Uttam kumar reddy

కాంగ్రెస్‌కు 75 నుంచి 80 సీట్లు

Updated By ManamWed, 08/15/2018 - 17:35
  • కేసీఆర్ చెబుతున్నవన్నీ అబద్ధాలే

  • సెప్టెంబర్‌లో అభ్యర్థుల ప్రకటన

  • పొత్తులపై సీనియర్లతో చర్చించాకే నిర్ణయం

Uttam Kumar Reddy

హైదరాబాద్ : రాష్ట్ర అభివృద్ధి గురించి ముఖ్యమంత్రి కేసీఆర్ చెబుతున్నవన్నీ అబద్ధాలేనని తెలంగాణ పీసీసీ అధ్యక్షుడు ఉత్తమ్‌కుమార్ రెడ్డి అన్నారు. ఏఐసీసీ అధ్యక్షుడు రాహుల్ గాంధీ పర్యటనతో పార్టీలో కొత్త ఉత్సాహంతో పాటు తమలో ఐక్యత పెంచిందన్నారు. వచ్చే ఎన్నికల్లో కాంగ్రెస్ పార్టీకి 75 నుంచి 80  సీట్లు ఖాయమని ఆయన ధీమా వ్యక్తం చేశారు.  కాంగ్రెస్ పార్టీలో భేదాభిప్రాయాలు సహజమని, అవన్నీ త్వరలోనే సర్థుకుపోతాయన్నారు.  

సెప్టెంబర్‌లోనే అభ్యర్థులను ప్రకటిస్తామని, ఇందుకోసం ఓ కమిటీని ఏర్పాటు చేయనున్నట్లు తెలిపారు. దానికోసం కసరత్తు ప్రారంభమైందన్నారు. అలాగే పొత్తులపై ఇంకా ఎలాంటి నిర్ణయం తీసుకోలేదని, సీనియర్లతో చర్చించిన తర్వాతే నిర్ణయం తీసుకుంటామని ఉత్తమ్ కుమార్ రెడ్డి తెలిపారు. రాష్ట్రంలో కాంగ్రెస్ పార్టీ పనితీరుపై రాహుల్ సంతృప్తి వ్యక్తం చేశారన్నారు. మరో రెండు, మూడు రోజుల్లో కాంగ్రెస్ బస్సుయాత్ర ప్రారంభిస్తామని పేర్కొన్నారు.



’అధికారంలోకి వస్తే రూ.3వేల నిరుద్యోగభృతి‘

Updated By ManamTue, 08/14/2018 - 17:26
  • తెలంగాణలో వచ్చేది కాంగ్రెస్ ప్రభుత్వమే...

  • ఎన్నికలు ఎప్పుడైనా కాంగ్రెస్‌దే విజయం

  • కాంగ్రెస్ అధికారంలోకి వస్తే రూ.3వేల నిరుద్యోగ భృతి

హైదరాబాద్: ఎన్నికలు ఎప్పుడు జరిగిన తెలంగాణలో వచ్చేది కాంగ్రెస్ ప్రభుత్వమేనని టీపీసీసీ అధ్యక్షుడు ఉత్తమ్ కుమార్ రెడ్డి ధీమా వ్యక్తం చేశారు. కాంగ్రెస్ విద్యార్థి-నిరుద్యోగ గర్జన సభలో ఆయన మాట్లాడుతూ.. తెలంగాణ రాష్ట్రం ఏర్పడటానికి విద్యార్థులే కీలకం అని అన్నారు. ఎప్పుడు ఎన్నికలు వచ్చినా కాంగ్రెస్‌దే విజయమన్న ఆయన తాము అధికారంలోకి రాగానే నిరుద్యోగులకు నెలకు రూ.3వేల నిరుద్యోగ భృతి ఇస్తామని ప్రకటించారు.  

తమ ప్రభుత్వం ఏర్పడ్డాక సక్రమంగా ఫీజు రీయింబర్స్‌మెంట్ అమలు చేస్తామన్నారు. గతంలో ఫీజు రీయింబర్స్‌మెంట్ సకాలంలో జరిగేవన్నారు. అధికారంలోకి వచ్చిన టీఆర్ఎస్...విద్యార్థులను పట్టించుకోలేదన్నారు. రాష్ట్రం కోసం 12వందల మంది విద్యార్థులు బలిదానం చేసుకున్నారన్నారు. ఇక తెలంగాణ ప్రభుత్వం ఇంటికో ఉద్యోగం కాదు కదా...ఊరుకో ఉద్యోగం కూడా ఇవ్వలేకపోయిందని ఎద్దేవా చేశారు. అదే కేసీఆర్ కుటుంబంలో నలుగురికి ఉద్యోగాలు దొరికాయని విమర్శించారు. 



తెలంగాణ కోటి ఎకరాల మాగాణి కావాలి!

Updated By ManamWed, 08/01/2018 - 14:08

minister ktr tour in nizamabad

నిజామాబాద్: తెలంగాణ కోటి ఎకరాల మాగాణి కావాలని సీఎం కేసీఆర్ సంకల్పించారన్నారని మంత్రి కేటీఆర్ చెప్పుకొచ్చారు. కాంగ్రెస్, టీడీపీ బాసులు ఢిల్లీ, అమరావతిలో ఉన్నారని.. టీఆర్ఎస్ నాయకులు తెలంగాణలోనే ఉన్నారని.. గడ్డం పెంచుకునే వాళ్లు సన్యాసుల్లో కలిసిపోతారని మంత్రి కేటీఆర్ చెప్పుకొచ్చారు. జిల్లాలోని బహిరంగ సభలో మాట్లాడిన ఆయన ప్రతిపక్ష పార్టీలపై తీవ్ర విమర్శలు గుప్పించారు. పేదలు, వృద్ధులకు పెన్షన్లు ఇస్తున్నందుకు కేసీఆర్‌ను గద్దె దించాలా..? అని కేటీఆర్ ఈసందర్భంగా ప్రతిపక్షాలకు సూటి ప్రశ్న సంధించారు. తెల్ల రేషన్ కార్డున్న కుటుంబాల్లో ఆడపిల్లలకు పెళ్లి కానుక.. గర్భిణులకు కేసీఆర్ కిట్లు, రైతులకు రైతు బంధు, ఉచిత భీమా ఇస్తున్నామని ఈ సందర్భంగా ఆయన గుర్తు చేశారు. అయితే 55 ఏళ్లు పాలించిన వాళ్లు తెలంగాణకు ఏం చేశారు..? రోడ్డు బాలేదు.. మోరీ బాలేందంటున్న కాంగ్రెస్ సర్కార్ అప్పుడంతా ఏంచేసిందని విమర్శలు గుప్పించారు.

సాంకేతిక పరిజ్ఞానం హైదరాబాద్, ఢిల్లీకే పరిమితం కాదని మంత్రి చెప్పారు. మన హక్కుగా రావాల్సిన నీటిని సాధించుకుని వచ్చే దీపావళి కల్లా ఇంటింటికీ మంచి నీళ్లు అందిస్తామన్నారు. నాలుగేళ్లలో నిజామాబాద్‌కు రూ. 400 కోట్లు కేటాయించామని కేటీఆర్ స్పష్టం చేశారు. ఈ ఏడాది 1.12 లక్షల ఉద్యోగాల భర్తీ చేస్తున్నామని.. ఐటీ హబ్‌తో రాష్ట్రానికి 1.20 లక్షల కోట్ల పెట్టుబడి పెడుతున్నారని మంత్రి చెప్పుకొచ్చారు. ఐటీ ఎగుమతులు లక్ష కోట్లకు చేరాలని లక్ష్యంగా పెట్టుకున్నామని కేటీఆర్ తెలిపారు.



'గజ్వెల్‌లో కేసీఆర్‌ను ఓడించాలి'

Updated By ManamMon, 07/30/2018 - 20:56

Uttam kumar reddy, Congress party leaders, defeat CM Kcrహైదరాబాద్: గజ్వెల్ నియోజకవర్గంలో నాయకులంతా కలిసికట్టుగా పనిచేసి తెలంగాణ రాష్ట్ర ముఖ్యమంత్రి కేసీఆర్‌ను ఓడించాలని టీపీసీసీ అధ్యక్షులు ఉత్తమ్ కుమార్ రెడ్డి పిలుపునిచ్చారు. సోమవారం ఆయన గాంధీభవన్‌లో తనను కలవడానికి వచ్చిన గజ్వెల్ కాంగ్రెస్ నాయకులతో భేటీ అయ్యారు. టీపీసీసీ మేధావుల ఫోరం చైర్మన్ అనంతుల శ్యామ్ మోహన్; కాంగ్రెస్ రాష్ట్ర నాయకులు బండారు శ్రీకాంత్, జశ్వంత్ రెడ్డి, మంగోల్ శ్రీనివాస్ గౌడ్‌లతో పాటు వందలాది మంది నాయకులతో సమావేశమయ్యారు.

ఈ సందర్భంగా ఉత్తమ్ మాట్లాడుతూ.. గజ్వెల్ కాంగ్రెస్ కార్యకర్తలు, నాయకులు చాలా శ్రమ పడుతున్నారని, పార్టీ విజయానికి మరింత శ్రమించాలని అన్నారు. శక్తి ఆప్‌లో గజ్వెల్ నియోజకవర్గంలో పెద్ద  ఎత్తున చేర్పించాలని ఆయన కోరారు. కాంగ్రెస్ పార్టీ విజయానికి శక్తి ఆప్ చాలా కీలకమని ఉత్తమ్ సూచించారు. 



‘రాఫెల్ ’ కొనుగోళ్లలో అవినీతి

Updated By ManamThu, 07/26/2018 - 01:40
  • ధరలలో గోప్యత ఎందుకు?

  • దేశ భద్రతకు ముప్పు ఎలా

  • భారీ కుంభకోణం కనుకే రహస్యం

  • ఉత్తమ్ కుమార్ రెడ్డి ఆరోపణ

uttamహైదరాబాద్: రాఫెల్ యుద్ధ విమానాల కొనుగోలులో భారీ కుంభకోణం జరిగిందని పీసీసీ అధ్యక్షుడు ఉత్తమ్ కుమార్ రెడ్డి, రాష్ట్ర వ్యవహారాల ఇంఛార్జ్ ఆర్‌సీ కుంతియా ఆరోపించారు. తాను ఓ పైలట్‌నని, యుద్ధ విమనాలు సైతం నడిపానని ఉత్తమ్ చెప్పారు. బుధవారం నాడు ఉత్తమ్, కుంతియా గాంధీభవన్‌లో విలేకరులతో మాట్లాడారు. యుద్ధ విమానాల ధరలు తెలపడం వల్ల దేశభద్రతకు ఎలాంటి ముప్పు ఉండదని, వాటి పనితీరు, సామ ర్థ్యం, ఇతర సాంకేతిక వివరాలను మాత్రమే గోప్యంగా ఉంచుతారని చెప్పారు. గతంలో ఎప్పడు కూడా యుద్ధ విమానాల కొనుగోలు ధర విషయంలో రహస్యాన్ని పాటించలేదని ఉత్తమ్ స్పష్టంచేశారు. కాంగ్రెస్ హయాం లో రాఫెల్ ఒప్పందం 16,940 కోట్లకు జరిగితే, దాన్ని మోడీ 61,135 కోట్లకు పెంచింది నిజం కాదా అని నిలదీశారు. ఎయిర్ క్రాఫ్ట్ తయారీ కాంట్రాక్ట్‌ను మెచ్‌ఐ ఎల్‌కు కాకుండా రియలన్స్‌కు ఎలా ఇచ్చారో చెప్పాలని డిమాండ్ చేశారు. ఒక్కో విమానానికి 585 కోట్లు అయ్యేదానికి 1670 కోట్లు రిలయన్స్‌కు ఎలా చెల్లిస్తారని ఉత్తమ్ ప్రశ్నించారు. విమానాల తయారీలో రిలయన్స్ కు ఏమాత్రం అనుభంలేదన్నది నిజం కాదా అన్నారు. ఈ ఒప్పందం రహస్యం అనడంలోనే అవకతవలు జరి గినట్లు అర్థమవుతుందని కుంతియా విమర్శించారు. 

నియోజక వర్గంలో ఎలా ఉంది?
కాంగ్రెస్ తప్ప ఇతర పార్టీల ఎమ్మెల్యేలు ఉన్న నియోజక వర్గాల్లో పార్టీ పరిస్థితి, ఎమ్మెల్యేపై ప్రజల్లో ఎలాంభి అభిప్రాయం ఉంది. ఆయన పనితీరు ఎలా ఉంది, ప్రభుత్వంపై ప్రజల వైఖరి ఎలా ఉంది,  నియోజక వర్గంలో అన్ని పార్టీల బలబలాలు ఎలా ఉన్నాయి, స్థానికంగా ఎక్కువ ప్రభావితం చేస్తున్న అంశాలు వంటి వాటిపై లోతుగా పరిశీలించి నివేదికలు ఇవ్వాలని నాయకులను, కార్యకర్తలను ఉత్తమ్ కుమార్ రెడ్డి, ఆర్సీ కుంతియా, ఏఐసిసి కార్యదర్శులు ఆదేశిం చారు. గాంధీభవన్‌లో హైదరాబాద్, సికింద్రాబాద్, మెదక్, చేవెళ్ళ పార్లమెంటరీ నియోజక వర్గాల స్థాయి నాయకులు, కార్యకర్తలతో వీరు సమావేశమయ్యారు. వారం పాటు పూర్తిగా నియోజక వర్గాల్లోనే ఉంది, అన్ని అంశాలను నిశితంగా పరిశీలించి నివేదిక ఇవ్వాలని కోరారు. ఎల్.డి.ఎం.ఆర్.సి నియోజక వర్గాలు, కాంగ్రెస్ సిట్టింగ్ నియోజక వర్గాలు మినహా అన్ని నియోజక వర్గాల్లో సమన్వయకర్తలను నియమించినట్లు ఉత్తమ్ తెలిపారు. అన్ని నియోజక వర్గాల్లో శక్తి యాప్ నమోదు కార్యక్రమం పెద్ద ఎత్తున చేపట్టాలని సూచించారు. నియోజక వర్గాల్లో సమావేశాలు నిర్వహించే సమయంలో డీసీసీ అధ్యక్షుల కు సమాచారం ఇవ్వడంతో పాటు, సంబంధితులం దరినీ పిలవాలని కోరారు. నియోజక వర్గ కోఆర్డినే టర్లకు నిర్వహించాల్సిన బాధ్యతలను ఏఐసిసి ఇంఛార్జ్ కార్యదర్శి బోసు రాజు వివరించారు. ప్రభుత్వ వైఫల్యా లను, స్థానిక ఎమ్మెల్యేల పనితీరును ప్రజల్లోకి తీసుకుపోవాలని, కాంగ్రెస్‌ను గెలిపించాల్సిన అవసరా న్ని ప్రజలకు వివరించాలని కోరారు.



కేసీఆర్, మోదీ దోస్తీ బయటపడింది

Updated By ManamSat, 07/21/2018 - 23:36
  • కేంద్రానికి అన్నింటా టీఆర్‌ఎస్ మద్దతు

  • ప్రజల్ని మోసగించేందుకే మండలాల.. ప్రస్తావన: టీపీసీపీ చీఫ్ ఉత్తమ్

uttamహైదరాబాద్: లోక్‌సభలో అవిశ్వాస తీర్మానం సమయంలో ప్రధాన మంత్రి నరేంద్ర మోదీ, తెలంగాణ సీఎం కేసీఆర్ మధ్య ఉన్న దోస్తీ బట్టబయలైందని టీపీసీసీ అధ్యక్షుడు ఉత్తమ్ కుమార్ రెడ్డి అన్నారు. ప్రధాని మోదీకి కేసీఆర్ ఏజెంట్‌గా పని చేస్తున్నారని ఆరోపించారు. శనివారం ఆయన గాంధీభవన్‌లో విలేకరులతో మాట్లాడుతూ మొదటి నుంచి మోదీ తీసుకునే అన్ని నిర్ణయాలను కేసీఆర్ మద్దతు ఇస్తున్నారని, రాష్ట్ర శాసన సభలోనూ మోదీని విమర్శించవద్దని చెప్పిన ఘనత ఆయనకే దక్కిందని ఎద్దేవా చేశారు. టీడీపీని చూసి కేసీఆర్ బుద్ధి తెచ్చుకోవాలన్నారు. ఏపీకి ప్రత్యేక హోదా కావాలని గతంలో డిమాండ్ చేసిన కేసీఆర్, కవిత ఇప్పుడు ఎందుకు మద్దతు ఇవ్వలేదో చెప్పాలన్నారు. విభజన చట్టంలో పేర్కొన్న అనేక అంశాలు ఇంకా తెలంగాణకు రాకున్నా ఎందుకు ప్రశ్నించడంలేదన్నారు. తెలంగాణకు మోదీ ప్రభుత్వం అన్ని విధాలుగా అన్యాయం చేస్తున్నా ఎందుకు నోరు మోదపడంలేదని ఉత్తమ్ నిలదీశారు. ప్రజలను మరోసారి మోసం చేసేందుకే విలీన మండలాల ప్రస్తావన తీసుకువచ్చారని అన్నారు. కేసీఆర్ ముఖ్యమంత్రి అయ్యాకే ఏడు మండలాలను, సీలేరు విద్యుత్ ప్రాజెక్ట్‌ను ఏపీలో కలిపారని, నాలుగున్నర సంవత్సరాల తరువాత ఈ విషయం టీఆర్‌ఎస్‌కు ఇప్పుడు ఎందుకు గుర్తుకు వచ్చిందని అన్నారు. విలీనం జరిగినప్పుడే ఎందుకు ప్రశ్నించలేదని ఉత్తమ్ విమర్శించారు. ఏపీ ప్రజల ప్రయోజనాలకు ఎవరు అడ్డుపడుతున్నారో ఇక్కడ ఉన్న సెటిలర్స్ గుర్తుంచుకోవాలని ఉత్తమ్ విజ్ఞప్తి చేశారు. టీఆర్‌ఎస్‌కు ఓటు వేస్తే అది బీజేపీకి వేసినట్లేనని చెప్పారు. సభలో రాహుల్ చేసిన ప్రసంగం అద్భుతంగా ఉందని ఉత్తమ్ ప్రశంసించారు. రాష్ట్ర కాంగ్రెస్ తరపున ఆయన రాహుల్‌కు అభినందనలు తెలిపారు. 

సభలో మోదీ ఎన్నికల ప్రసంగం: పొంగులేటి
అవిశ్వాస తీర్మానం సందర్భంగా లోక్‌సభలో ప్రధాన మంత్రి నరేంద్ర మోదీ ప్రసంగం ఎన్నికల ప్రసంగాన్ని తలపించిందని శాసన మండలిలో కాంగ్రెస్ పక్ష ఉప నాయకుడు పొంగులేటి సుధాకర్‌రెడ్డి విమర్శించారు. మోదీ సొంత డబ్బా కొట్టుకున్నారన్నారని చెప్పారు. రాహుల్ గాంధీ ప్రస్తావించిన ఏ ఒక్క దానికి ప్రధాని సమాధానం చెప్పలేదని మండిపడ్డారు. విభజన హామీలను అమలు చేయాలని పొంగులేటి డిమాండ్ చేశారు. రాహుల్ గాంధీ పరిణితి చెందిన నాయకుడిలా ప్రవర్తించారని ప్రశంసించారు. అవిశ్వాసంపై కేసీఆర్ ఎందుకునోరు విప్పలేదో ప్రజలకు చెప్పాలని డిమాండ్ చేశారు. గల్లా జయదేవ్ విభజనను తప్పుపట్టడం సరికాదన్నారు. సభలో టీఆర్‌ఎస్ ఎంపీలు రాష్ట్ర ప్రయోజనాలను నిర్లక్ష్యం చేశారని విమర్శించారు.



ఉత్తమ్, జానాకు డిపాజిట్లు రాకుండా చేస్తా!

Updated By ManamMon, 07/16/2018 - 22:10

MiryalaGuda MLA Nallamothu Bhaskar Rao Sensational Comments On Congress Leaders Uttam and Janareddy

హైదరాబాద్: తెలంగాణ కాంగ్రెస్ సీనియర్ నేతలు ఉత్తమ్ కుమార్ రెడ్డి, జానారెడ్డి ఇటీవల నల్గొండ జిల్లా పర్యటనలో మంత్రి జగదీశ్ రెడ్డి, టీఆర్ఎస్ సర్కార్‌పై తీవ్ర వ్యాఖ్యలు చేసిన సంగతి తెలిసిందే. ఈ వ్యాఖ్యలు టీఆర్ఎస్ నేతలు తీవ్ర ఆగ్రహం వ్యక్తం చేస్తున్నారు. ఈ విషయంపై కాంగ్రెస్ పార్టీని వీడి కారెక్కిన మిర్యాలగూడ ఎమ్మెల్యే భాస్కర్ రావు స్పందించారు. "వచ్చేఎన్నికల్లో జగదీష్ రెడ్డి యాభై వేల మెజార్టీతో గెలుస్తారు. ఒక వేళ ఆయన గెలవకపోతే నల్గొండ జిల్లాకు చెందిన టీఆర్ఎస్ ఎమ్మెల్యేలందరూ రాజీనామాలు చేస్తాము. కాంగ్రెస్ పార్టీ నేతలు ఉత్తమ్ కుమార్ రెడ్డి, జానారెడ్డిలను ఓడించే బాధ్యతను పార్టీ నాకు అప్పగిస్తే వారికి డిపాజిట్ రాకుండా చేస్తాను. ఇచ్చిన మాట నెరవేర్చుకోకపోతే మెడలో చెప్పుల దండ వేసుకుని తిరుగుతాను" భాస్కర్ రావు సవాల్ విసిరారు. అయితే కాంగ్రెస్ సీనియర్ నేత కోమటిరెడ్డి వెంకటరెడ్డి గురించి భాస్కర్ రావు ఒక్క మాట కూడా మాట్లాడకుండానే తన ప్రసంగాన్ని ముగించడం గమనార్హం.

చెప్పులు మెడలో వేసుకుని తిరుగుతా..!
"
రాజకీయాల్లో ఉండేందుకు ఏమైనా ఫీట్ల లెక్కుందా? ఈ మాటలు జ్ఞానం ఉన్న మనుషులు మాట్లాడేవేనా? జగదీష్ రెడ్డి గారికి డిపాజిట్ కూడా రాదని కాంగ్రెస్ నేతలు అంటున్నారు! చాలెంజ్ చేసి చెబుతున్నా.. 50 వేల మెజార్టీ కన్నా తక్కువొస్తే నల్గొండ జిల్లాలో ఉన్న ఎమ్మెల్యేలందరం రాజీనామాలు చేస్తాం. నల్గొండ పార్లమెంట్ స్థానాలను కాంగ్రెస్ గెలుస్తుందా? జానా, ఉత్తమ్ కుమార్ రెడ్డిలను మేము ఓడించకపోతే చెప్పులు మెడలో వేసుకుని బజారులో తిరుగుతాను" అని ఎమ్మెల్యే అన్నారు.

కాగా.. ఈ మధ్య టీఆర్ఎస్-కాంగ్రెస్ నేతల మధ్య సవాళ్లు, మాటల యుద్ధం జరుగుతోంది. అయితే తాజాగా కాంగ్రెస్ నుంచి టీఆర్ఎస్‌లోని ఎమ్మెల్యే సంచలన వ్యాఖ్యలు చేయడంతో నేతలు ముక్కున వేలేసుకున్నారట. అంతేకాదు వామ్మో ఈయన మాములు స్పీడుగా లేడు కదా..? అంటూ టీఆర్ఎస్ నేతలు సైతం గుసగుసలాడుకుంటున్నారట.



జనాభా ప్రాతిపదికనే.. బీసీలకు రిజర్వేషన్లు

Updated By ManamThu, 07/12/2018 - 00:19
  • పీసీసీ చీఫ్ ఉత్తమ్‌కుమార్ రెడ్డి డిమాండ్.. కేసీఆర్‌ది కపటప్రేమ: షబ్బీర్ అలీ

  • అఖిలపక్షం ఏర్పాటు చేయండి: పొంగులేటి.. బీసీలకు అన్యాయం సీఎం అసమర్థతే: దాసోజు

uttham హైదరాబాద్: పంచాయితీరాజ్ ఎన్నికల్లో బీసీలకు జనాభా ప్రాతిపదికనే రిజర్వేషన్లు కల్పించాలని పీసీసీ అధ్యక్షుడు ఉత్తమ్ కుమార్ రెడ్డి డిమాండ్ చేశారు. టీఆర్‌ఎస్ ప్రభుత్వ తప్పుడు నిర్ణయాలను కోర్టులు తప్పు పడితే కాంగ్రెస్‌ను విమర్శించడమేంటని ప్రశ్నించారు. అమెరికా పర్యటన ముగించుకుని వచ్చిన ఉత్తమ్ కుమార్ రెడ్డి బుధవారం నాడు గాంధీభవన్‌లో విలేకరులతో ఇష్టాగోష్టిగా మాట్లాడారు. కాంగ్రెస్ ఎమ్మెల్యేలను శాసన సభ నుంచి సస్పెండ్ చేసి, పంచాయితీరాజ్ బిల్లును ఆమోదించుకున్న ప్రభుత్వం ఇప్పుడు నెపం మాపై ఎలా వేస్తుందన్నారు. కేసీఆర్ బీసీ వ్యతిరేక వైఖరి తీసుకున్నారని, అన్ని అబద్దాలే చెబుతున్నారని ఉత్తమ్ విమర్శించారు. బీసీల రిజర్వేషన్లపై కేసీఆర్ ఎందుకు అఖిల పక్ష సమావేశం నిర్వహించడంలేదని ప్రశ్నించారు. మరోవైపు, సీఎం కేసీఆర్ బీసీలపై కపట ప్రేమ కనబరుస్తున్నారని శాసన మండలిలో విపక్ష నేత షబ్బీర్ అలీ విమర్శించారు. పొంగులేటి సుధాకర్ రెడ్డితో కలిసి ఆయన అసెంబ్లీ మీడియా హాల్‌లో విలేకరులతో మాట్లాడారు. కోర్టులు ఎన్నిసార్లు మొట్టికాయలు వేసినా కేసీఆర్ ప్రభుత్వానికి బుద్దిరాదన్నారు. 2013లో బీసీలకు 34 శాతం రిజర్వేషన్ ఇచ్చేందుకు ఆ నాటి కాంగ్రెస్ ప్రభుత్వం కోర్టులను ఒప్పించిందన్నారు. 50 శాతం నిబంధన పక్కన పెట్టి 60 శాతం రిజర్వేషన్ అమలు చేశామన్నారు. పంచాయితీరాజ్ చట్టంపై కాంగ్రెస్ సలహాలు ఇస్తామన్నా అంగీకరించకుండా ఇప్పుడు మాపై నిందలు ఎలా వేస్తారని షబ్బీర్ ఆగ్రహం వ్యక్తం చేశారు. ఇంత పెద్ద సమస్యపై కోర్టులో వాదనలు జరుగుతుంటే అడ్వకేటు జనరల్ ఎందుకు హాజరు కాలేదో చెప్పాలన్నారు. తాను చెప్పిందే ఫైనల్ అనే కేసీఆర్ వైఖరి వల్లే కోర్టులో ఎదురు దెబ్బ తగిలిందని విమర్శించారు. రాష్ట్రంలో కేసీఆర్ స్వామ్యమే తప్ప ప్రజా స్వామ్యం లేదని పొంగులేటి సుదాకర్ రెడ్డి విమర్శించారు. కేసీఆర్‌కు బీసీల రిజర్వేషన్లపై చిత్తశుద్ది ఉంటే ఇప్పటికైనా అఖిలపక్ష సమావేశం ఏర్పాటు చేయాలని డిమాండ్ చేశారు.

సీఎం అసమర్థతే కారణం: దాసోజు
కేసీఆర్ అసమర్థత వల్లే బీసీలకు రిజర్వేషన్లు దక్కలేదని కాంగ్రెస్ ముఖ్య అధికార ప్రతినిధి దాసోజు శ్రవణ్ విమర్శించారు. రిజర్వేషన్లు కల్పించలేక, కాంగ్రెస్‌పై నిందలు వేయడం బట్టకాల్చి మీద వేయడమేనన్నారు. 1999లోనే బీసీలకు 34 శాతం రిజర్వేషన్ ఇచ్చారని, ఇప్పుడు కూడా అంతే పెడితే ఎలా అని ప్రశ్నించారు. బీసీలకు 52 శాతం రిజర్వేషన్ కల్పించాలని దాసోజు డిమాండ్ చేశారు. పంచాయితీ రాజ్ చట్టాన్ని సవరించి బీసీలకు రిజర్వేషన్లు పెంచాలని, ఇందు కోసం వెంటనే అసెంబ్లీని పిలవాలని కోరారు. బీసీ రిజర్వేషన్ల విషయం లో వర్గీకరణ పాటించాలని డిమాండ్ చేశారు. కేసు వేశారని కాంగ్రెస్‌ను నిందిస్తు న్న కేసీఆర్, ఈ కేసు వేసిన వారిలో టీఆర్ ఎస్‌కు చెందిన నాగర్‌కర్నూలు ఎంపీ టీసీ గోపాల్‌రెడ్డి కూడా ఉన్న విషయాన్ని ఎందుకు మరిచిపోయారని ప్రశ్నించారు.

దేవుడి భూములు ఆక్రమించారు: వీహెచ్ 
బాలాపూర్‌లో దేవుని భూములు ఆక్రమణలకు గురవుతుంటే ప్రభుత్వం ఏం చేస్తుందని రాజ్యసభ మాజీ సభ్యుడు వి.హన్మంతరావు ప్రశ్నించారు. ఈ భూముల విష యంలో వాస్తవాలు తెలుసుకునేందుకు తాను బాలాపూర్ వెళ్తున్నట్లు వీహెచ్ ప్రకటించారు. కబ్జాదారుల వెనుక ఎవరు ఉన్నారో బయటపెట్టాలన్నారు. కాంగ్రెస్‌పై ఆరోపణలు చేస్తున్న కేటీఆర్ ప్రభుత్వం భూములు కబ్జాకు గురవుతుంటే ఏంచేస్తున్నారని ప్రశ్నించారు. డి.శ్రీనివాస్ తిరిగి పార్టీలోకి రావొద్దని తాను అనలేదని వీహెచ్ స్పష్టంచేశారు. ఆయన చేరిక విషయాన్ని సంప్రదింపుల కమిటీ చూసుకుం టుందన్నారు. పార్టీకి ప్రయోజనం అనుకుంటే ఎవరినైనా పార్టీలో చేర్చుకుంటామన్నారు.



రేషన్ డీలర్లకు కాంగ్రెస్ అండ

Updated By ManamFri, 06/29/2018 - 22:37
  • సీఎం కేసీఆర్ క్రూరంగా ప్రవర్తిస్తున్నారు

  • వారి డిమాండ్లు వెంటనే పరిష్కరించాలి.. వజీర్‌ఖాన్ ఆత్మహత్య బాధ్యత సర్కారుదే

  • ఉపాధ్యాయ బదిలీల్లో భారీ అక్రమాలు.. ఇది ఉద్యోగుల ఫ్రెండ్లీ ప్రభుత్వం కాదు

  • మోదీ దేశ భద్రతను తాకట్టు పెట్టారు.. టీపీసీసీ చీఫ్ ఉత్తమ్‌కుమార్ రెడ్డి

Uttam Kumar Reddyహైదరాబాద్: రేషన్ డీలర్ల పట్ల ముఖ్యమంత్రి కేసీఆర్ క్రూరంగా ప్రవర్తిస్తున్నారని టీపీసీసీ అధ్యక్షుడు ఉత్తమ్‌కుమార్ రెడ్డి ఆరోపించారు. డీలర్ల న్యాయమైన డిమాండ్లను పరిష్కరించకుండా ప్రభుత్వం వారిని అణచివేస్తుందన్నారు. ముఖ్యమంత్రి నియోజక వర్గంలో ఆత్మహత్యాయత్నం చేసుకున్న రేషన్ డీలర్ వజీర్ ఖాన్ విషయంలో కేసీఆర్ బాధ్యత వహించాలన్నారు. ఆస్పత్రిలో చికిత్స పొందుతున్న వజీర్ ఖాన్‌ను ఉత్తమ్‌తో పాటు, మాజీ ఎంపీ పొన్నం ప్రభాకర్, అనిల్ యాదవ్ పరామర్శించారు. ఆయన ఆరోగ్యపరిస్థితిని అడిగి తెలుసుకున్నారు. వజీర్ ఖాన్ పరిస్థితి సీరియస్‌గా ఉండటంతో హైదరాబాద్ గాంధీ ఆస్పత్రికి తరలించారు.  డీలర్ల పోరాటానికి కాంగ్రెస్ అండగా ఉంటుందని ఉత్తమ్ ఈ సందర్భంగా ప్రకటించారు. ప్రభుత్వ నిర్వాకం వల్లే వజీర్ ఖాన్ ఆత్మహత్యాయత్నానికి పాల్పడ్డారన్నారు. తక్షణమే డీలర్లతో చర్చలు జరిపి సమస్యను పరిష్కరించాలని డిమాండ్ చేశారు. 

ఉద్యోగుల బదిలీల్లో అక్రమాలు
ఉద్యోగుల బదిలీల విషయంలో అక్రమాలు జరు గుతున్నాయని, ముఖ్యమంత్రి స్థాయిలోనే లాబీయింగ్ జరుగుతుందని ఉత్తమ్ కుమార్ రెడ్డి ఆరోపించారు. ఉద్యోగుల విషయంలో సీఎం నిర్లక్ష్యంగా వ్యవహ రిస్తున్నారని విమర్శించారు. బదిలీలు అన్ని ఉద్యోగులు కోరుకున్న విధంగానే ఉండాలన్నారు. ఉద్యోగ సంఘాల నాయకులు ప్రభుత్వం తరపున మాట్లాడుతున్నారని, ఇది ఉద్యోగుల ఫ్రెండ్లీ ప్రభుత్వం కాదని, ఉద్యోగ సంఘాల నాయకుల ఫ్రెండ్లీ ప్రభుత్వమన్నారు. తెలంగాణలో టీచర్ల నియామకాలు జరగలేదన్నారు. పక్క రాష్ట్రం ఏపీలో పది వేల మంది ఉపాధ్యాయులను రిక్రూట్ చేసుకున్నారని చెప్పారు. ఉద్యోగులు ప్రజల పక్షాన ఉండాలంటే, ప్రజల పక్షాన ఉన్న పార్టీలకు మద్దతుగా ఉండాలన్నారు.  ఉద్యోగుల హెల్త్ కార్డుల విషయంలో ప్రభుత్వం చెబుతున్నది ఒకటి, జరుగుతుందని మరొకటన్నారు. 2015 పీఆర్సీ వేతన బకాయిలను నగదు రూపంలో చెల్లించాలని డిమాండ్ చేశారు.

సర్జికల్ స్ట్రైక్స్ వీడియోలు బయటకు ఎలా వస్తాయి
అత్యంత రహస్యంగా ఉండాల్సిన సర్టిజకల్ స్ట్రైక్స్ వీడియోలు బయటకు ఎలా వచ్చాయని ఉత్తమ్ ప్రశ్నించారు. ఒక మాజీ సైనికుడిగా ఇవి తనకు ఎంతో ఆశ్చర్యానికి గురి చేశాయన్నారు. రాజకీయ లవ్ధి కోసమే కేంద్రం వీటిని బయటపెట్టిందన్నారు. నరేంద్ర మోదీ పబ్లిసిటీ కోసం దేశ భద్రతను తాకట్టు పెడుతున్నారని విమర్శించారు. వీటిని బయట పెట్టడం మంచిదికాదని, ఇవి దేశ ప్రయోజనాలకు విరుద్ధమన్నారు.



సవాలుకు ఓకే :ఉత్తమ్

Updated By ManamTue, 06/26/2018 - 00:43
  • సీఎం కేసీఆర్ సవాల్‌ను స్వీకరిసున్నం

  • అటు కేంద్రంలో, ఇటు రాష్ట్రంలో  ఎప్పుడు ఎన్నికలు వచ్చినా కాంగ్రెస్ సిద్ధమే

  •  ప్రభుత్వాన్ని గద్దె దించేందుకు పక్కాప్లాన్‌లు.. ఏఐసీసీ రాష్ట్ర వ్యవహారాల ఇంఛార్జ్ కుంతియా 

Uttam Kumar Reddyహైదరాబాద్: ముందస్తు ఎన్నికలకు ప్రతిపక్షాలు సిద్ధమా అని ముఖ్యమంత్రి కేసీఆర్ చేసిన సవాల్‌ను స్వీకరిస్తున్నట్లు పీసీసీ అధ్యక్షుడు ఉత్తమ్ కుమార్ రెడ్డి చెప్పారు. కేంద్రంలో, రాష్ట్రంలో ఎప్పుడు ఎన్నికలు వచ్చినా తాము సిద్ధంగా ఉన్నామని ఏఐసీసీ రాష్ట్ర వ్యవహారాల ఇంఛార్జ్ రామచంద్ర కుంతియా స్పష్టం చేశారు. సోమవారం నాడు గాంధీభవన్‌లో జరిగిన పీసీసీ సమావేశంలో  ఉత్తమ్ తో పాటు కుంతియా పాల్గొన్నారు. రాష్ట్రానికి కొత్తగా నియమించిన ఏఐసిసి కార్యదర్శులు బోసురాజు, సలీమ్ అహ్మద్, శ్రీనివాస కృష్ణన్ కూడా ఈ సమావేశంలో పాల్గొన్నారు. కేసీఆర్ సవాల్‌కు సై అంటూ ఉత్తమ్ అంతకు ముందు  ట్విట్ చేశారు. ఎన్నికలు డిసెంబర్‌లో, మేలో ఎప్పుడు వచ్చిన కాంగ్రెస్ సిద్దంగా ఉంటుందని ఉత్తమ్ స్పష్టం చేశారు. ముందస్తు ఎన్నికలు తెలంగాణ ప్రజలకు శుభవార్త అని తెరాస ప్రభుత్వాన్ని గద్దె దించేందుకు పూర్తి స్థాయిలో సన్నద్దంగా ఉన్నామని తెలిపారు. దానం నాగేందర్ టీఆర్‌ఎస్‌లో చేరిన సందర్భంగా ముఖ్యమంత్రి మందస్తు ఎన్నికలకు సిద్ధమేనా అని విపక్షాలకు సవాల్ విసిరారు. కేసీఆర్ ఈ రోజే గవర్నర్ వద్దకు వెళ్లి అసెంబ్లీని రద్దు చేయమని అడగవచ్చని, అందుకు ఎవరూ అభ్యంతర పెట్టరని ఉత్తమ్ చెప్పారు. కొత్తగా నియమించిన ఏఐసీసీ కార్యదర్శులకు ఒక్కొక్కరికి ఐదు నుంచి ఆరు  నియోజక వర్గాలకు బాధ్యులుగా నియమించినట్లు కుంతియా తెలిపారు. గ్రామ, మండల, నియోజక వర్గ స్థాయిలో పార్టీని బలోపేతం చేయడానికి, నాయకులు, కార్యకర్తల మధ్య సమన్వయం చేయడానికి వారికి ఈ బాధ్యతలు అప్పగించినట్లు కుంతియా విలేకరులతో చెప్పారు. ప్రతి నియోజక వర్గానికి ఒక ఇంఛార్జ్‌ని నియమించి అన్ని అంశాలపై నియోదిక తెప్పించుకుంటామన్నారు. టీఆర్‌ఎస్ బలహీనంగా ఉన్నందునే తమ పార్టీ నాయకులను చేర్చుకుంటున్నారని ఆరోపించారు. రాష్ట్రంలో కౌలు రైతులు 40శాతం ఉన్నారని, వారికి కూడా రైతుబంధు పథకం అమలు చేయాలని డిమాండ్ చేశారు. కేసీఆర్ ఏదో మాయ  చేసి ప్రజలను మభ్యపెట్టాలని చూస్తున్నారని విమర్శించారు. కాంగ్రెస్‌లో మొదటి నుంచి ఎస్సీ, ఎస్టీ, బీసీలకు పెద్ద పీట వేశామన్నారు. టీఆర్‌ఎస్‌లో ఒక బీసీకి అధ్యక్ష పదవి ఇచ్చే పరిస్థితిలేదన్నారు. ఈ విషయంలో పార్టీ మారిన దానం ఆరోపణలు సరికాదన్నారు. 

  కొత్తగా వచ్చిన ఏఐసీసీ కార్యదర్శులకు పార్లమెంట్ నియోజక వర్గాలతో పాటు ఒక్కొక్కరికి 40 అసెంబ్లీ నియోజక వర్గాలకు బాధ్యులుగా నియమించినట్లు ఉత్తమ్ తెలిపారు. కేంద్రంలో యుపిఏ ప్రభుత్వం ప్రవేశపెట్టిన పథకాలకే ఎన్డీఏ ప్రభుత్వం పేర్లు మారుస్తుందని  విమర్శించారు.  రాష్ట్ర బీజేపీ అధ్యక్షుడు లక్ష్మణ్ కూడా కాంగ్రెస్ పార్టీ నిర్వహించిన బస్సు యాత్రకు పేరు మార్చి జన చైనత్య యాత్ర చేస్తున్నారన్నారు. బీజేపీ పేర్లు మార్చే పార్టీనే తప్ప గేమ్ ఛేంజ్ చేసేది కాదన్నారు.  టీఆర్‌ఎస్ నాలుగు సంవత్సరాల నిరంకుశ పాలనతో అన్ని వర్గాల ప్రజలు విసిగిపోయారని ఉత్తమ్ చెప్పారు. దానం పార్టీని వీడటం బాధాకరమన్నారు.  కాంగ్రెస్ పార్టీ మాత్రమే సామాజిక న్యాయం చేస్తుందన్నారు. తప్పులు సర్వేలతో కేసీఆర్ చిల్లర మాటలు మాట్లాడుతున్నారని ఉత్తమ్ విమర్శించారు. మాటలు మార్చడం కేసీఆర్ బాగా అలవాటైందన్నారు.  పీసీసీ సమావేశంలో వి. హన్మంతరావు, సీఎల్పీ నేత జానా రెడ్డి, వర్కింగ్ ప్రెసిడెంట్ మల్లు భట్టి విక్రమార్క, డికే అరుణ, సబితా ఇంద్రా రెడ్డి, మల్లు రవి, కొత్తగా ఏఐసిసి కార్యదర్శిగా, మహారాష్ట్ర ఇంఛార్జ్ కార్యదర్శిగా నియమితులైన సంపత్ కుమార్, పొన్నం ప్రభాకర్‌తో పాటు ముఖ్య నాయకులు, జిల్లా కాంగ్రెస్ అధ్యక్షులు పాల్గొన్నారు.  రాష్ట్రంలో ముందు పార్టీని గెలిపించాలని, ముఖ్యమంత్రి ఎవరన్నది పార్టీ అధిష్టానం చూసుకుంటుందని సమావేశంలో వి. హన్మంతరావు అభిప్రాయపడినట్లు తెల్సింది. ఇప్పుడే ముఖ్యమంత్రి అభ్యర్ధిని ప్రకటిస్తే పార్టీలో గొడవలు మరింత పెరుగుతన్నాయరు.





Related News