చిరునవ్వే తన బలం

లాక్‌డౌన్‌ సమయాన్ని మహేష్‌బాబు కుటుంబ సభ్యులతో గడుపుతున్నారు. ఈ సందర్భంగా ఆయన సతీమణి నమ్రతా శిరోద్కర్‌ ఇన్‌స్టాగ్రామ్‌లో ఓ పోస్ట్‌ పెట్టింది. ఇందులో మహేష్‌బాబు ఏదో మాటలతో ఫ్యామిలీ మెంబర్స్‌ను నవ్విస్తూ కనిపిస్తున్నారు. ఈ పోస్ట్‌కు నమత్రా ఆసక్తికరమైన వ్యాఖ్యను జోడించింది. 'ఇలాంటి సంక్షిష్ట పరిస్థితుల్లో తనదైన హాస్యంతో మా అందరి మోములపై చిరునవ్వులు పూయిస్తున్నారు మా శ్రీవారు. ఆయన సమక్షంలో మేమంతా సంతోషంగా ఉన్నాం' అని నమ్రతా పేర్కొంది. ఈ పోస్ట్‌ మహేష్‌ అభిమానుల్ని బాగా ఆకట్టుకుంటోంది.

పళ్ళు, కూరగాయాలు మీ ఇంటి వద్దకే 

జంటనగరాల్లో 254 మొబైల్ రైతుబజార్లు, 504 ప్రాంతాల్లో కూరగాయల పంపిణీ
మన తెలంగాణ/హైదరాబాద్: జంట నగరాల్లో 254 మొబైల్ రైతుబజార్ల ద్వారా అధికారులు కూరగాయలను పంపిణీ చేస్తున్నారు. హైదరాబాద్, సికింద్రాబాద్‌లలోని 504 ప్రాంతాలలో ప్రజలకు ఈ సేవలను అందిస్తున్నామన్నారు. కూరగాయలు కావల్సిన కాలనీలు, అపార్టుమెంటు వాసులు, మొబైల్ రైతుబజార్లు నిర్వహించాలనే యువకులు ,ఉత్సాహవంతులు 7330733212నంబర్‌కు వాట్సప్ లేదా ఫోన్ ద్వారా సంప్రదించాలని అధికారులు కోరారు.

మారుతితో రామ్ 

ప్రతిరోజు పండగ  సక్సెస్ తరువాత మారుతీ చేయబోయే ప్రాజెక్ట్ ఇంతవరకు తెలియరాలేదు. అయితే ప్రతిరోజు పండగ నిర్మాతలతోనే మారుతీ తదుపరి చిత్రం కూడా చేస్తున్నట్టు తెలుస్తోంది. ఈ చిత్రంలో హీరోగా రామ్ నటించబోతున్నట్టు సమాచారం. రామ్‌ ఇమేజ్‌ను దృష్టిలో పెట్టుకొని కుటుంబ విలువలకు వినోదాన్ని జోడిస్తూ ప్రస్తుతం మారుతి ఓ కథను సిద్ధం చేశాడంట. జీఏ-2 సంస్థతో కలసి బన్నీ వాస్ ఈ చిత్రాన్ని నిర్మించనున్నట్లు తెలిసింది. జూన్‌లో సినిమా సెట్స్‌పైకిరానుందని చెబుతున్నారు.

శ్రీరామనవమికి ఆచార్య ఫస్ట్ లుక్ 

చిరు, కొరటాల కాంబినేషన్ లో రాంచరణ్ నిర్మాతగా, కొణిదెల ప్రొడక్షన్ బ్యానర్ లో తెరకెక్కుతున్న చిత్రం ఆచార్య. ఈ చిత్రానికి సంబంధించి ప్రతీ విషయం ఒక హాట్ టాపిక్ గానే ఉంటుంది, త్రిష, అనుష్క ఇప్పటికే ఈ సినిమా నుండి తప్పుకున్నారు. ఫైనల్ గా కాజల్ ఈ సినిమాలో నటిస్తున్నట్టు ప్రకటించింది. ఇక ఈ సినిమాలో మహేష్ బాబు ఒక ముఖ్య పాత్రలో నటించబోతున్నట్టు చిరంజీవి, కొరటాల కలిసి అనౌన్స్ చేశారు. కానీ మహేష్ కూడా చిరంజీవి చిత్రంలో నటించేందుకు ఆసక్తి చూపించలేదు. చివరికి చిరు తనయుడు, ఈ చిత్ర నిర్మాత అయినా రాంచరణ్ ఆ పాత్రలో నటిస్తున్నాడు.

ఉప్పెన లో విజయ్ సేతుపతి లుక్ 

మరో మెగా మేనల్లుడు వైష్ణవ్ తేజ్ హీరోగా పరిచయమవుతున్న సినిమా 'ఉప్పెన'. కృతి శెట్టి హీరోయిన్ గా నటిస్తున్న ఈ చిత్రానికి బుచ్చిబాబు సనా దర్శకత్వం వహిస్తున్నాడు. అనుకున్న ప్రకారం ఏప్రిల్ 2న ప్రేక్షకుల ముందుకు రావాల్సిన ఈ చిత్రం కరోనా వైరస్ కారణంగా వాయిదా పడింది.
ఇక ఈ చిత్రం నుంచి తాజాగా తమిళ స్టార్ హీరో, మక్కల్ సెల్వన్ విజయ్ సేతుపతి లుక్ ను విడుదల చేశారు. విజయ్ సేతుపతి మాస్ విలన్ లుక్, ఫ్యాన్స్ ను విపరీతంగా ఆకర్షిస్తోంది. ఈ చిత్రానికి దేవిశ్రీప్రసాద్ సంగీతం అందిస్తున్నాడు.

క‌రోనా వైర‌స్.. లైవ్ అప్‌డేట్స్..!

* ప్రపంచవ్యాప్తంగా కరోనా వైరస్ సోకన వారి సంఖ్య 8,00,000 దాట‌గా.. ఇప్ప‌టి వ‌ర‌కు 37,878 మంది చనిపోయారు. అగ్ర‌దేశ‌మైన‌ అమెరికాలో ఇప్ప‌టి వ‌ర‌కు 1,64,610 మందికి వైరస్ సోకింది. 

* ఇటలీలో కరోనా వైరస్ సోకిన వారి సంఖ్య 1,01,739 . అక్క‌డ ఇప్ప‌టి వ‌ర‌కు 11,591 మంది వైరస్ బారిన పడి చనిపోయారు. 

*  స్పెయిన్‌లో క‌రోనా వైర‌స్ సోకిన వారి సంఖ్య 94,417కు చేరుకుంది. ఇప్ప‌టి వ‌రుకు క‌రోనా కార‌ణంగా 8,189 మంది మృతి చెంద‌గా.. ఒకే రోజు 849 మంది మ‌ర‌ణించారు.

ఆంధ్ర‌ప్ర‌దేశ్‌లో మ‌రో నాలుగు.. క‌రోనా పాజిటివ్ కేసులు..!

ఆంధ్ర‌ప్ర‌దేశ్‌లో క‌రోనా వైర‌స్ ప్ర‌భావం త‌క్కువేన‌ని అనుకుంటున్న క్ర‌మంలో, మంగ‌ళ‌వారం ఒక్క‌రోజే 17 క‌రోనా పాజిటివ్ కేసులు న‌మోదవ‌డంతో రాష్ట్రం మొత్తం ఒక్క‌సారిగి ఉలిక్కిప‌డింది. ఢిల్లీ నిజాముద్దీన్ ప్రాంతంలో మ‌ర్క‌జ్ మ‌సీదులో జ‌రిగిని మ‌త ప్రార్ధ‌న‌ల‌కు వెళ్ళి వ‌చ్చిన వాళ్ళ‌లోనే ఎక్కువ మందికి క‌రోనా వైర‌స్ సోక‌డంతో రాష్ట్రంలో క‌రోనా కేసులు ఒక్క‌సారిగా పెరిగాయి. 
దీంతో ఉద‌యం వైద్య,ఆరోగ్య అధికారులు విడుద‌ల చేసిన బులెటిన్ ప్ర‌కారం ఆంధ్ర‌ప్ర‌దేశ్‌లో మొత్తం క‌రోనా కేసుల సంఖ్య 40కి చేరుకుంది.

తమిళనాడులో కూడా.. క‌రోనా చిచ్చు పెట్టిన‌.. ఢిల్లీ మ‌త స‌భ‌..! 

మ‌న దేశంలో క‌రోనా వైర‌స్ ప్ర‌భావం త‌క్కువ ఉన్న రాష్ట్రాల్లో త‌మిళ‌నాడు ఒక‌టి. అది నిన్న‌టి మాట మాత్రమే.. ఎందుకంటే ఇవాళ ఒక్క‌రోజే త‌మిళ రాష్ట్రంలో 57 క‌రోనా పాజిటివ్ కేసులు న‌మోద‌య్యాయి. దీంతో అక్క‌డ మొత్తం క‌రోనా కేసుల సంఖ్య‌ల 124కి చేరుకుంది. అయితే త‌మిళనాడులో ఒక్క‌సారి భారీగా కరోనా కేసులు న‌మోద‌వ‌డానికి కార‌ణం ఢిల్లీ నిజాముద్దీన్ మ‌త స‌భే కార‌ణం అంటున్నారు. 

క‌రోనా కేసుల సంఖ్య‌.. సెంచ‌రీకి చేరువ‌గా తెలంగాణ‌..!

క‌రోనా వైర‌స్ నివార‌ణ‌కు తెలంగాణ ప్ర‌భుత్వం అన్ని రాకాలుగా చ‌ర్య‌లు తీసుకుంటున్నా, క‌రోనా పాజిటివ్ కేసులు మాత్రం పెరుగుతూనే ఉన్నాయి. ఈ క్ర‌మంలో తెలంగాణలో కరనా వైరస్ బాధితుల సంఖ్య సెంచ‌రీకి చేరువ అవుతోంది. ఢిల్లీ మ‌త స‌భ తెలుగు రాష్ట్రాల్లో క‌రోనా చిచ్చు పెట్టిన సంగ‌తి తెలిసిందే. ఈ క్ర‌మంలో తెలంగాణ‌లో ఈరోజు 15 కొత్త క‌రోనా కేసులు న‌మోద‌య్యాయి. అయితే ఢిల్లీలో మ‌ర్క‌జ్ మ‌త ప్రార్ధ‌న‌ల‌కు వెళ్ళొచ్చిన వారిలో ఎక్కువ మందికి క‌రోనా వైర‌స్ సోక‌డంతో తెలంగాణ‌లో క‌రోనా కేసుల సంఖ్య అమాంతం పెరిగింది. దీంతో తాజాగా తెలంగాణ‌లో క‌రోనా వైర‌స్ పాజిటివ్ కేసుల సంఖ్య 97కు చేరుకుంది.

బాబు అండ్ బ్ర‌ద‌ర్స్ : అచ్చ‌మైన క‌రోనా రాజ‌కీయాలు..!

ఒక‌వైపు క‌రోనా విప‌త్తుతో జ‌నాలు నానా అవ‌స్థ‌లు ప‌డుతుంటే, చంద్ర‌బాబు అండ్ టీడీపీ త‌మ్ముళ్ళు మాత్రం రాజ‌కీయంగా ల‌బ్ధి పొంద‌డానికే ప్ర‌య‌త్నిస్తున్నారు. ఈ క్ర‌మంలో ఇప్ప‌టికే జ‌గ‌న్ స‌ర్కార్ పై రాద్ధాంతం మొద‌లు పెట్టింది టీడీపీ. ఏపీలో కరోనా కార‌ణంగా ఒక్క‌రు మ‌ర‌ణించినా జ‌గ‌న్ స‌ర్కార్‌ని బ‌ద‌నాం చేయ‌డానికి టీడీపీ నేత‌లు కాచుకొని కూర్చున్నారు.