Revanth reddy

కొడంగల్‌కు నేను హై టెన్షన్ వైర్‌‌ని..

Updated By ManamMon, 11/19/2018 - 15:33
revanth reddy files nomination in kodangal

కొడంగల్ : కొడంగల్ కాంగ్రెస్ అభ్యర్థిగా నామినేషన్ దాఖలు చేసిన రేవంత్ రెడ్డి తీవ్రస్థాయిలో టీఆర్ఎస్‌పై విరుచుకుపడ్డారు. భారీ ర్యాలీగా తరలి వెళ్లి సోమవారం నామినేషన్ వేసిన ఆయన... అనంతరం ప్రసంగించారు. ‘కురుక్షేత్రంలో కౌరవుల మాదిరే...కేసీఆర్ వందసీట్లు గెలుస్తామంటున్నారు. ఆయన చెబుతున్న వంద సంఖ్య కౌరవులకు సంకేతం. కొడంగల్ అయిదు మండలాలు పంచ పాండవులకు గుర్తు. ఇవాళ భావోద్వేగంతో నేను నామినేషన్ వేశాను. నా తుది శ్వాస వరకూ కొడంగల్ ప్రజలకు సేవ చేస్తా. కాంగ్రెస్ సర్కార్ రాబోతుంది. వచ్చే కాంగ్రెస్ సర్కార్‌లో కొడంగల్ కీలక భూమిక ఉంటుంది. 

కేసీఆర్ ముఠాలతో కొడంగల్‌లో విధ్వంసం చేయాలని చూస్తున్నారు. కొడంగల్‌కు నేను హై టెన్షన్ వైర్‌లా రక్షణగా నేనుంటా. హరీశ్ నన్ను ముట్టుకొని చూడు...మాడి మాసైపోతావ్. పంటల మీద పడ్డ అడవి పందులను వేటాడినట్లు మా నియోజకవర్గ ప్రజలు టీఆర్ఎస్‌ను తరుముతారు. కేటీఆర్‌ను ముఖ్యమంత్రిని చేయడానికే కేసీఆర్ ఈ ఎన్నికలు తెచ్చాడు. తన కొడుకును ముఖ్యమంత్రిని చేసి కేసీఆర్ తుదిశ్వాస విడవాలని అనుకుంటున్నారు’ అని రేవంత్ వ్యాఖ్యానించారు.



నా మాటలకు కట్టుబడి ఉన్నాం

Updated By ManamFri, 11/16/2018 - 00:42
  • 7లోపు ఎంపీలు కాంగ్రెస్‌లో చేరతారు

  • కాంగ్రెస్ కార్యకర్తలను వేధిస్తున్న పోలీసులపై ఈసీకి ఫిర్యాదు చేశా

  • టీపీసీసీ వర్కింగ్ ప్రెసిడెంట్ రేవంత్‌రెడ్డి

revanthreddyహైదరాబాద్:  ఇద్దరు టీఆర్‌ఎస్ ఎంపీలు కాంగ్రెస్‌లో చేరుతారంటే కొండా విశ్వేశ్వరావు, సీతారాం నాయక్‌ల శీలాన్ని మాత్రమే ఎందుకు శంకిస్తున్నారు.. వినోద్‌కుమార్, కవితలను ఎందుకు అనుమానించడం లేదు.. వెలమలు పార్టీలు మారరు అనుకుంటున్నారా అంటూ  టీపీసీసీ వర్కింగ్ ప్రెసిడెంట్ రేవంత్ ప్రశ్నించారు. ఇప్పటికీ చెబుతున్నా కచ్చితంగా డిసెంబర్ 7లోపు ఇద్దరు ఎంపీలు కాంగ్రెస్‌లో చేరతారని, నా మాట లకు కట్టుబడి ఉన్నానని ఆయన మరోసారి పునరుద్ఘాటించారు.  గురువారం ఎన్నికల  అధికారి రజత్‌కుమార్ కలిశారు. కొండగల్‌లోని కాంగ్రెస్ కార్యకర్తలను పోలీసులు వేధిస్తున్నారని ఫిర్యాదు చేశారు. ఇటీవల కొడంగల్‌లో జరిగిన సంఘ టనలపై వివరణ ఇచ్చారు. నియోజకవర్గంలోని కాంగ్రెస్ కార్యకర్తలను టీఆర్‌ఎస్ కు ఓటు వేయమని బెదిరిస్తున్నారని ఫిర్యాదు చేశారు. అనంతరం మీడియాతో మాట్లాడుతూ టీఆర్‌ఎస్ ఎంపీలు కాంగ్రెస్‌లోకి వస్తారంటే కొండా, సీతారాం నాయక్‌లను ఎందుకు శంకిస్తున్నారు.. కవిత, వినోద్‌లను ఎందుకు అనుమానిం చడం లేదని ప్రశ్నించారు. కేసీఆర్ బందువులు సచ్చిలురా?.. మిగతా వాళ్లు నమ్మక ద్రోహులా అని నిలదీశారు. గిరిజన ఉద్యమకారులను అవమానించా రని ఆరోపించారు. బుధవారం తాండూరులోనే ఉన్న కొండా విశ్వే శ్వరరావు మహేందర్ ప్రచారంలో ఎందుకు పాల్గొనలేదో చెప్పాల న్నారు. కేసీఆర్‌ను సీఎం సీటులో కూర్చోబెట్టడానికి డీజీపీ మహేందర్‌రెడ్డి సహాయపడుతున్నారని ఆరోపించారు. కేసీఈర్ ప్రైవేట్ సైన్యధిపతిలా ఆయన వ్యవహరిస్తున్నారని మండిపడ్డారు. కాంగ్రెస్ కార్యకర్తలను ఇబ్బంది పెడితే చూస్తూ ఊరుకోమని హెచ్చరించారు. టీఆర్‌ఎస్ నేతలకు వత్తాసు పలికితే కాంగ్రెస్ ప్రభుత్వం వచ్చాక లెక్క అప్పు చెబుతామన్నారు. కొడంగల్‌తో తనకు నరేందర్‌రెడ్డితో పోటీకాదని, కేసీఆర్, డీజీపీ మహేందర్‌రెడ్డిలతోనే పోటీ జరుగుతోందన్నారు.



ఎక్కువ కేసులున్న వారికే టికెట్లా?: గట్టు 

Updated By ManamThu, 11/15/2018 - 18:21
  • ఉత్తమ్, రేవంత్ రెడ్డికి వర్కింగ్, ప్రెసిడెంట్ పదవులిస్తారా?

  • తెలంగాణ కాంగ్రెస్‌లో సామాజిక న్యాయం లేకుండా పోయింది

Gattu ramachandra rao, Telangana congress leaders, Revanth Reddy, Uttam Kumar reddyహైదరాబాద్: తెలంగాణ కాంగ్రెస్‌లో సామాజిక న్యాయం లేకుండా పోయిందని, ఎక్కువ కేసులున్న వారికే ఆ పార్టీ టికెట్లు, పదవులు ఇస్తోందని టీఆర్ఎస్ నేత గట్టు రామచంద్రరావు ఆరోపించారు. తెలంగాణ కాంగ్రెస్ ప్రెసిడెంట్, వర్కింగ్ ప్రెసిడెంట్ కావాలంటే క్రిమినల్ యాక్టివిటి ఉండాలా? అని ఆయన విమర్శించారు. గురువారం హైదరాబాద్‌లో గట్టు మీడియాతో మాట్లాడుతూ.. ఓటుకు నోటు కేసులో దొరికిన కొడంగల్ కాంగ్రెస్ నేత రేవంత్ రెడ్డికి వర్కింగ్ ప్రెసిడెంట్ పదవి ఇచ్చారని, పాస్‌పోర్ట్ కేసులో ఉన్న కుసుమ కుమార్‌కు మరో వర్కింగ్ ప్రెసిడెంట్ పదవి ఇచ్చారని మండిపడ్డారు.

కారులో రూ.3 కోట్లు తగులబెట్టుకున్న టీపీసీసీ చీఫ్ ఉత్తమ్‌ కుమార్ రెడ్డికి ప్రెసిడెంట్ పదవులా? అని గట్టు ధ్వజమెత్తారు. పాలకుర్తి కాంగ్రెస్ అభ్యర్థి ఓ రౌడీ షీటర్ అని, ఎక్కువ కేసులు ఉన్నవారికే టికెట్లు ఇస్తున్నారని, ప్రజల ముందు అభాసుపాలవుతున్నారని గట్టు రామచంద్రరావు విమర్శలు గుప్పించారు. 



రేవంత్ రెడ్డివి చిల్లర వేషాలు..

Updated By ManamThu, 11/15/2018 - 17:15
MP Seetaram Naik slams revanth reddy

హైదరాబాద్ : కాంగ్రెస్ నేత రేవంత్ రెడ్డిపై టీఆర్ఎస్ ఎంపీ సీతారాం నాయక్ తీవ్రస్థాయిలో ధ్వజమెత్తారు. చిల్లర వేషాలు వస్తే ప్రజలు నమ్మే పరిస్థితిలో లేరని, రేవంత్ మైండ్ గేమ్ ఆడుతున్నారని ఆయన అన్నారు. ఎంపీ సీతారాం నాయక్ గురువారం తెలంగాణ భవన్‌లో ప్రెస్‌మీట్‌లో మాట్లాడుతూ... ‘రేవంత్ రెడ్డి ఏంటో అందరికీ తెలుసు. రేవంత్‌కు దమ్ము, ధైర్యం ఉంటే కాంగ్రెస్‌ పార్టీలో చేరే ఆ ఇద్దరి ఎంపీల పేర్లు చెప్పాలి. టీఆర్ఎస్‌ కోసం పనిచేసే వాళ్లను ఆత్మరక్షణలో పడేసే గేమ్స్ ఆడొద్దు.

భవిష్యత్‌లో ఇలాంటి వార్తలు...ప్రచారం చేస్తే వారిపై కేసులు పెడతాను. నేను టీఆర్ఎస్ వీడుతున్నట్లు వచ్చిన వార్తల్లో ఏమాత్రం నిజం లేదు. అలాంటి వార్తలు వచ్చినందుకు నాకు చాలా బాధగా ఉంది. మీడియాలో వస్తున్న వార్తలు ఒకసారి ఆలోచించి రాయాలి. నేను ప్రొఫెసర్‌గా పనిచేశాను. మహబూబాబాద్ నుంచి కేసీఆర్ ఇచ్చిన అవకాశాన్ని అందిపుచ్చుకుని గెలిచాను. 26లక్షలమంది లంబాడీలు ఇక్కడ ఉన్నారు. లంబాడీలు ఎక్కడ ఉన్నారో అక్కడ ప్రచారం చేస్తున్నాను. అందులో భాగంగా కొడంగల్ వెళ్లాను’ అని తెలిపారు. 



కేసీఆర్.. చేతనైతే ఎంపీలను ఆపుకో..!

Updated By ManamWed, 11/14/2018 - 18:40
  • టీఆర్ఎస్ అధినేతకు రేవంత్ సవాల్ 

  • ఎన్నికల ప్రచారంలో కేసీఆర్‌పై నిప్పులు

  • కొడంగల్‌లో రేవంత్ అనే హైటెన్షన్ వైరు అడ్డంగా ఉంది

  • నువ్వే డైరెక్ట్‌గా రా.. కొడంగల్‌లో తేల్చుకుందాం..

  • 19న 50వేల మందితో నామినేషన్ వేస్తున్నా..

Kodangal, Revanth Reddy, KCR, TRS, Two MPsకొడంగల్: తెలంగాణలో ముందస్తు ఎన్నికలు సమీపిస్తున్న వేళ.. రాజకీయ సమీకరణాలు వేగంగా మారుతున్నాయి. ఎన్నికల నామినేషన్ల పర్వం కూడా వేగంగా సాగుతోంది. అధికార టీఆర్ఎస్ ఒకవైపు జోరుగా ప్రచారంలో దూసుకెళ్తుంటే.. ఆ పార్టీకి వ్యతిరేకంగా ప్రజాకూటమిగా ఏర్పడిన అన్ని పార్టీలు ఏకమై కేసీఆర్‌ను గద్దె దించేందుకు వ్యూహాత్మకంగా పావులు కదుపుతున్నాయి. ఈ నేపథ్యంలో కొడంగల్ కాంగ్రెస్ నేత రేవంత్ రెడ్డి కేసీఆర్‌పై తీవ్ర స్థాయిలో ధ్వజమెత్తారు. బుధవారం కొడంగల్ ప్రచారంలో పాల్గొన్న రేవంత్ టీఆర్ఎస్‌పై నిప్పులు చెరిగారు. తొందరలోనే టీఆర్ఎస్‌కు చెందిన ఇద్దరు ఎంపీలు కాంగ్రెస్ చేరుతున్నారంటూ బాంబు పేల్చారు. కొడంగల్ చుట్టుపక్కల ఉండే ఎంపీలు కాంగ్రెస్‌లోకి వస్తున్నారని.. కేసీఆర్ నీకు చేతనైతే మీ ఎంపీలు ఆపుకో అని సవాల్ విసిరారు.

రేవంత్ అనే హైటెన్షన్ వైరు ఇక్కడ..
కొడంగల్ ప్రజలతో ఆడుకుందాం అనుకునే వాళ్లు ఎవరూ బతికి బట్టకట్టరని రేవంత్ హెచ్చరించారు. కొడంగల్‌కు రేవంత్ అనే హైటెన్షన్ వైరు అడ్డంగా ఉందన్నారు. హరీశ్ లాంటి గుంట నక్కలు వచ్చిన కొడంగల్‌ను ఏమి చేయలేరని ధ్వజమెత్తారు. కొడంగల్ మీదికి కేసీఆర్ తోడేళ్ల గుంపును పంపుతున్నారని రేవంత్ విమర్శించారు. కేసీఆర్ రెండు కళ్లు తెరవడానికే మధ్యాహ్నం అవుతుందని, ఇక మూడో కన్ను ఎప్పుడు తెరుస్తాడని ఎద్దేవా చేశారు. కేసీఆర్ మూటలు.. ముఠాలు కాదు. నువ్వే డైరెక్టర్‌గా రా.. కొడంగల్‌లో తేల్చుకుందామని సవాల్ విసిరారు. తాను ఈ నెల 19న ఉదయం 10 గంటలకు 50వేల మందితో నామినేషన్ వేస్తున్నట్టు రేవంత్ స్పష్టం చేశారు. 



ఈసీ ఆగ్రహం.. హరీశ్, రేవంత్‌కు నోటీసులు

Updated By ManamFri, 11/09/2018 - 19:12
  • నోటీసులు జారీచేసిన రజత్ కుమార్ 

  • 48 గంటల్లో వివరణ ఇవ్వాల్సిందిగా నేతలకు ఆదేశాలు 

EC fires and send notices to Harish rao, Revanth reddy on Political commentsహైదరాబాద్‌: తెలంగాణ రాష్ట్రంలో ఎన్నికల వేళ ప్రచారంలో దూసుకుపోతున్న అధికార, ప్రతిపక్షపార్టీల నేతలు వివాదాస్పద వ్యాఖ్యలతో రాష్ట్ర రాజకీయాలను వేడిక్కిస్తున్నారు. ఎన్నికల కోడ్ నియామళి అమల్లో ఉన్న నేపథ్యంలో పలు పార్టీల నేతలు ఒకరిపై మరొకరు వ్యక్తిగత దూషణలు, అసభ్య పదజాలంతో దూషించుకోవడంపై ఈసీ ఆగ్రహం వ్యక్తం చేసింది. ఫిర్యాదులపై స్పందించిన ఈసీ ఎన్నికల నియమావళిని ఉల్ఘంచిన నేతలపై చర్యలు చేపట్టింది.

ఈ మేరకు మంత్రి హరీశ్‌రావు, కాంగ్రెస్‌ నేతలు రేవంత్‌ రెడ్డి, వంటేరు ప్రతాప్‌ రెడ్డి, టీడీపీ నేత రేవూరి ప్రకాశ్‌ రెడ్డికి ఈసీ నోటీసులు జారీ చేసింది. వచ్చిన ఫిర్యాదుల ఆధారంగా వీరికి నోటీసులు జారీ చేసినట్టు ఎన్నికల ప్రధాన అధికారి రజత్‌కుమార్‌ తెలిపారు. ఈసీ నోటీసులపై 48గంటల్లోగా వీరంతా వివరణ ఇవ్వాలని రజత్ ఆదేశించారు.



కేసీఆర్ చేతిలో హరీష్ జాతకం

Updated By ManamFri, 11/09/2018 - 01:21
  • మామ మెప్పు కొరకే బాబుపై విమర్శలు

  • టీఆర్‌ఎస్‌లో కొట్లాటలు,పంచాయితీలు

  • మా గెలుపు ఎప్పుడో ఖాయమైంది: రేవంత్ రెడ్డి

imageన్యూఢిల్లీ: కాంగ్రెస్, టీడీపీ, ఇతర భాగస్వామ్య పక్షాలు మహా కూటమిగా ఏర్పడటంపై మంత్రులు హరీశ్‌రావు, కేటీఆర్ చేస్తున్న విమర్శలపై కాంగ్రెస్ కార్యనిర్వాహక అధ్యక్షుడు రేవంత్ రెడ్డ్డి తీవ్రస్థాయిలో ధ్వజమెత్తారు. తమది ప్రజాకూటమి అని, దానికి వ్యతిరేకంగా హరీశ్‌రావు రకరకాలుగా మాట్లాడుతున్నారని మండిపడ్డారు. సీల్డ్‌కవర్ సీఎం కావాలా? అంటూ కేటీఆర్ ప్రశ్నిస్తున్నారని, కాంగ్రెస్ పార్టీలో మెజార్టీ ఎమ్మెల్యేల అభిప్రాయం తీసుకునే సీఎం ఎంపిక జరుగుతుందనేది గత చరిత్ర చూస్తే ఎవరికైనా అర్థమవుతుందన్నారు. టీఆర్‌ఎస్‌లో సీఎంనే కాదు.. కనీసం మంత్రులను నిర్ణయించేటప్పుడు ఎవరి అభిప్రాయమైనా తీసుకుంటారా? అని కేటీఆర్‌ను ప్రశ్నించారు. కుటుంబంలో ఉన్న వ్యక్తులు అన్ని పదవులనూ పంచుకుని ఏమైనా మిగిలితే ఇతరులకు ఇస్తున్నారని విమర్శిం చారు. హరీశ్రావును సీఎం కేసీఆర్ నమ్మరని వ్యాఖ్యానించారు. దిల్లీలో కాంగ్రెస్ సీట్ల కేటా యింపుపై కసరత్తు జరుగుతున్న వేళ ఆయన మీడియాతో మాట్లాడుతూ హరీశ్‌రావు సంచలన వ్యాఖ్యలు చేశారు. 

హరీశ్ జాతకమంతా కేసీఆర్‌కు తెలుసు!
‘‘హరీశ్‌రావు నిప్పుల్లో నడిచినా తన శీలాన్ని నిరూపించుకోలేరు. ఆయనను కేసీఆర్ నమ్మరు. హరీశ్ ఎలాంటి వ్యక్తో, నమ్మినవాళ్లను ఎలా మోసం చేశారో అతని మామ కేసీఆర్‌కు తెలుసు. అతని జాతకమంతా కేసీఆర్ వద్ద ఉంది. కేసీఆర్‌ను నమ్మించేందుకు కాంగ్రెస్‌ను, కూటమిని హరీశ్ పదేపదే విమర్శిస్తున్నారు. ఈరోజు కూడా లేఖ రాశారని తెలిసింది. గత నెల 25న సాయంత్రం మెదక్ ఎంపీ కొత్త ప్రభాకర్ రెడ్డి గజ్వేల్లో నర్సారెడ్డిని కారులో ఎక్కించుకొని రాత్రి 9.30గంటలకు హరీశ్ నివాసానికి తీసుకెళ్లారు. మూడు గంటల పాటు చర్చించారు. ఆ తర్వాత రోజు ఉదయాన్నే నర్సారెడ్డి ఢిల్లీ వచ్చి కాంగ్రెస్‌లో చేరారు. గతంలో కాంగ్రెస్‌లో ఉన్న నర్సారెడ్డి టీఆర్‌ఎస్‌లో చేరి కార్పొరేషన్ ఛైర్మన్‌గా నియామకమైన తర్వాత కూడా హరీశ్‌ను కలిసిన తెల్లవారే కాంగ్రెస్ కండువా కప్పుకున్నారు.

దానికి కారణమేంటో వాళ్లకే తెలియాలి. హరీశ్, కేసీఆర్ మధ్య సంబంధాలు ఉప్పు, నిప్పులా ఉన్నాయా? తుపానుకు ముందు వచ్చే ప్రశాంతతలా ఉందా? విచ్ఛిన్నమయ్యే ముందు నిశ్శబ్ధమా? ఈ విషయాలపై ప్రజలకు సమాధానం చెప్పాలి అని రేవంత్ అన్నారు. మంత్రుల క్వార్టర్స్ వద్ద ఉన్న సీసీ టీవీ ఫుటేజీలన్నీ బయట పెట్టాలని డిమాండ్ చేస్తున్నా. 25న సాయంత్రం 7గంటల నుంచి 9 గంటల వరకు హరీశ్‌రావు నివాసం లోకి వెళ్లిన కార్లు, వచ్చిన కార్లు, వాటిలో ఎవరెవరు వచ్చివెళ్లారో వెల్లడిస్తే కేసీఆర్, కేటీఆర్‌తో పాటు తెలంగాణ సమాజానికీ ఓ స్పష్టత వస్తుంది’’ అంటూ రేవంత్ వ్యాఖ్యానించారు.

కేసీఆర్‌ను సంతోష పెట్టడానికే బాబుపై విమర్శలు
‘‘ఏదైనా రహస్యంగా జరుగుతున్నప్పుడు జరగనీ అనుకుంటాం. కానీ కాంగ్రెస్-టీడీపీ కలయికను ఇదొక తెలంగాణ వ్యతిరేక కలియిక అని, ప్రాజెక్టులకు వ్యతిరే కంగా చంద్రబాబు లేఖలు రాశారని ప్రచారం కల్పించి రాజకీయ లబ్ధి పొందాలని హరీశ్‌రావు ప్రయత్నిస్తున్నా రు. గోదావరి, కృష్ణా జలాల విషయంలో భౌగోళికంగా తెలంగాణ ఎగువున ఉండగా, ఏపీ దిగువన ఉంది. చట్టబద్ధంగా తెలంగాణ నీరు వదిలితేనే అవి ఏపీకి పోతాయి. ఏపీ ప్రజలు తెలంగాణ నీళ్లను ఆపలేరు. గోదావరి జలాలను మహారాష్ట్ర ప్రభుత్వం, కృష్ణా జలాలను కర్ణాటక ఆపగలదు.

ఒకవేళ ఏపీ.. కేంద్ర జలవనరుల శాఖకు లేఖలు రాసినా అవి చట్టబద్ధంగా ఉన్నాయో లేదో న్యాయపరంగా సమీక్షించాకే నిర్ణయాలు తీసుకుంటారు. తెలంగాణ ప్రభుత్వం, ప్రజలు తమ హక్కుగా వచ్చే నీటి వినియోగాన్ని చట్టబద్ధంగా విని యోగించుకుంటున్నప్పుడు ఏపీ అధికారులు కేంద్రానికి లేఖలు రాసినా, కోర్టులకు వెళ్లి కేసులు వేసినా ఫలితముండదు. ఇటీవల కేటీఆర్ మాట్లాడుతూ.. ఏపీ సీఎంగా తప్పనిసరి పరిస్థితుల్లోనే లేఖలు రాస్తే రాసి ఉండొచ్చని, ఆ పరిస్థితుల్ని తాము అర్థం చేసుకోగల మని, ఆ లేఖలతో తమకేం ఇబ్బందిలేదని అన్నారు. కానీ చంద్రబాబు లేఖలతో తెలంగాణకు ఏదో నష్టం జరిగిపోతోందని హరీశ్ అపోహలు సృష్టించ డానికి చేసే ప్రయత్నమంతా కేవలం కేసీఆర్‌ను సంతోషపెట్టడానికే’’ అని రేవంత్ తీవ్రస్థాయిలో దుయ్యబట్టారు.



కేసీఆర్ ప్రైవేటు సైన్యంగా పోలీసులు

Updated By ManamThu, 11/01/2018 - 02:38
  • సీఈవోకు ఫిర్యాదు చేసిన రేవంత్‌రెడ్డి    

imageహైదరాబాద్: కొంత మంది పోలీసులు కేసీఆర్ ప్రైవేటు సైన్యంగా వ్యవహ రిస్తున్నారని కాంగ్రెస్ వర్కింగ్ ప్రెసిడెంట్ రేవంత్‌రెడ్డి ఆరోపించారు. ఏకపక్షంగా వ్యవహరిస్తున్న ప్రభుత్వంలోని కొందరు పెద్దల న్యూస్ ఛానల్స్, న్యూస్ పేపర్లను నిషేధించాలని డిమాండ్ చేశారు. పింక్ ఓటర్ బ్యాలెట్‌ను మార్చవలసి ఉందన్నారు. రాష్ట్ర ఎన్నికల ప్రధానాధికారి రజత్ కుమార్‌ను కలిసిన సందర్భంగా రేవంత్‌రెడ్డి బుధవారం సచివాలయంలో మీడియాతో మాట్లాడారు. డీజీపీ మహేందర్ రెడ్డి, ఇంటలిజెన్స్ ఐజీ ప్రభాకర్ రావు, కిషన్‌రావు, రాధా కృష్ణరావు కేసీఆర్ ప్రైవేటు సైన్యంగా పని చేస్తున్నారని ఆరోపించారు. ప్రతిపక్ష నాయకుల ఫోన్లను ట్యాపింగ్ చేస్తున్నారని ధ్వజమెత్తారు. గతంలో సైనికులను నిజాం నవాబు వాడుకున్నట్లుగా  తెలం గాణలో పోలీసులు వ్యవహరిస్తు న్నారని వివరించారు. రాష్ట్ర పోలీసులు కేసీఆర్, కేటీఆర్, హరీష్‌రావు చెప్పి నట్లుగా వ్యవహరిస్తే, డిసెంబర్ 12 తర్వాత ఏర్పడే కాం గ్రెస్ ప్రభుత్వం అవసరమైన చర్యలు తీసుకోక తప్పద న్నారు.

అధికారులు వారి పరిధి దాటితే బాగుండదని సూచించారు.   టీవీ9, టీన్యూస్, 10టీవీ, నమస్తే తెలం గాణ పత్రికలో సీఎం కేసీఆర్, మంత్రులు కేటీఆర్, హరీష్ రావు, పార్లమెంటు సభ్యురాలు  కవితలకు సంబంధించిన ప్రచార కార్యక్రమాలను మాత్రమే ప్రసారం చేస్తున్నా రని, మిగతా వారివి కనీసం కూడా చూపడం లేదని సీఈవోకు ఫిర్యాదు చేశామన్నారు.  జాతీ య నాయకుల పర్యటనలు కూడా చూపడం లేదన్నారు. అవసరమైతే ఈ మీడియాపై కోర్టకు వెళతామని తెలిపారు. ఓటరు బ్యాలెట్ పింక్ కలర్‌లో ఉండటం కూడా అధికార పార్టీకి అను గుణంగా ఉందని రజత్ కుమార్‌కు వివరిం చామని తెలి పారు.  దీని విషయంలో  తగిన చర్యలు తీసుకో వాలని కోరడం జరిగిందన్నారు. ప్రగతి భవన్‌ను అధికార పార్టీ నేతలను బుజ్జగిస్తున్నారని రేవంత్‌రెడ్డి ఆరోపించారు.



రేవంత్‌కు భద్రత పెంచండి: హైకోర్టు

Updated By ManamMon, 10/29/2018 - 14:35

Revanth Reddyహైదరాబాద్: టీపీసీసీ కార్య నిర్వాహకు అధ్యక్షుడు రేవంత్ రెడ్డికి భద్రత పెంచాలని ఈసీ, కేంద్రాన్ని హైకోర్టు ఆదేశించింది. ఎన్నికలు సమీపిస్తున్న నేపథ్యంలో తనకు ప్రాణహాని ఉందని, భద్రత పెంచాలని రేవంత్ రెడ్డి గతంలో హైకోర్టులో పిటిషన్ దాఖలు చేశారు. ఈ పిటిషన్‌ను విచారించిన హైకోర్టు.. రేవంత్‌కు భద్రత పెంచాలని కేంద్రాన్ని, ఈసీని ఆదేశించింది. అయితే భద్రతకు అయ్యే ఖర్చు మాత్రం రేవంత్ రెడ్డినే భరించాలని హైకోర్టు ఆదేశించింది.



రేవంత్‌పై రూ.100కోట్ల పరువునష్టం దావా

Updated By ManamSat, 10/27/2018 - 20:11
Event Now company warns Revanth Reddy to file Defamation suit

హైదరాబాద్ : ఈవెంట్స్ నౌ కంపెనీపై చేసిన అసత్య ఆరోపణలను ఉపసంహరించుకోకుంటే రూ.100కోట్ల పరువునష్టం దావాకు సిద్ధంగా ఉండాలని టీ పీసీసీ వర్కింగ్ ప్రెసిడెంట్ రేవంత్ రెడ్డిని ఆ సంస్థ హెచ్చరించింది. ఈవెంట్స్ నౌ కేవలం టికెట్ల అమ్మకాలు మాత్రమే జరుపుతుందని, కార్యక్రమాల నిర్వహణకు ఎలాంటి సంబంధం లేదని ఆ సంస్థ స్పష్టం చేసింది. ఈవెంట్స్ నౌ కంపెనీ ద్వారా ఇప్పటిదాక ఒక్క కార్యక్రమాన్ని కూడా నిర్వహించలేదని, దేశంలో వందల సంఖ్యలలో ఉన్న టికెటింగ్ కంపెనీలతో అగ్రగామిగా ఉన్న కంపెనీల్లో ఈవెంట్స్ నౌ ఒకటి  అని ఆ సంస్థ పేర్కొంది. 

రేవంత్ రెడ్డికి ఈ-కామర్స్ కంపెనీల కార్యకలాపాల నిర్వహణ పట్ల కనీస అవగాహన లేదు. ఈవెంట్స్ నౌ సంస్థ కేవలం టికెట్ల అమ్మకాలు మాత్రమే జరుపుతుంది. కార్యక్రమాల నిర్వహణకు సంబంధమే లేదు. ప్రస్తుతం జరుగుతున్న సెన్సెషన్ కార్యక్రమానికి ఈవెంట్స్ నౌ కి ఎలాంటి సంబంధం లేదు. 

ఈవెంట్స్ నౌ కంపెనీపైన రేవంత్ రెడ్డి చేసిన ఆరోపణలు పూర్తిగా అవాస్తవమని వాటిని ఉపసంహరించుకోకుంటే, పరువు నష్టం దావాకి రేవంత్ రెడ్డి సిద్ధంగా ఉండాలి. రేవంత్ చేసిన ఆరోపణలతో అర్థమైందని, చట్టబద్ధంగా కార్యకలాపాలు నిర్వహిస్తున్న ఒక కంపెనీపైన ఆయన చేసిన ఆరోపణలన్నీ అవాస్తవాలని కంపెనీ తన ప్రకటనలో పేర్కొంది. 

బుక్ మై షో, పేటీఎం వంటి ప్రఖ్యాత టికెటింగ్ మరియు ఈ- కామర్స్ కంపెనీల మాదిరే ఈవెంట్స్ నౌ పని చేస్తుంది. గతంలోనూ ఇలాంటి అవాకులు చెవాకులు పేలిన రేవంత్ రెడ్డికి కంపెనీ తరఫున లీగల్ నోటీస్ ఇచ్చామని, దానికి సమాధానం ఇవ్వలేక ఆయన పారిపోయిన విషయాన్ని కంపెనీ గుర్తు చేసింది. రాజకీయంగా టిఆర్ఎస్ పార్టీని ఎదుర్కోలేక మంత్రి కేటీఆర్ బావమరిది సంస్థపైన అవాస్తవాలతో కూడిన గోబెల్స్ ప్రచారం చేయడం ద్వారా ప్రజలను తప్పుదోవ పట్టించే ప్రయత్నం చేస్తున్నారని తెలిపింది. 

ఈవెంట్స్ నౌ వ్యవస్థాపకులు రాజ్ పాకాల అమెరికాలో ఉన్నత చదువులు పూర్తి చేసుకుని సాఫ్ట్‌వేర్ కంపెనీలను నిర్వహిస్తున్నారని సంస్థ తెలిపింది. గత పద్దెనిమిది సంవత్సరాలుగా  ఎంతోమంది యువతకు ఉపాధిని కల్పిస్తూ, ఎటువంటి మచ్చలేకుండా తన కార్యక్రమాలు నిర్వహిస్తున్న రాజ్ పాకాలను కేవలం మంత్రి కేటీఆర్ బంధువు అయిన కారణంగా ఇలాంటి ఆరోపణలను చేయడాన్ని కంపెనీ ఆక్షేపిస్తున్నది.

 రేవంత్ రెడ్డి చేసిన వ్యాఖ్యలు కేవలం రాజకీయ లబ్ది కోసం చేసినవే అని, ఈ వ్యాఖ్యలు సంస్థ పేరు ప్రతిష్టలను దెబ్బతీసే విధంగా ఉన్నందున రేవంత్ రెడ్డి పైన 100 కోట్ల పరువు నష్టం దావా కేసు వేసి చట్టపరంగా చర్యలు తీసుకోనున్నట్లు తెలిపింది. రేవంత్ రెడ్డి ఇప్పటికైనా తాను చేసిన వ్యాఖ్యలను ఉపసంహరించుకుని బహిరంగ క్షమాపణ చెప్పాలని డిమాండ్ చేసింది.





Related News