ktr

అవార్డును అమ్మేయనున్న విజయ్.. ప్రశంసించిన కేటీఆర్

Updated By ManamMon, 06/18/2018 - 10:53

vijay, ktr దక్షిణ భారత సినీ ఇండస్ట్రీకి సంబంధించిన 65వ ఫిలింఫేర్ అవార్డు ఉత్సవాలు ఘనంగా జరిగాయి. అందులో ఉత్తమ నటుడిగా తొలి ఫిలింఫేర్‌ను అందుకున్నాడు సెన్సెషనల్ హీరో విజయ్ దేవరకొండ. ఈ సందర్భంగా సోషల్ మీడియాలో ఆనందాన్ని వ్యక్తం చేసిన విజయ్.. ఈ అవార్డును ముఖ్యమంత్రి రిలీఫ్ ఫండ్‌కు ఇవ్వనున్నట్లు ప్రకటించాడు.

‘‘నా ఇంట్లో సెల్ఫ్ మీద ఉండటం కంటే నేను పుట్టిన ఈ సిటీకి ఈ అవార్డు ద్వారా వచ్చే సొమ్ము అవసరం అవుతుంది’’ అని తెలుపుతూ విజయ్ తన అభిప్రాయాన్ని చెప్పాడు. తనకు ఎందుకో ఇలా చేయాలని అనిపించదని అందుకే కమిట్ అయ్యాయని విజయ్ ఈ సందర్భంగా తెలిపాడు. ఇక దీనికి స్పందించిన మంత్రి కేటీఆర్.. ‘‘నీ మొదటి ఫిలింఫేర్ అవార్డుకు కంగ్రాట్స్. నువ్వు ఈ అవార్డును ముఖ్యమంత్రి రిలీఫ్ ఫండ్‌కు ఇస్తానని చెప్పినందుకు చాలా సంతోషంగా ఉంది. నీ ఆలోచనా తీరుకు అభినందిస్తున్నా. అవార్డును ఎలా వేయాలో దానికి సంబంధించిన విషయాలను చెబుతాను’’ అంటూ కామెంట్ పెట్టారు. 


 



రైతుకు అండ

Updated By ManamThu, 06/14/2018 - 00:37
  • వ్యవసాయాన్ని పండుగలా మారుస్తున్నం.. సిరిసిల్లలో వ్యవసాయ కళాశాల ప్రారంభం

  • రైతు బీమాలో రాజన్నసిరిసిల్ల ముందుండాలి.. తెలంగాణ వరదాయిని కాళేశ్వరం ప్రాజెక్టు 

  • ప్రతి నియోజకవర్గంలో లక్ష ఎకరాలకు నీరు.. 98.24 శాతం వరకు  రైతు బంధు సాయం

  • సీఎం కృషితో 24 గంటల కరెంట్ సరఫరా.. మంత్రులు కేటీఆర్, పోచారం శ్రీనివాసరెడ్డి

ktrకరీంనగర్: తెలంగాణలో వ్యవసాయం ఓ పండుగలా సాగుతుందని రాష్ట్ర వ్యవ సాయ శాఖ మంత్రి పోచారం శ్రీనివాసరెడ్డి పేర్కొన్నారు. రాష్ట్రంలో ప్రతి నియోజకవర్గంలో లక్ష ఎకరాలకు నీరందించేందుకు తమ ప్రభుత్వం కృషి చేస్తుందన్నారు. సీఎం రైతులకు అండగా ఉన్నందునే దండుగ అన్న వ్యవ సాయం పండుగలా మారుతుందని అన్నారు. సిరిసిల్ల మండలం సర్ద్ధాపూర్‌లో 75 ఎకరాలలో రూ.30 కోట్ల వ్యయంతో చేపట్టిన వ్యవసాయ కళాశాలను బుధవారం రాష్ట్ర వ్యవసాయ శాఖ మంత్రి పోచారం శ్రీనివాసరెడ్డి, రాష్ట్ర ఐటి శాఖ మంత్రి కేటీఆర్‌లు ప్రారంభించారు. ఈ సందర్భంగా వారు మాట్లాడారు. ఆగస్టు 15 నుండి రైతు బీమాకు శ్రీకారం చుట్టేందుకు ప్రభుత్వం చర్యలు చేపట్టిందని కేటీఆర్ అన్నారు.  కాళేశ్వరం ప్రాజెక్టు రికార్డు స్థాయిలో నిర్మిత మవుతుందన్నారు. రాష్ట్రంలోని ప్రతి నియోజకవర్గంలో లక్ష ఎకరాలకు నీరు  అందిస్తామన్నారు. ‘రైతు బీమాలో రాజన్న సిరిసిల్ల జిల్లా రాష్ట్రంలోనే మొదటి స్థానంలో నిలవాలని కేటీఆర్ ఆకాంక్షించారు. రాష్ట్రంలో 98.24 శాతం వరకు రైతు బంధు సాయం అందించామన్నారు. తెలంగాణ రాష్ట్రం ఏర్పాటు తర్వాత మెట్ట ప్రాంతమైన  రాజన్న సిరిసిల్ల సన్యశ్యామలమవుతుందన్నారు.  నీళ్లు, నిధులు, నియమాకాలు కోసం ఏర్పడిన తెలంగాణ రాష్ట్రం లక్ష్య సాధనలో దుసుకుపోతుందన్నారు. మంత్రి పోచారం మాట్లాడుతూ.. రూ. 38 లక్షల ఎకరాలకు, మూడు పంటలకు నీళివ్వనున్న కాళేశ్వరం ప్రాజెక్టు చరిత్ర సృష్టిస్తుందన్నారు. సమైక్య పాలనలో కన్నీళ్లు చూసిన సిరిసిల్ల ప్రాంతం ఇప్పుడు నీటి కళ సంతరిం చుకుందన్నారు. రూ. 30 కోట్లతో వ్యవసాయ కళాశాల ఏర్పాటు చేసుకోవడం వల్ల వ్యవసాయ రంగం అభివృద్ది చెందుతుందన్నారు.  తెలంగాణ కోటి రతనాల వీణ అన్న దాశరథి వ్యాఖ్యలు నిజం కానున్నాయన్నారు. ప్రతి 5వేల ఎకరాలకు ఒక వ్యవసాయ విస్తరణాధికారి నియమాకం ద్వారా వ్యవసాయానికి మెరుగైన సేవలు అందను న్నాయన్నారు. రాబోయే ఆరు నెలల్లో సిరిసిల్ల, వేముల వాడ నియోజకవర్గాలలో 2 లక్షల ఎకరాలకు సాగునీరు అందుతుందన్నారు. రైతు బీమా ప్రీమియం కోసం రూ.2,271లను ప్రభుత్వం ఎల్‌ఐసికి చెల్లించనుందన్నారు. కేటీఆర్ కోరిక మేరకు ఈ ఏడాది  నుండే వ్యవసాయ కళాశాలలో తరగతులు ప్రారంభం కానున్నాయని శ్రీనివాస రెడ్డి తెలిపారు. 86 ఏండ్ల తర్వాత రూ.1000 కోట్లతో నిజాం సాగర్ ప్రాజెక్టును ఆధునీకరిం చుకు న్నామని పేర్కొన్నారు. నాలుగేళ్లలో ఎంతో ప్రగతి సాధిం చుకున్నామని తెలిపారు. విత్తనం నాటిన నాటి నుంచి పంట చేతికొచ్చి మద్దతు ధర, కొనుగోలు వరకు రైతు లకు సీఎం అండగా నిలబడ్డాడని తెలిపారు. భూ రికా ర్డుల ప్రక్షాళన వల్ల రూ.57.33 లక్షల మంది రైతులకు, 98.24 శాతం వరకు రైతు బంధు సాయం అందిం చామ న్నారు. ఈ కార్యక్రమంలో ఎమ్మెల్యే చెన్నమనేని రమేశ్, పిజెటిఎస్‌ఎయు వీసీ ప్రవీణ్‌కుమార్, టెస్కాబ్ చైర్మన్ కొండూరి రవీందర్‌రావు తదితరులు  పాల్గొన్నారు.



ఉత్తమ్ సమస్యకు స్పందించిన కేటీఆర్ 

Updated By ManamWed, 06/13/2018 - 10:30

ktr హైదరాబాద్: సామాజిక మాధ్యమాల ద్వారా తన వద్దకు వచ్చిన సమస్యలను పరిష్కరించే వారిలో తెలంగాణ మంత్రి కేటీఆర్ ఒకరు. సామాన్యుల నుంచి సెలబ్రిటీల వరకు ప్రతి ఒక్కరు తన వద్దకు తీసుకొచ్చే సమస్యలకు ఆయన సమాధానం ఇస్తుంటారు. ఈ క్రమంలో తాజాగా తెలంగాణ పీసీసీ అధ్యక్షుడు ఉత్తమ్ కుమార్ రెడ్డి తన వద్దకు తీసుకొచ్చిన సమస్యపై స్పందించిన కేటీఆర్, దానిని పరిష్కారం చేసినట్లు చెప్పారు.

అయితే కొమరం భీమ్ అసిఫాబాద్‌ జిల్లాలో ఓ గుడిసెలో ఉంటున్న ఇద్దరు వృద్ధ దంపతులకు 500రూపాయల ఇంటి పన్నును ప్రభుత్వ అధికారులు వేశారు. దానికి సంబంధించిన ఫొటోలను తన సోషల్ మీడియాలో షేర్ చేసిన ఉత్తమ్.. ఆ వృద్ధ దంపతులను ఎవ్వరూ పట్టించుకోవడం లేదని, వారి నుంచి తీసుకున్న డబ్బులను తిరిగి ఇచ్చేసి, డబుల్ బెడ్‌రూం ఇంటిని ఇవ్వాలని కేటీఆర్, తెలంగాణ సీఎంఓలను కోరారు. దానికి స్పందించిన కేటీఆర్.. సమస్యను తన వద్దకు తీసుకొచ్చిన ఉత్తమ్ కుమార్‌కు థ్యాంక్స్ చెబుతూ దీనిపై స్పందించాలని జిల్లా కలెక్టర్‌ను కోరారు. ఆ తరువాత కేటీఆర్ ట్వీట్‌కు స్పందించిన జిల్లా కలెక్టర్ వారి డబ్బులను నాలుగు రోజుల క్రితమే తిరిగి ఇచ్చేశామని, అలాగే వారికి పెన్షన్, డబుల్ బెడ్‌రూం ఇంటిని కూడా విడుదల చేశామని తెలిపారు. ఇక ఈ విషయాన్ని ఉత్తమ్‌కు తెలిపిన కేటీఆర్ ఒకసారి మీరు చెక్ చేయండి అంటూ సమాధానం ఇచ్చారు.

 

 



జీహెచ్ఎంసీ అధికారులపై కేటీఆర్ ఆగ్రహం

Updated By ManamTue, 06/12/2018 - 19:53

KTR, GHMC officials, incomplete of digging roads హైదరాబాద్‌: నగరంలో నాలాల పూడిక‌తీత‌కు మార్చి నాటికే చివరి గడువు విధించినప్పటికీ ఎలాంటి పురోగ‌తి లేక‌పోవ‌డంతో జీహెచ్ఎంసీ అధికారుల తీరుపై పురపాలక శాఖా మంత్రి కేటిఆర్ తీవ్రంగా మండిపడ్డారు. జవహర్ నగర్ డంపింగ్ యార్డ్ క్యాపింగ్ పురోగతి, వర్షాకాల సన్నద్ధత, రోడ్ల నిర్మాణంపై జీహెచ్ఎంసీలో మంత్రి సమీక్ష సమావేశం నిర్వహించారు. ఈ సందర్భంగా ఆయన రూ.177 కోట్ల వ్యయంతో దేశంలోనే పెద్దదైన జవహర్ నగర్ డంపింగ్ యార్డులో జరుగుతున్న క్యాపింగ్ పనుల పురోగతిని అధికారులను అడిగి తెలుసుకున్నారు.

ఒకవైపు న‌గ‌రంలో రోడ్లు తవ్వొద్దని చెబుతున్నా.. ఎందుకు త‌వ్వుతున్నారో అర్ధం కావ‌డం లేద‌ంటూ ఒకింత ఆయన అస‌హనం వ్యక్తం చేశారు. ఎప్పుడో ఇచ్చిన అనుమ‌తుల‌ను చూపిస్తూ ఇప్పటికీ పనుల్లో ఎందుకు జాప్యం వహిస్తున్నారంటూ ఇంజినీరింగ్‌ అధికారులను కేటీఆర్ ప్రశ్నించారు. న‌గ‌రంలోని రోడ్ల త‌వ్వకాల‌కు సంబంధించి వస్తోన్న ఫిర్యాదులకు స‌మాధానం చెప్పాలంటే తనకు చాలా ఇబ్బందిగా ఉంద‌న్నారు. ఏటా కోట్ల రూపాయలు వెచ్చిస్తున్నా రోడ్ల ప‌రిస్థితి మాత్రం మార‌డం లేదని, ఇంకా రోడ్లపై గుంత‌లు ఎందుకున్నాయంటూ అధికారుల‌ను నిల‌దీశారు. 



టెస్టులు ఫ్రీ

Updated By ManamSun, 06/10/2018 - 03:54
  • తెలంగాణ డయాగ్నోస్టిక్ సెంట్రల్ హబ్‌ను ప్రారంభించిన కేటీఆర్

  • ఆరోగ్య తెలంగాణే మా లక్ష్యం: వైద్యశాఖ మంత్రి లక్ష్మారెడ్డి

 Ktrహైదరాబాద్: ఆరోగ్య తెలంగాణే లక్ష్యంగా రాష్ట్ర ప్రభుత్వం ప్రత్యేక చర్యలు చేపట్టిందని రాష్ట్ర మంత్రులు కేటీఆర్, లక్ష్మారెడ్డి తెలిపారు. హైదరాబాద్ నారాయణగూడలోని ఐపీఎం క్యాంపస్‌లో వ్యాధి నిర్ధారణ పరీక్షల కోసం తెలంగాణ డయాగ్నోస్టిక్స్ సెంట్రల్ హబ్‌ను మంత్రులు శనివారం ప్రారంభించారు. ఈ సందర్భంగా కేటీఆర్ మాట్లాడుతూ తెలంగాణ డయాగ్నోస్టిక్స్‌లో 53 రకాల వైద్య పరీక్షలను ఉచితంగా చేస్తారని తెలిపారు. తెలంగాణ డయాగ్నోస్టిక్స్ లో పేదలు పైసా ఖర్చు లేకుండా ఉచితంగా పరీక్షలు చేయించుకోవచ్చని తెలిపారు. పేదలకు మెరుగైన వైద్యం అందించటమే ప్రభుత్వ లక్ష్యమన్నారు. రాష్ట్ర వ్యాప్తంగా 40 డయాలసిస్ కేంద్రాలను ప్రారంభించామని తెలిపారు. అన్ని జిల్లా కేంద్రాల్లో ఉచిత డయాగ్నోస్టిక్స్ సెంటర్లు ఏర్పాటు చేస్తున్నామన్నారు. 24 గంటల పాటు ఇవి పని చేస్తాయన్నారు. పట్టణంలో ప్రస్తుతం 17 బస్తీ దవాఖానాలు నడుస్తున్నాయని చెప్పారు. వైద్య వ్యవస్థలో సీఎం కేసీఆర్ విప్లవాత్మకమైన మార్పులు తీసుకువస్తున్నారని అన్నారు. కేసీఆర్ కిట్ ద్వారా ప్రభుత్వ ఆస్పత్రులలో ప్రసవాల సంఖ్య బాగా పెరిగిందన్నారు.  రాష్ట్రంలోని ప్రభుత్వ ఆస్పత్రులను బలోపేతం చేస్తున్నామని తెలిపారు. వైద్య రంగాన్ని గత ప్రభుత్వాలు పట్టించుకోలేదని విమర్శించారు. తెలంగాణలోని ప్రజలందరూ ఆరోగ్యంగా ఉండాలనేది సీఎం లక్ష్యమని తెలిపారు.



తెలంగాణలో డయాగ్నోస్టిక్ సెంట్రల్ హబ్ ప్రారంభం

Updated By ManamSat, 06/09/2018 - 14:58

Diagnostic central hub, diagnostic examinations, KTR, Telangana Hub హైదరాబాద్: నగరంలో తెలంగాణ డయాగ్నోస్టిక్స్ సెంట్రల్ హబ్ ప్రారంభమైంది. తెలంగాణ రాష్ట్ర ప్రభుత్వం ప్రతిష్టాతక్మంగా చేపట్టిన ఈ హబ్‌ను నారాయణగూడ ఐపీఎం క్యాంపస్‌లో మంత్రులు లక్ష్మారెడ్డి, కేటీఆర్‌ ప్రారంభించారు. తెలంగాణ హబ్‌లో ఉచితంగా 53 రకాల వైద్యపరీక్షలు రాష్ట్ర ప్రజలకు అందుబాటులోకి తెచ్చారు. అయితే ఇంకా 106 కేంద్రాల నుంచి సెంట్రల్ హబ్‌కు నమూనాలు కూడా రానున్నాయి. సెంట్రల్ హబ్ ప్రారంభోత్సవం సందర్భంగా వైద్య పరీక్షల కోసం కేటీఆర్ రక్త నమూనా ఇచ్చారు. అనంతరం కేటీఆర్ మాట్లాడుతూ.. ‘నేను రాను బిడ్డో సర్కార్ దవాఖానకు..’ అని గతంలో సినీకవులు పాటలు రాశారని గతంలో ప్రభుత్వ వైద్యం పరిస్థితి దారుణంగా ఉండేదని అన్నారు. తెలంగాణ రాష్ట్రం ఏర్పడిన తర్వాత కేసీఆర్‌ నాయకత్వంలో సర్కారు వైద్యంలో విప్లవాత్మక మార్పులు తీసుకొచ్చామని చెప్పారు.

డయాగ్నోస్టిక్‌ హబ్‌ ద్వారా అన్ని రకాల పరీక్షల రిపోర్టులు 24 గంటల్లో ఇచ్చేలా ఏర్పాటు చేసినట్లు కేటీఆర్‌ చెప్పారు. తెలంగాణ డయాగ్నోస్టిక్స్‌లో 3 షిఫ్ట్‌ల్లో సిబ్బంది సేవలు అందిస్తారని తెలిపారు. తెలంగాణ డయాగ్నోస్టిక్‌ సెంట్రల్‌ హబ్‌ పేదప్రజలకు ఓ వరం అని పేర్కొన్నారు. టీఆర్ఎస్ ప్రభుత్వ హయాంలో ప్రజలకు మెరుగైన వైద్యం అందిస్తున్నామని చెప్పారు. దేశంలో ఎక్కడా లేని విధంగా ఐసీయూలు, ఎన్‌ఐసీయూలు ఏర్పాటు చేసినట్లు తెలిపారు. కేసీఆర్‌ కిట్లు వచ్చాక ప్రభుత్వాస్పత్రుల్లో 40 నుంచి 50 శాతం ప్రసవాలు పెరిగాయని కేటీఆర్ గుర్తుచేశారు. త్వరలో బస్తీ దవాఖానాలను 40కి పెంచుతామని ప్రకటించారు. భవిష్యత్‌లో ప్రతి 10 వేల మందికి ఒక బస్తీ దవాఖాన ఉండేట్లు చూస్తామని కేటీఆర్ హామీ ఇచ్చారు.



డిజిటల్ లావాదేవీల్లో తెలంగాణ నం.1

Updated By ManamSat, 06/02/2018 - 00:46
  • ఐటీ రంగం వార్షిక నివేదిక విడుదల.. చిన్నపట్టణాలకూ ఐటీ రంగాన్ని విస్తరిస్తున్నాం

  • హైదరాబాద్‌లోనూ ‘లుక్ ఈస్ట్’ విధానం.. ఐటీఐఆర్‌పై కేంద్రం నుంచి స్పందన లేదు 

  • ఎన్నికల్లో గెలిచి మళ్లీ నివేదిక ప్రవేశపెడతాం.. పరిశ్రమలు, ఐటీ శాఖ మంత్రి కేటీఆర్

ktrహైదరాబాద్: డిజిటల్ లావాదేవీల్లో తెలంగాణ మొదటి స్థానంలో ఉందని పరిశ్రమల, ఐటీ శాఖ మంత్రి కేటీఆర్ అన్నారు. ఐటీ రంగానికి సంబంధించిన వార్షిక నివేదికను హైదరాబాద్‌లోని ఓ హోటల్‌లో మంత్రి కేటీఆర్ శుక్రవారం విడుదల చేశారు. ఈ సందర్భంగా ఆయన మాట్లాడుతూ... తెలంగాణ ప్రభుత్వం ఏర్పడిన నాటి నుంచి ఐటీ రంగం రోజురోజుకూ అభివృద్ధి చెందుతుందన్నారు. ప్రస్తుతం ఐటీ రంగంలో 15.6 శాతం వృద్ధిని సాధించామన్నారు. ఐటీరంగంలో 10.3 శాతంగా ఉన్న దేశ వద్ధి రేటు కంటే తెలంగాణ వృద్ధి రేటు అధికంగా ఉందన్నారు. తెలంగాణలో ఐటీ రంగం అభివృద్ధికి 1.5 లక్షల ఉద్యోగాల కల్పనే నిదర్శనమన్నారు. డిజిటల్ లావాదేవీల అభివృద్ధే లక్ష్యంగా టీ-వాలెట్‌ను అందుబాటులోకి తెచ్చామన్నారు.  టీ యాప్ పోలియో ద్వారా మరిన్ని సేవలు అందిస్తామన్నారు. టీ-ఫైబర్ విధానాన్ని ఇప్పటికే రంగారెడ్డి జిల్లా మహేశ్వరం మండలంలోని నాలుగు గ్రామాల్లో విజయవంతం చేశామన్నారు. వినూత్న ఆలోచనలను ప్రోత్సహించేందుకు ఇన్నోవేషన్ సెల్ ఏర్పాటు చేశామన్నారు. మహిళా పారిశ్రామిక వేత్తల కోసం ఏర్పాటు చేసిన వీ-హబ్ కు మంచి స్పందన వస్తోందని తెలిపారు. ఏడాది కాలంలోనే గ్లోబల్ ఎంటర్‌ప్రెన్యూర్ సమ్మిట్ (జీఈఎస్), వరల్డ్ కాంగ్రెస్ ఇన్ఫర్‌మేషన్ టెక్నాలజీ, నేషనల్ కాన్ఫరెన్స్ ఆన్ ఈ -గవర్నెన్స్ వంటి ప్రతిష్టాత్మకమైన సదస్సులకు హైదరాబాద్ వేదికగా మారిందన్నారు. ఐటీ రంగాన్ని చిన్న పట్టణాలకూ విస్తరిస్తున్నామని తెలిపారు. హైదరాబాద్‌లో కేవలం గచ్చిబౌలి, కొండాపూర్, మాదాపూర్ ప్రాంతాలకే పరిమితమైన ఐటీ రంగాన్ని ఉప్పల్ ప్రాంతానికి తీసుకువచ్చేందుకు ‘లుక్ ఈస్ట్’ విధానం తీసుకువస్తున్నా మన్నారు. ఐటీఐఆర్‌పై నాలుగేండ్లుగా కేంద్రం నుంచి ఎలాంటి  స్పందన లేదన్నారు. గురువారం కేంద్ర మంత్రి రవిశంకర్ ప్రసాద్ మాటలతో అది నిరూపితమైందన్నారు. కేంద్ర సహకారం లేకున్నా హైదరాబాద్‌లో ఐటీ రంగాన్ని పూర్తి స్థాయిలో అభివృద్ధి చేస్తామని, దేశంలోనే మొదటి స్థానంలో నిలుపుతామన్నారు. నాలుగేండ్ల కింద ఐటీ రంగం లక్ష కోట్ల వాణిజ్యం చేసేంత అభివృద్ధి చెందుతుందని  మేం చెప్పిన అంచనాలు ఎవరూ నమ్మలేదని, కానీ ఇప్పుడు అదే నిజమైందన్నారు. తాత్కాలిక ఇబ్బందులు ఉన్నప్పటికీ వాటిని అధిగమించి ముందుకెళ్తామన్నారు. రాబోయే ఎన్నికల్లో గెలిచి వచ్చే జూన్‌లో మళ్లీ నివేదిక ప్రవేశపెడతామని ధీమా వ్యక్తం చేశారు. ఈ సందర్భంగా 25 అంశాల్లో అవార్డులను ప్రకటించారు. అవార్డులు గెలిచిన వారికి కేటీఆర్ శాలువాతో సత్కరించి, మెమోంటోలను అందజేశారు. 



పర్యావరణంలో.. తెలంగాణ భేష్!

Updated By ManamSat, 06/02/2018 - 00:46
  • ఐక్యరాజ్యసమితి పర్యావరణ విభాగం ప్రశంసలు.. అర్బన్ పార్కుల అభివృద్ధి ఆదర్శవంతం

  • స్వీయ అవగాహనతో కాలుష్య నియంత్రణ.. హరిత హారం అందరికీ ఆదర్శం

  • సంప్రదాయేతర ఇంధనం ఎంతో మేలు.. రెండేండ్లలో మరో 50 పార్కులు

ktrహైదరాబాద్: పర్యావరణ సమతుల్యత కోసం తెలంగాణ ప్రభుత్వం చేపడుతున్న కార్యక్రమాలు బాగున్నాయని ఐక్యరాజ్యసమితి పర్యావరణ విభాగం ప్రశంసించింది. హైదరాబాద్‌ను అంద మైన, ఆరోగ్యవంతమైన రాజధానిగా తీర్చిదిద్దుతామని మునిసిపల్, ఐటీ శాఖ మంత్రి కె. తారకరామారావు ప్రకటించారు. ఇందుకోసం అంతర్జాతీయ సంస్థల సహకారం తీసుకుంటామన్నారు. ప్రపంచ పర్యావరణ ఉత్సవాల నేపథ్యంలో ఐక్యరాజ్యసమితి పర్యావరణ విభాగం ఎగ్జిక్యూటివ్ డైరెక్టర్ ఎరిక్ సోల్ హెమ్‌తో కలిసి కేటీఆర్ నగర శివారులో అటవీ శాఖ అభివృద్ధి చేసిన భాగ్యనగర్ నందనవనం ఫారెస్ట్ అర్బన్ పార్కును సందర్శించారు. హరితహారంలో భాగంగా చేపట్టిన కార్యక్రమాల గురించి అటవీ శాఖ ఉన్నతాధికారులు ఈ సందర్భంగా వివరించారు. పార్కులో చేపట్టిన మొక్కల పెంపకం, పర్యావరణ ప్రదర్శన శాల, వాచ్‌టవర్, కనోపి వాక్‌లను ఎరిక్, కేటీఆర్ పరిశీలించారు. పార్కులో మొక్కలను నాటారు. కేబీఆర్ పార్కులోని మొక్కలు, పూల సమాహారంతో తయారు చేసిన ద ప్లవరింగ్ ప్లాంట్స్ ఆఫ్ కేబీఆర్ నేషనల్ పార్క్ పుస్తకాన్ని ఆవిష్కరించారు. ఈ సందర్భంగా తెలంగాణ రాష్ర విశిష్టతలు, అటవీ విస్తీర్ణం, పర్యావరణం కోసం చేపట్టిన కార్యక్రమాలను కేటీఆర్ ఎరిక్ సోల్‌హెమ్‌కు వివరించారు. హెచ్‌ఎండీఏ పరిధిలో ఔటర్ రింగ్‌రోడ్డు సమీపంలో చేపట్టిన అర్బన్ ఫారెస్ట్ పార్కుల గురించి తెలిపారు. రెండేండ్ల వ్యవధిలో మరో 50కి పైగా పార్కులను ప్రజలకు అందుబాటులోకి తీసుకొస్తున్నామని, అన్ని చెరువులు, సరస్సుల రక్షణ కోసం చేపట్టిన చర్యలను మ్యాపుల సాయంతో వివరించారు. అటవీ శాఖ తరపున ప్రభుత్వం చేపట్టిన హరితహారం, అర్బన్ ఫారెస్ట్ పార్కుల అభివృద్ధి, ఎవెన్యూ ప్లాంటేషన్(రహదారి వనాలు), అటవీ పునరుద్ధరణ పనులను ఉన్నతాధికారులు ఎరిక్‌కు తెలిపారు. పర్యావరణ రక్షణ కోసం తెలంగాణ ప్రభుత్వం ఇస్తున్న ప్రాధాన్యతను ఐక్యరాజ్య సమితి ప్రతినిధి ప్రశంసించారు. తెలంగాణకు హరితహారం ఇతర ప్రాంతాలకూ ఆదర్శనీయం అన్నారు. ప్లాస్టిక్ వాడకాన్ని తగ్గించడం, పర్యావరణ పరంగా ప్రతీ పౌరుడు బాధ్యతాయుతంగా ఉన్నప్పుడే కాలుష్య నియంత్రణ సాధ్యమవుతుందని ఎరిక్ అభిప్రాయపడ్డారు. సాంప్రదాయేతర ఇంధన వనరుల వైపు మళ్లడం ద్వారా కాలుష్యాన్ని తగ్గించడంతో పాటు అందుబాటులోని వనరులు హరిం చుకుపోకుండా కాపాడుకోగలమన్నారు. నందనవనం పార్క్‌లో విరివిగా ఉన్న వేప చెట్ల విశిష్టతను అటవీ శాఖ ప్రత్యేక ప్రధాన కార్యదర్శి అజయ్ మిశ్రా ఎరిక్‌కు వివరించారు. వందల ఏండ్లుగా వేపపుల్లను పళ్లు శుభ్రం చేసేందుకు భారతీయులు వాడుతున్నారని, అనేక ఔషధాల తయారీకి వేప ఉత్పత్తులు ఉపయోగపడతాయని మంత్రి కేటీఆర్ ఈ సందర్భంగా ఎరిక్‌కు తెలిపారు. దాదాపు గంటన్నర పాటు పార్కులో కలియ తిరిగిన ఎరిక్, కేటీఆర్ అటవీశాఖ అధికారులను ప్రశంసించారు. ఈ కార్యక్రమంలో ప్రధాన అటవీ సంరక్షణ అధికారి పీకే ఝా, అదనపు అటవీ సంరక్షణ అధికారులు లోకేష్ జైస్వాల్, ఆర్‌ఎం డోబ్రియల్, చంద్రశేఖరరెడ్డి, మేడ్చల్ అటవీ అధికారి సుధాకర్‌రెడ్డి తదితరులు పాల్గొన్నారు.



ఇక.. ఇసుక తయారీ!

Updated By ManamSun, 05/20/2018 - 04:44
  • త్వరలో సాండ్ మానుఫ్యాక్చరింగ్ ప్లాంట్లు.. రంగారెడ్డి జిల్లాల్లో ప్రయోగాత్మకంగా ఏర్పాటు 

  • వాటిలో వడ్డెరలకు ప్రథమ ప్రాధాన్యం.. వడ్డెర, ఎస్సీ, ఎస్టీ, సొసైటీలకు ప్రోత్సాహం 

  • యువకులకు శిక్షణ, రుణాలు.. జిల్లాల వారీగా ఇసుక రీచ్‌ల మ్యాపింగ్

  • మైనింగ్‌లో అక్రమాలకు పాల్పడితే చర్యలు.. పరిశ్రమలు, ఐటీ శాఖ మంత్రి కేటీఆర్

ktrహైదరాబాద్: సహజ సిద్ధంగా వస్తున్న ఇసుక స్థానంలో కృత్రిమంగా తయారు చేసిన ఇసుక వినియోగం పెంచాల్సిన అవసరం ఉందని  పరిశ్రమలు, ఐటీ, మైనింగ్ శాఖ మంత్రి కేటీఆర్ అభిప్రాయపడ్డారు. ఇందులో భాగంగా తొలిసారిగా రంగారెడ్డి జిల్లాలో ప్రయోగాత్మకంగా సాండ్ మ్యానుఫ్యాక్చరింగ్ ప్లాంట్లను ఏర్పాటు చేయాలని భావిస్తున్నామని వెల్లడించారు. ఈ యూనిట్లలో వడ్డెరలకు ప్రథమ ప్రాధాన్యం ఇస్తామన్నారు. మైనింగ్ శాఖ అధికారులతో వివిధ అంశాలపై శనివారం మంత్రి కేటీఆర్‌సమీక్ష నిర్వహించారు. ఈ సందర్భంగా ఆయన కొన్నేండ్లుగా స్టోన్ క్రషర్ల వంటి వాటి ద్వారా రాయి, ఇసుకను నమ్ముకుని జీవించే వడ్డెరలకు ఉపాధి పోయిందని, సాండ్ మానుఫ్యాక్చరింగ్ ప్లాంట్ల ద్వారా వారికి ఉపాధి దొరికే అవకాశం ఉందని కేటీఆర్ అన్నారు. రాష్ట్రంలోని అన్ని వర్గాల సంక్షేమానికి ప్రభుత్వం ప్రత్యేక శ్రద్ధ తీసుకుంటుందని అన్నారు. వడ్డెర సొసైటీలకు, ఎస్టీ, ఎస్సీ యువకులతో ఏర్పడే సొసైటీల ఆధ్వర్యంలో సాండ్ మానుఫ్యాక్చరింగ్ ప్లాంట్ల ఏర్పాటుకు ప్రభుత్వం సహకారం అందిస్తుందన్నారు. ఈ విధంగా స్వయం ఉపాధి కల్పించేందుకు ఎస్సీ, ఎస్టీ సంక్షేమ శాఖ, ఉప ప్రణాళికల ద్వారా ఆర్థిక సహాయం, ప్రభుత్వం తరపున శిక్షణ, రుణాలు ఇవ్వడం ద్వారా వారికి ప్రభుత్వం పూర్తి సహకారం అందిస్తుందన్నారు. త్వరలోనే రంగారెడ్డి జిల్లాలో ప్రయోగాత్మకంగా మాన్యూఫాక్చరింగ్ సాండ్ ప్లాంట్లను వడ్డెరలు, ఎస్సీ, ఎస్సీల ఆధ్వర్యంలో ఏర్పాటు చేయనున్నట్టు తెలిపారు. రానున్న ఏడాది కాలంలో జిల్లాల వారీగా ఇసుక అవసరాలు, ఏ మేరకు డిమాండ్ ఉంటుందో అంచనాలు సిద్ధం చేయాలని అధికారులను ఆదేశించారు. ముఖ్యంగా ప్రభుత్వ ప్రాజెక్టులు, ప్రైవేట్ హౌసింగ్ వంటి వివరాలతో కూడిన అంచనాలు తయారు చేసుకుని, అవసరమైన ఇసుక సరఫరాకు లక్ష్యాన్ని నిర్దేశించుకునేందుకు ప్రయత్నించాలన్నారు. స్థానికంగా, రాష్ట్ర వ్యాప్తంగా ఉన్న ఇసుక రీచులు జిల్లాల వారీగా మ్యాపింగ్ చేయాలన్నారు. పోలీసులు, రెవెన్యూ, మైనింగ్ శాఖ అధికారులు సంయుక్తంగా ఇసుక తవ్వకాలపైన పర్యవేక్షణ చేయాలని, ఎక్కడైనా నిబంధనలకు విరుద్ధంగా మైనింగ్ లేదా ఇసుక తరలింపు జరిగితే కఠిన చర్యలు తీసుకోవాలని అధికారులకు ఆదేశాలు జారీ చేశారు. ఈ విషయంపై త్వరలోనే జిల్లా కలెక్టర్లు, ఎస్పీలతో వీడియో కాన్ఫరెన్స్ నిర్వహించనున్నట్టు తెలిపారు. గతంలో నిర్ణయం తీసుకున్న మేరకు విధుల్లో ఉత్తమ పనితీరు ప్రదర్శిస్తున్న ఉద్యోగులకు ప్రోత్సహకాలు అందించే మార్గదర్శకాలను ఈ సమావేశంలో ఆమోదించారు. కాగా, ఇప్పటిదాకా 517 నాన్ వర్కింగ్ మైనింగ్ లీజులను రద్దు చేసినట్టు అధికారులు మంత్రి కేటీఆర్‌కు తెలిపారు. బయ్యారం స్టీల్ ప్లాంట్ అంశంపైన చర్చించేందుకు సింగరేణి, ఎన్‌ఎండీసీ, మైనింగ్ శాఖ అధికారులతో త్వరలో సమావేశం కానున్నట్టు తెలిపారు. మైనింగ్ జరుపుతున్న  ప్రాంతాల్లో పర్యవేక్షణ కోసం డ్రోన్ కెమెరాలతో ప్రయోగాత్మకంగా చేపట్టిన కార్యక్రమాన్ని అధికారులు మంత్రికి వివరించా రు. టెక్నాలజీ వినియోగం వల్ల మైనింగ్ మరింత పారదర్శకంగా జరుగుతుందన్నారు. టీఎస్‌ఎండీసీ ఇతర రాష్ట్రాల్లోనూ మైనింగ్ కార్యకలాపాలు చేపట్టేందు కు జాతీయ స్థాయి బిడ్డింగుల్లో పాల్గొంటున్నట్టు మైనింగ్ శాఖ అధికారులు తెలిపారు. ఈ సమావేశంలో పరిశ్రమల శాఖ ముఖ్యకార్యదర్శి జయేశ్ రంజన్, మైన్స్ శాఖ డైరెక్టర్ సుశీల్ కుమార్, టీఎస్ ఎండీసీ ఎండీ మల్సూర్, ఉన్నతాధికారులు పాల్గొన్నారు. 



15 ఏండ్లు కేసీఆరే సీఎం

Updated By ManamSat, 05/19/2018 - 01:48
  • 2019లో ఎన్నికలు ఏకపక్షమే.. ఒంటరిగానే ప్రభుత్వంలోకి వస్తాం

  • గెలవకపోతే రాజకీయాల్లో ఉండను.. ముఖ్యమంత్రి కావాలనే అత్యాశ లేదు

  • కేసీఆర్ కంటే ముందే రిటైర్ కావొచ్చు.. ‘రైతు బంధు’ అసాధారణం, చరిత్రాత్మకం

  • పదేండ్లలో ఎన్నడూ లేని సంతృప్తి.. రెండో హరిత విప్లవానికి తెలంగాణే కేంద్రం 

  • కాంగ్రెసోళ్లవి సొల్లు ముచ్చట్లు.. గాలి మాటలు.. మీడియాతో ఇష్టాగోష్టిలో మంత్రి కేటీఆర్

ktrహైదరాబాద్: తెలంగాణకు వచ్చే 15 ఏండ్లు సీఎంగా కేసీఆరేనని, రాష్ట్ర ప్రజలు సీఎంగా మళ్లీ కేసీఆర్‌నే నిలబెడతారని  మంత్రి కేటీఆర్ విశ్వాసం వ్యక్తం చేశారు. 2019లో జరుగబోయే ఎన్నికలు ఏకపక్షమేనని స్పష్టం చేశారు. శుక్రవారం సచివాలయంలో మీడియాతో ఆయన ఇష్టాగోష్ఠిగా మాట్లాడుతూ...టీఆర్‌ఎస్ పార్టీ మళ్లీ అధికారంలోకి రాకపోతే రాజకీయాలనుంచి తప్పుకుంటానని అన్నారు. వచ్చే ఎన్నికల్లో ఒంటరిగానే ప్రభుత్వాన్ని ఏర్పాటు చేస్తామన్నారు. రాష్ట్రంలో ఉన్న అన్నిపార్టీలూ ప్రభుత్వంలోకి రావాలని కోరుకుంటారని, కానీ ఎవరినీ గద్దెనెక్కించాలో ప్రజలే నిర్ణయిస్తారని పేర్కొన్నారు. సీఎం కావాలనే అత్యాశ తనకు లేదన్నారు. కేసీఆర్ కంటే ముందే రాజకీయాల నుంచి రిటైర్‌మెంట్ తీసుకోవచ్చమోనన్నారు. రైతు బంధ పథకం గురించి మాట్లాడుతూ... తెలంగాణ ప్రభుత్వం ఎంతో ప్రతిష్టాత్మకం చేపట్టిన రైతు బంధు పథకం చాలా గొప్పగా సాగుతుందన్నారు. పదేండ్లుగా రాజకీయాల్లో ఉన్నా ఎన్పడూ లేని సంతృప్తి ఈ రైతు బంధు పథకం ద్వారా పొందుతున్నానని తెలిపారు. జనాల మాటల్లో, చేతల్లో రైతు బంధు పథకం ప్రస్ఫుటంగా కనిపిస్తుందన్నారు. బ్యాంకులు కూడా చాలా ఓపికగా పనిచేస్తున్నాయని పేర్కొన్నారు. రైతు బంధు పథకంపై ఎన్నో అనుమానాలుండేవని ప్రభుత్వ పనితీరుతో అన్ని తొలగిపోయాయన్నారు. కౌలు రైతుల గురించి ప్రతిపక్షాలు అనవసర రాద్దాంతం చేస్తున్నాయేకానీ ప్రజలెవరూ కౌలు రైతుల గురించి మాట్లాడడం లేదన్నారు. రాష్ట్రంలో 98.3 శాతం చిన్న, సన్న కారు రైతులు, 1.7 శాతం పెద్ద రైతులున్నారని, ఈ పథకం ద్వారా అందరూ లబ్ధి పొందుతారని తెలిపారు. కానీ ప్రతిపక్షాలు పెద్దరైతులకే మేలు చేస్తున్నామని చంద్రునికో మచ్చన్నట్టు విమర్శిస్తున్నారని పేర్కొన్నారు. కాంగ్రెస్ నాయకులు చెప్పినట్టు పదెకరాలు ఉన్న వారికి ఇవ్వకపోతే దానిని విమర్శించేవారన్నారు. కేంద్రంలో ఉన్న బీజేపీ ప్రభుత్వం గ్యాస్ సబ్సిడీ కూడా పెద్ద, చిన్న అందరికీ వచ్చింది కదా అని ప్రశ్నించారు. వారం రోజుల్లోనే రూ.5800 కోట్లు రైతు బంధు చెక్కుల పంపిణీ చేశామన్నారు. ఈ రైతుబంధు పథకం అసాధారణం, చరిత్రాత్మకమని అన్నారు. ఇంత పెద్ద కార్యక్రమంలో చిన్న చిన్న సమస్యలు తలెత్తే అవకాశముంటుందన్నారు. గతంలో ఎన్నడూ లేని విధంగా ఇంటింటికీ వచ్చి పట్టా దారు పాసు పుస్తకాలు ఇస్తున్నామన్నారు. ప్రజల వద్దకే పాలనకు ఇది నిదర్శనమని తెలిపారు. ప్రతిపక్షాలు అంటున్నట్టుగా పెద్ద రైతులకే లాభం జరుగేందుకు ఆస్కారం లేదని, ల్యాండ్ సీలింగ్ చట్టం ప్రకారం ఒక వ్యక్తికి 54 ఎకరాల కంటే ఎక్కువ ఉండేందుకు హక్కు లేదన్నారు. అలాంటప్పుడు ఒక్కరికీ వందలాది లక్షలాది రూపాయల సహాయం ఎలా పొందగల్గుతారని ప్రశ్నించారు. కౌలు రైతులకు పెట్టుబడి సహాయం ఇవ్వకపోవడానికి కారణముందని, కౌలు ఒప్పందం దీర్ఘకాలికంగా ఉండదన్నారు. రైతు బంధు పథకం కింద లబ్ది పొందిన యాజమానే కౌలు తగ్గించుకుంటున్నారని తెలిపారు. రైతు బంధు పథకం వంద శాతం దేశానికి ఆదర్శమన్నారు. రెండో హరిత విప్లవానికి తెలంగాణ కేంద్రం కానుందన్నారు. తెలంగాణ సరిహద్దుల్లో ఉన్న ఆంధ్ర, కర్ణాటక, మహారాష్ట్ర రైతులు కూడా ఈ పథకంపై హర్షం వ్యక్తం చేస్తున్నారు. గ్రామీణ ఆర్థిక వ్యవస్థను బలోపేతం చేయడానికే ఈ పథకం ప్రవేశపెట్టామన్నారు.

ధాన్యాగారంగా తెలంగాణ..
ఇప్పటికే తెలంగాణ ధాన్యం బాండాగారంగా మారిందని, రాష్ట్రంలో ధాన్యం ఉత్పత్తి ఐదు రెట్లు పెరిగిందన్నారు. సాగుతో సంబంధం లేకుండా 1.38 లక్షల ఎకరాలకు పెట్టుబడి సాయం ఇస్తున్నామని పేర్కొన్నారు. ఈ పథకం కారణంగా గల్ఫ్ దేశాలకు వలస వెళ్లిన వారు కూడా తిరిగి తెలంగాణకు వలస వస్తారన్నారు. వ్యవసాయానికి కావాల్సిన ముఖ్యమైన అవసరాలు నీరు, విద్యుత్, ఎరువులు, గోదాములు అన్ని విషయాల్లో రైతులకు సహాయం చేస్తున్నామన్నారు. సాగు నీటి ప్రాజెక్టుల పనులు వాయు వేగంతో జరుగుతున్నాయని, ఒకే ఏడాదిలో ప్రాజెక్టులకు రూ. 37 కోట్లు చేసిన ఘనత టీఆర్‌ఎస్ ప్రభుత్వానిదన్నారు.  24 గంటల విద్యుత్ అందిస్తున్నామని తెలిపారు. గతంలో ఎరువుల కోసం రోజుల తరబడి లైన్లలో నిలబడేదని, ఇప్పుడు ఆ పరిస్థితి లేదన్నారు. రైతులకు గిట్టుబాటు ధర కల్పించడం, ధర స్థిరీకరణ కోసమే రైతు సమన్వయ సమితులను ఏర్పాటు చేశామన్నారు. గతంలో పంట నష్టపోతే ఇన్సూరెన్స్ వచ్చిన దాఖలాలే లేవని, అందుకే రైతు యూనిట్‌గా, కమతం యూనిట్‌గా బీమా ఉండే విధంగా చర్యలు తీసుకుంటున్నట్టు పేర్కొన్నారు. అందుకే రైతులకు 5 లక్షల బీమాను కల్పిస్తున్నామని, రైతు కోసం ఆలోచించే నేత సీఎం కేసీఆర్ తప్ప మరెవరూ లేరన్నారు. వ్యవసాయంతోపాటు ఫుడ్ ప్రాసెసింగ్ పరిశ్రమలు కూడా ఏర్పాటు చేస్తున్నామని చెప్పారు. అన్ని రంగాల్లో అభివృద్ధి చేసేందుకు నలుగురు మంత్రులతో కూడా సబ్ కమిటీ ఏర్పాటు చేసినట్టు తెలిపారు.

కాంగ్రెసోళ్లవి సొల్లు ముచ్చట్లు..
కాంగ్రెస్ నాయకులు ఎన్నికల్లో గెలువడానికే రూ. 2 లక్షల రుణమాఫీ, నిరుద్యోగ భృతి అంటూ మాట్లాడుతున్నారని అన్నారు. రాష్ట్రంలో అసలు ఎంతమంది రైతులకు రెండు లక్షల రుణం ఉందని ప్రశ్నించారు. నిరుద్యోగ భృతి ఇస్తామంటున్నారు, రాష్ట్రంలో పదో తరగతి చదివే వారు ఎంత మంది, ఇంటర్ చదివే వారు ఎంతమందో లెక్కలున్నాయా అని ప్రశ్నించారు. కాంగ్రెసోళ్లవి సొల్లు ముచ్చట్లు, గాలి మాటలని ఇవన్నీ ఎన్నికల్లో గెలవడం కోసమే మాట్లాడుతున్నారని విమర్శించారు.

టీఎస్‌పీఎస్సీ ద్వారా 30 వేల ఉద్యోగాల భర్తీ..
ఏపీపీఎస్‌సీ ద్వారా పదేండ్లలో 5 వేల ఉద్యోగాలు భర్తీ చేస్తే నాలుగేండ్లలో 30 వేల ఉద్యోగాలు భర్తీ చేశామన్నారు. రైతు బంధు పథకంతో ఐదేండ్లలో ఐదెకరాలున్న ప్రతి రైతుకూ రూ. 2 లక్షల ముందస్తు సహాయం చేస్తుంటే కాంగ్రెస్ ఇచ్చే రుణ మాఫీ ఎందుకని ప్రశ్నించారు. చిన్న రైతులకు 30 వేల కంటే ఎక్కువ రుణం ఉండదని స్పష్టం చేశారు. విజయ్ మాల్యా లాంటి వారికి ఇచ్చేప్పుడు ప్రశ్నించరు కానీ రైతులకు ఇస్తుంటే అడ్డమైన ప్రశ్నలన్ని అడుగుతున్నారని మండిపడ్డారు. కేంద్ర ప్రభుత్వం తీసుకున్న జీఎస్టీ నిర్ణయం దేశానికే సమ్మెట పోటు అని విమర్శించారు.
 
మాది బీ, సీ టీమ్ కాదు..
కర్ణాటక రాజకీయాల్లో జరిగే నాటకీయ పరిణామాలపై స్పందిస్తూ... దేశంలో ఎవరికీ సబార్డినేట్‌గా పనిచేసే అవసరం టీఆర్‌ఎస్ పార్టీకి లేదని స్పష్టం చేశారు. ఏ జాతీయ పార్టీకీ బీ, సీ టీములుగా చేయాల్సిన అగత్యం టీఆర్‌ఎస్‌కు పట్టలేదన్నారు. కర్ణాటక కాంగ్రెస్ ఎమ్మెల్యేలను తెలంగాణకు తీసుకరావడంతోనే తెలంగాణ శాంతి భద్రతలు ఎంతో చక్కగా ఉన్నాయో తెలుస్తుందని, కాంగ్రెస్ నాయకులు ఈ చర్యతో దానిని నిజం చేశారని తెలిపారు. కర్ణాటకలో యడ్యూరప్ప ప్రభుత్వం ఏర్పాటు చేసేందుకు గవర్నర్ 15 రోజుల సమయం ఇవ్వడంపై స్పందిస్తూ అసలు ఐదేండ్లు ఇస్తారేమో అని అనుకున్నానని కానీ అలా జరుగలేదని ఎద్దేవా చేశారు. కర్ణాటక తర్వాత తెలంగాణనే బీజేపీ లక్ష్యంగా పెట్టుకోవడం హాస్యాస్పదమన్నారు. బీజేపీ, కాంగ్రెస్ నాయకులకు కొరుకుడు పడని నాయకుడు కేసీఆర్ అనిఅన్నారు.

కేసీఆర్‌కు ఓడించడం బీజేపీవల్ల కాదు..
బీజేపీ ఎన్ని ఎత్తులు వేసినా కేసీఆర్‌ను ఓడించడం కాని పని అన్నారు. హైదరాబాద్‌ను రెండో రాజధానిగా చేసి కేసీఆర్ పాలన సాగిస్తారని తెలిపారు.  దేశంలో కేసీఆర్ కంటే ధార్మికమైన నాయకుడు లేరన్నారు. తెలంగాణలో ఎమ్మెల్యేలపై అసంతృప్తి ఉన్నా ప్రజలు కేసీఆర్‌ను సీఎం చేయడం కోసమైనా టీఆర్‌ఎస్‌ను గెలిపిస్తార న్నారు. అస్థిత్వం, ఉనికిని కాపాడుకోవడంలో భాగంగా కార్మిక సంఘాలు సమ్మె నోటిస్ ఇస్తున్నాయన్నారు. టీఆర్‌ఎస్ ప్రభుత్వం ఎంప్లాయీ ఫ్రెండ్లీ గవర్నమెంట్ అని పేర్కొన్నారు. తెలంగాణ వచ్చిన తర్వాత జీవితానికి ఇది చాలు అనుకున్నామని, ఇదంతా బోనస్సేనని తెలిపారు. కేసీఆర్‌ను తెలంగాణను ఎవరూ విడదీయలేరని, తెలంగాణను తెచ్చింది కేసీఆర్ అని అన్నారు. ఐదేండ్లలో 2.60 ఇండ్లు కట్టిస్తామని హామీ ఇచ్చామని, కట్టించి తీరుతామన్నారు. పరిశ్రమల ఏర్పాటుకు రాయితీ ఇస్తే కాంగ్రెస్ నాయకులు విమర్శిస్తున్నారు వారి హయాంలో రాయితీ ఇవ్వకుండానే పరిశ్రమలకు అనుమతులు ఇచ్చారా అని ప్రశ్నించారు. బతుకమ్మ చీరల్లో రూ. 150 కోట్లు, పాస్‌పుస్తకాల ముద్రణలో రూ. 80 కోట్ల కుంభకోణం ఉందని హేతుబద్దత లేని విమర్శలు చేస్తున్నారని మండిపడ్డారు. ఎన్నికలు ఎప్పుడు వచ్చినా మేము రెడీ అన్నారు. కాంగ్రెస్ నాయకుల మాటలేమో కోటలు దాటుతయి, ఎన్నికలంటే వణుకుపోతారని విమర్శించారు. హైదరాబాద్‌లో ఫార్మాసిటీ ఏర్పాటుపై ప్రజలను రెచ్చగొట్టి అడ్డుకోవడానికి ప్రయత్నిస్తున్నారన్నారు. పర్యావరణ అనుమతుల కోసం ఆగుతున్నామని, అనుమతులు వచ్చాక భూనిర్వాసితుల కుటుంబాల్లో ఒక్కరికి ఉద్యోగం ఇస్తామని, వారి కుటుంబాల్లో అర్హత లేని వారున్నా వారికి శిక్షణ ఇచ్చి ఉద్యోగ ఇస్తామని హామీ ఇచ్చారు. ఫార్మా సిటీ ఏర్పాటుపై ప్రజల్లో ఉన్న అనుమానాలను త్వరలోనే తొలగిస్తామన్నారు.





Related News