india

ఆరు నెలల్లో 4లక్షలకు పైగా సైబర్ దాడులు 

Updated By ManamMon, 11/12/2018 - 09:50

 Cyber Attacksన్యూఢిల్లీ: పెరుగుతున్న టెక్నాలజీతో పాటు సైబర్ దాడులు క్రమంగా పెరిగిపోతున్నాయి. ఈ క్రమంలో ఈ ఏడాది జనవరి-జూన్ మధ్య కాలంలో భారత దేశంపై 4.36లక్షల సైబర్ దాడులు జరిగినట్లు సైబర్ సెక్యూరిటీ సంస్థ ఎఫ్ సెక్యూర్ తెలిపింది. రష్యా, అమెరికా, చైనా, నెదర్లాండ్స్ దేశాల నుంచి ఎక్కవ మంది సైబర్ నేరగాళ్లు భారత్‌పై దాడి చేసినట్లు ఆ సంస్థ వెల్లడించింది. రష్యా నుంచి అత్యధికంగా 2,55,589.. అమెరికా నుంచి 1,03,458, చైనా నుంచి 42,544, నెదర్లాండ్స్ నుంచి 19,169.. జర్మనీ నుంచి 15,330 మంది సైబర్ దాడి చేసినట్లు ఆ సంస్థ పేర్కొంది.

ప్రపంచవ్యాప్తంగా ఈ దాడులను ఎదుర్కొంటున్న జాబితాలో భారత్‌ 21వ స్థానంలో ఉందని.. భారత నెటిజన్లను 6,95,396మంది హ్యాకర్లు లక్ష్యంగా చేసుకున్నారని వెల్లడించింది. ఇక దాడులు చేస్తున్న జాబితాలో భారత్ 13వస్థానంలో ఉందని.. మొత్తం 73,482మంది హ్యాకర్లు ఇక్కడి నుంచి దాడులు చేస్తున్నారని ఎఫ్ సెక్యూర్ తెలిపింది.



భారత్‌తో టీ20 సిరీస్‌కు ఆసీస్ జట్టు ఇదే

Updated By ManamThu, 11/08/2018 - 18:25

Australia, Mitchell Starc, Nathan Lyon, T20 squad, Indiaసిడ్నీ: భారత్‌తో జరుగనున్న టీ20 సిరీస్‌కు 13మంది సభ్యులతో కూడిన జట్టును క్రికెట్‌ ఆస్ట్రేలియా ప్రకటించింది. ఈ నెల 21 నుంచి ఆరోన్‌ పింఛ్‌ సారథ్యంలో సిరీస్ ప్రారంభం కానుంది. భారత్‌తో మూడు టీ20 మ్యాచ్‌ల సిరీస్‌తో పాటు, ఈ నెల 17న దక్షిణాఫ్రికాతో జరగనున్న ఏకైక టీ20కి కూడా ఇదే జట్టుని ఆస్ట్రేలియా బోర్డు ప్రకటించింది. ఈ జట్టులో ఫాస్ట్‌ బౌలర్‌ మిచెల్‌ స్టార్క్‌, స్పిన్నర్‌ నాథన్‌ లియోన్‌, ఆల్‌రౌండర్‌ మిచెల్‌ మార్ష్‌, వెటరన్‌ పేస్‌ బౌలర్‌ పీటర్‌ సిడిల్‌కు చోటు కల్పించలేదు. తాజాగా ప్రకటించిన జట్టులో పేస్‌ బౌలర్‌ జోసన్‌ బెహ్రాన్‌డార్ఫ్‌ తిరిగి చోటు దక్కించుకున్నాడు. పేస్‌ బౌలింగ్‌ విభాగంలో అతనితో పాటు నాథన్‌ కౌల్టర్‌-నైల్‌, బిల్లే స్టాన్‌లేక్‌, ఆండ్రూ టై ఆడనున్నారు. 

ఆసీస్‌ జట్టు: ఆరోన్‌ ఫించ్‌(కెప్టెన్), ఆలెక్స్‌ కారే(వైస్‌ కెప్టెన్‌), అష్టన్‌ అగర్‌, జోసన్‌ బెహ్రన్‌డార్ఫ్‌, నాథన్‌ కౌల్టర్‌-నైల్‌, క్రిస్‌ లియన్‌, గ్లెన్‌ మ్యాక్స్‌వెల్‌, బెన్‌ మెక్‌డర్మోట్‌, డీఆర్చీ షార్ట్‌, బిల్లే స్టాన్‌లేక్‌, మార్కస్‌ స్టోయినిస్‌, ఆండ్రూ టై, ఆదామ్‌ జంపా.

భారత జట్టు: విరాట్ కోహ్లీ(కెప్టెన్‌), రోహిత్‌ శర్మ(వైస్‌ కెప్టెన్), శిఖర్‌ ధావన్‌, కేఎల్ రాహుల్‌, శ్రేయస్‌ అయ్యర్‌, మనీశ్‌ పాండే, దినేశ్‌ కార్తీక్‌, రిషబ్‌ పంత్‌, కుల్దీప్‌ యాదవ్‌, యజువేంద్ర చాహల్‌, వాషింగ్టన్‌ సుందర్‌, కృనాల్‌ పాండ్య, భువనేశ్వర్‌ కుమార్‌, బుమ్రా, ఉమేశ్ యాదవ్‌, ఖలీల్‌ అహ్మద్‌.



అమెరికాపై సుంకాల విధింపు వాయిదా

Updated By ManamFri, 11/02/2018 - 22:53

india-us-reutersన్యూఢిల్లీ: బాదం పప్పు, వాల్‌నట్, పప్పు ధాన్యాలతో సహా 29 ఉత్పత్తులపై హెచ్చు కస్టమ్స్ సుంకాల విధింపు గడువును మరో 45 రోజులకు అంటే డిసెంబర్ 17 వరకు ఇండియా పొడిగించింది. ఇండియా ఇలా ప్రతీకార సుంకాల విధింపును వాయిదా వేయడం ఇది మూడోసారి. సుంకాల హెచ్చింపు అమలును డిసెంబర్ 17 వరకు వాయిదా వేస్తున్నట్లు ఆర్థిక మంత్రిత్వ శాఖ ఒక నోటిఫికేషన్‌లో తెలిపింది. సుంకం హెచ్చింపును అమలులోకి తెచ్చే గడువును మరికొంత కాలం పొడిగించవలసిందిగా  వాణిజ్య మంత్రిత్వ శాఖ ఆర్థిక మంత్రిత్వ శాఖను కోరింది. ఆగస్టు 4 నుంచి ప్రతీకార సుంకాలు విధించాలని ఇండియా జూన్‌లో నిర్ణయించుకుంది. కానీ, దాన్ని మరో 45 రోజులపాటు సెప్టెంబర్ 18 వరకు పొడిగించారు. తర్వాత నవంబర్ 2 వరకు పొడిగిస్తున్నట్లు ప్రకటించారు. హెచ్చు దిగుమతి సుంకాల విధింపులో భాగంగా, వాల్‌నట్లపై సుంకాన్ని 30 శాతం నుంచి 120 శాతానికి పెంచాలని సంకల్పించారు. శనగలపై సుంకాన్ని 30 శాతం నుంచి 70 శాతానికి పెంచాలని నిర్ణయించారు. మసూరి పప్పుపై సుంకాన్ని 30 శాతం నుంచి 40 శాతానికి పెంచనున్నారు. హెచ్చు సుంకాలు ఆకర్షించే ఇతర వస్తువుల్లో  బోరిక్ యాసిడ్, ఫాస్ఫారిక్ యాసిడ్, డయాగ్నస్టిక్ రీజెంట్, ఇనుప ఫ్లాట్ రోల్డ్ వస్తువులు, స్టెయిన్‌లెస్ స్టీల్‌కు చెందిన కొన్ని రకాల ఫ్లాట్ రోల్డ్ ఉత్పత్తులు కూడా ఉన్నాయి. ఉక్కు, అల్యూమినియం దిగుమతులపై అధిక టారిఫ్‌లు విధిస్తూ అమెరికా అధ్యక్షుడు డొనాల్డ్ ట్రంప్ మార్చి 9న తీసుకున్న నిర్ణయానికి ప్రతీకారంగా ఇలా సుంకాలు పెంచాలని ఇండియా నిర్ణయించుకుంది. 

వీటిని పరిష్కరించుకునే ఒక రకమైన వాణిజ్య ఒప్పందాన్ని ఖరారు చేసేందుకు భారత్, అమెరికాలకు చెందిన సీనియర్ అధికారులు చర్చలు జరుపుతున్నారు. రెండు పక్షాలు రెండు విధాల చర్చలు జరుపుతున్నాయి. స్వల్ప, మధ్యకాలిక వర్తకాన్ని పెంచుకునేందుకు ఒక రకం చర్చలు జరుగుతున్నాయి. దీర్ఘకాలిక వాణిజ్య సామర్థ్యాలను గుర్తించేందుకు మరో విధమైన చర్చలు సాగుతున్నాయి. అమెరికా తమ వ్యవసాయ, వస్తూత్పత్తి రంగాల వస్తువులకు మరింత ఎక్కువ మార్కెట్ సౌలభ్యం కల్పించాలని కోరుతోంది. వాటిలో వైద్య పరికరాలు కూడా ఉన్నాయి. అమెరికాకు భారత్ ఎగుమతులు 2017-18లో 47.9 బిలియన్ డాలర్లుగా ఉన్నాయి. అమెరికా నుంచి దిగుమతులు అదే కాలంలో 26.7 బిలియన్ డాలర్లుగా ఉండి వర్తక సమతౌల్యం భారతదేశానికి అనుకూలంగా ఉంది.



స్వచ్ఛ కవితలు.. నినాదాలు

Updated By ManamFri, 10/26/2018 - 02:54

indiaస్వచ్ఛతను ఒక ఉద్యమంలా తీసుకున్న జీహెచ్‌ఎంసీ.. ఈ దిశగా పలు రకాల వినూత్న చర్యలు చేపట్టింది. కేవలం కార్యక్రమాలు చేసి ఊరుకోవడం కాకుండా, రకరకాలుగా దీన్ని ముందుకు తీసుకెళ్లే ప్రయత్నాలు చేసింది. అందుకోసం స్వచ్ఛ నినాదాల పోటీలు, స్వచ్ఛ కవితా సమ్మేళనాలు కూడా నిర్వహించింది. తడి, పొడి చెత్తను వేరు చేయాలన్న విషయాన్ని జనంలోకి లోతుగా తీసుకెళ్లేందుకు గాను కొన్ని నినాదాలు రూపొందించాలని భావించి, అవి ప్రజల నుంచే వస్తే బాగుంటుందని భావించిన జీహెచ్‌ఎంసీ.. వాటి కోసం ఒక పోటీ నిర్వహించింది. సమాజంలోని వివిధ వర్గాలకు చెందిన ప్రజలతో పాటు స్కూళ్లు, కాలేజీల విద్యార్థులను సైతం ఇందులో భాగస్వాములను చేసింది. వారితో పాటు గృహిణులు, సీనియర్ సిటిజన్లు, పాత్రికేయులు, దుకాణదారులు.. ఇలా అన్ని వర్గాల నుంచి ఈ నినాదాలను సేకరించింది. అందులో అత్యుత్తమంగా ఎంపికైన వాటిని స్వచ్ఛత ప్రచారానికి ఉపయోగించింది. విజేతలను సముచితంగా సత్కరించింది కూడా. ఆ తర్వాత ఇదే అంశంపై కవితా సమ్మేళనాలను వివిధ పాఠశాలలు, కళాశాలల్లో నిర్వహించారు. తడి, పొడి చెత్తను వేరు చేయాలన్న అంశాన్ని పిల్లలకు బాగా అర్థమయ్యేలా చెప్పగలిగితే వాళ్లు తమ తల్లిదండ్రులను ప్రభావితం చేయగలరన్న ఆలోచనతో ఈ కార్యక్రమానికి శ్రీకారం చుట్టారు. హైదరాబాద్ నగర వ్యాప్తంగా ఉన్న పలు పాఠశాలలు, కళాశాలల విద్యార్థులు ఇందులో పాల్గొన్నారు. ఉత్తమ కవితలు రాసిన విద్యార్థులకు సర్టిఫికెట్లు, బహుమతులు ప్రదానం చేశారు. ఈ విధంగా తడి, పొడి చెత్తను వేరుచేసే విధానాన్ని ప్రజల్లోకి విజయవంతంగా తీసుకెళ్లగలిగారు. 



నా హత్యకు భారత్ కుట్ర

Updated By ManamWed, 10/17/2018 - 19:08
  • నన్ను అంతమొందించేందుకు ‘రా’ యత్నం

  • శ్రీలంక అధ్యక్షుడు మైత్రిపాల సిరసేన ఆరోపణ

  • ‘రా’ యత్నాలు ప్రధాని మోదీకి తెలియవని వ్యాఖ్య

Sirisena alleges that RAW is plotting

కొలంబో :  శ్రీలంక అధ్యక్షుడు మైత్రిపాల సిరిసేన సంచలన ఆరోపణలు చేశారు. తన హత్యకు భారత్‌కు చెందిన నిఘా సంస్థ రీసెర్చ్ అండ్ అనాలిసిస్ వింగ్ (రా) కుట్ర పన్నుతోందని ఆరోపించారు. మంగళవారం కొలంబోలో జరిగిన కేబినెట్ సమావేశంలో సిరసేన ఈ ఆరోపణలు చేయడం తీవ్ర సంచలనం సృష్టిస్తోంది.

అయితే తనను హత్య చేసేందుకు ‘రా’ కుట్రపన్నిందనే విషయం భారత ప్రధాని నరేంద్రమోదీకి తెలియదని కూడా పేర్కొనడం గమనార్హం. కేబినెట్ భేటీలో అధ్యక్షుడు ఈ అంశాన్ని ప్రస్తావించడంతో మంత్రులందరూ ఒక్కసారిగా నిర్ఘాంతపోయారని పేరు చెప్పేందుకు ఇష్టపడని ఓ మంత్రి పేర్కొనడం గమనార్హం. సిరిసేన చేసిన ఆరోపణను ఆషామాషీగా తీసుకునే అవకాశం లేదని అన్నారు.

కాగా, సిరిసేన వ్యాఖ్యలతో ఇప్పటికే దిగజారి ఉన్న భారత్-శ్రీలంక సంబంధాలు మరింత ప్రమాదంలోకి వెళ్లే అవకాశాలు ఉన్నాయని నిపుణులు పేర్కొంటున్నారు. కొద్ది రోజుల్లో శ్రీలంక ప్రధాని రణిల్ విక్రమసింఘే భారత్‌లో పర్యటించనున్న నేపథ్యంలో సిరిసేన చేసిన వ్యాఖ్యలు తీవ్ర అలజడి సృష్టిస్తున్నాయని అంటున్నారు. కాగా, ఇలాంటి ఆరోపణలు చేయడం శ్రీలంక నేతలకు కొత్తేమి కాదని, 2015లో అధ్యక్ష ఎన్నికల్లో ఓడిపోయినప్పుడు రణిల్ విక్రమసింఘే కూడా ఇలాగే ఆరోపణలు చేశారని అంటున్నారు. తన ఓటమికి ‘రా’ కారణమని అప్పట్లో రణిల్ ఆరోపించారు. 



శ్రీలంక అధ్యక్షుడి ఆరోపణలు

Updated By ManamWed, 10/17/2018 - 11:50

Sirisenaఇండియన్ ఇంటలిజెన్స్ ఏజెన్సీ రీసెర్చ్ అండ్ అనాలిసిన్ వింగ్‌(రా) తనను చంపేందుకు కుట్ర పన్నుతోందని శ్రీలంక అధ్యక్షుడు మైత్రిపాల సిరిసేన సంచలన ఆరోపణలు చేశారు. ఈ కుట్ర గురించి ప్రధాని మోదీకి కూడా తెలియదని ఆయన కేబినెట్ సమావేశంలో వ్యాఖ్యానించినట్లు సమాచారం.

అయితే ఈ వ్యాఖ్యల పట్ల ఇప్పటివరకు ఎలాంటి అధికార ధ్రువీకరణ లేదు. కాగా మరికొన్ని రోజుల్లో మైత్రిపాల సిరిసేన భారత పర్యటనకు రానున్నారు. ఇలాంటి సమయంలో ఆయన ఈ వ్యాఖ్యలు చేయడం గమనర్హం. అయితే రాపై ఇంతకుముందు శ్రీలంక మాజీ అధ్యక్షులు కూడా ఆరోపణలు చేసిన విషయం తెలిసిందే.



2019లోనే రాఫెల్ విమానాలు

Updated By ManamTue, 10/16/2018 - 15:30
  • వచ్చే ఏడాదిలోనే భారత్‌కు రాఫెల్ విమానాలు

  • డసాల్ట్  ఏవియేషన్ వెల్లడి

  • జెట్లను అందిస్తాం: చీఫ్ ఎగ్జిక్యూటివ్

Dassault To Deliver Rafale Fighter Jets To India From 2019

ఓర్లాండో : గగనతల భద్రత కోసం భారతదేశం కొనుగోలు చేస్తున్న రాఫెల్ యుద్ధ విమానాలను 2019 నుంచే ఇవ్వడం మొదలు పెడతామని ఫ్రాన్సుకు చెందిన డసాల్ట్ ఏవియేషన్ సంస్థ తెలిపింది. రాబోయే నెలల్లో తమకు మరిన్ని ఆర్డర్లు రానున్నాయని, అందువల్ల భారత దేశానికి త్వరలోనే రాఫెల్ ఫైటర్ జెట్లను అందించడం ప్రారంభిస్తామని ఆ సంస్థ చీఫ్ ఎగ్జిక్యూటివ్ ఎరిక్ ట్రాపియెర్ తెలిపారు. ఓర్లాండోలో సోమవారం ప్రారంభమైన ప్రపంచంలోనే అతిపెద్ద జెట్ షో సందర్భంగా ఆయన ఈ విషయం వెల్లడించారు. మొత్తం 36 రఫేల్ ఫైటర్ జెట్ విమానాల కొనుగోలు కోసం భారత దేశం డసాల్ట్ ఏవియేషన్‌తో 2016 సంవత్సరంలో ఒక ఒప్పందం కుదుర్చుకుంది. 

దీనిపై ప్రతిపక్షాలు తీవ్ర విమర్శలు గుప్పించాయి. డసాల్ట్ సంస్థ తన ఆఫ్‌సెట్ భాగస్వామిగా అనిల్ అంబానీకి చెందిన రిలయన్స్ డిఫెన్స్‌ను ఎంచుకోవడంలో నరేంద్ర మోదీ సర్కారు పాత్ర ఏమీ లేదని ఇటీవలే ఫ్రాన్సు పర్యటనకు వెళ్లిన రక్షణ మంత్రి నిర్మలా సీతారామన్ మరోసారి చెప్పారు. ఫ్రాన్సులో మూడు రోజుల పర్యటనకు వెళ్లిన ఆమె.. విలేకరుల సమావేశంలో ప్రశ్నలకు సమాధానమిస్తూ.. అది రెండు ప్రభుత్వాలకు మధ్య జరిగిన ఒప్పందమని, అందులో వేరే ఏ కంపెనీ పేరూ ప్రస్తావనకు రాలేదని స్పష్టం చేశారు. 

అయితే, రక్షణ పరికరాల కొనుగోలు సందర్భంగా ఒక ఆఫ్‌సెట్ ఒప్పందం ఉంటుందని, దాని ప్రకారం ప్రతి ఉత్పత్తిదారు తప్పనిసరిగా భారతదేశంలో ఏదో ఒక కంపెనీతో భాగస్వామ్యం కలిగి ఉండాలని ఆమె చెప్పారు. ఈ ఆఫ్‌సెట్ ఒప్పందం ప్రకారం మొత్తం ఒప్పంద విలువలో 50 శాతాన్ని భారతదేశంలో పెట్టుబడిగా పెట్టాల్సి ఉంటుంది. సరిగ్గా ఇదే ఇప్పుడు వివాదంగా మారింది. ఈ ఆఫ్‌సెట్ విలువ దాదాపు 800 కోట్ల యూరోలు అవుతుంది. 



వైట్ వాష్ చేసే దిశలో

Updated By ManamFri, 10/12/2018 - 00:02
  • నేటి నుంచి వెస్టిండీస్‌తో చివరి, రెండో టెస్టు  

imageహైదరాబాద్: రాజ్‌కోట్‌లో వెస్టిండీస్‌తో జరిగిన తొలి మ్యాచ్‌లో కోహ్లీ సేన పెద్దగా కష్టపడకుండానే ఇన్నింగ్స్, 272 పరుగుల భారీ తేడాతో గెలిచింది. తొలుత బ్యాటింగ్‌కు దిగిన టీమిండియా తొలి ఇన్నింగ్స్‌లో 9 వికెట్ల నష్టానికి 649 పరుగుల వద్ద డిక్లేర్ చేసింది. ఆ తర్వాత భారత స్పిన్నర్లు కీలక పాత్ర పోషించి వెస్టిండీస్‌ను రెండు ఇన్నింగ్స్‌ల్లో 99 ఓవర్లలో ఆలౌట్ చేశారు. ఆస్ట్రేలియా పర్యటనకు ముందు సాధించిన ఈ భారీ విజయంతో టీమిండియా చాలా సంతోషంగా ఉంది. టాపార్డర్‌లో అరంగేట్ర క్రికెటర్ పృథ్వీ షా మెరుపు వేగంతో సెంచరీ సాధించాడు. దీంతో కఠినమైన ఆస్ట్రేలియా పర్యటనకు జట్టులో తన స్థానాన్ని సుస్థిరం చేసుకున్నాడు.

విరాట్ కోహ్లీ కూడా సెంచరీ చేశాడు. అది కొత్తేమీ కాదు. ఎందుకంటే అతను పరుగుల మెషీన్. ఇక చెటేశ్వర్ పుజారా 86 చేసి ఫామ్‌లో ఉన్నానని తెలియజేశాడు. కానీ రిషబ్ పంత్ సెంచరీకి దగ్గరగా వచ్చి మిస్సయ్యాడు. అతను దాదాపుగా బంతికో రన్‌లాగా పరుగులు సాధించాడు. వికెట్ కీపర్ పంత్ బ్యాటింగ్‌లోనూ రాణించడంతో ఆస్ట్రేలియా పర్యటనకు వృద్ధిమాన్ సాహా వెళ్లడం ఆనుమానంగా మారింది. కానీ టెస్టు సెంచరీ సాధించలేకపోయాడు. అయినప్పటికీ లభించిన అవకాశాలను ఎలా సద్వినియోగం చేసుకోవాలో కోహ్లీ వద్ద పంత్ నేర్చుకోనున్నాడు.

టీమిండియాకు మరో సంతోషకరమైన వార్త ఏంటంటే.. రవీంద్ర జడేజా ఫామ్‌లోకి వచ్చాడు. ముఖ్యంగా బ్యాటింగ్‌లో.image జడేజా నిలకడగా బౌలింగ్ చేస్తూ.. ఒకే స్పాట్‌లో బంతిని వేస్తూ ప్రత్యర్థిని నిలువరిస్తున్నాడు. అయితే అతను బ్యాటింగ్‌లోనూ రాణించడం ఆస్ట్రేలియా పర్యటనకు టీమ్ మేనేజ్‌మెంట్‌కు ధ్యైర్యాన్నిచ్చింది. జడేజా 132 బంతుల్లో అజేయ 100 పరుగులు చేశాడు. పరిస్థితులు అనుకూలంగా ఉన్నప్పటికీ జడేజా హడావిడిగా ఆడలేదు. ఇంగ్లాండ్ పర్యటనలో నాలుగు టెస్టులకు దూరమైన జడేజా ది ఓవల్ టెస్టులో అజేయ 86 పరుగులు చేసిన తర్వాత ఇప్పుడు సెంచరీ సాధించాడు. ఈ రెండు ఇ న్నింగ్స్‌ల మ ద్య ఆసియా కప్‌కు వన్డే జ ట్టులో చోటు సంపాదిం చాడు. జడేజా బాధ్య తతో ఆడుతు న్నాడు. దీంతో టీమిండియా ఎదురు చూస్తున్న నిజ మైన ఆల్ రౌండర్ దొరికినట్టనిపించింది. భవిష్యత్తులో అతనికి కూడా కోహ్లీ అవకాశాలిచ్చే సూచనలు కనిపిస్తు న్నాయి. ఇంతవరకు బాగానే ఉంది. కానీ టీమిండియాలో చిన్న చిన్న సమస్యలు కూడా ఉన్నాయి. భారత గడ్డపై బలహీనమైన వెస్టిండీస్‌పై అందరూ బ్యాటింగ్‌ను ఎంజాయ్ చేస్తుంటే కేఎల్ రాహుల్ రాజ్‌కోట్ టెస్టులో తొలి ఓవర్లో డకౌటయ్యాడు. ఆందోళన కలిగించే విషయమేంటంటే ఎల్‌బీడబ్ల్యూగా అవుట్ కావడం. రాహుల్ ప్రతిసారీ ఇదే విధంగా అవుటవుతున్నాడు. ఇంగ్లాండ్‌లో చివరి టెస్టు చివరి ఇన్నింగ్స్‌లో రాహుల్ సెంచరీ చేశాడు. అది కూడా చాలా సార్లు విఫలమయ్యాక. మరోవైపు రాహుల్‌కు మయాంక్ అగర్వాల్ ఊపిరాడనివ్వడం లేదు. 

ఈ మంగళూర్ ఓపెనర్ మయాక్ పరుగుల వరద పారిస్తూ తొలి ప్రాధాన్యత ఓపెనర్‌గా నిరూపించుకుంటున్నాడు. ఇక టెస్టు జట్టు వైస్ కెప్టెన్ అజింక్య రహానే కూడా అవకాశాన్ని సద్వినియోగం చేసుకోలేపోయాడు. సొంత గడ్డపై 41 పరుగులు మాత్రమే చేశాడు. మయాంక్ గురించి చెప్పాలంటే ఈ దేశవాళీ రన్ మెషీన్‌ను టీమిండియాకు పరిచయం చేసేందుకు ఇదే మంచి సమయం. మరోవైపు రెండో టెస్టులో మహ్మద్ షమీకి బదులుగా బెంచ్ ఆటగాళ్లు మహ్మద్ సిరాజ్ లేదా శార్దూల్ ఠాకూర్‌ను పరీక్షించాలని టీమిండియా భావిస్తోంది. 

మరోవైపు వెస్టిండీస్ జట్టు రెండు మార్పులతో బరిలోకి దిగనుంది. బామ్మ చనిపోయిన కారణంగా తొలి టెస్టుకు దూరమైన కీమర్ రోచ్ జట్టులో చేరాడు. మడమ గాయం నుంచి కెప్టెన్ జాసన్ హోల్డర్ కోలుకున్నాడు. రెండో టెస్టులో ఆరంభంలోనే టాపార్డర్ వికెట్లు తీయగలిగినప్పుడే టీమిండియాను కరేబియన్లు ఇబ్బంది పెట్టగలరు. కనుక రోచ్, హోల్డర్ పైనే మేనేజ్‌మెంట్ ఆశలు పెట్టుకుంది. మరోవైపు హోల్డర్ బ్యాటింగ్ కూడా చేయగలడు.

 తొలి టెస్టులో విండీస్ బ్యాట్స్‌మెన్ ఇద్దరు అర్ధ సెంచరీలు సాధించారు. తొలి ఇన్నింగ్స్‌లో రోస్టన్ చేజ్ (53), రెండో ఇన్నింగ్స్‌లో ఓపెనర్ కీరాన్ పోవెల్ (83) జట్టును ఆదుకునే ప్రయత్నం చేశారు. మరి ఈ స్వల్ప వ్యవధిలో వాళ్లు తమ బ్యాటింగ్‌ను సమూలంగా అభివృద్ధి చేసుకున్నారా? అన్నది ఆనుమానంగా మారింది. కానీ టాస్ సమయంలో వాళ్లకు ఆదృష్టం కూడా కలిసి రావాలి. తొలి బ్యాటింగ్ అవకాశమొస్తే అంతో ఇంతో పోరాడేందుకు వీలుంటుంది. అయితే టాస్ గెలిచినా, ఓడినా ఇటీవలి కాలంలో టీమిండియాకు సొంత గడ్డపై తిరుగులేదు. రంజీ ట్రోఫీలో ఆడేంత సామర్థ్యం కూడా విండీస్ జట్టుకు లేదని హర్భజన్ సింగ్ అనుమానం వ్యక్తం చేశాడు. అయితే మైదానంలో చూపిస్తామని టినో బెస్ట్ చెప్పడం ఆ జట్టును ఉత్సాహపరిచే అంశం.

షాను కట్టడి చేయడమే లక్ష్యం: చేజ్
తొలి టెస్టులో తాము ఘోర పరాజయానికి కారణమైన భారత యువ క్రికెటర్ పృథ్వీ షాను కట్టడి చేసేందుకు ఉత్తమimage ప్రణాళిక రూపొందించామని వెస్టిండీస్ ఆల్ రౌండర్ రోస్టన్ చేజ్ అన్నాడు. రాజ్‌కోట్‌లో జరిగిన తొలి టెస్టులో అరంగేట్రం చేసిన పృథ్వీ షా సెంచరీ చేసి టీమిండియా భారీ విజయంలో కీలకపాత్ర పోషించిన సంగతి తెలిసిందే. ‘తొలి టెస్టులో చేసిన తప్పుల నుంచి మా కుర్రాళ్లు త్వరగా గుణపాఠం నేర్చుకుంటారన్న నమ్మకముంది. షా సామర్థ్యమేంటో మాకు తెలిసింది. రెండో టెస్టులో మా వాళ్లు తెలివిగా వ్యహరిస్తారని అనుకుంటున్నాను’ అని చేజ్ చెప్పాడు. అయితే షా కోసం ఎటువంటి ప్రణాళిక సిద్ధం చేసుకున్నారో చేజ్ వివరించలేదు. ‘తొలి టెస్టు అనంతరం మేము సుదీర్ఘంగా చర్చించాం. రెండో టెస్టుకు ప్రణాళిక సిద్ధం చేసుకున్నాం. షాతో పాటు మరికొంత మందికి ఎలా బౌలింగ్ చేయాలో మాట్లాడుకున్నాం. మా ప్రణాళిక ఏంటో చెప్పలేను కానీ అతడిని కట్టడి చేసేందుకు ఒక మంచి అలోచన మా వద్ద ఉంది’ అని చేజ్ అన్నాడు. 



వెస్టిండీస్‌తో రెండో టెస్ట్: భారత జట్టు ప్రకటన

Updated By ManamThu, 10/11/2018 - 15:17
  • 12 మంది సభ్యుల జట్టులో ఒక మార్పు..

  • సిరాజ్ స్థానంలో శార్దూల్‌కు చోటు..

  • హనుమ విహారి, మయాంక్ అగ్వరాల్‌కు దక్కని చోటు

  • 12 నుంచి ప్రారంభం కానున్న రెండో టెస్ట్.. హైదరాబాద్ వేదిక 

India vs West Indies, India, 12-man squad, 2nd Test, Hanuma Vihari, Mayank Agarwalహైదరాబాద్: వెస్టిండీస్‌తో రెండో టెస్టు మ్యాచ్ ఆడే 12 మంది సభ్యుల టీమిండియా జట్టును ప్రకటించారు. ఈ నెల 12 నుంచి రాజీవ్ గాంధీ అంతర్జాతీయ స్టేడియం (హైదరాబాద్)లో ప్రారంభం కానుంది. ఆఖరి ఫైనల్ మ్యాచ్ కూడా ఇదే జట్టు కొనసాగనుంది. భారత్ 12 మంది సభ్యుల జట్టులో ఒక మార్పు చోటుచేసుకుంది. మహ్మద్ సిరాజ్ స్థానంలో శార్దూల్ థాకూర్‌కు చోటు దక్కింది.

భారత టెస్ట్ కెప్టెన్ విరాట్ కోహ్లీ, భారత క్రికెట్ బోర్డు తొలి మ్యాచ్ నుంచి జట్టులో ఎలాంటి మార్పు లేకుండా కొనసాగుతూ వచ్చింది. అయితే తొలి టెస్టులో పక్కన పెట్టేసిన హనుమ విహారి, మయాంక్ అగర్వాల్‌కు రెండో టెస్టులో కూడా చోటు దక్కలేదు. మూడు టెస్టుల సిరీస్‌లో భారత్ 1-0 సిరీస్‌తో ముందంజలో ఉండగా తొలి టెస్టులో వెస్టిండీస్‌పై 272 పరుగులతో విజయం సాధించింది. 

రెండో టెస్టుకు భారత జట్టు (12 మంది సభ్యులు)
1. విరాట్ కోహ్లీ (కెప్టెన్) 
2. కేఎల్ రాహుల్ 
3. పృథ్వీ షా
4. చతేశ్వర పుజారా
5. అజింక్య రహానె
6. రిషబ్ పంత్ (వికెట్ కీపర్)
7. రవీంద్ర జడేజా
8. రవిచంద్రన్ అశ్విన్ 
9. కుల్‌దీప్ యాదవ్
10. ఉమేశ్ యాదవ్
11. మహ్మద్ షమి
12. శార్దూల్ థాకూర్



ఐశ్వర్యతో నటించాలనుంది

Updated By ManamSun, 10/07/2018 - 11:48

Will Smith, Aishwarya Raiమాజీ మిస్ యూనివర్స్ ఐశ్వర్యరాయ్‌తో కలిసి నటించాలనుందని ప్రముఖ హాలీవుడ్ నటుడు విల్‌స్మిత్ అన్నాడు. ఢిల్లీలో నిర్వహించిన ఓ కార్యక్రమానికి హాజరైన విల్‌స్మిత్ మాట్లాడుతూ., ఐశ్‌తో నటించాలనుందన్న విషయాన్ని బయటపెట్టారు. ‘‘పదిహేనేళ్ల క్రితమే ఐశ్వర్య రాయ్‌ను కలిశాను. మేం కలిసినప్పుడల్లా ఏదన్నా సినిమాలో నటించే విషయం గురించే మాట్లాడుకుంటాం. అయితే అది జరగలేదు. ఎప్పటికైనా ఆమెతో కలిసి నటిస్తా. అలాగే చనిపోయేలోపు ఓ బాలీవుడ్ పాటలో నటించాలని కూడా ఉంది’’ అంటూ విల్‌స్మిత్ చెప్పుకొచ్చారు.

ఇక ప్రస్తుతం బాక్సింగ్ చాంపియన్ మహమ్మద్ అలీ బయోపిక్‌లో విల్‌స్మిత్ నటిస్తుండగా దాని గురించి మాట్లాడుతూ.. ‘‘ఈ సినిమా నా జీవితాన్నే మార్చేసింది. అలీ రింగ్‌లో బాక్సింగ్ చేస్తున్నప్పుడు నేను ప్రేక్షకుల మధ్యలో కూర్చొని చూసేవాడని. అలాంటింది ఆయన పాత్రలో నటిస్తానని ఎప్పుడూ అనుకోలేదు’’ అంటూ చెప్పారు. ఇక ఈ కార్యక్రమంలో బాలీవుడ్ నటుడు ఫర్హాన్ అక్తర్‌ కూడా పాల్గొనగా విల్‌స్మిత్ చేత బాంగ్రా స్టెప్పులు వేయించారు.





Related News