‘సైరా’పై రత్నవేలు ట్వీట్

Updated By ManamMon, 10/15/2018 - 14:36
Sye Raa Narasimha Reddy

Sye Raa Narasimha Reddyమెగాస్టార్ చిరంజీవి నటిస్తున్న ప్రతిష్టాత్మక చిత్రం ‘సైరా నరసింహారెడ్డి’. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతున్న ఈ చిత్రానికి సురేందర్ రెడ్డి దర్శకత్వం వహిస్తున్నాడు. కొణిదెల ప్రొడక్షన్స్ పతాకంపై రామ్ చరణ్ నిర్మిస్తున్న ఈ చిత్ర షూటింగ్ ప్రస్తుతం జార్జియాలో జరుగుతోంది.

అక్కడ సినిమా క్లైమాక్స్ యుద్ధ సన్నివేశాన్ని తెరకెక్కిస్తున్నారు. ఈ విషయాన్ని సినిమాటోగ్రాఫర్ రత్నవేలు సోషల్ మీడియాలో తెలిపారు. జార్జియాలో నా టీంతో కలిసి సైరా భారీ క్లైమాక్స్ యుద్ధ సన్నివేశాన్ని తెరకెక్కిస్తున్నాం అని తెలిపాడు. కాగా ఈ చిత్రంలో అమితాబ్ బచ్చన్, జగపతి బాబు, నయనతార, విజయ్ సేతుపతి, సుదీప్, తమన్నా, నిహారిక తదితరులు కీలక పాత్రలలో కనిపిస్తుండగా.. అమిత్ త్రివేది సంగీతం అందిస్తున్నాడు. వచ్చే ఏడాది వేసవి కానుకగా ఈ చిత్రం ప్రేక్షకుల ముందుకు రానుంది.

 

English Title
Update on Chiranjeevi's Sye Raa Narasimha Reddy




Related News