భారత హాకీ మాజీ కెప్టెన్ సర్దార్ సింగ్ రిటైర్మెంట్..

Updated By ManamWed, 09/12/2018 - 20:29
India hockey, Former India hockey captain, Sardar Singh, Sardar Singh retirement

India hockey, Former India hockey captain, Sardar Singh, Sardar Singh retirementన్యూఢిల్లీ: భారత హాకీ మాజీ కెప్టెన్ సర్దార్ సింగ్ బుధవారం తన హాకీ క్రీడకు రిటైర్మెంట్‌  ప్రకటించాడు. గత 12ఏళ్లుగా ఎన్నో హాకీ టోర్నమెంట్‌లలో ఆడానని, ప్రస్తుతం యువ హాకీ క్రీడాకారులకు ఇది అనువైన సమయంగా పేర్కొన్నాడు. ఆసియా గేమ్స్ క్యాంపెయిన్‌లో భాగంగా జరిగిన టైటిల్ పోరులో భారత్ హాకీ జట్టు పరాజయం పాలై కాంస్యంతో సరిపెట్టుకుంది. దాంతో సర్దార్ తన హాకీ క్రీడకు వీడ్కోలు పలకాలని నిర్ణయించుకున్నట్టు తెలిపాడు. ‘‘చంఢీగఢ్‌లోని నా కుటుంబ సభ్యులు, స్నేహితులతో చర్చించాక హాకీ ఇండియా జట్టు నుంచి నిష్ర్కమించాల్సిందిగా నిర్ణయం తీసుకున్నాను. నాకు తెలిసి ఇదే సరైన సమయమని భావిస్తున్నాను’’ అని తెలిపాడు.

ఆస్తకికరమైన విషయం ఏమిటంటే.. జకార్తాలో ఆసియాన్ క్రీడలు జరుగుతున్న సమయంలో సర్దార్.. తాను ఇంకా హాకీని వదల్లేకపోతున్నానని, చివరిగా టోక్యోలో 2020 ఒలింపిక్స్‌లో ఆడాలనేది కోరికగా ఉన్నట్టు సర్దార్ తన మనసులోని అభిప్రాయాన్ని వెలిబుచ్చాడు. కానీ, అనుకోని పరిస్థితుల్లో సర్దార్ తాను రిటైర్మెంట్‌ ప్రకటించాల్సి వచ్చింది. ఈ నెల 16 నుంచి భువనేశ్వర్‌లో ప్రారంభం కానున్న జాతీయ క్యాంపుకు ఎంపికైన 25 సభ్యుల కోర్ గ్రూపు నుంచి బుధవారం సర్దార్‌ను తప్పించారు. సర్దార్ వయస్సు, ఆటతీరు ప్రదర్శనలో వేగం తగ్గినట్టు గుర్తించిన సెలెక్టర్లు అతన్ని తప్పించినట్టు కనిపిస్తోంది.  

English Title
Former India hockey captain Sardar Singh retires




Related News