర్ మాట తప్పారని,  ఆక్రమణలకు గురైన వక్ప్ బోర్డు భూముల్లో ఒక్క సెంటు కూడా స్వాధీనం చేసుకోలేదన్నారు. మైనార్టీలకు కేటాయించిన నిధుల్లో 3,500 కోట్లు ఖర్చు చేయలేదన్నారు. 2014-15లో రుణాల కోసం లక్షా 53 వేల మంది ముస్లిం యువత దరఖాస్తు చేసుకుంటే, కేవలం 14 వేల మందికి మాత్రమే ఇచ్చారని, తరు వాత ఏ సంవత్సరంలోనూ కనీసం ధరఖాస్తులు కూడా తీసుకోలేదన్నారు.  బీసీల సబ్ ప్లాన్ అమలు చేస్తామని, ఏడాదికి 5 వేల కోట్ల చొప్పున బడ్జెట్ లో కేటాయిస్తామని చెప్పిన కేసీఆర్ ఆ వర్గాలను మోసం చేశారన్నారు. 

అది ఆవేదన సభ 
కేసీఆర్ నిర్వహిస్తున్నది ప్రగతి నివేదన సభ కాదని, ఆది ఆయన ఆవేదన సభ అని ఉత్తమ్ ఎద్దేవా చేశారు. ఏం చేశారని ప్రగతి నివేదన సభలో ప్రజలకు చెబుతారని ప్రశ్నించారు. ఈ సభకు ధీటుగా సభ పెట్టాలని సమావేశంలో వచ్చిన సూచనను ఆమోదించారు. ఈ సభకు సోనియా గాంధీని, రాహుల్ గాంధీని ఆహ్వానించాలని నిర్ణయించారు.  బస్సు యాత్ర విషయంలో చర్చించి ఒక నిర్ణయం తీసుకుంటామని చెప్పారు. ఎన్నికలు ఎప్పుడు జరిగేది స్పష్టత వచ్చిన తరువాత పొత్తులపై నిర్ణయం తీసుకుంటామన్నారు. ఎన్నికల తరువాత ముఖ్యమంత్రి అభ్యర్ధిపై పార్టీ అధిష్టానం నిర్ణయం తీసుకుంటుందని ఉత్తమ్ స్పష్టం చేశారు. వచ్చే ఎన్నికల్లో 70 స్థానాలు గెలుస్తామని ఆయన ధీమా వ్యక్తం చేశారు. ఎలాంటి షరతులు పెట్టకుండా పార్టీలోకి వచ్చే వారిని చేర్చుకుంటామని ఉత్తమ్ చెప్పారు. కరీంనగర్ జిల్లాకు చెందిన ఎక్సైజ్ డిప్యూటీ కమిషనర్ వెంకటేష్ నేత  ఉద్యోగానికి రాజీనామా చేసి కుంతియా, ఉత్తమ్ సమక్షంలో కాంగ్రెస్ పార్టీలో చేరారు. 

బీజేపీతో పొత్తు కోసమే కేసీఆర్ ఆరాటం: భట్టి
బీజేపీతో పొత్తు కోసమే కేసీఆర్ ఆరాటపడుతున్నారని పీసీసీ వర్కింగ్ ప్రెసిడెంట్ మల్లుభట్టి విక్రమార్క ఆరోపించారు. గాంధీభవన్‌లో ఆయన మీడియాతో ఇష్టాగోష్టిగా మాట్లాడారు. కేసీఆర్‌కు బీజేపీ కావాలి, ఎంఐఎం కావాలని, ఒకే సారి ఎన్నికలు జరిగితే మునిగిపోతామన్న భయంతోనే ముందస్తుకు వెళ్లాలని అనుకుంటున్నారని చెప్పారు. ఎంత త్వరగా ఎన్నికలు వస్తే ప్రతిపక్షాలకు అంత మంచిదన్నారు. ఎన్నికలు కలిసి వచ్చినా, విడివిడిగా వచ్చినా తాము సిద్ధంగా ఉన్నామన్నారు. అభ్యర్ధుల ఎంపిక బాధ్యతను కమిటీ చూసుకుంటుందని, గెలుపు అవకాశాలపై సర్వేలు కూడా కీలకమన్నారు. నాలుగు సంవత్సరాలుగా కేసీఆర్ ప్రభుత్వం రేషన్ కార్డులు ఇవ్వలేదని విమర్శించారు. పంటలకు గిట్టుబాటు ధర ఇవ్వకపోవడం వల్ల రైతులు తీవ్రంగా నష్టపోయారన్నారు. ప్రభుత్వానికి వస్తున్న ఆదాయాన్ని సరైన రీతిలో ఖర్చు చేయడంలో కేసీఆర్ విఫలమయ్యారని విమర్శించారు. కేసీఆర్ పాలనలో నీళ్లు రాలేదు, ఉద్యోగాలు రాలేదు, నిధులు మాత్రం ఖర్చుఅయ్యాయని విమర్శించారు.



తొలిసారి టీపీసీసీ క్రమశిక్షణ చర్యలు

Updated By ManamWed, 06/13/2018 - 16:15
  • పార్టీ అధికార ప్రతినిధి కొనగాల మహేష్‌పై టీపీసీసీ వేటు

TPCC Sacks Konagala Mahesh As Media Coordinatorహైదరాబాద్: తెలంగాణ కాంగ్రెస్ మొదటి సారి క్రమశిక్షణ చర్యలు తీసుకుంది. పార్టీ అధికార ప్రతినిధి కొనగాల మహేష్‌పై వేటు వేసింది. పార్టీలో అనేక ఫిర్యాదులు రావడంతో కొనగాల మహేష్‌ను అధికార ప్రతినిధి, మీడియా కన్వీనర్ పదవి నుంచి తొలగిస్తున్నట్లు తెలంగాణ పీసీసీ బుధవారం ప్రకటించింది. కాగా,  బీజేపీకే చెందిన ఆది శ్రీనివాస్ హస్తం కండువా కప్పుకోవడంతో వేములవాడ నియోజకవర్గంలో అంతర్గతంగా ఉన్న విభేదాలు ఒక్కసారిగా తెరపైకి వచ్చాయి. ఆది శ్రీనివాస్  చేరికను వ్యతిరేకిస్తూ వేములవాడ నియోజకవర్గంలో  కొనగాల మహేష్ ఓ గ్రూప్‌గా ఏర్పడి రాజకీయాలు చేస్తున్న విషయం తెలిసిందే. దీంతో మహేష్‌పై అధిష్ఠానానికి ఫిర్యాదు అందటంతో అతడిపై చర్యలు తీసుకుంది.



రాజ్యాంగ స్ఫూర్తికి విరుద్ధం

Updated By ManamFri, 05/18/2018 - 01:37
  • ప్రజాస్వామ్యాన్ని అపహాస్యం చేసింది.. ‘కర్ణాటకం’పై మండిపడ్డ టీపీసీసీ

  • ప్రభుత్వ ఏర్పాటుకు ముందే కుట్ర.. బీజేపీ తీరుపై కాంగ్రెస్ నేతల విమర్శ

  • ప్రధాని మోదీ అధికార దుర్వినియోగం.. దీనిపై సీఎం కేసీఆర్ స్పందనలేదేం?

  • గాంధీభవన్‌లో కుంతియా బృందం 

హైదరాబాద్: కర్ణాటకలో ప్రభుత్వ ఏర్పాటుకు సరిపడా మెజారీటీ సాధించకపోయినా ప్రభుత్వాన్ని ఏర్పాటుచేయాలంటూ బీజేపీకి anjankumarగవర్నర్ ఆహ్వానం పలకడాన్ని టీపీసీసీ తప్పుబట్టింది. గవర్నర్ చర్య రాజ్యాంగానికి, ప్రజాస్వామ్యానికి విరుద్ధమని కాంగ్రెస్ తెలంగాణ ఇంచార్జ్ రామచంద్ర కుంతియా విమర్శించారు. కర్ణాటక పరిణామాలకు నిరసనగా ఈ నెల 18న దేశవ్యాప్తంగా నిరసన తెలపాలని కార్యకర్తలు పిలుపునిచ్చారు. ఈ నెల 17న ప్రమాణ స్వీకారం చేస్తామంటూ యడ్యూరప్ప ముందే ప్రకటించడాన్ని గమనిస్తే ఇందులో బీజేపీ కుట్ర దాగుందని ఆరోపించారు. మెజారిటీ వచ్చినా.. రాకున్నా కర్ణాటకలో బీజేపీ ప్రభుత్వాన్ని ఏర్పాటు చేయాలని ఆ పార్టీ ముందే నిర్ణయించుకుని అవసరమైన ఏర్పాట్లు చేసుకున్నట్లు అర్థమవుతోందని కుంతియా విమర్శించారు. కర్ణాటక ప్రభుత్వ ఏర్పాటు విషయంలో ప్రజాస్వామ్యం అపహాస్యానికి గురైందని జానారెడ్డి విమర్శించారు. ఈ నేపథ్యంలో ప్రధాని మోదీ అధికార దుర్వినియోగంపై ప్రతిఒక్కరూ స్పందించాలన్నారు. ప్రజాస్వామ్యాన్ని బీజేపీ ఖూనీ చేసిందని షబ్బీర్ అలీ విమర్శించారు. తమ ఎమ్మెల్యేలకు బీజేపీ వంద కోట్లు ఇవ్వజూపిందని కుమారస్వామి వెల్లడించిన విషయాన్ని ఆయన గుర్తుచేశారు. కర్ణాటకలో ప్రజాస్వామ్యం ఖూనీ అవుతున్నా కూడా సీఎం కేసీఆర్ ఎందుకు స్పందించడం లేదని నిలదీశారు. మెజారీటీ లేకున్నా ప్రభుత్వ ఏర్పాటుకు అవకాశం ఇవ్వడమంటే పార్టీ ఫిరాయింపులను ప్రోత్సహిస్తూ, రాజకీయ బేరసారాలకు అవకాశం ఇవ్వడమేనని మల్లు రవి మండిపడ్డారు.

కర్ణాటకలో పరిణామాలకు నిరసనగా ఏఐసీసీ ఇచ్చిన పిలుపు మేరకు 18న అన్ని జిల్లాకేంద్రాల్లో భారీ ఎత్తున నిరసన కార్యక్రమాలు congressచేపట్టాలని పార్టీ నాయకులు, కార్యకర్తలను పీసీసీ అధ్యక్షుడు ఉత్తమ్ కుమార్ రెడ్డి ఆదేశించారు. రాష్ట్రవ్యాప్తంగా అన్నిచోట్లా ఉదయం 11 గంటలకు నిరసన కార్యక్రమాలు చేపట్టాలని కోరారు. కాగా, కర్ణాటకలో బీజేపీ తీరు రాజ్యాంగ విరుద్ధమని శాసన మండలిలో కాంగ్రెస్ పక్ష ఉప నాయకుడు పొంగులేటి సుధాకర్ రెడ్డి విమర్శించారు. గోవా, మణిపూర్, మేఘాలయలలో మోజారిటీ సీట్లు గెలుచుకుని, అతిపెద్ద పార్టీగా అవతరించిన కాంగ్రెస్‌ను కాదని, పొత్తుల కుంపటితో మెజారిటీ చూపించిన బీజేపీకి అవకాశం ఇచ్చి.. కర్ణాటకలో మాత్రం అందుకు విరుద్ధంగా చేయడం రాజ్యాంగ విలువలకు తిలోదకాలివ్వడమేనని ఆరోపించారు. ప్రజాస్వామ్యాన్ని ఖూనీ చేసిన బీజేపీ వైఖరిని కేసీఆర్ ఇంత వరకు ఎందుకు ఖండించలేదని పొంగులేటి ప్రశ్నించారు. ఈమేరకు గురువారంనాడు గాంధీభవన్‌లో కుంతియాతో పాటు సీఎల్పీ నాయకుడు జానారెడ్డి, మండలిలో విపక్ష నేత షబ్బీర్ అలీ, మాజీ ఎంపీ మల్లురవి విలేకరులతో మాట్లాడారు. అంతకుముందు పార్టీ కార్యకర్తలు గాంధీభవన్ నుంచి నిరసన ప్రదర్శన నిర్వహించారు. మాజీ ఎంపీ అంజన్ కుమార్ యాదవ్, యువజన కాంగ్రెస్ రాష్ట్ర అధ్యక్షుడు అనిల్ కుమార్ యాదవ్ ఆధ్వర్యంలో జరిగిన నిరసన ప్రదర్శనలో పెద్ద సంఖ్యలో కార్యకర్తలు పాల్గొన్నారు. కాంగ్రెస్ ర్యాలీని పోలీసులు అడ్డుకోవడంతో రోడ్డుపై బైఠాయించారు. దీంతో పోలీసులు అంజన్ కుమార్ యాదవ్‌తో పాటు పలువురు కార్యకర్తలను అరెస్ట్ చేశారు.
 



కేసీఆర్‌వి చిల్లర రాజకీయాలు

Updated By ManamSun, 04/29/2018 - 02:02
  • వ్యక్తిగత విమర్శలు తగవు.. ఆయనది విలాసవంతమైన జీవితం

  • వారి కుటుంబం రాష్ట్రాన్ని దోపిడీ చేస్తోంది

  • ప్రాణాలకు తెగించి సైన్యంలో పని చేశాను

  • ప్రజాధనం వృధా చేస్తే చూస్తూ ఊరుకోం

  • ఇక్కడే ఏం చేయలేదు.. కేంద్రంలో ఏం చేస్తారు

  • ఎంపీ సీట్లే రావు.. ఇక ఫ్రంట్ ఎక్కడ?: ఉత్తమ్ కుమార్ రెడ్డి

uttamహైదరాబాద్ (మనం ప్రతినిధి): ముఖ్యమంత్రి కేసీఆర్ చిల్లర మాటలకు, చిల్లర రాజకీయాలకు పరిమితం అవుతున్నారని టీపీసీసీ అధ్యక్షుడు ఉత్తమ్కుమార్రెడ్డి విమర్శించారు. టీఆర్‌ఎస్ ప్లీనరీలో తనపైనా, కాంగ్రెస్ పార్టీపైనా కేసీఆర్ చేసిన వ్యాఖ్యలు, ఆరోపణలపై ఆయన స్పందించారు. శనివారం గాంధీ భవన్‌లో ఉత్తమ్ విలేకరులతో మాట్లాడుతూ ప్రతిపక్షాలు, ఇతర ఉద్యమకారులపైనా, వ్యవస్థలపైనా సీఎం కేసీఆర్ అడ్డగోలుగా మాట్లాడుతున్నారని, ఇది సహించ రానిదన్నారు. తానే గొప్పోడు అనే రీతిలో పోజులు కొడుతున్నారని విమర్శించారు.  తాను పదహారేళ్ల వయ స్సులోనే ప్రాణాలకు తెగించి సైన్యంలో చేరానని, యుద్ధ విమానాలు నడిపించానని, నిస్వార్ధంగా సేవ చేసేందుకే రాజకీయాల్లోకి వచ్చానని పేర్కొన్నారు. తనకు పిల్లలు లేరని, వేరే కుటుంబం కూడా లేదని పూర్తిగా ప్రజాసేవ లోనే తాను, తన భార్య ఉన్నామన్నారు. ఉద్యమ సమ యంలో తన పిల్లలు అమెరికాలో ఉన్నారని, వారికి ఇక్క డ రాజకీయాలపై ఆసక్తి లేదని కేసీఆర్ చెప్పారని, మరి వారి పిల్లలు ఇప్పుడు ఏం చేస్తున్నారో, ఏ హోదాల్లో ఉన్నారో తెలంగాణ సమాజం గమనించాలన్నారు. కేసీఆర్ కుటుంబం తెలంగాణ మీద పడి బరితెగించి దోపిడీ చేస్తున్నారని ఆరోపించారు. కేసీఆర్లాగా తాను క్యారెక్టర్‌లేని పనులు చేసి తాను రాజకీయాల్లో రాలేదని ఉత్తమ్ ఘటుగా స్పందించారు. తెలంగాణ ముసుగులో కేసీఆర్ కుటుంబం అవినీతికి పాల్పడుతుందన్నారు.

సోనియా దయ వల్లే సీఎం అయ్యారు..
సీఎం కేసీఆర్ సిగ్గూశరం లేకుండా మాట్లాడుతున్నారని, సోనియా దయ వల్లే తెలంగాణ వచ్చిందని, సోనియా వల్లే ఆయన సీఎం అయ్యారన్న విషయం గుర్తుంచుకోవాలని ఉత్తమ్ పేర్కొన్నారు. ఇప్పటి వరకు బడ్జెట్ల రూపంలో 6 లక్షల 75 వేల కోట్లు పెట్టారు. మరో 2 లక్షల కోట్లు అప్పు తీసుకు వచ్చారు. రాష్ట్ర ప్రజలకు ఏమైనా ప్రయోజనం కలిగిందా అని ఉత్తమ్ ప్రశ్నించారు. కేసీఆర్‌ను తెలంగాణను సర్వనాశనం చేస్తున్నారు. ఆయన ఘనకార్యం వల్ల ప్రతి పౌరుడుపై సగటున రూ. 63 వేల  అప్పు ఉందన్నారు. కేసీఆర్ ప్రజల సొమ్ము తెగ తిని ఒళ్లు బలిసి మాట్లాడుతున్నారని విమర్శించారు. రైతులు ఆత్మహత్యలు చేసుకున్నా, సొంత నియోజకవర్గానికి చెందిన బీసి విద్యార్ధి ఆత్మహత్య చేసుకున్నా కనీసం పరామర్శించలేదని విమర్శించారు. తెలంగాణ వ్యవసాయం దేశానికే ఆదర్శమని చెప్పుకోవడానికి సిగ్గుండాలన్నారు. దేశంలో అత్యధికంగా రైతులు తెలంగాణలోనే ఆత్మహత్యలు చేసుకున్నారని చెప్పారు. కేసీఆర్ ప్రతీసారి కొత్త విషయాలు చెప్పి ప్రజలను మోసం చేయడం పరిపాటిగా మారిందని, అందుకే ఇప్పుడు ఫెడరల్ ఫ్రంట్ అంటున్నారని చెప్పారు. వచ్చే ఎన్నికల్లో కేసీఆర్‌కు ఎంపీ సీట్లే రావు, ఇక ఫెడరల్ ఫ్రంట్ ఎక్కడిది, ఆయన తీస్మార్ ఖానా అని ఎద్దేవా చేశారు. దేశంలో ఇరిగేషన్ ప్రాజెక్టులు కట్టిందే కాంగ్రెస్ అని, దేశాన్ని అద్భుతంగా అభివృద్ధి చేశామని అన్నారు. చైనాతో పోల్చడానికి కేసీఆర్ తెలివి ఉండాలన్నారు. ఆ దేశ పరిస్థితులకు, మనకు ఎంతో తేడా ఉందన్నారు. తెలంగాణలో ఇచ్చిన హామీలను నెరవేర్చలేదు కాని దేశంలో ఏం చేస్తారని ఉత్తమ్ ప్రశ్నించారు. రాష్ట్రంలో ప్రజాస్వామ్యంలేదు, ప్రశ్నిస్తే అణగదొక్కుతున్నారు. మీడియాను సైతం బెదిరించి అదుపు చేయాలని చూస్తున్నారని విమర్శించారు. ప్లీనరీ జరుపుకున్న సందర్భంగా కేసీఆర్ తన అసమర్ధతకు ప్రజలకు క్షమాపణలు చెప్పాలని ఉత్తమ్ డిమాండ్ చేశారు. 

ప్రాజెక్టులకు అడ్డుపడలేదు..
తాము కాళేశ్వరం ప్రాజెక్ట్‌కు ఏనాడు అడ్డుపడలేదని, కేసీఆర్ అడ్డుగోలు దోపిడీని మాత్రమే ప్రశ్నించామని ఉత్తమ్ పేర్కొన్నారు. ప్రాజెక్టు పేరు మార్చి వ్యయాన్ని 35 వేల కోట్ల నుంచి 87 వేల కోట్లకు పెంచడం ఒక్కటే కేసీఆర్ ఘనత అని విమర్శిం చారు. తాము ప్రాణహిత, చేవెళ్ల్ల గురిం చి మాత్రమే ప్రస్తావించామని స్పష్టం చేశారు. ఉత్తమ్‌పై వ్యక్తిగత విమర్శలు చేస్తే తాము సహించబోమని శాసన మండలిలో విపక్ష నేత షబ్బీర్ అలీ హెచ్చరించారు. ఫెడరల్ ఫ్రంట్ పెట్టి దేశాన్ని ఉద్ధరిస్తామని చెబుతున్న కేసీఆర్‌కు దమ్మూ, ధైర్యం ఉంటే ఉస్మానియా యూనివర్సిటీకి వెళ్లి సమావేశం పెట్టాలని  షబ్బీర్ అలీ సవాల్ విసిరారు. హైదరాబాద్‌లో ఉండి భూకంపం సృష్టిస్తే, ఎన్నో ఏండ్లుగా సుందరంగా నిర్మించుకున్న నగరం ధ్వంసం చేయడం ఎందుకని వ్యంగ్యంగా వ్యాఖ్యనించారు. కేసీఆర్ ముందు తెలంగాణ ప్రజలకు ఇచ్చిన హామీలను నెరవేర్చాలని డిమాండ్ చేశారు. ముస్లిం మైనార్టీలకు, ఎస్టీలకు రిజర్వేషన్ల విషయం ప్లీనరీలో ఎందుకు ప్రస్తావించేదని ప్రశ్నించారు.

అలా ఏనాడూ చెప్పలేదు.. 
ప్రగతి భవన్‌లో 500 గదులు ఉన్నాయని తాను ఏనాడు చెప్పలేదని, చెప్పదానిపై వ్యక్తిగత విమర్శలు చేయడం దారుణమన్నారు. దేశంలో ఏ ముఖ్యమంత్రి కూడా కేసీఆర్‌లా అత్యంత విలువైన స్థలంలో 60 కోట్లు పెట్టి విలాసవంతమైన భవనం నిర్మించుకోలేదన్నారు. అప్పటికే కొత్తగానే నిర్మించిన సీఎం క్యాంప్ ఆఫీస్, నివాస భవనం ఉన్నప్పటికీ ఇంత ప్రజాధనాన్ని దుర్వినియోగం చేయడంపై తాము ప్రశ్నిస్తే తప్పా అన్నారు. కేసీఆర్ తన భవనాన్ని లక్ష చదరపు అడుగుల్లో నిర్మించుకోలేదా? బెడ్ రూమ్‌లకు, బాత్ రూమ్‌లకు కూడా బుల్లెట్ ఫ్రూప్ అద్దాలు బిగించారా? లేదా? సమాధానం చెప్పాలన్నారు. దేశంలో ఏ ముఖ్యమంత్రి, చివరకు ప్రధాన మంత్రి నివాసం కూడా ఇంత విలాసవంతంగా లేదన్నారు. కేసీఆర్ ఉపయోగిస్తున్న కార్లు సైతం అత్యంత ఖరీదైనవని అన్నారు. కేరళకు పెండ్లికి, బెంగాల్‌లో సొంత రాజకీయ పనులకు, పనికి రాని చైనా ట్రిప్‌కు ప్రైవేట్ జెట్ విమానాన్ని ఉపయోగించడం ప్రజాధనాన్ని దుర్వినియోగం చేయడమే అని ఉత్తమ్ విమర్శించారు. ముఖ్యమంత్రిగా అన్నింటికి జవాబుదారీతనంగా ఉండాలని, ఇది ఆయన అబ్బసొత్తుకాదన్నారు. ఆత్మహత్యలు చేసుకున్న రైతులకు, అమరవీరుల కుటుంబాలకు ప్రకటించిన సాయం ఇచ్చేందుకు, డబుల్ బెడ్ రూం ఇళ్ల నిర్మాణానికి, పేదల విద్యార్ధుల ఫీజు రీయింబర్స్‌మెంట్ ఇచ్చేందుకు కేసీఆర్ వద్ద పైసలు లేవుకాని, వందల కోట్ల ప్రజాధనాన్ని విలాసాలకు ఖర్చు చేయడానికి ఎలా వచ్చాయని ఉత్తమ్ ప్రశ్నించారు. ప్రగతి భవన్‌లోకి సామాన్యులకు ప్రవేశంలేదని, చివరకు టీఆర్‌ఎస్ ఎమ్మెల్యేలకు కూడా అనుమతి ఉండదన్నారు.  ప్రగతి భవన్‌లో కేసీఆర్ బ్రోకర్లు, దోపిడీదారులు, కాంట్రాక్టర్లు, కేసీఆర్ మనుషులకు మాత్రమే ప్రవేశం ఉందన్నారు. మన రాష్ట్రంలో ఇప్పటి వరకు పని చేసిన, దేశంలోని ఇతర ముఖ్యమంత్రులు సైతం నిత్యం ప్రజలను కలుసుకుని వారి కష్టాలు తెలుసుకుంటారని, నాలుగు సంవత్సరాలుగా కేసీఆర్ సామాన్యులను కలుసుకోలేదన్నారు.





Related News