Ys Jagan mohan reddy

కష్టాల్లో చెరకు రైతులు

Updated By ManamMon, 08/20/2018 - 23:13
  • విశాఖ జిల్లాలో 3 ఫ్యాక్టరీలు మూసేశారు.. పాయకరావుపేటలో ఒక్క హామీ నెరవేర్చారా

  • బ్రిటీష్ పాలనకు తేడా లేదు: వైఎస్ జగన్.. విశాఖపట్నం జిల్లాలో ప్రజా సంకల్పయాత్ర

jaganవిశాఖపట్నం: ముఖ్యమంత్రి చంద్రబాబు పాలనలో చెరకు రైతులు బాధపడుతున్నారని, ఆయన సీఎం కాగానే సుగర్ ఫ్యాక్టరీలు నష్టాల బాట పడుతాయని వైఎస్సార్ కాంగ్రెస్ పార్టీ అధ్యక్షుడు జగన్‌మోహన్ రెడ్డి అన్నారు. ప్రజా సంకల్పయాత్రలో భాగంగా 241వ రోజు సోమవారం విశాఖపట్నం జిల్లాలో కోటవురట్ల బహిరంగ సభలో ఆయన ప్రసంగించారు. ఇప్పటికే విశాఖ జిల్లాలోని మూడు సుగర్ ఫ్యాక్టరీలను మూసేశారన్నారు. తాండవ, ఏటికొప్పాక, చోడవరం సుగర్ ఫ్యాక్టరీలు నష్టాల్లో ఉన్నాయని తెలిపారు. చంద్రబాబు పాలనలో చెరుకు రైతులు నానావస్థలు పడుతున్నారని అన్నారు. ‘‘ముఖ్యమంత్రిగా చంద్రబాబు ఉండటం ప్రజల ఖర్మ. ఊసరవెల్లి కూడా సిగ్గుపడేలా చంద్రబాబు రంగులు మారుస్తారు. విశాఖ తర్వాత అధిక భూఅక్రమాలు పాయకరావు పేటలోనే జరిగాయి. మానవత్వం లేని ప్రభుత్వం చంద్రబాబు సర్కార్. భూములు అత్తగారి ఆస్తులన్నట్లు టీడీపీ నేతలు కాజేస్తున్నారు. వరాహా, తాండవ నదుల్లో ఇసుకను తోడేస్తున్నారు. నీరు-చెట్టు కింద రూ.20 కోట్లు దోచుకున్నారు. పాయకరావుపేట నియోజక వర్గంలో వైఎస్‌ఆర్ 20 వేల ఇళ్లు కట్టించారు. ఇవాళ చంద్రబాబు ప్రభుత్వం కనీసం ఐదు ఇళ్లు కూడా కట్టించలేదు. నక్కపల్లి ఆస్పత్రిలో ఐదుగురు డాక్టర్లు కూడా లేని పరిస్థితి. ఆ ఆస్పత్రిలో కనీసం మందులు కూడా లేవు. ఇక్కడి ప్రజలకు ఇచ్చిన ఒక్క హామీ అయినా నెరవేర్చరా? భూములు లాక్కోవడానికి కేబినేట్ సమావేశం నిర్వహిస్తారు. కానీ ఇవ్వడానికి మాత్రం సమావేశం పెట్టరు’’ అని జగన్ అన్నారు. గతంలో ఓ ఛానల్‌కు చంద్రబాబు ఇంటర్వ్యూ ఇస్తూ కాంగ్రెస్‌ను బాయ్‌కాట్ చేయలన్నారని, ఇప్పుడు మాత్రం రాజ్యసభ డిప్యూటీ చైర్మన్ ఎన్నికల్లో కాంగ్రెస్ అభ్యర్థికి టీడీపీ సభ్యులు ఓటేశారని పేర్కొన్నారు. ఏఐసీసీ అధ్యక్షుడు రాహుల్ గాంధీతో రాయబారం కోసం కుటుంబ సభ్యులను పంపారని అన్నారు. చంద్రబాబు ఐదు పార్టీలను పెళ్లి చేసుకుని వదిలేశారని.. తాజాగా కాంగ్రెస్‌తో పెళ్లికి సిద్ధమయ్యారని ఎద్దేవా చేశారు. ఇప్పటికే బీజేపీతో పెళ్లి చేసుకుని వదిలేశారని, టీఆర్‌ఎస్, సీపీఐ, సీపీఎం, ఆఖరికి జనసేనను కూడా పెళ్లి చేసుకుని వదిలేశారని అన్నారు. ఇప్పుడు కాంగ్రెస్‌ను కూడా పెళ్లి చేసుకోవడానికి సిద్ధమయ్యారుని, చంద్రబాబు పాలనకు బ్రిటీష్ పాలనకు తేడా ఏమీలేదని విమర్శించారు. అధికారంలోకి వచ్చిన వారం రోజుల్లోగా కాంట్రిబ్యూటరీ పెన్షన్ స్కీంను (సీపీఎస్) రద్దు చేస్తానని జగన్ హామీ ఇచ్చారు. రైతన్నకు పెట్టుబడి తగ్గించగలిగితే ఆదాయం పెరుగుతుందని, రైతులకు పగటిపూటే 9 గంటల ఉచిత విద్యుత్ ఇస్తామని అన్నారు. మనందరి ప్రభుత్వం అధికారంలోకి రాగానే.. క్రాప్ లోన్లను తీసుకుంటే వడ్డీ భారం లేకుండా చేస్తామని, పెట్టుబడి సాయం కింద ఏటా మే నెలలో రూ. 12500 చెల్లిస్తామని జగన్ హామీ ఇచ్చారు. 

విశాఖలో జగన్ పాదయాత్ర 
విశాఖపట్నం జిల్లాలో జగన్ పాదయాత్ర కొనసాగిస్తున్నారు. ప్రజా సంకల్పయాత్రలో భాగంగా సోమవారం నర్సీపట్నం నియోజకవర్గం ధర్మసాగరం క్రాస్ నుంచి యాత్ర ప్రారంభించారు. చిరు జల్లులు కురుస్తున్నా యాత్ర కొనసాగించారు. ధర్మసాగరం వద్ద జగన్‌ను మాజీ ఎమ్మెల్యే కంబా రవిబాబు కలిసి గిరిజనుల సమస్యలు వివరించారు. ఇదే గ్రామంలో తామరంకు చెందిన నర్సింగ్ విద్యార్థినులు సమావేశమయ్యారు. జగన్ దృష్టికి దివ్యాంగులు తమ సమస్యలు తెలిపారు. నర్సీపట్నం నియోజకవర్గంలో పాదయాత్ర పూర్తి చేసుకుని పాయకరావుపేట నియోజకవర్గంలోకి ప్రవేశించారు. పాదయాత్రలో జగన్‌ను రైతులు, కూలీలు, విద్యార్థులు కలసి తమ సమస్యలు చెప్పుకున్నారు.

కేరళకు జగన్ ఆపన్నహస్తం
విశాఖపట్నం, ఆగస్టు 20: భారీ వర్షాలు, వరదలతో అతాలకుతలమైన కేరళకు వైఎస్సార్ కాంగ్రెస్ పార్టీ అధ్యక్షుడు జగన్‌మోహన్‌రెడ్డి ఆపన్నహస్తం అందించారు. తన తరఫున, పార్టీ తరఫున కేరళ వాసులకు కోటి రూపాయల విరాళం ప్రకటించారు. కేరళ ముఖ్యమంత్రి సహాయనిధికి ఈ విరాళాన్ని వైఎస్సార్‌సీపీ పంపనుంది. ఎడతెగని వర్షాలతో ఛిన్నాభిన్నమైన కేరళ పరిస్థితిపై జగన్ ఆవేదన వ్యక్తం చేశారు. కేరళ వరద విపత్తు హృదయాన్ని కలిచివేస్తోందని ఇటీవల ట్విటర్‌లో పేర్కొన్నారు. కష్టకాలంలో తన ప్రార్థనలు, ఆలోచనలు కేరళ ప్రజల వెంటే ఉంటాయని పేర్కొన్నారు. కాగా కేరళ వరద బాధితులకు వివిధ రాష్ట్ర ప్రభుత్వాలు భారీ సాయం అందజేశాయి. ప్రజా ప్రతినిధులు, అధికారులు, ఉద్యోగులు, సినీ రంగ ప్రముఖులు విరాళాలు ప్రకటించారు. ఏపీ సీఎం చంద్రబాబు నాయుడు ప్రభుత్వం తరపున ఇప్పటికే రూ.10కోట్లు ప్రకటించిన సంగతి తెలిసిందే. 



చంద్రబాబు హామీలు మరిచారు

Updated By ManamSun, 08/19/2018 - 00:55
  • నర్సీపట్నం అభివృద్ధి హామీ ఏమైంది?.. తాగునీరు లేక ఇబ్బంది పడుతున్నారు

  • నీరుచెట్టు పేరుతో టీడీపీ నేతల అవినీతి.. ప్రజా సంకల్పయాత్రలో జగన్ ఫైర్ 

jaganనర్సీపట్నం: ముఖ్యమంత్రి చంద్రబాబు నాయుడు, మంత్రి అయ్యన్నపాత్రుడు నర్సీపట్నం నియోజకవర్గ ప్రజలకు ఇచ్చిన ఎన్నికల హామీలను మరిచారని వైఎస్సార్ కాంగ్రెస్ పార్టీ అధ్యక్షుడు, ప్రతిపక్ష నేత వైఎస్ జగన్‌మోహన్‌రెడ్డి అన్నారు. ప్రజా సంకల్పయాత్రలో భాగంగా శనివారం విశాఖపట్నం జిల్లా నర్సీపట్నంలో జరిగిన  బహిరంగ సభలో పాల్గొన్నారు. ధర్మసాగరం ప్రాంతంలో సెజ్ (ప్రత్యేక ఆర్థిక మండలి) ఏర్పాటు చేసి నియోజకవర్గ ప్రజలకు పరిశ్రమలు, ఉద్యోగాలు కల్పిస్తానన్న చంద్రబాబు హామీ ఏమైందని జగన్ ప్రశ్నించారు. నర్సీపట్నంను అభివృద్ధి చేసి మోడల్ టౌన్‌గా తీర్చిదిద్దుతానన్న హామీని టీడీపీ ప్రభుత్వం తుంగలో తొక్కిందని విమర్శించారు. నీరుచెట్టు కార్యక్రమం పేరుతో నియోజకవర్గంలోని చెరువుల్లో పూడిక తీసి మట్టిని అమ్ముకుంటున్నారని ఆరోపించారు. చెరువులను తాటిచెట్టు లోతున తవ్వేసి మట్టికి డబ్బులు వసూలు చేస్తూ టీడీపీ నేతలు కోట్ల రూపాయల అవినీతికి పాల్పడుతున్నారని ధ్వజమెత్తారు. నర్సీపట్నం ప్రజల తాగునీటి అవసరాలు తీర్చడానికి 20 ఏళ్ల కిందట మొదలైన ప్రాజెక్టు ద్వారా నేటికీ నీరు అందుబాటులోకి రాలేదని అన్నారు. తుప్పుపట్టిన పైపులతో బురద నీరు వస్తోందని, నర్సీపట్నం ప్రజలు తాగునీరు లేక తీవ్ర ఇబ్బందులు పడుతున్నారని జగన్ ఆవేదన వ్యక్తం చేశారు. నర్సీపట్నం నియోజకవర్గంలోని నాతవరం మండలం మెట్టపాలెం క్రాస్ రోడ్డు నుంచి జగన్ పాదయాత్ర ప్రారంభించారు. బలిఘట్టం మీదుగా పాదయాత్ర చేసిన తర్వాత నర్సీపట్నంలో ఏర్పాటు చేసిన బహిరంగ సభలో జగన్ పాల్గొన్నారు. 

కేరళ విపత్తు కలిచివేస్తోంది: జగన్
భారీ వరదలు, ఎడతెగని వర్షాలతో ఛిన్నాభిన్నమైన కేరళ పరిస్థితిపై జగన్‌మోహన్‌రెడ్డి ఆవేదన వ్యక్తం చేశారు. కేరళ వరద విపత్తు హృదయాన్ని కలిచివేస్తోందని ఆయన ట్వీట్ చేశారు. ఈ కష్టకాలంలో తన ప్రార్థనలు, ఆలోచనలు కేరళ ప్రజల వెన్నంటే ఉంటాయని అన్నారు. విపత్తుతో తల్లిడిల్లుతున్న కేరళ ప్రజలకు సహాయ, పునరావాస చర్యల్లో కేంద్ర ప్రభుత్వం పూర్తి సహకారం అందించాలని కోరారు. 



వైసీపీకి మరో షాక్.. మాజీ ఎమ్మెల్సీ రాజీనామా..?

Updated By ManamSat, 08/18/2018 - 10:32

YSRCP అమరావతి: తూర్పుగోదావరి జిల్లాలో వైసీపీకి మరో షాక్ తగలనుంది. ఆ పార్టీకి చెందిన మాజీ ఎమ్మెల్సీ కందుల దుర్గేశ్ వైసీపీకి గుడ్‌ బై చెప్పేందుకు సిద్ధమైనట్లు తెలుస్తోంది. త్వరలోనే దుర్గేశ్ జనసేన తీర్థం పుచ్చుకోనున్నట్లు సమాచారం. కాపు రిజర్వేషన్ల విషయంలో జగన్ యూటర్న్ తీసుకోవడం వల్లే ఆయన ఈ నిర్ణయం తీసుకున్నట్లు సమాచారం. ఇప్పటికే పార్టీలోని ద్వితీయ శ్రేణి నేతలు వైసీపీని వీడి జనసేనలో చేరగా.. ఇప్పుడు దుర్గేశ్ కూడా పార్టీకి రాజీనామా చేసే యోచనలో ఉన్నారు.

అయితే దుర్గేశ్ ప్రస్తుతం వైసీపీ గ్రేటర్ రాజమహేంద్రవరం కో- ఆర్టినేటర్‌గా వ్యవహరిస్తుండగా.. రాజమహేంద్రవరం రూరల్ నుంచి టికెట్ ఆశిస్తున్నాడు. అయితే జగన్ ఆ టికెట్ ఆకుల వీర్రాజుకు ఇచ్చేందుకు సుముఖత వ్యక్తం చేయడంతో దుర్గేశ్‌ ఈ నిర్ణయం తీసుకున్నట్లు తెలుస్తోంది. త్వరలోనే తన రాజీనామా విషయాన్ని ప్రకటించే అవకాశం ఉన్నట్లు వార్తలు వినిపిస్తున్నాయి.



విశాఖలోకి జగన్ ఎంట్రీ

Updated By ManamTue, 08/14/2018 - 13:09

Jagan Mohan Reddyవిశాఖపట్నం: ఏపీ ప్రతిపక్షనేత, వైసీపీ అధినేత జగన్ మోహన్ రెడ్డి తలపెట్టిన ప్రజా సంకల్ప యాత్ర విశాఖపట్నం జిల్లాలోకి ప్రవేశించింది. ఈ రోజు ఉదయం తూర్పుగోదావరి జిల్లా నుంచి జగన్ పాదయాత్రను ప్రారంభించగా.. నర్సీపట్నం నియోజకవర్గ పరిధిలోని నాతవరం మండలం గన్నవరం మెట్టు గ్రామంలోకి అడుగుపెట్టడం ద్వారా విశాఖ జిల్లాలోకి ప్రవేశించారు. ఈ సందర్భంగా వైసీపీ నేతలు, కార్యకర్తలు ఆయనకు ఘన స్వాగతం పలికారు.

అనంతరం పార్టీ ఎంపీ విజయసాయి రెడ్డి, నేతలు గుడివాడ అమర్ నాథ్, వరదు కల్యాణి తదితరులు జగన్ పాదయాత్రలో పాల్గొన్నారు. కాగా మంగళవారం జగన్ పాదయాత్ర 237రోజుకు చేరింది. 



‘తూర్పు’న ముగిసిన పాదయాత్ర

Updated By ManamMon, 08/13/2018 - 23:54
  • నేడు విశాఖ జిల్లాలో వైఎస్ జగన్ అడుగు

  • 236వ రోజు కొనసాగిన ప్రజాసంకల్పయాత్ర

imageతుని: వైసీపీ అధినేత వైఎస్ జగన్మోహన్‌రెడ్డి తలపెట్టిన ప్రజాసంకల్ప యాత్ర తూర్పు గోదావరి జిల్లాలో సోమవారంతో ముగిసింది. మంగళవారం ఉదయం కాకరాపల్లి నుంచి ఒక కిలోమీటరు నడిచి విశాఖపట్నం జిల్లాలో అడుగుపెట్టనున్నారు. తొలుత నర్సీపట్నం నియోజకవర్గంలో పర్యటించనున్నారు. ప్రజాసంకల్ప యాత్రలో భాగంగా వైఎస్ జగన్ ఇప్పటివరకు 2719.6 కిలోమీటర్లు పాదయాత్ర పూర్తి చేశారు. సోమవారం తూర్పు గోదావరి జిల్లా తుని నియోజకవర్గంలోని డి.పోలవరం శివారులోని శిబిరం నుంచి ప్రారంభమైన జగన్ పాదయాత్ర తాటిపాక, బిల్లనందూరు క్రాస్, బొద్దవరం క్రాస్, జగన్నాథపురం, కోటనందూరు మీదుగా కాకరాపల్లి వరకు కొనసాగింది. సరిగ్గా రెండు నెలల క్రితం జూన్ 12న జగన్ రాజమండ్రి రోడ్డు కమ్ రైలు వంతెన మీదుగా తూర్పుగోదావరిలోకి ప్రవేశించారు. జిల్లాలోని మొత్తం 17 నియోజకవర్గాలలో 22 మండలాలు, 232 గ్రామాలు, 8 మున్సిపాలిటీలు, 2 కార్పొరేషన్లలో ఆయన పర్యటించారు.  15 చోట్ల బహిరంగ సభలు నిర్వహించారు. సోమవారం నాటి యాత్రలో పలువురు ఆయనకు వివిధ సమస్యలపై వినతి పత్రాలు అందజేశారు.

నేడు విశాఖలో అడుగు
విశాఖపట్నం: వైఎస్ జగన్ తలపెట్టిన ప్రజాసంకల్ప యాత్ర మంగళవారం విశాఖలో ప్రారంభం కానుంది. నాతవరం మండలం గన్నవరం మెట్టు వద్ద మంగళవారం ఆయన జిల్లాలో అడుగు పెట్టబోతున్నారు. అక్కడి నుంచి నర్సీపట్నం మీదుగా యాత్ర సాగనుంది. నాతవరంలో ఆయనకు ఘన స్వాగతం పలికేందుకు పార్టీ శ్రేణులు భారీ ఏర్పాట్లు చేస్తున్నాయి. ప్రజా సంకల్ప యాత్రలో భాగంగా ఈ నెల 18వ తేదీన నర్సీపట్నంలో సాయంత్రం 4 గంటలకు భారీ బహిరంగ సభ జరగనుంది. జిల్లాలో జరిగే తొలి సభకు పెద్ద ఎత్తున జన సమీకరణ చేసేందుకు పార్టీ శ్రేణులు శ్రమిస్తున్నాయి. 



234వ రోజు జగన్ యాత్ర సాగనుందిలా

Updated By ManamSat, 08/11/2018 - 09:28

jagan mohan reddyఅమరావతి: ఏపీ ప్రతిపక్ష నేత, వైసీపీ అధినేత వైఎస్ జగన్ మోహన్ రెడ్డి తలపెట్టిన ప్రజాసంకల్పయాత్ర 234వ రోజుకు చేరింది. యాత్రలో భాగంగా శనివారం ఉదయం తూర్పుగోదావరి జిల్లా రౌతులపూడిలో మండలంలోని డీజేపురం నుంచి పాదయాత్రను ప్రారంభించారు జగన్. అక్కడి నుంచి తుని మండలంలోని కొత్త వేలంపేట, సీతయ్యపేట, లోవకొత్తూరు, తల్లూరు జంక్షన్‌, జగన్నాథగిరి మీదుగా తుని వరకు జగన్ పాదయాత్ర కొనసాగించనున్నారు. సాయంత్రం తునిలో జరిగే భారీ బహిరంగ సభలో ప్రసంగించనున్న జగన్, రాత్రి అక్కడే బస చేయనున్నారు. యాత్రలో ప్రజలలో మమేకమౌతున్న జగన్, వారి నుంచి సమస్యలను వింటున్నారు.



భారతికి ఈ కేసులతో సంబంధమేంటి?

Updated By ManamFri, 08/10/2018 - 18:29
  • ఏపీ ప్రజలకు వైఎస్ జగన్ బహిరంగ లేఖ

ys bharathi named in ed chargesheet ...

హైదరాబాద్ : ఆంధ్రప్రదేశ్ రాష్ట్ర ప్రతిపక్ష నేత, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి శుక్రవారం రాష్ట్ర ప్రజలకు బహిరంగ లేఖ రాశారు.  ఈడీ కేసుల ఛార్జ్‌షీట్‌లో నిందితురాలిగా తన భార్య వైఎస్ భారతి పేరు ఉందంటూ కొన్ని వార్తా పత్రికల్లో వచ్చిన వార్తలపై ఆయన తీవ్రస్థాయిలో ఆగ్రహం వ్యక్తం చేశారు. ‘భారతికి ఈ కేసులతో సంబంధం ఏంటి?. ఆమెను కూడా కోర్టులకు తిప్పాలని చూస్తున్నారా?. ఛార్జ్‌షీట్‌‌ను న్యాయస్థానం పరిగణనలోకి తీసుకోకముందే పత్రికలకు ఎలా తెలిసింది. 

అంతేకాకుండా జడ్జి పరిగణనలోకి తీసుకోకముందే ఛార్జ్‌షీట్‌లో ఏముందో ఎవరికైనా ఎలా తెలుస్తుంది. మాక్కూడా తెలియకుండా బయటివారికి ఎలా తెలిసింది. మాపై బురద జల్లుతున్నారు. నామీదే కాకుండా మొత్తం నా కుటుంబసభ్యులను కూడా టార్గెట్ చేస్తున్నారు. సీబీఐ విచారణలో లేని అంశాలు ఇన్నేళ్ల తర్వాత ఈడీ ఛార్జ్‌షీట్‌ లోకి ఎలా వచ్చాయి.

ఈడీలో ముఖ్యమంత్రి చంద్రబాబు నాయుడు ఆదేశాల మేరకు పనిచేసే ఇద్దరు అధికారులు ఉన్నారు. ఆ అధికారుల కాల్ డేటాను పరిశీలిస్తే అన్ని విషయాలు వెలుగులోకి వస్తాయి. ఈ వేధింపులపై ఇప్పటికే ప్రధానమంత్రికి ఫిర్యాదు చేశాం. పగలు కాంగ్రెస్‌తో కాపురం...రాత్రి బీజేపీతో సంసారం చేయడం చంద్రబాబు నైజం. అన్ని అంశాలు ప్రజలకు తెలియాలనే బహిరంగ లేఖ రాస్తున్నా.’ అని ఆ లేఖలో పేర్కొన్నారు.



జీవీఎల్, జగన్‌పై బుద్దా వెంకన్న ఫైర్

Updated By ManamThu, 08/09/2018 - 19:18

Ys jagan mohan reddy, TDP MLC Buddha venkanna, GVL Narasimha rao, Rajya sabha Deputy chairman అమరావతి: యూటర్న్ తీసుకోవడంలో వైఎస్సార్ సీపీ అధ్యక్షుడు, ఏపీ ప్రతిపక్ష నేత వైఎస్ జగన్ సిద్ధహస్తుడని టీడీపీ ఎమ్మెల్సీ బుద్దా  వెంకన్న వ్యాఖ్యానించారు. గురువారం ఆయన విలేకరులతో మాట్లాడుతూ.. యూటర్న్ బోర్డులు ఉన్న చోట జగన్ ఫొటో పెట్టాలని ఎద్దేవా చేశారు. బీజేపీకి వ్యతిరేకంగా ఓటెయాల్సి వస్తుందని రాజ్యసభ డిప్యూటీ చైర్మన్ ఎన్నికలో ఓటేయకుండా వైసీపీ తప్పించుకుందని బుద్దా విమర్శించారు. మరోవైపు గత కొద్దిరోజులుగా టీడీపీ ప్రభుత్వంపై బీజేపీ ఎంపీ జీవీఎల్ నర్సింహారావు తీవ్రస్థాయిలో విమర్శలు గుప్పిస్తున్న సంగతి తెలిసిందే.

జీవీఎల్ విమర్శలపై కూడా బుద్దా వెంకన్న తీవ్రస్థాయిలో ధ్వజమెత్తారు. జీవీఎల్ పెద్ద పవర్ బ్రోకర్‌ని విమర్శించారు. జీవీఎల్ అవినీతి సంపాదన చిట్టా తన దగ్గర ఉందన్నారు. జీవీఎల్ అవినీతి నిరూపించలేకపోతే రాజకీయాలతో పాటు రాష్ట్రం నుంచి బయటకు వెళ్లిపోతానని స్పష్టం చేశారు. 



14నుంచి విశాఖలో ప్రజాసంకల్పయాత్ర

Updated By ManamWed, 08/08/2018 - 18:55
  • ఆగస్టు 14న విశాఖలోకి పాదయాత్ర

  • అనకాపల్లి పార్లమెంటు పరిధిలో ఖరారు

  • నర్సీపట్నంలో ప్రజా సంకల్పయాత్ర షురూ

  • జగన్ దృష్టికి ప్రజా సమస్యలు: అమర్నాథ్

 

ys jagan padayatra

విశాఖపట్నం : వైఎస్సార్ కాంగ్రెస్ పార్టీ అధినేత, ప్రతిపక్ష నాయుకుడు వైఎస్ జగన్ మోహన్ రెడ్డి చేపట్టిన ప్రజాసంకల్పయాత్ర ఈ నెల 14న విశాఖ జిల్లాలో ప్రవేశించనుంది. ఈ సందర్భంగా జిల్లాలో వైఎస్ జగన్ పాదయాత్రపై  అనకాపల్లి పార్లమెంటు నియోజకవర్గ కన్వీనర్ గుడివాడ అమర్నాథ్ మీడియాతో మాట్లాడుతూ... తెలుగుదేశం పార్టీ ఎన్నో అలవికాని హామీలిచ్చి, ప్రజలను మభ్యపెట్టి అధికారంలోకి వచ్చిందని, జగన్ యాత్రలో ఆయా హామీలను నమ్మి తాము ఎలా మోసపోయామో జనం చెపుతున్నారని అన్నారు.

వైఎస్ జగన్ పాదయాత్ర సందర్భంగా ప్రతి ప్రాంతంలో, ప్రతి జిల్లాలో స్థానికులు అనేక సమస్యలను ఆయన దృష్టికి తీసుకు వచ్చారని తెలిపారు. ఆయా సమస్యల మీద ఆయన తగిన విధంగా స్పందిస్తున్నారని, హామీలు ఇస్తున్నారని పేర్కొన్నారు. విశాఖ జిల్లాలో కూడా ప్రజలు తమ సమస్యలు పెద్ద ఎత్తున జగన్ దృష్టికి తెస్తారన్నారు.

విశాఖ జిల్లాలోని అనకాపల్లి పార్లమెంటు నియోజకవర్గం పరిధిలోని అసెంబ్లీ నియోజకవర్గాల్లో  వైఎస్ పర్యటన ప్రస్తుతానికి ఖరారైందన్నారు. నర్సీపట్నంలో ప్రారంభించి విశాఖ శివార్ల వరకూ ఆయన పర్యటన సాగుతుందని అమర్నాథ్ తెలిపారు. కాగా గత ఏడాది నవంబర్ 7న కడప జిల్లా ఇడుపులపాయ నుంచి వైఎస్ జగన్ ప్రజాసంలక్పయాత్రను ప్రారంభించారు. ప్రస్తుతం తూర్పుగోదావరి జిల్లాలో పాదయాత్ర కొనసాగుతోన్న విషయం తెలిసిందే. 



232వ రోజు ప్రారంభమైన జగన్ పాదయాత్ర

Updated By ManamWed, 08/08/2018 - 09:55

Jagan పత్తిపాడు: ఏపీ ప్రతిపక్ష నేత, వైసీపీ అధినేత వైఎస్ జగన్ మోహన్ రెడ్డి చేపట్టిన ప్రజాసంకల్పయాత్ర 232వ రోజు ప్రారంభమైంది. బుధవారం ఉదయం బి.బి.పట్నం క్రాస్‌ నుంచి తన పాదయాత్ర ప్రారంభించారు జగన్. అక్కడి నుంచి గిడిజాం, ఎస్‌ అగ్రహారం మీదుగా డీజే పురం వరకూ పాదయాత్ర వరకు సాగనుంది. రాత్రికి అక్కడే బస చేయనున్నారు. యాత్రలో ప్రజలతో మమేకమౌతున్న జగన్, వారి సమస్యలను తెలుసుకుంటున్నారు. కాగా జగన్ ఇప్పటివరకు 2,677.9 కిలోమీటర్లు నడిచారు.





Related News