యాసిర్ షా అరుదైన రికార్డు

yasir shah
  • కేవలం 33 టెస్టు మ్యాచ్‌ల్లోనే 200 వికెట్లు

అబుదాబి: టెస్టు క్రికెట్లో అత్యంత వేగంగా 200 వికెట్లు పడగొట్టిన బౌలర్‌గా పాకిస్థాన్ స్పిన్నర్ యాసిర్ షా అరుదైన ఘనత సాధించాడు. అబుదాబి వేదికగా న్యూజిలాండ్‌తో జరుగుతోన్న మూడో టెస్టు నాలుగో రోజు విలియం సోమర్‌విల్లేను ఔట్ చేయడం ద్వారా షా 82 ఏళ్ల రికార్డును బ్రేక్ చేశాడు. 1936లో ఆసీస్ లెగ్ స్పిన్నర్ క్లారీ గ్రిమ్మెట్ నెలకొల్పిన రికార్డ్‌ను ఈ పాకిస్థానీ స్పిన్నర్ బద్దలుకొట్టాడు. క్లారీ 36 మ్యాచ్‌ల్లో 200 వికెట్లు తీయగా.. షా కేవలం 33 మ్యాచ్‌ల్లోనే ఈ మైలురాయిని చేరుకోవడం విశేషం. ఈ రికార్డును బద్దలుకొట్టే అరుదైన ఛాన్స్‌ను అశ్విన్ చేజార్చుకున్నా డు. రెండేళ్ల క్రితం 200వ వికెట్ల క్లబ్‌లో చేరిన అశ్విన్.. 37 మ్యాచ్‌ల్లో ఈ ఫీట్ సాధించా డు. రెండో టెస్టు తొలి ఇన్నింగ్స్‌లో 8 వికెట్లు సహా ఆ టెస్టులో 14 వికెట్లు తీసిన యాసిర్ షా.. మూడు టెస్టు సిరీస్‌లో ఇప్పటికే 27 వికెట్లు పడగొట్టాడు. మరో నాలుగు వికెట్లు తీస్తే.. మూడు టెస్టుల సిరీస్‌లో అత్యధిక వికెట్లు తీసిన పాక్ బౌలర్‌గా అబ్దుల్ ఖాదిర్ (30 వికెట్లు) రికార్డ్‌ను యాసిర్ బ్రేక్ చేస్తాడు. వివాదాస్పద బౌలింగ్ యాక్షన్ కారణంగా టాప్ బౌలర్ సయ్యద్ అజ్మల్‌పై ఐసీసీ నిషేధం విధించడంతో.. అతడి స్థానంలో జట్టులోకి వచ్చిన యాసిర్ షా జట్టు విజయాల్లో కీలక పాత్ర పోషిస్తున్నాడు. 
 

Tags

సంబంధిత వార్తలు