tollywood

న్యూ లుక్‌లో నారా రోహిత్

Updated By ManamSat, 06/16/2018 - 12:37

నారా రోహిత్‌, కృతిక , నీలమ్‌ ఉపాధ్యాయ హీరో హీరోయిన్లుగా  శ్రీ శంఖు చక్ర ఫిలింస్‌ పతాకంపై కార్తికేయను దర్శకుడుగా పరిచయం చేస్తూ కోటి తూముల  నిర్మిస్తోన్న ప్రొడక్షన్‌ నెం`2 చిత్రం   షూటింగ్‌ పూర్తి చేసుకుని, ప్రస్తుతం పోస్ట్‌ ప్రొడక్షన్‌ పనులు  జరుపుకుంటోంది.

ఈ సందర్భంగా నిర్మాత కోటి తూముల మాట్లాడుతూ...‘ఇటీవల  చిత్ర ప్రధాన తారాగణం నాగబాబు, షాయాజీ షిండే, రోహిణి, రఘుబాబు, పోసాని, ఆలీ, కాశీవిశ్వనాథ్‌, పింకీ, ప్రభాస్‌ శ్రీను, సత్యం రాజేష్‌, సుమన్‌ శెట్టి, మహాజన్‌ తదితరులు  పాల్గొనగా పతాక  సన్నివేశాలు చిత్రీకరించడం జరిగింది. టర్కీలో రెండు పాటలు  గ్రాండ్‌గా పిక్చరైజ్‌ చేశాం. లవ్‌ అండ్‌ ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో నారా రోహిత్‌ న్యూ లుక్‌లో కనిపించనున్నారు. 

Nara Rohit

 డైరెక్టర్ చెప్పిన దానికన్నా చాలా బాగా సినిమా తీశారు. అలాగే అనూప్ రూబెన్స్  మ్యూజిక్ సినిమాకు స్పెషల్ ఎట్రాక్షన్ కానుంది.  స్టోరీ కి తగ్గట్టుగా ఎక్కడ రాజీ పడకుండా నిర్మించాము. నారా రోహిత్  కెరీర్ లోనే బెస్ట్ మూవీ గా నిలుస్తుంది. సీనియర్ ఆర్టిస్ట్స్ అందరూ  చాలా కోపరేట్ చేసారు.  ప్రస్తుతం  పోస్ట్‌ ప్రొడక్షన్‌ పనులు  ప్రారంభమయ్యాయి’ అన్నారు.

నాగబాబు, రోహిణి, పోసాని, కాశీవిశ్వనాథ్‌, రఘుబాబు, అలీ, షాయాజీ షిండే, సత్యం రాజేష్‌, ప్రభాస్‌ శ్రీను, సుమన్‌ శెట్టి, పింకీ తదితరులు నటిస్తోన్న ఈ చిత్రానికి కెమెరా:శివేంద్ర, సంగీతం: అనూప్‌రూబెన్స్‌, ఎడిటింగ్‌: ఎమ్‌ఆర్‌ వర్మ,  నిర్మాత: కోటి తూముల,  కథ-స్క్రీన్‌ప్లే-దర్శకత్వం:కార్తికేయ.



దాగుడుమూతల దండాకోర్!

Updated By ManamFri, 06/15/2018 - 01:45

imageపల్లెటూరయినా, పట్టణమైనా... ఎక్కడ పుట్టిన పిల్లలకైనా తెలిసిన ఆట దాగుడుమూతలు. చుట్టూ ఉన్న కొద్దిమందితోనే దాగుడుమూతలు ఆడొచ్చు. ఆ ఆటంటే చిన్న పిల్లలకే కాదు... హీరోయిన్లకు కూడా ఇష్టముంటుంది. అందులోనూ రాశీఖన్నాకైతే ఆ ఆట మరింత ఇష్టం. అందుకే ఆమె ఇప్పటికీ అప్పుడప్పుడూ ఆ ఆటను ఆడుతుంటారు. అయితే కాసింత మార్పుతో. చుట్టూ ఉన్న ఫ్రెండ్స్ తో కాకుండా, ఆడియన్స్ తో. ఆడియన్స్తో రాశీఖన్నా ఎందుకు దాగుడుమూతలు ఆడాలి? అసలు అలా ఆడాల్సిన అవసరం ఆమెకు ఏముంది? అనేగా మీ అనుమానం. ఇంతకీ రాశీఖన్నా దాగుడుమూతలు ఆడుతున్నది సరదాగానే అట.

ఈ విషయం గురించి రాశీఖన్నా మాట్లాడుతూ ‘‘నిజంగానే నేను ఆడియన్స్‌తో దాగుడుమూతలు ఆడుతాను. చాలా సందర్భాల్లో తెలుగు సినిమాలను థియేటర్లలో చూడాలనుకుంటాను. అలా చూడాలనుకున్నప్పుడు బుర్ఖా వేసుకుని థియేటర్లకు వెళ్తాను. మల్టీప్లెక్స్‌లనే కాదు, సింగిల్ స్క్రీన్స్‌లోనూ వెళ్లి చూస్తాను. ప్రేక్షకులు  ఏసీన్‌కి ఎలా స్పందిస్తున్నారో గమనిస్తుంటాను. అందరి మధ్య కూర్చుని సినిమాలు చూడటంలో ఉన్న మజా వేరు. సో నేను హీరోయిన్ అయ్యాక ఆడుతున్న దాగుడుమూతలు ఇవన్నమాట’’ అని నవ్వుతూ చెప్పింది రాశీ.



‘గ్యాంగ్ లీడర్’ రామ్‌చరణ్?

Updated By ManamWed, 06/13/2018 - 23:50

imageహీరో చిరంజీవి నటించిన సినిమాల్లో ఘనవిజయం సాధించినవి ఎన్నో ఉన్నప్పటికీ ‘గ్యాంగ్‌లీడర్’ చిత్రానికి ఓ ప్రత్యేక స్థానం ఉంది. చిరంజీవికి మాస్ హీరో ఇమేజ్‌ని మరింత పెంచిన సినిమా ఇది. కమర్షియల్‌గా మంచి విజయం సాధించిన ఈ సినిమాని రామ్‌చరణ్‌తో రీమేక్ చెయ్యనున్నారన్న వార్త గత కొన్ని సంవత్సరాలుగా వినిపిస్తోంది. రామ్‌చరణ్‌ను గ్యాంగ్‌లీడర్‌గా చూడాలనుకుంటున్నామని సోషల్ మీడియాలో చిరంజీవి అభిమానులు పలుమార్లు వెల్లడించారు.

ఈ నేపథ్యంలో ఇటీవల జరిగిన ‘తేజ్ ఐలవ్‌యు’ ఆడియో ఫంక్షన్‌లో చిరంజీవి మాట్లాడుతూ క్రియేటివ్ కమర్షియల్స్ బేనర్‌లో రామ్‌చరణ్ సినిమా ఉంటుందని చూచాయగా చెప్పారు. దీంతో అది ‘గ్యాంగ్ లీడర్’ రీమేకేనన్న ప్రచారం జరుగుతోంది. ఇప్పటి ట్రెండ్‌కి తగ్గట్టు కొన్ని మార్పులు చేసి ఈ చిత్రాన్ని నిర్మించే ఆలోచనలో కె.ఎస్.రామారావు ఉన్నట్టు తెలుస్తోంది. రాజమౌళి దర్శకత్వంలో రూపొందే మల్టీస్టారర్ తర్వాత చరణ్ ‘గ్యాంగ్ లీడర్’ రీమేక్ చేసే అవకాశం ఉందని సమాచారం. 



కొత్తగా కనిపిస్తాను

Updated By ManamMon, 06/11/2018 - 23:35

imageఅందాల భామ అను ఇమ్మానుయేుల్ ప్రస్తుతం నాగచైతన్యతో కలిసి ‘శైలజారెడ్డి అల్లుడు’ చిత్రంలో నటిస్తోంది. మారుతి దర్శకత్వంలో రూపొందుతున్న ఈ చిత్రం ప్రస్తుతం చిత్రీకరణ దశలో ఉంది. ఇప్పటివరకు చేసిన సినిమాల్లో చెయ్యని ఓ విభిన్నమైన పాత్ర పోషిస్తున్నానని చెప్తోంది అను. ఈ సినిమాలో తను ఈగోయిస్ట్‌గా కనిపిస్తానని, ప్రేక్షకులకు ఈ క్యారెక్టర్ చాలా కొత్త అనిపిస్తుందంటోంది. అలాగే సీనియర్ హీరోయిన్ రమ్యకృష్ణతో కలిసి ఈ సినిమాలో నటించడం తనకు కొత్త అనుభూతినిచ్చిందని ఎంతో ఆనందంగా చెబుతోంది అను. 



జూన్ 29న ‘సూపర్ స్కెచ్’

Updated By ManamMon, 06/11/2018 - 23:30

imageజస్టిస్ ఈజ్ ఇన్ యాక్షన్ అనే కాన్సెప్ట్‌తో తెరకెక్కిన చిత్రం ‘సూపర్ స్కెచ్’. మైండ్ గేమ్ అనే  పాయింట్‌ను హైలైట్ చేస్తూ సస్పెన్స్ థ్రిల్లర్‌గా తెరకెక్కింది. రవి చావలి ఈ చిత్రానికి దర్శకత్వం వహించారు. నర్సింగ్, ఇంద్ర, సమీర్‌దత్, కార్తీక్, చక్రి మాగంటి, అనిక, సుభాంగీ, విదేశీ నటులు సోఫియా, గ్యారీ టాన్ టోనీ తదితరులు ఇందులో కీలక పాత్రలు పోషించారు. యు అండ్ ఐ ఫ్రెండ్స్ ఫిల్మ్ అకాడమీ సహకారంతో శ్రీశుక్ర క్రియేషన్స్ ప్రొడక్షన్స్‌పై బలరామ్ మక్కల నిర్మిస్తున్నారు. ఆయన మాట్లాడుతూ ‘‘మంచి కాన్సెప్ట్‌తో తెరకెక్కిన చిత్రమిది. ‘సూపర్ స్కెచ్’ అనే టైటిల్ కథకు చక్కగా సరిపోతుంది. ఈ చిత్రం తొలి కాపీ సిద్ధమైంది. రవి చావలి దర్శకత్వంలో మరో హిట్ చిత్రం ఖాయం. ఈ నెల 29న చిత్రాన్ని విడుదల చేయబోతున్నాం’’ అన్నారు. ఈ చిత్రానికి సురేందర్ రెడ్డి ఛాయాగ్రహణం, జునైద్ ఎడిటింగ్, కార్తీక్ కొడకండ్ల సంగీతం అందించారు.  సుభాష్, నారాయణ్, ఇంజపూరి, ప్రియాంక సాహిత్యం సమకూర్చారు. 



మరీ అంత పిరికిదాన్ని కాదు

Updated By ManamWed, 06/06/2018 - 22:25

imageప్రస్తుతం మనకున్న హీరోయిన్లలో ఎక్కువ ప్రత్యేకతలు ఉన్నది శ్రుతిహాసన్‌కి మాత్రమే. ఎందుకంటే ఆమె నటించగలదు, పాడగలదు, మ్యూజిక్ కంపోజ్ చెయ్యగలదు. అంతేకాదు అనర్గళంగా ఎనిమిది భాషలు మాట్లాడగలదు. అంతేకాదు రాయగలదు కూడా. నటనను తండ్రి కమల్ హాసన్ నుంచి వారసత్వంగా తీసుకున్న శ్రుతి దక్షిణాదిలోనే కాదు బాలీవుడ్‌లోనూ తనను తాను ప్రూవ్ చేసుకుంది. అయితే ఇప్పుడామెకు అవకాశాలు ఆశించినంతగా రావడం లేదు. దీనికి కారణం వయసు 30 దాటిపోవడమేనా?

ఇదే విషయాన్ని ఆమె దగ్గర ప్రస్తావించినపుడు ‘‘నటనకు వయసు అనేది ప్రధానం కాదు. నలభై సంవత్సరాలు దాటిపోయిన హీరోలు కూడా పుస్తకాలు పట్టుకొని స్టూడెంట్‌లా నటిస్తుంటే ఆ సినిమాలు ప్రేక్షకులు చూస్తున్నారు, ఆదరిస్తున్నారు. అలాగే 50 సంవత్సరాలు పైబడినవారు హీరోలుగా ఛలామణి అవుతున్నారు. హీరోయిన్ల విషయానికి వచ్చేసరికి అందరి ఆలోచన ఎందుకలా మారిపోతుందో అర్థం కాదు. నటన ఎవరికైనా ఒకటే. నచ్చకపోతే కుర్ర హీరోయిన్లనైనా తిప్పి కొడతారు ప్రేక్షకులు. నా విషయానికి వస్తే వయసు పెరిగింది కాబట్టి అవకాశాలు రావడం లేదన్నది కరెక్ట్ కాదు. అవకాశాలు రాకపోతే భయపడిపోయేంత పిరికిదాన్ని కాదు నేను. ప్రస్తుతం తెలుగులో ఒకటి, హిందీలో ఒక సినిమా చేస్తున్నాను. మరికొన్ని సినిమాలు కమిట్ అవ్వాల్సి ఉంది’’ అని చెప్తోంది శ్రుతి.



దటీజ్ మహాలక్ష్మి

Updated By ManamMon, 06/04/2018 - 00:59

image‘బాహుబలి’ తర్వాత సినిమాల ఎంపిక అచితూచి వ్యవహరిస్తుంది మిల్కీ బ్యూటీ తమన్నా. నచ్చిన స్క్రిప్ట్స్‌నే ఎంపిక చేసుకుని ముందుకు సాగుతుంది. అందులో బాలీవుడ్ చిత్రం ‘క్వీన్’ తెలుగు రీమేక్ కూడా ఉంది. ‘క్వీన్’ రీమేక్‌ను దక్షిణాదిన తెలుగుతో పాటు తమిళం, మలయాళం, కన్నడ భాషల్లో కూడా చేస్తున్నారు. టైటిల్ పాత్ర విషయానికి వస్తే  తమిళంలో కాజల్ అగర్వాల్, మలయాళంలో మంజిమ మోహన్, కన్నడంలో పారుల్ యాదవ్ నటిస్తుండగా.. తెలుగులో తమన్నా చేస్తుంది. తెలుగు మినహా మిగిలిన అన్ని వెర్షన్స్ షూటింగ్ పూర్తయినట్లే. ఇప్పుడు తెలుగు వెర్షన్‌ను ‘అ!’ దర్శకుడు ప్రశాంత్ వర్మ తెరకెక్కిస్తున్నారు. ముందుగా తెలుగులో ఈ చిత్రానికి ‘క్వీన్’ అనే టైటిల్‌నే అనుకున్నారు. కానీ తాజా సమాచారం ప్రకారం టైటిల్ మారుస్తున్నారు. ‘దటీజ్ మహాలక్ష్మి’ అనే టైటిల్ పరిశీలనలో ఉందని టాక్. త్వరలోనే ఈ విషయం ఓ క్లారిటీ రానుంది.



ముద్ర ఫస్ట్‌లుక్

Updated By ManamSat, 06/02/2018 - 21:15

imageనిఖిల్ నటిస్తోన్న కొత్త సినిమా ‘ముద్ర’. ఠాగూర్ మధు సమర్పిస్తున్న ఈ సినిమాను ఆరా సినిమాస్ ప్రైవేట్ లిమిటెడ్, మూవీ డైనమిక్స్ ఎల్.ఎల్.పి. బ్యానర్‌లపై కవియా వేణుగోపాల్, రాజ్‌కుమార్ సంయుక్తంగా నిర్మిస్తున్నారు. నిఖిల్ పుట్టినరోజు సందర్భంగా ‘ముద్ర’ ఫస్ట్ లుక్‌ను విడుదల చేశారు. నిఖిల్ ఈ చిత్రంలో రిపోర్టర్ పాత్రలో కనిపించబోతున్నారు. ఫస్ట్‌లుక్‌లో నిఖిల్ తన చేతిలో కెమెరాతో కనిపించారు. జర్నలిజంలో జరిగే కొన్ని వాస్తవ సంఘటనల ఆధారంగా ఈ సినిమా చిత్రీకరించడం జరుగుతోంది. టి.ఎన్. సంతోష్ దర్శకత్వం వహిస్తోన్న ఈ సినిమాలో నిఖిల్ సరసన లావణ్య త్రిపాఠి హీరోయిన్‌గా నటిస్తోంది. ప్రస్తుతం ఈ చిత్రం నిర్మాణ దశలో ఉంది.  



వెంకీతో నాలుగోసారి...

Updated By ManamSun, 05/27/2018 - 22:13

imageవెంకటేశ్, నాగచైతన్య కాంబినేషన్‌లో మల్టీస్టారర్ రూపొందనుంది. బాబీ ఈ చిత్రాన్ని తెరకెక్కిం చనున్నారు. లేటెస్ట్ సమాచారం ప్రకారం ఈ సినిమాలో వెంకటేశ్ జోడిగా నయనతార నటిస్తుంది. గతంలో వీరిద్దరి కాంబినేషన్‌లో లక్ష్మీ, తులసి, బాబు బంగారం చిత్రాలు విడుదలయ్యాయి. అన్ని అనుకున్నట్లు కుదిరితే వీరి కాంబినేషన్‌లో నాలుగోసారి రిపీట్ అవుతుంది. నిజ జీవితంలోలాగానే వెంకీ, చైతు మామ, అల్లుడు పాత్రల్లో కనిపించబోతున్నారట.ప్రస్తుతం సినిమాకు సంబంధించిన ప్రీ ప్రొడక్షన్ పనులు జరుగుతున్నాయి.  జూన్‌లో ఈ సినిమా ప్రారంభం అవుతుంది.



మాస్+క్లాస్= నేలటిక్కెట్టు

Updated By ManamThu, 05/24/2018 - 22:30

imageరవితేజ, మాళవికా శర్మ జంటగా నటించిన చిత్రం ‘నేల టిక్కెట్టు’. కల్యాణ్ కృష్ణ కురసాల దర్శకుడు. రామ్ తాళ్లూరి నిర్మాత. ఈ శుక్రవారం సినిమా విడుదలవుతుంది. ఈ సందర్భంగా గురువారం జరిగిన పాత్రికేయుల సమావేశంలో నిర్మాత రామ్ తాళ్లూరి మాట్లాడుతూ ‘‘క్లాస్, మాస్ కాంబినేషన్‌లో రూపొందిన ఫ్యామిలీ ఎమోషన్ మూవీ ఇది. రవితేజగారు లేకుంటే సినిమా ఇంత ఫాస్ట్‌గా పూర్తయ్యేది కాదు. ఈ సినిమా సమయంలో ఆయనతో మంచి అనుబంధం ఏర్పడింది. ఈ ఏడాది సెప్టెంబర్ నుండి రవితేజగారితో మరో సినిమా చేయబోతున్నాను. డైరెక్టర్ కల్యాణ్ కృష్ణగారు ఈ సినిమా కోసం ఎంతో హార్డ్ వర్క్ చేశారు’’ అన్నారు. కల్యాణ్ కృష్ణ మాట్లాడుతూ ‘‘సినిమా అనే సౌండ్ అర్థమయ్యే ఏజ్ నుండి ముసలి వారి వరకు ఈ సినిమాను ఎంజాయ్ చేస్తారు. సినిమాపై వందశాతం నమ్మకం ఉంది. సినిమాలో హండ్రెడ్ పర్సెంట్ ఎంటైర్‌టైన్ మెంట్ ఉంటుంది. దీంతో పాటు మనకు తెలిసిన విషయాలను.. మరచిపోయే విషయాలను గుర్తుకు తెచ్చే సినిమా ఇది’’ అన్నారు. హీరోయిన్ మాళవికా శర్మ మాట్లాడుతూ ‘‘ఇందులో మెడికల్ స్టూడెంట్ పాత్రలో కనపడతాను. టామ్‌బాయ్ లాంటి క్యారెక్టర్. రవితేజగారితో కంఫర్ట్‌గా నటించాను. ఆయన దగ్గర నుండి చాలా విషయాలను నేర్చుకున్నాను’’ అన్నారు. 





Related News