ఇండస్‌ఇండ్‌కు భారీ లాభాలు

Indusind Bank

న్యూఢిల్లీ: ఇండస్‌ఇండ్ బ్యాంక్ నికర వడ్డీ ఆదాయం రూ.2,287 కోట్లుగా నమోదయ్యింది. అయితే ఈ ఆదాయం మాత్రం మార్కెట్ అంచనాలకు దిగువునే ఉంది. మార్కెట్ వర్గాలు రూ.2,330 కోట్ల ఆదాయాన్ని అంచనా వేశాయి. ప్రైవేట్ రంగ ఇండస్‌ఇండ్ బ్యాంక్ బుధవారం ప్రస్తుత ఆర్థిక సంవత్సం మూడో త్రైమాసిక (అక్టోబర్-డిసెంబర్) ఆర్థిక ఫలితాలు వెల్లడించింది. కంపెనీ నికర లాభం 5.21 శాతం వృద్ధితో రూ.985 కోట్లకు పెరిగింది. ఐఎల్‌అం డ్‌ఎఫ్‌ఎస్ మొండి బకాయిల కేటాయింపుల భారం వల్ల నికర లాభం పరిమితంగానే నమోద య్యింది. బ్యాంక్ నికర లాభం మార్కెట్ అంచ నాలు మించింది. మార్కెట్ వర్గాలు ఇండస్‌ఇండ్ బ్యాంక్ నికర లాభం రూ.922 కోట్లుగా ఉండొచ్చని అంచనా వేశాయి. బ్యాంక్ గత ఆర్థిక సంవత్సరం ఇదే త్రైమాసికంలో రూ.936 కోట్ల నికర లాభాన్ని అర్జించింది. ఇండస్‌ఇండ్ బ్యాంక్ నికర వడ్డీ ఆదాయం రూ.2,287 కోట్లుగా నమో దయ్యింది. అయితే ఈ ఆదాయం మాత్రం మార్కెట్ అంచనాలకు దిగువునే ఉంది. మార్కెట్ వర్గాలు రూ.2,330 కోట్ల ఆదాయాన్ని అంచనా వేశాయి. బ్యాంక్ మొండి బాకాయిల కోసం డిసెంబర్ క్వార్టర్‌లో రూ.606 కోట్లను కేటాయిం చింది. సెప్టెంబర్ క్వార్టర్‌లో ఈ కేటాయింపులు రూ.590 కోట్లుగా ఉన్నాయి. మరోవైపు బ్యాంక్ రుణ నాణ్యత క్షీణించింది. స్థూల ఎన్‌పీఏలు 1.13 శాతంగా నమోదయ్యాయి. సెప్టెంబర్ క్వార్టర్‌లో ఇవి 1.09 శాతంగా ఉన్నాయి. అంటే స్వలంగా పెరిగాయి. నికర వడ్డీ మార్జిన్లు ప్రస్తుత డిసెంబర్ క్వార్టర్‌లో 3.83 శాతానికి తగ్గాయి. ఇవి సెప్టెంబర్ క్వార్టర్‌లో 3.84 శాతంగా, గత ఆర్థిక సంవత్సరం ఇదే త్రైమాసికంలో 3.99 శాతంగా ఉన్నాయి. ఇక క్యూ3లో డిపాజిట్లు వార్షికంగా చూస్తే 20 శాతం పెరిగాయి. ప్రొవిజన్ కవరేజ్ రేషియో త్రైమాసికం పరంగా 56 శాతం నుంచి 48 శాతానికి తగ్గింది.

సంబంధిత వార్తలు