ntr

వెంటపడ్డానా.. నరికేస్తా

Updated By ManamWed, 08/15/2018 - 09:10

NTRఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత వీర రాఘవ’. స్వాతంత్ర్యదినోత్సవ సందర్భంగా ఈ మూవీ టీజర్ విడుదలైంది. పవర్‌ఫుల్ యాక్షన్ ఎంటర్‌టైనర్‌గా ఈ టీజర్ తెరకెక్కగా.. అదిరిపోయే యాక్షన్‌ పర్ఫామెన్స్‌తో ఎన్టీఆర్ ఆకట్టుకుంటున్నాడు. ‘‘మండు వేసంగి గొంతులో దిగితే ఎట్టుంటాదో తెలుసా..? మచ్చలపులి ముఖం మీద గాండ్రిస్తే ఎట్టుంటుందో తెలుసా..? మట్టి తుఫాన్ చెవిలో మోగితే ఎట్టుంటాదో తెలుసా’’ అనే జగపతిబాబు డైలాగ్‌లతో టీజర్ ప్రారంభం కాగా.. ‘‘కంటబడ్డావా కనికరిస్తానేమో, వెంటపడ్డానా, నరికేస్తా ఓబా’’ అంటూ ఎన్టీఆర్ అదరగొట్టాడు. అలాగే టీజర్‌లో సునీల్‌ కూడా ఉండటాన్ని గమనించవచ్చు. ఇక టీజర్‌కు థమన్ అందించిన బ్యాక్‌గ్రౌండ్ కూడా అదిరింది.  అంతేకాదు మామూలుగా త్రివిక్రమ్ తెరకెక్కించిన చిత్రాల టీజర్‌కు ఇది విభిన్నంగా ఉండటం విశేషం. ఇక ఈ చిత్రంలో ఎన్టీఆర్ సరసన పూజా హెగ్డే నటించగా.. నాగబాబు, ఈషారెబ్బా, జగపతి బాబు తదితరులు ముఖ్య పాత్రలలో కనిపించనున్నారు. హారిక అండ్ హాసిని పతాకంపై నిర్మించిన ఈ చిత్రం దసరా కానుకగా ప్రేక్షకుల ముందుకు రానుంది.



అన్నగారు.. అచ్చుగుద్దినట్లు దిగిపోయారుగా..!!

Updated By ManamTue, 08/14/2018 - 21:14

Nandamuri Bala Krishna in and as the Legendary

ఇదిగో ఈ పక్కనుండే ఫొటోను ఒక్కసారి నిశితంగా గమనించండి.. అన్నగారు దిగిపోయారని అనుకుంటే తప్పులో కాలేసినట్లే. అచ్చం ఆయనలాగే చేయిచాచి.. ఆ కాషాయ దుస్తులు, మెడలోని దండలు,కళ్లద్దాలు.. మైకు ముందు నిల్చున్న స్టైల్ చూడగానే టక్కున దివంగత నేత ఎన్టీఆర్ గుర్తొచ్చే ఉంటారు.. కానీ ఈ ఫొటోలో ఉన్నది మీరనుకుంటున్నట్లు ఆ అన్నగారు కాదు.. ఆయనగారి కుమారుడు బాలకృష్ణ. అచ్చం ఆయన తండ్రిలాగే బాలయ్య పోజిచ్చారంతే. బుధవారం స్వాతంత్ర్య దినోత్సవం కావడంతో ఈ లుక్‌‌ను రిలీజ్ చేసింది చిత్రబృందం.

అసలు విషయానికొస్తే.. ఈ ఫొటో చూస్తే దాదాపు విషయం అర్థమైపోయింటుంది. క్రిష్ దర్శకత్వంలో ఎన్టీఆర్ బయోపిక్ రూపొందుతున్న సంగతి తెలిసిందే. ఇప్పటికే సినిమాకు సంబంధించిన లుక్‌‌లు విడుదల చేసిన క్రిష్ తాజాగా మరోటి విడుదల చేశాడు. ఇందులో అచ్చుగుద్దినట్లు అన్నగారిలాగా బాలయ్య ఉండే ఈ ఫిక్ సోషల్ మీడియాలో ఇప్పుడు వైరల్‌గా మారింది. దీన్ని చూసిన నందమూరి అభిమానులు అరె! స్వయంగా ఎన్టీఆర్ దిగొచ్చి స్వాతంత్ర్య దినోత్సవ శుభాకాంక్షలు చెబుతున్నాడా? అన్నంతగా ఆశ్చర్యపోతున్నారు. ఇంకొందరైతే పోస్టర్లలే ఈరేంజ్‌లో సినిమా ఇక ఏ రేంజ్‌‌లో ఉంటుందో అంటూ జై క్రిష్‌‌ అంటూ దర్శకుడ్ని ఆకాశానికెత్తేస్తున్నారు.

కాగా.. ఈ పోస్టర్‌ను బట్టే క్రిష్ ఈ సినిమాపై ఎంత శ్రద్ధ పెట్టారో చెప్పేయచ్చు. ఎన్‌.బీ.కే. ఫిలింస్‌ పతాకంపై నిర్మిస్తున్న ఈ సినిమాను వారాహి చలన చిత్రం, విబ్రి మీడియా సంయుక్తగా సమర్పిస్తున్నాయి. అన్నీ అనుకున్నట్లుగా జరిగితే వీలైనంత త్వరగా సినిమా షూటింగ్ పూర్తి చేసుకుని సంక్రాంతికి విడదల చేసేందుకు చిత్రబృందం సిద్ధమవుతోంది.

ఇక పాత్రల విషయానికొస్తే.. 
ఎన్టీఆర్‌గా బాలయ్య, బసవతారకంగా విద్యాబాలన్‌, చంద్రబాబుగా రానా నటిస్తున్నారు. జూనియర్‌ ఎన్టీఆర్‌గా బాలయ్య కొడుకు మోక్షజ్ఞ, నారా భువనేశ్వరిగా మంజిమా మోహన్‌, సావిత్రిగా కీర్తి సురేశ్‌, శ్రీదేవిగా రకుల్‌ప్రీత్‌ సింగ్‌, రామానాయుడుగా వెంకటేశ్‌, కృష్ణగా మహేశ్‌బాబు నటిస్తున్నట్లు వార్తలు వస్తున్నాయి. కాగా వీరిలో కొందరి పాత్రలు దాదాపు ఫిక్సయ్యాయి.. ఇంకొందరి పాత్రల్లో ఎవరు నటిస్తారనేది మాత్రం క్లారిటీ రాలేదు.. నెట్టింట్లో మాత్రం గుట్టలుగుట్టలుగా వార్తలు వచ్చేస్తున్నాయి. క్రిష్ స్పందిస్తే గానీ ఈ పాత్రలపై క్లారిటీ వచ్చేలా లేదు.



‘అరవింద సమేత’ అదిరిపోతుంది అంతే: నిర్మాత

Updated By ManamTue, 08/14/2018 - 13:58

Aravindha Samethaఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత’. స్వాతంత్ర్యదినోత్సవం కానుకగా ఈ చిత్ర టీజర్‌ను బుధవారం ఉదయం 9గంటలకు విడుదల చేయనున్నారు. క్రేజీ కాంబోగా తెరకెక్కిన ఈ చిత్ర టీజర్‌పై అటు అభిమానుల్లోనే కాకుండా, ఇటు టాలీవుడ్ ప్రేక్షకుల్లోనూ చాలా అంచనాలే ఉన్నాయి. వాటన్నింటిని మరింత పెంచేలా తాజాగా యువ నిర్మాత నాగవంశీ(సితార ఎంటర్‌టైన్‌మెంట్ నిర్మాతల్లో ఒకరు) టీజర్‌పై ప్రశంసలు కురిపించాడు.

దీనిపై సోషల్ మీడియాలో పంచుకున్న నాగవంశీ.. ‘‘ఇప్పుడే అరవింద సమేత టీజర్‌ చూశాను. ఎన్టీఆర్ అభిమానిగా చెబుతున్నా, మీరు సిద్ధమైపోండి. మన ఎన్టీఆర్ అద్భుతంగా చేశాడు, దర్శకుడు త్రివిక్రమ్ గొప్పగా తెరకెక్కించారు. రేపు ఉదయం 9గంటలకు సిద్ధంగా ఉండండి’’ అంటూ పేర్కొన్నాడు. ఇక ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో ఎన్టీఆర్ సరసన పూజా హెగ్డే నటించగా.. హారిక అండ్ హారిక పతాకంపై రాధాకృష్ణ నిర్మించారు. థమన్ సంగీతం అందిస్తున్న ఈ చిత్రం దసరా కానుకగా ప్రేక్షకుల ముందుకు రానుంది.

 



భువ‌నేశ్వ‌రిగా ఎవరంటే..!

Updated By ManamTue, 08/14/2018 - 12:30

Manjima Mohanనటసార్వభౌమ, దివంగత మాజీ ముఖ్యమంత్రి ఎన్టీఆర్ జీవిత కథ ఆధారంగా క్రిష్ తెరకెక్కిస్తున్న చిత్రం ‘యన్‌టిఆర్’. ఇందులో బాలకృష్ణ ప్రధానపాత్రలో నటిస్తుండగా.. బసవతారకంగా విద్యాబాలన్, చంద్రబాబుగా రానా, నాగేశ్వర రావుగా సుమంత్, సావిత్రిగా కీర్తి సురేశ్ తదితరులు నటిస్తున్నారు. 

తాజాగా నారా చంద్ర‌బాబు నాయుడు స‌తీమ‌ణి భువ‌నేశ్వ‌రి పాత్ర‌ కోసం మ‌ల‌యాళ హీరోయిన్‌ను తీసుకున్నట్లు తెలుస్తోంది. సాహసం శ్వాసగా సాగిపో చిత్రంతో తెలుగు వారికి పరిచయమైన మంజిమ మోహ‌న్ యన్‌టిఆర్ చిత్రంలో నారా భువనేశ్వరి పాత్రలో కనిపించున్నట్లు తెలుస్తోంది. దీనిపై త్వరలోనే అధికారిక ప్రకటన రానున్నట్లు సమాచారం. ప్రస్తుతం ఈ చిత్ర షూటింగ్ శరవేగంగా జరుగుతుండగా.. వ‌చ్చే ఏడాది జ‌న‌వ‌రి 9న ఈ చిత్రాన్ని విడుద‌ల చేయ‌డానికి నిర్మాత‌లు స‌న్నాహాలు చేస్తున్నారు. 



మళ్లీ లీకైన అరవింద సమేత ఫొటోలు.. తలలు పట్టుకుంటున్న యూనిట్

Updated By ManamSat, 08/11/2018 - 11:01

NTR ఎన్టీఆర్ హీరోగా మాటల మాంత్రికుడు త్రివిక్రమ్ తెరకెక్కిస్తున్న చిత్రం ‘అరవింద సమేత’. సెట్స్ మీదకు వెళ్లినప్పటి నుంచి ఈ చిత్ర షూటింగ్ శరవేగంగా జరుగుతుండగా.. మరోవైపు లీకురాయుళ్లు తమ పనిని మొదలుపెట్టారు. ఈ చిత్రానికి సంబంధించిన కొన్ని ఫొటోలను లీక్ చేస్తున్నారు. ఇటీవలే ఈ చిత్రానికి సంబంధించిన ఎన్టీఆర్, నాగబాబు ఉన్న ఫొటో ఒకటి లీక్ అవ్వగా.. తాజాగా కూడా వారిద్దరికి సంబంధించిన ఫొటోలు బయటకు వచ్చాయి.

విడుదలైన ఫొటోలలో సీన్‌కు సంబంధించిన సమయం కూడా ఉండటంతో యూనిట్‌లో వారే ఎవరో వీటిని నెట్‌లో పెట్టి ఉంటారని సమాచారం. షూటింగ్ స్పాట్‌లోకి ఫోన్లు తీసుకురాకుండా దర్శకుడు ఎన్ని జాగ్రత్తలు తీసుకుంటున్నా.. లీకులు అవుతుండటంతో చిత్రయూనిట్ తలలు పట్టుకుందట. దీంతో షూటింగ్‌ స్పాట్‌లో మరింత కఠినంగా దర్శకుడు వ్యవహరించనున్నట్లు తెలుస్తోంది. కాగా స్వాతంత్ర్యదినోత్సవం కారణంగా ఈ చిత్ర టీజర్‌ విడుదల కానున్నట్లు తెలుస్తోంది.



ఈ అనుభవం గొప్పగా ఉంది - విద్యాబాలన్

Updated By ManamFri, 08/10/2018 - 17:21

vidya balanబాలీవుడ్ హీరోయిన్ విద్యాబాలన్ నటిస్తున్న తొలి తెలుగు చిత్రం ‘యున్.టి.ఆర్’. దివంగత మాజీ ముఖ్యమంత్రి ఎన్టీఆర్ జీవిత చరిత్ర ఆధారంగా రూపొందుతున్న ఈ చిత్రంలో ఎన్టీఆర్‌పాత్రలో నందమూరి బాలకృష్ణ నటిస్తున్నారు. కాగా ఆయన సతీమణి బసవతారకమ్మ పాత్రలో విద్యాబాలన్ నటిస్తున్నారు. ప్రస్తుతం ఈ సినిమా చిత్రీకరణ శరవేగంగా జరుగుతుంది. సినిమాలో తన పాత్ర గురించి విద్యాబాలన్ కొన్ని విషయాలను తెలియుజేశారు. ‘గతంలో నేను మలయాళ చిత్రంలో రెండు, మూడు సీన్స్‌లో నటించాను. అయితే దక్షిణాదిలో పూర్తిస్థాయి పాత్రలో నటిస్తున్న చిత్రం `యన్.టి.ఆర్`. ఇందులో తెలుగు డైలాగులు కూడా చెప్పాను. అవి రేపు తెరపై ఎలా ఉంటాయో చూడాలని ఆసక్తిగా ఉంది. షూటింగ్‌ను ఉదయం తొమ్మిది గంటలకు స్టార్ట్ చేసి..సాయంత్రం ఆరు గంటలకంతా పూర్తి చేస్తున్నారు. చాలా ప్రొఫెషనల్ టీమ్‌తో పనిచేస్తున్న  ఈ అనుభవం గొప్పగా ఉంది’ అన్నారు విద్యాబాలన్. 



ఎన్టీఆర్, ప్రభాస్‌లకు మంత్రి సవాల్

Updated By ManamFri, 08/10/2018 - 11:25

talasani srinivasa yadavటాలీవుడ్ హీరోలు ఎన్టీఆర్, ప్రభాస్‌లకు తెలంగాణ సినిమాటోగ్రఫీ శాఖ మంత్రి తలసాని శ్రీనివాస యాదవ్ సవాల్ విసిరారు. హరిత హారంలో భాగంగా ఎస్సీ, ఎస్టీ కమిషన్ చైర్మన్ ఎర్రోళ్ల శ్రీనివాస్ విసిరిన సవాల్‌ను స్వీకరించిన తలసాని, శుక్రవారం తన ఇంటి ఆవరణలో మూడు మొక్కలు నాటారు.

అనంతరం తన చాలెంజ్ స్వీకరించవలసిందిగా.. సినీ ప్రముఖులు ఎన్టీఆర్, ప్రభాస్, దిల్ రాజు, త్రివిక్రమ్ శ్రీనివాస్, తితిదే చైర్మన్ పుట్టా సుధాకర్ యాదవ్‌ల పేర్లను వెల్లడించారు. మనవాళి మనుగడక కోసం ప్రతి ఒక్కరూ విధిగా మొక్కలు నాటాలని, భవిష్యత్ తరాలకు ఆక్సిజన్ ఉండాలంటే అందరూ మొక్కలు నాటి వాటి సంరక్షణ బాధ్యత తీసుకోవాలని కోరారు.



ఎన్టీఆర్‌కు కరుణ అత్యంత సన్నిహితుడు

Updated By ManamWed, 08/08/2018 - 14:46
  • చెన్నై బయల్దేరిన చంద్రబాబు

karunanidhi fenural

చెన్నై : ఆంధ్రప్రదేశ్ ముఖ్యమంత్రి చంద్రబాబు నాయుడు చెన్నైకి బయల్దేరారు. తమిళనాడు మాజీ ముఖ్యమంత్రి, డీఎంకే అధ్యక్షుడు కరుణానిధికి ఆయన నివాళులు అర్పించనున్నారు. అంతకు ముందు ఆయన అమరావతిలో మాట్లాడుతూ..‘కరుణానిధి 80ఏళ్లు ప్రజా జీవితం,50ఏళ్లు పార్టీ అధ్యక్షుడిగా, 5సార్లు ముఖ్యమంత్రిగా,13సార్లు శాసనసభ్యుడిగా కరుణానిధి అధిరోహించని మెట్లు లేవు.

ద్రవిడ ఉద్యమంలో హిందీ వ్యతిరేక ఉద్యమంలో కరుణానిధి కీలక భూమిక వహించారు. యునైటెట్ ఫ్రంట్ ఏర్పాటులో నాకు కరుణానిధి ఎంతో సహకరించారు. ఎన్టీఆర్‌కు కరుణానిధి అత్యంత సన్నిహితుడు. నమ్మిన సిద్ధాంతం కోసం పోరాడిన వ్యక్తి.

దేవెగౌడ, ఐకె గుజ్రాల్ ప్రభుత్వాల ఏర్పాటులో ప్రధాన పాత్ర కరుణానిధిదే. గొప్ప పరిపాలనా దక్షుడు, సామాజిక ఉద్యమనేత.’ అని కరుణానిధితో ఉన్న సాన్నిహిత్యాన్ని గుర్తు చేసుకున్నారు.  రాష్ట్రస్థాయి నోడల్ అధికారుల సదస్సులో  కరుణానిధి మృతికి సంతాప తీర్మానం ఆమోదించారు. కరుణ మృతికి సంతాపంగా ఒక నిమిషం పాటు మౌనం పాటించారు. అనంతం చంద్రబాబు చెన్నై బయల్దేరి వెళ్లారు.

మరోవైపు ప్రధానమంత్రి నరేంద్ర మోదీ, తెలంగాణ సీఎం కేసీఆర్, యూజీ మాజీ ముఖ్యమంత్రి అఖిలేశ్ యాదవ్, ఏఐసీసీ అధ్యక్షుడు రాహుల్ గాంధీ, గులాంనబీ ఆజాద్ తదితరులు కరుణానిధి పార్థివదేహాన్ని సందర్శించి నివాళులు అర్పించారు.



అక్కినేనిగా ఆ హీరో కన్ఫర్మ్

Updated By ManamMon, 08/06/2018 - 15:19

sumanth నటసార్వభౌమ, ఏపీ మాజీ ముఖ్యమంత్రి ఎన్టీఆర్ జీవితకథ ఆధారంగా తెరకెక్కిస్తున్న చిత్రం ‘యన్‌టిఆర్’. ప్రస్తుతం శరవేగంగా షూటింగ్ జరుపుకుంటున్న ఈ చిత్రంలో అక్కినేని నాగార్జున పాత్రలో సుమంత్ నటించనున్నాడు. మాములుగా ఈ పాత్రలో నాగచైతన్య నటిస్తాడని వార్తలు వచ్చినప్పటికీ, తాజాగా సుమంత్‌ను కన్ఫర్మ్ చేశారు. ఈ విషయాన్ని ట్విట్టర్‌లో తెలిపిన సుమంత్.. తమ తాత పాత్రలో నటించేందుకు చాలా ఆసక్తికరంగా ఎదురుచూస్తున్నట్లు పేర్కొన్నారు. ఇక ఎన్టీఆర్‌గా బాలకృష్ణ నటిస్తుండగా.. బసవతారకం పాత్రలో విద్యాబాలన్, చంద్రబాబు నాయుడిగా రానా, నాగిరెడ్డిగా ప్రకాశ్ రాజ్, బీఏ సుబ్బరావుగా నరేశ్, అలూరి చక్రపాణిగా మురళీ శర్మ, హెచ్ ఎం రెడ్డిగా కైకాల సత్యనారాయణ తదితరులు నటించనున్నారు. క్రిష్ తెరకెక్కిస్తున్న ఈ చిత్రాన్ని బాలకృష్ణ, సాయి కొర్రపాటి, విష్ణు ఇందుకూరి సంయుక్తంగా నటిస్తుండగా.. కీరవాణి సంగీతం అందించనున్నాడు. తెలుగు, హిందీలో తెరకెక్కుతున్న ఈ చిత్రం వచ్చే ఏడాది జనవరి 9న ప్రేక్షకుల ముందుకు రానుంది.



తారక్ సినిమాలో అతిథి పాత్రలో

Updated By ManamMon, 08/06/2018 - 10:53

ntrఎన్టీఆర్ హీరోగా త్రివిక్రమ్ తెరకెక్కిస్తున్న చిత్రం ‘అరవింద సమేత’. శరవేగంగా షూటింగ్ జరుపుకుంటున్న ఈ చిత్రంలో యువ నటుడు ఆదర్శ్ భాగం అయ్యాడు. ఈ విషయాన్ని ఆయన స్వయంగా వెల్లడించాడు. ఆదివారం ఎంతో ప్రత్యేకంగా గడిచింది. అరవింద సమేతలో అతిథి పాత్ర చేశాను. తారక్, త్రివిక్రమ్‌తో కలిసి పనిచేయడం కల నెరవేరినట్లుగా ఉంది అని ట్విట్టర్‌లో తెలిపాడు. ఈ సందర్భంగా ఓ ఫొటోను షేర్ చేసుకున్నాడు.

కాగా ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో ఎన్టీఆర్ సరసన పూజా హెగ్డే నటించగా.. నాగబాబు, ఈషా రెబ్బా తదితరులు కీలక పాత్రలలో కనిపించనున్నారు. హారిక అండ్ హాసిని క్రియేషన్స్ బ్యానర్‌పై రాధాకృష్ణ నిర్మిస్తున్న ఈ చిత్రానికి థమన్ సంగీతం అందిస్తున్నాడు.





Related News