nara lokesh

‘జగన్ సీఎం అయితే.. ఆ ముగ్గురు జైలుకే!’

Updated By ManamSun, 08/19/2018 - 21:54

yv subba reddy

ఒంగోలు: వైసీపీ అధినేత, ఏపీ ప్రధాన ప్రతిపక్షనేత వైఎస్ జగన్ మోహన్‌‌రెడ్డి అధికారంలోకి వస్తే ప్రస్తుత సీఎం చంద్రబాబు, లోకేష్, దేవినేని ఉమాల అవినీతిపై విచారణ చేపడతామని... వీళ్లంతా జైలు యాత్ర చేయాల్సిందేనని మాజీ ఎంపీ వైవీ సుబ్బారెడ్డి సంచలన వ్యాఖ్యలు చేశారు.

ఆదివారం సాయంత్రం మీడియాతో మాట్లాడిన ఆయన..." తెలుగుదేశం ప్రభుత్వం వెలుగొండ ప్రాజెక్టును పూర్తిగా నిర్లక్ష్యం చేసింది.రైతులు బాగుంటేనే రాష్ట్రం బాగుంటుంది. రానున్న ఎన్నికలను దృష్టిలో పెట్టుకుని ప్రాజెక్టును పూర్తి చేస్తాం. వైఎస్ హయాంలో నేను అవినీతికి పాల్పడినట్టు రుజువు చేస్తే రాజకీయాల నుంచి శాశ్వతంగా తప్పుకుంటాను" అని వైవీ సుబ్బారెడ్డి సవాల్ చేశారు.



లోకేశ్.. ఒక్కసారి మీ అమ్మను అడగండి!: పవన్

Updated By ManamMon, 08/13/2018 - 21:59

Janasena Chief Pawan Kalyan Controversial Comments

  • వెన్నుపోటు గురించి లోకేశ్ మాట్లాడటం కాదు..

  • నా తల్లిని అనిపించారు.. తప్పో ఒప్పో మీ అమ్మని అడగండి

  • మీ నాన్న గారిని కాదు.. మహాత్ముల్ని ఆదర్శంగా తీసుకో..

  • రూ. 40 కోట్లు కుమ్మరించి నియోజకవర్గాల్ని స్వాధీనం చేసుకుందామంటే కుదరదు

  • క్షేత్రస్థాయికి వచ్చి ప్రజల కష్టాలు తెలుస్కోండి

  • టీడీపీ వల్ల ప్రత్యేక హోదా కాదు.. కనీసం రైల్వే ఓవర్ బ్రిడ్జ్ కూడా రాలేదు

  • లక్ష కోట్లు సంపాదించారని జగన్‌ను టీడీపీ అంటోంది..

  • టీడీపీ లక్షన్నర కోట్లు దోచారని అంటున్నారు..

  • ఒకరు లక్ష కోట్లు.. మరొకరు లక్షన్నర కోట్లు..

  • నేను కోట్ల సంపాదన వదులుకొని వచ్చినవాణ్ణి..

  • ఈ ముగ్గురిలో ఎవర్ని ఎంచుకోవాలో మీ ఛాయిస్

  • రాజకీయ పరిధిలో కాపు రిజర్వేషన్ ఇచ్చేందుకు కట్టుబడి ఉన్నాం

  • కాపు యువతకు ప్రత్యేక కార్పొరేషన్

  • జనసేన వచ్చాక ప్రభుత్వ ఆధ్వర్యంలో వృద్ధాశ్రమాలు

  • ఏ మహిళ గౌరవానికి భంగం వాటిల్లనీయం

  • జనసేన గుర్తు ‘పిడికిలి’

  • నిడదవోలు బహిరంగ సభలో పవన్ వ్యాఖ్యలు

నిడదవోలు: జనసేన పోరాటయాత్రలో భాగంగా ఆపార్టీ అధినేత పవన్ కల్యాణ్ సోమవారం నిడదవోలులో పర్యటించారు. పర్యటానంతరం  జరిగిన బహిరంగ సభలో జనసేనాని మాట్లాడుతూ.. సీఎం చంద్రబాబు తనయుడు, మంత్రి నారా లోకేశ్‌ను ఉద్దేశించి సంచలన వ్యాఖ్యలు చేశారు. అంతటితో ఆగని ఆయన.. ప్రతిపక్షనేత, వైసీపీ అధినేత జగన్ గురించి కూడా మాట్లాడారు.

ఆయన నువ్వు ఇద్దరూ ఒకే చోట చదివారు ఏం ఫలితం!
"
లోకేష్ కాలిఫోర్నియాలోని స్టాన్‌ఫర్డ్ యూనివర్సిటీలో చదువుకున్నారు. అదే యూనివర్సిటీలో చదువుతున్న 35వ అధ్యక్షుడు కెనడీ చెప్పిన మాటలను లోకేష్ గ్రహించాలి. ‘దేశం నాకేమి ఇచ్చిందని కాదు.. దేశానికి నేను ఏమి ఇచ్చాను’ అని కెనడీ చెప్పారు. కానీ లోకేష్ మాత్రం దేశంలో ఎంత జుర్రుకున్నామో అని చూస్తున్నారు. మీరు మీ నాన్నగారిని కాకుండా అబ్రహం లింకన్, కెనడీ, గాంధీజీ, అల్లూరి సీతారామరాజు వంటి మహ్మాత్ముల్ని ఆదర్శంగా తీసుకోండి. క్షేత్రస్థాయిలో ప్రజల సమస్యలు తెలుసుకోండి.

రాష్ట్రానికి ప్రత్యేక హోదా సాధించడంలో ముఖ్యమంత్రి, టీడీపీ ఎంపీలు, ఎమ్మెల్యేలు విఫలమయ్యారు. కనీసం నిడదవోలుకు రైల్వే ఓవర్ బ్రిడ్ కూడా సాధించలేకపోయారు. ఎన్నో ఏళ్లుగా ప్రజలు కోరుతున్న ఈ బ్రిడ్జ్ విషయంలో ఎంపీ మురళీమోహన్ గారు శ్రద్ధ చూపటం లేదు. రైళ్లు ఎప్పుడు వస్తాయో చూసుకొని బయటకు రావాల్సిన పరిస్థితుల్లో నిడదవోలు ప్రజలు ఉన్నారు. ఇక ఇక్కడి ఇసుక మాఫియా గురించి ఎంత చెప్పినా తక్కువే. ఎన్నిసార్లని తిడతాం" అని పవన్ చెప్పుకొచ్చారు.

Janasena Chief Pawan Kalyan Controversial Comments

లోకేశ్ మీ అమ్మను అడుగు..!!
"
వెన్నుపోటు రాజకీయాలు మా కుటుంబానికి అలవాటు అని లోకేష్ అనుకుంటే సరిపోదు. ఎన్టీఆర్ చివరి క్షణాల్లో ఎంతో బాధపడ్డారు. ఇప్పుడు అలా కుదరదు. ఎదురుగా కౌగిలించుకొని వెనుక నుంచి పొడుస్తామంటే.. పడేవాళ్లు లేరు. ప్రజా సమస్యలపై మాట్లాడమంటే.. జగన్ నా వ్యక్తిగత జీవితం గురించి మాట్లాడుతారు. నా జీవితంలో రహస్యాలు లేవు. లోకేష్ కూడా నన్ను తిట్టిస్తున్నారు. నా తల్లిని అనకూడని మాటలు అనిపించారు. లోకేష్ గారు.. ఒక్కసారి మీ అమ్మగారిని అడగండి. నేను ఇలా తిట్టించాను.. తప్పా.. ఒప్పా అని అడగండిఅని ఈ సందర్భంగా పవన్ సూచించారు.

Janasena Chief Pawan Kalyan Controversial Comments

ఛాయిస్ మీదే..
"
లక్ష కోట్లు సంపాదించారని ప్రతిపక్ష నేత జగన్‌ని టీడీపీ అంటోంది. టీడీపీ వాళ్లు లక్షన్నర కోట్లు దోచారని జగన్ అంటున్నారు. ఒకరు లక్ష కోట్లు.. మరొకరు లక్షన్నర కోట్లు. నేను కోట్ల సంపాదన వదులుకొని వచ్చిన వాణ్ణి. ఈ ముగ్గురిలో ఎవరిని ఎంచుకోవాలన్నది మీ ఛాయిస్. మీరు ఎవర్ని ఎంచుకున్నా ఎప్పుడూ మీకు అండగా నేను ఉంటాను" అని ఈ సందర్భంగా పవన్ స్పష్టం చేశారు.

jagan, chandrababu, pawan

పార్టీ గుర్తు ప్రకటన
బహిరంగ సభలో పవన్‌కల్యాణ్ జనసేన పార్టీ గుర్తు ‘పిడికిలి’ అని ప్రకటించారు. సమాజంలో అందరి ఐక్యతకు చిహ్నంగా పిడికిలి ఉంటుందని అందుకే ఈ గుర్తును ఎన్నుకున్నట్లు ఆయన స్పష్టంచేశారు. అన్ని కులాలు, అన్ని మతాలు కలిసికట్టుగా ఉండి బలాన్ని చాటేలా పిడికిలి చూపుతామని ఆయన ఈ సందర్భంగా చెప్పుకొచ్చారు.



పెట్టుబడులకు ఏపీ అనుకూలం

Updated By ManamFri, 08/10/2018 - 00:01
  • 2029కి అభివృద్ధిలో నంబర్‌వన్ కావాలి

  • టెక్నాలజీ వినియోగంతోనే వృద్ధి సాధ్యం

  • రాష్ట్ర ఐటీ శాఖ మంత్రి నారా లోకేశ్ 

imageవిశాఖపట్నం: పారిశ్రామిక పెట్టుబడులకు రాష్ట్రంలో సానుకూల వాతావరణం ఉందని, పెట్టుబడిదారులను ఆహ్వానిస్తున్నామని రాష్ట్ర ఐటీ శాఖ మంత్రి నారా లోకేశ్ తెలిపారు. ఇండియన్ ఎక్స్‌ప్రెస్ ఆధ్వర్యంలో విశాఖపట్నంలో గురువారం జరిగిన టెక్నాలజీ సభలో లోకేశ్ పాల్గొన్నారు. ఈ సందర్భంగా లోకేశ్ మాట్లాడుతూ దేశంలోనే మూడో స్వచ్ఛ నగరమైన విశాఖలో ఈ సభ జరగడం ఆనందంగా ఉందన్నారు. రాష్ట్ర విభజన తరువాత అనేక సమస్యలు ఎదుర్కోన్నామని అన్నారు. స్టార్టప్ రాష్ట్రంగా అభివృద్ధి కోసం పరుగు పెడుతున్నామన్నారు. ఇతర దక్షణాది రాష్ట్రాలతో పోల్చుకుంటే ఆంధ్రప్రదేశ్ తలసరి ఆదాయం తక్కువగా ఉందన్నారు. 2022 నాటికి దేశంలో అభివృద్ధి చెందిన మొదటి మూడు రాష్ట్రాల్లో ఒక్కటి గానూ, 2029కి దేశంలోనే నంబర్ వన్ స్థానంలోనూ, 2050కి ప్రపంచంతోనే పోటీ పడాలే రాష్ట్రాన్ని తయారు చేయడమే లక్ష్యంగా ప్రభుత్వం పని చేస్తుందన్నారు.

అనుకున్న లక్ష్యాలు సాధించాలి అంటే 15 శాతం వృద్ధి చెందాలి అని స్పష్టం చేశారు. ప్రస్తుతం 12 శాతం వృద్ధి సాధించామన్నారు. టెక్నాలజీ వినియోగంతోనే 15 శాతం వ ద్ధి సాధించడం సాధ్యం అవుతుంది. ఆంధ్రప్రదేశ్ లో టెక్నాలజీని పెద్ద ఎత్తున వినియోగిస్తున్నా మన్నారు. కనపడే పాలన, కనిపించని ప్రభుత్వం అనే లక్ష్యాన్ని పెట్టుకొ ని పనిచేస్తున్నామన్నారు. పేపర్ లెస్ గవర్నెన్స్, ఈ కేబినెట్, రియల్ టైమ్ గవర్నెన్స్ అమలు చేస్తున్నామని లోకేశ్ వివరించారు. అనంతరం పలువురు పారిశ్రామికవేత్తలతో ఆయన సమావేశమయ్యారు.

నేడు విశాఖలో 13 ఐటీ కంపెనీల ప్రారంభం
రాష్టాన్ని ఐటీ హబ్‌గా మార్చేందుకు ప్రభుత్వం విశేష కృషి చేస్తోం ది. ఇందులో భాగంగా రాష్ట్ర ఐటీ శాఖ మంత్రి నారా లోకేశ్ విశాఖప ట్నంలో కొత్తగా ఏర్పాటు చేసిన 13 ఐటీ కంపెనీలను శుక్రవారం ప్రారంభించనున్నారు. వీటితో పాటు మరో నాలుగు కంపెనీల విస్తరణ కార్యక్రమాల్లో ఆయన శుక్రవారం పాల్గొంటారు. ఇన్ఫరేషన్ టెక్నాలజీ రంగంలో వివిధ విభాగాల్లో సేవలందించే సీఈఎస్ లిమిటెడ్, సెరియం సిస్టమ్స్, సహస్రమయ టెక్నాలజీస్, వెలాంటా కేపీవో అకౌంటింగ్ ప్రైవేట్ లిమిటెడ్, బెల్ ఫ్రిక్స్ క్రిప్టెక్స్ ప్రైవేట్ లిమిటెడ్, స్వేయ ఇన్ఫర్మేషన్ టెక్నాలజీస్, ఇన్ డేటా అనలిటిక్స్ ప్రైవేట్ లిమిటెడ్, హెచ్‌ఆర్ స్క్వేర్ స్టాఫింగ్ సొల్యూషన్స్, ఇన్సోటీం కన్సల్టింగ్ సర్వీసెస్, న్యూవి సొల్యూషన్స్, వివిలెక్స్ టెక్నాలజిస్, ఎన్వోయ్ మోర్ట్గేజ్, హిప్పో క్యాంపస్ తదితర సంస్థలకు లోకేశ్ ప్రారంభించనున్నారు.

ఈ సంస్థల ద్వారా 2375 మందికి ఉద్యోగాలు లభించనున్నాయి. కాగా, సింబయోసిస్, ఇన్‌స్పైర్ ఎడ్జ్ ఐటీ సొల్యూషన్స్, కాన్డ్యూయెంట్, పాత్రా ఇండియా బీపీవో సర్వీసెస్ తమ సేవలను విస్తరించనున్నాయి. దీంతో 6900 మందికి ఉద్యోగావకాశాలు లభించనున్నాయి.



పవన్‌కు దమ్ము, ధైర్యం ఉంటే...!!

Updated By ManamTue, 08/07/2018 - 17:55

Minister Nara lokesh Challanges To Janasena Chief Pawan

గుంటూరు: జనసేన అధినేత పవన్ కల్యాణ్ గత కొద్దిరోజులగా టీడీపీ ప్రభుత్వం కొందరు మంత్రులపై మాటల యుద్ధం చేస్తున్న సంగతి తెలిసిందే. తాజాగా పవన్‌ చేసిన వ్యాఖ్యలపై మంత్రి నారా లోకేశ్ స్పందించి కౌంటరిచ్చారు. పవన్‌కు దమ్ము, ధైర్యం ఉంటే కేంద్రాన్ని నిలదీయాలని లోకేశ్ ఛాలెంజ్ చేశారు. పవన్‌ తన సవాళ్లను ఎదుర్కొనలేకపోయారని ఆయన చెప్పుకొచ్చారు. ఇంతక మునుపు టీడీపీ అవినీతిని నిరూపించాలంటూ లోకేశ్.. పవన్‌కు సవాల్ విసిరిన విషయం విదితమే.

అంతటితో ఆగని నారా లోకేశ్.. వైసీపీ అధినేత, ఏపీ ప్రధాన ప్రతిపక్షనేత వైఎస్‌ జగన్‌మోహన్ రెడ్డిపై విమర్శల వర్షం కురిపించారు. జగన్ ప్రతిపక్ష నేత కాదని.. అవినీతి పుత్రుడని లోకేశ్ వ్యాఖ్యానించారు. రాష్ట్ర సమస్యల పరిష్కారానికి ప్రత్యేక హోదాయే సంజీవిని అని మంత్రి స్పష్టం చేశారు. కాగా లోకేశ్ వ్యాఖ్యలపై జనసేన, వైసీపీ నుంచి ఎలాంటి స్పందన వస్తుందో వేచి చూడాల్సిందే మరి.



చంద్రబాబే బ్రాండ్ అంబాసిడర్

Updated By ManamThu, 08/02/2018 - 15:49

అమరావతి : ఆంధ్రప్రదేశ్‌కు ముఖ్యమంత్రి చంద్రబాబు నాయుడే బ్రాండ్ అంబాసిడర్ అనే ఆయన కుమారుడు, ఐటీ శాఖమంత్రి నారా లోకేశ్ అన్నారు. గురువారం ఏపీ కేబినెట్ సమావేశం అనంతరం ఆయన ఆ వివరాలను మీడియాకు వెల్లడించారు. ఈ సందర్భంగా లోకేశ్ మాట్లాడుతూ...‘చంద్రబాబు ప్రపంచంలోకి ఎక్కడికి వెళ్లినా రాష్ట్రంలో పెట్టుబడులు పెట్టేందుకు తలుపులు తెరుస్తున్నారు. విభజన వల్ల రాష్ట్రం ఎన్ని ఇబ్బందులు ఎదుర్కొంటున్నా పెట్టుబడులు వస్తున్నాయి.

టీడీపీ మ్యానిఫెస్టోలో ఇచ్చిన హామీ మేరకు ‘ముఖ్యమంత్రి యువనేస్తం’ పేరుతో నిరుద్యోగ భృతి ఇస్తున్నాం. పెన్షన్ కుటుంబానికి ఒకటి ఇస్తే... ఇక్కడ కుటుంబంలో ఎంతమంది నిరుద్యోగులు ఉన్నా వారికి నిరుద్యోగ భృతి ఇస్తాం. ఆగస్ట్ మూడు, లేదా నాలుగో వారంలో విధివిధానాలు వెల్లడిస్తాం. అర్హత ఉన్న అందరూ రిజిస్ట్రర్ చేసుకోవాలి. 22 నుంచి 35 ఏళ్ళ లోపు నిరుద్యోగులంతా అర్హులు. నెలకు వెయ్యి రూపాయిలు వారి బ్యాంకు ఖాతాల్లో జమ చేస్తాం.

ఇంకోవైపు స్కిల్ డెవలప్‌మెంట్‌ కార్యక్రమాన్ని కూడా ప్రారంభిస్తాం. కేంద్ర, రాష్ట్ర ప్రభుత్వ పథకాలను అనుసంధానం చేసి, నిరుద్యోగ యువతీ, యువకులకు  ఉపాధి కల్పిస్తాం. భారతదేశంలోనే కాదు, ప్రపంచంలోనే ఇంత సిస్టమేటిక్ కార్యక్రమం లేదని, కేవలం ఏపీలో మాత్రమే అమలు చేయడం జరుగుతుంది.

అర్హులైన నిరుద్యోగులు ఆన్‌లైన్ ద్వారా దరఖాస్తు చేసుకోవాలి. ప్రజాధికార సర్వే ద్వారా రాష్ట్రంలో పన్నెండు లక్షల మంది నిరుద్యోగులు ఉన్నట్టు గుర్తించాం. లోటు బడ్జెట్లో కూడా ఎన్నికల హామీలను నిలబెట్టుకొంటున్న ఘనత సీఎం చంద్రబాబు నాయుడికే దక్కుతుంది.’అని అన్నారు.



నాకు అందరి గురించీ తెలుసు.. కానీ చెప్పను: పవన్

Updated By ManamFri, 07/27/2018 - 20:39

pawan vs jagan

భీమవరం: వైసీపీ అధినేత, ఏపీ ప్రధాన ప్రతిపక్షనేత వైఎస్ జగన్ మోహన్‌రెడ్డి చేసిన వ్యక్తిగత విమర్శలపై జనసేనాధిపతి పవన్ కల్యాణ్ మరోసారి స్పందించి కౌంటరిచ్చారు. భీమవరం బహిరంగ సభ వేదికగా మాట్లాడిన ఆయన జగన్ మొదలుకుని టీడీపీ ప్రభుత్వం, సీఎం చంద్రబాబుపై తీవ్ర విమర్శలు గుప్పించారు.

మీ బాంబులు.. వేటకొడవళ్లకు భయపడను!
"
పబ్లిక్ పాలసీల గురించి మాట్లాడి అసెంబ్లీకి వెళ్లమంటే జగన్ నాపై వ్యక్తిగత విమర్శలు చేస్తున్నారు. ఈ భీమవరం పట్టణానికి డంపింగ్ యార్డ్ పెట్టించి నాపై వ్యక్తిగత విమర్శలు చేయండి.. భరిస్తా.. అదేమీ చేయరు. అసెంబ్లీలో ఉండి ప్రభుత్వంపై పోరాడి సమస్యలు పరిష్కరించడం ప్రతిపక్షనేత బాధ్యత. దాన్ని వదిలిపెట్టి మీరు పారిపోయారు. ఆయనకు ముఖ్యమంత్రిని ఎదిరించే ధైర్యం లేదు. ఆ దమ్ములేకపోవడంతోనే పారిపోయారు. సీఎం అయితేనేం చేస్తానంటారు. వ్యక్తిగత విమర్శలు నేను కూడా చేస్తే తట్టుకోలేరు. నాకు సంస్కారం ఉంది. మీలా నేను కుసంస్కారిని కాదు. ఎవరు యూనివర్శిటిలో తువ్వాలుతో ఎందుకు తిరిగారో తెలుసు. కానీ తెలుసు కానీ చెప్పను. నాకున్న నెట్ వర్క్‌కి ఎవరు ఎక్కడ ఏం చేస్తున్నారో చెప్పగలను. నా వ్యక్తిగత జీవితం తెరిచిన పుస్తకం.. మంచో చెడో ఏదీ దాచేది లేదు. రహస్యాలేమీ లేవు. వాళ్లు చేసే ఫ్యాక్షనిజానికి, గూండాగిరికి భయపడేది లేదు. బాంబులు, వేటకొడవళ్లు, బరిసెలకు భయపడను" అని పవన్ తేల్చిచెప్పారు. 

నన్ను, నా పార్టీని డబ్బులతో కొనలేరు!
ఎంతో విశిష్టమైన చరిత్ర ఉన్న, గొప్పవాళ్లు పుట్టిన భీమవరంలో కనీసం డంపింగ్ యార్డ్ కూడా లేదు. ఈ ప్రాంతం నుంచి గెలిచిన బీజేపీ ఎంపీ గోకరాజు గంగరాజు డంపింగ్ యార్డు కూడా ఏర్పాటు చేయలేదు. ఆయన నిలబడ్డప్పుడు గోకరాజు అనుచరులు ‘పవన్ కల్యాణ్ ప్రచారానికి వస్తే ఎంత తీసుకుంటారు’ అని నా సన్నిహితుల్ని అడిగారట. వాళ్లు .. ‘పవన్ కల్యాణ్ ప్రేమతో పిలిస్తే వస్తాడు’ అని ఒక్కటే చెప్పారు. పవన్ కల్యాణ్‌ని, జనసేననీ ఎవరూ డబ్బుతో కొనలేరని గుర్తుపెట్టుకోండి. నేను ఆయన తరఫున ప్రచారం చేశాను. ఆ తర్వాత భీమవరంలో ఏదో సమస్య వస్తే దాన్ని పరిష్కరించమని చెప్పేందుకు ఫోన్ చేస్తే సమాధానం లేదు. ఆయన ఉరు దాటాక తెప్ప తగలేశారు. అసలు పశ్చిమ గోదావరి జిల్లాకి ఏం కావాలి..? ఏం చేస్తున్నారు..?భీమవరం పట్టణంలోనే చర్చిద్దాం.. ముఖ్యమంత్రి, వారి అబ్బాయి, వైసీపీ అధినేత జగన్, బీజేపీ ఎంపీ గోకరాజును పిలుద్దాం.. చర్చిద్ధాం" అని ఈసందర్భంగా పవన్ కల్యాణ్ ఒకింత ఛాలెంజ్ విసిరారు.

ఈ సారి ఆ 15 సీట్లు జనసేనకు ఇవ్వండి
" గత ఎన్నికల్లో 15 కి 15 సీట్లు టిడిపికి ఇచ్చారు. ఈసారి జనసేనకు ఇవ్వండి. ఇది ప్రశ్నించే పార్టీ మాత్రమే కాదు పాలించే పార్టీ కూడా. ఒకసారి ఆలోచించండి.. ఓటు వేయకపోయినా ప్రజల కోసం, వారికి అండగా ఉండే పార్టీ జనసేన. పార్టీ సిద్దాంతాలని చూడండి. ఇంట్లోవాళ్లతో, స్నేహితులతో చర్చించండి. జనసేన అధికార స్థాపనకు భీమవరం నుంచే బీజం వేద్దాం... ఈ గురు పౌర్ణమి పర్వదినాన" అని పవన్ కల్యాణ్ చెప్పుకొచ్చారు.



అద్భుత నాయకుడికి పుట్టినరోజు శుభాకాంక్షలు

Updated By ManamTue, 07/24/2018 - 12:25

KTR హైదరాబాద్: తెలంగాణ ఐటీశాఖ మంత్రి కేటీఆర్ ఇవాళ 42వ పుట్టినరోజును జరుపుకుంటున్నారు. ఈ సందర్భంగా సోషల్ మీడియాలో ఆయనకు శుభాకాంక్షలు వెల్లువెత్తుతున్నాయి. రాజకీయ ప్రముఖులు మొదలుకొని సినీ సెలబ్రిటీలు, సామాన్యులు ఆయనకు అభినందనలు చెబుతున్నారు.

మంచి స్నేహితుడు, అద్భుత నాయకుడు.. హ్యాపీ బర్త్‌డే కేటీఆర్ అని మహేశ్ బాబు ట్వీట్ చేయగా.. ప్రజల కోసం ఎప్పుడూ కష్టపడే నాయకుడు కేటీఆర్‌కు పుట్టినరోజు శుభాకాంక్షలు అంటూ మంత్రి హరీశ్ రావు తెలిపారు. అలాగే మంత్రి జూపల్లి కృష్ణారావు, పీసీసీ అధ్యక్షుడు ఉత్తమ్ కుమార్ రెడ్డి, ఎంపీ బాల్క సుమన్, ఏపీ మంత్రి నారా లోకేశ్,  టాలీవుడ్ సెలబ్రిటీలు బ్రహ్మాజీ, ఈషా రెబ్బా, మెహర్ రమేశ్, బ్రిందా ప్రసాద్, బీఏ రాజు, వంశీ కాక, దేవీ శ్రీ ప్రసాద్, హరీశ్ శంకర్, కోన వెంకట్, వంశీ పైడిపల్లి, మహేశ్ కోనేరు, బీవీఎస్ రవి, వెన్నెల కిశోర్, వివేక్ ఒబెరాయ్, మంచు విష్ణు, శోభు యార్లగడ్డ, గోపిచంద్ మలినేని, నరేశ్, లక్ష్మీ మంచు తదితరులు కేటీఆర్‌కు శుభాకాంక్షలు చెప్పారు. 



అభ్యర్థులను లోకేశ్ ఎలా ప్రకటిస్తారు : టీజీ

Updated By ManamWed, 07/11/2018 - 12:09
TG venkatesh
  • లోకేశ్ ను ఎస్వీ మోహన్ రెడ్డి హిప్నటైజ్ చేశారేమో

కర్నూలు : రానున్న ఎన్నికల్లో కర్నూలు జిల్లా ఎంపీ, ఎమ్మెల్యే అభ్యర్థుల ప్రకటనపై అప్పుడే టీడీపీలో ముసలం రాజుకుంది. మంత్రి నారా లోకేశ్ ...అభ్యర్థులను ప్రకటించడంపై ఆ పార్టీ రాజ్యసభ సభ్యుడు టీజీ వెంకటేశ్ స్పందించారు. 

‘అభ్యర్థులను లోకేశ్ ప్రకటించడం షాక్‌కు గురి చేసింది. ఆయన పార్టీ అధ్యక్షుడు కూడా కాదు. అధికార కార్యక్రమంలో పార్టీ అభ్యర్థులన లోకేశ్ ఎలా ప్రకటిస్తారు. తెలుగుదేశం పార్టీ  బీఫాం ఇచ్చే ముందు కూడా నిర్ణయాలు మార్చుకుటుంది. మరి అలాంటిది మంత్రి లోకేశ్ ఎలా అభ్యర్థులను ప్రకటించారో అంతుచిక్కడం లేదు. మరి  ఎస్వీ మోహన్ రెడ్డి... లోకేశ్‌ను హిప్నటైజ్ చేశారేమో. మా  మోహన్ రెడ్డి ఏమైనా చేయగలడు.’ అని టీజీ వెంకటేశ్ వ్యాఖ్యలు చేశారు. 

కాగా కర్నూలు ఎంపీ అభ్యర్థిగా బుట్టా రేణుకా, ఎమ్మెల్యే అభ్యర్థిగా ఎస్వీ మోహన్ రెడ్డిని రెండు రోజుల క్రితం నారా లోకేశ్ జిల్లా పర్యటన సందర్భంగా ప్రకటన చేశారు. వీరిద్దర్నీ వచ్చే ఎన్నికల్లో వీరిద్ధర్నీ భారీ మెజార్టీతో గెలిపించాలని కోరిన విషయం తెలిసిందే.



మీరు, మేము కాదు.. మనం టాప్‌లో ఉన్నాం

Updated By ManamWed, 07/11/2018 - 09:50

ktr, lokesh హైదరాబాద్: ఏపీ, తెలంగాణ ఐటీ శాఖ మంత్రులు నారా లోకేశ్, కేటీఆర్‌ల మధ్య సోషల్ మీడియాలో ఆసక్తికర సంభాషణ జరిగింది. భారత్‌లో ఈజ్ ఆఫ్ డూయింగ్ బిజినెస్‌‌కు సంబంధించి ఇటీవల ర్యాంకింగ్స్‌కు విడుదల కాగా.. అందులో 98.42%తో ఏపీ ప్రథమ స్థానం, 98.33%తో తెలంగాణ రెండో స్థానంలో నిలిచాయి.

ఈ విషయాన్ని సోషల్ మీడియాలో షేర్ చేసిన తెలంగాణ ఐటీ శాఖ మంత్రి కేటీఆర్.. ‘‘కేవలం 0.09%తో మొదటి స్థానాన్ని కోల్పోయాం. ముఖ్యమంత్రి గారి లీడర్‌షిప్, ఉద్యోగిస్వామ్యం వలన ఈ సంవత్సరం కూడా మంచి ర్యాంక్‌ను సాధించాం. మొదటి స్థానంలో నిలిచిన ఏపీ ముఖ్యమంత్రి చంద్రబాబు నాయుడు గారికి అభినందనలు’’ అంటూ ట్వీట్ చేశారు. దీనికి స్పందించిన నారా లోకేశ్.. ‘‘మీకు కూడా అభినందనలు. ఇందులో ఒకటి, రెండు స్థానాలు లేవు. తెలుగు రాష్ట్రాలు రెండూ ఉత్తమ స్థానాల్లో ఉన్నాయి. ఇదంతా తెలుగు ప్రజల ప్రజల అభివృద్ధి కోసమే’’ అంటూ సమాధానం ఇచ్చారు.



కర్నూలు టీడీపీ ఎంపీ, ఎమ్మెల్యే అభ్యర్థుల ప్రకటన

Updated By ManamMon, 07/09/2018 - 16:25

 

  • కర్నూలు ఎంపీ అభ్యర్థిగా బుట్టా రేణుక

  • ఎమ్మెల్యేగా ఎస్వీ మోహన్ రెడ్డి పేర్లు ఖరారు

Butta renuka-sv mohan reddy

కర్నూలు : ముందస్తు ఎన్నికల వాతావరణం అప్పుడే ఆంధ్రప్రదేశ్‌లో కనిపిస్తోంది. 2019 ఎన్నికలకు తెలుగుదేశం పార్టీ అప్పుడే తన అభ్యర్థులను ప్రకటించేస్తోంది. కర్నూలు ఎంపీ, ఎమ్మెల్యే అభ్యర్థులను మంత్రి నారా లోకేశ్ సోమవారం ప్రకటించారు.

జిల్లా పర్యటనలో ఉన్న ఆయన... కర్నూలు ఎంపీ స్థానానికి బుట్టా రేణుక, ఎమ్మెల్యే స్థానానికి ఎస్వీ మోహన్ రెడ్డి పేర్లను ఖరారు చేశారు. ఈ మేరకు ఆయన ...వారి ఇరువురిని భారీ మెజార్టీతో గెలిపించాలని కోరారు. కాగా 2014 ఎన్నికల్లో వైఎస్ఆర్ కాంగ్రెస్ పార్టీ తరఫున బుట్టా రేణుకా ఎంపీగా, ఎస్వీ మోహన్ రెడ్డి ఎమ్మెల్యేగా గెలుపొంది అనంతరం టీడీపీలో చేరిన విషయం తెలిసిందే.





Related News