america

ఆరు నెలల్లో 4లక్షలకు పైగా సైబర్ దాడులు 

Updated By ManamMon, 11/12/2018 - 09:50

 Cyber Attacksన్యూఢిల్లీ: పెరుగుతున్న టెక్నాలజీతో పాటు సైబర్ దాడులు క్రమంగా పెరిగిపోతున్నాయి. ఈ క్రమంలో ఈ ఏడాది జనవరి-జూన్ మధ్య కాలంలో భారత దేశంపై 4.36లక్షల సైబర్ దాడులు జరిగినట్లు సైబర్ సెక్యూరిటీ సంస్థ ఎఫ్ సెక్యూర్ తెలిపింది. రష్యా, అమెరికా, చైనా, నెదర్లాండ్స్ దేశాల నుంచి ఎక్కవ మంది సైబర్ నేరగాళ్లు భారత్‌పై దాడి చేసినట్లు ఆ సంస్థ వెల్లడించింది. రష్యా నుంచి అత్యధికంగా 2,55,589.. అమెరికా నుంచి 1,03,458, చైనా నుంచి 42,544, నెదర్లాండ్స్ నుంచి 19,169.. జర్మనీ నుంచి 15,330 మంది సైబర్ దాడి చేసినట్లు ఆ సంస్థ పేర్కొంది.

ప్రపంచవ్యాప్తంగా ఈ దాడులను ఎదుర్కొంటున్న జాబితాలో భారత్‌ 21వ స్థానంలో ఉందని.. భారత నెటిజన్లను 6,95,396మంది హ్యాకర్లు లక్ష్యంగా చేసుకున్నారని వెల్లడించింది. ఇక దాడులు చేస్తున్న జాబితాలో భారత్ 13వస్థానంలో ఉందని.. మొత్తం 73,482మంది హ్యాకర్లు ఇక్కడి నుంచి దాడులు చేస్తున్నారని ఎఫ్ సెక్యూర్ తెలిపింది.



అమెరికాలో కాల్పులు.. 12మంది మృతి

Updated By ManamFri, 11/09/2018 - 08:56

Americaకాలిఫోర్నియా: అమెరికాలో మరోసారి కాల్పులు కలకలం సృష్టించాయి. సంగీత హోరులో మునిగితేలిన యువతే లక్ష్యంగా నౌకాదళ మాజీ మెరీన్ ఉద్యోగి చేసిన కాల్పుల్లో 12మంది దుర్మరణం చెందారు. మరో 21మంది గాయపడ్డారు. కాలిఫోర్నియా రాష్ట్రంలోని లాస్ ఏంజిలెస్ శివార్లలో ఈ ఘటన జరిగింది. 

అక్కడ ఓ బార్‌లో కాలేజీ విద్యార్థుల కోసం వెడ్‌నెస్‌డే నైట్ పార్టీని నిర్వాహకులు ఏర్పాటు చేశారు. ఈ కార్యక్రమానికి వందల మంది యువతీ యువకులు వెళ్లారు. యువతీ యువకులంతా ఉల్లాసంతా ఆడుతూ పాడుతూ ఉన్న సమయంలో నౌకాదళ మాజీ మెరీన్ ఉద్యోగి ఇయాన్ డేవిడ్ లాంగ్ బార్‌లోకి ప్రవేశించాడు. వచ్చీ రాగానే పొగ బాంబులు విసిరి గందరగోళం సృష్టించిన డేవిడ్.. ఆ వెంటనే పిస్తోలుతో విచక్షణారహితంగా కాల్పులు జరిపాడు. దీంతో ఉలిక్కిపడ్డ యువత ఆర్తనాదాలు చేసుకుంటూ తలోదిక్కుకు పలుగురు తీశారు. ఈ క్రమంలో 10మంది చనిపోగా, కొంతమంది గాయపడ్డారు.

విషయం తెలియగానే రంగంలోకి దిగిన పోలీస్ బృందాలు బార్‌ను చుట్టుముట్టాయి. అనంతరం బార్‌లోకి వెళ్లిన ఓ పోలీస్ అధికారి రాన్‌పై డేవిడ్ కాల్పులు జరపగా.. తీవ్రగాయాలపాలైన ఆయన ఆసుపత్రిలో తుదిశ్వాసను విడిచాడు. ఆ తరువాత తనను తాను కాల్చుకొని మరణించాడు డేవిడ్. కాగా అమెరికా నౌకాదళంలోని ప్రతిష్టాత్మక మెరీన్ కోర్‌లో పనిచేసిన డేవిడ్, చిన్నపాటి నేరాలకు పాల్పడేవాడని, కానీ ఈ చర్యకు ఎలా పాల్పడ్డాడో కారణం కనుక్కుంటామని అధికారులు తెలిపారు. మరోవైపు డేవిడ్ ఇంట్లోనూ అధికారులు సోదాలు చేస్తున్నారు. కాగా పది రోజుల క్రితం అమెరికాలోని యూదుల ప్రార్థన స్థలంలో జరిపిన కాల్పుల్లో 11మంది మరణించిన విషయం తెలిసిందే.



అవెురికా బార్‌లో కాల్పులు

Updated By ManamFri, 11/09/2018 - 01:40
  • పొగబాంబు వేసి హ్యాండ్‌గన్‌తో కాల్పులు

  • 13 మంది మృతి... పలువురికి గాయాలు

  • క్షతగాత్రులలో పోలీసు.. ఆస్పత్రికి తరలింపు

america-fireథౌజండ్ ఓక్స్ (అవెురికా): అవెురికాలో మరోసారి తుపాకి సంస్కృతి రెచ్చిపోయింది. దక్షిణ కాలిఫోర్నియాలో జనంతో కిటకిటలాడుతున్న ఓ బార్‌లో నిందితుడు జరిపిన కాల్పుల్లో 12 మంది మరణించారు. అనంతరం పోలీసులు జరిపిన కాల్పుల్లో కాల్పులు జరిపిన దుండగుడు కూడా మరణించాడు. ఈ కాల్పుల్లో ఒక పోలీసు సైతం మరణించినట్లు వెంచురా కౌంటీ షెరిఫ్ ఆఫీసు కెప్టెన్ కురెడ్జైన్ తెలిపారు. అవెురికా కాలమానం ప్రకారం రాత్రి 11.20 గంటల సమయంలో థౌజండ్ ఓక్స్ నగరంలోని బోర్డర్ లైన్ బార్ అండ్ గ్రిల్‌లో కాల్పులు మొదలైనట్లు తెలిసిందన్నారు. ఈ నగరం లాస్ ఏంజెలిస్‌కు పశ్చిమంగా 40 మైళ్ల దూరంలో ఉంటుంది. పోలీసులకు విషయం తెలిసి అక్కడకు వెళ్లేసరికి ఇంకా కాల్పులు కొనసాగుతున్నాయి. ఈ ఘటనలో కాల్పులు జరిపిన దుండగుడు సహా 13 మంది మరణించగా ఇంకా చాలామందికి బుల్లెట్ గాయాలయ్యాయి. ముందుగా పొగబాంబులు విసిరిన నిందితుడు.. ఆ తర్వాత హ్యాండ్‌గన్‌తో కాల్పులు జరిపాడని ప్రత్యక్ష సాక్షులు ఏబీసీ న్యూస్‌కు తెలిపారు. కనీసం 30 రౌండ్లు అతడు కాల్పులు జరిపినట్లు తెలుస్తోంది. బార్ వద్ద ఎక్కువ మంది విద్యార్థులే ఉన్నట్లు తెలుస్తోంది. అక్కడ వాళ్లంతా ఒక పార్టీ ఏర్పాటుచేసుకోవడంతో ఎక్కువ సంఖ్యలో యువతీ యువకులే అక్కడకు చేరుకున్నట్లు స్థానిక మీడియా వర్గాల ద్వారా తెలుస్తోంది



‘ప్రతినిధుల’పై  డెమోక్రాట్లు

Updated By ManamFri, 11/09/2018 - 01:40
  • సెనేట్‌లో ‘ట్రంప్’ రిపబ్లికన్లు

  • అమెరికా కాంగ్రెస్ మధ్యంతర ఎన్నికల్లో మిశ్రమ ఫలితాలు

  • అధికార రిపబ్లికన్లకు ఎదురుదెబ్బ

  • డొమోక్రాట్లతో కలిసి పని చేస్తాం

  • స్నేహ హస్తం చాచిన అధ్యక్షుడు

americaవాషింగ్టన్: అమెరికాలో కాంగ్రెస్‌కు అంత్యంత ప్రతిష్ఠాత్మకంగా జరిగన మధ్యంతర ఎన్నికల్లో మిశ్రమ ఫలితాలువ వెలువడ్డాయి. ప్రతినిధుల సభ (దిగువ సభ-మన దేశంలో లోక్‌సభతో సమానం)లో విపక్ష డెమోక్రాట్లు అత్యధిక స్థానాలు గెలుచుకున్నారు. కాగా, సెనేట్ (ఎగువసభ)లో అధ్యక్షుగడు ట్రంప్ రిపబ్లిక్ పార్టీ సెనేట్ ఆధిక్యం సాధించింది. ప్రతినిధుల సభలోని 435 స్థానాల్లో ఎన్నికలు జరగగా 419 చోట్ల ఫలితాలు వెల్లడయ్యాయి. వీటిలో 223 స్థానాల్లో డెమోక్రాట్లు గెలుపొందగా, 196 స్థానాల్లో రిపబ్లికన్లు విజయం సాధించారు. గతంలో రిపబ్లికన్లు గెలిచిన 28 స్థానాలను కూడా డెమోక్రాట్లు కైవసం చేసుకోవడంతో హౌస్‌లో డెమోక్రాట్లు మోజార్టీని పొందారు. ఇక సెనేట్‌లో మాత్రం రిపబ్లికన్ పార్టీ ఎట్టకేలకు తమ ఆధిక్యాన్ని నిలుపుకుంది. సెనేట్‌లోని మొత్తం 100 స్థానాల్లో 35 సీట్లకు పోలింగ్ జరగగా.. 32 చోట్ల ఫలితాలు వెలువడ్డాయి. ఈ ఫలితాలనంతరం సెనేట్‌లో రిపబ్లికన్లు 51 మంది, డెమోక్రాట్లు 49 మంది అయ్యారు. ఇందులో డెమోక్రాట్లు రెండు సీట్లను కోల్పోయారు. ఇంకా మూడు స్థానాల్లో ఫలితా లు వెలువడాల్సి ఉంది. ఇక 36 రాష్ట్రాల గవర్నర్ పదవులకు ఎన్నికలు జరగగా ఇప్పటికి 33 స్థానాల్లో ఫలితాలు వెలువడ్డాయి. తాజా ఫలితాలతో డెమోక్ర టిక్ గవర్నర్లు గతం కంటే ఏడుగురు పెరిగారు. తాజా ఫలితాలతో ట్రంప్ ఇష్టానుసారంగా నిర్ణయాలు తీసు కునే అవకాశం ఉండదని, డెమోక్రాట్ల మద్దత ఉంటేనే ముందుకు వెళ్లగలరని నిపుణులు అంటున్నారు.

సీఎన్‌ఎన్ రిపోర్టర్ పాస్ రద్దు!
మీడియాపట్ల దురుసుగా వ్యవహరిస్తున్న డొనాల్డ్ ట్రంప్.. మరో వివాదాస్పద నిర్ణయం తీసుకున్నారు. మధ్యంతర ఎన్నికల ఫలితాల అనంతరం నిర్వహించిన మీడియా సమావేశంలో తనతో వాగ్యుద్ధానికి దిగిన సీఎన్‌ఎస్ రిపోర్టర్ జిమ్ అకోస్టా ఇకపై వైట్‌హౌజ్‌లోకి రాకుండా ఆదేశాలు ట్రంప్ ఆదేశాలు జారీ చేశారు.  జిమ్ అకోస్టా ప్రెస్ పాస్‌ను రద్దు చేశారు.  మీడియా సమావేశంలో వలసదారులపై ట్రంప్ అనుసరిస్తున్న విధానాలను ప్రస్తావిస్తూ.. ఇది ఒకరమైన దాడే కదా అంటూ ఆ జర్నలిస్టు ప్రశ్నించారు. ఇద్దరి మధ్య వాగ్యుద్ధం జరిగింది. మరో ప్రశ్న అడిగేందుకు అకోస్టా సిద్ధమవుతుండగా.. ‘కూర్చో.. అతడి నుంచి మైక్రోఫోన్ లాక్కోండి’ అంటూ ట్రంప్ అసహనం వ్యక్తం చేశారు.  ఈ నేపథ్యలో వైట్‌హౌజ్‌లోకి రాకుండా ఆయన పాస్‌ను రద్దు చేస్తూ నిర్ణయం తీసుకున్నారు.



అమెరికాలో కాల్పులు.. ముగ్గురు మృతి

Updated By ManamSat, 11/03/2018 - 09:56

Shooting in Americaటల్లాహస్సీ: అగ్రరాజ్యం అమెరికాలో మరోసారి కాల్పులు కలకలం సృష్టించాయి. ఫ్లొరిడా రాజధాని టల్లాహస్సీలోని యోగా స్టూడియోలో శుక్రవారం రాత్రి ఓ దుండగుడు కాల్పులకు తెగబడ్డాడు. ఈ కాల్పుల్లో ఇద్దరు మృతి చెందగా మరో ఐదుగురికి తీవ్ర గాయాలయ్యాయి. ఘటన అనంతరం దుండగుడు తనను తాను కాల్చుకొని ఆత్మహత్య చేసుకున్నాడు. విషయం తెలుసుకున్న పోలీసులు సంఘటనా స్థలానికి చేరుకొని క్షతగాత్రులను సమీప ఆసుపత్రికి తరలించారు. ఘటనాస్థలంలో చాలామంది దుండగుడితో పోరాడారని, తమ ప్రాణాలతో పాటు ఇతరులను రక్షించడానికి వారు ప్రయత్నించారని పోలీసులు వెల్లడించారు.



అమెరికాపై సుంకాల విధింపు వాయిదా

Updated By ManamFri, 11/02/2018 - 22:53

india-us-reutersన్యూఢిల్లీ: బాదం పప్పు, వాల్‌నట్, పప్పు ధాన్యాలతో సహా 29 ఉత్పత్తులపై హెచ్చు కస్టమ్స్ సుంకాల విధింపు గడువును మరో 45 రోజులకు అంటే డిసెంబర్ 17 వరకు ఇండియా పొడిగించింది. ఇండియా ఇలా ప్రతీకార సుంకాల విధింపును వాయిదా వేయడం ఇది మూడోసారి. సుంకాల హెచ్చింపు అమలును డిసెంబర్ 17 వరకు వాయిదా వేస్తున్నట్లు ఆర్థిక మంత్రిత్వ శాఖ ఒక నోటిఫికేషన్‌లో తెలిపింది. సుంకం హెచ్చింపును అమలులోకి తెచ్చే గడువును మరికొంత కాలం పొడిగించవలసిందిగా  వాణిజ్య మంత్రిత్వ శాఖ ఆర్థిక మంత్రిత్వ శాఖను కోరింది. ఆగస్టు 4 నుంచి ప్రతీకార సుంకాలు విధించాలని ఇండియా జూన్‌లో నిర్ణయించుకుంది. కానీ, దాన్ని మరో 45 రోజులపాటు సెప్టెంబర్ 18 వరకు పొడిగించారు. తర్వాత నవంబర్ 2 వరకు పొడిగిస్తున్నట్లు ప్రకటించారు. హెచ్చు దిగుమతి సుంకాల విధింపులో భాగంగా, వాల్‌నట్లపై సుంకాన్ని 30 శాతం నుంచి 120 శాతానికి పెంచాలని సంకల్పించారు. శనగలపై సుంకాన్ని 30 శాతం నుంచి 70 శాతానికి పెంచాలని నిర్ణయించారు. మసూరి పప్పుపై సుంకాన్ని 30 శాతం నుంచి 40 శాతానికి పెంచనున్నారు. హెచ్చు సుంకాలు ఆకర్షించే ఇతర వస్తువుల్లో  బోరిక్ యాసిడ్, ఫాస్ఫారిక్ యాసిడ్, డయాగ్నస్టిక్ రీజెంట్, ఇనుప ఫ్లాట్ రోల్డ్ వస్తువులు, స్టెయిన్‌లెస్ స్టీల్‌కు చెందిన కొన్ని రకాల ఫ్లాట్ రోల్డ్ ఉత్పత్తులు కూడా ఉన్నాయి. ఉక్కు, అల్యూమినియం దిగుమతులపై అధిక టారిఫ్‌లు విధిస్తూ అమెరికా అధ్యక్షుడు డొనాల్డ్ ట్రంప్ మార్చి 9న తీసుకున్న నిర్ణయానికి ప్రతీకారంగా ఇలా సుంకాలు పెంచాలని ఇండియా నిర్ణయించుకుంది. 

వీటిని పరిష్కరించుకునే ఒక రకమైన వాణిజ్య ఒప్పందాన్ని ఖరారు చేసేందుకు భారత్, అమెరికాలకు చెందిన సీనియర్ అధికారులు చర్చలు జరుపుతున్నారు. రెండు పక్షాలు రెండు విధాల చర్చలు జరుపుతున్నాయి. స్వల్ప, మధ్యకాలిక వర్తకాన్ని పెంచుకునేందుకు ఒక రకం చర్చలు జరుగుతున్నాయి. దీర్ఘకాలిక వాణిజ్య సామర్థ్యాలను గుర్తించేందుకు మరో విధమైన చర్చలు సాగుతున్నాయి. అమెరికా తమ వ్యవసాయ, వస్తూత్పత్తి రంగాల వస్తువులకు మరింత ఎక్కువ మార్కెట్ సౌలభ్యం కల్పించాలని కోరుతోంది. వాటిలో వైద్య పరికరాలు కూడా ఉన్నాయి. అమెరికాకు భారత్ ఎగుమతులు 2017-18లో 47.9 బిలియన్ డాలర్లుగా ఉన్నాయి. అమెరికా నుంచి దిగుమతులు అదే కాలంలో 26.7 బిలియన్ డాలర్లుగా ఉండి వర్తక సమతౌల్యం భారతదేశానికి అనుకూలంగా ఉంది.



భారత్‌పై అమెరికా మరో దెబ్బ

Updated By ManamFri, 11/02/2018 - 07:36
  • 50 వస్తువులపై రాయితీ ఎత్తివేత  

imageవాషింగ్టన్: భారత్-అమెరికాల మధ్య నెలకొన్న వాణిజ్య సమస్యలపై అగ్రరాజ్యం తన వైఖరిని ఏ మాత్రం మార్చుకునేందుకు సిద్ధంగా లేదనేది మరోసారి స్పష్టమైంది. తాజాగా అమెరికా దిగుమతి చేసుకునే 90 వస్తువులపై సుంకం రాయితీలను ఎత్తివేసింది. వీటిలో 50 వస్తువులు భారత్ నుంచి దిగుమతి చేసుకునేవే కావడం గమనార్హం. జనరలైజ్డ్ సిస్టమ్ ఆఫ్ ప్రిఫరెన్సెస్(జీఎస్పీ) కింద అమెరికా కొన్ని దిగుమతి చేసుకునే వస్తువులపై సుంకాల్లో పూర్తి రాయితీ కల్పిస్త్తోంది. అయితే తాజాగా ఈ జాబితా నుంచి 90 వస్తువులను తీసేస్తున్నట్లు ఫెడరల్ రిజిస్టర్ ఓ నోటిఫికేషన్ జారీ చేసింది. నవంబరు 1 నుంచి 90 వస్తువులపై సుంక రహిత రాయితీని ఎత్తివేస్తున్నట్లు గత మంగళవారం అమెరికా అధ్యక్షుడు డొనాల్ ట్రంప్ ఓ ప్రకటనలో తెలిపారు. ‘నవంబరు 1 నుంచి ఈ వస్తువులు జీఎస్పీ కిందకు రావు’ అని అమెరికా వాణిజ్య ప్రతినిధి ఒకరు మీడియాకు వెల్లడించారు. కాగా.. దేశాలను పరిగణనలోకి తీసుకుని ఈ వస్తువులను ఎంపిక చేయలేదని, ఆయా వస్తువుల ప్రాధాన్యం ప్రకారమే నిర్ణయించామని ఆ ప్రతినిధి తెలిపారు.

భారత్‌పైనే ఎక్కువ ప్రభావం..
అమెరికా జీఎస్పీ వల్ల ఎక్కువగా లాభపడుతున్న దేశాల్లో భారత్ ప్రథమ స్థానంలో ఉంది. ట్రంప్ తాజా నిర్ణయం భారత్‌పై తీవ్ర ప్రభావం చూపే అవకావం ఉంది. రాయితీ ఎత్తివేసిన 90 వస్తువుల్లో దాదాపు 50 వస్తువులు భారత్ నుంచి దిగుమతి చేసుకునేవే. కందులు, గుండు పోకలు, మామిడి పండ్లు, వెనిగర్, ఇసుకరాయి తదితర వస్తువులపై రాయితీ ఎత్తివేసింది. తాజా నిర్ణయం భారత్‌లోని చిన్న, మధ్య తరహా వ్యాపారాలపై అధిక ప్రభావం చూపనుంది. ముఖ్యంగా హస్తకళలు, వ్యవసాయ రంగాల ఉత్పత్తులకు అమెరికాలో గిరాకీ తగ్గే అవకాశముంది. భారత్‌తో పాటు అర్జెంటీనా, బ్రెజిల్, థాయ్‌లాండ్, పాకిస్తాన్, టర్కీ, ఫిలిప్పీన్స్, ఈక్వెడార్, ఇండోనేషియా లాంటి దేశాల నుంచి దిగుమతి చేసుకునే వస్తువులపై కూడా అమెరికా రాయితీని ఎత్తివేసింది.



ఒబామా, క్లింటన్ ఇళ్లకు పేలుడు పదార్థాలు

Updated By ManamThu, 10/25/2018 - 09:12

Barack Obama, Hillary Clintonవాషింగ్టన్: అమెరికా మాజీ అధ్యక్షుడు బరాక్ ఒబామా, మరో మాజీ అధ్యక్షుడు బిల్ క్లింటన్ సతీమణి హిల్లరీ క్లింటన్ ఇళ్లకు గుర్తు తెలియని దుండగులు పేలుడు పదార్థాలను కొరియర్ చేశారు. ఈ విషయాన్ని ముందే పసిగట్టిన అమెరికా సీక్రెట్ సర్వీస్ ఏజెంట్స్ వాటిని అడ్డుకొని నిర్వీర్యం చేశారు. ఒబామాకు వచ్చిన పార్సిల్ వాషింగ్టన్, హిల్లరీకి వచ్చిన పార్సిల్ న్యూయార్క్‌ నుంచి వచ్చినట్లు వారు వెల్లడించారు.

మరోవైపు సీఎన్ఎన్ వార్తాసంస్థ బిల్డింగ్‌కు అనుమానాస్పద పార్శిల్ రావడంతో న్యూయార్క్‌లోని బ్యూరో భవనాన్ని ఖాళీ చేయించి, బాంబ్ స్క్వాడ్, ఎఫ్బీఐలకి సమాచారం ఇచ్చారు. ముందు జాగ్రత్తగా ప్రపంచంలోని అన్ని సీఎన్ఎన్ కార్యాలయాల్లో తనిఖీలు చేయించినట్టు సంస్థ ప్రెసిడెంట్ జెఫ్ జుకర్ తెలిపారు. కాగా ఈ విషయం తెలుసుకున్న వైట్ హౌస్, దాడి యత్నాలను ఖండించింది. పేలుడు పదార్థాలు బయటపడటంపై అధ్యక్షుడు ట్రంప్‌కు సమాచారం అందిందని, ఈ తరహా ఘటనలకు బాధ్యులైన వారిని శిక్షిస్తామని వైట్‌హౌస్ అధికారులు తెలిపారు. 



మహేశ్ చారిటీ ఈవెంట్ క్యాన్సిల్..?

Updated By ManamWed, 10/24/2018 - 15:05

Mahesh Babuఈ నెల 27న అమెరికాలోని మారియట్ మార్కిస్‌లో జరగబోయే ఓ చారిటీ ఈవెంట్‌కు సూపర్‌స్టార్ మహేశ్ బాబు ముఖ్య అతిథిగా హజరు అవ్వనున్న విషయం తెలిసిందే. గ్రామమ్ ఫౌండేషన్, హీల్ ఎ చైల్డ్ ఫౌండేషన్ సంయుక్తంగా ఈ ప్రోగ్రామ్‌ను నిర్వహించనున్నాయి. అయితే తాజా సమాచారం ప్రకారం ఈ ప్రోగ్రాం క్యాన్సిల్ అయిందట. ఈ ప్రోగ్రామ్‌కు దాదాపు 100 ఎన్నారై కుటుంబాలు వస్తాయని నిర్వాహకులు అంచనా వేశారు. అయితే ఇప్పుడు అంతమంది రాలేదట. దీంతో టికెట్ ధరను రూ.2వేల డాలర్ల నుంచి రూ.450డాలర్లకు తగ్గించినా.. పెద్దగా ప్రయోజనం లేకపోయిందట. దీంతో ఈ కార్యక్రమాన్ని క్యాన్సిల్ చేసినట్లు తెలుస్తోంది. దీనికి సంబంధించిన మరిన్ని వివరాలు తెలియాల్సి ఉంది. కాగా ‘మహర్షి’ షూటింగ్‌లో భాగంగా ప్రస్తుతం మహేశ్ బాబు న్యూయార్క్‌లో ఉన్న విషయం తెలిసిందే.



పోట్లాడే పొట్టేళ్ల మధ్యలో...

Updated By ManamSat, 10/13/2018 - 01:14

imageఅమెరికా, చైనా (రష్యా, ఈయూల దన్నుతో) సామ్రాజ్యవాద శక్తులు భౌగోళిక ఆర్థిక, రాజకీయ ఆధిపత్యం కోసం పొట్టేళ్లలా పోట్లాడుకుంటున్నాయి. ఈ నేప థ్యంలో అమెరికా-చైనాల మధ్య వాణిజ్య యుద్ధం పరాకాష్టకు చేరడంతో గత దశాబ్దకాలంగా చైనా స్థూల దేశీయోత్పత్తి (జీడీపీ) గణనీయంగా క్షీణించింది. ఎగుమతులు గత రెండేళ్ళలో వేగంగా పడిపోయాయి. భారీ మౌలిక సదుపా యాల కోసం రుణాలు తీసుకున్న వెనుకబడిన దేశాలు చెల్లింపుల విషయంలో ఇబ్బంది పడుతుండడంతో చైనా తలపెట్టిన బెల్ట్ అండ్ రోడ్ నిర్మాణ ప్రాజెక్ట్‌పై ఆయా దేశాల ఉంచి అనేక సందేహాల నీలినీడలు కమ్ముకున్నాయి. అదే సమ యంలో అమెరికా ఆర్థిక వ్యవస్థ 2007 గృహ రుణాల సంక్షోభం (సబ్ ప్రైం క్రైసిస్) నుంచి వేగంగా క్షీణిస్తూ, ప్రస్తుతం కొనసాగుతున్న ప్రపంచార్థిక సంక్షో భంలో దాదాపుగా కుదేలయిన దుస్థితికి చేరుకుంది. ప్రధానంగా చైనాతో వాణిజ్య లోటు భరించలేని స్థాయికి చేరుకోవడమే కాక, అంతర్జాతీయ చైనా సరుకులతో పోటీ పడలేక అమెరికా కంపెనీలు అనేకం పడకేశాయి. 

అమెరికా వినియోగ దారుల మార్కెట్‌లో చైనా సరుకుల మాయ కొనసాగడమే కాక, ద్రవ్య వాణిజ్యం, లావాదేవీల్లోను ఆ దేశం నుంచి అమెరికా అనేక సవాళ్ళను ఎదుర్కొంటోంది. ఈ నేపథ్యంలో ప్రపంచీకరణ క్రమానికి గండికొడుతూ అమెరికా స్వీయరక్షణ ఆర్థిక విధానాలను చేపట్టడమే కాక, దిగుమతి సుంకాలను పెంచుతూ గ్లోబల్ వాణిజ్య యుద్ధానికి తెరలేపింది. అనేక దేశాల నుంచి తాను దిగుమతి చేసుకుంటున్న సరు కులపై సుంకాలను విధించి, ఆయాదేశాలు అమెరికా సరుకులపై ప్రతి సుంకా లను విధించడం ద్వారా ప్రతీకారం తీర్చుకుంటున్నాయి. అమెరికా వాణిజ్య ఫిరంగులు భారతీయ ఎగుమతులను వదిలిపెట్టలేదు. రష్యాతో రక్షణ ఒప్పందాల విషయంలో భారత్‌కు అవెురికా నుంచి బెదిరింపులు ఎదురవుతున్నాయి. ఈ నేపథ్యంలో భారత్ కూడా అమెరికాకు ప్రత్యామ్నాయాన్ని ఎదుర్కొనవలసిన పరిస్థితి ఏర్పడింది. ఊపిరాడనివ్వని ఆర్థిక మాంద్యంలోకి కూరుకుపోయి, స్వీయరక్షణ చర్యలు చేప ట్టిన అమెరికాకు, ప్రపంచ ఆర్థిక సంక్షోభం, అమెరికా మొదలెట్టిన వాణిజ్య, కరెన్సీ యుద్ధ పరిస్థితుల్లో ఆర్థిక వికాసం నేల చూపులు చూస్తున్న చైనాకు ఒక ఆరోగ్యకరమైన ఆర్థిక ఆసరాగా వేగంగా దూసుకెళుతున్న జీడీపీతో పాటు చౌక సహజ వనరులు, చౌక శ్రమశక్తి మార్కెట్, సరుకుల వినిమయ మార్కెట్లతో వర్థిల్లుతున్న ఇండియాపై కన్నుపడింది. ఈ నేపథ్యంలో అమెరికా చైనాలు ఇండియాతో సత్సంంబంధాలు పెంచుకునేందుకు పోటీపడుతున్నాయి.

భౌగోళిక ఆర్థిక, రాజకీయ సమీకరణాలు వేగంగా మారుతున్న తరుణంలో సంక్షోభంలో కూరుకుపోయిన అభివృద్ధి చెందిన అమెరికా, ఈయూ దేశాలకు చై నా, ఇండియా వంటి వేగంగా వృద్ధిచెందుతున్న దేశాల మార్కెట్లను మృత సంజీ వనులుగా, వాణిజ్య డార్లింగ్‌లుగా మారాయి. ఈయూ సరోగేట్ పెట్టుబడి, రష్యా పలుకుబడి అండతో చైనా సామ్రాజ్యవాద దేశంగా ఎదిగి ఏకధ్రువ ప్రపంచ అధి నేత అమెరికాకు అన్నిరంగాల్లో సవాలు విసిరింది. అయితే చైనాతో పోటీ పడలేక, అభివృద్ధి చెందిన దేశాల బలహీనమైన సహకారంతోనైనా ప్రపంచశక్తిగా ఎదగా లని ఇండియా ఉవ్విళ్లూరుతూ విఫల ప్రయత్నాలు చేస్తోంది. అయితే స్వీయరక్షణ విధానాల బాటపట్టిన అమెరికా తదితర అభివృద్ధి చెందిన దేశాలను చేజారడం, చైనాతో ప్రత్యక్షంగా ఢీకొట్టడం కంటే ఆ దేశంతో వాణిజ్య యుద్ధం కంటే స్నేహం చేస్తే ఉభయుల ప్రయోజనాలు నెరవేరగలవని భారత్ భావిస్తోంది. అమెరికాతో వాణిజ్యయుద్ధంలో 603 సరుకులపై చైనా సుంకాలు విధించింది. అయితే అమె రికా సరుకులపై ఆంక్షలు విధించిన వాటిలో 44 సరకులను చైనాకు భారత్ ఎగు మతి చేస్తున్నప్పటికీ వాటిలో కేవలం 17కి మాత్రమే తగిన అవకాశం దక్కింది. ఫార్మా మార్కెట్‌లో భారత్ అంతర్జాతీయంగా అగ్రగామిగా ఉన్నప్పటికీ, ఫార్మా ఎగుమతుల్లో కేవలం ఒక్క శాతం మాత్రమే చైనాకు ఎగుమతి చేస్తోంది. గ్లోబల్ వాణిజ్య యుద్ధం, డోక్లం తదితర అనేక ఉద్రిక్తతల నడుమ గత ఏడాది భారత్ -చైనాల మధ్య 84 బిలియన్ డాలర్ల వాణిజ్య లావాదేవీలు జరిగాయి. చైనా ఎగుమతులు భారత్‌లో 70 బిలియన్ డ్లాలర్లకు పైగా చేరుకున్నాయి. ఈ నేపథ్యం లో చైనా, భారత్‌లు వైషమ్యరహిత, ఆరోగ్యకరమైన వాణిజ్య పోటీని పరస్పరం కోరుకుంటున్నాయి. అయితే దక్షిణాసియాలో భౌగోళిక ఆర్థిక, రాజకీయ ఆధిప త్యం కోసం భారత వ్యతిరేక దౌత్యచర్యలకు చైనా పాల్పడుతోంది. ఒకవైపు పాకి స్థాన్ వంటి సంప్రదాయక దాయాది దేశాలకు లోపాయికారీగా మద్దతు నివ్వడం, మరోవైపు సరిహద్దు ఉద్రిక్తతలను సృష్టిస్తూ భారత్‌ను ఆర్థికంగా, రాజకీయంగా తనకు అనుకూలంగా మార్చుకునేందుకు చైనా ప్రయత్నాలు చేస్తోంది. అయితే అమెరికా తదితర అభివృద్ధి దేశాలతో దౌత్య సంబంధాల్లో నెలకొన్న అనిశ్చితి నేపథ్యంలో భారత్ కూడా చైనా అనుసరిస్తున్న ఎత్తుగడలనే వ్యతిరేకదిశలో అను సరిస్తున్నది. చైనా ప్రత్యర్థి అమెరికాతో రక్షణ, వాణిజ్య తదితర ఒప్పందాలు, ర ష్యాతో మైత్రి పునరుద్ధరణ, ఆఫ్ఘానిస్థాన్ పునర్నిర్మాణంలో కీలకపాత్ర, ఫ్రాన్స్ తదితర ఈయూ దేశాలతో అణువాణిజ్య, రక్షణ తదితర ఒప్పందాలు చేసు కోవడం, చైనాతో వాణిజ్య సంబంధాలు మెరుగుపరచుకోవడం వంటి ప్రతి ఎత్తు గడలతో ఆ దేశం దూకుడుకు చెక్ పెట్టేందుకు భారత్ ప్రయత్నిస్తోంది. అభివృద్ధి, మౌలిక సదుపాయాల కల్పన తదితర ప్రాజెక్టుల పేరుతో శ్రీలంక, పాకిస్థాన్ తది తర దేశాల్లో వాటి ఆర్థిక వ్యవస్థలను ఇబ్బంది పెట్టిన చైనా నిర్వాకం భారత్‌కు తెలియంది కాదు. సామ్రాజ్యవాద దేశాల భౌగోళికాధిపత్య పోటీ, వాణిజ్య యుద్ధాలు క్రమంగా వాటి మధ్య భౌతిక యుద్ధంగా పరిణమించే పరిస్థితులు ముసురు కుంటున్నాయి. చైనా, రష్యాలతో పూర్తిస్థాయి యుద్ధానికి సిద్ధమవుతున్న సంకేతాలు ఇటీవల అమెరికాలోని పెంటగాన్ కేంద్ర సైనిక కార్యాలయం రూపొందించిన తాజా నివేదిక ద్వారా వెల్లడైనాయి. ఈ నేపథ్యంలో ‘వ్యూహాత్మక స్వయం ప్రతిపత్తి’ విధానాన్ని సమర్థంగా అనుసరించగలిగి, స్వదేశీ మార్కెట్ ఆధారిత వ్యవసాయ, పారిశ్రామిక, సేవారంగాలను సమన్వయించే ఆర్థిక విధా నాన్ని అనుసరించగలితే బలమైన ప్రపంచ ఆర్థికశక్తిగా అవతరించగలిగే సా మర్థ్యం భారత్ కలిగి ఉందన్న ఎరుకతో పాలకులు వ్యవహరించాలి. 





Related News