Central govt

ఆ ఉద్దేశం కేంద్రానికి లేదు: జీవీఎల్

Updated By ManamMon, 10/29/2018 - 14:07

Central govt, President rule, GVL, GVL Narasimha Rao, AP CM, Chandrababu Naidu, TDP, YSRCP, Ys Jagan mohan Reddyఢిల్లీ: ఆంధ్రప్రదేశ్‌లో రాష్ట్రపతి పాలన పెట్టే ఉద్దేశం కేంద్రానికి లేదని బీజేపీ రాజ్యసభ సభ్యుడు జీవీఎల్ నరసింహారావు అన్నారు. ఢిల్లీలో ఏపీ సీఎం చంద్రబాబు నాయుడు అబద్దాలు చెప్పే ప్రయత్నం చేశారని ఆయన విమర్శించారు. సోమవారం జీవీఎల్ ఢిల్లీలో మీడియాతో మాట్లాడుతూ.. ఏపీలో రాష్ట్రపతి పాలన పెట్టే ఉద్దేశం కేంద్రానికి లేదన్నారు. ఎలాగో ఆరు నెలల్లో ప్రజలే టీడీపీని ఇంటికి పంపుతారని ఎద్దేవా చేశారు.

కేంద్ర దర్యాప్తు సంస్థతో విచారణ జరిపించాలని వైసీపీ కోరుతుంటే టీడీపీ మాత్రం వద్దనడం దారుణమన్నారు. తన వద్ద అన్ని వివరాలు ఉన్నాయని చంద్రబాబు అంటున్నారని, ఇన్వెస్టిగేషన్ వివరాలు సీఎం వద్ద ఉండటమేంటి? అని ఆయన ప్రశ్నించారు. జగన్‌పై దాడి ఆయన్ను చంపాడానికే అని పోలీసులు రిపోర్ట్‌లో రాశారని ఈ సందర్భంగా ఆయన గుర్తు చేశారు. జగన్‌పై దాడి వల్ల ఎవరికి లాభం అనేది విచారణ జరపాలని జీవీఎల్ డిమాండ్ చేశారు. 



'కక్షసాధింపు కోసమే ఐటీ దాడులు'

Updated By ManamMon, 10/08/2018 - 21:12

Nara Lokesh babu, Central govt, IT Raidsఅమరావతి: ఆంధ్రప్రదేశ్‌ రాష్ట్రంపై కక్షసాధించేందుకే కేంద్ర ప్రభుత్వం ఐటీ దాడులు జరిపిందని మంత్రి నారా లోకేష్ ఆరోపించారు. గతంలో ఎప్పుడూ కూడా రాష్ట్రంలో భారీ స్థాయిలో ఐటీ దాడులు జరగలేదని అన్నారు. సోమవారం ఆయన మాట్లాడుతూ.. 19 బృందాలు, 200 మంది సిబ్బంది రావడం వల్లే తమకు అనుమానం వస్తోందని చెప్పారు. ఇదే విషయంలోనే మంత్రివర్గ సమావేశంలోనూ చర్చించామని తెలిపారు. కేంద్ర ప్రభుత్వం కక్షపూరితంగా వ్యవహరిస్తోందనే విషయం తెలుస్తోందన్నారు.

గతంలో ఐటీ దాడులు జరిగినా తాము స్పందించలేదన్నారు. రాష్ట్రంలో పెట్టుబడులు పెట్టేవారిపై దాడులు జరపడం వారిని బయపెట్టడం కాదా? అని ప్రశ్నించారు. రాష్ట్ర అభివృద్ధిని అడ్డుకోవటం కాదా? అని లోకేశ్ ప్రశ్నించారు. రాష్ట్ర అభివృద్ధి కోసం సీఎం చంద్రబాబు కష్టపడుతుంటే ఇబ్బందులు పెట్టడం సరికాదన్నారు. 



'రాష్ట్రంలో ఏ పార్టీతో పొత్తు ఉండదు‌'

Updated By ManamTue, 09/04/2018 - 21:30
  • రఫెల్ డీల్ ద్వారా రిలయన్స్‌కు మోదీ ప్రభుత్వం  లబ్ది చేకూర్చింది 

  • కర్ణాటక మాజీ ముఖ్యమంత్రి, ఎంపీ వీరప్ప మొయిలీ ఆరోపణ 

Veerappa Moily, BJP, Narendra modi, Central govt, Rafale deal, Reliance Anil Ambani groupవిజయవాడ: కేంద్రంలోని న‌రేంద్ర మోదీ ప్రభుత్వం అన్ని రంగాలలో ఘోరంగా విఫలమైందని, రఫెల్ ఒప్పందం ద్వారా రిలయన్స్‌కు లబ్ది చేకూర్చిందని కర్ణాటక మాజీ ముఖ్యమంత్రి, ఎంపీ వీరప్ప మొయిలీ ఆరోపించారు. మంగ‌ళ‌వారం ఆంధ్రర‌త్నభ‌వ‌న్‌లో  ఏర్పాటు చేసిన మీడియా స‌మావేశంలో రాజ్యస‌భ స‌భ్యలు  కె.వి.పి రామ‌చంద్రరావుతో క‌లిసి మాట్లాడారు. రక్షణరంగంలో ఇటువంటి ఒప్పందాల ద్వారా దేశ సమగ్రతకు ఇబ్బంది కలుగుతోందన్నారు. కాంట్రాక్టు 12 రోజుల ముందు అనిల్ అంబానీ కంపెనీ ఏర్పాటు చేశాడని విమర్శించారు. రూ.61 వేల కోట్ల కాంట్రాక్టును రిలయన్స్ కంపెనీ చేజిక్కుంచు కోవడంలో మోదీ కీలకపాత్ర పొషించాడని ఆరోపించారు.

ఎటువంటి అనుభవం లేని రిలయన్స్ కంపెనీకి ఈ కాంట్రాక్టు ఇవ్వడం రక్షణ రంగాన్ని నిర్వీర్యం చేయడమేనని విమర్శించారు. 126 హెలికాప్టర్లను దేశ రక్షణ కోసం కొనుగోలు చేయడానికి రక్షణ రంగం ఆమోదించింది. రాఫెల్ డీల్ ద్వారా అవినీతి ఒప్పందానికి  కేంద్రం తెరతీసిందని దుయ్యబట్టారు. మోదీ మౌనం దేనికి సంకేతం అని మొయిలీ ప్రశ్నించారు. రఫెల్ స్కాంపై ఏఐసీసీ అధ్యక్షులు రాహుల్ గాంధీ విచారణ జరపాలని ప్రభుత్వాన్ని కోరారని చెప్పారు. ఏఐసీసీ ఆదేశాల మేర‌కు ఆంధ్రప్రదేశ్ కాంగ్రెస్ క‌మిటీ అధ్వర్యంలో రాష్ట్రంలో అన్ని జిల్లా కేంద్రంలో  సెప్టెంబరు 12న జిల్లా కలెక్టర్ల ద్వారా  రాష్ట్రప‌తి కాంగ్రెస్ నాయకులు మెమోరాండం అందిస్తారన్నారు.

అదేవిధంగా సెప్టెంబరు 24న గవర్నర్ ద్వారా కాంగ్రెస్ తరుపున మెమోరాండం రాష్ట్రప‌తి ఇస్తార‌న్నారు. 2019 సార్వత్రిక ఎన్నిక‌ల్లో  రాష్ట్రంలో ఏ పార్టీతో కూడా ఎన్నికల పొత్తు ఉండదని స్పష్టం చేశారు. టీడీపీతో పొత్తు అనేదే ఉండదన్నారు. కాంగ్రెస్ ఒంటరిగానే పొటీ చేస్తోందని సృష్టం చేశారు. మీడియా స‌మావేశం అనంత‌రం ఆంధ్రప్రదేశ్ కాంగ్రెస్ క‌మిటీ నేతలు వీరప్ప మొయిలీని ఘ‌నంగా స‌న్మానించారు.   



తెలంగాణ కొత్త జోనల్‌కు కేంద్రం ఆమోదం

Updated By ManamThu, 08/30/2018 - 15:52
  • ఆమోదం తెలిపిన రాష్ట్రపతి రామ్‌నాద్ కోవింద్ 

  • గెజిట్ విడుదల చేసిన కేంద్ర హోం శాఖ

  • రాష్ట్రంలో ఏడు జోన్లు, రెండు మల్టీ జోన్లు 

Telangana New zonal, Central govt, CM Kcr, President, PM Narendra modi, Multi zonesన్యూఢిల్లీ: తెలంగాణ కొత్త జోన్ల ఏర్పాటుకు రాష్ట్రపతి ఆమోదం తెలిపారు. ఈ మేరకు కేంద్రం తాజాగా గురువారం గెజిట్‌ విడుదల చేసింది. రాష్ట్రపతి రామ్‌నాథ్ కోవింద్ సంతకం అనంతరం 7 జోన్లు, 2 మల్టీ జోన్లకు కేంద్ర హోంశాఖ గెజిట్‌ను విడుదల చేసింది. కేంద్రం తాజా ప్రకటన నేపథ్యంలో త్వరలోనే కొత్త జోనల్ వ్యవస్థకు సంబంధించి రాష్ట్ర ప్రభుత్వం గెజిట్ నోటిఫికేషన్ వెలువరించే అవకాశం ఉంది. తెలంగాణ జోనల్‌ విధానానికి ఆమోదం నిమిత్తం సీఎం కేసీఆర్‌ ఇటీవల ఢిల్లీ పర్యటించిన సంగతి తెలిసిందే. ఈ సందర్భంగా కేసీఆర్ ప్రధాని నరేంద్రమోదీని కలిసి ఈ అంశంపై చర్చించారు. దాంతో ఎన్నాళ్ల నుంచో అపరిష్కృతంగా ఉన్న నూతన జోనల్‌ వ్యవస్థకు ప్రధాని మోదీ ఆమోద ముద్ర వేశారు. సీఎం కేసీఆర్‌తో సమావేశమైన తర్వాత ఇందుకు సంబంధించిన దస్త్రంపై మోదీ సంతకం చేసినట్లు అధికార వర్గాలు వెల్లడించాయి. జోనల్ వ్యవస్థలో జిల్లా, జోనల్, మల్టీ జోనల్ ఉద్యోగాల్లో 95శాతం స్థానిక రిజర్వేషన్ కల్పించారు. 

5 శాతం మాత్రమే ఓపెన్ క్యాటగిరీ ఉంటుంది. స్థానికులు మెరిట్ సంపాదించుకొని ఓపెన్ క్యాటగిరీలో ఉద్యోగం పొందే అవకాశం కల్పించారు. రాష్ట్ర క్యాడర్‌ను రద్దు చేయడంతో 5 శాతం ఓపెన్ క్యాటగిరీలోనూ తెలంగాణలోని 31 జిల్లాలకు చెందిన నిరుద్యోగులు మాత్రమే దరఖాస్తు చేసుకునే అవకాశం ఉంది. తద్వారా రాష్ట్రంలోని ఉద్యోగాలన్నీ పూర్తిగా స్థానికులకే దక్కనున్నాయి. కొత్త జోనల్ వ్యవస్థకు ఆమోదంతో స్థానికులకే 95 శాతం ఉద్యోగాలు దక్కనున్నాయి. 1వ తరగతి నుంచి 7వ తరగతి వరకు నాలుగేళ్లు ఎక్కడ చదివితే అదే స్థానికతగా పరిగణిస్తారు. మరోవైపు కొత్తగా దాదాపు 50 వేల ఉద్యోగాల భర్తీకి రాష్ట్ర ప్రభుత్వం నోటిఫికేషన్లు సిద్ధం చేస్తున్నట్టు సమాచారం. కాగా, తెలంగాణలో కొత్త జోన్ల ఏర్పాటకు రాష్ట్రపతి రామ్‌నాథ్ కోవింద్, ప్రధాని నరేంద్రమోదీ ఆమోదం తెలపడంపై రాష్ట్ర ముఖ్యమంత్రి కేసీఆర్ హర్షం వ్యక్తం చేశారు. ప్రధాని మోదీకి, రాష్ట్రపతికి కేసీఆర్ కృతజ్ఞతలు తెలిపారు.  

తెలంగాణ కొత్త జోన్లు ఇవే.. 
తెలంగాణ జోన్లు: కాళేశ్వరం, బాసర, రాజన్న, భద్రాద్రి, చార్మినర్, యాదాద్రి, జోగులాంబ.
తెలంగాణ మల్టీ జోన్లు: యాదాద్రి, కాళేశ్వరం. 
కాళేశ్వరం జోన్: భూపాల పల్లి, మంచిర్యాల, ఆసిఫాబాద్, పెద్దపల్లి జిల్లాలు
బాసర జోన్: ఆదిలాబాద్, నిర్మల్, నిజామాబాద్, జగిత్యాల జిల్లాలు
రాజన్న సిరిసిల్ల జోన్: కరీంనగర్, సిద్దిపేట, సిరిసిల్ల, కామారెడ్డి, మెదక్ జిల్లాలు
భద్రాద్రి జోన్: కొత్తగూడెం, ఖమ్మం, మహబూబ్‌నగర్,వరంగల్ రూరల్, వరంగల్ అర్బన్ జిల్లాలు
యాదాద్రి జోన్: సూర్యాపేట, నల్గొండ, యాదాద్రి, జనగామ జిల్లాలు
చార్మినార్ జోన్: హైదరాబాద్, రంగారెడ్డి, మేడ్చల్, సంగారెడ్డి
జోగులాంబ గద్వాల జోన్: మహబూబ్ నగర్, వనపర్తి, గద్వాల నాగర్ కర్నూల్, వికారాబాద్ జిల్లాలు

కాళేశ్వరం మల్టీ జోన్: బాసర, రాజన్న, కాళేశ్వరం, భద్రాద్రి. 
యాదాద్రి మల్టీ జోన్: జోగులాంబ, యాదాద్రి, చార్మినార్  



వాజ్‌పేయి మృతికి సంతాపంగా సెలవు

Updated By ManamThu, 08/16/2018 - 20:07
  • 7 రోజులు సంతాప దినాలుగా ప్రకటించిన కేంద్రం

  • కాలేజీ, స్కూళ్లకు సెలవు ప్రకటించిన ఢిల్లీ ప్రభుత్వం 

Holiday declared tomorrow condolences to Atal bihari Vajpee's deathన్యూఢిల్లీ: మాజీ ప్రధాని అటల్ బిహారి వాజ్‌పేయి మృతికి 7 రోజుల పాటు సంతాప దినాలుగా కేంద్రం ప్రకటించింది. వాజ్‌పేయి మృతికి సంతాపంగా జెండా అవనతం చేయాలని కేంద్రం సూచనలు చేసింది. మరోవైపు  వాజ్‌పేయి మృతికి సంతాపంగా శుక్రవారం ఢిల్లీ ప్రభుత్వం సెలవు ప్రకటించింది. ఈ నేపథ్యంలో శుక్రవారం ఢిల్లీలో కాలేజీలు, స్కూళ్లకు సెలవును ప్రభుత్వం ప్రకటించింది. 



కరుణ కోసం కేంద్రం కీలక నిర్ణయం!

Updated By ManamWed, 08/08/2018 - 14:27

Central Govt Takes Key Decision For Karunanidhi

  • మెరీనా బీచ్ వద్ద ఆర్మీని దింపిన కేంద్రం

చెన్నై: కరుణను కడసారి చూసేందుకు అభిమానులు, డీఎంకే కార్యకర్తలు, నేతలు తరలివస్తున్నారు. ఒక్క తమిళనాడు నుంచే కాకుండా దేశం నలుమూలల నుంచి చెన్నైకి వస్తున్నారు. ఈ క్రమంలో ఎలాంటి అవాంఛనీయ సంఘటనలు జరగకుండా చూసుకునేందుకు పోలీసులు భారీ బందోబస్తు ఏర్పాటు చేశారు. మరోవైపు కేంద్ర ప్రభుత్వం.. కరుణ అంత్యక్రియలు జరిగే మెరీనా బీచ్‌ వద్ద ఆర్మీని రంగంలోకి దింపింది. ఇప్పుడిప్పుడే సైనిక వాహనాలు చెన్నైకు చేరుకుంటున్నాయి. కాగా.. ప్రధాని, కేంద్ర హోం మంత్రితో స్టాలిన్ మాట్లాడారని ఆయన విజ్ఞప్తి మేరకు కేంద్ర బలగాలను చెన్నైకి రప్పిస్తున్నట్లు తెలుస్తోంది. అంత్యక్రియల స్థల వివాదంపై కేంద్రంలోని ఇద్దరు పెద్దలు జోక్యం చేసుకోవడంతోనే మద్రాస్ హైకోర్టు మెరీనా బీచ్‌లో జరపడానికి గ్రీన్ సిగ్నల్ ఇచ్చిందని సమాచారం.

ఇదిలా ఉంటే.. రాజాజీ హాల్ వద్ద అభిమానుల తాకిడి భారీగా ఉంది. దీంతో కొందరు కార్యకర్తలు గోడలపైగా.. గేట్లుపైగా దూకిలోనికి వచ్చేందుకు ప్రయత్నాలు చేయడంతో పోలీసులు వారిని చెదరగొట్టారు. ఈ క్రమంలో కొందరు కార్యకర్తలపై లాఠీచార్జ్ చేయడం జరిగింది. సుమారు 40మందికి పైగా డీఎంకే కార్యకర్తలకు గాయాలయ్యాయని సమాచారం.



'పవన్‌కు కౌంటర్ ఇచ్చిన ఎంపీ కేశినేని '

Updated By ManamSun, 07/29/2018 - 11:02

MP Kesineni nani, Central govt, PM Narendra modi, Pawan Kalyanఅమరావతి: ఏపీ, చంద్రబాబును టార్గెట్‌ చేసుకొని ప్రధాని నరేంద్ర మోదీ-అమిత్ షా కుట్ర పన్నుతున్నట్టు విజయవాడ ఎంపీ కేశినేని నాని ఆరోపించారు. ఈ కుట్రలో గవర్నర్, తెలంగాణ ముఖ్యమంత్రి కేసీఆర్‌ ఇద్దరూ భాగస్వాములేనని విమర్శించారు. ఆదివారం ఆయన మీడియాతో మాట్లాడుతూ కేంద్రంపై తీవ్ర స్థాయిలో ధ్వజమెత్తారు. రాష్ట్రం విషయంలో కేంద్రం చేస్తున్న మోసం మరోసారి బయటపడిందన్నారు. రైల్వేజోన్ ఇస్తామన్న రాజ్‌నాథ్‌ సింగ్ ప్రకటనకు విరుద్ధంగా కేంద్రం సుప్రీంకోర్టులో అఫిడవిట్ దాఖలు చేసిందని ఆగ్రహం వ్యక్తం చేశారు. అవిశ్వాసం పెట్టి వారం రోజులు గడవక ముందే మోదీ ఏపీ ప్రజలను మోసం చేశారని దుయ్యబట్టారు. నిన్నటి దాకా రైల్వే జోన్ అంశం పరిశీలిస్తున్నామని చెప్పి నేడు సాధ్యం కాదని అఫడవిట్ వేయడం ఎంతవరకు సమంజసమో చెప్పాలన్నారు.

తాజా అఫడవిట్‌పై రేపటి నుంచి జరిగే పార్లమెంట్ సమావేశాల్లో కేంద్రాన్ని నిలదీస్తామని చెప్పారు. ఏపీకి ఇచ్చిన హామీలు నెరవేర్చేవరకు కేంద్రాన్ని వదిలిపెట్టమని స్పష్టం చేశారు. జనసేన అధ్యక్షుడు పవన్ కల్యాణ్‌కు అసలు రైతులు అంటే తెలుసా? అని ప్రశ్నించారు.  నాలుగు రోజులు రోడ్ల మీద తిరిగి 40 రోజులు హైదరాబాద్‌లో ఉండే వ్యక్తి పవన్ కల్యాణ్‌ని ఎద్దేవా చేశారు. రైతులకు న్యాయం చేస్తున్న చంద్రబాబుపై పవన్ పోరాటం చేయడం కంటే.. ఏపీ హక్కుల సాధన కోసం మోదీపై పోరాటం చేయడం మంచిదని కేశినేని నాని హితవు పలికారు. పవన్‌కళ్యాణ్ సీరియస్ పొలిటీషియన్ కాదని.. ఆయన వ్యాఖ్యలను తీవ్రంగా తీసుకోవాల్సిన అవసరం లేదన్నారు. నాగపూర్ జనాభా కంటే విజయవాడ జనాభా ఎక్కువని చెప్పారు. నాగపూర్‌లో మెట్రో మంజూరుకు లేని ఇబ్బంది విజయవాడకు ఎందుకు వచ్చిందని నాని కేంద్రాన్ని ప్రశ్నించారు. 



కేకే మాకు మద్దతివ్వండి..: టీడీపీ ఎంపీలు

Updated By ManamSun, 07/15/2018 - 20:18

TDP MPS Mets TRS MP Kesava Rao Over No Motion On Central Govt

హైదరాబాద్: ఏపీకి జరిగిన అన్యాయాన్ని దేశంలోని అన్ని పార్టీల ముఖ్యనేతలకు వివరించి కేంద్రంపై యుద్ధం ప్రకటించేందుకు టీడీపీ సన్నాహాలు చేసింది. ఈ క్రమంలో టీఆర్ఎస్ ఎంపీలను.. టీడీపీ ఎంపీలు ఎంపీలు సుజనాచౌదరి, కొనకళ్ల నారాయణ, నిమ్మల కిష్టప్ప, శ్రీరామ్ మాల్యాద్రి కలిసి పార్లమెంట్‌లో కేంద్రంపై అవిశ్వాసం పెట్టేందుకు మద్దతు ఇవ్వాలని కోరారు.

ఎంపీలతో సమావేశం అనంతరం కేశవరావు మీడియాతో మాట్లాడుతూ.. ఏపీకి అన్యాయం జరిగిన నేపథ్యంలో కేంద్రంపై అవిశ్వాసతీర్మానం పెట్టేందుకు మా మద్దతు కావాలని కోరారు. ఈ విషయమై టీఆర్ఎస్ ముఖ్యనేతలంతా కలిసి చర్చించుకుని ఓ నిర్ణాయానికి వస్తామని బదులిచ్చాం. విభజన హామీలను రెండు తెలుగు రాష్ట్రాలకు కేంద్రం అమలు చేసి తీరాల్సిందే. ఇది రెండు రాష్ట్రాలకు చెందిన అంశం" అని ఆయన చెప్పుకొచ్చారు.



చంద్రబాబు చివరి ప్రయత్నం ఫలించేనా?

Updated By ManamSun, 07/15/2018 - 19:39

Will Chandrababu Success Final Attempt On Centre

అమరావతి: ఏపీకి కేంద్రం ఇచ్చిన విభజన హామీలు, నిధులు రాబట్టుకునే విషయంలో సీఎం చంద్రబాబు నాయుడు మరో అడుగుముందుకేశారు. త్వరలో చివరి పార్లమెంట్ సమావేశాలు జరగనుండటంతో కేంద్రంపై ఆఖరి అస్త్రం వదిలేందుకు సీఎం సిద్ధమయ్యారు. మొదట జాతీయ స్థాయి పార్టీ నేతల మద్దతు కూడగట్టుకునే పనిలో టీడీపీ ఎంపీలు నిమగ్నమయ్యారు. ఇందుకు ఎంపీలతో కూడిన ఆరు బృందాలను చంద్రబాబు తయారుచేశారు. ఈ క్రమంలో టీడీపీకి చెందిన ఎంపీలందరూ 18పార్టీల నేతలను కలవనున్నారు. ప్రత్యేక హోదా, విభజన హామీలపై టీడీపీ పోరాటానికి మద్దతు కోరనున్నారు. చంద్రబాబు లేఖలను ఆయా పార్టీల నేతలకు ఎంపీలు అందజేయనున్నారు. 

టీఎంసీ, బీజేడీ, ఆప్, ఎస్ఏడీ నేతలను సుజనా చౌదరి, అవంతి శ్రీనివాస్, జేసీ, మాల్యాద్రి కలవనున్నారు. సీపీఎం, సీపీఐ, శివసేన, ఎన్సీపీ నేతలను తోట నర్సింహం, మాగంటిబాబు, రవీంద్రబాబు కలుస్తారు. డీఎంకే, ఏఐడీంకే, జేడీఎస్, ఎస్పీ, బీఎస్పీ నేతలను సీఎం రమేశ్, టీజీ వెంకటేశ్, మురళీ మోహన్ కలవనున్నారు. జేడీయూ, ఆర్జేడీ, ఎల్జేపీ నేతలను గల్లా జయదేవ్, గరికపాటి మోహన్‌రావు, రవీంద్ర, టీఆర్ఎస్, ఎంఐఎం, కేరళ కాంగ్రెస్ నేతలను అశోక్ గజపతిరాజు, నారాయణ, నిమ్మలకిష్టప్ప, ఎన్.శివప్రసాద్ కలవనున్నారు. ఎన్ఎల్డీ, రాష్ట్రీయ లోక్‌దళ్, ఎస్డీఎఫ్, ఆర్పీఐ, మిగతా లెఫ్ట్ పార్టీలను రామ్మోహన్ నాయుడు, బుట్టా రేణుక, సీతారామలక్ష్మి కలిసి ఏపీకి జరిగిన అన్యాయాన్ని వివరించనున్నారు. అంతేకాదు అవసరమైతే పార్లమెంట్‌లో అవిశ్వాస తీర్మానం పెట్టాలని కూడా ఇదివరకే ఎంపీలకు చంద్రబాబు సూచించారు. అయితే చంద్రబాబు చేస్తున్న ఈ ఆఖరి ప్రయత్నం ఎంతమేరకు సక్సెస్ అవుతుందో వేచి చూడాల్సిందే మరి.



పోలవరంపై ఇంకా అభ్యంతరాలు, అనుమానాలు!

Updated By ManamWed, 07/11/2018 - 19:20

Central govt Still Arguments and Doubts On Polavaram project

పోలవరం: కేంద్ర మంత్రి నితిన్ గడ్కరి పోలవరం పనుల పరిశీలనకు ఏపీకి వచ్చారు. ఈ సందర్భంగా ఏపీ  సీఎం చంద్రబాబుతో కలిసి సుమారు అరగంటపాటు పనులను పరిశీలించారు. పనుల పురోగతిని కేంద్రమంత్రికి బాబు వివరించడం జరిగింది. కేంద్ర మంత్రి రాకతో ఓ వైపు టీడీపీ.. మరోవైపు బీజేపీ వేర్వేరుగా వేదికలను ఏర్పాటు చేసి ఒకరిపై మరొకరు దుమ్మెత్తిపోసుకున్నారు.

ఈ సందర్భంగా సీఎం చంద్రబాబు మాట్లాడుతూ.. 2019 డిసెంబర్ నాటికి డెడ్‌లైన్ పెట్టుకున్నామని  టార్గెట్‌గా పెట్టుకొని పనులు చేస్తున్నామన్నారు. ఫిబ్రవరి నాటికి కాంక్రీట్ పనుల్ని పూర్తిచేస్తామన్నారు. మెజార్టీ పనులన్నీ ఏప్రిల్ కల్లా పూర్తి చేసేలా ప్రణాళికలు చేస్తున్నామన్నారు. డీపీఆర్-2ను కూడా వీలైనంత త్వరగా క్లియర్ చేయాలని కేంద్రాన్ని ఈ సందర్భంగా బాబు కోరారు. 2013 చట్టం ప్రకారం ఖర్చు అంచనాలు పెరిగాయన్నారు. సవరించిన అంచనాల ప్రకారం పోలవరానికి రూ. 57,940 కోట్లు అవసరమని కేంద్రమంత్రికి బాబు వివరించారు. భూ సేకరణకు రూ. 33వేల కోట్లు అవసరమన్నారు. పెండింగ్‌లో ఉన్న నిధులన్ని విడుదల చేయాలని ఈ సందర్భంగా బాబు కేంద్ర మంత్రికి వివరించారు. కాగా బాబు మాట్లాడుతున్నంత సేపు గడ్కరీ తథేకంగా ఆయనవైపే చూడసాగారు.

నితిన్ గడ్కరీ మాట్లాడుతూ..
"
పోలవరం ఏపీకే కాదు దేశానికి కీలకమైన ప్రాజెక్ట్. పోలవరం ప్రాజెక్టు రైతులకు కొత్త జీవితాన్నిస్తుంది. పోలవరం పూర్తి చేసేందుకు కేంద్రం కట్టుబడి ఉంది. ప్రాజెక్టు పనులు చాలా వేగంగా జరుగుతున్నాయి. పోలవరం ఏపీకే కాదు.. దేశానికి కీలకమైన ప్రాజెక్ట్. పనులు పూర్తి చేసేందుకు నిధుల్ని అడ్వాన్స్‌గా చెల్లించాలని సీఎం కోరారు. పోలవరం పూర్తి చేయడానికి ప్రధాని మోదీ కట్టుబడి ఉన్నారు. ప్రాజెక్ట్ ఏపీకి కొత్త జీవితాన్నిస్తుంది.

త్వరగా పూర్తి చేయాలని కాంట్రాక్టర్‌ను కోరాము. భూసేకరణ, పరిహారం కోసం నిధులు చెల్లించాలంటే ఫైనాన్స్ కమిషన్ అనుమతి కావలి. పోలవరం భూసేకరణ ఖర్చు దాదాపు రెట్టింపు అయింది. పోలవరం ప్రాజెక్ట్‌ను కేంద్రం చాలా ప్రతిష్టాత్మకంగా తీసుకుంది. ప్రాజెక్ట్ వేరు.. రాజకీయాలు వేరు. ప్రాజెక్టును పూర్తి చేసే విషయంలో ఎలాంటి రాజకీయాలకు తావు లేదు. ముందుగా గిరిజనులకు పరిహారం విషయాన్ని సెటిల్ చేయాల్సి ఉంది. కేంద్ర, రాష్ట్ర అధికారులు మూడు రోజుల పాటు ఇక్కడే మకాం వేసి సమస్యలను పరిష్కరించాలని సూచించాను. పెరిగిన ప్రాజెక్టు అంచనాను ఆర్థిక శాఖకు పంపిస్తాము. నీటి సదుపాయం ఉంటే ఎంతమేలు జరుగుతుందో నాకు తెలుసు" అని కేంద్ర మంత్రి నితిన్ గడ్కరీ స్పష్టం చేశారు.

మొత్తానికి చూస్తే.. పోలవరం విషయంలో కేంద్రం ఎలాంటి హామీలివ్వకపోగా కొర్రీలు పెట్టడం గమనార్హం. తాజా డీపీఆర్‌పై అభ్యంతరాలు, అనుమానాలు కేంద్రం వ్యక్తం చేయడమేంటో అర్థం కాని పరిస్థితి. కనీసం అడ్వాన్స్ ఇచ్చేందుకు కూడా కేంద్రం ముందుకురాకపోవడం విచిత్రం. ఇవన్నీ అటుంచితే పునరావసంపై కూడా గడ్కరీ అనుమానాలు వ్యక్తం చేశారు. 2013 భూసేకరణ చట్టం ప్రకారం ప్యాకేజీ భారం పెరిగిందని సీఎం చంద్రబాబు కేంద్రానికి విన్నవించుకున్నా ఎలాంటి ఫలితం లేకపోయిందన్నది స్పష్టంగా అర్థమవుతోంది. పెరిగిన ప్యాకేజీతో పాటు సేకరించిన భూమి కూడా పెరుగుతోందని గడ్కరీ.. సీఎం బాబునే నిలదీయడాన్ని పలువురు విశ్లేషకులు తీవ్రంగా వ్యతిరేకిస్తున్నారు.





Related News